Молитва пред вечерею и по вечери.

Вшедшу в трапезу глаголем:

Ядят убозии и насытятся, и восхвалят Господа взыскающии его, жива будут сердца их их в век века. Слава: и ныне. Господи помилуй, трижды. Благослови. И благословляет священник трапезу.

По ядении же глаголем:

Слава и ныне: Бысть чрево твое святая трапеза, имущая небеснаго хлеба, Христа Бога нашего, от негоже всяк ядый не умирает, якоже рече всех, Богородительнице, Питатель.

И посем: Честнейшую Херувим: Таже. Возвеселил ны еси, Господи, в творениих твоих, и в делех руку твоею возрадуемся, знаменася на нас свет лица твоего Господи, дал еси веселие в сердце моем, от плода пшеницы, вина и елеа своего умножишася, в мире вкупе усну, и почию, яко ты, Господи, единаго на упованиивселил мя еси.

Слава и ныне. Господи помилуй, трижды. Благослови.

Священник: С нами Бог своею благодатию и человеколюибем всегда: ныне, и присно, и во веки веков. Аминь.