ЛАВРЕНТЬЕВСКАЯ ЛЕТОПИСЬ

Назад    Оглавление    Вперёд

В лѣ^т̑ . ҂s҃ . у҃ . ч҃ѳ . [1191]

В лѣ^т̑ . ҂s҃ . ѱ҃ ❙ [1192] м^с̑ца . иоулѧ . въ . к҃и . дн҃ь ^{2 Б}. на памѧ^т̑ . ста^г̑ мчн҃ка Євъстаѳьӕ . къ Анкюрѣ Галатиистѣи ³. Бъıша постригъı ⁴ оу великаго кнѧзѧ Всеволода . сн҃а Геѡргева ⁵. внука Володимерѧ Мономаха . сн҃у ѥго Геѡргеви ⁶ в градѣ ⁷ Суждали ^В. того^{ж̑ 8} дн҃и и на копь ѥго всади . и бъı^с̑ радость велика в градѣ Суждали . ту ⁹ сущю блж҃ному єп^с̑пу Іѡа^{н̑ 10}. того^ж̑ лѣ^{т̑ 11} заложенъ бъı^с̑ гра^д̑ Сужда|ль и срубленъ бъı^с̑ того^ж̑ лѣта . в то же лѣто ¹². заложи блг҃овѣрьнъıи ¹³ великъıи кнѧзь Всеволодъ . Юргеви^{ч̑ 14}. цр҃ковь Рж^с̑тво ст҃ъıӕ Бц҃ѧ ¹⁵. в градѣ Володимери ¹⁶. почата же ¹⁷ бъı^с̑ здати . м^с̑ца . авгу^с̑ . въ . к҃в . дн҃ь ¹⁸. на памѧ^т̑ ста^г̑ м^ч̑ка Х^с̑ва Агаѳоника . и дружинъı ѥго ¹⁹. при блж҃нѣмь ²⁰ єп^с̑пѣ Іѡанѣ ²¹ ❙

В лѣ^т̑ . ҂s҃ . ѱ҃ . а҃ . [1193] Бъı^с̑ пожаръ ²² в Володимери городѣ ²³. м^с̑ца ²⁴июнѧ ^Г. въ ²⁵ . к҃г . дн҃ь ²⁶. в ²⁷ канунъ ст҃ою м^ч̑ку ²⁸ Бориса и Глѣба . в четве^{к̑ Д}. в полъночи ²⁹ зажжесѧ . и горѣ мало не до вечера . цр҃квии изгорѣша ³⁰ . дı҃ . а города половина погорѣ . и ³¹ кнѧжь дворъ Бм҃ь и ст҃оє Бц҃и изотѧша . дѣда ѥго и ѡц҃а ѥго мл҃твою ст҃ою ³². избавленъ ³³ бъı^с̑ ѿ пожара ^Е. и много зла оучинисѧ грѣхъ ради наши^х̑ . глт҃ь бо к на^м̑ Ісаїємь пр҃ркмь . гл҃ѧ . что ӕко алкахо^м̑ и ^Ж оузрѣ . и смѣрихо^м̑ дш҃а наша и не оувѣдѣ . и в дн҃и бо алканьӕ вашего ѡбрѣтаєте свою волю . и повиньнъıӕ своӕ томите . в прѧ и в сваръı . алчете и и бьєте пѧстью смѣренаго . въскую ми тако алчете . гл^с̑мь въпьєте ко мнѣ . а дѣла неподобнаӕ дѣлаючи . ни то а/л.139/лканьє азъ избра^х̑ . и в дн҃ь во нь же смѣрить члв҃къ дш҃ю свою . аще преклониши въıю свою . и ӕригъ и попелъ постелеши по^д̑ собою . то и то не наречетсѧ алк^аньѥ приӕто Бо҃мь . не такого бо алканьӕ избра^х̑ гле^т̑ Г^с̑ь . но разрѣши съоузу неправдъı . и разрѣши оузъı бѣднъı^х̑ . и все вписаньє неправедно разрѣши . раздроби алчьнъı^м̑ хлѣбъ свои . и оубогъıӕ безъ храма сущаӕ введи в до^м̑ свои . аще видиш^и нага ѡдежи . тогда бо просвѣти^т̑сѧ тобе ради свѣ^т̑ твои . и ризъı твоӕ скоро просьӕють . и приде^т̑ предъ тѧ правда твоӕ . и слава Бж҃ьӕ ѡбуиметь тѧ . тогда взопьєши и Бъ҃ оуслъıши^т̑ тѧ . и ѥще гл҃щю ти и ре^ч̑ть ти се придо^х̑ . аще ѿверзеши ѿ собе оузъı . и гл҃ъı роптаньӕ . ти даси алчьну хлѣбъ . и тма твоӕ ^З буде^т̑ акъı полудн҃е . и буде^т̑ Бъ҃ твои с тобою при^с̑ и насъıтишисѧ . ӕко помъıшлѧѥть дш҃а твоӕ . и кости твоӕ разъвлажѣють . и будуть ӕко ѡгради на поли . ӕко источникъ ^И ѥму же не ѡскудѣєть вода . и причастѧтсѧ сн҃ве твои . и сн҃ве сн҃въ твоихъ . и будуть | села твоӕ и храми твои и ѡснованьӕ твоӕ вѣчна . и прозовешисѧ градитель преградо^м̑ . ѥда не можеть рука Г^с̑нѧ сп҃сти . или ѡтѧгчалъ ѥсть мл^с̑ть свою . грѣси разлучаю^т̑ межю Бг҃мь и нами . и грѣ^х̑ ради наши^х̑ ѿврати лице своє ѿ на^с̑ . и пущаѥ^т̑ на нъı гнѣвъ ӕрости своєӕ . ѡвогда ведромь . или ѡгнемь . или иною казнью . да аще не ѡбрати^м̑сѧ всѣ^м̑ ср^д̑цмь к нему . другъ друга тѧготу носѧще . то ѡружьє своѥ ѡцѣстить . ѿ тобе бо ѡ Вл^д̑ко . и всепрч^с̑таӕ ѥго мт҃и . всѧко даньѥ бл҃го . и дари

свершени свъıше посъıлаютсѧ . всегда и нъıнѧ и при^с̑ в вѣкъı аминь ❙—

^А В лѣ^т̑ .҂s҃ . ѱ҃ . в҃ . [1194] Бъıша постригъı оу блг҃овѣрнаго и холюбиваго ¹ кнѧзѧ Всеволода . сн҃а Геѡргева ². сн҃у ѥго Ӕрославу . м^с̑ца апри^л̑ . въ . к҃з . дн҃ь ³. на памѧ^т̑ ста^г̑ Семеѡна сродника Г^с̑нѧ ⁴. при блж҃нѣмь єп^с̑пѣ Іѡанѣ . и бъı^с̑ радо^с̑ велика в градѣ ⁵ Володимери ⁶. Того^ж̑ лѣ^{т̑ 7}. заложи блг҃овѣрнъıи ⁸ кнѧзь Всеволодъ . Юргеви^{ч̑ 9} дѣтинець в градѣ Володимери . м^с̑ца . июнѧ . въ . д҃ . дн҃ь ^{10 Б}. на памѧ^т̑ ста^г̑ Ми||трофана патриарха Костѧнтина ^В града ❙ Того^ж̑ лѣ^т̑ . м^с̑ца . авгу^с̑ . ѡбновлена бъı^с̑ цр҃къı ст҃оѥ Бц҃и Володимери . ӕже бѣ ѡполѣла в великъıи пожаръ . блж҃енъı^м̑ єп^с̑пмь Ивано^м̑ . и при блг҃овѣрнѣмь и х^с̑олюбивѣмь кн^ѧзи Всеволодѣ Юргевичи . и бъı^с̑ ѡпѧ^т̑ акъı нова . и бъı^с̑ радо^с̑ велика в градѣ Володимери . Того^ж̑ лѣ^т̑ . м^с̑ца . семтѧ^б̑ . ѡбновл^ена бъı^с̑ цр҃къı ст҃аӕ Бц҃а в Суждали . ӕже бѣ опадала старостью . и безнарѧдьє^м̑ . тѣм же блж҃нъıимь єп^с̑пмь Ивано^м̑ . и покръıта бъı^с̑ ѡловомъ ѿ верху до комаръ . и до притворовъ . и то чюду подобно . мл҃твою ст҃оє Бц҃и и ѥго вѣрою . а иже не ища мастеровъ ѿ Нѣмець . но налѣзе мастеръı ѿ клевретъ ст҃оє Бц҃и и своихъ . инъı^х̑ ѡлову льӕти . инъı^х̑ кръıти . инъı^х̑ извистью бѣлити . ѿверзенѣ бо ѥму бѣста ѿ Ба҃ ѡчи срд҃чнѣи ^Г на црк҃вную вещь . ѡже пещисѧ црк҃внъıми вещьми . и клирикъı . ако правому пастуху . а не наимнику ❙— ^Д Того^ж̑ лѣ^{т̑ 7}. родисѧ оу блг҃овѣрнаго и хр^с̑олюбиваго ¹. кнѧзѧ Все|волода сн҃а Гюргева . внука Володимерѧ Мономаха ¹². сн҃ъ м^с̑ца . ѡктѧ^б̑ . въ . к҃е . ¹³ на памѧ^т̑ ст҃го Маркиана . и Мартурьӕ . в канунъ ста^г̑ Дмитриӕ ¹⁴. и наре^ч̑нъ бъı^с̑ в ст҃ѣмь крщ҃ньи Дмитрии ჻

В лѣ^т̑ . ҂s҃ . ѱ҃ . г҃ . [1195] Посла блговѣрнъıи и х^с̑олюбивъıи кнѧзь Всеволодъ Гюргеви^ч̑ . тивуна своѥго Гюрю . с людми в Русь . и созда гра^д̑ на Городци на Въстри . ѡбнови свою ѡтчину . Того^ж̑ лѣ^{т̑ 15}. престависѧ кнѧзь Рѧзаньскъıи Игорь . сн҃ъ Глѣбовъ . и ¹⁶ положенъ бъı^с̑ у ст҃ою ¹⁷ м^ч̑ку Бориса и Глѣба . Того^ж̑ лѣ^{т̑ 18}. заложи блг҃овѣрнъıи и х^с̑олюбивъıи кнѧзь Всеволодъ Юргеви^{ч̑ 19}. гра^д̑ Переӕславль . м^с̑цѧ . иулѧ . въ . к҃ѳ . дн҃ь . на памѧ^т̑ ст҃го м^ч̑ка Калинника . того^ж̑ лѣ^т̑ и срубленъ бъı^{с̑ 20} ❙— Того^ж̑ лѣ^{т̑ 18}. престависѧ кнѧзь Къıєвьскъıи Ст҃ославъ . и ²¹ положенъ бъı^с̑ в манастъıри въ цр҃кви ²² ста^г̑ Кирила . юже бѣ создалъ ѡн҃ь ѥго . и посла великъıи кнѧзь Всеволодъ мужѣ своѣ в Къıєвъ и посади ²³ в Къıєвѣ Рюрика Ростиславича.

В лѣ^т̑ . ҂s҃ . ѱ . д҃. [1196] м^с̑ца . марта . въ . к҃з . дн҃ь . на памѧ^т̑ ст҃оє /л.140/ мч҃нци Матроны . Родисѧ оу блг҃овѣрнаго и х^с̑олюбиваго великаго кнѧзѧ Всеволода . Юргевича . сн҃ъ и наре^ч̑нъ бъı^с̑ въ ст҃омь крщ҃нии Гаврило ²⁴. Того^ж̑ . лѣ^{т̑ 17}. Заложи блж҃нъıи єп^с̑пъ Іѡа^н̑ . на воротѣ^х̑ ст҃оє ²³ Бц҃и цр҃квь камену . во имѧ Акъıму и Аннъı ²⁶. м^с̑ца . маӕ . въ . а҃ . дн҃ь . на памѧ^т̑ ста^г̑ пр҃рка Ієремиӕ . прї ^Е блговѣрнѣмъ и х^с̑олюбивѣмъ велицѣмь ²⁷ кнѧзи Всеволодѣ ❙

[В лѣ^т̑ ҂s҃ ѱ҃ е҃ . [1197] въстави^ж искони . злыи] ^Ж И врагъ дьӕволъ . иже не престаєть воюӕ на ро^д̑ хр^с̑ьӕньскъıи тако ²⁸ и всѣ кнѧзи Русскъıѣ ²⁹ вл^ожи на ³⁰ вражду . Романко ³¹ поча пущати дчерь Рюрикову .

хотѧшеть ю постричи . Рюрикъ же посла к великому кнѧзю Всеволоду . река брате и свате . Романко ¹ ѿ на^с̑ ѿступилъ . и кр^с̑ь цѣловалъ къ Ѡлговиче^м̑ . а ² брате и свате пошли грамотъı хр^с̑ьнъıѣ поверзи имъ . а са^м̑ поидї ³ на конь . тоє же зимъı посла Дв҃дъ и-Смолиньска ⁴ сн҃овца своѥго Мстислава . свата великого кнѧзѧ Всеволода . в помочь зѧтю своѥму ^А на Витепескъ ⁵. и побѣди ѥго ⁶ Василко с Черниговци . и Мстисл^{а 7} свата кнѧжа ӕша ⁸. и ведош^а | и ⁹ Чернигову . то слъıшавъ великъıи ¹⁰ кнѧзь Всеволодъ . ѡже Дв҃двъ полкъ побѣженъ . и ¹¹ сватъ ¹² ѥму ^А ӕтъ . и ѿ ¹³ Рюрика рѣчь слъıшавъ ту ¹⁴ зиму ^А перестрѧпъ ¹⁵. на лѣто всѣде на конь про свата своѥго . и подъ Рюрикомъ твердѧ Къıєвъ . и поиде к Чернигову с Рѧзаньскъıми кнѧзи ¹⁶. и Муромьскъıми ^А и ¹⁷ Дв҃дъ и-Смолиньска ⁴. Рюрикъ же не оуправи ¹⁸ своєє рѣчи и ¹⁹ приступи къ Ѡлговиче^м̑. кнѧзь же великъıи внида в волость ихъ поима городъı Вѧтьскъıѣ и землю ихъ пусту створи . Ӕрослав ²⁰ же и Ѡлговичи не могуще ²¹ стати противу єму . поклонишасѧ ѥму . [и свата ємү поустиша] ^Б. кнѧзь же великъıи давъ имъ . миръ възвратисѧ ²² [въспѧ^т и вниде] ^В в гра^д̑ Володимерь . м^с̑цѧ . ѡктѧ^б̑ . въ ²³ . s҃ . дн҃ь . на памѧ^т̑ ста^г̑ апо^с̑ла Фомъı . и бъı^с̑ радо^с̑ велика в градѣ Володимери ²⁴ . тоє же ѡсени сщ҃на бъı^с̑ цр҃къı Рж^с̑во ²⁵ ст҃оє ²⁶ Бц҃и . юже создалъ ²⁷ великъıи кнѧзь Всеволодъ . м^с̑ца . ѡктѧ^б̑ . въ ²³ . к҃з . дн҃ь . на памѧ^т̑ ст҃оє ²⁶ му^ч̑ници . Капетолинъı .

Т оє же ѡсени /л.140об./ сщ҃на бъı^с̑ цр҃къı ²⁸ на воротѣ^х̑ оу ²⁹ ст҃оє ²⁶ Бц҃и . юже создалъ ²⁷ блж҃нъıи єп^с̑пъ Іѡа^н̑ . м^с̑цѧ . ноӕмбрѧ . въ . г҃ . дн҃ь . на памѧ^т̑ ста^г̑ му^ч̑ . Акепсимъı . тоє же зимъı принесена [бы^с̑] ^Г дска ³⁰ ис Селунѧ . гробн^аӕ ста Дмитриӕ . м^с̑ца . геньварѧ . въ . ı ҃. ³¹ дн҃ь . на памѧ^т̑ ста^г̑ ѡц҃а Григорьӕ Нисьскаго ❙— [Тои^ж̑ зимы . м^с̑ца . ге^н̑ . выгнаша Новгоро^дци . Ӕрослава . своӕка кн҃жа . из Новагорода . а ^Д Ӕрослава Черниговьскаго . введоша ³². кн҃зь же великии посади своӕка своє^г̑ на Ново^м̑ Торъжькү] ^Е.

В лѣ^т̑ . ҂s҃ . ѱ҃ . s҃ . [1198] Престависѧ кнѧзь Дв҃дъ Смолиньскъıи ³³. и постригъсѧ и в скъıмѣ бъıвъ ³⁴. и сѣде сн҃овець ѥго Мстиславъ Смолиньскѣ ³³. того^ж̑ лѣ^{т̑ 35}. посла блг҃овѣрнъıи . и х^с̑олюбивъı ³⁶ кнѧзь Всеволодъ . Гюргеви^ч̑ . Павла на єп^с̑пьство ³⁷ в Русьскъıи Переӕславль . того^ж̑ лѣ^т̑ . родисѧ сн҃ъ . оу блг҃овѣрнаго кнѧзѧ Всеволода Юргевича . м^с̑ца . авгу^с̑ . въ . к҃и . дн҃ь ^Ж. на памѧ^т̑ ста^г̑ ѡц҃а Моисѣӕ . Єфиѡпа . и нареченъ бъı^с̑ . в ст҃омь крщ҃ньи Іѡа^{н̑ 38} ❙—

В лѣ^т̑ . ҂s҃ . ѱ҃ . з҃ . [1199] м^с̑ца . апри^л̑ . въ л҃ . ³⁹ на памѧ^т̑ . ста^г̑ ап^с̑ла Иӕкова . Ходи блг҃овѣрнъıи и х^с̑олюбивъıи кнѧзь великии ⁴⁰ Всеволодъ . Гюргеви^{ч̑ 41}. внукъ Володимерь Мономаха . на ⁴² Половци с ⁴³ съıномъ своимъ Костѧнтиномъ ^З. По|ловци же слъıшавше ⁴⁴ походъ ѥго . бѣжаша и с вежами к морю ⁴⁵. кнѧзь же великъıи ходивъ по зимовищемъ ⁴⁶ ихъ и прочеє ⁴⁷ възлѣ Донъ . ѡнѣмъ ⁴⁸. безбожнъı^м̑ пробѣгши ⁴⁹ прочь . кнѧзь же великъıи

възвратисѧ [воспѧ^т . въ гра^д свои] ^А в ¹ Володимерь . и вниде м^с̑ца . иунѧ . въ ² . s҃ . дн҃ь ^Б. на памѧ^т̑ ста^г̑ м^ч̑ка Дорофѣӕ єп^с̑па . в дн҃ь су^б̑тнъıи . и ³ бъı^с̑ радо^с̑ велика ⁴ в градѣ ⁵ Володимери . Того^ж̑ лѣ^{т̑ 6}. престависѧ кнѧзь Ӕрославъ Мстислави^ч̑ . в Русскомъ Переӕславли ❙ Того^ж̑ . лѣта ⁷. бъı^с̑ пожаръ великъ в градѣ ⁵ Володимери . м^с̑цѧ . иоулѧ . въ ². . к҃е . дн҃ь . на памѧ^т̑ Оуспеньӕ . ст҃ъıӕ Ан҃нъı . в дн҃ь су^б̑тнъıи . въ времѧ литургиѣ . загорисѧ . и горѣ до вечера ⁸. цр҃квии згорѣ . s҃ı . а города мало ⁹ не половину ¹⁰ ❙

В лѣ^т̑ . ҂s҃ . ѱ҃ и҃ . [1200] Престависѧ кнѧзь Ӕрославъ Черниговьскъıи ❙ Того^ж̑ лѣ^{т̑ 6}. м^с̑цѧ иоулиӕ . въ ² . еı҃ . ¹¹ на памѧ^т̑ ст҃го м^ч̑ка ¹². Кюрика . и Оулитъı . заложи бл҃говѣрнъıи ¹³ кнѧзь великъıи Всеволодъ . Гюргеви^{ч̑ 14}. цр҃квь камену . во имѧ ст҃оє ¹⁵ Бц҃и . Оуспеньӕ ¹⁶. в манастъıри кнѧгининѣ . при блж҃енѣмь єп^с̑пѣ . Іѡанѣ ¹⁷ ❙— /л.141/ Тоѥ же ѡсени придоша Новгородци . лѣпшиѣ мужи . Мирошьчина чадь ¹⁸. к великому кнѧзю Всеволоду с поклономъ . и с молбою . всего Новагорода ¹⁹. рекуще тъı г^с̑нъ кнѧзь великъıи Всеволодъ . Гюргеви^{ч̑ 20}. просимъ оу тобе сн҃а кнѧжитъ ²¹ Новугороду . зане ²² тобѣ ѡтчина . и дѣдина Новъгоро^д̑ . кнѧзь же великъıи здумавъ с дружиною своѥю . и оутвердивъ ихъ кр^с̑тмъ ч^с̑тнъıмъ . на всеи своєи воли ²³. да ²⁴ имъ сн҃а своѥго Ст҃ослава . Новгородци же поӕша и . оу чюдноє ст҃оє Бц҃и . с радо^с̑ю великою . и с блг^с̑влньємь єп^с̑па Іѡа^н̑ . иде Ст҃ославъ сн҃ъ Всеволожь . внукъ Юргевъ . кнѧжитъ ²⁵ Новугороду ²⁶. м^с̑цѧ . дека^б̑ . въ ² . в҃ı . дн҃ь . на памѧ^т̑ ста^г̑ ѡц҃а ^{27 В} Спиридона . бра^т̑ӕ же проводиша и с ч^с̑тью ²⁸. Костѧнтинъ ^Г. Юрги ²⁹. Ӕрославъ ³⁰. Володимеръ . и ³ бъı^с̑ радо^с̑ велика ³¹ в градѣ Володимери ❙

В лѣ^т̑ . ҂s҃ . ѱ҃ . ѳ҃ . [1201] Посла благовѣрнъıи ^Д и х^с̑олюбивъıи ³² кнѧзь великъıи Всеволодъ Гюргеви^ч̑ . внукъ Володимерь Мономаха ³³. сн҃а своѥго Ӕрослава . в Переӕславль . в ³⁴ Русьскъıи кнѧжитъ ³⁵. на столъ прадѣда . и дѣда ³⁶ своѥго . м^с̑ца авгу^с̑ . въ . ı ҃. ^Е дн҃ь ³⁷. на памѧ^т̑ ст҃хъ ѡц҃ь Далмата . Фаоуста . и Исакиӕ ³⁸. тогда сущю великому кнѧзю в Переӕславли . з ³⁹ дѣтми своими . с ⁴⁰ Костѧнтиномъ ⁴¹. и Юргемъ ⁴². Переӕславци же поимше кнѧзѧ своѥго Ӕрослава . ѿ ста^г̑ Сп҃са поидоша с радо^с̑ю великою . хвалѧще Ба҃ и ст҃ую Бц҃ю . и ста^г̑ Михаила . давшаго имъ кнѧзѧ ѥгоже желаша ⁴³. бра^т̑ӕ же ⁴⁴ проводиша и с ч^с̑тью . Костѧнтинъ . Юрги ⁴⁵. и ⁴⁶ бъı^с̑ радо^с̑ велика в градѣ Переӕславли ⁴⁷ ❙ Тоѥ же ѡсени престависѧ кнѧзь Черниговьскъıи . Володимеръ . Тоѥ же ⁴⁸ зимъı ӕвисѧ знаменьє в лунѣ . м^с̑ца . дека^б̑ . въ . к҃д . дн҃ь ^{49 Ж}. на памѧ^т̑ ст҃оє м^с̑ци . Євгеньи . наоутриӕ престависѧ . кнѧгъıни

Ӕрославлѧӕ . свесть великого кнѧзѧ Всеволода . и положена бъı^с̑ в цр҃кви ст҃оє Бц҃и . в манастъıрѣ сестринѣ ¹ ❙—

В лѣ^т̑ . ҂s҃ . ѱ҃ . ı ҃ . [1202] Престависѧ кнѧзь Черниговьскъıи Игорь ². того^ж̑ лѣ^т̑ . престависѧ кнѧ/л.141об./гъıни Михалкова . Февроньӕ . м^с̑ца . авгу^с̑ . въ . е҃ . дн҃ь . на п^амѧ^т̑ ста^г̑ м^ч̑ка . Євсегниӕ . и положена бъı^с̑ в цр҃кви ст҃ъıӕ Бц҃а в Суждали ³ ❙ Тоє же ѡсени . сщ҃ена бъı^с̑ цр҃къı ст҃оє ⁴ Бц҃и Оуспеньӕ . юже созда любовью ⁵. правовѣрнаӕ кнѧгъıни великӕ в своє^м̑ манастъıри ⁶ єп^с̑помь блж҃иъıмь Іѡа^н̑мь . м^с̑цѧ . се^м̑тѧбрѧ . въ . ѳ҃ . дн҃ь ⁷. на памѧ^т̑ ст҃ою праведнику . Акъıма . и Ан҃нъı ⁸. ту сущю великому кн^ѧзю Всеволоду . и сн҃у ѥго Кост^ѧнтину . и Юргию . и Володимеру ❙ Тоѥ же зимъı . престависѧ Борисковна . в Кидекши ⁹ и положена бъı^с̑ . в цр҃кви Борису и Глѣбу ¹⁰. посторонь ¹¹ ѡц҃а и мт҃ре ¹². именемь Єфросиньӕ ^А ❙ Того^ж̑ лѣ^т̑ . Вста Рюрикъ . на Романа . и приведе к собѣ Ѡлговичѣ . в Къıєвъ . хотѧ поити ^Б к Галичю . на Романа . и оупереди Романъ скопѧ ¹³ полкъı . Галичьскъıѣ . и Володимерьскъıѣ . и въѣха в ¹⁴ Русскую землю . а Володимерци ¹⁵ лишасѧ ¹⁶ Рюрика . ѣхаша ¹⁷ к Ром^ану ¹⁸. и Чернии Клобуци вси . совкупившесѧ ѣхаша к Роману ¹⁸. и что городовъ Русскъı^х̑ и | ис тѣхъ людьє ¹⁹ ѣхаша к Романови . и ѣха наборзѣ ²⁰ со всѣми полкъı . г ²¹ Къıєву . Романъ . и ѡтвориша ѥму Къıӕне ворота Подольскаӕ в Копъıревѣ конци . и въѣха ²² в Подольє . и ²³ посла на Гору к Рюрикови . и ко Ѡлговиче^м̑ . и води Рюрика къ кр^с̑ту . и Ѡлговичѣ . а са^м̑ к ни^м̑ [кр^с̑тъ] ^В цѣлова же ²⁴. и пусти Рюрика въ Вручии . а Ѡлговичи за ДнѣпръЧернигову ²⁵. и посади великъıи кнѧзь Всеволодъ . и Романъ Инъгвара . Ӕрославича . в Къıєвѣ ❙ Тоѥ же зимъı . ходи Романъ кнѧзь на Половци . и взѧ вежѣ Половечьскъıѣ и приведе полона много . и дш҃ь хр^с̑тьӕньскъı^с̑ множство ²⁶ ѿполони ѿ ни^х̑ . и бъı^с̑ радо^с̑ велика в земли Русьстѣи ²⁷ ❙

В лѣ^т̑ . ҂s҃ . ѱ҃ . а҃ı . [1203] м^с̑ца . генв^р̑ . въ . в҃ . дн҃ь ²⁸ на памѧ^т̑ . ста^г̑ . Силивестра папъı Римьскаго ²⁹. Взѧтъ бъı^с̑ Къıєвъ . Рюрикомъ и Ѡлговичи . и всею Половецьскою землею . и створисѧ велико зло в Русстѣи ²⁷ земли . ӕкого ³⁰ же зла не бъıло . ѿ крщ҃еньӕ ³¹ надъ Къıєвомь . напасти бъıли ³² и взѧтьӕ не ӕкоже нъıнѣ зло се сстасѧ ³³. не токмо ѡдино ³⁴ Подольє взѧша и пожгоша ино ³⁵ /л.142/ Гору взѧша . и митрополью ст҃ую Софью разграбиша . и Десѧтиньную ст҃ую Бц҃ю разграбиша . и манастъıри всѣ . и иконъı ^Г ѡдраша . а инъıѣ поимаша . и кр^с̑тъı ч^с̑тнъıӕ . и ссудъı ³⁶ свщ҃нъıӕ . и книгъı и портъı блж҃нъı^ъ первъı^х̑ кнѧзьи ³⁷. єже бѧху ³⁸ повѣшали в цр҃квахъ ст҃хъ на памѧ^т̑ собѣ то положиша все

^Д [собѣ в по^л̑нь : [ӕ]ко^ж̑ гл҃ть пр҃ркъ Дв^дъ . Бж҃е при^диша ӕзыци в достоӕниє твоє . и ѡскверниша цр҃квь ст҃оу ³⁹ твою . положиша Иӕрүсолима . ӕко ѡвощноє хранилище . положиша троупиє рабъ твои^х . брашно птица^м нб^с̑ны^м . плоть ⁴⁰ препо^дбны^х твои^х . звѣремъ земны^м пролиӕша кровь ихъ . аки ⁴¹ водү . то все стасѧ на^д Києво^м . за грехи наша . черньци ⁴². и черници . старыӕ иссекоша . и попы старыє

и слепыӕ и хромыӕ . и слоукыӕ ¹. и трүдоватыӕ . та всѧ иссекоша . а что черньцо^{в̑ 2} инѣ^{х А} и черниць . инѣ^{х А}. и поповъ и понадеи . и Киӕны . и дщери и^х и сн҃ы и^х . то все ведоша иноплеменици в вежи к собѣ . тог^да же ӕша и Мсти/л.238об./слава . Володимирича . Ростиславлѧ ³ дроу^жна Ӕрославича и веде Ростиславъ ко Сновьскү к собѣ . [Т]оє же зимы знаменьӕ бы^с̑ многи ⁴ на нб҃си ⁵. єдино^ж ѿ ни^х скаже^м : бы^с̑ во єдинү нощь въ . е҃ . ча^с̑ нощи . потече нб҃о все . и бы^с̑ черно ⁶. по земли же и по хоромо^м̑ . снѣгъ . мнѣти^ж всѣ^м чл҃кмъ зрѧче ⁷. аки кровь прольӕна на снегү . и видѣши ⁸ же нѣции течениє здѣз^дноє бы^с̑ на нб҃си . ѡторгахү бо^с̑ звѣз^ды на землю . мнѣти ви^дщи^м ӕ . ӕко кончинү . знаменьӕ бо в небеси . или во звез^дахъ . или в слн҃ци или в лүнѣ . или єтеро^м чимъ . не на добро быває^{т Б}. но знамениӕ сици ⁹ на зло бывають . или проӕвлѧють рати ¹⁰ или гла^д или смр҃ти проӕвлѧють ❙ /л.244/ [Т]ого^ж лѣта исходѧ^{т̑ 11}. февра^л̑ въ s҃ı прихо^д Романъ ко Вроучему на Рюрика . ѿводѧ и ѿ Ѡлгови^ч̑ . и ѿ Половець . целова Рюрикъ к великомү кн҃зю Всеволодү . и к снъ^м єго Костѧнтинү . и ко Всеволо^ду ^В и ¹² ко єго бра^ти . и ре^ч̑ Романъ к Рюрикови то оу^ж єси кр^с̑тъ целовалъ . пошли ты моу^ж своє^г̑ ко сватү своємү . а ӕ слю своє^г̑ моу^ж . ко ѡц҃ю и гн҃оу великомү кн҃зю Всеволодү . и ты сѧ моли . и ӕ сѧ молю . абы ти да^л̑ Києвъ ѡпѧ^{т Г} : ~ Бг҃олюбывыи^ж и мл^с̑рдыи великии кн҃зь Всеволо^д . не помѧноу зла /л.245/ Рюрикова . что єсть сотворило ¹³ оу Рүсте ¹⁴ земли . но да и ¹⁵ ємоу ѡпѧ^т Києвъ ❙

[В] лѣ^т̑ ҂s҃ ѱ҃ в҃ı . [1204] присла Романъ моу^ж своє^г̑ . к великомү кн҃зю . ко Всеволодү молѧсѧ ѡ Ѡлговиче^х дабы є^{г̑ 16} приӕ^л̑ . в миръ . и ко кр^с̑тоу води^л̑ . великии^ж кн҃зь Всеволодъ . посла моужа своє^г̑ Михаила Борисовича . и води Ѡлговичи ко кр^с̑тоу . а Олговичи послаша ¹⁷ моужи свои и водиша великого кн҃зѧ Всеволода . ко кр^с̑тоу а Романа в Рүси . и бы^с̑ миръ ❙

[В] лѣ^т̑ ҂s҃ ѱ . г҃ı. [1205] ходиша Роустии кн҃зи на Половци Рюрикъ Києвьскии . Єрославъ Переӕславьскии . велико^г̑ кн҃зѧ Всеволо^ж сн҃ъ . Романъ Галицкии и ¹⁸ Мстислави^ч̑ . и иныи кн҃зи . бы^с̑ же тог^да зима люта . и Половце^м бы^с̑ тегота велика . посланаӕ на нь казнь ѿ Ба҃ . и взѧша Роу^с̑кии кн҃зи . полонү много ¹⁹. и стада и^х заӕша . и возратиша^{с̑ 20} во своӕ си с полоно^м многи^мъ : ~ [И] бы^с̑ ра^дсть велика всѣ^м хр^с̑тьӕно^м Русскои ²¹ земли . єдинъ же дьӕво^л̑ печале^н̑ бы^с̑ иже не хоще^т родү хр^с̑тьӕньском^ү добра приєхаша ²² во Треполь . Рюри^к̑ и Рома^н̑ . и Ростисла^в̑ приѣхавъ бывъ оу шюрина своєго оу Переӕславли . тоу было мироположениє въ волосте^{х 23} кто како терпелъ . /л.245об./ за Роускоую землю . и дьӕво^л̑ положи смѧтениє великоє . Романъ . ємъ Рюрика . и посла в Києвъ ²⁴. и постриже в чернци . и женү є^г̑ и дщерь є^г̑ . юже бѣ пүсти^л̑ сн҃а Рюрикова ^Д и бра^т є^г̑ Володимира . а тою поӕ съ собою : ~ [И] оуслышавъ то великии . кн҃зь Всеволо^д . єже^с̑ сотворилъ ²⁵ оу Рүскои земли . и печаленъ бы^с̑ велми . зане всѧкыи хр^с̑тьныи ²⁶ ра^дуєть^{с̑ Е}. ѡ добре^{м 27} печалоуєть^с̑ же^с̑ ѡ злемъ . великыи кн҃зь Всеволо^д свато^м свои^м . Рюрико^м . печаленъ бы^с̑ . и зѧтемъ

свои^м̑ и детми є^г̑ и вложи ємү Бъ҃ в ср^д̑це . ѡпечалитисѧ Роу^с̑кою землею . мога то мстити но и х^с̑ртьӕнъ дѣлѧ ѿложити . и ¹ посла моужи свои к Романови . в Галичь Романъ^ж послүıпа ² великого кн҃зѧ и зѧтѧ є^г̑ поусти . и бы^с̑ кн҃зь Києвьскии и бра^т : єго пүсти тои^ж зимы биша^с̑ Ѡлговичи ^{3 А} с Литвою ^Б. [Т]ого^ж лѣта престави^с̑ . Володимиръ . Гүргеви^ч̑ Моуромьскии кн҃зь] ^В.

Того^ж̑ [лѣта] ^Г. м^с̑ца . дека^б̑ . въ . л҃ . на памѧ^т̑ ст҃го ап^с̑ла Тимона ⁴. Престависѧ великаго кнѧзѧ Всеволода дщи . именемь Єлепа . и ⁵ положена бъı^с̑ в цр҃кви ст҃ъıӕ Бц҃а . в манастъıри юже бѣ ⁶ создала великаӕ кн^ѧгъıни . и блж҃наӕ Всеволожа ❙ [Фе^в̑ . s҃ . дн҃ь на памѧ^т ст҃го Оукола ⁷. єп^с̑па . целоваша кр^с̑тъ Ѡлгови^ч̑ . к великомү кн҃зю Всеволо^ду . и къ єго сн҃мъ . и к Романови . и возратиша^{с̑ 8} во своӕ си] ^Д.

В лѣ^т̑ . ҂s҃ . ѱ҃ . д҃ı . [1206] м^с̑ца ⁹ марта . въ ¹⁰ . л҃ . ¹¹ дн҃ь ¹² на памѧ^т̑ ст҃оє ¹³ м^ч̑ци . Євдокѣи ¹⁴. Всеволодъ ¹⁵ великъıи кнѧзь . посла сн҃а своѥго Костѧнтина Новугороду Великому на кнѧженьє ^{16 Е}. и бъı^с̑ радо^с̑ велика того дн҃и в градѣ Володимерѣ . ӕко^ж̑ ре^ч̑ пр҃ркъ Дв҃дъ . сь дн҃ь ^Ж иже створи Г^с̑ь . възрадуѥ^м̑сѧ и възвесели^м̑сѧ во нь . и паки ре^ч̑ . Г^с̑и силою твоєю възвеселитсѧ ц^с̑рь . и ѡ сп^с̑ньи твоѥ^м̑ възрадуѥтсѧ зѣло . жела|ньѥ ср^д̑ца ѥго далъ ѥму ѥси . и хотѣньӕ оустъ ѥго нѣси ѥго лишилъ . положилъ ѥси на главѣ ѥго вѣнець ѿ камени драгаго . живота проси оу тебе и далъ ѥму ѥси . долготу дн҃и в ^вѣкъı вѣку . и пакъı Г^с̑ь ре^ч̑ ко мнѣ сн҃ъ мои ѥси тъı . и азъ дн^с̑ь роди^х̑ тѧ . проси ѿ мене и дам ти ӕзъıкъ достоӕньӕ твоѥго . и ѡдержаньє твоѥ до конца земли . и оупасеши ӕ палицею желѣзною . и пакъı а^с̑плъ ре^ч̑ . власти мирьскъıӕ ѿ Ба҃ вчиненъı суть . но власти боӕщесѧ да зла не створи^м̑ . да не ѿ ни^х̑ пакъı и муку прииме^м̑ . и того ради гл҃ть Бу҃ слуга єсть . мьстѧ злодѣѥмъ . хощеши ли сѧ власти не боӕти . злаго не твори и похвалить тѧ . аще ли зло творишь боисѧ . не бо без ума мечь носить . и да ѥму ѡц҃ь кр^с̑тъ ч^с̑тнъı и мечь . река се ти буди схраньникъ и помощникъ . а мечь прѣщеньє и ѡпасеньѥ . иже нъıнѣ даю ти . пасти люди своӕ ѿ противнъıхъ . и ре^ч̑ сн҃у мои Костѧнтине . на тобѣ Бъ҃ положилъ переже /л.142об./ старѣишиньство во всеи братьи твоєи . а Новъгородъ Великъıи старѣишиньство имать кнѧженью . во всеи Русьскои земли. по имени твоє^м̑ тако и хвала твоӕ . не токмо Бъ҃ положилъ на тебѣ старѣишиньство в братьи твоєи но и въ всеи Русскои земли . и ӕзъ ти даю старѣишьньство поѣди в свои городъ . и цѣловавъ и ѿпусти . и проводиш^а и всѧ бра^тӕ ѥго с ч^с̑тью великою . до рѣкъı Шедашкъı . Геѡр[г]ии ^З Володимеръ . Іѡа^н̑ . и вси боӕре ѡц҃ѧ ѥго . и вси купци . и вси посли бра^т̑ӕ ѥго . и бы^с̑ говоръ великъ акъı до нб҃си . ѿ множства людии ѿ радости и ^И великиӕ . ӕкоже ре^ч̑ пророкъ . вси ӕзъıци въсплещѣте руками въскликнѣте . Бу҃ Бу҃ ^І. гл^с̑мь радости . ӕко Ц^с̑рь велии по всеи земли . и поите имени ѥго . дадите славу хвалѣ ѥго . пристигшю же вечеру поклонишасѧ єму ^А бра^т̑ӕ ѥго . и вси людьє . и всѣ мужи ѡц҃а ѥго . и вси посли бра^т̑ӕ ѥго . и ти поклонишасѧ ѥму ^К и похвалу ѥму ^К давше велику . възвратиша|сѧ кождо ихъ в своӕ си . жалостьнъıӕ и радостнъıӕ слезъı испущающе . ѡ^ставше такого үтѣшеньӕ . ръıдаху же множство народа правовѣрнъı^х̑ . зрѧще ѡц҃а ^Л сиръıмъ и кормителѧ ѿходѧща . и печалнъı^м̑ оутѣшеньє великоє . ѡмрачнъı^м̑ звѣзду свѣтоносну заходѧщю . на

весь бо бѧше црк҃внъıи чинъ ѿверзлъ ѥму ^А Бъ҃ срд҃чнѣи ѡчи . и всѣ^м̑ црк҃внико^м̑ . и нищи^м̑ . и печалнъı^м̑ . ӕко^ж̑ възлюби нъı ^Б бѧше ѡц҃ь . паче и на мл^с̑тню . слъıша Г^с̑а гл҃ща . аще створите бра^т̑и моєи сеи меншеи то мнѣ створисте ^З. и пакъı алченъ бѧхъ накормисте мѧ . и жаденъ бѣ^х̑ напоисте мѧ . и в темницѣ бѣ^х̑ посѣтисте мене . придѣте ко мнѣ блг^с̑влнии . наслѣдуите оуготованоє ва^м̑ цр^с̑тво нб^с̑ноє . ѿ сложеньӕ всего мира . и пакъı Дв҃дъ гле^т̑ блж҃нъ мужь ^А милуӕ и даӕ весь дн҃ь ѡ Г^с̑дѣ . ходѧ и не преткнетьсѧ . и па[къı] ^Г бл҃жнъ разумѣваӕи на нища и оубога . в дн҃ь лютъ избавить и Г^с̑ь . и ап^с̑лъ гле^т̑ . сѣӕи щадѧ . съ блг^с̑вньє^м̑ пожнеть . и соломонъ гле^т̑ . мл^с̑тнею и вѣрою ѡчищаютсѧ грѣси . мужство же и оумъ в не^м̑ живѧше . /л.143/ правда жеВперёдс ни^м̑ ходѧста . вторъıи Соломонъ бъıвъ мдр^с̑тью . и пришедшю же ѥму Новугороду . м^с̑ца . марта . въ . к҃ . ^Д ст҃го ѡц҃а Никъıтъı в дн҃ь недѣлнъıи . и изидоша со кр^с̑тъı противу ѥму ^А с ч^с̑тью великою . множство народа съ єп^с̑пмъ Митрофано^м̑ . ѿ мала и до велїка . и бъı^с̑ радо^с̑ велика Новѣградѣ . ӕко^ж̑ ре^ч̑ пр҃ркъ Дв҃дъ . придѣте возрадує^м̑сѧ Г^с̑ви . въскликнѣте Бу҃ Сп҃су нашему ^А. и прочаӕ . и пришедшю ѥму в цр҃квь ст҃ъıӕ Софьӕ . и посадиша и на столѣ . и поклоншесѧ и цѣловаша и с ч^с̑тью . ӕко^ж̑ ре^ч̑ пр҃рокъ пр^с̑тлъ твои Бж҃е в вѣкъı вѣку . възлюбїлъ ѥси правду и възненавидѣ безаконьє . сего ради пом^аза тѧ Бе҃ Бъ҃ твои . ӕко то є^с̑ть Бъ҃ твои и поклонишисѧ ѥму . и ѿтолѣ приде в свою обитѣль . и мужи ^А Новгородьскъıѣ оучредивъ ѿпусти ихъ с ч^с̑тью . и потомь поча рѧдъı правити ^Е. ӕко^ж̑ пр҃рокъ ре^ч̑ . Бе҃ су^д̑ твои ц^с̑рви дажь . и правду твою сн҃ви ц^с̑реви . судити ^Е люде^м̑ твоимъ въ правду . и нищи^м̑ твоимъ в су^д̑ . тако и Г^с̑ь ре^ч̑ . ц^с̑рь ^Ж странъ владуть ими . и кнѧзи ѡбла|дають ими . суть си анг҃ли нарицаємии Г^с̑ьства . и пото^м̑ оутвердисѧ . в своємь ч^с̑тнѣмь кнѧженьи ❙

[[Т]ого^ж̑ м^с̑ца въ . в҃ . дн҃ь ¹. пострижесѧ великаӕ кнг҃ни Всеволо^{ж̑ 2} во мнишескии чинъ в монастъıри ст҃ыє Б^дци юже бѣ /л.244об./ самъ созда^{л̑ 3}. и нарекоша єи имѧ Мр҃иӕ . в то^{ж 4} имѧ крещена бы^с̑ пре^ж . и проводи ю великии кн҃зь Всеволо^д са^м со слезами многими ⁵. до монастырѧ ст҃ыӕ Б^дца . и сн҃ъ є^г̑ Геѡргии и дщи є^г̑ Всеслава . Ростиславлѧӕ . иже бѣ приѣхала ко ѡц҃ю и мт҃ри своєи . и не мочи видѣти түги . и бы^с̑ єп^с̑пъ Иѡа^н̑ . и Симонъ игүменъ ѡц҃ь єго ⁶ дхв҃ныи . и инии игүмени и черници ⁷ вси . и боӕре вси и боӕрыни . и черници ⁸ изо всѣ^х монастыревъ . и горожане вси . проводиша ю со слезами многими ⁵. до монастырѧ . зане бѧ^ш до всѣ^х презлиха ⁹ добра . блг҃овѣрнаӕ кнѧгини Всеволо^жӕ . изъдѣтска въ страсе Бож҃ьє . любѧше правдү . въз^дающү ¹⁰ честь єп^с̑помъ . и игоумено^м . и черньце^м . и през[в]итеро^м и любѧше черноризци ¹¹. и подаваше требование имъ . бѧ^ш бо и ¹² нищолюбица . и страннолюбица . печалныа и ноу^жныӕ . и болныӕ : тѣ^х всѣ^х оутешаше . и подаваше и^х требование ^З ].

Того^ж̑ . м^с̑ца . въ . ѳı҃ . дн҃ь . ст҃го ѡц҃а Фомъı . патриарха Костѧнтинѧ града ^И. Престависѧ блг҃овѣрнаӕ великаӕ кнѧгъıни Всеволожаӕ . имене^м̑ Мр҃иӕ . бъıвши въ мнишьскомь чину . . иı҃ . дн҃ии . и положена бъı^с̑ в манастъıри своѥмь . в цркви ст҃ъıӕ Бц҃а . юже созда . ѡ семь үбо добро извѣстно ап^с̑лъ гл҃ше . наченъ в васъ дѣло благоє да свершить є . и погребоша ю с ръıданьє^м̑ и плаче^м̑ велики^м̑ . ту сущю над нею кнѧзю

великому ^А и з дѣтми своими . и єп^с̑пъ . и игумени . и черньци . и черници . и мно^ж̑ство народа . и єп^с̑пу Смоленьскому ^А и игумену Михаилу ѡтрочьєго манастъıрѧ . в то времѧ пришедшема има к великому кнѧзю Всеволоду . молитсѧ ѡ мирѣ ѿ Мстислава свата ѥго ¹. си же блж҃наӕ кнѧгъıни лежа в немощи . з҃ . лѣ^т̑ . новъıи Іѡвъ ӕвльшисѧ вѣрою и терпѣньє . ӕко^ж̑ ап^с̑лъ ре^ч̑ . аще не напасть . то ни вѣнець . аще не тру/л.143об./ди то ни ч^с̑ть . аще не брани то ни дарове . хр^с̑ьӕно^м̑ бо многъıми напастми внити в цр^с̑тво небесноє . и Данилъ ре^ч̑ свѣ^т̑ мои годѣ ти буди ц^с̑рю . и грѣхъı своӕ мл^с̑тнѧми поглади . и неправдъı ^Б твоӕ щедротами єже к нищи^м̑ . си же всѣ тъı вещи исправи ӕко^ж̑ гле^т̑ Соломонъ праведници ^Б в вѣки живу^т̑ . и ѿ Г^с̑а мзда имъ и строѥньє ѿ Въıшнѧго . сего ради приимуть цр^с̑твиӕ красоту . и вѣнець добротъı ѿ рукъı Г^с̑нѧ . ӕко Г^с̑ь покръıѥть ӕ . Г^с̑ь же вѣща претерпѣвъıи до конпа сп҃стьсѧ . си же претерпѣвши и преложисѧ на будущеѥ житьє с миро^м̑ ❙

Т ого^ж̑ лѣ^т̑ . ходиша кнѧзи Рѧзаньскъıӕ ^В на Половци и взѧша вежѣ ихъ ❙ Того^ж̑ . лѣ^т̑ . Иде Ром^анъ Галичьскъıи на Лѧхъı и взѧ . в҃ . города Лѧдьскаӕ . и ставшю же ѥму над Вислою рѣкою . и ѿѣха са^м̑ в малѣ дружинѣ ѿ полку своѥго . Лѧхове же наѣхавше оубиша и . и дружину ѡколо ѥго избиша . приѣхавше же Галичане взѧша кнѧзѧ своѥго мр҃тва . и несош^а и в Галичь . и положиша и въ цр҃кви ст҃ъıӕ Бц҃а . Га|личане же цѣловаша кр^с̑тъ къ сн҃у ѥго Данилу . слъıшав же се Ѡлговичи вси . и поидоша г ^Г Къıѥву . Рюрик

же слъıшавъ се ѡже оубьенъ бъı^с̑ Романъ . иже бѣ и постриглъ . и смета с себе чернечьскъıѣ портъı . и сѣде Къıѥвѣ . и хотѧшеть и жену свою ростричи . слъıшавши же се жена ѥго и пострижесѧ в скъıму . Ѡлговичи же придоша къ Днѣпру . Рюрикъ же въıде противу ихъ . и цѣловаша кр^с̑тъ Рюрикъ . къ Ѡлговичемъ . и Ѡлговичи к Рюрику . како имъ поити всѣ^м̑ к Галичю . Рюрикъ же поѣха со Ѡлговичи к Галичю . пришедши^м̑ же имъ к городу . Галичане же бишасѧ с ними оу города . Ѡлговичи же не оуспѣвше ничтоже . възвратишасѧ с срамо^м̑ великимъ в своӕ си ❙ Того^ж̑ лѣ^т̑ . Ростиславъ Рюриковичь . въıгна Ӕрослава Володимерича . из Въıшегорода . и сѣде в немь ❙— Того^ж̑ лѣта . на зиму . великии кнѧзь Всеволодъ . ѡжени сн҃а своѥго Ӕрослава . и приведоша за нь Юргевъну Кончаковича ❙

Назад    Оглавление    Вперёд