К оглавлению - Триодь цветная.

В среду 5-й седмицы по Пасхе


Во вторник пятыя седмицы по Пасце вечера,

поставим стихов, 6. И поем стихиры Преполовению 3, повторяюще я. Глас 4.
Подобен: Г
осподи, возшед на Крест:

Наста преполовение дней, от спасительнаго начинаемых востания, Пятдесятницею же Божественною печатаемое, и светится светлости обоюду имущее, и соединяющее обоя, и приити славе предъявляющее, Владычняго Вознесения предпочитает.

Слыша и возвеселися Сион, благовестившуся Христову Воскресению: вернии же его сынове возрадовашася Сего видевше, и омывающа Духом скверну христоубийства: готовится торжествующи, обоих веселое преполовение.

Приближися Божественнаго изобильное излитие на всех, якоже написася, Духа: предузаконение проповедует преполовившееся, по Христове смерти и погребении и Воскресении, от Него данну сущу учеником, неложному обещанию, Утешителево показующу явление.

Слава, и ныне глас 6:

Празднику преполовляющуся, Твоего Христе Воскресения, и Божественнаго пришествия Святаго Твоего Духа, сошедшеся чудес Твоих воспеваем таинства, воньже низпосли нам велию милость.

На стиховне самогласны, глас 1:

Пятдесятницы наста дней преполовение, в немже Христос обнажив маловидно Божественную силу, разслабленнаго стягну словом, того от одра возставив, и боголепно чудотворяй в зданном теле, человеком дарова вечный живот, и велию милость.

Стих: Помяни сонм Твой, егоже стяжал еси исперва.

Во святилище пришел еси Премудросте Божия, преполовляющуся празднику, уча и обличая непокоривыя иудеи, фарисеи и книжники, и вопия со дерзновением к ним: жаждай да грядет ко Мне, и пиет воду животную, и не вжаждет во век: веруяй Моей благости, реки потекут из чрева его жизни вечныя. О благости и благоутробия Твоего Христе Боже наш, слава Тебе!

Глас 2.

Стих: Бог же Царь наш прежде века, содела спасение:

Егда преполовение праздника наста, взыде Иисус во святилище, и учаше непокоривыя иудеи, глаголя: жаждай да грядет ко Мне, и пиет воду животную, вечную, и не вжаждется во век. Веруяй в Мя, реки потекут из чрева его, и имети будет свет животный.

Слава, и ныне: глас 8:

Преполовившуся празднику, учащу Ти Спасе, глаголаху иудее: како Сей весть писмена, не учився? Не разумеюще, яко Ты еси Премудрость устроившая мир, слава Тебе.

Таже, тропарь отпустительный, глас 8:

Преполовившуся празднику, жаждущую душу мою благочестия напой водами, яко всем Спасе возопил еси: жаждай да грядет ко Мне и да пиет, источниче жизни нашея Христе Боже, слава Тебе.

Тойже и на Бог Господь: в среду на Утрени.

В среду пятыя седмицы по Пасце на Утрени,

по 1-м, и по 2-м стихословии, седальны праздника: Воскресение Христово: псалом 50. И каноны 4-го гласа, со ирмосом на 8: и осмаго гласа, на 6. Кондак, и икос, и ексапостиларий праздника.

На хвалитех, Всякое дыхание: поставим стихи 4:

Премудрость, и сила, Отчее сияние, Слово присносущное и Сын Божий, во святилище прииде плотию, и учаше иудейския люди, жестокия и неблагодарныя, и удивляхуся премудрости богатству, вопиюще: откуду весть писмена, ни от когоже учився? [Дважды.]

Книжником затыкаше уста, иудеи обличаше Мессиа Господь, вопия к ним: не на лице законопреступницы, яко неправеднии судите, в субботу бо Аз разслабленнаго воздвигнух. Темже Господь субботы есмь и закона, что ищете Мене убити, умершия воздвигшаго?

Навуфеа камением побиша, лютии и законопреступнии, иудейское собрание неблагодарное: Исаию же пилою древяною растроша, в кал мудраго Иеремию ввергоша, Господа же на Крест вознесше взываху: храм разоряяй, спаси Себе, и уверуем.

Слава, и ныне, глас 4.

Просветившеся братие, Воскресением Спаса Христа, и достигше преполовения праздника Владычня, приискренно сохраним заповеди Божия, да достойни будем и Вознесение праздновати, и пришествие получити Святаго Духа.

Славословие великое. И отпуст.

На Литургии

Блаженна обоих канонов, песнь 9-я. Прокимен, и Аллилуиа праздника, Апостол, и Евангелие дне.

Апостол Деяний, зачало 32. [Деян. 13, 13–24.]

Во дни оны, отвезшеся от Пафа Павел и сущии с ним, приидоша в Пергию Памфилийскую: Иоанн же, отлучився от них, возвратися во Иерусалим.

Во дни оны, отплыв из Пафа, Павел и бывшие при нем прибыли в Пергию, в Памфилии. Но Иоанн, отделившись от них, возвратился в Иерусалим.

Они же, прошедше от Пергии, приидоша во Антиохию Писидийскую, и вшедше в сонмище в день субботный, седоша.

Они же, проходя от Пергии, прибыли в Антиохию Писидийскую и, войдя в синагогу в день субботний, сели.

По чтении же закона и пророк, послаша начальницы сонмища к ним, глаголюще: мужие братие, аще есть слово в вас утешения к людем, глаголите.

После чтения закона и пророков, начальники синагоги послали сказать им: мужи братия! если у вас есть слово наставления к народу, говорите.

Востав же Павел и помаав рукою, рече: мужие Израильтяне и боящиися Бога, услышите:

Павел, встав и дав знак рукою, сказал: мужи Израильтяне и боящиеся Бога! послушайте.

Бог людей сих избра отцы наши и люди вознесе в пришельствии в земли Египетстей, и мышцею высокою изведе их из нея.

Бог народа сего избрал отцов наших и возвысил сей народ во время пребывания в земле Египетской, и мышцею вознесенною вывел их из нее,

И до четыредесяти лет препита их в пустыни.

и около сорока лет времени питал их в пустыне.

И низложив язык седмь в земли Ханаанстей, даде им в наследие землю их.

И, истребив семь народов в земле Ханаанской, разделил им в наследие землю их.

И по сих, яко лет четыреста и пятьдесят, даде им судии до Самуила пророка:

И после сего, около четырехсот пятидесяти лет, давал им судей до пророка Самуила.

И оттуду просиша царя, и даде им Бог Саула сына Кисова, мужа от колена Вениаминова, лет четыредесять.

Потом просили они царя, и Бог дал им Саула, сына Кисова, мужа из колена Вениаминова. Так прошло лет сорок.

И преставль его, воздвиже им Давида в царя, емуже и рече свидетельствовав: обретох Давида сына Иессеова, мужа по сердцу Моему, иже сотворит вся хотения Моя.

Отринув его, поставил им царем Давида, о котором и сказал, свидетельствуя: нашел Я мужа по сердцу Моему, Давида, сына Иессеева, который исполнит все хотения Мои.

От сего семене Бог, по обетованию, воздвиже Израилю Спасение, Иисуса:

Из его-то потомства Бог по обетованию воздвиг Израилю Спасителя Иисуса.

Проповедавшу Иоанну пред лицем внития Его крещение покаяния всем людем Израилевым.

Перед самым явлением Его Иоанн проповедовал крещение покаяния всему народу Израильскому.

Евангелие Иоанна, зачало 18. [Ин. 6, 5–14.]

Во время оно, возвед Иисус очи и видев, яко мног народ грядет к Нему, глагола к Филиппу: чим купим хлебы, да ядят сии?

Во время оно, Иисус, возведя очи и увидев, что множество народа идет к Нему, говорит Филиппу: где нам купить хлебов, чтобы их накормить?

Сие же глаголаше искушая его: Сам бо ведяше, что хощет сотворити.

Говорил же это, испытывая его; ибо Сам знал, что хотел сделать.

Отвеща Ему Филипп: двема стома пенязь хлебы не довлеют им, да кождо их мало что приимет.

Филипп отвечал Ему: им на двести динариев не довольно будет хлеба, чтобы каждому из них досталось хотя понемногу.

Глагола Ему един от ученик Его Андрей, брат Симона Петра:

Один из учеников Его, Андрей, брат Симона Петра, говорит Ему:

есть отрочищ зде един, иже имать пять хлеб ячменных и две рыбе: но сии что суть в селико?

здесь есть у одного мальчика пять хлебов ячменных и две рыбки; но что это для такого множества?

Рече же Иисус: сотворите человеки возлещи. Бе же трава многа на месте. Возлеже убо мужей числом яко пять тысящ.

Иисус сказал: велите им возлечь. Было же на том месте много травы. Итак возлегло людей числом около пяти тысяч.

Прият же хлебы Иисус, и хвалу воздав, подаде учеником, ученицы же возлежащим: такожде и от рыбу, елико хотяху.

Иисус, взяв хлебы и воздав благодарение, роздал ученикам, а ученики возлежавшим, также и рыбы, сколько кто хотел.

И яко насытишася, глагола учеником Своим: соберите избытки укрух, да не погибнет ничтоже.

И когда насытились, то сказал ученикам Своим: соберите оставшиеся куски, чтобы ничего не пропало.

Собраша же, и исполниша дванадесяте коша укрух от пятих хлеб ячменных, иже избыша ядшим.

И собрали, и наполнили двенадцать коробов кусками от пяти ячменных хлебов, оставшимися у тех, которые ели.

Человецы же видевше знамение, еже сотвори Иисус, глаголаху: яко Сей есть воистинну Пророк, грядый в мир.

Тогда люди, видевшие чудо, сотворенное Иисусом, сказали: это истинно Тот Пророк, Которому должно прийти в мир.

Причастный: Ядый Мою Плоть, и пияй Мою Кровь, во Мне пребывает, и Аз в нем, рече Господь.

И отдается праздник. Служба Минеи поется на Повечерии.