ЛАВРЕНТЬЕВСКАЯ ЛЕТОПИСЬ

Назад    Оглавление    Вперёд

[1205] /л.217/ Присла великии кн҃зь Всеволо^д в Новъгородъ . и рече тако . в земли нашеи ходитъ рать . а сн҃ъ мои . а вашь кнѧзь Ст҃ославъ малъ . а вдаю вы с҃нъ мои старѣишии кнѧзь Констѧнтинъ . и прииде в Новъгоро^д кн҃зь Костѧнтинъ Всеволоднчь ჻

В лѣ^т̑ . ҂s҃ . ѱ҃ . д҃ı . [1206]

В лѣ^т̑ . ҂s҃ . ѱ҃ . еı҃ . [1207]

В лѣ . ҂s҃ . ѱ҃ . s҃ı . [1208] Прииде Лазарь Всеволожь кн҃ѧжь мүжь . из Володимерѧ и повелѣ оубити Ѡлексү . Сбыслави^ч̑ на Ӕрославлѣ дворѣ и оубиша и без вины . марта . з҃ı . а заоутра бы^с̑ чюдо плакасѧ ст҃аѧ Бц҃а . оу ст҃го Иӕкова въ цр҃ьви ჻

В лѣ^т̑ . ҂s҃ . ѱ҃ . зı҃ . [1209] Иде кнѧзь Костѧнтинъ Всеволожичь с Новогоро^дци на Чернѣговъ . позванъ великымъ кн҃ѧземъ Всеволодомъ . и приидоша на рѣкү Ѡкү и тү скопишасѧ вси вои . а кнѧзи Рѧзаньстии сташа ѡб онүВперёдү Ѡкы в помощь Всеволодү . и позва Всеволо^д ихъ на ѡбѣ^д . и сѣдоша . s҃ . кнѧзеи в шатрѣ . а Глѣбъ и Ѡлегъ оу Всеволода же и Новогоро^дци . и тү ѡбадиша Володимерича братью свою . не ими кнѧже вѣры братьи наю . сүть сѧ свитали ¹ с Чернѣговьскїми ² /л.217об./ кн҃зи и тѣмъ и ѡбличи Резаньстии кнѧзи . и кн҃зь велїкїи Всеволодъ изымавъ мүжи ихъ велѣ поковати . и посла к Володимерү ³. а са^м̑ поиде и с клеветнїкома на Рѧзаньскую волость . и прїиде къ Проньскү . и рече предаите ми сѧ . ѡни же сташа съ кнѧземъ Изѧславомъ . съ . г҃ . мъ Володимериче ⁴. Күрь Михаилъ побѣже преди ис Проньска . и ѿӕ ѿ ни^х водү . и ѡнї предашасѧ . и кнѧгиню Күръ Михаиловү . товара поима бес числа . а со Изѧславомъ миръ взѧ . и ѿидоша здоровы . а кн҃зь великы ѿпүсти Новогородци с Коломны ѡдаривъ бес числа . и да ^имъ оуставъ стары^х кнѧзь . єгоже хотѧахү Новогоро^дци . и рече имъ кто вы добръ того любите . а злы^х казнїте . и створиша Новогородци вече на посадни^ка Дмитра . а ркүчи . ӕко тои повелѣ на Новогородцѣ^х сребро поимати . а по волости күры брати . и повозы возити . и иноє все зло . и дворъ єго и села пограбиша . а что сѧ на дьска^х ѡстало в писмѣ а то все кнѧзю ჻ ~ И посла кнѧзь великии Все/л.218/воло^д сн҃а своєго Ст҃ослава в Новъгоро^д . и прииде в нѣделю мѧ^с̑пү^с̑тнүю . и даша кнѧзю дьскы Дмитровы . а бѧше на ни^х богатеста ⁵ бес числа . и целова кнѧзь Ст҃ославъ к Новүгородү . а дѣтеи Дмитровы^х и племени^к̑ єго всѣ^х посла къ ѡц҃ү . а на ины^х сребро поима ჻

В лѣ^т̑ . ҂s҃ . ѱ҃ . иı҃ . [1210] Кн҃зь Володимеръ оугони Литвү с Новогородци в Ходыницѣх ъ. и избиша ихъ . Того же лѣта ходи кн҃зь великїи Всеволо^д на Рѧзань . и рече имъ поидѣте ко мнѣ съ сн҃омъ моимъ Ӕрославомъ за Ѡкү на миръ . и переидоша к немү и тү ихъ изнима . и посла къ градү полкы . и гра^д ихъ зажже а жены и и дѣти поима . и тако расточи по градомъ ჻

В лѣ^т̑ . ҂s҃ . ѱ҃ . ѳ҃ı . [1211] Исперва не хотѧ добра злолѣи . и зависть вложи людемъ на архиєп^с̑па Митрофана . со кнѧзомъ ¹ Мьстиславомъ и не даша ємү правитисѧ . и ведоша и в Торопечь . ѡн же то приӕ с радостию . ӕко Иѡан҃ъ Златаоустыи . и Григорїє Акраганьскыи . тү же печаль и сиа ² приѧ славѧ Ба҃ ჻ Тог^да же бѧше пришелъ преже изгнаньѧ Митрофаньѧ архиєп^с̑па /л.218об./ Добрынѧ Ӕдрѣиковичь изъ Цр҃ѧграда . и привезъ с собою гроба Г^с̑нѧ . а самъ пострижесѧ ^А на Хүтинѣ оу ст҃го Спс҃а . и волею Божиєю възлюби єго кнѧзь Мстиславъ . и вси Нового^дци . и послаша в Рүсь ставитисѧ . и прииде поставленъ архиєп^с̑пъ Антонїи . и створи полатү Митрофаню въ ³ црк҃вь во имѧ ст҃го Антонїѧ ჻

В лѣ^т̑ .҂s҃ . ѱ҃ . к҃ . [1212] Ходи Мьстисла^{в̑ Г} на Чю^д . рекомүю Пормү ⁴ с Новогоро^дци и много плѣнїша и^х . и богатество ихъ много взѧша ჻

В лѣ^т̑ . ҂s҃ . ѱ҃ . к҃а . [1213]

В лѣ^т̑ . ҂s҃ . ѱ҃ . к҃в . [1214] Иде кнѧзь Мьстиславъ с Новогородци на Чю^д на Неревү к морю . села и пожже а самѣхъ побиша . а сташа по^д градомъ Воробїиномъ . и Чюдь добиша челомъ кнз҃ю Мьстиславү . и дань на ніхъ взѧ . и бѧше тү кнѧзь Пьсковьскыи Всеволодъ Борисовїчь . и Торопечьскыи кнѧзь Дв҃дъ . и приидоша вси здрави ჻ Того же лѣта изгони кн҃зь Всеволо^д Чермныи сн҃ъ Ст҃ославль . а правнүкъ Ѡлговъ внүкы Ростиславли из Рүси . тако рка . братьа моа єсте два кнѧзѧ . повѣсили вы в Галичь ⁵ /л.219/ ӕко злолѣѧ . и положили єсте оукоръ на всѣ^х . и нѣ^с̑ вамъ части в Рү^с̑скои земли ჻

В лѣ^т̑ . ҂s҃ . ѱ҃ . к҃г . [1215] Кнѧзь Мьстиславъ поиде к Кїєвү а кнѧгиню ѡставѧ в Новѣгородѣ . и сн҃а своєго кнѧзѧ Василиѧ ჻

В лѣ^т̑ . ҂s҃ . ѱ҃ . к҃д . [1215] Кнѧзь великии Мьстиславъ поиде с Новогоро^дци на зѧтѧ своєго кнѧзѧ Ӕрослава . м^с̑ца марта в . а҃ . дн҃ь въ вторникъ ^Б а в четвертокъ побѣгоша к Ӕрославү кр^с̑топрестүпиїци Володиславъ Завидовичь . Гаврило Игоревичь . Юрьи Ѡлексиничь . Гаврило Милѧтиничь . и с женами и з детми кнѧзь же с Новогоро^дци быша верхү Волгы . и кнѧзь Ст҃ославъ ѡбшелъ ⁶ городець . Ржевкү Мстиславъ ^В. с полкы в . ҂ı҃ . Мьстиславъ же съ ⁷ Владимеромъ с Плесковьскымъ поиде вборзѣ въ . ф҃ . толко бо всѣ^х вои бѧше . и пригонїша . а ѡнї бѧхү побѣгли прочь . Ӕрүнъ затворисѧ въ градѣ въ . р҃ . и ѿбисѧ и^х . и Мьстиславъ взѧ Зүбецьвъ ⁸. и быша на Волзѣ ჻ Прииде Володимеръ Рюриковичь съ Смолнѧны . и послаша на Торжекъ къ Ӕрославү ѡ мирү . а ӕмиВперёдъльхне ^{9 Г} /л.219об./ Ӕрославъ же ѿвѣтъ да мирү не хощү . пошли єсте поидите ^Д же . но ни стү ва^с̑ достанетсѧ ѡдинъ ва^с̑ . и ркоша промежү себе кнѧзи . ты Ӕрославе с плотью . а мы съ к^с̑томъ ч^с̑тнымъ . Ӕрославли же мүжи оучинїша твердь . а пүти ѿ Новагорода засѣкоша . и рекү Тферцү . и ркоша Новогоро^дци кнѧземъ поидемь мы с ^Е Торжькү ¹⁰. и кнѧзи ркоша . аще поидемь к Торжкү попүстошимь Новъгоро^дскүю волость . и поидоша къ Тфери . и начаша имати села и жечи . а на Ӕрослава не бѣ вѣсти в Торжкү ли . или въ Тфери . и Ӕрославъ слышавъ ѡже ємлю^т̑ села ѣха ис Торжькү въ Тферь . поимавъ с собою стареиши болѧре и Новогоро^дци . и молоды^х изборомъ . а Ново-

торжьци вси . и посла . р҃ . мүжь избранны^х в сторожү . ѡни же выѣхавше за . еı҃ . верстъ ѿ града . ӕвишасѧ тү бо стали бѧхү кнѧзи наши . поставльше ¹ полкы творѧахү рать великү . и посласта Ӕруна с молодыми лю^дми . и наѣхавше на ² Новоторжьци Ӕрославли . и пособи Бг҃ъ Ӕрүнү . /л.220/ изымаша сторожевъ Ӕрославли^х . л҃ . и . г҃ . а о҃з ³ . и^х . оубиша а иныѧ оубѣжаша въ Тверь . ^А то же бы^с̑ перваѧ побѣда на ни^х на Блг҃овѣщенїє . и бѣ вѣсть оу тѣ^х что Ӕрославъ въ Тфери . и тако ѣздѧахү в зажитьє не боащесѧ . и ѿтолѣ послаша Ӕволода боарина Володимерѧ ко кнѧзю Костѧнтинү . Всеволодичю в Ростовъ . а Вълодимера Пьсковьского со Пьсковичи . и Смолнѧнъ на рүбежь послаша проводити . а сами с Новогоро^дци поидоша по Волзѣ воюючи . и пожгоша Шешү и Дүбнү . а Володимеръ со Пьсковичи и со Смолнѧны . взѧша гор^д Костѧнтинъ . ⁴ и пожгоша и . и все Повольжьє . и срѣте ⁵ и воєвода Єремеи ѡ кнз҃ѧ Костѧнтина нз Ростова наши^х кнѧзеи . и рече кнѧзь Костѧтинъ кланѧєтсѧ вамъ . и азъ ра^д слышавъ приѣз^дъ вашь . се вамъ ѿ мене в помочь . ф҃ . мүжь . да пришлета ко мнѣ со всѣми рѣчьми Всеволода шүрина моєго . и тү ѿрѧдиста Всеволода с вои многими и послаша ко кнѧзю Костѧнтинү . а сами поидоша по Волзѣ внизъ . и тү пометаша /л.220об./ возы на конї полѣзоша . и поидоша к Переӕславлю воюючи . и быша на Городищѣ на рецѣ Саррѣ . оу ст҃ои Марины . апрѣлѧ . ѳ҃ . на Великъ дн҃ь и тү приѣха Костѧнтинъ с Ростовъци . и возрадовашасѧ видѣвшесѧ . и кр^с̑тъ целоваша и ѿрѧдиша кнѧзѧ Владимера Пьсковьского . съ дрүжиною в Ростовъ . а сами прише^дше с полкы . сташа противү Переаславлю въ Фоминү не^длю . и ѣхавше ис полковъ по^д городъ . ӕша чл҃ка и испыташа . ӕже ⁶ кнѧзѧ Ӕрослава в Новѣгородѣ ⁷ нѣтү . поше^л̑ бо бѧше къ кнѧзю Юрью с полкы . с Новогоро^дци и с Новоторжьци ჻ А кнѧзь Юрьи Всеволодичь . съ Ст҃ославомъ и с Володимеромъ . вышелъ бѧше из Володимерѧ съ всею братьєю . и бѧхү полъци силни велми Мүромъци и Бродници . и Горо^дчане . и всѧ сила Сүздальскои земли . бѧшеть бо погънано ^Б и ис поселеи и до пѣшьца . ѡле страшно чюдо и дивно братьє . поидоша сн҃ве на ѡц҃а . а ѡци на дѣти . бра^т̑ на брата рабы на гнү ⁸. а г^с̑нъ на рабы . и сташа кн҃зь Ӕрославъ и Юрьи . съ бра^т̑єю на рецѣ Кз҃ѣ ჻ А кнѧзь Мстиславъ . и Володимеръ с Новогогор^дци . поста/л.221/виста свои полкы близъ Юрьєва . и тү стоӕста . а кнѧзь Костѧнтинъ далече стоӕше съ своими полкы, на рецѣ Липицѣ . и оузрѣша полкы стоӕща . Ӕрославли и Юрьєвы . и послаша Лариѡна сотьского ко кнз҃ю Юрью кланѧємсѧ нѣтү намъ с тобою ѡбиды . ѡбида намъ сь Ӕрославомъ . ѿвѣщавь же кнѧзь Юрьи . ѡдины єсмѧ бра^т̑ съ Ӕрославомъ . и посласта къ Ӕрославү гл҃ща пүсти мүжи Новогоро^дци и Новоторьжьци . что єси зашелъ волости Новогоро^дскиа . Волокъ въспѧти . а миръ с нами възми . а кр^с̑тъ к намъ целүи . а крови не проливаи . ѿвѣщав же Ӕрославъ мира не хощү а мүжи оу мене . а далече єсте шли и вышли єсте акы рыба на сүхо . и сказа Ларьанъ тү рѣчь кнѧземъ и пакы посласта кь ѡбѣма кнз҃емъ послѣднюю рѣчь . мы пришли єсмѧ брате кнѧзь Юрьи . и Ӕрославе не на кровопролитиє крови . не даи Бъ҃ створити да^{до 9} того оуправимсѧ, мы єємы ^{10 В} племенннци себѣ . а дадимъ стареишиньство кнз҃ю Костѧнтинү . а посадити ^{11 Г} и в Володимерѣ . /л.221об./ а вамъ землѧ Суздальскаѧ всѧ . кнз҃ь Юрьи же рече . рци братьє моєи кнѧземъ Мстиславү и Володимерү . пришли єсте да куды хотите ѿити . а братү князю Костѧнътинү молви . перемога на^с̑ тобѣ всѧ земълѧ . тако кнѧзи възнеслисѧ славою . Юрьи и Ӕрославъ .

видѣвше оу себе силоу великүю не приӕста мира и начаста пирити ¹ в шатрѣ съ своими болѧры ჻ Боӕринъ молвитъ твори миръ . кнѧзь Юрьи и Ӕрославе . меншаа бра^т̑ѧ в вашеи воли . ѡже бы по моємү гаданїю лүче бы миръ сътворити . и дати старѣишиньство кнѧзю Костѧнтинү . ци зримъ ѡже прї нашихъ полцѣ^х тѣ^х мало Ростиславлѧ племѧни . да кн҃зи мүдри сүть и рѧ^дни . и хоробри . а мүжи и^х Новогоро^дци . и Смолѧне дерзи к боєви . а Мьстислава Мьстиславича и сами вѣдаєта . в томъ племѧни ѡже дана єму ѡ ^А Бг҃а храбрость изо всѣ^х . а г^с̑на гадаита . и не люба бы^с̑ рѣ^ч̑ си кнз҃ю Юрью и Ӕрославү ჻ Нѣкто же болѧръ кнѧжь Юрьєвы^х [рече] ^Б. кн҃же Юрьи и Ӕрославе . не было того ни при прадѣдехъ . /л.222/ ни при дѣде^х, ни при ѡц҃ѣ вашемъ . ѡже бы кто вшелъ ратью в силнүю землю в Сүздальскүю . ѡже вышелъ цѣлъ . хотѧ бы и всѧ Рү^с̑скаѧ землѧ . и Галичьскаѧ . и Києвьскаѧ . и Смоленьскаѧ . и Чернїговьскаѧ . и Новогоро^дскаѧ . и Рѧзаньскаѧ никако протївү сеи силѣ оуспѣютъ аже нынешнїи по^л̑ци . право навержемъ и^х сѣдлы ჻ И люба бы^с̑ рѣчь кн҃зю Ӕрославү . и созваша болѧры . и первыѧ своѧ люди . начаста гл҃ати . се пришелъ бы товаръ въ рүкы . вам же бүди кони брони . порты . а чл҃ка ѡже ^В кто иметь живаго . то самъ бүде^т оубитъ . аще и золотомъ шито ѡблечьє ² бүде^т̑ оубии . да не ѡставимъ ни єдинаго же живаго . аще кто ис полкү оутечеть . не оубитъ имемъ . а тѣ^х вѣшати или распинати . а ѡ кнѧзѣ^х ѡже бүдүтъ оу насъ в рука^х . то згадаємъ . и ѿпүстиша и люди ³ внидоста в шатеръ с братьєю . и начаста дѣлити городы . и рече кнѧзь Юрьи . мн҃ѣ брате кнѧже Ӕрославе Володимерьскаѧ землѧ и Ростовьскаѧ . а тебѣ Новъгоро^д . а Смоленескъ братү нашемү Ст҃ославү . а Києвъ /л.222об./ даи Чернѣговьскимъ ⁴ кнѧземъ . а Галичь нам же . и целоваша кр^с̑тъ межи собою . и писаша грамоты того не престүпати . ты же грамоты взѧша Смолнѧне по побѣдѣ . вВперёдѣ^х Ӕрославли^х . и даша своимъ кнѧземъ . кн҃зь же Юрьи [и] ^Г Ӕрославъ . раздѣливше всѣ городы Рүсьскыѧ . надѣющесѧ силѣ своєи великои . почаста позывати к Липицамъ на бои . кн҃зи Мстисла^в̑ и Володимеръ призваста кнз҃ѧ Костѧнтина . и гадавша ⁵ с нимъ много . и целоваста кр^с̑тъ . ӕко не быти в немъ перевѣтү . и поидоша тои нощи пополошилисѧ ^{6 Д}. стоӕща за щиты всю нощь . кликоша бо въ всѣ^х полцѣ^х . и въстрүбиша въ кнѧжи^х Костѧнтиновы^х полцѣ^х . слышаста кнѧзь Юрьи [и] ^Е Ӕрославъ . хотѣста побѣгнүти . и оуӕшасѧ за малымъ . заоутра же приидоша кнѧзи к Липицамъ гдѣ и^х позывали . а ѡни тоє ночи прескочили бѧхү за дебрь . и єсть гора словеть Авдова тү поставиша кнз҃и Юрьи . и Ӕрославъ свои полкы . а сїи кнѧзи Мьстиславъ и Володимеръ . и Костѧнтинъ и Всеволодъ . поставиша полкы своа /л.223/ на дрүгои горѣ . єже словеть Юрьєва гора . а рүчаи посреди тоѧ горы . имѧ ємү Тунегъ . и посласта кнѧзи къ кн҃зю Юрью . г҃ . мүжи мира просѧще . или не даси мира да ѿстүпите дале на ровно мѣсто . а мы на ваши стороны поидемъ . или мы ѿстүпимъ на Липици . а вы на наши станы . кнѧзь же Юрьи рече ни мира ємлю . ни ѿстүпаю . пошли чресъ землю . то ци сеє дебри не преидете . надѣӕше бо сѧ на твердь . бѧше бо плетенемъ ѡплетено то мѣсто . и насовано кольѧ . тү бо стоӕхү гл҃ще . ег^да оударѧтъ на на^с̑ в нощь . то слышавъ кнѧзи . и посласта противү Ӕрославли^х . людїи молоды битисѧ . и бишасѧ ти дн҃ь и до ночи . но бьӕхүтсѧ не присердно . бѧше бо того дн҃и бүрѧ и стүдено велми . заоутра же хотѣша поити к Володимерү ^Ж не заимаючи полковъ . почаша доспѣвати въВперёдѣ^х .

ѡни же видѣвше с горы начаша сходити гл҃ще ѿбѣжати имъ . си же текше въснѧтиша и^х наза^д . а тү пристиже кнѧзь Володимеръ Плесковьскы . из Ростова . и начаша дүмати кнѧзи . Костѧ/л.223об./нтинъ молвитъ брате кнѧзь Мьстиславе . и Володимере . ѡже поидемъ мимо и^х . и възмүтѧт ¹ ны в тылъ . а другоє мои люди к боєви не дерзи . тамо и разидүтсѧ в городы . кнѧзь Мьстиславъ же рече . кнѧже Владимере и Костѧнтинъ . гора намъ не поможетъ . ни гора на^с̑ побѣдїть ². но зрѧще на кр^с̑та ч^с̑тнаго . и на правъдү поидемъ к нимъ . и почаша ставити полкы . Володимер же Смоленьскын постави полкы своѧ съ краѧ . а ѿ него ста Мстиславъ . и Всеволо^д с Новогороци . и Володимеръ Плесковьскы . съ Плесковичи . а ѿ него ста кнѧзь Костѧнтинъ с Ростовци . Арослав же ста своими полкы с Мүромьскыми . и с Горо^дчаны . и с Броннїки противү Володимерү и Смолнѧномъ . а Юрьи ста противү Мьстиславү . и Новогородцемъ со всею землею Сүздальскою . а меньшаѧ братьѧ єго противү кнѧзю Костѧнтинү . нача же Мстиславъ с Володимеромъ оукрѣплѧти Новогоро^дци и Смолнѧны . братиє се вошли єсмѧ в землю силнүю . а позрѧ въ Бг҃а . станемъ крѣпко . не ѡзи/л.224/раимсѧ наза^д . побѣгше не оуити . а забудемъ бра^т̑є домовъ женъ и дѣти . а комү не оумирати . а хто хощетъ пѣшь . а хто хощеть на конехъ ჻ Новогороци же рекоша мы не хощемъ изъмрети на конехъ но ӕко ѡц҃и наши билисѧ на Колагшѣ пѣши ³. кнз҃ь же Мстиславъ ра^д бы^с̑ томү . Новогородьци же ссѣдше с конь . и порты и сапозѣ сметавше боси поскочиша . а Смолнѧне такоже поскочиша пѣши . а по ни^х ѿрѧди кнѧзь Володимеръ . Ивора Михаиловича с полкомъ . а сами кнѧзи и всї воєводы поидоша на ни^х на коне^х . и єг^да бѣ полкъ Иворь в дебри . подчесѧ по^д И[во]ромъ ⁴ конь пѣжци ⁵ же не ѡжидаючи Ивора . оудариша на Ӕрославли^х пѣшцевъ и кликнүша ѡнї вергъше кии . а ѡни топоръ ѿбѣжати имъ . ѡнї же побѣгоша и начаша ӕ бити . по^дтѧша стѧгъ Ӕрославль . и пристиже [И]воръ ⁶ съ Смолнѧны же . и досѣкошасѧ дрүгаго стѧга Ӕрославлѧ . а кнѧзи єще не доѣхали . видѣв же кнѧзь Мстиславъ и рече . не даи Бг҃ъ выдати брато ⁷ кнѧже Владимере добры^х людеи . и оудариша /л.224об./ на ни^х сквозѣ свои пѣшци . Мьстиславъ съ своимъ полкомъ . а Володимеръ съ своимъ . а Всеволо^д Мьстиславичь съ дрүжиною . а Володимеръ с Плесковичи . пристиже и кнз҃ь Костѧнтинъ с Ростовци ჻ Кнѧзь Мстиславъ проѣхавъ . г^ж̑ . сквозѣ полкы кнѧжи Юрьєвы . и Ӕрославли сѣкүчи лю^ди бѣ бо оу него топоръ с паворозою на рүцѣ . и тѣ^х сѣчааше . такоже и кнѧ^з Владимеръ . и створиша брань великү . и досѣкошасѧ и до товаровъ . кнз҃ь же Юрьи и Ӕрославъ . видѣвше акї на нівѣ класы пожинахү . побѣгоста с меншею братьєю . и с Мүромьскими кнѧзи . кнз҃ь же Мстиславъ рече . бра^т̑ѧ Новогородци . не стоите к товарү . прилежите боєви . възверпүт ли сѧ на на^с̑ измѧтүт ны . Новогоро^дци же не радѧ товаровъ . бьӕхүтьсѧ . а Смолнѧне нападоша на товарѣ . и ѡдираахү мертвыѧ . а ѡ бои не праваахү ⁸. побѣженї же бывше полкы силнии Сүзда^л̑скїє . мц҃а апрѣли въ . к҃в . ^{9 А} в че^т̑ . s҃ . не^д . по пасцѣ ჻ О великъ братиє промыслъ Бж҃ии . на томъ бо побоищѣ толко паде Новогоро^дце^в . /л.225/ . е҃ . члв҃къ . да ѡдинъ Смолнѧнинъ . а силою ч^с̑тнаго кр^с̑та а вси ¹⁰ сохранени быша и правдою . ѡ многы побѣды братиє . бесчисленоє множество ӕко не можетъ оумъ члч҃ьскыи достигнүти кнѧжи^х Юрьєвы^х и Ӕрославлихъ изъбиєны^х . а изыманы бѧше ввъ ¹¹Вперёдѣ^х въ всѣ^х . ѯ҃ . мүжь аще быста вѣ-

дали се кн҃зь Юрьи . и Ӕрославъ то мириласѧ быста . се бо слава єю и хвала погыбе . и полци силнїи ни во что же быша . бѧша бо оу кнѧзѧ оу Юрьѧ . стѧговъ . гı҃ . а трүбъ и бүбновъ . ѯ҃ . молвѧхү^т̑ бо и про Ӕрослава . стѧговъ оу него . зı҃ . а трүбъ и бүбновъ . м҃ . и ркоша люди ѡ Ӕрославѣ . ӕко тобою сѧ намъ многа зла створи . про твоє бо престүнленїє кр^с̑тноє речено бы^с̑ приидѣте птица нб^с̑ныѧ напитаитесѧ крови члчьскиѧ ^А звериє наѣдетесѧ м^с̑ѧ чл҃чьскы^х . не . ı ҃ . бо оубито . ни . р҃ . но тысүща тысүщами . а всѣ^х избиты^х . ҂ѳ҃ . и . с҃ . и . л҃ . и . г҃ . мүжи . бѧ ¹ бо слышати кричь ² живы^х иже не до смр҃ти оубиты^х . и вытьє прободены^х . въ Юрьєвѣ городѣ и ѡколо Юрьєва . не бѣ кто погребаѧи . а мнози исто/л.225об./поша бѣжачи в рецѣ . а инїи ранены заше^д изомроша . а живыи побѣгоша . ѡвии к Володимерю . а инїи к Переӕславлю . а инїи въ Юрьєвъ ჻ Кнѧзь же Юрьи стоӕлъ противү Костѧнтинү . и оузрѣ Ӕрославъ ³ полкъ побѣгше . и тои прїбѣже в Володїмерь ѡ полүдн҃и на четвертомъ конї . а тре^х ѡдуши^{м̑ 4}. в первои сорочицѣ по^дкла^д и тыи выверглъ . а състүпъ бы^с̑ вь ѡбѣдъ го^д ჻ В Володимер . же ѡстасѧ не противныи наро^д попове черньци . жены . и дѣти . видѣвшє радоваахүсѧ . творѧахү посла ѿ кнѧзѧ и ти бо гл҃хү наши ѡдолеваютъ . и се кн҃зь Юрьи прибѣгъ ѡдинъ . нача ѣздити ѡколо града гл҃ѧ твердите городъ . ѡни же слышавше смѧтошасѧ . бы^с̑ в весельӕ мѣсто пла^ч̑ . к вечерү же прїбѣгоша людїє . инъ раненъ . инъ нагъ . такоже нощи тоѧ и заоутра кн҃зь Юрьи созва люди . братьѧ Володимерци . затворимсѧ въ градѣ . негли ѿбьємсѧ ихъ . молвѧ^т̑ людиє . кнѧже Юрьє с кимъ сѧ затворимъ братьѧ наша избита . а иніи изїманї . а прокъ нашь /л.226/ прибѣгли бе^з ѡрүжїѧ . то с кымъ станемъ . кнѧзь же Юрьи рече . то азъ все вѣдаю . а не выдаите мѧ ни братү кнѧзю Костѧнтинү . ни Володимерү . ни Мстиславү да бы^х вышелъ по своєи воли . из града . ѡни же тако ѡбѣщаша^с̑ ємү Ӕрослав же такоже прибѣгъ ѡдинь в Переӕславль . на . е҃ . кони . а . д҃ . ѡдүшилъ и затворисѧ . и не довлѣ ємү ѡ первомъ злѣ . не насытисѧ крови чл҃чьскыѧ . изби в Новѣгородѣ людии много и в Торжьцү и на Волоцѣ . но и тү вбѣгъ . изыма Новогородци . и Смолнѧны иже бѧхү зашли гостьбою в землю єго . повелѣ в погребы вмѣтати и^х . что єсть Новогоро^дцевъ . а ины^х въ гриднїцү . и тү сѧ изотхоша . а ины^х повелѣ затворити в теснѣ избѣ . и издүши и^х полтораста . а Смолнѧнъ . еı҃ . мүжь затвориша кромѣ . тѣ же быша вси живи ჻ Кнѧзи же мл^с̑тиви племѧ же ⁵ Ростїславле . и до хр^с̑стиӕнъ добри . тыи дн҃ь стоӕша на побоищѣ . и аще быша гонїлисѧ по нн^х то было кнѧзю Юрью и Ӕрославү не оуити было ⁶. а гра^д бы Володимерь /л.226об./ изгноили ⁷. но тихо приидоша к Володимерю . и обьѣхавше єго сташа в недѣлю поранү . и дүмахү ѿкүдү взѧти . и тоє ночн загорѣсѧ в городѣ кнѧжь дворъ . и хотѣша Новогородци полѣсти к городү и не да имъ кнѧзь Мстиславъ . въ вторникъ на ночь въ . ъ҃ . ча^с̑ нощи загорѣсѧ горо^д и горѣ до свѣта . Смолнѧне же прошаахү сѧ ѿ^чина ⁸ взѧти гра^д . и кнѧзь Володимеръ не пүсти и^х . и высла кнѧзь Юрьи с челобитьємъ къ кнѧземъ . не идѣте ⁹ мене дн^с̑ь а заоутра поидү из града . и заоутра же рано выѣха кн҃зь Юрьи съ двѣма браты и поклонїсѧ кнѧземь . Мстиславү и Володимерү и рече бра^т̑ѧ вамъ чело^м̑ бью вамъ животъ дати . и хлѣба накормити . а братъ мои Костѧнтинъ в вашеи воли . и да имъ дары многы . и даша ємү миръ . кнѧзь же Мстиславъ и Володимеръ оуправиста и^х . кнѧзю Костѧнтинү Воло-

димерь . а кнѧзю Юрью Радиловъ городець . и тако наборзѣ въсъпрѧтавшесѧ на ло^ди . в насады . владыка и кнѧгинї . и людїє єго вси . поѣдоша внїзь . /л.227/ сам же кнѧзь Юрьи вше^д въ цр҃квь въ ст҃үю Бц҃ю оудари челомъ оу ѡч҃ьнѧ гроба и плакасѧ гл҃ще . сүди Бг҃ъ братү моємү кн҃зю Ӕрославү . ѡже мѧ сего доведе . и тако поиде из Володимерѧ въ малѣ в Городець ჻ И поѣде кн҃зь Костѧнтинъ к Володимерю . и срѣтоша и за городомъ кнѧзѧ ¹ весь сщ҃ньскыи чинъ . и людиє вси . и сѣде в Володимерѣ на столѣ ѡтнѣ . кнѧзь же велїкыи Костѧнтинъ в ты ^А дн҃ь ѡдари кнѧзи и болѧре многыми дары . а Володимерци въводи ² къ кр^с̑тү ჻ Кнѧзь же Ӕрославъ єще пребываѧ въ злобѣ . и дыша гнѣвомъ . не покарѧашесѧ . затворисѧ в Переӕславлѣ . и творѧашесѧ тамо избыти . кнѧзи же здүмавше . поидоша к Переӕславлю в пѧтокъ . г҃ . не^д по пасцѣ . и се слышавъ кнз҃ь Ӕрославъ смѧтесѧ . нача высылати люди молѧсѧ ѡ мирү . и бы^с̑ въ вторникъ заоутра выѣха кнѧзь Ӕрославъ и оудари челомъ . кнѧзю Костѧнтинү и рече . г^с̑не азь єсмь въ твоєи воли . не выдаваите мѧ тцю моємү кнѧзю Мстиславү . ни Володимеру . а самъ брате нако/л.227об./рми мѧ хлѣбомъ . кн҃зь же Костѧнтинъ оуправи Мстислава съ Ӕрославомъ со зѧтемъ . и оумиришасѧ . не доидүчи Переӕславлѧ . а въ средү на Препловленьє . приидоша к Переӕславлю . и тү кнз҃ь Ӕрославъ ѡдари кнѧзи и воєводы . дары многыми . а кнѧзь Мстнславъ не идѧ к городү . поимавъ дары и посла в горо^д . и поѧ дщерь свою . а кнѧгиню Ӕрославлю . и что живы^х Новогородець . и что было съ Ӕрославомъ полкү и выѣха въ станы за городъ . кнѧзь же Ӕрославъ многажды сосылаӕ ^{3 Б} молбою . къ кнз҃ю Мстиславү просѧ кнѧгини своєѧ к собѣ . гл҃ѧ чи не бываєтъ враж^да кнѧземъ . то нї сѧка . по правдѣ мѧ кр^с̑тъ оубилъ . кнѧзь же Мстиславъ не пүсти дочери своєѧ к немү . и ту нощь стоӕвше кнѧзи . поидоша разно . кнѧзь великїи Костѧнтїнъ к Володимерю . а Мьстиславъ къ Новүгородү . Володимеръ ко Смоленьскү . а дрүгыи Володимеръ Плесковү . побѣдївше силнии полкы вземше свою ч^с̑ть и славү ჻ Тоє же ѡсенї ходи кн҃зь Всеволо^д /л.228/ Мстиславичь . с Новогоро^дци на Ригү ჻ Того же лѣта кн҃зь Глѣбъ . изби в Рѧзани бра^т̑ю свою . оучинивъ лесть ჻

Назад    Оглавление    Вперёд