О святем Иоанне Пророце, Предтечи и Крестители, о святых и всехвальных апостолех, о святем (имя рек), егоже и память совершаем, и о всех святых Твоих, ихже молитвами посети нас, Боже. И помяни всех прежде усопших о надежди воскресения жизни вечныя.
О спасении, посещении, оставлении грехов рабов Божиих (имя рек).
О покои и оставлении душ раб Твоих (имя рек) на месте светле, отонудуже отбеже печаль и воздыхание, упокой, Боже наш, и покой их, идеже присещает свет лица Твоего.
Еще молим Ти ся, помяни, Господи, Святую Твою Соборную и Апостольскую Церковь, юже от конец даже до конец вселенныя, и умири ю, юже наздал еси Честною Кровию Христа Твоего, и святый храм сей утверди даже до скончания века. Помяни, Господи, иже Дары сия Тебе принесших, и о нихже, и имиже, и за нихже сия принесоша.
Помяни, Господи, плодоносящих и добротворящих во святых Твоих Церквах и поминающих убогия. Воздаждь им богатыми Твоими и небесными даровании, даруй им вместо земных небесная, вместо временных - вечная, вместо тленных - нетленная.
Помяни, Господи, иже в пустынех, и горах, и вертепех, и пропастех земных.
Помяни, Господи, иже в девстве, и благоговении, и постничестве, и в чистем жительстве пребывающих.
Помяни, Господи, всякое начало и власть, и иже в палате братию нашу, и все воинство. Даруй им глубокий и неотъемлемый мир, возглаголи в сердцах их благая о Церкви Твоей и всех людех Твоих, да в тишине их тихое и безмолвное житие поживем во всяком благочестии и чистоте. Благия во благости соблюди, лукавыя благи сотвори благостию Твоею.
Помяни, Господи, предстоящыя люди и ради благословных вин оставльшихся и помилуй их и нас, по множеству милости Твоея: сокровища их исполни всякаго блага: супружества их в мире и единомыслии соблюди: младенцы воспитай, юность настави, старость поддержи, малодушныя утеши, расточенныя собери, прельщенныя обрати и совокупи Святей Твоей Соборней и Апостольстей Церкви: стужаемыя от духов нечистых свободи, плавающым сплавай, путешествующым сшествуй, вдовицам предстани, сирых защити, плененныя избави, недугующыя исцели. На судищи, и в рудах, и в заточениих, и в горьких работах, и всякой скорби, и нужде, и обстоянии сущих помяни, Боже.
И всех требующих великаго Твоего благоутробия, и любящих нас, и ненавидищих, и заповедавших нам, недостойным, молитися о них, и вся люди Твоя помяни, Господи Боже наш, и на вся излей богатую Твою милость, всем подая яже ко спасению прошения. И их же мы не помянухом, неведением, или забвением, или множеством имен Сам помяни, Боже, ведый коегождо возраст и именование, ведый коегождо от утробы матере его. Ты бо еси, Господи, помощь безпомощным, надежда - безнадежным, обуреваемым - Спаситель, плавающым - пристанище, недугующым - Врач. Сам всем вся буди, ведый коегождо, и прошение его, дом, и потребу его. Избави, Господи, град сей (или: весь сию, или: святую обитель сию) и всякий град и страну от глада, губительства, труса, потопа, огня, меча, нашествия иноплеменных и междоусобныя брани.
В первых помяни, Господи, Великого Господина и Отца нашего (имярек) Папу Римского и Господина нашего высокопреосвященного митрополита (имярек), их же даруй Святым Твоим Церквам в мире, целых, честных, здравых, долгоденствующих, право правящих слово Твоея истины.
Народ: И всех и вся.
Помяни, Господи, всякое епископство православных, право правящих слово Твоея истины.
Помяни, Господи, по множеству щедрот Твоих и мое недостоинство, прости ми всякое согрешение, вольное же и невольное; и да не моих ради грехов возбраниши благодати Святаго Твоего Духа от предлежащих Даров.
Помяни, Господи, пресвитерство, еже во Христе диаконство и весь священнический чин, и ни единаго же нас посрамиши окрест стоящих святаго Твоего Жертвенника: посети нас благостию Твоею, Господи, явися нам богатыми Твоими щедротами: благорастворены и полезны воздухи нам даруй, дожди мирны земли ко плодоносию даруй, благослови венец лета благости Твоея, утоли раздоры Церквей, угаси шатания языческая, еретическая востания скоро разори силою Святаго Твоего Духа.
Всех нас приими в Царство Твое, сыны света и сыны дне показавый: Твой мир и Твою любовь даруй нам, Господи Боже наш, вся бо воздал еси нам, и даждь нам единеми усты и единем сердцем славити и воспевати пречестное и великолепое Имя Твое: Отца, и Сына, и Святаго Духа ныне, и присно, и во веки веков.
Народ: Аминь.
И да будут милости Великаго Бога и Спаса нашего Иисуса Христа со всеми вами.
Народ: И со духом твоим.
Вся святыя помянувше, паки и паки миром Господу помолимся.
О принесенных и освященных Честных Дарех Господу помолимся.
Яко да Человеколюбец Бог наш, приемь я во святый, и пренебесный, и мысленный Свой Жертвенник, в воню благоухания духовнаго, возниспослет нам Божественную благодать и дар Святаго Духа, помолимся.
О избавитися нам от всякия скорби, гнева и нужды Господу помолимся.
Заступи, спаси, помилуй и сохрани нас, Боже, Твоею благодатию.
Народ: Господи, помилуй.
Дне всего совершенна, свята, мирна и безгрешна у Господа просим.
Народ: Подай, Господи.
Ангела мирна, верна наставника, хранителя душ и телес наших у Господа просим.
Прощения и оставления грехов и прегрешений наших у Господа просим.
Добрых и полезных душам нашим и мира мирови у Господа просим.
Прочее время живота нашего в мире и покаянии скончати у Господа просим.
Христианския кончины живота нашего, безболезненны, непостыдны, мирны и добраго ответа на Страшнем судищи Христове просим.
Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.
Боже наш, Боже спасати, Ты нас научи благодарити Тя достойно о благодеяниих Твоих, их же сотворил еси и твориши с нами. Ты, Боже наш, приемый Дары сия, очисти нас от всякия скверны плоти и духа и научи совершати святыню в страсе Твоем, яко да, чистым свидетельством совести нашея приемлюще часть святынь Твоих, соединимся Святому Телу и Крови Христа Твоего, и приемше их достойне, имамы Христа живуща в сердцах наших, и будем храм Святаго Твоего Духа.
Ей, Боже наш, и да ни единаго же нас повинна сотвориши страшным Твоим Сим и Небесным Тайнам, ниже немощна душею и телом, от еже недостойне Сих причащатися. Но даждь нам, даже до последняго нашего издыхания, достойне приимати часть святынь Твоих, в напутие жизни вечныя, во ответ благоприятен, еже на Страшнем судищи Христа Твоего, яко да и мы со всеми святыми, от века Тебе благоугодившими, будем причастницы вечных Твоих благ, ихже уготовал еси любящым Тя, Господи,
и сподоби нас, Владыко, со дерзновением, неосужденно смети призывати Тебе, Небеснаго Бога, Отца, и глаголати:
Мир всем.
Народ: И духови твоему.
Главы ваша Господеви приклоните.
Народ: Тебе, Господи.
Владыко Господи, Отче щедрот и Боже всякаго утешения! Приклоньшыя Тебе своя главы благослови, освяти, соблюди, укрепи, утверди, от всякаго дела лукава отстави, всякому же делу благому сочетай и сподоби неосужденно причаститися пречистых Сих и животворящих Твоих Тайн, во оставление грехов, в Духа Святаго причастие
благодатию, и щедротами, и человеколюбием Единороднаго Сына Твоего, с Ним же благословен еси, со Пресвятым, и Благим, и Животворящим Твоим Духом ныне, и присно, и во веки веков.
Народ: Аминь.
Вонми, Господи Иисусе Христе, Боже наш, от святаго жилища Твоего и от престола славы царствия Твоего и прииди во еже освятити нас, иже горе со Отцем седяй и зде нам невидимо спребываяй, и сподоби державною Твоею рукою преподати нам пречистое Тело Твое и честную Кровь, и нами всем людем.
Боже, очисти мя, грешного, и помилуй мя.
Вонмем.
Вознося Агнец: Святая святым
Народ: Един Свят, един Господь Иисус Христос, во славу Бога Отца. Аминь. (В воскресенье:) Хвалите Господа с небес, хвалите Его в вышних.
Разламывая Святой Хлеб: Раздробляется и разделяется Агнец Божий, раздробляемый и неразделяемый, всегда ядомый и никогдаже иждиваемый, но причащающыяся освящаяй.
Опуская частицу «ИС» в Потир: Исполнение Духа Святаго. Аминь.
Благословляя теплоту: Благословенна теплота святых Твоих всегда: ныне, и присно, и во веки веков. Аминь.
Вливая теплоту: Теплота веры, исполнь Духа Святаго. Аминь.
После причащения: Воскресение Христово видевше
Светися, светися, Новый Иерусалиме! Слава бо Господня на тебе возсия. Ликуй ныне и веселися, Сионе! Ты же, Чистая, красуйся, Богородице, о востании Рождества Твоего.
О Пасха велия и священнейшая, Христе! О Мудросте, и Слове Божий, и Сило! Подавай нам истее Тебе причащатися в невечернем дни Царствия Твоего.
Опуская в потир частицы: Омый, Господи, грехи поминавшихся зде Кровию Твоею Честною молитвами святых Твоих.
Благословляя: Спаси, Боже люди Твоя и благослови достояние Твое.
Кадит трижды, говоря: Вознесися на небеса, Боже, и по всей земли слава Твоя.
Народ: Видехом свет истинный, прияхом Духа Небесного, обретохом веру истинную, Нераздельней Троице поклоняемся: Та бо нас спасла есть.
Взяв Потир и дискос: Благословен Бог наш
Повернувшись к народу: всегда: ныне, и присно, и во веки веков.
Народ: Аминь. Да исполнятся уста наша хваления Твоего, Господи, яко да поем славу Твою, яко сподобил еси нас причаститися Святым Твоим Божественным, безсмертным и животворящим Тайнам; соблюди нас во Твоей святыни, весь день поучатися правде Твоей. Аллилуиа, аллилуиа, аллилуиа.
Прости! Приимше Божественных, Святых, Пречистых, Безсмертных, Небесных и Животворящих, Страшных Христовых Таин, достойно благодарим Господа.
Заступи, спаси, помилуй и сохрани нас, Боже, Твоею благодатию.
День весь совершен, свят, мирен и безгрешен испросивше, сами себе, и друг друга, и весь живот наш Христу Богу предадим.
Благодарим Тебя, Владыка Человеколюбец, Благодетель душ наших, что и в нынешний день Ты удостоил нас Твоих небесных и бессмертных Таинств! Прямым сделай наш путь, утверди всех нас в страхе Твоем, сохрани нашу жизнь, укрепи наши стопы, по молитвам и мольбам славной Богородицы и Приснодевы Марии и всех святых Твоих.
Делая знак креста Евангелием над антиминсом: Яко Ты еси освящение наше, и Тебе славу возсылаем: Отцу, и Сыну, и Святому Духу ныне, и присно, и во веки веков.
Народ: Аминь.
С миром изыдем.
Народ: О имени Господни.
Господу помолимся.
Народ: Господи, помилуй.
Благословляяй благословящыя Тя, Господи, и освящаяй на Тя уповающыя, спаси люди Твоя и благослови достояние Твое, исполнение Церкве Твоея сохрани, освяти любящыя благолепие дому Твоего, Ты тех возпрослави Божественною Твоею силою и не остави нас, уповающих на Тя. Мир мирови Твоему даруй, Церквам Твоим, священником и всем людем Твоим, яко всякое даяние благо и всяк дар совершен свыше есть, сходяй от Тебе, Отца светов, и Тебе славу, и благодарение, и поклонение возсылаем: Отцу, и Сыну, и Святому Духу ныне, и присно, и во веки веков.
Народ: Аминь. Буди имя Господне благословено отныне и до века. (Трижды)
Благословляя: Благословение Господне на вас, Того благодатию и человеколюбием, всегда: ныне, и присно, и во веки веков.
Народ: И со духом твоим.
Слава Тебе, Христе Боже, Упование наше, слава Тебе
Народ: Слава Отцу, и Сыну, и Святому Духу и ныне, и присно, и во веки веков. Аминь. Господи, помилуй. (Трижды) Благослови.
Воскресый из мертвых Христос, истинный Бог наш, молитвами Пречистыя Своей Матере, святых славных и всехвальных апостол, иже во святых отца нашего Василия Великаго, архиепископа Кесарии Каппадокийския, и святаго (храма и дня), и всех святых, помилует и спасет нас, яко Благ и Человеколюбец.
Великого Господина и Отца нашего (имярек) Папу Римского и Господина нашего Высокопреосвященного митрополита (имярек), братию святаго храма сего и вся православныя христианы, Господи, сохрани их на многая лета.
Потребление Святых Даров:
Исполнися и совершися, елико по нашей силе, Христе Боже наш, Твоего смотрения таинство: имеем бо смерти Твоея память, видехом Воскресения Твоего образ, наполнихомся безконечныя Твоея жизни, насладихомся неистощаемыя Твоея пищи, еяже и в будущем веце всем нам сподобитися благоволи, благодатию Безначальнаго Твоего Отца, и Святаго, и Благаго, и Животворящаго Твоего Духа, ныне и присно, и во веки веков. Аминь.