ЛАВРЕНТЬЕВСКАЯ ЛЕТОПИСЬ

Назад    Оглавление    Вперёд

В лѣ^т̑ . ҂s҃ . х҃ . о҃ . з҃ . [1169] Мстислав же ⁵ Андрѣєвичь . посади в Къıєвѣ стръıӕ ⁶ своѥго Глѣба . а са^м̑ иде ѡпѧ^{т̑ 7} Володимерю ⁴. а Глѣбъ да сн҃ови ^{8 А} своєму Переӕславль ^Б. В то же лѣ^т̑ . чюдо створи Бъ҃ и ст҃аӕ Бц҃ѧ . новоє в Володимери городѣ . изгна бо Бъ҃ и ст҃аӕ Бц҃ѧ Володимерьскаӕ . злаго и пронъıрливаго ^В. и гордаго лесть|ца . лжаго вл^д̑ку Феѡдорца . из Володимерѧ ѿ ст҃ъıӕ Бц҃ѧ . цр^к̑ве Златоверхъıӕ . и ѿ всеӕ землѧ Ростовьскъıӕ . не въсхотѣ бо блг^с̑веньӕ и оудалисѧ ѿ него . тако и сь неч^с̑твъıи не всхотѣ послушати хр^с̑толюбиваго кнѧзѧ Андрѣӕ . велѧща ѥму ити ставитъсѧ к митрополиту г Къıѥву . и не всхотѣ . наче же Бу҃ не хотѧщю ѥго и ст҃ъи Бц҃ѣ . изверже ѥго изъ землѣ Ростовьскъı . ѿиметь ѿ него үмъ . такоже и надъ симь створи Бъ҃ . ѿӕ ѿ него үмъ . кнѧзю же ѡ немь добро мъıслѧщю . и добра ѥму ^Г хотѧщю . сь же не токмо не всхотѣ поставленьӕ ѿ митрополита . но и цр҃кви всѣ в Володимери [повелѣ] ^Д затворити . и ключѣ цр҃квнъıѣ взѧ . и не бъı^с̑ ни звоненьӕ ни пѣньӕ по всему граду . и въ сборнѣи цр҃кви . в неиже чюдотворнаӕ мт҃и Би҃ӕ . и ина всѧка ст҃ъıни єӕ . к неиже вси хр^с̑ьӕне съ страхо^м̑ пририщють . оутѣхуВперёдцю имуще . и цѣленьӕ ѿ неӕ приємлюще . дш҃мъ ^Е и тѣло^м̑ своимъ . и ту дерзну /л.119об./ црк҃вь затворити . и тако Ба҃ разгнѣви . и ст҃ую Бц҃ю . томъ бо дн҃и изгнанъ бъı^с̑ . м^с̑цѧ . маӕ . въ . и҃ . дн҃ь . на памѧ^т̑ ста^г̑ Іѡа^н̑ Бословца . Много бо пострадаша чл҃вци ѿ него . въ держаньи ѥго . и селъ изнебъıвши и ѡружьӕ . и конь . друзии же и роботъı добъıша . заточеньӕ же и грабленьӕ . не токмо простьце^м̑ но и мнихо^м̑ . игумено^м̑ и єрѣѥмъ . безъмл^с̑твъ съıи мучитель . другъıмъ чл^в̑комъ головъı порѣзъıваӕ и бородъı . инъıм же ѡчи въıжигаӕ . и ӕзъıкъ оурѣзаӕ . а инъıӕ распинаӕ по стѣнѣ . и муча немл^с̑твнѣ . хотѧ исхитити ^Ж ѿ всѣ^х̑ имѣньѥ . имѣньӕ бо бѣ не съıтъ акъı адъ . посла же ѥго Андрѣи митрополиту в Къıѥвъ . митрополитъ же Костѧнтинъ повелѣ ѥму ӕзъıкъ оурѣзати . ӕко злодѣю и єретику . и руку правую оутѧти . и ѡчи єму ^З въıнѧти . зане хулу измолвї на ст҃ую Бц҃ю . потреблѧють бо сѧ грѣшници ѿ земьлѧ . и безаконьници ӕко | и не бъıти имъ . и сбъı^с̑сѧ слово єуальскоє на не^м̑ гл҃щеє . єюже мѣрою мѣри[те] ^И възмѣритьсѧ ва^м̑ . и имже судомъ судите суди^т̑сѧ ва^м̑ . судъ бо безъ мл^с̑ти не створшему мл^с̑ти . другоє же слово молвить . аще кто незаконьнѣ мученъ буде^т̑ не вѣнчаєтсѧ . грѣшнъıи ¹ бо и сдѣ по грѣху мучитсѧ . а на судѣ Би҃и ѡсудисѧ в муку . такоже и се ^К бес покаӕньӕ пребъı^с̑ . и до послѣднѧго издъıханьӕ . оуподобивъсѧ злъıмъ єретикомъ не кланѧющимъсѧ . и погуби дш҃ю свою и тѣло . и погъıбе памѧ^т̑ ѥго с шюмомь . такоже чтуть бѣси чтущаӕ ихъ . ӕко^ж̑ и сего доведоша бѣси . възнесше мъıсль ѥго до ѡблакъ . и оустроивше в немь . в҃ . го Сотонаила . и сведоша и въ адъ . ѡбрати бо сѧ болѣзнь ѥго на главу ѥму . и на верхъ ѥго неправда ѥго сниде . ровъ изръı и ископавъ ӕму впадесѧ в ню . то ^Л бо злѣ изъспроверже животъ свои . а хр^с̑ьӕне избавлени Бъ҃мъ и ст҃ою Бц҃ею . радующесѧ и веселѧще гл҃ху . блг^с̑внъ /л.120/ ѥси Бе҃ Бе҃ . ӕко тобою проидохо^м̑ сквозѣ ѡгнь и воду . и проидохомъ въ оутѣху бл҃гу . изволеньємь бл҃гъıмъ спс҃ающаго на^с̑ . тъı бо страшенъ и кто противитсѧ тобѣ . и противу величьству мъıшца

твоєӕ кто равнитьсѧ . тъı всемощенъ ѥси . оубожа и ба҃тѧ . оумерщвѧӕ и ѡживлѧӕ . творѧи всѧ премудрено . творѧи ѿ нощи дн҃ь . а ѿ зимъı весну . и ѿ бурѧ тишину . и ѿ суша тучю . и въздвизаӕ кроткаӕ на въıсоту . и смѣрѧӕ грѣшиикъı до землѧ . видѧ бо видѣ ѻзлобленьѥ людии своихъ сихъ кроткъı^х̑ Ростовьскъıӕ землѧ . ѿ звѣроӕдиваго Феѡдорца погъıбающи^х̑ ѿ него . посѣтивъ сп҃се рабъı своӕ . рукою кр^ѣпкою и мъıшцею въıсокою . рукою блг҃очтивою цр҃скою . правдиваго и блг҃овѣрнаго кнѧзѧ Андрѣӕ . се же списахо^м̑ . да не наскакають нѣции на свѧтительскъıи санъ . но ѥго же позоветь Бъ҃ . всѧк^ъ бъ даръ свъıше сходѧи ѿ тебе ѡц҃а свѣтомъ . ѥгоже блг^с̑вѧть чл҃вци . буде^т̑ блг^с̑нъ . ѥгоже | прокленуть чл҃вци . буде^т̑ проклѧтъ . тако ^А и ¹ сь ² Феѡдорець . и ³ не въсхотѣ блг^с̑влньӕ . и оудалисѧ ѿ него . злъıи бо злѣ погъıбнеть ⁴ ❙ В то же лѣ^т̑ чюдо створи Бъ҃ . и ст҃аӕ Бц҃а цр҃кве Десѧтиньнъıӕ ⁵. в Къıєвѣ . юже бѣ создалъ Володимеръ . иже бѣ ⁶ хр^с̑тилъ землю Русьскую . и далъ бѣ десѧтину к ⁷ цр҃кви тои . по всеи Русьстѣи ⁸ земли . створи ^Б же ⁹ та мт҃и Би҃ӕ чюдо паче нашеӕ надежа . сѣдѧщю бо Глѣбови ¹⁰ Гюргевичю Къıѥвѣ ¹¹. на столѣ ѡтни . и дѣдни . первоє лѣ^т̑ . приде множьство Половець . раздѣлившесѧ ¹² на двоє . ѡдини ¹³ придоша к Переӕславлю . и сташа оу Пѣсочна . а друзии придоша по ѡнои сторонѣ Днѣпра г ¹⁴ Къıєву . и сташа оу Корсунѧ . и прислашасѧ ѡбои къ Глѣбу ¹⁵ гл҃ще . Бъ҃ посадилъ тѧ и кнѧзь Андрѣи . на ѡтчинѣ своєи . и на дѣдини в Къıєвѣ . а ¹⁶ хоще^м̑ с тобою порѧдъ положити . ѡ всемъ . и ³ оутвердитисѧ межи собою . и внидемъ в роту а тъı к на^{м̑ 17}. да ни въı на/л.120об./чнете боӕти^сѧ насъ . ни мъı васъ . слъıшав же кнѧзь Глѣбъ рѣчь ¹⁸ кнѧзии Половецьскъı^{х̑ 19}. въсхотѣ к нимъ ити на сне^м̑ . и ре^ч̑ посломъ Половецьскъıмъ ²⁰. иду к ва^м̑ . и думашеть ²¹ з дружиною ²² св^оєю ²³ ѡ томь . г ²⁴ которъı^м̑ поидемъ передь ²⁵. и здумаш^а пре^ж̑ ити к Переӕславлю . блюда Переӕславлѧ . кн^ѧзь бо Переӕславьскъıи Глѣбовичь . Володимеръ . в то времѧ бѧшеть ²⁶ малъ ӕко . вı҃ . лѣ^{т̑ 27}. [и] ^В иде Глѣбъ к Переӕславьскъı^м̑ Половце^м̑ . на сне^м̑ . а къ ²⁸ другъı^м̑ Половце^м̑ к ²⁸ Русьскъı^{м̑ 29} посла река . пождѣте мене ту иду к Переӕславьлю оумирюсѧ ³⁰ с тѣми Половци . [и] ^В приду к ва^м̑ на миръ . смиривъ же сѧ ³¹ с Половци и подаривъ ³² и ³³. поѣха ѿ ни^х̑ . Половци же възвратишасѧ ѡпѧть в Половцѣ ³⁴. Глѣбъ же Гюргевичь поиде ³⁵ г ¹⁴ Корсуньскъı^м̑ Половце^м̑ . с братомь своимъ Михалкомь . и с дружиною своєю . и бъıвшю єму на Перепетовьскомь поли . Половци же ти ³⁶ слъıшавше ѣхавша Глѣ|ба к Переӕславлю . и здумаша . се Глѣбъ ѣхалъ на ѡну сторону къ ѡнѣмъ Половце^м̑ . а тамо ѥму пострѧти а к на^м̑ не ѣхалъ . поидемъ ³⁷ за Къıєвъ возмемъ села . и поидемъ с полоно^м̑ в ІІоловцѣ . и ѣхаша за Къıѥвъ воѥватъ ³⁸. и приѣхаша к Полному ^{39 Г} къ ст҃ѣи Бц҃ѣ граду к десѧтиньному . и к Сѣмъıчю . и взѧша села безъ оутеча . с людми ⁴⁰. с мужи и с ⁴¹ женами . конѣ ⁴². и скотъı . и ѡвцѣ погнаша ⁴³ в Половцѣ . а ⁴⁴ Глѣбови ⁴⁵ кнѧзю воротившюсѧ ѿ Переӕславлѧ . и хотѧщю ѥму

на ѡну сторону Днѣпра . г ¹ Корсуню на сне^м̑ . к Половце^м̑ . [и] ^А бъıвшю ѥму на Перепетовьскомь поли бъı^с̑ ѥму вѣсть ӕко не дождавъ ² Половци сонма ³ ѣхали воєватъ ⁴. и воюють . Глѣбъ же се ⁵ слъıшавъ хотѣ на нь са^м̑ ити ⁶. Берендѣєве же ӕша за поводъ ⁷. рекуще ⁸ кнѧже не ѣзди . тобѣ лѣпо ⁹ ѣздити в велицѣ полку . єда совкупишисѧ ¹⁰ с братьєю ¹¹. а нъıнѣ пошли брата которого любо ¹². и Берендѣєвъ нѣколико ¹³. Глѣ/л.121/бъ же посла брата ¹⁴ своѥго Михалка . и с нимь ¹⁵ Переӕславець . р҃ . а Берендѣєвъ полторъı . тъıсѧчи . Михалко же послушаньѥ ¹⁶ створи братне . а друж[ин]ѣ ^Б ѥго не сущи ¹⁷ с нимь . и не вѣдущимъ ¹⁸ поѣзда кнѧзѧ своѥго борзо . Михалко же цѣловавъ ¹⁹ брата своѥго Гл^ѣба . и всю дружину братию . и иде по Половци ²⁰. и переӕша Берендѣєве ²¹ дорогу Половецьскую . и поидоша по ни^х̑ с Михалкомъ . и наидоша ²² сторожѣ Половечьскъıѣ . бѣ же ихъ число^м̑ . т҃ . и ѡбьѣхавше ²³ ихъ без вѣсти [ѡвѣ^х] ^В избиша и ²⁴ другъıӕ ²⁵ изъимаша . и почаша впрашати ²⁶ живъıхъ [изыманы^х] ^Г. много ли ваши^х̑ назади . и рѣша много єсть ӕко ²⁷ . з҃ . тъıсѧчь . наши же слъıшавше думаша ²⁸ ѡже дамъı симъ животъ а Половець много єсть назади . а на^с̑ єсть ²⁹ мало . ѡже ³⁰ сѧ с ними начне^м̑ бити то се ³¹ на^м̑ будуть первии ворози . и избїша ӕ всѣ ³². не оупустивше ни мужа ³³. и поидоша по дорозѣ ихъ . воєвода же бѣ оу Михалка Володиславъ ³⁴. | Ӕновъ бра^т̑ . и оусрѣтоша Половець ³⁵ идуща с полоно^м̑ . и бившесѧ ³⁰ ѡдолѣша ³⁷ имъ ³⁸. самѣхъ избиша а полонъ свои ѿӕша . впрашаша ³⁹ же и тѣхъ ⁴⁰ много ли вашихъ назади єще . и рѣша топерво ⁴¹ великъıи полкъ идеть . наши же Бь҃єю помощью . и ст҃ою Бц҃ею крѣплѧхусѧ . дождашасѧ ⁴² того великого полку . и поѣхаша противу собѣ оуповающе на кр^с̑тъ ч^с̑тнъıи ⁴³. бъı^с̑ же оу поганъı^х̑ . ѳ҃ . сотъ копии . а оу ⁴⁴ Руси девѧносто копии . надѣюще же сѧ ⁴⁵ на силу погании поидоша . и наши противу имъ . Переӕславци же ⁴⁶ дерзи суще . поѣхаша напередъ с Михалкомъ . Берендѣєве же ⁴⁷ ӕша кнѧзѧ за поводъ . и не даша имъ ѣхати . рекуще ⁴⁸ не ѣздите въı напередъ . въı єсте нашь городъ . а ⁴⁹ мъı поидемъ напередъ стрѣлци . и снѧшасѧ ѡбои . и бъı^с̑ сѣча зла . и потѧша стѧговника нашего . и челку стѧговую сторгоша ^{50 Е} стѧга . и смѧтошасѧ ѡбои бьючисѧ ⁵¹. Володи/л.121об./славъ же ⁴⁶ замъıсли ⁵² стѧгъ взѧти Михалковъ и натъкнути на нь прилбицю ⁵³. и собравшесѧ поткнуша ⁵⁴ на нь . стѧговника ⁵⁵ Половечьского потѧша . и Михалка кнѧзѧ оудариша ратнии . двѣма копьєма в ⁵⁶ стегно . а третьимь копьє^м̑ в руку . но Бъ҃ ѡц҃а ^{57 Д} ѥго млтвою избави ѥго ⁵⁸ ѿ смр҃ти ӕкоже и пре^{ж̑ 59} в луцѣ морѧ . и ӕко^ж̑ бьӕхутьсѧ кр^ѣпко . и видѣвше Половци побѣгоша . и наши по ни^х̑ погн^аша . ѡвъı сѣкуще . ѡвъı ємьлюще . и ӕща ихъ руками полторъı тъıсѧчѣ . а прочии ⁶⁰ избиша .

а кнѧзь ихъ Тоглии ¹ оутече . и бъı^с̑ помощь хр^с̑та ч^с̑тнаго . и ст҃оє ² мт҃ре Бж҃ьи ³ Десѧтиньноє ⁴ Бц҃и ⁵. єӕже ⁶ бѧхуть ⁷ волости заӕли . да аще Бъ҃ не дасть въ ѡбиду чл҃вка проста . ѥда начнуть ѥго ѡбидѣти ⁸. аже ⁹ своєѥ ¹⁰ мт҃ре дому . и приде Михалко с Переӕславцї . и с Берендѣи г ¹¹ Къıѥву . побѣдивше Половци . хр^с̑ьѧне же избавлени тоӕ работъı . полонении же възвратишасѧ ¹² ѡпѧ^{т̑ 13} в своӕ си . а | прочии вси хр^с̑ьӕне прославиша ¹⁴ Ба҃ и ст҃ую Бц҃ю . скорую . помощиицю роду хр^с̑ьӕньску ¹⁵. Тоѥ же зимъı ¹⁶ кнѧзь Андрѣи посла сн҃а своѥго Мстислава . съ всею дружиною на Великъıи Новъгородъ . и Романъ Смолиньскъıи кнѧзь . с брато^м̑ Мьстиславо^м̑ . и Рѧзаньскъıи кнѧзь сн҃а посла . и Муромьскъıи сн҃а же ¹⁷ посла . и пришедше в землю ихъ много ¹⁸ зла створиша . села всѧ взѧша и пожгоша . и ¹⁹ люди по селомъ исѣкоша . а женъı и лѣти . имѣньӕ ²⁰. и скотъ ²¹. поимаша . придоша ²² же к городу Новгородци же затворишасѧ в городѣ . съ ²³ кнѧземъ Романомъ . и бьхутьсѧ ²⁴ крѣпко с ²⁵ города . и многъı избиша ѿ наши^х̑ . и ²⁶ не оуспѣвше ничтоже городу ихъ възвратишасѧ ²⁷ ѡпѧ^т̑ . и ѡдва домъı своӕ ӕша ²⁸ нѣши ѡпѧ^{т̑ 13}. а друзии людиє помроша с голода . не бъı^с̑ бо николиже ²⁹ толь тѧжка пути люде^м̑ симъ . друзии бо ѿ ни^х̑ и конину ѣша ³⁰. в великоє говѣньѥ . се же бъı^с̑ за наши грѣхъı ³¹. слъı/л.122/шахо^м̑ бо пре^ж̑ трии ³² лѣ^т̑ . бъıвшеѥ знаменьѥ Новѣгородѣ ³³ всѣ^м̑ людемъ видѧщимъ . в тре^х̑ бо ³⁴ цр҃квахъ Новгородьскъıхъ . плакала на тре^х̑ икона^х̑ ст҃аӕ Бц҃а . провидѣвщи бо мт҃и Бж҃иӕ пагубу хотѧщюю бъıти . надъ Новымъгородо^{м̑ 35} и надъ ѥго волостью . молѧшеть сн҃а своѥго со слезамї . дабъı ихъ ѡтинудь ³⁶ не искоренилъ . ӕко^ж̑ преже . Содома и Гомора . но ӕко Ниневгитѧнъı помилуѥть . ӕко^ж̑ и бъı^с̑ . ѡчивѣсто бо ³⁷ Бъ҃ и мт҃и Би҃ӕ . избави ӕ ³⁸ мл^с̑тью своєю . зане хр^с̑ьӕне суть . наказаӕ накажи мѧ ре^ч̑ Г^с̑и . а смр҃ти не предажь ³⁹ мене . гл҃ѧ Дв҃дъ . тако и сиӕ людї Новгородьскъıӕ наказа Бъ҃ . и смѣри ӕ дозѣла ⁴⁰. за преступленьє ^А кр^с̑тноѥ . и за гордость ихъ наведе на нѧ . и мл^с̑тью своєю избави гра^д̑ ихъ . не гл҃ем же прави суть Новгородци . ӕко ⁴¹ издавна суть свобожени Новгородци ⁴². прадѣдъı кнѧзь наши^х̑ . но аще бъı тако бъıло то велѣли ли ⁴³ имъ преднии кнѧзи кр^с̑тъ преступити ^{44 Б} . | или внукъı . или правнукъı . соромлѧти . а кр^с̑тъ ч^с̑тнъıи цѣловавше . ко внуко^м̑ ихъ . и к ⁴⁵ правнукомъ . то ⁴⁶ преступати . то ⁴⁷ доколѣ Бг҃ви ⁴⁸ терпѣти над нами . за грѣхъı навелъ . и наказалъ по достоӕнью . рукою блг҃овѣрнаго кнѧзѧ Андрѣӕ ❙

В лѣ^т̑ . ҂s҃ . х҃ . о҃ . и҃ . [1170] Престависѧ блг҃ороднъıи ⁴⁹ кнѧзь Володимеръ . Андрѣєвичь . и положиша и оу ста^г̑ Андрѣӕ в Къıєвѣ . въ Ӕнъчинѣ манастъıри . На ту же ѡсень престависѧ . Мстиславъ Изѧславичь . и положиша и ⁵⁰ в Володимери . идеже престависѧ ❙

В лѣ^т̑ . ҂s҃ . х҃ . о҃ . ѳ҃ . [1171] Родисѧ оу Мстислава сн҃ъ . оу Андрѣєвича ⁵¹. и нарекоша и ²⁶ в крщ҃нии Василии . Тоє же зимъı придоша Половци на Къıѥвьскую сторону и взѧша множьство селъ

за Къıѥвомъ . с ¹ людми и скотъı . и кони ². поидоша ³ со множьствомь полона ⁴ в Половци . а ⁵ Глѣбу кнѧзю Къıєвьскому . в то времѧ болну сущю . посла ⁶ бра^{т̑ А} своѥго Михалка с брато^м̑ своимъ Всеволодо^м̑ /л.122об./ по Половци^{х̑ 7}. Михалко же послушливъ съı ⁸. иде ⁹ борзо по ни^х̑ . и сгони ¹⁰ ихъ за рѣкою Бо҃мь . с Берендѣи . и с Торкъı с ¹ воєводою своимъ Володиславомь . и наѣхаша дорогу ихъ . и поѣхаша по ни^{х̑ 11}. и оусрѣтоша [ӕ] ^Б с полоно^м̑ . бишасѧ ¹² с ними . и наши ¹³ Бь҃єю помощью . инѣхъ ¹⁴ избиша . а другъıӕ извѧзаша ¹⁵. и рекоша имъ ¹⁶. много ли ваши^х назади . и рѣша ¹⁷ мнози су^т̑ . и ре^ч̑ Володиславъ держи^м̑ колодникъı сѣ ¹⁸ собѣ на смр҃ть . повели ¹⁹ кн^ѧже сѣчи ²⁰ [ӕ] ^В. и исѣкоша всѣ . поѣхаша ²¹ по дорозѣ ²². и срѣтоша и ²³ паки ²⁴. и ²⁵ сступишасѧ с ними битъ ²⁶. и поможе ²⁷ Бъ҃ Михалку со Всеволодо^м̑ на поганъıӕ . [и] ^Г дѣднѧ и ѡтнѧ млт҃ва ^Д. и сбъı^с̑сѧ ²⁸ в ²⁹ не^д̑лю . сами^х̑ поганъı^{х̑ 30} избиша . а другъıӕ изъимаша ³¹. а полонъ свои ѿӕша . . у҃ . чади . и ²⁵ пустиша ӕ ³² во своӕ си . а сами възвратишасѧ ³³ в Къıєвъ ³⁴. славѧще Ба҃ и ст҃ую Бц҃ю . и кр^с̑та ч^с̑тнаго ❙

В лѣ^т̑ . ҂s҃ . х҃ . п҃ . [1172] Престависѧ блг҃овѣрнъıи кнѧзь Глѣбъ Къıєвьскъıи . Гюргевичь . и ²⁵ кнѧжи ³⁵ в Къıєвѣ . | . в҃ . лѣта ³⁰. И положиша и оу ста^г̑ Сп҃са на Берестовѣмь . идѣже лежить ѡць ѥго Гюрги ❙ Тоє же зимъı посла кнѧзь Андрѣи сн҃а своѥго Мстислава на Болгаръı . и Муромскъıи кнѧ^з̑ сн҃а своѥго ³⁷. и Рѧзаньскыи кнѧ^з̑ сн҃а своѥго ³⁸. бъı^{с̑ 39} не любъ путь всѣ^м̑ людє^м̑ симъ ⁴⁰. зане непогодьє ⁴¹ є^с̑ зимѣ воєвати Болгаръ . и подуче ⁴² не идѧху . бъıвшю же кнѧзю Мстиславу на Городьци . совкупльшюсѧ [со] ^Е братома своима с Муромьскъı^м̑ . и ⁴³ с Рѧзаньскъı^м̑ . на оусть ^Ж Ѡкъı . и ждаша дружинъı . в҃ . не^д̑ли . и ²⁵ не дождавше ⁴⁴ ѣхаша с переднею дружиною . Борису Жидиславичю воєвода бѣ в то времѧ . и нарѧдъ весь держаше ⁴⁵. и въѣхаша ⁴⁶ в поганъıӕ ⁴⁷ без вѣсти взѧша ⁴⁸ селъ . s҃ . Семоѥ городъ ⁴⁹. мужи исѣкоша . а женъı и дѣти поима ⁵⁰. слъıшавше же ⁵¹ Болгаре . в малѣ дружинѣ кнѧзѧ ⁵² Мьстислава пришедша . [и] ^Г идуща ѡпѧ^т̑ с полоно^м̑ . доспѣша ⁵³ вборзѣ и ⁴³ поѣхаша по ни^х̑ въ . ҂s҃ . за ⁵⁴ малъı^м̑ не постигоша и^х̑ за . к҃ . верстъ . кнѧзю Мстиславу ^З на оустьи с малою дру/л.123/жиною ⁵⁵. а всю ⁵⁶ дружину пустившю ⁵⁷ ѿ собе . и възврати ⁵⁸ ѿ него Бъ҃ поганъıӕ Болгаръı . хр^с̑ьӕнъı покръıвъ рукою своєю . слъıшавше бо наши се прославиша Ба҃ ⁵⁹ заступи бо ѡчивѣсть ѿ поганъı^х̑ ст҃аӕ ⁶⁰ Бц҃а . и хр^с̑ьӕньска ⁶¹ млт҃ва . погании бо ⁶² възвратишасѧ вспѧть . а хр^с̑ьӕне хвалѧще Ба҃ . взвр^атишасѧ в^о своӕ си . Тоѥ же зимъı посла Андрѣи кнѧ^з̑ . Къıєву кнѧжитъ ⁶³ Романа Ростиславича .

и приӕша ѥго с ч^с̑тью Къıӕне . а сн҃ови Арополку ¹. да ² Смолинескъ ⁸ ❙—

В лѣ^т̑ .҂s҃ . х҃ . п҃а . [1173] Престависѧ блг҃овѣрнъıи кнѧзь Мстиславъ ^А Андрѣєвичь . м^с̑цѧ марта . въ . к҃и . дн҃ь . во вторни^{к̑ 4 Б}. И положиша и ⁵ оу ст҃оє ⁶ Бц҃и в Володимери . юже цр҃квь ⁷ оучинилъ ѡц҃ь ѥго кнѧ^{з̑ 8} Андрѣи ❙

Назад    Оглавление    Вперёд