Если есть оглашенные:
Помолитеся, оглашеннии Господеви.
Народ: Господи, помилуй.
Вернии, о оглашенных помолимся, да Господь помилует их.
Народ: Господи, помилуй.
Огласит их словом истины.
Народ: Господи, помилуй.
Открыет им Евангелие правды.
Народ: Господи, помилуй.
Соединит их Святей Своей Соборней и Апостольстей Церкви.
Народ: Господи, помилуй.
Спаси, помилуй, заступи и сохрани их, Боже, Твоею благодатию.
Народ: Господи, помилуй.
Оглашеннии, главы ваша Господеви приклоните.
Народ: Тебе Господи.
Господи Боже наш, Иже на высоких живый и на смиренныя призираяй, иже спасение роду человеческому низпославый единороднаго Сына Твоего и Бога Господа нашего Иисуса Христа, призри на рабы твоя оглашенныя, подклоньшыя Тебе своя выя, и сподоби я во время благополучное бани пакибытия, оставления грехов и одежди нетления, соедини их святей Твоей, соборней и апостольстей Церкви и сопричти их избранному Твоему стаду,
да и тии с нами славят пречестное и великолепое имя Твое: Отца, и Сына, и Святаго Духа ныне, и присно, и во веки веков.
Народ: Аминь.
Начиная со среды Крестопоклонной (четвертой) седмицы после возгласа: Да и тии с нами славят... полагаются особая ектения и молитва о готовящихся ко святому Просвещению (Крещению).
Елицы оглашеннии, изыдите; оглашеннии, нзыдите; елйцы ко Просвещению, изыдите (правильнее, с греч.: приступите); помолитеся, иже ко Просвещению.
Хор: Господи, помилуй.
Вернии, о иже ко святому Просвещению готввящихся братиях и спасении их, Господу помолимся.
Хор: Господи, помилуй.
Диакон: Яко да Господь Бог наш утвердит их и укрепит.
Хор: Господи, помилуй.
Диакон: Просветит их просвещением разума и благочестия.
Хор: Господи, помилуй.
Диакон: Сподобит их во время благопотребно бани пакибытия, оставления грехов и одежди нетления.
Хор: Господи, помилуй.
Диакон: Породит их водою и духом.
Хор: Господи, помилуй.
Диакон: Дарует им совершение веры.
Хор: Господи, помилуй.
Диакон: Сопричтет их святому Своему и избранному стаду
Хор: Господи, помилуй.
Диакон: Спаси, помилуй, заступи и сохрани их. Боже, Твоею благодатию.
Хор: Господи, помилуй.
Диакон: Иже ко Просвещению, главы вашя .Господеви приклоните.
Хор: Тебе, Господи.
Яви, Владыко, Лице Твое на йже ко святому Просвещению готовящихся желающих греховную скверну оттрясти: озари их помышление, извести я в вере, утверди в надежди, соверши в любви, уды честны Христа Твоего покажи, давшаго Себе избавление о душах наших яко Ты ecu Просвещение наше, и Тебе славу возсылаем, Отцу и Сыну, и Святому Духу, ныне и присно, и во веки веков.
Хор: Аминь.
Диакон: Елицы ко Просвещению, изыдите; иже ко Просвещению, изыдите; елицы оглашеннии, изыдите. Да никто от оглашенных, елицы вернии, паки и паки миром Господу помолимся.
Хор: Господи, помилуй.
("Даже до зде, яже от среды средопостныя" - Служебник, то есть: "здесь заканчиваются ектення и молитва о готовящихся ко Просвещению").