Велий Господь и хвален зело во граде Бога нашего, в горе святей eго, благокоренным радованием всея земли; горы Сионския, ребра северова, град царя великаго. Бог в тяжестех eго знаемь eсть, eгда заступает и. Яко се, царие земстии собрашася, снидошася вкупе; тии видевше тако, удивишася, смятошася, подвигошася; трепет прият я тамо, болезни яко раждающия. Духом бурным сокрушиши корабли фарсийския. Якоже слышахом, тако и видехом во граде Господа сил, во граде Бога нашего; Бог основа и в век. Прияхом, Боже, милость твою посреде людий твоих. По имени твоему, Боже, тако и хвала твоя на концах земли; правды исполнь десница твоя. Да возвеселится гора Сионская, и да возрадуются дщeри иудeйския, судеб ради твоих, Господи. Обыдите Сион и обымите eго, поведите в столпех eго; положите сердца ваша в силу eго, и разделите домы eго, яко да повесте в роде инем. Яко той eсть Бог наш во век и в век века; той упасет нас во веки.