Назад    Оглавление    Вперёд

В лѣ^т̑ . ҂ s҃ . у҃ . н҃г . [945] Присла Романъ и Костѧнтинъ . и Степанъ слъı ⁴⁰ к Игореви . построити мира первого . Игорь же гл҃а с ними ѡ мирѣ . посла Игорь мужѣ своӕ . къ Роману. Романъ же созва болѧре и сановники . приведоша ⁴¹ Рускиӕ слъı ⁴² и велѣша гл҃ти . [и] ^А псати ѡбоихъ рѣчи на харатьѣ ⁴³.

довъ ¹. Прастѣнъ . Берновъ ². Ӕвтѧгъ ³. Гунаровъ Шибридъ ⁴. Алданъ Колъ Клековъ ⁵. Стегги Етоновъ . /л.11об./ Сфирка . Алвадъ Гудовъ . Фудри Туадовъ ⁶. Мутуръ ⁷ Оутинъ. купець Адунь . Адулбъ . Иггивладъ . Ѡлѣбъ ⁸ Фрутанъ . Гомолъ . Куци . Ємигъ . Туръбидъ ⁹. Фуръстѣнъ . Брунъı . Роалдъ ¹⁰ Гунастръ . Фрастѣнъ . Игелъдъ ¹¹. Туръбернъ ¹². Монъı . Руалд^ъ . Свѣнь . Стиръ . Алданъ . Тилена ¹³. Пубьксарь ¹⁴. Вузлѣвъ ¹⁵. Синко . Боричь ¹⁶. послании ѿ Игорѧ . великого кнѧзѧ Рускаго . и ѿ всѧкоӕ кнѧжьӕ ¹⁷ и ѿ всѣхъ людии Рускиӕ землѧ . и ѿ тѣ^х̑ заповѣдано ѡбновити ветъхии миръ ¹⁸. ненавидѧщаго ¹⁹ добра и враждолюбьца дьӕвола . разорити ѿ многъ лѣтъ . и ²⁰ оутвердити любовь . межю Греки и Русью . и ²⁰ великии кнѧзь нашь Игорь . [и кнѧзи] ^А и болѧре єго и людьє вси Рустии . послаша нъı къ Роману и Костѧнтину и къ ²¹ Стефану . къ ²¹ великимъ цр҃мъ ²² Гречьскимъ . створити любовь съ самѣми цр҃и ^{23 Б}. со ²⁴ всѣмь ²⁵ болѧрьствомъ . и со всѣми людьми Гречьскими . на всѧ лѣта . дондеже съӕєть слнце ^В и весь миръ стоитъ . и ²⁰ иже помъıслить ²⁶ ѿ странъı Рускиӕ . разрушити таку любовь . и єлико ихъ крщ҃нье ²⁷ приӕли суть ²⁸ [ѿ страны Рүскыӕ] ^Г. да приимуть месть ѿ Ба҃ . вседержителѧ ѡсуженьӕ ²⁹ на погибель въ весь вѣкъ ³⁰ в будущии . и ³¹ єлико ³² ихъ єсть не хр҃щно . да не имуть помощи ѿ Ба҃ . ни ѿ Перуна . да не оущитѧтсѧ щитъı своими . и ³³ да посѣчени будуть мечи своими . ѿ ³⁴ стрѣлъ и ѿ иного ѡружьӕ своєго . и ³³ да будуть раби въ весь ³⁵ вѣкъ в ³⁶ будущии . а ³⁷ великии кнѧзь Рускиии болѧре єго . да посъıлають въ ³⁸ Греки . къ великимъ цр҃мъ Гречьскимъ корабли ³⁹. єлико хотѧть со слъı и с ⁴⁰ гостьми . ӕкоже имъ /л.12/ оуставлено єсть . ношаху сли ⁴¹ печати злати ⁴². а гостьє ⁴³ сребрени . нъıне же увѣдѣлъ ⁴⁴ єсть кнѧзь нашь . посъıлати грамоту ⁴⁵ ко цр҃тву нашему ^{46 Д}. иже посъıлаєми бъıвають ѿ нихъ ⁴⁷ [посли] ^Е и гостьє да прино^сить ⁴⁸ грамоту пишюче сице . ӕко послахъ корабль селько ⁴⁹. и ѿ тѣхъ да оувѣмъı ⁵⁰ и и ⁵¹ мъı . ѡже съ миромь приходить ⁵². аще ли безъ грамотъı придуть . и преданъı будуть нами ⁵³ . да ⁵⁴ держимъ и хранимъ . дондеже възвѣстимъ кнѧзю нашему ⁵⁵. аще ли руку не дадѧть и противѧтсѧ . ди ⁵⁶ оубьєни будуть . да не изищетсѧ ⁵⁷ см҃рт^ъ ихъ ѿ кнѧзѧ . вашего . аще ли оубѣжавше в Русь придуть . мъı ^{58 Ж} напишемъ ко кнѧзю вашему . ӕко имъ любо тако створѧть ⁵⁹ аще ⁶⁰ придуть Русь бес купли ^{61 З}. да не взимають мѣсѧчна ⁶². да ⁶³ запрѣтить кн^ѧзь сломъ ⁶⁴ своимъ . и ³³ приходѧщимъ Руси сде да нь ⁶⁵ творѧть . бещиньӕ в селѣхъ ни въВперёдѣ нашеи . и приходѧщимъ имъ да витають оу ст҃го Мамъı . да послеть цр҃тво ваше ⁶⁶. да испишеть ⁶⁷ имѧна ваша ⁶⁸. тогда возьмуть мѣсѧчноє ⁶⁹ своє

съли ¹ слебноє ². а ³ гостьє мѣсѧчноє ⁴. первоє ⁵ ѿ города Києва . паки ⁶ изъ Чернигова и [ис] ^А Переӕславлѧ [и ис прочи^х городовъ] ^Б. да ⁷ входѧть в городъ ѡдинѣми воротъı . со цр҃вмъ мужемъ . безъ ѡружьӕ . мужь . н҃ . и да творѧть куплю . ӕкоже имъ надобѣ . [и] ^В паки да исходѧть . н҃ . ⁸ мужь цр҃тв^а вашего ⁹. да хранить ӕ . да аще кто ѿ Руси или ѿ Грекъ створи ¹⁰ криво . да ѡправлѧєть то ¹¹. входѧще ¹² же Русь в [г]радъ ^Г. да ¹³ [не творѧть пакости и] ^Д не имѣють волости ¹⁴ купити . паволокъ лише по . н҃ . золотникъ и ѿ тѣхъ паволокъ аще кто крьнеть ¹⁵. да показъıваєть ¹⁶ цр҃ву мужю ^{17 Е} . и то ¹⁸ є ¹⁹ запечатаєть и дасть имъ . и ѿходѧщеи ²⁰ /л.12об./ Руси ѿсюда . въсимають ²¹ ѿ насъ . єже надобѣ брашно на путь . и єже надобѣ лодьӕмъ . ӕ^коже уставлено єсть преже ²². и ²³ да возъвращаютсѧ ²⁴ съ сп^с̑ниємъ ^Ж въВперёдсвою . да ⁷ не имѣють власти зимовати оу ст҃го Мамъı . аще ²⁵ оускочить челѧдинъ ѿ Руси . по не же ^З придуть въВперёдцр҃твиӕ ваш^его . и ѿ ст҃го Мамъı . аще будеть ²⁶ да поимуть и ²⁷. аще ли не ѡбрѧщетсѧ . да на роту идуть наши хе҃ӕне Руси . по вѣрѣ ихъ ²⁸ а не хе҃ӕнии ²⁹ по закону своєму. ти ³⁰ тогда взимають ѿ насъ цѣиу свою . ӕкоже оуставлено єсть преже . в҃ . паволоцѣ за чалѧдинъ ³¹. аще ли кто ѿ людии цр^с̑тва вашего . ли ³² ѿ города ³³ вашего . или ѿ инѣхъ городъ ³⁴. оускочить челѧдинъ нашь къ вамъ . и принесеть что . да въспѧтѧть и ³⁵ ѡпѧть . а ³⁶ єже что принеслъ будеть все цѣ^ло . и ³⁷ да возьметь ѿ него золотника два . аще ли кто покуситсѧ ѿ Руси взѧти что . ѿ людии цр^с̑тва вашего . иже то створить . покажненъ будеть вельми . аще ли взѧлъ будеть . да заплатить сугубо . и аще створить [то же] ^И Грьчинъ Русину . да прииметь ту же казнь . ӕкоже приӕлъ єсть и ѡнъ . аще ли ключитсѧ ³⁸ оукрасти Русину ѿ Грекъ что . или Грьчину ѿ Руси . достоино єсть да възворотити ³⁹ [е] ^І не точью єдиио . но и ⁴⁰ цѣну єго . аще оукраденноє ѡбрѧщетьсѧ предаємо ⁴¹. да вдасть и ⁴² цѣну єго сугубо . и то ⁴³ по^казненъ ⁴⁴ будеть по закону ^К Гречьскому . [и] ^Л поуста[в]оу ⁴⁵ и по закону Рускому . єлико ⁴⁶ х^с̑еӕнъ ѿ власти нашеӕ . плѣнена ^М приведуть ⁴⁷ Русь ту . аще будеть оуноша или дѣвица добра . да вдадѧть ⁴⁸ златникъ . ı҃ . и поимуть и . [да аше є^с̑ средови^ч̑ . да вдасть золотникъ] ^И . и҃ . и поимуть ⁴⁹ ı . аще ли будетъ старъ или дѣтещь ⁵⁰. да вд^а/л.13/сть ⁵¹ златникъ . є҃ . аще ли ѡбрѧщютсѧ Русь ⁵² работающе оу Грекъ . аще ли ⁵³ суть плѣньници . да исконають ⁵⁴ є ⁵⁵ Русь . по . ı҃ . златникъ . аще ли купилъ [и] ^О буде ⁵⁶ Грьчинъ подъ х^с̑мь . достоить єму да возьметь цѣну свою ⁵⁷. єлико же же ⁵⁸ далъ будеть на немь . а ⁵⁹ ѡ КорсуньстѣиВперёдѣ . єлико же єсть городовъ на то^и част^{и 60}. да не имать ⁶¹ волости кнѧзь Рускии ⁶².

да воюєть на тѣхъ ¹Вперёдхъ . и ² таВперёдне покарѧєтсѧ вам^ъ . [и] ^А тогда аще просить вои оу ³ насъ кнѧзь Рускии . да воюєть . да дамъ ⁴ єму єлико єму будеть требѣ . и ⁵ ѡ томъ . аще ѡбрѧщють Русь кубару ⁶ Гречьскую . въвержену на коємъ любо мѣстѣ . да не преѡбидѧть ⁷ єӕ . аще ли ѿ неӕ возьметь кто что . ли ⁸ чл҃вка поработить . или оубьєть . да будеть повиненъ ⁹ закону Руску и Гречьску . аще ѡбрѧщеть ¹⁰ въ вустьѣ ¹¹ Днѣпрьскомь ¹² Русь . Корсунѧнъı ръıбъı ловѧща ¹³. да не творѧть ¹⁴ имъ зла никакоже ¹⁵. и да не имѣють власти Русь . зимовати въ вустьи Днѣпра Бѣлъбережи . ни ^Б оу с^с̑тго Єльферьӕ . но єгда придеть ѡсень . да ¹⁶ идуть въ домъı своӕ в Русь . а ѡ сихъ ѡже ¹⁷ то приходѧть Чернии Болгарє . [и] ^А воюють въВперёдѣ Корсуньстѣи . и велимъ кнѧзю Рускому да ихъ не почаєть . в пакость ¹⁸Вперёдѣ єго . ци аще ключитсѧ . проказа никака ¹⁹. ѿ Грекъ сущихъ ²⁰ подъ властъю цр҃тва нашего . да не имать ²¹ власти казнити ӕ . но повелѣньємь цр҃тва нашего . да прииметь ӕкоже будеть створилъ . аще оубьєть х^с̑еӕнинъ Русина . или х^с̑еӕнинъ Русина ^В. или Русинъ х^с̑еӕнина . и ²² да держ^имъ ²³ будеть створивъıи убииство . ѿ ближни^х /л.13об./ оубьєнаго да оубьють и ³⁴. аще ли оускочить ²⁵ ств^оривъıи оубои . и оубѣжитъ ²⁶ аще будеть имовıтъ да возьмуть имѣньє єго . ближьнии оубьєнаго . аще ли єсть неимовитъ [створивыи убииство] ^Г и оускочить же ²⁷. да ищють єго дондеже ѡбрѧщетсѧ ²⁸ аще ли ѡбрѧщетсѧ ²⁹ да оубьєнъ будеть . ци ³⁰ аще оударить мечемъ или копьємъ . или кацѣмъ любо ѡружьємъ ³¹. Русинъ Грьчина . или Грьчıнъ Русина . да того дѣлѧ грѣха заплатить ³² сребра литръ . є҃ . по закону Рускому . аще ли єсть неимовитъ да како можеть . в только ³³ же ³⁴ проданъ будеть . ӕко да ³⁵ и ³⁶ портъı в нихъже ходѧть ³⁷. да ³⁸ и то с него снѧти . а ѡ процѣ да на роту ходить . по своєи вѣрѣ . ӕко не имѣӕ ничтоже . ти тако пущенъ будеть . аще ли хотѣти начнет^ь наше цр҃тво ѿ в^асъ воина противѧщаӕсѧ ³⁹ н^амъ . да пишю ⁴⁰ къ ⁴¹ великому кнѧзю вашему ^Д. и послеть к намъ єлико же хочемъ . и ⁴² ѿтоле оувѣдѧть инъı ⁴³ странъı каку любовь имѣют^ь . Грьци съ Русью . мъı же съвѣщаньємь ⁴⁴ все ^Е написахомъ . на ⁴⁵ двою харатью . и ⁴⁶ єдина харатьӕ єсть оу цр^с̑тва нашего [на неиже є^{с̑ 47} кр^с̑тъ . и имена наша написана . а на дрүгои послы ваша и гости ваша . а ѿходѧчи посло^м цр҃тва наше^г̑] ^Ж. да допроводѧть ⁴⁸ къ великому кнѧзю Рускому Игореви ⁴⁹. и к людемъ єго . и ти принимающе ⁵⁰ харатью на роту идуть хранитиВперёд. ӕко ⁵¹ мъı свѣщахомъ напсахомъ ⁵² [на] ^З харатью сию ⁵³. на неиже суть им^ѧна наша написана . мъı же єлико насъ хр^с̑тлисѧ єсмъı ⁵⁴. клѧхомъсѧ цр҃квью ст҃го Ильѣ въ сборнѣи црк҃ви . и предлежащемъ ⁵⁵ ч^с̑тнмъ кр^с̑томъ и харатьєю сею . хранити ⁵⁶ все . єже єсть написано ⁵⁷ на неи . не преступити ѿ

него ¹ ничтоже . а и/л.14/же преступить се ѿ странъı нашеӕ . ли ² кнѧзь ли ² инъ кто . ли ³ крщ҃нъ или некр҃щенъ . да не имуть ⁴ помощи ѿ Ба҃ . и ⁵ да будеть рабъ въ весь вѣѣкъ ^{6 А} в будущии . и да заколенъ ⁷ будеть своимъ ѡружьємъ . а на крщ҃ньѣ ⁸ Русь ⁹ полагають щитъı своӕ . и мечѣ своѣ наги . ѡбручѣ ¹⁰ своѣ и [прочаа] ^Б ѡружьӕ . да ¹¹ кл^енутсѧ ѡ всемь ӕже ¹² суть написана на харатьи сеи . хранити ¹³ ѿ И^горѧ и ѿ всѣхъ болѧръ . и ѿ всѣ^х̑ людии . ѿ ¹⁴ странъı Рускиӕ . въ ¹⁵ прочаӕ лѣта и и воину ¹⁶. аще ли же ¹⁷ кто ѿ кнѧзь или ¹⁸ ѿ лидии ^В Рускı^х . ли х^с̑еӕнъ или не х^с̑еӕнъ ¹⁹. преступить се єже єсть писано ²⁰ на харатьи сеи . будеть ²¹ достоинъ своимъ ѡружьємъ оумрети . и да будеть клѧтъ ѿ Ба҃ и ѿ Перуна . ӕко ²² преступи свою клѧтву . да аще ²³ будеть добрѣ Игорь великии кнѧзь . да хранить си ²⁴ любовь ²⁵ правую . да не разрушитсѧ дондеже сл҃нце сьӕєть . и весь миръ стоить в нъıнешниӕ вѣки . и в будущаӕ .

Послании же сли Игоремъ ²⁶. придоша к Игореви . со слъı ²⁷ Гречьскими . [и] ^Г повѣдаша всѧ рѣчи цр҃ѧ Рамана . Игорь же призва слъı ²⁸ Гречьскиӕ . ре^ч̑ имъ ²⁹ гл҃те ³⁰ что въı казалъ цр҃ь . и рѣша сли ³¹ цр҃ви . се посла нъı цр҃ь радъ єсть миру ³². хощеть миръ им^ѣти со кнѧземъ Рускимъ и любъве . твои сли ³³ водили суть цр҃ѣ наши ³⁴ ротѣ . и насъ послаша ротѣ водитъ ³⁵ тебе . и мужь твоихъ . ѡбѣщасѧ ³⁰ Игорь сице створити . заоутра ³⁷ призва Игорь слъı ³⁸. и приде на холмъ . кде стоӕше Перунъ . [и] ^Г покладоша ѡружьє своє ³⁹ и шитъ ⁴⁰ и золото . и ходи Игорь ротѣ и люди ⁴¹ єго . єлико ⁴² поганъıхъ Ру^си . а хе҃ӕную Русь водиша ротѣ . в црк҃ви ст҃го Ильи . /л.14об./ ӕже єсть надъ ручаємъ . конець Пасъıнъчѣ бесѣдъı . и ⁴³ Козарѣ . се бо бѣ сборнаӕ цр҃ки . мнози бо бѣша Варѧзи х^с̑еӕни . Игорь же оутвердивъ миръ съ Греки . ѡпусти ⁴⁴ слъı ³⁸ ѡдаривъ ⁴⁵ скороє ⁴⁶. и ⁴⁷ чалѧдью ⁴⁸ и воскомъ . и отпусти ӕ . сли ³⁸ же придош^а ко цр҃ви . [и] ^Г повѣдаша всѧ рѣчи Игоревъı . и любовь ӕже ⁴⁹ къ Грекомъ . Игорь же нача кнѧжити въ Києвъ ⁵⁰. миръ имѣӕ ко всѣмъВперёдмъ . и прıспѣ ѡсень . [и] ^Д нача мъıслити на Деревлѧнъı . хотѧ примъıслити большюю да^нь ❙

В лѣ^т̑ . ҂s҃ . у҃ . н҃г . [945] В се же лѣто рекоша дружина Игореви . ѡтроци ^Е Свѣньлъжи . изодѣлисѧ суть ѡружьємъ и порт^ъı . а мъı нази . поиди ⁵¹ кнѧже с нами в дань . да и тъı добудеши и мъı . [и] ^Г послуша ихъ Игорь . иде в Дерева в дань . и примъıшлѧше къ первои да[н]и ^Ж [и] ^Г насилѧше имъ . и мужи єго . возьємавъ дань ⁵² поиде въ градъ свои . идуще ⁵³ же єму въспѧть . размъıсливъ ре^ч̑ дружинѣ своєи . идѣте съ данью домови ⁵⁴. а ӕ возъвращюсѧ похожю и єще . пусти дружину свою домови ⁵⁵. съ маломъ же дружинъı ⁵⁶ возъвратисѧ . желаӕ больша имѣньӕ . слъıшавше же деревлѧне ӕко ѡпѧть идеть . сдумавше со кнѧземъ своимъ . Маломъ ⁵⁷. аще сѧ

въвадить волкъ в овцѣ . то въıносить все стадо . аще не оубьють єго . тако и се ¹ аще ие оубьємъ єго . то ² все ³ нъı погубить . [и] ^А послаша ⁴ к нему ^Б гл҃ще . почто идеши ѡпѧть поималъ єси всю дань . и не послуша ⁵ ихъ Игорь . и въıшедше ⁶ изъ града Изъкоръстѣнѧ ⁷. Деревлене оубиша ⁸ Игорѧ . и дружину єго . бѣ бо ихъ мало . и погребенъ бъı^с̑ Игорь . [и] ^А єсть могила єго оу Искоръстѣнѧ гра^д̑ /л.15/ в Деревѣхъ и до сего дн҃е . Вольга же бѧше в Києвѣ съ сн҃мъ своимъ съ ⁹ дѣтьскомъ Ст҃ославомъ . и кормилець єго Асмудъ . [и] ^А воєвода бѣ Свѣнелдъ . тоже ѡц҃ь Мистишинъ ¹⁰. рѣша же ¹¹ Деревлѧне . се кнѧзѧ оубихомъ Рускаго . поимемъ жену его Вольгу за кнѧзь свои Малъ и Ст҃осла^ва . и ¹² створимъ єму ӕкоже хощемъ . и послаша Деревлѧне лучьшиє ¹³ мужи числомъ . к҃ . въ лодьи к Ользѣ . и присташа подъ Боричевъıмъ в лодьи ¹⁴. бѣ бо тогда вода текущи . въздолѣ ¹⁵ горъı Києвьскиӕ . и ¹² на подольи не сѣдѧху людьє . но на горѣ градъ же бѣ Києвъ . идеже єсть нъıнѣ дворъ Гордѧтинъ . и Ни[ки]фо[ро]въ ^В. а дворъ кнѧжь бѧше в городѣ . идеже єсть [н҃нѣ дворъ Воротиславль . и Чюди^н̑ . а перевѣсище бѣ внѣ гра^д . и бѣ внѣ гра^д дворъ дроугыи . идѣже є^г̑] ^Г дворъ Демест^иковъ ¹⁶. за ст҃ою Бц҃ею надъ горою дворъ теремнъı^и бѣ бо ту теремъ каменъ . и повѣдаша Ѡльзѣ ӕко Деревлѧне придоша ¹⁷. и возва є ¹⁸ Ѡльга к собѣ . [и ре^ч̑ имъ] ^Д добри гостьє придоша . и рѣша Деревлѧне придохомъ кнѧгине . и ре^ч̑ имъ Ѡльга да гл҃те что ради придосте сѣмо ¹⁹. рѣша же ²⁰ Древлѧне . п^осла нъı Дерьвьска ²¹ землѧ . рькуще ²² сице муж^а твоєго оубихомъ . бѧше бо ²³ мужь твои аки волкъ . восхищаӕ и грабѧ . а наши кнѧзи добри суть . иже распасли суть Деревьску землю . да поиди за кнѧзь ²⁴ нашь за ²⁵ Малъ . бѣ бо имѧ єму Малъ . кнѧзю Дерьвьску ²⁶. ре^ч̑ же ²⁷ имъ Ѡльга люба ²⁸ ми єсть ²⁹ рѣчь ваша . оуже мнѣ ³⁰ мужа своєго не крѣсити . но ³¹ хочю въı почтити наутриӕ предъ людьми своими ^Е . а нъıнѣ идѣте ³² в лодью свою . и лѧзите въ лодьї величающесѧ . [и] ^Ж азъ оутро ³³ послю по въı . въı же /л.15об./ рьцѣте ³⁴ не єдемъ ³⁵ на конѣ . ни пѣши идемъ ³⁶. но понесѣте нъı в лодьѣ . и възнесуть въı в лодьи . и ѿпусти ӕ в лодью . Ѡльга ³⁷ же повелѣ ископати ӕму . велику и глубоку . на дворѣ теремьстѣмь . внѣ града . и заоутра Волга сѣдѧщи в теремѣ . посла по гости . и придоша к нимъ . гл҃ще . зоветь въı Ѡльга ³⁸ на честь велику . ^ѡни же рѣша не єдемъ на конихъ ни на возѣхъ . [ни пѣши идемъ] ^З понесѣте нъı в лодьи . рѣша же ³⁹ Киӕне намъ ⁴⁰ н^еволѧ кнѧзь нашь оубьєнъ . а кнѧгини наш^а хоче ⁴¹ за вашь кнѧзь ⁴² и понесоша ӕ ⁴² в лодьи . ѡни же сѣдѧху в перегъбѣ^х . въ великихъ сустугахъ гордѧщесѧ . и принесоша ӕ на ⁴⁴ дворъ к Ользѣ . [и] ^И несъше ⁴⁵ вринуша є ⁴⁶ въ ӕму и ⁴⁷ с лодьєю . приникъши ⁴⁸ Ѡльга и ⁴² ре^ч̑ имъ добра ли въı честь . ѡни же ⁵⁰ рѣша пущи нъı Игоревъı смр҃ти . и повелѣ засъıпати ӕ живъı . и посъıпаша ⁵¹ ӕ . [и] ^А пославши ⁵² Ѡльга къ Деревлѧномъ . ре^{ч̑ 53} имъ д^ааще мѧ просити ⁵⁴. право то пришлите мужа нарочитъı ⁵⁵. да в велицѣ чти

приду ¹ за вашь ² кн^ѧзь . єда не пустѧть мене людьє Києвьстии . се слъıшавше Деревлѧне ³. собрашасѧ ⁴ лучьшиє мужи . иже дерьжаху Деревьску ⁵ землю . и послаша по ню . Деревлѧномъ же пришедъшимъ . повелѣ ⁶ Ѡльга мовь ⁷ створити ⁸ рькуще сıце . измъıвшесѧ придите ко мнѣ . ѡни же пережьгоша истопку ⁹. и влѣзоша Деревлѧне . начаша ¹⁰ сѧ мъıти . и запроша ѡ нихъ истобъку ¹¹. и повелѣ зажечи ӕ ѿ дверии . ту ¹² изгорѣш^а вси . и посла къ Деревлѧномъ рькущи сице . се оуже иду к вамъ . да пристроите медъı многи /л.16/ въ градѣ идеже оубисте мужа моєго да ^поплачюсѧ ¹³ надъ гробомъ єго . и створю тръıзну мужю своєму . ѡни же то слъıшавше съвезоша медъı многи зѣло . [и] ^А възвариша . Ѡльга же поимши м^алъı ¹⁴ дружинъı . легъко ¹⁵ идущи . приде къ гробу єго . [и] ^А плакасѧ по ¹⁶ мужи своємъ . и повелѣ людемъ своимъ ¹⁷ съсути ¹⁸ могилу велику . [и] ^А ӕко сосп^оша ¹⁹. и повелѣ тръıзну творити . посемь сѣдоша Деревлѧне пити . и повелѣ Ѡльга ѡтрокомъ своимъ служити пред ними . [и] ^А рѣша Деревлѧн^е к ²⁰ Ользѣ кдѣ суть ²¹ дружина наша . ихъже ²² послахомъ по тѧ . ѡна же ре^ч̑ идуть но мнѣ съ дружиною мужа моєго . [и] ӕко оупишасѧ Деревлѧне . повелѣ ѡтрокомъ своимъ пити ^Б на нѧ . а сама ѿиде кромѣ и повелѣ ²³ дружинѣ [своєи] ^В сѣчи Деревлѧне ²⁴. и исѣкоша ихъ . ҂є . а ²⁵ Ѡльга ²⁶ возъвратисѧ Києву ²⁷ и пристрои вои на прокъ ихъ ²⁸.

[Начало] ^Г кнѧженьӕ Ст҃ославлѧ [сн҃а Игорева] ^Д ❙ В ²⁹ лѣ^т̑ . s҃ . у҃ . н҃д . [946] Ѡльга ³⁰ съ съıномъ своимъ Ст҃ославомъ . собра вои много ³¹ и храбръı . и иде на Дерьвьску ³² землю . [и] ^А изидоша Деревлѧне противу . [и] ^А съ[не]мъшемъсѧ ³³ ѡбѣма полкома ³⁴ на скупь ³⁵. суну копьємъ Стославъ [на] ^Е Деревлѧнъı . и копьє летѣ сквозѣ оуши коневи . [и] ^А оудари в ноги ³⁶ коневи . бѣ бо дѣтескъ . и рече Свѣнелдъ и Асм^олдъ ³⁷. кнѧзь ³⁸ оуже почалъ потѧгнѣте дружин^{а 39} по кнѧзѣ . и побѣдиша Деревлѧнъı ⁴⁰. Деревлѧне же побѣгоша . и затворищасѧ въ градѣхъ свои^х̑ . Ѡльга же устремисѧ съ сн҃мъ своимъ [на Искоростѣнь гра^д . ӕко тѣе бѧхү оубили моужа еӕ . и ста ѡколо тра^да с̾ сн҃мъ своимъ] ^Ж. а Деревлѧне затворишасѧ въ градѣ . и борѧхусѧ крѣпко изъ града . вѣдѣху бо ӕко сами оубили кнѧзѧ . и на что сѧ предати . и стоӕ Ѡ/л.16об./льга лѣто . [и] ^А не можаше взѧти града . и оумъıслı сице . посла ко граду гл҃щи . что хочете досѣдѣти а вси гради ваши предашасѧ мнѣ . и ӕлисѧ по ⁴¹ дань . и дѣлають нивъı своӕ и землѣ своӕ ⁴². а въı хочете изъмерети гладомъ . не имучесѧ по дань . Деревлѧне же рекоша . ради сѧ ⁴³ бъıхомъ ӕли по дань . но хощеши мьщатı мужа своєго . ре^ч̑ же имъ Ѡльга . ӕко азъ мьстıла оуже ѡбиду ⁴⁴ мужа своєго . когда ⁴⁵ придоша Києву ⁴⁶. второє ⁴⁷ и третьєє . когда творихъ ⁴⁸ тръıзну мужеви ⁴⁹ своєму . а оуже не хощю мъщат^и . но хощю дань имати помалу. [и] ^З смирившисѧ с вами поиду ѡпѧть ⁵⁰. рекоша ⁵¹ же ⁵² Деревлѧне шт^о хощещи оу насъ ради даємъ ⁵³. медомь ⁵⁴ и скорою . ѡна же рече имъ . нъıнѣ оу васъ нѣ^с̑ меду ни скоръı .

но мало оу васъ прошю . даите ¹ ми ѿ двора по . г҃ . голуби да ² [по] ^А . г҃ . воробьи . азъ бо не хощю тѧжьки дани възложити . ӕкоже и ³ муж^ъ мои сего ⁴ прошю оу васъ мало . въı бо єсте изънемогли в [о]садѣ ^Б. да сего ⁵ оу васъ прошю мала ⁶. Деревлѧне же ради бъıвше . и ⁷ собраша ѿ двора по . г҃ . голуби . и по . г҃ . воробьи . и послаша к Ользѣ с поклономъ . Вольга же ре^ч̑ имъ се оуже єсть ⁸ покорилисѧ мнѣ . и моєму дѣтѧти . а ⁹ идѣте въ градъ . [а ӕ заоутра ѿступаю ѿ гра^да] ^В и приду ¹⁰ въ градо-сь . и ¹¹ Деревлѧне же ради бъıвше внидоша въ градъ и повѣдаша людемъ . и ѡбрадовашасѧ ¹² людьє въ градѣ . Вольга же раздаӕ воємъ по ¹³ голуби комуждо . а другимъ по воробьєви ¹⁴. и повелѣ [къ] ^Г комуждо ^{15 Д} голуби . и къ воробьєви привѧзъıвати цѣрь . ѡбертъıвающе ¹⁶ въ платки малъı . ни/л.17/тъкою поверзъıвающе ¹⁷. къ ¹⁸ коємуждо ихъ . и ¹⁹повелѣ Ѡльга ӕко ²⁰ смерчесѧ пустити голуби и воробьи . воємъ своимъ . голуби же и воробьєве полетѣша ²¹ въ гнѣзда своӕ . ѡви ²² въ голубники . врабьѣве ²³ жи ²⁴ подъ стрѣхи ²⁵ и тако възгарахусѧ голубьници . ѡво клѣти . ѡво вежѣ . ѡв^о ли ѡдринъı . и не бѣ двора идеже ²⁶ не горѧще ²⁷. и не бѣ ²⁸ льзѣ гасити . вси бо двори възгорѣшасѧ . и побѣгоша л^юдьє изъ града . и ²⁹ повелѣ Ѡльга воємъ своимъ имати є ³⁰. ӕко ³¹ взѧ градъ и пожьж^е и . старѣишинъı же града изънима ³². и прочаӕ люди ѡвъıхъ ³³ изби ³⁴. а другиӕ работѣ предасть мужемъ . своимъ . а прокъ и^х [о]стави ^Е платити дань . и възложиша ³⁵ на нѧ ³⁶ дань тѧжьку . в҃ . части дани идета ³⁷ Києву ³⁸ а третьӕӕ ³⁹ Бъıшегоруду ⁴⁰ к Ользѣ . бѣ бо Въıшегородъ градъ Вользинъ ⁴¹. и иде Вольга по Дерьвьстѣи ⁴² земли съ сн҃мъ своимъ и съ дружиною оуставлѧющи оуставъı и оуроки. [и] ^Ж суть становища єѣ и ловища . и приде въ градъ свои Києвъ ⁴³. съ сн҃мъ своимъ Ст҃ославомъ . и пребъıвши лѣто єдино . В лѣ^т̑ . ҂s҃ . у҃ . н҃е .— [947] Иде Вольга Новугороду ⁴⁴. и оустави по Мьстѣ повостъı ⁴⁵ и дани . и по Лузѣ ѡброки и дани [и] ^Ж ловища . єӕ суть по всеи земли . знамѧньӕ ⁴⁶ и мѣста и повостъı ⁴⁵. и сани єє стоӕть въ Плесковѣ ⁴⁷ и до сего дн҃е . и по Днѣпру перевѣсища и по Деснѣ . и єсть село єє Ѡльжичи и доселе . и изрѧдив^ши възратисѧ къ сн҃у своєму Киеву ⁴⁸. и пребъıваше ⁴⁹ съ нимъ ^З въ любъви.

В лѣ^т̑ . ҂s҃ . у҃ . н҃s . [948]

В лѣ^т̑ . ҂s҃ . у҃ . н҃з . [949]

В лѣ^т̑ . ҂s҃ . у҃ . н҃и ❙ [950]

В лѣ^т̑ . ҂s҃ . у҃ . н҃ѳ ❙ [951]

В лѣ^т̑ . ҂s҃ . у҃ . ѯ҃ . [952]

В лѣ^т̑ . ҂s҃ . у҃ . ѯ҃а . [953]

В лѣ^т̑ . ҂s҃ . у҃ . ѯ҃в ❙ [954]

В лѣ^т̑ . ҂s҃ . у҃ . ѯ҃г҃ ❙— [955] /л.17об./ Иде Ѡльга въ Греки . и приде Црюгороду ⁵⁰ бѣ ⁵¹ тогда цр҃ь имѧнемь Цѣмьскии ^{52 И}. и приде к нему Ѡльга . и видѣвъ ю добру сущю зѣло лицемъ . и смъıслену . оудививъсѧ ⁵³ цр҃ь разуму єӕ . бесѣдова к неи и рекъ єи ⁵⁴. подобна єси цртв҃ти въ гра^{д̑ 55} с нами . ѡна

же разумѣвши ре^ч̑ ко цр҃ю . азъ погана єсмь ¹. да аще мѧ хощеши кр^с̑ти . то ² кр^с̑т ^А мѧ самъ . аще ли то не крщ҃юсѧ . и кр^с̑ти ю цр҃ь съ пта҃рхмъ . просвѣщена же ³ бъıвши ⁴. радовашесѧ дш҃ею и тѣломъ . и пооучи ⁵ ю патреархъ ѡ вѣрѣ . [и] ^Б ре^ч̑ єи блг^с̑на тъı в [жена^х] ^В Руски^х̑ . ӕко возлюби свѣтъ . а тьму ѡстави . блг^с̑вти тѧ хотѧть ⁶ сн^в̑е̑ Рустии . [и] ^Б в послѣднии родъ внукъ твои^х̑ . и заповѣда єи ѡ цркв҃нмь оуставѣ . ѡ ⁷ м҃л^твѣ и ѡ постѣ . ѡ ⁷ мил^с̑тни и ѡ въздержаньи тѣла чиста . ѡна же поклонивши ^Г главу стоӕше . аки губа напаӕѥма . внимающи ^{8 Д} оученьӕ . [и] ^Б поклонившисѧ ⁹ птр҃арху глщ҃и ^{10 Е}. млт҃вми ^Ж твоими влд҃ко . да схранена буду ѿ сѣти неприӕзн^ънъı . бѣ же ре^ч̑но имѧ єи во ¹¹ крıцньи Ѡлена . ӕкоже и древнѧӕ цр҃цѧ . мт҃и Великаго Костѧнтина . [и] ^Б блг^с̑в^и ю птр҃архъ и ѿпусти ю . и по крщ҃ньи возва ¹² ю цр҃ь и рече єи ¹³ хощю тѧ поӕти собѣ женѣ ¹⁴. ѡна же ре^ч̑ како хочеши мѧ поӕти кр^с̑ть ¹⁵ мѧ самъ . и нарекъм^ѧ тъщерью ¹⁶. а [въ] ^З х^с̑еӕнехъ того нѣ^т̑ закона а ¹⁷ тъı самъ вѣс^и . и ре^ч̑ цр҃ь ¹⁸ п^ереклюкала мѧ єси Ѡльга ¹⁹. и дасть ²⁰ єи даръı многи злато и сребро . паволоки ²¹ и съсуды различнъıӕ ²². и ѿпусти ю нарекъ ²³ ю ²⁴ дъщерью собѣ . ѡна же хотѧщи домови ²⁵. приде ²⁶ къ ^патреарху блг^с̑внь^ӕ просѧщи на домъ . и ре^ч̑ єму людьє мои пагани ²⁷ и сн҃ъ мои . дабъı мѧ Бъ҃ съблюлъ ѿ всѧкого зла . и ²⁸ ре^ч̑ птр҃архъ чадо вѣрноє во Крт҃а ²⁹ кр^с̑тиласѧ єси и во Кр^с̑та ²⁹ ѡблечесѧ . Х^с̑ъ имать ³⁰ схранити тѧ . ӕкож^е /л.18/ схраııи Єноха в первъıӕ родъı . и потомъ Ноӕ в ковчезѣ . Аврама ѿ Авимелеха . Лота ѿ Содомлѧнъ . Моисѣӕ ѿ Фараѡна . Двда ѿ Саоула . г҃ . ѡтроци ³¹ ѿ пещи . Данила ѿ звѣрии . тако ³² и тѧ избавить . ѿ неприӕзни . и ѿ сѣтии єго . [и] ^Б бл^с̑ви ю патреархъ . и иде с миромъ въ свою зем^лю . и приде ³³ Києву ³⁴. се же бъı^с̑ ӕкоже при Соломанѣ . приде цр҃ца Єфиѡпьскаӕ к Соломану . слъıшати хотѧщи ³⁵ прмд҃рти ³⁶ Соломани ³⁷. и многу мдро^с̑т^ь видѣ и знамѧньӕ . такоже и си ³⁸ блж҃наӕ Ѡльга искаше ³⁹ доброѣ мдр^с̑ти ⁴⁰ Бж҃ьи ⁴¹ . но ѡна члвч^с̑ки . а си Бж҃ьӕ . ищющи бо мдр^с̑ти ⁴² ѡбрѧщють . прмдро^с̑т^ь на исходищихъ ⁴³ поєтсѧ . на путехъ же деръзновеньє водить ⁴⁴. на краихъ ⁴⁵ же забральнъıхъ пр^оповѣдаєть ⁴⁶. во вра^тѣхъ же граднъıхъ . дерзающи гл҃ть . єлико бо ⁴⁷ лѣтъ злобиви ^И держатсѧ п^о правду . си бо ѿ възраста блж҃наӕ Ѡльга . искаше ⁴⁸ мдр^с̑ью . все въ свѣтѣ семь ^І. налѣзе бисеръ многоцѣньнъıхъ ⁴⁹. єже єсть Хс^с̑ъ . ре^ч̑ бо Соломанъ желаньє . блгвр҃нхъ наслаженьи ⁵⁰ дш҃ю . и приложиши въ ⁵¹ ср҃це твоє в разумъ азъ ⁵² любѧщаӕ мѧ люблю . и ⁵³ ищющии мене ѡбрѧщють мѧ . Г^с̑ь ре^{ч̑ 54} приходѧщаӕ ⁵⁵ ко мнѣ не иженуть ⁵⁶ вонъ .

Си же Ѡльга приде Києву ⁵⁷ и ⁵⁸ присла к неи цр҃ь Гречьскии гл҃ѧ . ӕк^о много дарихъ тѧ . тъı бо гл҃ще ко мнѣ ⁵⁹. ӕк^о аще возъвращюсѧ в Русь . многи даръı пр^ислю ³⁰ ти челѧдь . воскъ ⁶¹. и съкру .

и вои ¹ въ помощь . ѡвѣщавши ² Ѡльга ³. и ре^ч̑ къ ⁴ сломъ ⁵. аще т^ъı рьци такоже постоиши оу мене в Почаинѣ ӕкоже азъ в Сюду ⁶ то ⁷ тогда ти дамь . и ѿпу/л.18об./сти слъı ⁸ съ ⁹ рекъши . живѧше же Ѡльга съ сн҃м^ъ своимъ ¹⁰ Ст҃ославомъ . и оучашеть и мт҃и кр^с̑ти^тисѧ . и не бѣжаше ¹¹ того ¹² ни [во] ^А оуши приим^ати ¹³. но аще кто хотѧше кр^с̑титисѧ не бранѧху но ругахусѧ тому невѣрнъıмъ бо вѣра х^реӕ҃ньска оуродьство єсть . не ¹⁴ смъıслиша бо ни ^Б разумѣша во тьмѣ ходѧщии . и не вѣдѧть славъı Г^с̑нѧ ѡдобьлѣша ¹⁵ бо ср҃ца ихъ . оушюма ¹⁶ тѧжько слъıшати [а] ^В ѡчима видѣти . ре^ч̑ бо Соломанъ дѣлатели ^Г неч^с̑тивъıхъ дѣлатель ¹⁷ ѿ разума понеже звахъ въı и не послушасте м^ене . прострохъ словеса и не внимасте . но ѿмѣтасте моӕ свѣтъı . моихъ же ѡбличении не внимасте . възненавидѣша бо прмдр^с̑ть . а страха Г^с̑нѧ не изволиша . ни ¹⁸ хотѧху моихъ внимати свѣтъ . подражаху ¹⁹ же мои ѡбличеньӕ . ӕкоже бо Ѡльга часто гаш҃еть ²⁰. азъ сн҃у мои ²¹ Ба҃ познахъ и радуюсѧ . аще тъı познаєши и ²² радоватисѧ почнешь ²³. ѡнъ же не внимаше того ²⁴ гл҃ѧ . како азъ хочю инъ законъ приӕти єдинъ . а дружина [моа] ^Д сему смѣӕтисѧ начнуть ²⁵. ѡна же нарече ²⁶ єму аще тъı кр^с̑тишисѧ вси имуть то же створити ²⁷. ѡнже не послуша мт҃ре . творѧше ²⁸ норовъı поганьскиӕ не вѣдъıи . аще кто мт҃^{рь Е} не послушаєть ²⁹. в бѣду впадаєть ³⁰ ӕкоже ре^{ч̑ 31}. аще кто ѡц҃а ли мт҃ре ³² не послушаеть ³³. но ³⁴ смр҃ть п[р]ииметь . се ³⁵ же к тому гнѣваш^есѧ ³⁶ на мт҃рь Соломанъ бо ре^ч̑ кака ³⁷ и злъıӕ приємлеть ³⁸ собѣ досаженьє ѡбличаӕ . ^Ж нч^с̑т̑в ^З поречеть ³⁹ тобе ⁴⁰. ѡбличеньӕ бо неч^с̑твмъ мзо/л.19/льє ⁴¹ суть ⁴². не ѡбъıчаи ⁴³ злъıхъ да ^вовъзненав^идить ^И тебе . но ѡбаче любѧше Ѡльга сн҃а св^оєго Ст҃ослава . рькущи волѧ Бж҃ьӕ да будеть . аще Бъ҃ хощеть ⁴⁴ помиловати ро^д̑ моєго и ⁴⁵ земл^ѣ Рускиѣ . да възложить имъ н ⁴⁶ ср҃це ѡбратити^с̑ къ Бу҃ . ӕкоже и мнѣ ⁴⁷ Бъ҃ дарова . и се рекши молѧшесѧ за сн҃а . и за люди . по всѧ нощи и дн҃и . кормѧщи ⁴⁸ сн҃а своєго до мужьства єго . и до взра^{ста єго} ❙

В лѣ^т̑ .҂s҃ . у҃ . ѯ҃ д ❙ [956]

В лѣ^т̑ .҂s҃ . у҃ . ѯ҃ е ❙ [957]

В лѣ^т̑ .҂s҃ . у҃ . ѯ҃s ❙ [958]

В лѣ^т̑ .҂s҃ . у҃ . ѯ҃з ❙ [959]

В лѣ^т̑ .҂s҃ . у҃ . ѯ҃и ❙ [960]

Влѣ^т̑ .҂s҃ . ѯ҃ ѳ .⁴⁹ [961]

В лѣ^т̑ .҂s҃ . у҃ . о҃ ❙ [962]

В лѣ^т̑ .҂s҃ . у҃ . о҃а ❙ [963]

В лѣ^т̑ .҂s҃ . у҃ . о҃в ❙— [964] Кнѧзю Ст҃ославу възрастъшю . и възмужавш^ю . нача вои совкуплѧти . многи и храбръı и легъко ходѧ . аки пардусъ . воинъı многи творѧше ходѧ ⁵⁰. возъ по собѣ не возѧше . ни котьла ни мѧсъ ⁵¹ варѧ . но потонку изрѣ^завъ . кон^ину ли . звѣрину ли . или ⁵² говѧдину . на оугле^х̑ исп^екъ ӕдѧху ⁵³. ни шатра имѧше . но подъкладъ ⁵⁴ пославъ ⁵⁵. и сѣдло в головахъ .

такоже и прочии вои єго вси бѧ^х̑ . [и] ^А посъıлаше ¹ къВперёдмъ гл҃ѧ . хочю н^а въı ити . и иде на Ѡку рѣку и на Волгу . и налѣзе В^ѧтичи . и ре^ч̑ Вѧтичемъ . кому дань даєте . ѡни же р^ѣша ² Козаромъ по щьлѧгу . и ѿ ³ рала даємъ ⁴.

В лѣ^т̑ . ҂s҃ . у҃ . о҃г . [965] Иде Ст҃ославъ на Козаръı . слъıшавше ⁵ же ⁶ Козари . изи^дша противу . съ ⁷ кнѧземъ своимъ Каганомъ . и съступиша^{с̑ 8} битъ . ѡ бивши ⁹ брани . ѡдолѣ ¹⁰ Ст҃ославъ Козаромъ ¹¹. и гра^д̑ ихъ и ¹² Бѣлу Вѣжю взѧ . [и] ^Б Ӕсъı побѣди и Касогъı .

В лѣ^т̑ . ҂s҃ . у҃ . о҃д ❙ [966] Вѧтичи побѣди Ст҃осл^авъ и дань на нихъ възложи .

В лѣ^т̑ . ҂s҃ . у҃ . о҃е ❙— [967] Иде ¹³ Ст҃ославъ на Дунаи и ¹⁴ на Болгаръı . [и] ^Б бившемъсѧ ¹⁵ ѡбоимъ . ѡдолѣ ¹⁶ Ст҃ославъ Болгаромъ ¹⁷. и взѧ город^ъ . н҃ . по Дунаєви ¹⁸. [и] ^Б сѣде кнѧжа ту . въ Переӕславци . ємлѧ дань на Грьцѣ^х .

В лѣ^т̑ .҂s҃ . у҃ . о҃s ❙— [968] Придоша Печенѣзи на Руску ¹⁹ землю первоє . а Ст҃ославъ бѧше ²⁰ Переӕславци . и затворисѧ Волга въ градѣ . со оунуки ²¹ своими Ӕрополкомъ ²². и Ѡльгомъ . и Володимеромъ въ градѣ Києвѣ ²³. и ѡступиша [Печенѣзи] ^В градъ в силѣ велицѣ . бещислено множьство ѡколо града . и ²⁴ не бѣ льзѣ изъ града въıлѣсти . ни вѣсти послати . изнемогаху же ²⁵ людьє гладомъ и водою . собрашесѧ людьє . ѡноӕ странъı Днѣпра в лодьӕхъ . ѡб ²⁶ онуВперёдстоӕху . и не бѣ льзѣ внити в Києвъ . и ²⁷ ни єдиному ихъ . ни изъ града к онѣмъ . [и] ^Б въстужиша ^Г людьє въ градѣ . и рѣша не ²⁸ ли кого иже бъı моглъ на ѡнуВперёддоити . и ре^{ч̑ Д} имъ аще кто не приступить с утра ²⁹. предатисѧ имам^{ъ Е} Печенѣгомъ . и ре^ч̑ єдинъ ѡтрокъ азъ преиду . и рѣша иди . ѡн же ³⁰ изиде изъ града с уздою . и ристаша ³¹ сквозѣ Печенѣги гл҃ѧ . не видѣ ли конѧ никтоже . бѣ бо оумѣӕ Печенѣжьски . и мнѧхуть и ³² своєго . [и] ^Б ӕко ³³ приближисѧ к рѣцѣ . сверг^{а Ж} портъı сунусѧ ³⁴ въ Днѣпръ и побреде . видѣвше же Печенѣзи оустремишасѧ на нь . стрѣлѧюше ³⁵ єго . и не могоша єму ничтоже створит^и . ѡни же видѣвше с оноӕ странъı . и ³⁶ приѣхаша ³⁷ в лодьи противу єму . и взѧша и ³⁸ в лодью . и прıвезоша и ³⁶ къ дружинѣ . и ре^ч̑ имъ аще не п[одст]у[пи]те ^З заоутра къ городу предати хотѧть людьє Печенѣгомъ . ре^ч̑ же воєвода ихъ . имѧнемъ Прѣтичь . подъступимъ заоутра в лодьӕ^х̑ . и ³⁶ попадше ³⁹ кнѧгиню и кнѧжичѣ оумчимъ на сюВперёд. аще ли сего не створимъ погубити /л.20/ нъı имать Ст҃ославъ . ӕко бъı^с̑ заоутра всѣдъше ⁴⁰ в лодью протиоу ⁴¹ свѣту и въструбиша ⁴² вельми . и людьє въ градѣ кли^кнуша . Печенѣзи же ⁴³ мнѣша ⁴⁴ кнѧзѧ пришедша . побѣгоша разно ѿ града . и ³⁰ изиде Ѡльга со оунуки ⁴⁵ и с людми к лодьѣ ⁴⁶. видѣвъ ⁴⁷ же се ⁴⁸ кнѧзь Печенѣж^ъскии . възратисѧ єдинъ къ воєводѣ Прѣтичю . и ре^ч̑ кто се приде . и ре^ч̑ єму лодьӕ ⁴⁹ ѡноӕ странъı . и ре^ч̑ кнѧзь Печенѣжьскии . а тъı кнѧзь ли єси . ѡнъ же ре^ч̑ азъ єсмь мужь єго . и ³⁶ пришелъ єсмь ⁵⁰ въ сторожѣ^х̑ . [и] ^Б

по мнѣ идеть полкъ ¹ со кнѧземъ ². бе-щисла ³ множьство . се же ре^ч̑ . грозѧ имъ . ре же кнѧзь Печенѣжьскии къ Прѣтичю . буди ми другъ . ѡнъ же ре^ч̑ тако створю . и ⁴ подаста руку межю собою . и въдасть ⁵ Печенѣжьскии кнѧзь Прѣтичю . конь . саблю . стрѣлъı . ѡнъ же дасть єму . бронѣ . щитъ . мечь . [и] ^А ѿступища ^Б Печенѣзи ѿ града . и не бѧше льзѣ ⁶ конѧ напоити . на Лъıб^еди Печенѣзи . и послаша Киӕне къ Ст҃ославу гл҃ще . тъı кнѧже чюжеӕ земли ищеши и блюдеши ^В. а⁷ своєӕ сѧ ѡхабивъ . малъı ⁸ бо насъ не взѧша ⁹ Печенѣзи . [и] ^А мт҃рь твою и дѣти твои ¹⁰. ащ^е не поидеши ни ѡбраниши насъ . да паки нъı возмуть . аще ¹¹ ти не жаль ѡчинъı своєӕ . ни мт҃ре старъı суща ¹² и дѣтии свои^х . то ¹³ слъıшавъ Ст҃ославъ . вборзѣ всѣде на конѣ съ дружиною своєю . и приде Києву ¹⁴ цѣлова мт҃рь свою . и дѣти своӕ . и съжалисѧ ¹⁵ ѡ бъıвшемъ ѿ Печенѣгъ . и ¹⁶ собра вои . и прогна Печенѣги в поли ¹⁷. и бъı^с̑ миръ . В лѣ^т̑ . ҂s҃ . у҃ . о҃з ¹⁸ [969] Ре^ч̑ Стославъ къ ¹⁹ мт҃ри своєи . и къ ¹⁹ болѧромъ своимъ . не любо ми єсть в Києвѣ бъıти . хочю жити с ²⁰ Переӕславци в ²¹ Дунаи . /л.20об./ ӕко то єсть середа ²² в ²³ земли моєи . ӕко ту вс^ѧ бл҃гаӕ сходѧтсѧ ²⁴. ѿ Грекъ злато паволоки ²⁵. вина [и] ^Б ѡвощеве розноличнъıӕ . и-Щехъ ²⁶ же ²⁷ из Урогъ ²⁸ сребро и комони ²⁹. из Руси же скора и воскъ ³⁰ медъ . и челѧ^д . ре^{ч̑ 31} єму Волга видиши мѧ болноє ³² сущю . камо хощеши ѿ мене ити . бѣ бо разболѣласѧ оуже . ре^ч̑ же єму погребъ мѧ . иди же ³³ ӕможе хочеши . по тре^х̑ дн҃хъ оумре Ѡльга . и плакасѧ по неи сн҃ъ єӕ и внуци єӕ . и людьє вси плачемъ великомь ³⁴. [и] ^Б несоша и погребоша и ^Г намѣст^ѣ ❙— Ибо ³⁵ заповѣдала Ѡльга не творите ³⁶ тръıзнъı на^д̑ собою . бѣ бо имущи презвутеръ ³⁷. сеи похорони ^Д блж҃ную Ѡльгу . си ³⁸ бъı^с̑ предътекущиӕ крт҃ьӕньстѣи ^Е земли . аки деньица ³⁹ предъ слн҃цмь . и ¹⁶ акı зорѧ предъ свѣтомъ . си бо сьӕше ⁴⁰ аки луна в нощи . тако и си в невѣрнъıхъ члвц҃хъ свѣтѧщес^{ѧ 41}. аки бисеръ в калѣ . кальни бо бѣша грѣ^{х̑ 42}. не ѡмовени ⁴³ крщ҃нмь ст҃мь . си бо ⁴⁴ ѡмъıсѧ купѣлью ст҃ою . и совлечесѧ грѣховною ѡдежевъ ⁴⁵. ветхаг^о чл҃вка Адама . и ⁴⁶ въ новъıи Адамъ ѡблечесѧ єже єсть Х^с̑ъ . мъı же рцѣмъ к неи . ра^д̑исѧ ^Ж Рускоє познаньє ⁴⁷. къ Бу҃ начатокъ примиренью примир^енью ^З бъıхомъ . си ⁴⁸ первоє ⁴⁹ вниде в цр^с̑тво нб^с̑ноє ѿ Рус^и . сию бо ⁵⁰ хвалѧ^т̑ Рустиє сн҃ве . аки началницю . ибо по смр҃ти молѧше Ба҃ за Русь . првд҃нхъ бо дш҃а не оумир^аю^{т 51}. ӕкоже ре^ч̑ Соломанъ . похвала^м првд҃нму възвеселѧтсѧ людьє . бс^с̑мртьє ⁵² бо єсть памѧть єго . ӕко ѿ Ба҃ познаваєтсѧ и ѿ члв҃къ . се бо вси члв҃ци прославлѧють видѧща лѧжащаӕ ⁵³ в тѣлѣ на ⁵⁴ многа лѣ^т . ре^ч̑ бо ⁵⁵ прр҃къ прославлѧющаӕ мѧ прославлю . ѡ сѧковъı^х̑ бо Дв҃дъ ⁵⁶ гл҃ще в памѧ^т̑ [вечную] ^І. првд҃нкъ будеть . ѿ слуха зла не оубоитсѧ . готово ср҃це єго оуповати [на] ^И Г^с̑а . оутвердис^ѧ /л.21/ ср҃це єго и не по-

движетсѧ ¹. Соломанъ бо ² ре^ч̑ првд҃нци ^А въ вѣки жиоуть ³ и ѿ Га҃ мьзда имь єсть . и строєньє ѿ Въıшнѧго . сего ра^д приимуть цр^с̑твиє красотѣ . и вѣнець добротѣ ѿ руки Г^с̑нѧ . ӕко десницею покръıєть ӕ . и мъıшцею защитить ӕ . защитить ⁴ бо єсть сию блж҃ну Вольгу . ѿ противника и супостата дьӕвола .

Назад    Оглавление    Вперёд