К оглавлению - Триодь цветная.

В пятницу 5-й седмицы по Пасхе


В четверток вечера,

на Господи воззвах: стихиры подобны, глас 4.
Подобен: Г
осподи, возшед на Крест:

Видите, Егоже преднаписа Моисей, Иисуса Мессию, в законе приити, на земли явльшася благоутробия ради и мне беседовавша яко Человека на кладязе: воистинну Сей есть Христос в мир грядый, сущим в Сихаре самаряныня явися глаголющи.

От сладких уст жены, воду пиемую, сладкую истекающую, сущии во граде пиюще, и ко кладязю источающему обилие воды, потщахуся тещи скоро и источник видети приснотекущий, истаявшия души воспрохлаждающий.

Сообразный видяще источник, и единовидный человеческаго составления, жене вопияху во граде сущии: не ктому твоея ради беседы мы веровахом, воистинну познавше, яко Той есть избавление и спасение миру вечное.

Слава, и ныне: глас 6:

При студенце Иаковли обрет Иисус самаряныню, просит воду от нея, облаками покрываяй землю. О чудесе! Иже херувимы носимый, блуднице жене беседоваше, воды прося, Иже на водах землю повесивый: воды иский, Иже источники и езера вод изливаяй: хотя привлещи сию воистинну, уловляему от сопостата врага, и напоити ю водою живою, палимую в безместиих люте, яко един Благоутробный и Человеколюбец.

На стиховне стихира крестная, глас 4:

Всегда имуще Христе, Крест Твой на помощь, сети вражия удобь попираем.

Стих: К Тебе возведох очи мои:

Воскресна: Господи, возшед на Крест, прадеднюю нашу клятву потребил еси, и сошед во ад, вечныя узники свободил еси, нетление даруя человеческому роду: сего ради поюще славим животворящее и спасительное Твое востание.

Стих: Помилуй нас Господи, помилуй нас:

Мученичен: Жертвы одушевленныя, всесожжения словесная, мученицы Господни, заколения совершенна Божия, Бога знающая, и Богом знаемая овчата, ихже ограда волком невходна, молитеся и нам упасеным быти с вами на воде упокоения.

Слава, и ныне: глас 6:

Тако глаголет Господь самаряныни: аще бы еси ведала дар Божий, и Кто есть глаголяй тебе, даждь Ми воды пити, ты бы просила у Него, и дал бы ти пити, да не вжаждешися во веки, глаголет Господь.

 

В пяток на Утрени,

по 1-м стихословии седален, Осмогласника, глас 4.
Подобен: С
коро предвари:

На Кресте Тя пригвоздиша иудеи Спасе, имже от языков нас воззвал еси Христе Боже наш, простерл еси длани на нем волею, копием же в ребра Твоя изволил еси пробостися: множеству щедрот Твоих слава Человеколюбче.

Стих: Дивен Бог во святых Своих, Бог Израилев.

Мученичен: Мученицы Твои Господи, во страданиих своих венцы прияша нетленныя от Тебе Бога нашего. Имуще бо крепость Твою, мучителей низложиша, сокрушиша и демонов немощныя дерзости. Тех молитвами спаси души наша.

Слава, и ныне: Крестобогородичен:

На Кресте Тя возвышаема яко узре Пречистая Мати Твоя, Слове Божий, матерски рыдающи вещаше: что новое и странное сие чудо Сыне Мой? Како животе всех вкушаеши смерть, оживити умершия хотя, яко Благоутробен.

По 2-м стихословии седален праздника, глас 4:
Подобен: С
коро предвари:

От кладязя воды, земнаго и тленнаго, пришедши обычно самаряныня почерпсти, живую воду почерпе: тако обретши источник седящий, идеже источник и кладязь Иаков ископа, мира пламенопитательныя зноем напаяющий. [Дважды.]

Воскресение Христово: псалом 50.

Канон самаряныни, со ирмосом на 8: И Минеи на 4.

На хвалитех стихиры Осмогласника, глас 4:

Дал еси знамение боящимся Тебе Господи, Крест Твой честный, имже победил еси начала тмы и власти, и возвел еси нас на древнее блаженство. Темже Твое человеколюбное смотрение славим, Иисусе Всесильне, Спасе душ наших. [Дважды.]

Крестом Твоим Христе Спасе, настави нас на истину Твою, и избави ны от сетей вражиих: воскресый из мертвых, возстави ны падшия грехом, простер руку Твою Человеколюбче Господи, молитвами святых Твоих.

Мученичен:

Честна смерть святых Твоих Господи: мечами бо и огнем, и студению сокрушаеми, излияша кровь свою, надежду имуще на Тя, восприяти трудов мзду: претерпеша, и прияша от Тебе Спасе велию милость.

Слава, и ныне: глас 6:

Источник живоначалия Иисус Спас наш, ко источнику пришед патриарха Иакова, пити прошаше воды от жены самаряныни. Сей же неприобщительное иудеом прирекшей, мудрый Зиждитель приводит ю, сладкими глаголы, паче к прошению присносущныя воды, юже и приимши всем проповеда рекши: приидите, видите тайных ведца и Бога, пришедша плотию, за еже спасти человека.

На стиховне стихиры, глас 4.
Подобен: Я
ко добля:

С почерпалом почерпсти, пришедши ко кладязю, почерпало без воды оставивши, едина ко граду востече, источник животекущий вопиющи обрести самаряныня, независтный. Отонудуже почерпе спасительную воду, и сею прохлади сердце истаявшее страстьми.

Стих: Наляцы, и успевай, и царствуй, истины ради, и кротости, и правды.

Воистинну рекла еси, рече Спас самаряныне, яко не имаши днесь мужа законна, пять бо имела еси первее, и ныне, егоже стяжала еси, несть твой муж, но закона чуждь. Яже и потщавшися сущим во граде вопияше: видех Человека, Иже изрече ми вся, елика втайне сотворих.

Стих: Возлюбил еси правду, и возненавидел еси беззаконие.

Струю иную животекущую, от небеснаго кладязя самаряныня почерпе, на кладязе обретши сию изливаему, из негоже тленную имяше по обычаю почерпсти воду, иную земную. Но иная входящая в сердце ея показася, аки источник иный новый, страстей орошающий распаление.

Слава, и ныне: глас 8:

Егда явился еси во плоти Христе Боже, за неизреченное смотрение, слышавши самаряныня слово Тебе Человеколюбца, остави почерпало у студенца, и тече глаголющи сущим во граде: приидите видите Сердцеведца, еда Сей есть чаемый Христос, имеяй велию милость?

На Литургии

Апостол Деяний, зачало 36. [Деян. 15, 5–34.]

Во дни оны, восташа нецыи от ереси фарисейския веровавшии, глаголюще, яко подобает обрезати их, завещавати же блюсти закон Моисеов.

Во дни оны, восстали некоторые из фарисейской ереси уверовавшие и говорили, что должно обрезывать язычников и заповедовать соблюдать закон Моисеев.

Собрашася же апостоли и старцы ведети о словеси сем.

Апостолы и пресвитеры собрались для рассмотрения сего дела.

Многу же взысканию бывшу, востав Петр рече к ним: мужие братие, вы весте, яко от дний первых Бог в нас избра, усты моими услышати языком слово благовестия, и веровати.

По долгом рассуждении Петр, встав, сказал им: мужи братия! вы знаете, что Бог от дней первых избрал из нас меня, чтобы из уст моих язычники услышали слово Евангелия и уверовали;

И Сердцеведец Бог свидетельствова им, дав им Духа Святаго, якоже и нам.

и Сердцеведец Бог дал им свидетельство, даровав им Духа Святаго, как и нам;

И ничтоже разсуди между нами же и онеми, верою очищ сердца их:

и не положил никакого различия между нами и ими, верою очистив сердца их.

ныне убо что искушаете Бога, хотяще возложити иго на выи учеником, егоже ни отцы наши, ни мы возмогохом понести?

Что же вы ныне искушаете Бога, желая возложить на выи учеников иго, которого не могли понести ни отцы наши, ни мы?

Но благодатию Господа Иисуса Христа веруем спастися, якоже и они.

Но мы веруем, что благодатию Господа Иисуса Христа спасемся, как и они.

Умолча же все множество, и послушаху Варнавы и Павла поведающих, елика сотвори Бог знамения и чудеса во языцех има.

Тогда умолкло все собрание и слушало Варнаву и Павла, рассказывавших, какие знамения и чудеса сотворил Бог через них среди язычников.

По умолчании же их, отвеща Иаков, глаголя: мужие братие, послушайте мене.

После же того, как они умолкли, начал речь Иаков и сказал: мужи братия! послушайте меня.

Симеон поведа, яко прежде Бог посети прияти от язык люди о имени Своем:

Симон изъяснил, как Бог первоначально призрел на язычников, чтобы составить из них народ во имя Свое.

и сему согласуют словеса пророк, якоже пишет:

И с сим согласны слова пророков, как написано:

По сих обращуся и созижду кров Давидов падший, и раскопаная его созижду, и исправлю его:

Потом обращусь и воссоздам скинию Давидову падшую, и то, что в ней разрушено, воссоздам, и исправлю ее,

яко да взыщут прочии человецы Господа, и вси языцы, в нихже наречеся имя Мое: глаголет Господь, творяй сия вся.

чтобы взыскали Господа прочие человеки и все народы, между которыми возвестится имя Мое, говорит Господь, творящий все сие.

Разумна от века суть Богови вся дела Его.

Ведомы Богу от вечности все дела Его.

Сего ради аз сужду, не стужати от язык обращающимся к Богу,

Посему я полагаю не затруднять обращающихся к Богу из язычников,

но заповедати им огребатися от треб идольских, и от блуда, и удавленины, и от крове: и, елика неугодна себе быти, иным не творити.

а написать им, чтобы они воздерживались от оскверненного идолами, от блуда, удавленины и крови, и чтобы не делали другим того, чего не хотят себе.

Моисей бо от родов древних по вся грады проповедающия его имать в сонмищах, по вся субботы чтомый.

Ибо закон Моисеев от древних родов по всем городам имеет проповедующих его и читается в синагогах каждую субботу.

Тогда изволися апостолом и старцем со всею церковию, избравше мужа от них, послати во Антиохию с Павлом и Варнавою: Иуду, нарицаемаго Варсаву, и Силу, мужа нарочита в братии.

Тогда апостолы и пресвитеры со всею церковью рассудили, избрав из среды себя мужей, послать их в Антиохию с Павлом и Варнавою, именно: Иуду, прозываемого Варсавою, и Силу, мужей, начальствующих между братиями,

Написавше рукама их сия: Апостоли, и старцы, и братия, сущим во Антиохии, и Сирии, и Киликии братии, иже от язык, о Господе радоватися.

написав и вручив им следующее: «Апостолы и пресвитеры и братия — находящимся в Антиохии, Сирии и Киликии братиям из язычников: радоваться.

Понеже убо слышахом, яко нецыи от нас изшедше возмутиша вас словесы, развращающе души ваша, глаголюще, обрезатися и блюсти закон, имже мы не завещахом:

Поелику мы услышали, что некоторые, вышедшие от нас, смутили вас своими речами и поколебали ваши души, говоря, что должно обрезываться и соблюдать закон, чего мы им не поручали,

изволися нам собравшимся единодушно, избранныя мужи послати к вам, с возлюбленныма нашима Варнавою и Павлом,

то мы, собравшись, единодушно рассудили, избрав мужей, послать их к вам с возлюбленными нашими Варнавою и Павлом,

человекома предавшема души своя, о имени Господа нашего Иисуса Христа.

человеками, предавшими души свои за имя Господа нашего Иисуса Христа.

Послахом убо Иуду и Силу, и тех словом сказующих таяжде.

Итак мы послали Иуду и Силу, которые изъяснят вам то же и словесно.

Изволися бо Святому Духу и нам, ничтоже множае возложити вам тяготы, разве нуждных сих:

Ибо угодно Святому Духу и нам не возлагать на вас никакого бремени более, кроме сего необходимого:

огребатися от идоложертвенных, и крове, и удавленины, и блуда: и, елика не хощете вам быти, другим не творите: от нихже соблюдающе себе, добре сотворите. Здравствуйте.

воздерживаться от идоложертвенного и крови, и удавленины, и блуда, и не делать другим того, чего себе не хотите. Соблюдая сие, хорошо сделаете. Будьте здравы».

Они же убо послани бывше, приидоша во Антиохию: и собравше народ, вдаша послание.

Итак, отправленные пришли в Антиохию и, собрав людей, вручили письмо.

Прочетше же, возрадовашася о утешении.

Они же, прочитав, возрадовались о сем наставлении.

Иуда же и Сила, и та пророка суща, словом мнозем утешиста братию и утвердиста.

Иуда и Сила, будучи также пророками, обильным словом преподали наставление братиям и утвердили их.

Пребывша же тамо время, отпущена быста с миром от братий ко апостолом.

Пробыв там некоторое время, они с миром отпущены были братиями к апостолам.

Изволися же Силе пребыти тамо, Иуда же возвратися во Иерусалим.

Но Силе рассудилось остаться там. А Иуда возвратился в Иерусалим.

Евангелие Иоанна, зачало 37. [Ин. 10, 17–28.]

Рече Господь ко пришедшим к Нему иудеем: сего ради Мя Отец любит, яко Аз душу Мою полагаю, да паки прииму ю.

Сказал Господь ко пришедшим к Нему иудеям: потому любит Меня Отец, что Я отдаю жизнь Мою, чтобы опять принять ее.

Никтоже возмет ю от Мене, но Аз полагаю ю о Себе: область имам положити ю, и область имам паки прияти ю: сию заповедь приях от Отца Моего.

Никто не отнимает ее у Меня, но Я Сам отдаю ее. Имею власть отдать ее и власть имею опять принять ее. Сию заповедь получил Я от Отца Моего.

Распря же паки бысть во иудеех за словеса сия.

От этих слов опять произошла между иудеями распря.

Глаголаху же мнози от них: беса имать и неистов есть, что Его послушаете?

Многие из них говорили: Он одержим бесом и безумствует; что слушаете Его?

Инии глаголаху: сии глаголи не суть беснующагося: еда может бес слепому очи отверсти?

Другие говорили: это слова не бесноватого; может ли бес отверзать очи слепым?

Быша же тогда обновления во Иеросолимех, и зима бе.

Настал же тогда в Иерусалиме праздник обновления, и была зима.

И хождаше Иисус в церкви, в притворе Соломони.

И ходил Иисус в храме, в притворе Соломоновом.

Обыдоша же Его иудее, и глаголаху Ему: доколе души наша вземлеши? аще Ты еси Христос, рцы нам не обинуяся.

Тут иудеи обступили Его и говорили Ему: долго ли Тебе держать нас в недоумении? если Ты Христос, скажи нам прямо.

Отвеща им Иисус: рех вам, и не веруете: дела, яже Аз творю о имени Отца Моего, та свидетельствуют о Мне.

Иисус отвечал им: Я сказал вам, и не верите; дела, которые творю Я во имя Отца Моего, они свидетельствуют о Мне.

Но вы не веруете: несте бо от овец Моих, якоже рех вам.

Но вы не верите, ибо вы не из овец Моих, как Я сказал вам.

Овцы Моя гласа Моего слушают: и Аз знаю их, и по Мне грядут.

Овцы Мои слушаются голоса Моего, и Я знаю их; и они идут за Мною.

И Аз живот вечный дам им.

И Я даю им жизнь вечную.