КАНОН ПРЕПОДОБНОМУ ОТЦУ НАШЕМУ ДИОНИСИЮ

архимандриту Сергиевы Лавры, Радонежскому чудотворцу

с присовокуплением жития его

В Москве. В Синодальной типографии. 1817.

Симона Азарьина житие: предисловие. - О рождении святого. - О назначении архимандритом Троицкой лавры. - О гонении за исправление книг. - О доносе монаха Рафаила. - О терпении и страдании Святаго за вотчину Чудотворца Сергия. - О Дорофее иноке, и о крепком житии его. - О преставлении Преподобнаго Архимандрита Дионисия.

Ивана Наседки житие: предисловие Азарьина. - О роли Дионисия в Смуту.

Симона Азарьина житие (продолжение): о молебном пении Дионисия перед войсками Минина и Пожарского.

Ивана Наседки житие (продолжение): Об исправлении требников. - Об освобождении святого патриархами. - О головщике Логине и уставщике Филарете, как они измывались над Дионисием. - О пришествии в лавру патр. Феофана Иерусалимского. - О клобуке данном от Патриарха Феофана Архимандриту Дионисию.

8 ноября 1616 г. Грамота архим. Дионисию о исправлении требника.

1623 г. Грамота патр. Александрийского Герасима против прибавки слов "и огнем".

1626 г. Грамота патр. Филарета в защиту архим. Дионисия.

1611 г., июль. Воззвание архим. Дионисия.

КАНОН

Преподобному отцу нашему Дионисию, Архимандриту Сергиевы Лавры, Радонежскому чудотворцу.

Тропарь, глас 3

Земная прельщающая очеса миролюбцев возненавидел еси, отче богоносне Дионисие! За уметы та вменив, шествуя путем скорбным, в терпении добр воин Христов явился еси, победив страсти мира, был до кончины непоколебимый благочестия поборник. Темже мы днесь совершая священную память твою, духовными тя песньми ублажаем, и смиренно молим, да предстоя престолу Господа Бога ходатайствуеши о спасении душ наших.

Слава, и ныне, богородичен:

Вся единым соделав словом, восхотев мертвых сооживити Богови, и тление облещи в нетление,

1//2

и вознести на небо, во утробу неискособрачныя Девы вселился еси, юже величающе благословим тя.

Глас 6. Песнь 1. Ирмос:

Яко по суху пешешествовав Израиль, по бездне стопами, гонителями фараона, видя потопляема, Богу победную песнь поим, вопише.

От младых ногтей, богоносне Дионисие, кротость велию возимел еси: детская глумления презрев, смиренномудрие сердечно явил, усердно страху Божию внимая.

Якоже Симеон духом провидя, прияв на руки предвечнаго младенца предрекл спасение человеком: такожде внутреннима очима прозрев отец твой духовный, быти имеющее твое житие, глаголаше: сей сын наш будет нам отец.

И козногласованиям и иным языком поучашеся, якоже обычай есть детем именитых, мирская внимающих: но страх Божий всадил еси в сердце твоем, ведящи, яко телесное обучение вмале полезно, а благочестие на все полезно есть.

Слава:

Яко от чрева матери твоея утвердися сердце твое во Господе, и из млада пример добродетели показл еси, тем тя благочестно восхваляя величаем

1//1 об.

даровавшего ти душевный разум и просветившаго тя светом истины, Христа жизнодавца.

Богородичен:

Достойно есть блажити тя пренепорочную и честнейшую херувим: яко чрез ты соделася спасение миру, и свет благодати облиста седящих во тьме смертней.

Песнь 3.

Ирмос:

Несть свят якоже ты Господи Боже мой, вознесый рог верных твоих блажен, и утвердивый нас на камени исповедания твоего.

Причастен соделавшись браку, искушение приял еси от Бога, лишением другини твоея, якоже Иов: но сластем мира сего не поработил себе, и плотская желания победив, явился доволен быти к несению бремени евангелскаго, еже тебе бысть легко и благо.

Воистину ти благо бысть, яко да не преткнеши ногу твою о камень соблазнов мира сего, прияв щит веры, облеклся в шлем спасения, и возложив на ся броню правды, сопричел себе лику подвижников духовных.

Да красуется град Старица не дивными, и восхищающими зрение очес вещьми, но зрев юнаго старца Дионисия.

Слава:

1 об. //2

Не бывает светильник под спудом, но на свещнице поставляют его, да всеми видим будет: такожде и ты отче Дионисие, благоугоден быв Богови получил посещение во избранных его, соделавшись наставником и назидателем стада духовнаго.

Богородичен:

Не истощима есть сила Божия чудодейтсвующая: прославляет Бог святых своих, да поздные потомки не прилепляясь к тленным и скорогибнущым вещам, паче всего пекутся о своем преселении на небо. Темже и дарова на сем пути светильники уже вознесшиеся, в нихже светит нам и Дионисий святый.

Седален:

Приидите к сему гробу глаголющиеся быти мудры и объюродевшие ослепившись помышлениями века сего: зрите чудо евангелиа, яко мы с мертвым глаголем, и той нам отвещавает: отче Дионисие рцы нам слово утешения: не услышите красозлоглагольствующие мудрецы века сего словес праведнаго: но правовернии приникнув к его гробу, к святым его остаткам явственне слышат. яко смерть верных суть пасха, и тленное их соделывается нетленным.

2//2 об.

Слава, и ныне, богородичен:

Тобою дево чистая приемлем радость: родила бо всех освящающаго Христа и Бога нашего. тем же тя, яко Матерь зиждителя спасения человеков, проповедуем.

Песнь 4. ирмос:

Христос моя сила Бог и Господь, честная церковь, боголепно поет взывающи, от смысла чиста, о Господе празднующи.

Удивил еси Господи пути твоя в путех праведных, просвещая нас чрез возлюбленных твоих, и соделовая нам в них спасение, еже явил и во угоднике твоем Дионисии.

Внутренними смятениями егда напаствуема бе Россия, такожде и внешними, воздвигл еси Господи подвигоположников духовных, иже без меча и стрел, и не коварством укротиша дерзость врагов, но силою смирения и святости, в лице коих воспеваем и тя, отче Дионисие.

Ни ярость зверская, ни мучения злонырливых врагов не устрашиша тебе: но исповедник быв Божия слова увещая народ, и царю и патриарху, бдительному отечества пастырю многу сотворил еси пользу.

Слава:

3//3 об.

О удивляяся вернии Россиане всеблаженному патриарху Гермогену, почтите днесь память воспеваемаго нами Дионисия, иже с ним вкупе поборствуя о вере, яко надежде спасения отечества, многия подъял озлобления.

Богородичен:

Аще зрящии токмо образ царя на земли суща благодетельна и благочестива, на перси свои восхитительне его взимают, яко изобразующа Христа Господа: возвеличим убо православнии носившую во утробе своей Царя царей, благодетеля всему миру, еяже молитвами при искреннем взывании нашем Бог мира Отец вознесет Благовернаго ИМПЕРАТОРА Нашего.

Песнь 5. Ирмос:

Божиим светом твоим блаже, утренюющих ти душы любовию озари, молюся, тя ведети словев Божий, истиннаго Бога, от мрака греховнаго взывающа.

Истинным слова Божия разумением одарен был еси свыше, богомудре Дионисие: и сего ради паче других поручено тебе исправити погрешности, в церковныя книги по неведению вшедшыя.

Подражая блаженному Максиму греку, иже быв истребован исправити преведенныя книги: но от

3 об.// 4

невежествующих пострада за истину: и ты святый Дионисей, быв ему последователь, сей же жребий имев, истину отщепившымся показуеши.

Слава:

Аще бы имели дар таковаго ведения, якоже славимый ныне Дионисий, согласие водворилося бы в нас: но о пресвятый Боже! веруем, яко и сих неведущих писания, приведеши во двор твой молитвами и примером богомудраго Дионисия.

Богородичен:

Твоя песнословцы богородице, духовно утвердишеся, исполнятся духа, не устами, но сердцем исповедающе тя быти честнейшую херувим, и благословеннейшую в человецех.

Песнь 6. ирмос:

Житейское море воздвизаемое зря напастей бурею, к тихому пристанищу твоему притек вопию ти: возведи от тли живот мой многомилостиве.

Кто исповесть благонравие и щедрость твою, отче Дионисие; никто бо не исхождаше тощ, от тебе не прияв милости и слов назидающих истинное богатство.

Яко желает елень на источники водныя, сице нозе твои течаху на песнословия Божия: колена твоя изнемогоста от бдения, и плоть твоя изменися от пощения, но немощь твоя прейде от силы в силу.

Искони враг человеков узре тя в мире сем,

4 // 4 об.

не от мира быти, поскрежета зубы своими, и рече, гнав постигну, но ты открыв путь твой ко Господу глаголал: аще и сонм врагов обидет мя, не убоюся, уповая на тя Боже отец наших, иже благословен во век.

Слава:

Якоже иногда три отроцы славляху среди огня ведомаго Бога: такожде и ты горя во огне озлоблений, огнем Божественныя любви попалил лукавнующих, воспевая милость в роды родов боящымся Господа.

Богородичен:

Змий уязвивый пяту благословеннаго притупил свое жало: темже убо тебе рождую стершаго главу его, умершаго за грехи наша, и воставшаго за оправдания наша, достойно величаем.

Кондак:

Правило, столп благочестия был еси богоносне Дионисие, явив в себе образ и пример преуспеяния добродетели и подвигов: сею евангельскою мрежею многих уловил еси подражателей, подая блестящею на небеси славою своею ревность к содействованию на пользу правоверных, темже мы ныне воспевающе сия, молим тя, да ходатайствуеши о благочестивейшем Нашем ИМПЕРАТОРЕ, имярек, и о всем церкви исполнении.

4 об.//5

Песнь 7. Ирмос:

Росодателну убо пещь содела аггел, преподобным отроком, халдеи же попаляющее веление Божие, мучителя увеща вопити: благословен еси Боже отец наших.

Златолюбиваго економа дерзнувшаго оболгати тя царю и патриарху, во еже святое обители стяжание неправедно отъяти, претерпев темницу и раны, делами своими низложив, явился истинный должнаго назидания строитель.

Хитросплетенныя козни сокрушив, не убоялся гнева царева и патриархова, показав озлоблениями своими обстоящую их лесть и коварство, сказал пути правды евангельския.

Еда паки бездна беззаконий наших призва бездну гнева правосудия Божия, и егда не бысть ни града, ни веси, ни дебри, еже бы укрытися Христианом, восхоте Бог показати силу свою не в силе констей, но в небранных воинах противныя сотре, препоясав силою своею подвижников Лавры Сергиевой.

Слава:

Преста волнений отечества нашего буря, егда явишася вернии по вере кормчии, мудрый Иоасаф,

5 // 5об.

ревностный Аврамий, и усерный по Бозе Дионисий, егоже ныне чтуще память, благословляем тя Боже России.

Богородичен:

Благословен Христос плод чрева твоего, Богородице дево, яко под его знаменем ополчающиеся побеждают видимых и невидимых врагов

Песнь 8. Ирмос:

Из пламене преподобным росу источил еси, и праведнаго жертву водою попалил еси: вся бо твориши Христе токмо еже хотети: тя превозносим во вся веки.

Паки ты в озлоблениях и муках от врагов истины, тебе яко правдолюбцу содеянных, быв целый год, подвизаяся о сохранении Божия слова, в спасение наше преданнаго, показал нам пример, да и мы в житейском море бурею против нас дышущею напаствуемы, такожде ополчившись противостанем кознем, и достигнем тихаго вечнаго пристанища.

Престаша иногда дышать злобою братию на Иосифа, егда бе во спасение им: и он предав забвению обиду прообразовал кротость евангелия: се новый Иосиф, быв истинно усердный житомеритель

5 об. // 6

благословенному граду Москве, и окрестным весям гибнущым от глада: но мудрейшии сынове века сего не престаша от злобы на правду, за нюже стоял еси Дионисие блаженне.

Истинно рек вопросившым тя, како бысть толикое твое бедствование; сказав, беды и напасти в веце сем, не суть беды и напасти: но суть искус Божий. воистинну тако: яко бо злато в горниле искушаемое бывает светлее: такожде и ты быв искушен, избегнув истинной беды геенской, явился светлее во светлостях святых. тем же и нас искушаемых убеждаеши ревновати славе твоей.

Слава:

Терпя потерпел еси, и ти внят Господь, и постави нозе твои на камень церкви своея, и исчезоша врази твои, и вложи во уста твоя песнь, во еже с верными глаголати: аще есть Бог судяй на земли: убо есть плод праведнику, и путие его прави суть.

Богородичен:

Вся наша добрая дела были вменены за ничто: аще вы не чрез воплотившагося от тя соделася спасение человеков.

Песнь 9.

Ирмос:

Бога человеком невозможно видети, на негоже не смеют чини аггелстии взирати: тобою бо всечистая явися человеком, слово воплощенно, егоже

6 // 6 об.

величающе, с небесными вои тя ублажаем.

Не умолчим и сего. чтя память преподобнаго, коль велие име он попечение, подражая праведному Товии, о погребении мертвых, избитых от врагов отечества нашего: и каков бе его подвиг в лечении от них же измученных ранами; сам исхождаше с братиею нощию, и врачеваше язвы их, елико мощно бе.

Третие явися обитель дивнаго Сергиа, щит и ограждение верной России, жертвуя праведными своими стяжаниями. сим примером возжегошася истинныя чада России: и умилившеся ея грамматами, Пожарский и Минин скоро потекоша на избавление отечества. темже и ныне блаженне Дионисие моли Бога, да отечество и киновия сия будут непреодолимы.

Глаголют нечестивии, яко во времени вся гибнут, право глаголют: погибнут бо с помышлениями своими: но в память вечную будет праведник, и правда его пребудет во век. темже и мы ублажаем тя отче Дионисие, и чтем святую память твою, ты бо своим примером и нас руководствуеши к небеси.

Слава:

Вся сия почтен быв во времени, похвален и от вселенских Патриарх, из нихже от Иерусалимскаго

6 об. // 7

получил еси клобук его патриаршеский: но блаженнее явился, егда умирая о Господе, воспевал пасху твою, глаголя: умрети ми приобретение есть, тчение соверших, веру соблюдох. темже и воспеваем тя сподобившагося венца небеснаго.

Богородичен:

Упование христиан пресвятая Дево, егоже родила еси Бога, непрестанно моли с вышними силами исправление жития подати, и оставление грехов, верою и любовию присно тя славящым.

Молитва преподобному отцу Дионисию

От младых ногтей возлюбивый Христа преподобный Дионисие! сотвори молитвами своими, да и наши сердца священным любви Божия огнем пламенеют, не токмо в юности, но и в старости да не погасают, возжигаемы теплотою веры. Возложивый на ся подвижниче ярем евангельский, и оный обретши благим и легким, до конца оный мужественно совершил еси, сподобившись венца торжественнаго яко победитель: и нам помоги, тягостное время жития сего мужественно понести,

7 // 7 об.

и соблюдши веру до конца, сподобитися милосердаго от Бога воздаяния. Быв тщательный и ревностный звания от Бога тебе возложеннаго исполнитель, помози и нам, проходити звания нашы, неослабно, покрепляя нас упованием помощи на Всесильнаго. Многие козни и страдания от злокозненных врагов великодушно претерпевый, святе Дионисие: и нам окружаемым сетями вражиими, и различным искушениям подлежащым, молитвами твоими испроси свыше помощь на побеждение и попрание оных. Всегда умерщвляя постом, молитвами и бдением плоть свою, оживил еси душу свою, и оную соделал еси храмом животворящаго Духа: и нас святый пример твой да возбуждает подражати следам твоим, и улучити время к покаянию и оставлению грехов наших. Быв горящий к славе церкви и отечества ревнитель, исходатайствуй молитвами своими мир церкви, благоденствие отечеству, благословение Самодержавному ИМПЕРАТОРУ Нашему, обитали же сей, твоим правлением благоустроенной и защищенной, всемогущее покровительство: да прославляем прославльшаго тя Господа, ныне и присно, и во веки веков. Аминь.

л. 7 об. // с. 1

ЖИТИЕ И ПОДВИГИ

Преподобнаго отца нашего Архимандрита Дионисия

ПРЕДИСЛОВИЕ

Многа понуждения и тщательства имех прежде о сем преподобном и благочестивом муже, о нем же ми повелел еси благородию своему (*) возвестити: но тогда не смех таковая дерзнути, добродетельное житие его писанию предати, яже слышах от уст его, и яже видех своима очима, зазирающей мя совести. Понеже сам николико словам его не последовах, и не поревновах житию его благочестивому, да не како в большее осуждение вменитися: яко мнем повествуя, и писанием излагая, а сам не прикасаюся делом его благим. Безсловесно бо есть инем подавати пищу, самому же гладом таяти, и студно есть инех напаяти, жаждою самому растлеватися. И в таковых помышлениях многа лета преидоша, бояся о сих дерзати, да не выше силы моея дело сие начинаемо будет: понеже тьмою неразумия омрачаем есмь, и глубиною недоумения погружаем. Мглою убо мрака

___

(*) Сие списал Троицкаго Сергиева Монастыря Келарь Симон по прошению монаха Боголепа Львова.

1//2

одержим безгласна имех уста, словесней трубе затканней сущей, и нощь обыде мя разумнаго незрения: паче же глубина страстей воста на мя, и сердце мое колебашеся бурею противных ми ветр, и уныние греховное, яко люта зима омрази душу мою, и вся помышления моя и чувства оледенеша, и не зрительна быша к свету благоразумия: и паки многи беды мира сего и напасти люты постигоша мя за мои грехи, еще же и тягости ради Казначейскаия службы прежде, ныне же Келарского ради строения: истину же аще рещи, скудости ради ума моего, множае же слабости ради моего жития и лености. Когда бо отторгнут есмь от сего преподобнаго отеческих недр, постигоша мя вся злая, и удалихся от него, яко на село злобы далече отъидох, и вся суетная мира сего обыдох, и в сети искусителевы впадох, и пребых безделен в размышлении, и доселе грубостию ума содержим. Желанием убо побеждался, ежели бы како, и коим образом начать; недостоинство же мое возбраняше ми, и молчати запрещаше. Аще бо оный премудрейший священноинок Епифаний списавый житие отца своего и учителя Преподобнаго чудотворца Сергия, усумневаяся глаголаше сице: мню, рече, яко никтоже достоин есть, неочищенну имея мысль внутренняго человека, Божиих касатися: тако же и мне многострастному, присно обуреваемому волнении греховными, и в мыслех нечистых пребывающу, мню, яко несть пользы, ветви духовных плодов собирати, а грехи свои

2//3

презирати: довольно есть о своих гресех покаяния требовати, а не повести святых излагати; но боюсь, да не како житие Преподобнаго леностию моею и нерадением, яко глубиною забвения, покрыется; и якоже ленивый он раб приемый талант, и скрывый в земли, прикупа им не сотвори, мучения достоин бысть. От некиих же прежде на сие аще и понуждаем бывах, но несть лепо мудрости молчати, а невежеству дерзати, якоже пишет: селянин невежеством о благочестии не имать извета. Сице и аз грешный зазираем бех совестию худоумия своего ради: яко мудрейшие и хитрословеснейшие мужи прежде мене грешнаго с ним жившие, и во управлении Божественных догмат спотрудившиеся с ним, о них же напреди явлено будет: аще не начаша о нем писать: то аз окаянный кто есмь, еже помыслити таковая? ибо яко пес смрадный от его богатодарованныя трапезы, яко падающими крупицами питаем быв, в келлии его мний всех под его отеческою паствою жих. И сего ради медлен бысть ум мой к начинаю таковых: ныне же уповающу ми на всемогущую Троицу, и на Пресвятую Богородицу и на Преподобных чудотворцов Сергия и Никона, и на самаго Преподобнаго отца моего наставника и учителя Архимандрита Дионисия, и на твои святыя молитвы, яко послушник есмь боголепнаго твоего лица, по повелению твоему без всякаго прекословия дерзнух грешною моею рукою написати, яже видех, и яже слышах

3//4

от честных его уст, и от инех прежде мене с ним живших, иже мне поведаша. И что много рещи, во обители сей иноцы и мирстии при животе его жившии, и ныне пребывающии ведают о его добродетельном и крепком житии, и о терпении и злострадании по правде, паче же и твоей боголюбивой души сего не неведущей. Аще убо и мене понудил еси, но сам более мене веси: понеже и ты некогда во святей обители сей пребыл еси навыкая желаемому пути иночества, еже и потщался еси с любовию на ся возложити. Аще и в пустыне начало иночеству восприял еси; но тщание твое и вера яже по Бозе вперили в душу твою к Преподобным чудотворцем Сергию и Никону, и к сему преподобному Архимандриту Дионисию любовь: ибо тогда слухом токмо слышал еси о пребывании его во обители сей, а напоследок в пустыни от преподобнаго инока, Никодима боголюбиваго пустынножителя, истинно уверился еси о нем, как и твоя повесть свидетельствует.

Ныне паки разгарается блаженное твое сердце Божественным огнем и незабытною любовию, еже бы от мене слышать о сем Преподобному муже. Аз же окаянный, аще и пребывах у него в келлии; но железну душу имея и окамененное сердце не вмещающее словес его, токмо словом повеленное сотворих, а в сердце моем, яко во утле сосуде, не удержевах повеления его: ныне аще и послах сие писаньице к твоей боголюбивой души

4//5

желаемое тобою; но вем, яко на осуждение души моей и всему моему худому и слабому жити. на обличение будет, зане благоволивши прочести, сия речеши ми: толика лета пребыл еси у таковаго свята мужа, и благочестие его инем повествуеши, а сам почто стопам его не последуеши, и не таяже твориши? Сицева совесть побеждает мя, и сердце трепещет недоумением мятущися. Вопросившему ти умолчать, греха боюся, истину же рещи, студ лице мое покрывает, зазирающей мя совести моей, якоже и прежде рех: но обае повинуяся твоему боголюбезному изволению, яже в память ми приидоша, и елико возмогох, то и писанию предах, не в мудрости словес и не в хитрости речений, и в честныя ти руки вручити повелех; и молютися, яже аще любозабытием погреших, или неудомением не исполних, ты сам исправи; или аще инии памятнее мене возвестят ти, ты во исполнение приведи, а в моем неисправлении не зазирай: забытие бо на всех человек хвалится, и простоте писанных словес не дивися, яко во училищах Философских не бех, ниже Грамматическия хитрости навыкох. Ты же о богомудре! аще восхощеши о сих потрудитися, елико Святый Дух наставит тя, и любовь яже по Бозе ко Святому привлечет тя; можеши и худыя мои словеса удобрити любве ради Святаго. Ибо аще бы не ты мя на сие наставил, не был смел таковая дерзати, и аще бы не надеялся на твою множайшую любовь, яже

5//6

к Преподобному, не помыслил бых поне ни навати двоих ради помышлений: дерзновения, паче же недоумения и ненавычения своего. Прочее ж умолчу, и на Бога уповая начало сице положу.

О Рождении Святаго.

Сей Преподобный отец наш Архимандрит Дионисий, родился во граде Ржеве, от отца нарицаемаго Феодора и матери Иулиании: имяж ему от святаго крещения наречено Давид, иже в Селуни. По времени ж некоем преселистася отец его с супругою своею во град, нарицаемый Старицу, сего же отрока с собою имуще. Отец его старейшинство прием Ямския слободы строение: добродетельное ж житие отрока сего поведаша нам иноцы сея честныя обители, Гурий Ржевитин, да Герман книгописец Стареченин; от них же, рекоша, и грамоте научен бысть: к сему же свидетельствоваша о нем келейный его старец Сергий, и слуга именем Никита Кучин и протчии, иже с ним единосельницы быша, яко от младенчества кротость великую имяше, и смиренномудрие, и простоту сердечную свыше человеческаго пребывания, не внимая детским играм и глумлениям, но страху Божию присно прилежа, и учению усердно внимая, яко

6//7

от самаго Бога таковое смирение даровася ему, и ревность о добродетелях присно соблюдал в сердце своем. Вся, яже суть мира сего, ни во что вменив, в добрых делах подвизался, желая тем сподобитися царствия небеснаго сожитель быти. И таков был подвижник, яко и отец его духовный, именем Григорий, дивися многому смирению ему и крепкому разуму: прозре бо внутреннима очима хотящую на нем быти благодать Святаго Духа, и детем своим со удивлением глаголаше: зрите, рече, чада моя! сего сына моего духовнаго, сей некогда будет нам отец. И таковаго смирения его ради и кротости от своих сверстник поношаем бываше, укоры и досады многи приимаше; еще ж и язвы от них на теле своем ношаше, якоже обычай есть буим детем, играюще глумлятися, на благоразумнаго отрока наскакаху, клич творяще; ово длани своя согнувше бияхи пхающе; ово свертки холщевые в руках имуще уязвляху Святаго, пакости ему многи содевающе. Сей же беззлобивый отрок вся сия претерпевая со благодарением, яко ничесоже зла прием, отхождаше от них, имя Господне присно во устех своих и страх Божий в сердце своем имея, и не хотя зла за зло воздати никому, житие свое все возложил на Творца своего и Спасителя Бога. Егда же грамоте изучился, и в совершенном возрасте быв, понуждением родителей своих, аще и не хотящу ему сочетатися браку, жену поят именем Вассу, и своим чадом родитель

7//8

бысть, Василия и Космы. И потом благочестия его ради сподоблен бысть священническаго сана к Церкви Богоявления Господа нашего Иисуса Христа, Старицкаго монастыря в веси, Ильинское имянуемой, от града Старицы дванадесять поприщ отстоящей. По шестих же летех сожительница его и с чады преселистася от мира сего ко оному веку. Сей же не приложи к тому много в мире пребывати, остави дом свой пришед во град Старицу в Богородичный монастырь, и бысть мних, подвизаяся о спасении своем, якоже от юности своея извыче. Некогда ж прилучися ему быти на Москве с протчими братиями для церковныя потребы, и изыде в торг, идеже книги продают, и ту некто от ту сущих взирая на него боголепный образ, удивлялся высоте возраста его, яко никтоже ин таков, и благолепию лица его, смутися в сердце своем, помыслив об нем лукавое, зря на юность его телесе: бе бо юн еще леты, и некия нелепыя и глумныя глаголы изрече к нему, ихже не токмо инокам, но и мирским человеком нелепо слышать; он же слышав таковая, ничтоже смущенно на сердце своем приим, ниже озлобися сердце его к нему; но воздохнув от всего сердца слезами облияся, и глагола к нему со смирением многим и с кротким сердцем: Ей брате! тако, якоже ты помыслил еси о мне, и таков есмь аз грешный, якоже изрекл еси: Бог тебе о мне открыл. Аще бы аз истинный инок был: не бых по торжищу сему бродил,

8//9

и не скиталбыхся сице меж мирскими людьми, но сидел бы во своей келлии: прости мя Бога ради грешнаго, яко безумен есмь, к сему же и ины умильны речи изрече, яко дивитися всем ту предстоящим, кои во умиление пришедше слышаще кроткия и сладостныя глаголы его, пользовашася зело смирением его: на глумника же того вси крикнуша, буим и невежею нарицающе его. Преподобный же паки рече к ним: Ни братие! аз буй и невежа есмь, той же, яко от Бога послан. и глаголы его ко мне вси праведны суть на утверждение мое, да не буду впредь по торжищу сему скитатися, и пребуду в келлии своей, и отъиде от них. Той же глумотворец познав грех дерзости своея, прииде, и прощение взем в своей дерзности, пользу многу от него прият.

По малех летех сей блаженный инок бысть во обители Пресвятыя Богородицы в Старицком монастыре казначеем: а потом изволением Святаго Духа избран и освящен посылается в той же Старицкой монастырь в Архимандрита, и пребысть тамо мало больше двух лет, якоже сам поведа. Бывающу ему на Москве вельми любим был Святейшим Гермогеном Патриархом Московским и всея Руссии, и часто с ним в церковных службах служаще, нимало не отлучаяся, якоже дивитися Патриарху Гермогену многому разуму его и бодрости. Никогда бо от соборныя Церкви не отлучен бысть: добрым своим житием и смиренною кротостию

9//10

всем образ бысть. Многих бо Патриарх прочих наказуя показоваше на него, зрите, рече, на Старицкаго Архимандрита, како он сподвизаяся, от соборныя Церкви никогда не отлучается; такожде и на Царских и на всемирных соборех всегда обретается. Тогда бо грех ради наших времяни мятежну настоящу, Московское государство во осаде бысть, волновавшись Царевичем Дмитрием Иоанновичем Углицким. От Москвы за дванадесят поприщ стояху Польские и Литовские народы с Рускими воры в Троицкой Сергиева монастыря вотчине, в селе Тушине, промышляюще и подвизающеся о градоемстве Московскаго государства. Прочия ж грады вся, и всю Рускую землю мало не всю одолеша; и не токмо в простых, но и во многих княжеска и болярска чина людях Московскаго государства шатость велия бысть, и разделишася как чернь, так и благородные на двое: брат на Москве с Царем Василием в осаде; а другий в Тушине с вором: еще же у многих отец на Москве, а сын в Тушине. И тако схождахуся на битву по вся дни, сын противу отца, и брат противу брата. А в Москве народи возмутившись собирахуся часто, и прихождаху к своему Государю Царю и Великому Князю Василию Иоанновичу всея Руссии с великим шумом, вопиюще нелепыми глаголы на Помазанника Божия, хотяху посох Царский от его Царских рук исхтитить, и с царства свести. Той же Архимандрит Дионисий всегда с Патриархом на таковых соборех у Царя Василия

10//11

прилучашеся, во всем способствуя Самодержцу и Патриарху. Народ же увещавал со многими слезами с захлипанием, яко многим дивитися сладкому его увещанию от Божественнаго писания. Некогда же угодники Литовские, Московские злодеи, восхитивше святейшаго Гермогена Патриарха Московскаго и всея Руссии ведя на лобное место, и ведуще ругахуся ему всячески, биюще созади, инии песок и сор и смрад в лице и на главу его мещуще; а инии за перси емлюще трясаху зле его: сей же Дионисий ни мало в таковых бедах не отступи от Патриарха; но вкупе вся с ним страждущи, всех смутившихся со слезами горькими увещевал от Божественных книг, дабы престали от таковаго злаго безчинства, якоже мнози о сем самовидцы свидетельствуют, дивящеся многому дерзновению и разуму его, от инех же и писанием известихся.

О Архимандричестве его в Троицком Сергиевом монастыре

Случися некогда ехати ему в Ярославль некоего вельможи на погребение; в таж лета времени многомятежну настоящу, якоже и прежде речеся: и по дорогам проезд прискорбен бысть

11//12

от воровских людей, и крови Христианской много лиющейся, грабеж велий проежжим бываше. Имя же тогда Преподобнаго чудотворцы Сергия Радонежскаго вельми возвелично бысть: и кто на проезде помянет того угодника Божия, и скажется Сергиевым, и не токмо его Богоспасаемыя обители Святыя единосущныя Троицы, но и прочии, иже токмо имя его поминаху, вси по дорогам пропущаеми бываху, и от самых воров и убийцов без всякия пакости проежжаху в монастырь и их монастыря, и всюду ездяху, идеже хотяху. С тогож подобия и сей Архимандрит Дионисий из Ярославля возвратившись, дорогою к Москве едучи умыслил со своими старцы и слугами положити совет, Богом наставляемь, ничтоже ведая о себе Царскаго и Патриаршескаго повеления, якоже нам напоследи сам сказа: аще, рече, поедем так дорогою просто; то ограбят нас воровские люди, или побъют до смерти; аще ли будем нарицатися именем чудотворца Сергия, всяко спасени будем. И оттоле дорогою едучи называхуся именем великаго чудотворца Сергия. Многие нужные страшные места проехавши, никто нигде ни коея пакости им не содея. Егда же не доехаша обители Святыя Троицы и Преподобнаго чудотворца Сергия, за несколько поприщ встречает его Троицкаго Сергиева монастыря слуга, и видев его, нача спрашивать от слуг его, кая власть едет? Они же рекоша, якоже и прочим сказывахуся: Троицкаго Сергиевак монастыря старец из сел едет, он же зная своего

12//13

монастыря старец, не ял веры. И паки вторицею спроси, ониж таяжде рекоша; той же рече им: рцыти ми истину, аще той Старицкаго монастыря Архимандрит, егоже ради послан есмь от Самодержца и от Первосвятителя с грамотами? И егда поведаша ему, яко той есть, вручает ему грамоты: он же прочет обрете в них Царское повеление и от Святителя спешно быти к Москве; а быти ему в Троицком монастыре в Архимандритех. И облияся слезами, дивяся в себе судьбам Божиим, яко ни на мысль его о сем не взыде, еже уготова Бог, и еже Самодержцу изволися.

Доспевши Москвы, благодарение приносит Самодержцу Царю и Великому Князю Василию, и Святейшему Патриарху Гермогену, и приняв повеление и благословение, возвращается в Троицкой Сергиев монастырь, где во Архимандритех двадцать три лета и три месяца бысть, подвизаяся о спасении стада словесных отец паствы своея, в молитвах и пощениях крепок бысть; к братии же благоуветлив, и к досаждающим терпелив, и к странным любителен, к нищим подателен, не любитель многаго имения, нестяжатель сребра и злата, ни власти желал поступити на большая, но во всем последовал благому обычаю самого Преподобнаго чудотворца Сергия, тщася усердно по стопам его ходити, и именем его от бед избавлятися. А Преподобный Сергий во всем ему бысть помощник при его животе, и

13//14

дарова ему путь спасения к вечному животу. Благонравие ж его и беззлобие многим повсюду ведомо, каков братолюбец и нищепитатель бысть, яко никто от келлии его, не приявши подаяния блага от избыток его или слова благоуветлива, тощ и скорбен не отходил; но вси радовахуся душею, и сердцем веселящеся, и дивляхуся беззлобному обычаю его, яко николи яра слова не слышано бысть; но всех со утешением наказоваше ко спасению душевному кроткими словесы от Божественнаго писания. Содевающих некая непристойная немедлен бысть наказывать, но милостив и скор прощать. Ибо аз многогрешный шесть лет, и прочие осмь братов в келлии его сожительствующие, никогда не видехом его гневна лицем, и не слышахом что скорбно от уст его. Егда же что надлежало зделати, обычай имел глаголати сице: аще хощеши, сотвори тако. Многие же из нас не познавше нрава его пречуднаго, и таковаго повеления его исполнивше на свое место отходили, от неискаусу мневше, яко на волю нам дал есть то сотворити. Потом он видев таковая небрежения в братии, помолчав мало, кроткими глаголы пригласив к себе, глаголаше: время настаит, брате! повеленное содеяти, иди и сотвори. И тако всегда беззлобивыми усты наказываше. В келлии своей между соборных пений, и келейнаго общаго правила, пребываше во псалтирном пении и поклонех мнозех; такожде от Апостола и от Евангелия часто прочитоваше во вся дни, разве великия нужды,

14//15

сиречь в царские приходы, или в пути оставлял. Правило его келейное пречудно бысть, якоже сам глаголаше: келлия устава не имать. Молебнов пел статьями шесть, или осмь, и более, не токмо, якоже по обычаю, по вся дни Иисусовы и Богоматере с акафистами каноны, и своея обители чудотворцов, и дневныя, яже есть обычай глаголати: но и мнозем праздником Господским и Богородичным и великим святым: еще же и октай на все осмь гласов, и минеи месячные во весь год, и новым чудотворцам службы выпевая все, и триоди обе, яже в кое время настоит, все в келлии своей в вечернем пении правила своего с каноны вместе не оставляя выговариваше: и никто не мни того, якобы он за сие от церкви отлучился есть. Ибо, якоже прежде рех, отнюд от церкве не отлучен бываше. Сиа его обычай был за три часа до соборнаго благовеста; во время же соборнаго утренняго благовеста прихождаше понамарь благословитися, и приношаше в фонаре огнь; он же благословляше его в дверех своих рукою, повелевая ему благовестить, а сам у понамаря огнь прием, поставляше свещу пред образом пречистыя Богородицы, и положа на себе меншую мантию, приклоняше колена до земли, и исправляясь прямо на нозе в то время по триста поклонов, разве в великия праздники поясныя поклоны творяше.

15//16

По исполнении утренних поклонов положив на себе мантию и клобук, нас келейную свою братию возбуждаше, сотворив молитву глагола: Братия! время итти к заутрени: и сам ухождаше в церковь, провождаем на то устроенными: увидевши его благовестницы, переставали благовестить. Мы услышав глаголы его отеческия, воспрянувше от сна тщались поспешать в церковь к началу: понеже обычай име святый в церкви по совершении начала, мало посидети глаголющи псалом: Помилуй мя Боже, ожидая братию. Потом паки понамарь благословляется к полунощнице в доску бить; и от ударении доски, благословляет священника начинати полунощницу. И тако всегда в церкви первый обреташеся, и братию зжидаше, образ всем дая собою. Сия вся аз грешный видех своима очима, понеже пребывах у него в келлии. Не могу же и сего умолчати не похвалы ради, еже о мне грешнем содеяся, да и похвалитися болезньми греховными не полезно есть: но паче похвалюся милостию Божиею, яко молитв ради сего Преподобнаго отца моего исцеление приях от болезней, кои греха ради моего нападоша на мя зело тяжки, и во многих лекарствах у многих лекарей пребывая, имения многа истощих, и пользы никоея не приях, зане болезни моя превозмогаху всех лекарей, в коих убо болезнех уже отчаявшумися живота, умыслих милости просить у чудотворцев, Сергия и Никоноа о неисцельных болезнех, и прибегох к тем великим Святителем во обитель,

16//17

к пастырю и учителю к сему преподобному Архимандриту Дионисию, и вся сия возвестих ему, яже о себе и своем слабом житии грешном и о болезнех неисцельных. Той же, яко присный отец, поболезновавши о мне, не токмо не погнушался мною грешным, но и в келлии своей сожительствовать мне у себе повелел, и яко истинный врач душевный обретшися моей худости, глагола ми: возми от светильника моего масла, иже у мене в келлии у налоя молитвеннаго, помажи телесныя вреды, ими же болезнуеши, будеши здрав: аз же, яко от Божиих уст, сии глаголы услышавши сотворих, якоже повеле ми, и оттоле молитвами его сотворихся здрав от таковых болезней доселе. Ко оскорбляющим его братиям зело терпелив бысть, яко ничесоже слышав, умолчаваше, и отмщения ни в чем не сотворяше: но иногда по таковых многих досадах досадители сами в беды падши, прибегали к нему, яко к присному отцу, исповедающе напасти своя прилучившис; он же яко чада своя любезная, не поминая их прежняго досаждения, утешал их радостным лицем от всея души своея, чему мы сами очевидные свидетели. Всеми не токмо простыми, но и самым Благочестивым Царем и благовестивыми вевльможами его, зело любим был беззлобия и благонравия ради своего. О церковном строении велие прилежание име: ово церкви воздвигал вновь, иныяж после раззорения обновлял: книги, кадила, кресты, сосуды, епитрахили, ризы, стихари и прочую утварь церковную

17//18

строяше, и в церкви отдаяше; и в запасе у себя храняше многия утвари во украшение церковныя потребы. И егда где уведав оскудение церковных потреб; или кто мимо ехав возвестит ему тож, уготованная с рдаостию неоскудно подаяше. Многия имый мастеры прехитры закормлены у себя, иконописцы, и книгописцы, и сребросечцы и швецы; ово на ново строяше, ово же ветхая обновляше от своих келейных достатков своего уроки, еже от церкви ему подаяшеся. К сему и Боголюбцы, ведая его тщательство к строению и попечению о нищих, приношаху ему неоскудную милостыню, не во образец прочим братиям: он со благоговеинством милостыню от них принимая, не в пазусе своей сохраняше, ибо не без вымыслу таковая изнуряше, но за приносящих милостыню в церковных и келейных молитвах день и нощь Бога моляше о спасении душ их. Такожде и родители их поминая, книжицу такову в келлии у себя име, в нюэе имена их вписаны, и в церковь ее с собою ношаше, и на литургии всю прочитываше: а милостынею не токмо скудныя церкви наделяше, но и самой той обители Святыя единосущныя Троицы образы окладныя обновляше ветхости ради, сребра своего прибавляя: такожде и сосуды церковныя на ново от ветхости переделывая, сребра своего прикладывал; а иныя вновь зделавши по всем Троицким придельным церквам, вместо медных и оловянных сосудов, поставлял сребреные.

18//19

В приписных монастырях, иже суть под паствою Троицкаго монастыря, прехитро вуся устроил Богом подвизаем. И таковаго благонравия его ради, вси любяху его от благородных князей и вевльмож, и во всем строении помогаху ему: точию властолюбцы, иже с ним совладеющии, премногою завистию надымахуся на него; не токмо способствовать не хотели, но и многими пакостьми не временем, но и по вся дни оскорбляли душу его святую; он же вся та ни в о что вменяя, но радуяся душею и веселяся сердцем, Бога присно в сердце своем имеяше. И тако не токмо до кончины живота своего от такова обычая не отста, еже строить церкви, и всякою утварию церковною украшать, и нищих наделять: но и по смерти его, крестов, кадил, сосудов церковных, и к разному делу камок, тафты, дорогих выбоек. крашанин, полотен преизлишек осталося, и в казну взято бысть; еже у него уготовано было к церковному строению. О чинех церковных, яже писана во уставех и чиновных книгах Апостольская и Святых отец предания, сия бодрым умом разсмотряя. и со усердием вся исполняя, не хоте ничего от сих, дабы небрежением некоим не исполнити. Уставщика и головщиков не токмо любезными глаголы увщаваше: но и поиском всяким пищею и питием утешая, повелеваше им благодушным быти ко исправлению церковнаго пения.

Приложи ему Бог к его благоразумию бодрость и силу, урядство, и благолепие лица, и возраст

19//20

телесный, яко никто же ин в та лета обреташеся подобен ему: браду долгу имел и широку досязающу до пупа, и власы брады его русы бяху: очи ему были веселы: в словесех был утешителен, ко учению же мужествен: тих и скромен: но наказывал никого необинуся: на клиросе сам певал, и статьи прочитывал: глас его дивен был: вси бо слышащии глас его поюща или чтуща веселяхуся сердцы, и радовахуся душами, сладкому гласу его удивляющеся: ибо дар ему зрения и умения от Бога дарован был. Почему разумеющии силу словес чтомых от него, любяху отца своего, словесы его утешающеся: ибо аще и тихо слово от уст испущаше на чтении: но и в задних углех и в притворех простирашеся глас его, и ничьих ушей не минуся, всеми явно слышан был. Мнозем праздником службы великия, еже есть всенощныя пения, приложи при своем Архимандричестве, и благодарныя хлебы на всенощных, еже есть, пять хлебов благословенных в Сергиеве монастыре устави, и на литиях воскресных богородичные догматы на осмь гласов творение Преподобнаго Иоанна Дамскина купно со Аммореевыми стизирами пети повеле: прежде бо его не бысть сего в Троицком Сергиеве монастыре. Також и прочия церковныя чины управляше по разсмотрению Богом наставляем, помощницу себе имея Пресвятую Богородицу и Преподобных чудотворцов Сергия и Никона, безпрестанно слезы по ланитома точаше тех призывая себе на помощь. Немал подвиг его бысть

20//21

молити Бога в заздравных молитвах за приносящих милостыню, и о преставлшихся поминовения велие бысть исправление: и во время соборныя обедни не бысть власти священником исходити в келлии, аще и в придельных храмех прежде литургисаху по рану; но к соборной обедни прихождаху, и вси во олтаре по обеим странам стояще под стеною в епитрахилях, имена вкладчиков за здравие поминаху, и родительские синодики прочитываху. И сице по вся дни строением сего трудолюбца, вкладчиков имена в заздравных и в заупокойных молитвах поминаеми бываху. Часто и сам литургисате, родительские памяти исправляя, и на гробы с кутиею сам всегда исхождаше, и пояше узаконенное над ними пение, не хотя ни единаго гроба именитых вкладчиков минути не пропев обычных пений, овы днесь, овы же иногда. И сего ради медлен показовашеся в служении церковном, яко и своими усты на просфоромисании многи имена вкладчиков поминаше. Церковником же о сих зело тяжко вменяшеся, и многа сопротивления ему творяху, и буими глаголы укоряху Преподобнаго: паче же от уставщиков и головщика Логина, и от иных крилошан неизглаголанная безчестная словеса бываху Преподобному, о них же не лепо есть глаголу предати; удивлятися же лепо есть сего Преподобнаго великодушию и безмерному терпению, яко вся тая поношения радостною душею приимаше благодаря Бога, яко чадолюбивый отец, незлобив сый к своим присным чадом, никогда не раздражаще

21//22

их, но присно увещаваше их утешительными словесы от Божественнаго писания, поучая и одолевая горделивых обычаем терпеливым; но обаче аще и тяжко им вменяхуся подвиги и бодрость Преподобнаго, но благонравия его ради и безгневнаго обычая не отступаху от него; и отвсюду стецахуся к нему во обитель. И при его Архимандричестве много из церковников бысть иноков именитых, яко и священников до тритцати, диаконов же иногда пятнатцать, а головщиков и крылошан на обеих крылосах по дватцати семи на крылосе, а иногда и больше бываху. И тако церковь цветяше при нем строением и чины церковными. На заутрени всегда сам братию созираше, со свещею ходя сам по церкви. Аще ли кто от братии немощи ради, или небрежения не обреташеся в церкви, по тех посылаше будилников, осмотреть повелевая, и наказываше всех с тихостию благоразсудительно незлобивым обычаем, и не яростию. И аще кои принемогаху, тем яко истинный врач обреташеся, всяк промысл об них сотворяя, душевне и телесне повелеваше упокоевать, и попечение о них иметь приказываше на то устроенным, дондеже оздравеют: а иже зельне изнемогаху, тех в больницу посылаше. Сице печашеся о спасении душевном коегождо. Звоны праздничныя зело изрядно при нем бываху: в великия праздники, когда всенощныя пения бываху, со обеих крылосов крылошане хождаху звонить, а в средния праздники полиелеосныя, и в меншия праздники, в кои

22//23

шестеричныя службы поют, то единаго крылоса крылошане хождаху звонить, на коем крылосе начальствуют: а мирских человек в то время на то устроенных не было, дабы звонити в назначенныя колокола, кроме иноков: только благовест в большой колокол мирскими человеки благовествовашеся. Хождаху же из честных служб старцы большие звонити с крылошаны, но в стыд себе того не вменяху. Хождаше и сам Архимандрит часто с братиею на полевые труды, и на огороды сеяти и садити, и обилие плодов собирати во время свое между церковными пении: зело бо трудолюбив бысть, и востанлив, и тщателен на всякое доброе дело. На соборе расправных дел всегда прилучашеся, и по его тщательству подаяше Бог и времена благополучны. Аще и продолжих слово о его подвизех и о трудолюбии, поминая его добрый нрав, и попечение о спасении душ наших: но не возможно есть умолкнуть о благоразумном его разсуждении во всяком деле благом: ибо аще величающеся нецыи и гордящеся, на его благоутробную душу завистию и подъимахуся, якоже и прежде речено бысть, и честь всякую на себе преводяще, безстудием своим волю у него отъимаху, и власть, юже Бог дарова ему, похищаху; и пакости многи деяху ему, не хотяще дать воли во благое устроение паствы его: но во всем противлении их, ведая, яко от диаволя навета есть, мужествен пребысть; и многия ссоры, от тех мятежников творимыя со окрестных людьми во округ Троицких сел; в миру приведе.

23//24

О устроении жития мирским человеком

Не хощу и сего умолчати, яже благоразсмотрительно устрои при себе сей доброразсудный строитель, усмотрев, яко не добре мирстии слуги и служебницы пребывают, по уложению преждних властей, живуще около монастыря безженное житие: а воздержания и крепости телесныя и целомудрия не могуще сохранить, и в том порок житию их и душевредие велие бысть. Сей же Преподобный зело о том поболезновав душею от Божественнаго писания рече: Лучше женитися, нежели разжизатися (1 Кор 7, ст. 9). И поговоря на соборе с Келарем и с Казначеем и с соборною братиею, прежний устав, еже бысть держим, преложи, и повелеша могущим, целомудренно жити: а прочим всем позволиша женитися, и домы своя имети по закону Божественнаго писания.

О поправлении потребников, и о страдании его, и прочих с ним за новоприкладную речь, еже есть, о огни.

Изволением благочестиваго Царя Государя и Великаго Князя Михаила Феодоровича всея Руссии

24//25

повелевается печатати книги глаголемыя потребники: по исправлении же книг сих с чего печатать, приказ Царской бысть сему Преподобному Архимандриту Дионисию, да старцом обители тоя, Арсению Глухому, да Антонию Крылову, да черному диакону Закхею, да священнику Ивану, имянуемому Наседкою, в то врекмя сему еще пребывающу под монастырем на веси глаголемой Клементьевой, кои в поправлении книг не мал подвиг показаша; обретоша же в прежних служебниках печатную речь некую необычну и новоприкладну о огни, во освящении Богоявленския воды, в молитве речено бысть сице: освяти воду сию Духом твоим Святым и огнем. А в старых потребниках харатейных и писменных лет за двести и больше, таковыя речи, еже есть, огнем, не обретается; и многу изысканию бывшу, принесоша доклад о сей речи, и положиша перед Крутицким Митрополитом Ионою и прочими прилучившимися на Москве властьми, Архимандритом Чудовским Аврамием с товарищьми, маломогущими разсудить о изыскании сего: в то бо время, грех ради наших на Москве Патриарху не сущу: ибо по изволению праведных судеб Божиих, кровопролитие Христианское еще не престало: но превеликия беды и напасти православным за греха наша деяхуся от нахождения сопротивных Польскаго Королевича Владислава и всея рати их, кои проливали кровь Христианскую, яко воду близ стен града. Митрополит Крутицкий и прочие Московские власти завистию подъемшеся на Святаго

25//26

Архимандрита Дионисия и иже с ним, и ничто же разсудивши о сем изыскании истинном; ни собору изволися о том собрану быть, рекоша: преложили в ересь: и осудиша их в заточение, ничтоже виновно имущих, токмо они написаша из старых переводов, и принесоша на доклад, а не на раздор. Архимандрита послаша в Кирилов монастырь: прочих же по иным обителем. Но по некоему строению Божию возвратиша с пути Архимандрита Дионисия к Москве, и не могуща проехати поганых ради Поляков, послаша его в смирение к Спасу на Новое. Сему Преподобному Архимандриту епитимию наложиша сверх обычных пений по тысящи поклонов. По хотению ж хищников и лихоимцов повелено бити его и мучити сорок дней, и в дыму ставить на палатех, но праведный Бог подаде ему силу свыше: ибо, как он мне грешному сам сказывал, не токмо наложенное ему правило и поклоны с радостию исправлял, всегда в миысле своей обнося, яко не свое, но повеленное ему исправяет; но еще сверх повеленнаго за себя от своего усердия по тысящи поклонов исполняше. И паки еще поведа мне грешному: бывшу ми, рече, тамо в келлии, и по отпетии утрени, идущим Архимандриту Спаскому и Келарю и братиям от церкви к келлиям своим увидели, яко из тоя келлии, идеже он пребываше, из трубы дым бел и свет огнен, якоже на исполе уже у каменных труб бывает, светяшеся зело. Власти тыя послаша спешно осомтрети, паче же и возбранити.

26//27

яко без повеления их нагревают: послании же осмотревше, и ничтоже в печи обретше, возвестиша властем, кои и удивляхуся сему. Преподобный же услышав сие возрадовася душею, почая себе милости Божией быти, и вскоре потом свобожден бысть Святейшим Патриарохом Филаретом. А еже в потребниках им истинно изысканное, еже есть приложено, и огнем, от слабоумных некиих, сей Святейший Филарет Патриарх Московский и всея Руссии по свидетельству вселенских Патриархов повеле впредь печатати, якоже Архимандрит Дионисий с протчими старцы изыскал: а в тех потребниках, которые печатали при Крутицком Митрополите Ионе, и в прежних письменных потребниках и служебниках новоприкладную речь, о огни, вычернивать повеле, и на поле против того описывать впредь для памяти и для ведома всем разумевающим истину. Архимандрита же Дионисия паки в Троицкой Монастырь посылает: той же приехав в свой монастырь к Чудотворцем, подвиги к подвигом прикладывая, радовался душею и сердцем, яко спосодобил его Бог за правду пострадати. Паки всеми бысть любим, якоже и прежде; ненавистницы же, иже клеветаша на Святаго, и в ересь истину прекладываша, посрамлени быша, и последи и сами тоже восприяша, в заточении сокнчашася. Свобождени же быша из заточения и помощницы в правде старцы, Арсений Глухой с товарищи; и поработаша на печатном дворе у справы книг много лет.

27//28

О некоем калуге, иже оболга Святаго наветом диаволим.

Паки искони вечный враг не хотя добра роду Христианскому, вооружается на преподобнаго Архимандрита, и ины козни простирает, дабы чим от обители Святаго Сергия отлучити. Вход в некоего калугера, Рафаила именем, присланна под начал от Первосвятителя, обложенна веригами железными за некое безчинство и крамолу, который бесом наставляем, хотя избыти вериг тех, пришед к самому тому Архиманадриту, поведает за собою Царево слово, и велит про себя вскоре возвестить Самодержцу и Первосвятителю, сокровен яд в сердце своем ко Святому имея, чко ведает, что на него Первосвятитель гнев содержит по наносу от совладеющих с ним некиих властолюбцев: той же, яко беззлобивый агнец, ничтоже в совести своей имый зазорно, но зря ю в себе чисту и непорочну, вскоре восписует о нем к Самодержцу и Святейшему Патриарху Филарету Московскому и всея Руссии, потом немедленно того калугера к Москве взимают, тпаче и самого того Преподобнаго призывают. Понеже свидетельствуют клеветники на Преподобнаго беззаконие, и глаголют на Святаго неподобная, что и слышати вси не восхотеша, ведающе чистоту его душевную: братия возскорбеша зело

28//29

слышавше клеветы на Святаго, и вси свидетельствоваша праведное и чистое житие его; почему клеветницы прияша мзду своего беззакония, посылаются в заточения. Той же паки отпущается во обитель Живоначальныя Троицы, бедами и напастьми искушен, яко злато во огни, благодаря Бога и Пречистую Богородицу и Преподобных Чудотворцов, Сергия и Никона спасших его от таковых напастей.

О терпении и страдании Святаго за вотчину Чудотворца Сергия.

Паки не умолкает враг видя себе побеждаема от Святаго терпением и злостраданьми; благодаряше бо Бога в частых напастех, яко ничтоже приемляше, и отдавался на волю Божию, внимая глубочайшему смирению, паки многи сети распростирает на многострадальную душу, и велия пакости содевает Преподобному. Ибо эконом обители тоя горд и властолюбив сущи, мало страха Божия в сердце его бяше. Позавидев враг хотя пакость Преподобному сотворити, привлекает эконома в ложь: сей эконом имея у себе сродника, просит у отца Царева Святейшаго Филарета Патриарха Московскаго и всея Руссии Чудотворцову Сергиеву вотчину, назвал жилую пустою, сменити на свою купленую пустую вотчину, токмо лес

29//30

имущий велий: и по его прошению присылается ко Архиманадриту от первосвятителя грамота писанная сице: Будет таковая вотчина, какову сказал в челобитье своем эконом, то смеити вотчину Сергиеву на купленую его пустошь. Архимандрит изыскавши, яко старая Чудотворцова вотчина не пуста, но многие жильцы и строение много имеет, не хотя души своей повредить; паче же всю братию сею вещию оскорбить, вознамерился писати о сем к Самодержцу и к Первосвятителю. Эконом подпадает лестию к Преподобному, приводя многия честныя люди просити за него, да не пишет о том, и на гнев Самодержца и Святителя да не приводит: он же, яко беззлобивый сын не познавши в нем лести сокровенныя, паче же поверив предстателем, иже за него, отлагает писать о сем, утвердившись в словев с ним, чтоб приехав в Москву вместе, о том доклад учинить без вражды, надеяся быти твердости в слове, своей души внимаючи. Той же бесом подстрекаем позабыв твердость слова и предстателей, иже за него предстательствоваху, изливает от сердце своего яд смертоносен, засылает друзей своих к Первосвятителю, возвещает на Преподобнаго глаголы злосоставленныя, якобы Царская повеления и Святительская ни во что полагал; и зле приложныя речи и клеветы многие сплетает, хотя извергнуть Преподобнаго не токмо от обители, но и без вести сего сотворити. Ибо лукавою своею хитростию до толикаго безчестия той эконом

30//31

доведе сего мужа праведнаго, яко и в скаредно место и темно ввержен бысть, и ту три дни в смраде пребысть никому неведом. Преподобный же толико терпелив и смиренномудр был, яко никтоже о сем не уведе от него, кроме единаго отца его духовнаго. По многом убо прещении от Первосвятителя, паки возвращается в моноастырь к Чудотворцем, радуяся душею и благодаря Бога, якобы ничтоже пострадал, быв в таковых искушениях. От таковых властолюбцов хотя до смерти живота своего всегда укоры, и досады, и поношения, и оболгания безпрестанно принимая, яко стрелами в сердце бодом был. Однако глубочайшаго ради и конечнаго смирения, и долготерпения своего, никогда не унывал в горестных искушениях; но всегда радостен лицом и весел очами был, имея Бога помогающего ему. Той же эконом паки тайными грамотами желая оклеветать ложно сего Преподобнаго Архимандрита Дионисия, не устыдился возвести на него и сего неистовства, якобы промышляет он на патриаршество взыти: а во одно время в толикое пришел безумие, что за некое сопрение на соборе при всей братии не усрамяся честнаго лица его, дерзнул бити его своею дланию по ланитома, и с безчестием в келлию его отослати, откуда четыре дни его к пению церковному не выпущал, и вход и исход заповедан был всякому, о чем уведавши Благоверный Государь Царь своею властию державною свободил его вскоре. По том во обители

31//32

Державному бывшу творил пред всеми людьми тщательное изыскание о злостраданиях Архимандрита: отец же Дионисий вся закрыв собою, всех себе доброхоты и добродеющия показа, единаго же себе винна всему нарек, и Царский гнев в милость претвори, чем всех сущих с Царем во удивление велие приведе. Отселе Самодержец клевещуим и лжу сщивающим на него, отнюд не ят веры даже кончины жизни его.

О Дорофее иноке, и о крепком житии его.

Поведа мне отец мой Архимандрит Дионисий о ученице своем, именем Дорофее, бывшем у него в келлии, яко таково житие его крепко бысть, яко не отлучатися соборнаго пения николи, и в церкве Никона чудотворца понамарскую службу содержа, паки на собор поспеваше, понеже и канонархист великия церкви он же бысть: и книгохранительную службу исполняя, вся творяше без отлучения. Сего ради многия укоры от братии приимаше, не сопротивляяся никому конечнаго ради смирения. Еще же и келейное правило содержаше свыше чекловеческия силы, токмо самим Богом таковая сила даровася ему молитв ради его: ибо по вся дни

32//33

псалтирь всю глаголаше, и по тысячщи поклонов понуждашеся класти, кроме общаго правила, еже есть в келлии со Архиманритом: еще же меду тем книги писаше, и многи книги остави по себе своея руки: сон же его зело мал бысть, и на ребрах николиже почиваше, но седя на рукоделии своем дремаше; а пища его мал кус хлеба, или толокна ложка и воды, и то не по вся дни. И толико постом изнури себя, яко и внутренним его вредитися, и пупу присохнути к хребту. Архимандрит же узрев его зело изнурившася, едва увеща его хлеба с квасом ясти, да не како от многаго неядения вредится крепость, рече, телесная, и безвременную смерть приимеши. И егда нача изнемогати телом той иной Дорофей, Архимандриту же в то время готовящуся к Самодержцу ехати, и уже хотящу ему из келлии своея итти, ста в сенях на молитве, хотя благословити братию, той же Дорофей немощен к нему изыде благословения ради, прося последняго прощения: уже, рече, время мое приходит, и смерть приближается: о едином, рече, скорбно ми сердце, что отъежжаеши отсюду, и от твоея преподобныя руки погребения не сподоблюся. Преподобный же глагола ему, яко на глум, с запрещением, до моего, рече, приезду буди жив, и не сотвори того, еже смерть прияти, донележе возвращуся от Самодержца, и тогда умреши, и погребу тя, аще Господь изволит. Он же рече, воля Господня да будет; якоже хощет, тако и сотворит. Архимандрит же быв у Самодержца,

33//34

паки возвращается во обитель Святыя Троицы и чудотворцов. Егда же вниде в сени келлии своея, глагола молитвы обычяныя, подая братии благословение: той же Дорофей паки исходит к нему о себе, конечно немощен, прося благословения от него, паче же и прощения: он же благословя его, простися с ним: иде в церковь, облачився в ризы, хотя пети молебен за Царское многолетное здоровье, якоже обычай содержит во обители Святыя Троицы и чудотворцев Сергия и Никона на приезд властей; и прежде, нежели наченшу ему молебен, возвестиша ему, яко отъиде ко Господу инок Дорофей: он же многи слезы на лице свое испусти, и по исполнении церковных пений погребе его со всем собором, и вси благодариша Бога давшаго такову благодать просящим у него с верою.

Мнозем же сие писание прочтено бысть: и неведущим жития его усомневающимся и глаголющим: не вместно быть человеку в таковых подвизех: аз же убогий Симон, слышав сия, послах сие писание на Москву соборныя великия церкве к ключарю Ивану, зовому Наседке, самовидцу того Дорофея жития, и собеседнику и спострадателю Архимандрита Дионисия житию, еже прежде о нем явлено есть, яко вкупе подвизашеся с ним во исправлении потребников: той же Иван прочет сие, восписа ко мне сице: Аз многогрешный Иван о сем Дорофее истинно вем, так было прямо, как зде написал еси господине мой! ты же отче честный! еще тогда у Живоначальныя Троицы

34//35

в монастыре не был еси; а что аз грешный ведаю о сем же Дорофее старце, и то я тебе зде явственно пишу без лжи, что своими глазами видал, так прямо у тебя писано: а сие что ни написано у тебя, и тебе честнейшему господину буди то ведомо: я в келье Архимандричей многажды начевывал, и писывал много дел духовных и грамат от властей для соединения земли: и про то ведают Алексей Тиханов и иные подъячие, и про того старца Дорофея, крепкое и святое житие достойно слышания сказывают. Аз грешник бедный после разорения Московскаго вскоре прибрел к дому Пресвятыя Троицы, и того старца Дорофея за полтара года до смерти его застал; а видал его по вся дни больна, не болезнию болен был; но болезнь его была от поста презельнаго, и от жажды великия, и ноги его опухли от стояния от службы вверенныя ему: да еще ему же Архимандрит Дионисий давал денег, да и платья на нужных, много и полотенец и платков: и он Дорофей то все по Дионисиеву приказу разносил больным всяким и раненым людям, и от врагов мученым различными муками: да от Архимандрита всегда ему приказ был навещати больных и мученых, или грабленых. И тот Дорофей не токмо по Архимандричью велению все прямо исполнял, наипаче и сугубо, но и премножае имсполняя Божия заповеди, всегда нощию все с больными и с нагими и с увечеными беседу творяше. И Архимандриту все о всех возвещая, всем бедным и немощным

35//36

вся полезная и добрая творяше. И слышах то от братий его иноков дел его стрегущих, иже поведаша мне с клятвами, яко многие и различные труды о бедных подъяше: а все втай творимое им многажды приметиша, яко дни по три, иногда ж и более отнюд не ядый, ни пия; а иногда уже и седмый день мину, и не усмотряхом его ни к сосуду какому прикоснувшася, ни позревша на что; и от сего болезнь велию име. Некогдаж видех аз бедник посмехаема его при мне от келейныя его братии, яко валяется около стен и печи: и бысть в них спор, и иные глаголаху, яко свят есмь, иные, яко дурак есть. И аз бедный с ними ж глумляхся: отец же Дионисий пришед воззре токмо на скаредство мое, и ничто ми изрек; аз же клятый внях себе о погляде том, и по времени том, улучив беседу духовную, восхотех, дабы ми уведати, что тот был взгляд. Дионисий же отец рече ми: несть ти пользы в том, мирянин еси, знай себя: и аз грешный к тому не спросил более десяти лет. И как взяли меня грешнаго к Москве жить, и в приезд Архимандрита у его святыни в духовной беседе сидех: и он меня спросил о некоем деле, в немже бедствоваше от иконома своего: и аз его честности воспомянух ответ его ко мне о Дорофее: и разумех абие, яко оскорбися отец мой на мя, и поклонихся ему со слезами, прощения прося от него: он же мало осклабився благословил мя рукою, и рече ми: скажу ти, се

36//37

послушай мя, но не вопрошай ктому иноков о делех иноческих: ибо вам миряном для нас иноков велия беда открывати тайны: есть бо писано о том, яже в тайне творит, да не увесть шуйца его, и умолча. Аз же грешный всяко понудихся, дабы мне изведати, чего ради оскорбися на мя: он же видев мя стяжающа, нача меня учити сице: вы миряне, что услышите о чернцех, не лепо осуждаете их, и укоряете, и то вам грех есть, а что услышите добро и полезно, тому не ревнуете, но токмо хвалите: и тоя ради вашея хвалы злее беси належат на вас, и тем в величание и гордость нудятся ввести нас. Сицева ради дела прикрыватися нам потребно, да не ведомо дело наше будет вам: и тем в леность и во всяко небрежение да не введет нас диавол: и лучше нам есть, да никтоже весть нас, и диавол не тяжчае ратует нас. И аз грешник рекох ему: аз, государь, не о вашем житии хочу ведати, но о себе, что ты разумел о моем безумстве, и взглянул на меня? Он рече ми: не гневайся. Святому мужу вы просмехалися, и вам всем грех, то есть, что не по вашему жил он, и всегда постом себя морил. Мне ведомо о нем, не токмо он седмицу не едал; но часто и девять и десять дней ни ложки воды не пивал; а в службах во всех по заповеди нашей ходил, и наг и бос и голоден и озяб; да еще не умываючи ни лица, ни рук. А как по приказанию ходил кругом больным, то всякий смрад и гной, и на руках и на свитке своей не омыв, тем утирал и очи и уста свои, а юн сый, и всегда помышленьми блудными зле мучим был. И того ради и алчбою, и жаждою по вся часы крепце сопротив мысленных врагов ратовался. А умовение и лицу и очима и персем и дланем всегда слезы изливая тем, умывашеся, и на своя дела добрая отхождаше: почему мне смехотворение то от вас болезненно стало тогда.

О некоем иноке и друзем мирянине, яко оболганием хотеста искусити Преподобнаго.

Некто от дворян мимо ехав, имя ему Семен Зиновьев, приступи ко Архимандриту, прося к себе на подворье некоего инока знаема себе, именем Антония Корсакова, Той же не умолим ему показася нетвердаго ради жития старца того. Они ж купно согласившеся, паки приидоша к нему лестию лжуще, рекоша: нужно, рече, дело есть, проститися с мертвецем, его же мимо везоша, и нам есть свой. Архимандрит же много наказав старца отпусти: они же вся та презеревше в глум вменяху, идоша глумящеся, якобы умудриша над Архимандритом: и во мнозе питии вина обезумившеся,

38//39

убиша там монастырскаго слугу, именем Томила Яганова до смерти, и приведени быша с мертвецем, егоже прежде нарекоша своим: бысть же свой, понеже своима рукама убиша его: сице лести своея и преслушания взду восприяша.

О преставлении Преподобнаго Архимандрита Дионисия.

Егда же приспе время преставления сего Преподобнаго отца нашего Архимандрита Дионисия от здешняго века во он преселитися, поведаша тии, иже при его смерти прилучишася, и тогда никако от церкви не отлучашеся, якоже прежде обыкл, уже зело немощен сый, на кануне смерти своея обедню служаше сам, и к вечерни и к заутрени, и к обедни, и в самый той день исхода не хотя убавити подвига своего; того ж дни, егда вечернее время приспе, в самый благовест воста, наложи на ся клобук и мантию, хотяше итти в церковь. Братияж не дающе ему изыти из келлии его, мняху бо, яко пот от лица его исходит: он же зря себе конечно уже изнемогаема, проси схимы: неции же не дающе ему воли схимитися, опасающеся Первосвятителя, вскоре послаша доложить с грамотами. И того ж часа видевше его изнемогающа,

39//40

и желающа схимы, приступивше священницы и диакони начаша схимити, ему же едва стоящу от болезни изнемогая, и еще не довершившу некиих молитв, седши на постели своей, некиих от братии благословил рукою, и прекрестив лице свое, возлеже на своем одре, очи свои смежив, и руце свои сам на перси положив, душу свою в руце Господеви предаде, мног плач и сетование братии остави по себе. Егда же во гроб положено было тело его, тогда вси со услаждением, на него взирали: ибо лице его было благолепно, очи и уста веселы, яко смеющияся. Сего ради многие от иконописец любве ради благолепие лица его спписали, дабы таковый блаженный муж у всех в памяти вечно пребывал. Святейший же Патриарх Филарет повелевает тело его к Москве привести, и отпев надгробная, привезоша его в монастырь, в нем же поработа, и погребен бысть в лето 7141, Маия в 10 день, а от Христа 1633.

Свидетельство о житии Святаго ключарем Иваном Наседкою

Написавши аз многогрешный Симон по прошению инока Боголепа Львова, многим Боголюбцем знающим и помнящим сего Святаго Архимандрита Дионисия, писание сие предложил, аще сия тако суть?

40//41

и мнози прочетши свидетельствоваша, яко истинна суть: инии же усумневахуся, якоже и прежде рех, и неверием одержими бяху; аз же сия вся сорав, во уме своем грешнем помыслих, да не возмнят неции на мя, яко ученик его есмь, и любя отца своего, похвалением облагаю, и да не в ложь превратят истину, юже аз сам видех у него своима очима, и яже слышах от его преподобных уст, тая мне верна быша, и на сердце взыдоша: а о слышанных помыслих, и известихся от ведущих, иже прежде мене у него быша: понеже Бог не хощет ложными словесы прославляем быть, то и святым не угодно есть затейными чудесы похваляемым быти. Сего ради вручих сия вся великия соборныя Апостольския церкве ключарю священно-иерею Ивану, зовому Наседке, иже со Архимандритом Дионисием в Троицком Сергиеве монастыре много способстовал во исправлении книг, и в церковном согласии на безумных противников, на уставщика Филарета, и на головщика ЛОгина. И в келлии его часто с ним беседова, и книги писаше: и не токмо дневныя беседова с ним беседы, но и ночи многи у него в келлии обнощеваше, во исправлении книг с ним подвизашеся: паче же многи епистолии Архимандрит во время кровопролития Христианскаго по градам посылал, сего \иоанна способника себе имея на то, многи доброписцы придав ему. И теми епистолиами во всех градех воевод и приказных, и всяких ратных людей, и всех православных Христиан

41//42

умолял, дабы подвизалися за православную Христианскую веру, и крепкостоятельни б были против врагов Поляков и Литвы и Руских воров, и подвигнулися бы на очищение Московскаго государства, приводя в писаниях тех многи слова утешительныя от Божественнаго писания. К сему же и во исправлении потребников, о огни, якоже выше речеся, со Архимандритом той Иван способствовал, и в бедах сострадателен ему был. Сего ради вручих ему, да видит и судит, аще сия тако суть? Той же виде и свидетельствова: и яже от мене не исполнилося некиих ради недоумений, паче же забвения ради, в строках поисправил, и поисполнил; и кая у нас не вписана быша той написав от себя, прислал мне с моим писанием вместе: аз же сия прием от него радостным сердцем, напоследи написал особь сего ради, понеже прежде предано бысть иноку Боголепу прежнее писание: и того ради в средину того писания не вписах, дабы от неведущих в ложь не вменилося, тогда де так писано, а ныне инако. Посему же и сего ради, да не како на свой разум преложу чужий труд, имже потрудися сей благолюбивый трудолюбец Иван: понеже больше мене весть о сем житии Преподобнаго Дионисия достоверно, и разсудих сия написати зде сице напоследи. Также и грамота Царева о поправлении потребников, и речи Архимандрита Дионисия, старца Арсения Глухова, и сего Ивана ключаря к Святейшему Филарету Патриарху тридесять главизн: и на Антония Подольскаго речь

42//43

обличительная о огни просветительном тридесять пять глав. Потом тогож Ивана Ключаря сорок главизн изыскано от многих Божественных книг о прикладе огня, яко не подобает глаголати, и прикладывати сего: тако ж и двух вселенских, Александрийскаго и Иерусалимскаго, Патриархов две епистолии о том же.

О житии Святаго Архимандрита Дионисия.

Списано Иваном Ключарем.

Начало ж сему Иванову писанию сицевое:

Егда убо в 7113, от Христа 1610м году, грех ради наших Царствующий град Москва разорися, и все державствующии и владычествующии великою Россиею в плене быша от велика и до мала, и всяк чин и всяк возраст мужеска пола и женска, вси под огнем и под мечем зле мучахуся, и не бе нигде никого, еже бы миловати друг друга, но вси грабители, яко беснии пси, друг друга угрызаху; и не бысть ни града, ни веси, ни села, ни поля, ни леса, ни дебри, ни пропасти ни пещеры, еже бы без мучения где Христианом укрытися можно было; и не токмо простыя места, но и святыя церкви и монастыри всюду сожигаеми и всякими сквернами оскверняеми бяху; паче же всего блудом и прелюбодейством не токмо простая чадь,

43//44

но и священный чин, и от иночествующих, оскверняеми бяху различными виды от злодеев, и везде назии и босии, и гладом и жаждою всяк чин и возраст томим бяше (о чем пространно в истории большой писанной у Живоначальныя Троицы о раззорении Московском, зде же о Дионисии предлежимое да видим:) тогда по раззорении Царствующаго града и многих градов всеми путьми быша беглецы к дому Живоначальныя Троицы, и не бе числа слез кровных; вси бо мучены и изломаны прошаху отцов духовных, а инии мнозии испечены быша, а с иных власы с глав содраны, а у иных ремечение из хребтов вырезывано, у иных на крест руки и ноги обсечены, а у иных чрева прожжены камением разженным: паче же изрещи невозможно, каковыми различными смертьми томими бяху. И вся обитель Пресвятыя Троицы преисполнена бысть различными смертьми скончавающихся от глада и наготы, и от любыя срамоты, о ней же нельзя и глаголати; паче же от ран неисповедимых помираху. И не токмо в монастыре мертвецы лежаху, но и в слободах, в Служней, и в Клементьеве, и в деревнях, и по путех, и повсюду, страшно бо зрети наготы и срамоты жен и девиц: и не возможно бысть ни исповедати при смертиЮ ни святых таин Христовых подаяти. Дионисий же видев сия, Келаря и Казначея и братию всю со слезами многими начат молити, дабы во время таковыя беды всем всячески спострадали во всяких нуждах. Келарь же и иныя братия со слугами

44//45

единогласно вси отвещаша сице: Кто, государь Архимандрит, в таковой беде с разумом сберется? никому невозможно стало промышляти кроме единаго Бога. Паки глагола Дионисий сице всем со слезами и рыданием: Се, государи мои, разумейте: воистинну искус от Господа Бога бысть нам. От осады большой нас Господь Бог избавил за молитвами Владычицы нашея Богородицы, и великих чудотворцов Сергия и Никона; а ныне за леность нашу и за скупость может нас и без осады смирити и оскорбити. Келарь же и вся братия и слуги смятошася о рыдании его, и начаша просити совета от него о недоумении своем. Дионисий же начат молити их сице: Дом Пресвятыя Троицы и великих чудотворцев не запустеет, аще станем молити и у Господа Бога просити, да разум нам подаст: токмо положити то, кто что смыслит промышляти, или сбирати на потребу бедным, или служити кто может, и кому что по силе своей дати. И бысть совет его всем любезен, и первее слуги, простая чадь крестьяне советоваша, и Архимандриту с братиею сказали так: Аще вы, государи, будете из монастырской казны после осадных людей умерших или живых, и вкладчиков, которые что в святую обитель душ своих ради подали, давать бежным на корм, одежду, на лечбу, и работникам, кто имется стряпать, и служить и лечить, сбирать и погребать: то мы за головы свои и за животы не стоим. И бысть той совет радостен всем людем:

45//46

и в монастыре и во округе монастыря всем людем бедным живущим и умирающим всяк промысл изыде. И первее по благословению Архимандрита Дионисия начаша строити казною монастырскою домы для всех людей; и больным людям обретошася врачеве, и целяху многих. И елицы исцеление получиша, прихождаху во обитель Живоначальныя Троицы, и покланяхуся Пресвятей Троице, и Пресвятей Богородице, и великим чудотворцем преподобным Сергию и Никону. По благословению же его отведены и даны были больницы на раненых людей; да им же поставлены были и дворы и избы разныя на странноприимство всякому чину из Москвы, и из всех городов прибегающим мужеска пола и женска, князем и боярам, и детем их, и людем, и всякой челяди их. И сколько изб было поставлено мужеску полу и женску и девическую в Служней слободе, и в селе Клементьеве; сколько убогих домов было; и сколько тысящ погребено в монастыре, и у Пятницы в Нижнем монастыре; сколько раненых на боях, и на проездах мимо Троицы Живоначлаьныя, прибегающих из городов и из сел дальных, гладных, нагих и мученых различными виды? Но тех всех людей к душевному спасению, и телесному здравию вина бысть и промысленник Дионисий Архимандрит, а не Келарь Аврамий Палицын. И аз грешный, как память моя осяжет, что поновлял и причащал, и погребал с братом своим, и мне то в памяти есть гораздо; с четыре тысящи с братом Симоном

46//47

погребли мы мертвецов: а имянно помню, что во один день в струбе у Николы чюдотворца в Клементьеве восемь сот шестьдесят человек, да в другом убогом доме похоронили мы же шесть сот сорок человек, да на Терентьеве роще четыре ста пятьдесят человек, да с Иваном священником Синьковским в монастыре у Живоначальныя Троицы, и в Служней слободе, и у Пятницы; а иногда по деревням мы же бродили с тем Синьковским Иваном по Дионисиеву же велению, и тех людей с тем Иваном священником считали мы, и по смете погребли более трех тысящ в тритцать недель; да зимою и весною погребал я ж по вся дни мертвецов тех людей, которые не хотели в убогих домех кластися; а бывало того многажды, что на день погребенрья три, и четыре, а иногда и пять и шесть и более. А в одну могилу в те тритцать недель не бывало, чтоб одного человека погребсти, но три, четыре, и пять и шесть, а иногда десять и пятнатцать в одну могилу зарывали: все тыя беды продолжались полтора года. А по благословению святаго Архимандрита Дионисия мало того было, чтоб нагих погребати, занеже от него приставы надзирали, и ему извещали. Как скоро нага обрящут мертвеца, и ему скажут; тотчас промысл обо всем бывал, и всему тому строй от него бысть, и ко всему приставы с лошадьми везде по путем и по лесам ездили, и смотрели того, чтоб звери не ели; и мученых от врагов мертвых и умирающих всех сбирали,

47//48

и в странноприемницах привезши поили и кормили и лечили: а которые умирали, и после их одежишки худыя вымывал, бедным отдавали. А женской пол в тех их избах безпрестанно рубашки и саваны шили и мыли, а их за то миром всем, и из монастыря кормили и довольствовали одеждою и обувью, и во всяких нуждах их вся благая творили им. И потом мнози из них дому Живоначальныя Троицы зело годны быша служебницы, тверди и неленостни работницы: а инии изыдоша в Царствующий град, и быша в чести, и во имении у своих по прежнему: а инии Божественных писаний научившеся, быша в различных чинех, и в монастырских службах служители, и началницы во многих благих делех, в земных и небесных. Елико праведным своим наказанием Господь Бог наш наказа милосердо во время осадное: потом не сугубо ли, и пребольшие, якоже ныне всеми человеки видимо есть, обогати нас своею благовестию? Коликими бо красотами, коликими богатствы дом селения святыя славы своея разширил, и возвеличил, и преумножил всеми благими виды: и еже прежде не бысть, то ныне во славу Господню всеми людьми зрится и славится. Сия же благая вся обители Пресвятей Троице подана быша, молитвами великаго Чудотворца Сергия. Якоже во время подобное Господь Египту в прекоормление Иосифа, и Товию праведнаго в Вавилоне Израилю: тако ныне в раззорение наше сего мужа святаго и дивнаго Архимандрита Дионисия

49//49

воздвиже житомерителя, по Господню словеси, во время подобно раздавающа пищу рабом, комуждо по достоянию его. И первое рещи о нем, ято мнози сподоблени быша чрез него конец благий получити с печатию, и с напутием живота вечнаго отведошася. А инии очищени быша от скверн телесных, инии браки законные сохраниша чисты, и жены чисты сохранены быша в чистоте без осквернения: паче же дев и юнош и отрочат многое множество, чисты и непорочны сохранены быша. И аще похваляем есть о строении старейшина блудниц, в отеческих книгах, Александрийский Сергий о спасении инокинь нечистых, и Товия о милостыни, и о погребении мертвых: то сей Дионисий превзыде сих в похвалении словесном: понеже тая вся благая дела его ныне добре зрят и ведят мнози. Каков же в премудрости словесней бысть, того никтоже не помыслит о нем, ни во уме никто не примет; каково попечение име, не токмо о святей обители своей, в нейже пребываше: но и о велицем Царствующем граде Москве велик подвиг имея, о избавлении градап всегда моляшеся, и всяка нощь день ему бяше. Ибо в то время, егда во осаде Москва была полтора года, он непрестанно в церкви Божией и в келье, с великим плачем стояше в молитвах, и по многих молениях той опочиваше. Ему же быша писцы борзые, и в келлии от Божественных писаний собираху учительныя словеса, и писаша послания многая в смутные города ко священным чинам и к воеводам,

49//50

и к простым людям о братолюбии и соединении мира, указующе, которые царства и властительства за какие грехи и неправды погибли; и которые государства возвысился Богом за какие правды и за какие добрые дела; и что за соблюдение оных Господь Бог благий человеколюбец миловал, и помощник был бедным и отчаянным, и худым, и не могущим стоять против супостатов. А ленивых и не умеющих дел ратных возбуждаху к крепости, еже по смерти чудесы и знаменми восписвующе к тем. И о таковых граматах тебе гсоподину допросити Алексия Тихонова, который больше ведает; ибо он больше всех писывал такие граматы и на Рязань, и на Север, и в Ярославль, и в Нижний Новгород Князю Димитрию Михайловичу Пожарскому, и к Козме Минину, и в понизовские города, и ко Князю Димитрию Тимофеевичу Трубецкому, и к Заруцкому под Москву, и в Казань к строителю Амфилохию, что он забредился с сватом своим Никанором Шулгиным, и учинился было изменниками владычеству Московскому: да грамату ж к чернцу Елизарову, кой прежде был Дьяком на Москве Григорий Елизаров в Казанском дворце, а побежал он от Живоначальныя Троицы на Соловки от беды и нужды от Литвы, и от казаков после раззорения Москвы. И буде только сыщутся те грамоты в монастыре у вас, или в казне после Геннадия и Амфилохия, или в соборной избе, или что под Москву к боярам и воеводам писано: а в годех

50//51

искать в 199, и во 120, и 125: то в тех граматах болезнования Дионисиева о всем государстве Московском безчисленно много. И буде изволите вы, государи, разума его искати; то в тех его посланиях не токмо под Москвою, но и во многих городех воеводам, и всяких чинов многим людем подкрепление мужества от его совета и разума великое бывало: да и ныне бы у нас в монастыре грядущих ради лет такия грамоты добре бы нужны были, чтоб в казне было на утверждение таковому преславному и великому месту. А мнится мне, государь мой, и для того надобно вам держати те граматы осадныя для преди на гордость вельмож лукавых, как над Царствующим градом учинилася от них погибель; как Царю Борису Феодоровичу; как Царю Василью Иоанновичу; и что о сих глаголати? но паче возопить, ох, ох! увы, увы! мати матерем святая Церковь Божия под небесем славимая, что пострада лишившися чад своих? а еще что по Богословову открытию под олтарем Господним избиенных от земли, и вопиющих день и нощь: мсти Владыко кровь нашу?

Аще ради молитв всех Святых. паче же самыя тоя ради Матере Господни Пресвятыя Богородицы Приснодевы Марии и отдохнули сынове ея господие наши; но ныне все то забыли, и что за четыредесять лет деялося, то, де, и вчерась деялося, нечего, де, того и памятовать. А вам, что в дому Божии деялося у вас, то и по вас сущим, кто будут в роды дальные жители, тем

51//52

надобно чем борониться от вертящихся гордынь. А о святем нашем отце Дионисии и мне грешному вельми видится, на что инных чудес искати больше того, что во осаде бывшее чудо о Амфилохиеве отце, когда он сеял муку в сыновне бывшем воровстве? Колико было терпение отца Дионисия, и великия труды его, еже о бедных промышлял, и себя не пощадел, что умолил братию всю утешати ратных людей, которые в монастыре раненые прилучилися из под Москвы, и из Переславля, и из дорог всяких: и видя их многих раненых, и мученых, и гладных, и нагих от нужди погибающих, пред братиею всею бил челом Дионисий на соборе, и моля их так говорил: В сем покажите государи, милость, Келарь и Казначей, и вся братия святая, пожалуйте меня послушайте: видим все, что Москва во осаде, а люди их Литовские во всю землю разсыпалися воевать, а у нас в монастыре людей и много, да мало ратных и умеющих, и те ж погибают от цынги и от голоду и от ран. А мы государи, обещались во иночестве умереть, а не жить; а буде в таких бедах только не будет у нас ратных людей, и что будет в нас? И плачася пред ними, у всех прося милости к бедным: Пожалуйте Господие! что у нас еще есть хлеба ржанаго, и пшеницы, и что есть у нас квасов на погребе; тоб нам все держаши для раненых людей: а мы упование возложим на Бога; и станем ясти на трапезе хлеб овсяной, а кто из нас

52//53

станет изнемогать чем, того станем кормити ячменным хлебом, а квас ячной на трапезе нам не надобно пити; во имя Господне и с воды не умрем. Приговор его, слез ради его, тверд бысть. И повелеша ратным людям лечиться, и всякою пищею доброю братскою, и квасы лучшими их покоить, и не токмо ратных, но и бедных по разсмотрению. И в 40 дней с погребов не слыхан бысть квас в трапезе братской. И в то время молитвами его умножение муки в хлебне бысть от Амфилохиева отца, великаго ради Сергия Чудотворца; и в доме его промысла кто изречет? Кто просил милости у великаго светильника? И что рещи, кто плакал, кто просил? кто молил? кто со смиренномудрием единою мало хлеба ядяше овсянаго 40 дней; среду же и пяток не ядяше, а за единою трапезою со слезами веселяшеся? Немощным и раненым заутра даже и до вечера служаху, и хлеб привлачаху чист, теплый и мягкий, и всякия брашна различныя, и пития добрыя и благовонныя представляху, и зле н5емощствующих, и не дважды днем вкушающих, но якоже кто хощет, заутра рано, инии же по времени, а ин яко человек, а ин яко скот: от чего в полдни и в полунощи служебником не бе покоя: от приставов бо нудими бяху, дабы всякая потреба была готова по воспрошению от болящих. Паче же всех сам сей Дионисий не имея себе покоя, не токмо на един день, но почти ни на един час, и всегда дозирал болящих, и снабдевал сих

53//54

одеждою и пищею, паче же лечбами, а наипаче духовными строении: занеже мнози больнии, ови от ран и от мучения желаху исповедать грехи своя; инии же маслосвящения требоваху, инии последне отходяще от жития сего, и кровь и слезы горкия точаху, и восклицаху горце, отпуска и напутия вечнаго, печати тела Христова испрошающе прияти: и вси вся благая в смертном часу получаху; и никтоже не очищен, или не омыт от скверн и ран по телеси, паче же, по душе уязвленнии исцеления приимаху. До зде Иваново писание бысть.

О подвизех Святаго, и о провождении Святаго со образы воинских людей, и о премении ветра молитвами его.

Елико сей чудный подвижник и молебник, за все православное Христианство подвизашеся в молитвах, и во бдениих всенощных, и в слезах, и поклонех мнозех; вопияше бо ко Спасу, и Пречистой Богородице, и к великим Чудотворцам безгласным воплем, о еже избавитися православным Христианом от настоящих кровопролитных напастей, и о мире и о тишине всему миру Российскаго Государства, толико паче без сна пребываше, и всяка нощь день ему бываше. Много упражняшеся;

54//55

в писании грамат во многия грады о заступлении Московскаго государства, якоже и прежде речеся.

Егда же Князь Димитрий Пожарской и Косма Минин грядяху под Москву со многим воинством на заступление Московскому государству, и достигшедо Троицкаго Сергиева монастыря, Пресвятей Единосущней Троице, и Пречистей Богородице помощнице всего мира, и великим чудотворцам Сергию и Никону молебное пение совершиша: сей пречудный подвижник по молебном пении на провождении воевод и всех воинских людей, изшедши из обители во священном сане, со священницы и диаконы, и со всеосвященным собором и с братиею, взыде на гору, глаголемую Волокушу, и стал со крестом, воинских людей осеняя оным; священницы же кропяху весь воинской чин святою водою. Воини же видевше встрешной ветр крепок, и ужасающеся сердцы своими глаголаху: сей будет ветьр силен в лице дыхающ. У Архимандрита же Дионисия тогда слезы по ланитома течаху, призывающу имя Святыя Троицы, и Богородицу, и Чудотворцев; також и воеводы в ужасе быша великом. Егда же войско и воеводы последнее благословение приемше у Архимандрита, поидоша словесы от него утешаеми, обнадежени бывше, еже на Содетеля уповати, и Богородицу во устех своих именовати, и Чудотворцев безпрестанно на помощь призывати: Архимандриту же еще в след их Крестом осеняющу; то некоторыми мановении Божиими внезапу пременился ветр, иже прежде был в лице, потянул

55//56

в тыл от самыя обители, и от церкви Святыя Троицы, от чудотворных мощей преподобнаго Сергия, от чего не малое радование воеводам и всему воинству подадеся, и не пременися той ветр, дондеже Московское государство милостию Божиею очистися.

Сия писания прияхом от самаго Князя Димитрия, которой словесно нам со многими слезами исповедал, яко таковаго чудеси сподоби их Бог милостию Святыя Троицы, и заступлением Пречистыя Богородицы, и Чудотворцев Сергия и Никона, и молитвами сего святаго Архимандрита Дионисия. Мы же сия слышавше, дивихомся неизреченному человеколюбию Божию, его его же по своей благости избра, и благодать свою на него положил; сего усты, и словом, и рукою, и чудодейством исполнял, и милость свою простирал по своей воле, якоже сам хотяше, видя крепкое сего Преподобнаго житие и слезы многи: и о чем у Бога просяше, то от вседающаго десницы и подавашеся ему.

Паки писание Иваново о исправлении потребников.

В поправлении потребников и в служебниках обретошася многия описки по старым переводам; но неведомо, кто был тому винен, переводчики ли старые, или писцы неразумные так написали?

56//57

Во многих бо молитвах концы писанныя ко Отчу лицу, а инныя к Сыновню, ово по Савеллиевой ереси лицы Пресвятыя Троицы слиянием написаны, инныя же по Ариевой ереси разделением назнаменаны. А о воплощении Слова Божия, еже от Девы Пресвятыя Богородицы Марии бысть, в потребниках писменных, и в слудебниках выхода первых печатеей обрелося, яко Отец Бог с Сыном воплотился, и такие описки введенныя по еретическому мудрованию, снисканием и трудами, и тщанием сего мудраго мужа Дионисия изобличены уничишася. Почему сей мудрый муж от гордых безумников, и от церковных начальников, и от Митрополита Ионы Крутицкаго собором Московским возненавиден бысть зельно: Церковь же тогда Соборная вдовствовала девять лет без Патриарха: понеже Филарет тогда заточен был в Польше: и так возвели еретичества на честность сего Архимандрита, и по четыре дни о сем в ответ приводим был на Патриархов двор с великим безчестием и с позором; а по том у Государыни Царевы Матери, в Вознесенском монастыре, Марфы Ивановны в кельях прия испытание; такожде и на подворье Митрополита биение и пхание лютое претерпел: сие же творяху над ним не яко в Богословии винен явися, но яко обложен бысть, да пять сот рублей за вину принесет: а в вину поставляху ему сие, яко имя Святыя Троицы в книгах велел марать, и Духа Святаго не исповедует, яко огнь ста. Преподобный же муж

58//59

Дионисий в железах стоя, смеяшеся, и с толкающими его, и плюющиими на него, яко с глумники ликуя, и яко играя, отвещеваше им: денег не имам, да и дать не за что: лихо чернцу то, что разстричь его велят, а достричь, то ему и венец и радость; и Сибирью ли, и Соловками грозите мне, аз тому и рад, то мне и живот; а что возводите на меня, что я имя Святыя Троицы велел в концех молитв справливать, и то прямо аз указал: понеже Святии отци наши на седми соборех научили нас веровати во Святую Троицу нераздельную: и раздельну, и нераздельну; в единицу убо существом, разделну же лицы, сиречь, ипостасьми. И научиша не нарицати пребезначальнаго Отца Сыном, ни Сына собезначальнаго Отцем: тако же и Духа Святаго, ни Отцем, ни Сыном, но Духом. Того ради в молитвах, идеже писано в концех ко Отцу в лицо; и Тебе славу возсылаем Отцу, и Сыну, и Святому Духу, ныне и присно, и во веки веков, аминь. Мы избегая ереси Савеллиевой, то исправили, сице: и Тебе славу возсылаем безначальному Отцу, со единородным Ти Сыном, и Пресвятым и Благим и Животворящим Духом, А идеже к Сыну в лицо писано по Евномию еретику ученику Ариеву, иже прельщаше народы, глаголя Сына Божия быти ово Отца, ово Сына, и ово Святаго Духа, и тако в жидовство Церковь отвождаше; то мы писали концы у таких молитв: и Тебе славу возсылаем Христе Боже наш, со безначальным Ти Отцем

58//59

и пресвятым, и благим, и животворящим Духом: и зрите о сем Богословию Василия великаго, которой как концы у молитв писал; в молитве, Боже и Господи сил, ко Отцу в лицо: а к Сыну, Владыко Господи Иисусе Христе Боже наш; и в молитве, Нескверная, в коих концы добре сложены: такожде и Помяни Господи, иже в надежде, добр же конец. А в печатных служебниках, кои во сто девятом году печатаны, да и по сто тридцатой год, в тех книгах вельми многия описки явилися. А зделалося то от мастера невежи Тимофеева, да от наборщика Ивана Григорьева. Посмотрите себе пред службою Златоуста две молитвы, первая, Господи премилостивый, и тою молитвою поп сам себя разрешает; а конец по Евномию, или по Савеллию: тут же молитва над вином служебным, а конец не исправлен же: а по заамвонной молитве конец Отцу в лицо; да тут же испорчено сие, что надобно безначальному Отцу со единородным Ти Сыном, и с пресвятым и благим и животворящим Духом. Да в потребнике, как дати причастие вскоре, молитва, Господи вем, яко несмь достоин: и та молитва Сыну Божию, а не Отцу; а конец в ней напечатан по Савеллию. Молитва над пасхою, ей же начало сице: Призри Господи Иисусе Христе на се брашно; а конец по Савеллию, или по Евномию: и тут же в молитве, Единородный Сыне Божий, а конец по Савеллию, в коих слиты лицы Святыя Троицы; и сия ересь есть злейши всех ересей,

59//60

инныя також молитвы многия не исправлены. Град же Москва тогда вся смущаема бе от клеветников, которые хотяху корыстоватися от Архимандрита, и от Царскаго дому, и от Митрополичья двора: и отдаша его за пристава, и томим бе злейше. И егда народа собрание бываше во дни празднственныя и торговыя: тогда Митрополит присрочивая, повелеваше приводити его, ово до обедни, ово после обедни, и стояше нра дворе Митрополичем скован в подсенье из утра даже до вечера; и не даяху ему ни малыя чашицы воды вкусити жажды ради дней летних; бяху бо тогда дни средина лета, месяц Июнь и Июль. Митрополит же Иона по святой литургии торжествоваше с собором на светлых трапезах: Дионисий же со ученики своими ликовствоваше пред окны келлии его, поклоны творя в кулаках, да в пинках многих; еще же за почесть и батог биение восприимаше. О сем же сей терпеливый муж всему тому деемому над ним смеялся; и с ним страждущих и плачущихся от биения, утешаше, глаголя: не скорбите братия, Господь все видит, и вы не безумствуйте; за слово бо истины страждем, и не вечная сия есть мука, но все это минется. И бяху гладом и жаждею всегда томимы, и всецелое годищное время в сицевых озлоблениях препроводил; о страждущих же с ним в той беде велико попечение имея, промысл велик творяше, да избавятся от сих бед.

60//61

Промчеся убо во всем Царствующем граде Москве таково безумие от затеев лизхоимцов, посульников и кровопривцов, сице глаголющих: явилися, де, такие еретики, которые огнь хотят в мире вывести; а того простым людям не протолковаху, и не сказываху, какой огнь, и чесо ради оставити его. Почему многа брань между многими людьми бысть: умеющии бо Божественная писания, и о сем разумеюще, не смущахуся, простая же чадь всяких чинов не умеюще писаний, и не ведуще ничтоже, болезноваху туне; и скорбяху зело, паче всех рукодельницы, и пищи строителие исхождаху тогда толпами с дреколием и с камением, ищуще Святаго сего мужа многажды бити. И часто в дождлвые дни от дождя поливаем бе, и водим иногда пеш, иногда на клячишке скверней и худой без седла седящ во узах бием, и гоним шелыгою, и от безумных людей калом и грязью и песком обсыпаем; и в ризах скверных и в рубищах изодраных на посмешище влеком веселяшеся, и со знаемыми ему, егда среташеся, смеялся; и яко младенец не злобствуя, вопреки никому ничто не глагола, и никого ни чем не поносил. Мнози же скорбяще о нем, и видяще беду его, вопрошаху его, глаголюще: Отче Святый Дионисие, что сия беда над тобою? Он же глагола: несть се беда, но притча пред бедою; любимицы же ему глаголаху: скажи нам отче, что притча пред бедою? и что притча, и что беда? И паки глаголаше: несть надо мною никакой беды, но паче милость

61//62

Божия на мне великая явися: ибо господин мой великий отец Преосвященный Митрополит Иона паче всех человек вся благая мне сотворил; а сотворилось сие по судьбам Божиим искушение мне к просвещению души моей, на очищение грехов моих; а господин отец по делам моим смиряет мя, да не буду горд и величав пред ним, и пред братиею своею. И сия притча есть искус Божий, а не беда: все бо беды и напасти в веце сем, и вся злая бываемая человеком, несть беда, но милость Божия: беда же се есть, еже в геенне огненней живу мучиму быти во веки со змиями и бесы.

О свобождении из заточения Святаго Святейшим Филаретом Патриархом Московским, и Святейшим Феофаном Патриархом Иерусалимским.

По летном же мучении сего Святаго мужа бысть смотрение Божие о умирении Руския земли сицевым образом: слышано бо бысть восточным Церквам како бедне великая Россия от змиеваго гонения, от Папы Римскаго изблеванною скверною водою, ростригою и Сигизмундом нарекаемыми царевичами, ядовитыми сими гады, уже 14 лет страждет; Святии Отцы, четыре Патриархи Вселенстии не-

62//63

вознерадеша о останках в погибели бывающих исчадиях Российских семен, и посоветовавше между собою, и со всеми восточными Церквами, еже бы помощи во время лютыя отчаянныя напасти, двигнушася от престол своих, и дошедше гроба Господня, молиша Царя царем, и Господа господнем Иисуса Христа Бога вседержителя, да не даст одолети жезлу грешных своего жребия. Избраша убо воеводу крепка, и сильна исполина, могуща тещи путь от востока до запада, который не имел ни оружиеносцев, ни броней мужеских; но токмо едино слово Божие во устех имуща, могущее разорити тверди неодолеваемыя, Святейшаго Патриарха Феофана, прекраснаго душею и телом, и оградивше его многими молитвами, вместо жертв благовонных, наполниша его слез духовных, их же бы принести ему в пищу гладным всякаго хлеба, слова Божия лишенным в России велицей. И тако молитвами их от Иерусалима до России во едино лето приспе здрав, и прав во благочестии, наполняя всех мира и любве, о правой вере, и о делех по Евангелию Божию созидая, утверждал обои пределы, то есть, великую Россию и малую: к сему же соединяя укреплял екдиномудрствовати, о еже держатися старых законов Греческаго православия, и древних уставов четырех Патриаршеств не отлучатися. И бысть всем мир по милости Божией, за молитвы пречистыя Владычицы нашея Богородицы и всех Святых. И абие преста кровь Христианская литися, и Митрополит

63//64

Филарет отпущен бысть из Польши на Русь. Донележе зде той святейший Феофан Патриарх пребывая на Москве ждый Филарет, уведав о Дионисии вся бываемая от многих истинных ведцов, подаде ему руку помощи, да вознесется правда его в церкви Божией. И вскоре Митрополит Филарет Феофаном Патриархом поставлен быть в Патриаршество, и по седмице дней сии два Патриархи, повелеша Ионе Митрополиту Крутицкому предложити дело, еже на Дионисия состави.

Сопрению и истязанию многу бывшу от Божественных писаний, стояше ту Дионисий в ответе более осми часов, творя на всех своих клеветников подобна обличительства. И о том свидетельстве его последи сия история писана есть, еже о огни особь, зде же настоящая глаголется, яко ту посрамлени быша вси с Крутицким Митрополитом Ионою. Праведник же сей Дионисий от Царя Пресветлаго Михаила Феодоровича всея Руссии похвален и прославлен бысть, и яко истинный страдалец явися, за Божественное писание стражда крепце. Патриарси же и Митрополиты, и Архиепископы, и весь освященный собор удивляхуся о нем, и целоваввше его вси любезно, благословиша его радостною душею: и отпущен бысть в великую Лавру с честию великою и с дарами многими паче прежних времен.

Егда же прииде во святую обитель, паки держался старых своих и добрых нравов и обычаев; и был ко всем щедр и милостив; всех удоволивал,

64//65

яко отец чадолюбивый; и как добронравных, так и злонравных, великодушных и малодушных, немощи носил, а не себе угождал, во всем ища красоты церковныя и благочиния братскаго: гордых же клирошан и церковников, на пении претыкающихся, и соблазны творящих. яве не безчестил, но втай, призвав к себе, кротце их наказывал: и аще коих примечал опечаленных, тех вскоре утешал, или трапезою, или прохладом квасным: на иных вместо молчания простирался светле; и таковым научением добронравие насевал во всех с кротостию и с человеколюбием.

О ГОЛОВЩИКЕ ЛОГИНЕ, И О ФИЛАРЕТЕ УСТАВЩИКЕ

Головщик бе Логин именем, которой имел от Бога дарование паче человеческаго естества: красен бо ему глас и светел бяше, и гремящ вельми, яко во дни его мало обретахуся подобни ему: и в зитрости пения и чтения первый бяше; последним же обреташеся, зане не научен бе догматом православия, и хитрость грамматическую и философство книжное нарицал еретичеством. В пении же многое искусство имея, на един стих разных распевов пять или шесть, или десять полагал, и

65//66

многи ученики обучал. Егда же ученики его сойдуштся по неведению не спевшися, тогда у всех разнь и несогласие слышашеся. И тако гордяся пояше, и чтяше, и всех под ним сущих клириков не токмо иноков простых, но и от священнаго чина лая и бия, обижал в милостыне бываемой от Христолюбцов: и никтоже смеяше слова рещи ему: но со слезами мнози претерпеваху творимая им; и бяше в клириках молва немалая о нем, и мнози Дионисию стужаху о управлении его. Дионисий часто преклоняшеся к Логину, и моляше его, и государем, и отцом, и братом нарицая со отчеством: что тебе свет мой, пользы в етом, что вси клирики и вси церковники жалуются на тебя, и ненавидят тебя, и кленут и проклинают; а мы начальники все, как в зерцало, на тебя смотрим? и кая будет польза, что нам с тобою брань завести?

По сем же Логине и другий инок Филарет уставщик стар сый, и иночествовав во обители Живоначальныя Троицы, не исходя из оной более пятидесяти лет, уставщиком бысть больше четыредесяти лет, на его же седины добрые и зреть с дивом бяше; но от простоты ненаучения две мысли мудрования недобраго на ум ему приидоша: первая убо мысль его сицева: глаголаше бо, яко Господь наш Иисус Христос не прежде век от Отца родися, но тогда, егда послан быстЬ Архангел Гавриил благовестити Пресвятей Деве Марии: другая же мысль ему бе мудрования: Содетеля Бога

66//67

непостижимаго, и неописаннаго Отца, и Сына, и Святаго Духа, описанна глаголаше, и человекообразна суща, и вся уды имеюща по человечу подобию. Быша же сии Филарет и Логин други между собою, и Дионисия ненавидяху вкупе: зане обеих их, уставщика стара суща, и головщика учаше и обличаше, не оглашая никому, нго втайне беседуя к ним; и творяше часто покой има, и призывая их в келлию, глаголаше: отче мой Филарет, что слышу о тебе, а иногда и примешно мне, что блазнитися о Пресвятей Троице, и о неописанном Божестве постигнути хощеши, и разумети, а тем и сам погибаеши, и в братии малосмысленных смущаеши, как человекообразно быти Божество глаголеши? Престани отче честный тако мыслити, и возми в руце книги святыя, Дионисия и Григория Богословов, и Иоанна Златоустаго, и Дамаскина: в них тамо обрящеши, что ты некасаемым касашися, и о чесом не смеют небесныя силы помышляти, то ты хощеши постигнути. Филарет же не покаряяся, глаголаше: много ты книг читал, да Евангелию не веруешь, а мне у тебя чево слушать? Дионисий же с покорением молил его: скажи отче честный, что я Евангелию не верую? Филарет же глаголаше: аще бы ты верил Евангелию, то Луки Евангелиста слова не оставил бы, еже рече: Той вы крестит Духом Святым и огнем. (Лук. 3, ст. 16). Отец же Дионисий глагола: то отче Филарет дело было, да и вершилося, а мне тебя жаль, что в вере Христове

67//68

не крепко мудрствуеши, и книгам не хощеши веровать; Филарет же рекл: я больши Прпороческим словесем верю. Дионисий же рече: да где ты нашел во Пророцех, еже бы Божество человекообразно было? Филарет же рече: сам Бог Господь рече: Сотворим человека по образу нашему и по подобию (Быт 1, ст. 26). Дионисий де рече: и каков образ Божий во Адаме, и что подобие Его? Филарет же рече: я о том с тобою не хощу и говорити, Дионисий же рече: добре рекл еси, что не смыслиши, да и не разумееши, что образ, и что подобие. И ты отче Филарет, скажи: имеет ли Бог уды человеческия? Филарет же рече: скажи ты мне Архимандрит Государь, что Давид глаголет: Руце твои сотвористе мя, и создасте мя: и нога моя ста на правоте, (Псал 18, ст. 3 и 25, ст. 12) о чем Давид глаголет? Дионисий же рече, скажу ти все; но ты прежде скажи от Давида реченное: Насаждей ухо, не слышит ли, или создавый око не сматряет ли? И наказуяй языки, не обличит ли, учай человека разуму? (Псал. 93, ст. 9) Логин же седя смеялся, Архимандрит же Дионисий рече ему: что ты преславный певец чему смеешися? Логин же нача плевати мало не на лице Дионисию: и воставше оба и Филарет и ЛОгин, хотяху из келлии его изыти. Дионисий же до земли поклонился им, глаголя; позадите, и не принуждайте меня в грех внити; сие дело есть Церкве Божия соборныя, аз же с вами по любви наедине беседую, и вопрошаю вас того ради дабы Царское Величество и власть Патриаршеская не уведали,

68//69

и нам бы в смирении и во отлучении от Церкви Божия не быть. Логин же начат Архимандрита лаяти, глаголя сице: погибли места святыя от вас дураков, везде вас умножилося неученых сесльских попов; людей учите, а сами не знаете, чему учите. Архимандрит же Дионисий рече к Логину: ты мастер всему, а что поешь и говоришь, того в себе не разсудиши, как прямее надобно в пении, или в говорении разумети, чем ты и в Церкви Божией братию смущаешь, и в смех вводишь. Во чтении чтеши, или в молении глаголеши: Аврааму и семени и паки: и о семени твоем благословятся вси языцы; и еще инде: и семя твое наследит землю супостат своих; и везде писана оксия над ятем, о семени, а ты как сам выговариваешь, так и поешь, и вопишь великим гласом: Аврааму и семени его до века; и светлую статью кричишь, над наш, яже во чтении м олении глаголется е, о семени, или семени; а по твоему безумному кричанию что толковати и семени? а тут семени, кладется в писании вария, и речь та самая безумная; а когда глаголется от лица властительска, и от начальства к плутишкам и обманщикам, которые людишки отманиваются от бед, или от правежу, или побой, и от ран, и кто не хочет под кнутье, или под батоги лечь, да лжет и манит, чтоб выдумати, чем бы беды избыть, и вертится как собака, в чем ему бедному смеются все люди, и глаголют: платися,

69//70

или займи, или письмо и крепость дай, а не посеменивай; не избудешь беды манами. И ты певой человек в церковниках, что поеши, а не разумееши, как Апостол Павел учит о пении сице: Воспою языком, воспою же и умом: (1 Кор. 14, ст. 15) аще ли пою, а не разумею, или глаголю, а сам того не знаю, то что будет? Павел же глаголет о том же, аще не увем силы слову, кая польза ми есть? Бых яко кимвал, (1 Кор. 13, ст. 30) сиречь бубен, или колокол шумящ: но и бубен и колокол делу указ знаменуют. Человек же аще не знает своему слову силы разума, то несть человек, но на ветр лаяй пес; но и пес добрый не лает напрасно: но узнавши пришествие или лихаго человека, или зверя, или татя, чрез лаяние свое малую весть господину подает: безумный же пес издалеча шум ветра слыша, и на то зляся, во всю нощь лает. Ты же аще и много поешь, но малым чем прогневляешь Господа Бога, то что твои труды будут? Аще земнаго царя год кто хвалит, а единою излает, то не мучен ли будет зле, и погибнет люто? Зрите что Петру речено бысть: Иди за мною сопротивник, не мыслиши бо. яже суть Божия, но яже человеческая. (Матф. 16, ст. 23). И чадом Авраамлим мнящимся глагола: Вы отца вашего диавола есте, яко волю его творите. (Иоан. 8, ст. 44). А нам братия Господня, какой будет ответ высоко стояти мнящимся? Логин же сия слышав, и с Филаретом. яко вздумав вкупе, и едиными усты рекоша: мы веруем во Отца, и Сына, и Святаго Духа, и больше того

70//71

не знаем, да и не премудряем ничево: а кто премудряет, той сам узрит; и мы не еретики, поем, и чтем, и говорим, как повелося изстари в дому Живоначальныя ТРоицы, так тое мы и держим и веруем. Дионисий же рече: отцы и братия, и беси веруют и трепещут, и молятся, но никогда не покаются, и не престанут от зла. Филарет же рек: да мы что делаем, скажи нам Отче? Дионисий же глагола: добро ли то будет, что в братию сеяти не полезное учение, но пагубное, якоже сперва рекох, что твое мудрование, да и Логиново пение, яко знамя пению полагает, как хочет? Племянника своего Максима научил пети на семнадцать напевов разными знамены; а иные славные стихи переводов не токмо по пяти, по шести, по десяти, и больши: и сие отче Логине, не тщеславие ли; не гордость ли? что твои ученики где ни сойдутся, тут и бранятся: и ты прочти себе в Никоновской книге, когда был Асима пустынник, которой трегубное пение, еже и до ныне есть троестрочное, от Ангел Божиих навык, и потом егда возгордися, тогда отступила от него благодать Божия; и диавольским прельщением взят бысть от бесов, мняся, яко Илия на небо, и долу низвержен бысть, яко Симон волхв. Сия же слышавше честнии сии начальницы церковнии, оба прискорбни быша вельми, а прощения ни мало ко отцу не показаша: но еще и на гнев велик подвигошася, и в Кириллов монастырь, и во иные места, и в Царствующий град

71//72

многие затеи писаша на Святаго сего отца Дионисия, и возмутиша иных малоумных на его преподобство; и он по смерть свою от многих злых злыя беды злострадаше.

Сего ж Святаго мужа Дионисия о беседах Евангельских.

Достойно есть слышание и сие, еже дадеся ему дарование от Бога, от юности пребывати всегда в келлии своей, и прилежати молитве, и чтению: зане не отлагаше от себя никогда бесед Евангельских и Апостольских: у него бо во обители первее сия книга переведена бысть, в царство Царя Иоанна Васильевича, благословением Святаго Митрополита Макария, Селиваном учеником Максима Грека, юже Максим чудный философ своею рукою, всю исправил: тако же и Апостол толковой, и иныя многия послания, и повести чудны изъявил. До сего же Дионисия в дому Сергия Чудотворца мало любили Максима Грека книг, тако же и переведенныя от ученика его Селивана ни во что полагали книги, и в соборе в торжества уставщики не давали их чести; сим же последующе Филарет и Логин по старине бредяху, и ревноваху безумным, но не по разуму Святых. Дионисий же в уставе и в церковных переводех различных,

72//73

в харатейных и писмянных обрете, яко во многия дни праздничныя, наипаче в четыредесятницу, и в пятдесятницу указано, Григория Богослова, такожде в беседах Евангельских и Апостольских, Златоустовы чести писания, о сем не небреже Дионисий, но повеле хорошим доброписцам написати книги различныя; и идеже бе годно ему, тамо разсылаше в монастыри многия, паче же в соборныя храмы, якоже и в Царствующем граде Москве, даже до днесь в книгохранительнице великия первыя Церкве предлежат, и прочитаемы суть от Патриарха, и от всего святаго собора Российскаго. Сие же великое море неизследимых словес Златоустовых от ленивых скаредников, яко лужа негодная, вменяшеся, дивным сим Дионисием к морю сему великому путь очищен бысть всякому чину, и возрасту доходити; Филарету же и Логину той путь ненавидим бысть. И егда хотяше, и повелеваше Дионисий чести книги Евангельских или Апостольских бесед; то мятеж и брань в крылосах бываше: Логин бо головщик никогда терпеть не мог, чтоб под ним сущие когда либо читали: також и Филарет с ним вкупе воспрещаше всем. Дионисий же бяше тщателен ко всему, и сам на крылосе пояше, иногда же статьи любяше чести, егоже доброе чтение, и пение, и поучение мнози от братии, и от клирик, и от простой чади зело любяху слышати, и хваляху вси разумеющии писание. Логин же величаяся о гласе своем, зле ненавидяше его поюща,

73//74

или чтуща, и зле понося и укоряя глаголаше: не ваше то дело, что пети или чести; знал бы ты то одно Архимандрит, чтоб лише с мотовилом своим на крылосе, как болван онемев, стояти: Архимандрит же о всем молчаше. Сей же Дионисий почасту пояше и чтяше, не для себя творя то, ни тщеславяся, но немощи немощных сносил, и не себе угождал, но ближняго к созиданию: видя бо овех всегда не приходящих, инех же изнемогающих, и их от душевной и телесной смуты избавлял; издалече бо зряше грядущия козни от диавола.

Случися же некогда мало на крылосе поющих, и сшед Дионисий с крылоса, хотяше статью первую чести: Логин же прискочив, исторже книгу из рук его, и падеся налой с книгою на землю, и стук велик бысть, и соблазн всем яве бысть: Архимандрит же Дионисий токмо лице свое прекрестив, и вшед на крылос, седе и молчаше; Логин же прочет статью, и пришед ко Архимандриту, вместо прощения начал плевать нань, а лаяти яко пес. Архимандрит же взем свой жезл пастырский мало махнул, глаголя: престани Логине, не мешай пению Божию, и братию не смущай; мощно нам о том переговорить и после заутрени. Логин же так возъярився, яко пес, вскочив и изхитив из рук у Дионисия посох его пастырский, изломил его на четыре части, и верже его в лоно ему. Дионисий же воззрев ко образу Владычню, рек: ты Господи Владыко вся веси,

74//75

и прости мя грешнаго, яко согреших пред Тобою Господи, а не он: и сошед с места, пред образом Пресвятыя Богородицы всю заутреню проплакал; после же заутрени не возмогли всею братиею принудить того Логина, чтоб испросил прощение у Архимандрита.

О пришествии Иерусалимскаго Святейшаго Патриарха Феофана в Троицкой монастырь.

По милости Божией Великий Господин Святейший Феофан Патриарх Святаго града Иерусалима и всея Палестины, егда многими труды своими и подвиги мир введе во Иллирице, еже есть в Скифах, то есть, две великия страны, великое царство Райиское (что в Сербии), и державство Польское; тогда и Московское Владычество Патриаршеством обновил. В Киевской же Митрополии падших в Латинство отлучением во униятство, Греческими законы от Уният, яко из тмы в свет изведе, и утвердил их, яко возмощи им силою Святых книг стояти сопротив врага Папы Римскаго. Ибо до сего Феофана Патриарха во всей России редкие по Гречески глаголаху: сей же дивный Патриарх Феофан учинил в России многи сыны православныя Греческия книги писать и глаголать, и философство Греческих

75//76

книг до конца научил ведать: потом же у Великаго Царя Михаила Феодоровича сей премудрый Святейший Феофан испросил, дабы ему позволил видети места святыя, яже в России просиявших Святых Божиих Угодников, ему же все по воли его и бысть.

Слышав о обители преславной Живоначальныя Троицы, како во время раззорения Московскаго Государства и самаго Царствующаго града Москвы, то малое место спасено бысть от Польских и Литовских народов, дивися зело, и хотяше видети с желанием сердечным, не место, но дивнаго хранителя места, великаго Святаго Сергия Чудотворца. И изшедшу ему из Царскаго града, и доспевшу до обители Святаго, честь ему сей Дионисий сотвори яко Царскому Величеству: вне бо монастыря изшед по обычаю, в множестве чина священнаго во украшении святолепном, блистающемся драгимим бисеры, и многоценными камни, со множеством кадил фимиама и Святых икон: братия же вси со свещами, а мирстии священницы и простии людие далече в поле сретаху со женами и детьми вси святым ногам сего Святейшаго Феофана припадаху со слезами, и друг друга утесняюще, вси благословение хотяху получити; он же всем даваше благословение свое. И быша тогда людие вси во изрядстве светлоносне по повелению Самодержца: грядущи же благословляше благочинно от стара даже и до младенцов и вси падающе покланяхуся. Егда же вшед во обитель, исполнися весь монастырь людьми,

76//77

понеже мнози желаху видети его, и падше поклонишася ему до земли вси людие, и трижды воздевающе людие руце горе, и падающе покланяхуся ему: он же начат плакати, и певшим вечерню, и молебная совершающим Святейший Феофан ни к кому ничтоже вещаше, но токмо плакаше безпрестанно: по вечернем же пении Дионисий Архимандрит с братиею моляше великую его святыню в честность, дабы трапезу благословил; и едва на милость преклонился, и иде в трапезу, и по обычаю своему моление сотворил о Царском Величестве, и о Отце Его и Матери Его, и о всем Царском сигклите, и повеле Грекам воспеть многолетие Царю Государю Михаилу Феодоровичу, и потом Отцу Его Святейшему Патриарху Филарету, и Матери его Великой Государыне, и потом всем Христианам православным. Пояху же прежде честные старцы святыя горы Синайския дванадесять инок со Архимандритом своим и Келарем: и потом повеле петь Троицким крылошанам, их же числом бяше по дватцати шести человек на крылосе. И потом сотвори благословение трапезе, и седе, и не вкуси брашна ничтоже, братию же повеле учредити. Слух же изыде, яко ко всенощному пению готовяшеся; и мало почив, и востав рано вельми, повеле бдению быти; и тако всю нощь препроводиша во славословии Божии: и наутрие по времени повеле ко святей литургии благовестить: егда же прииде в церковь святую литургию служить, прежде молебну бывшу, и воде освящен-

77//78

ней бывшей Святыя Живоначальныя Троицы образ отирал, и окроплял со многими слезами, и Святыя Владычицы нашея Богородицы, и Приснодевы Марии; потом пришед к Святым мощам великаго Святаго Чудотворца Сергия, повеле Архимандриту Дионисию открыть святое лице Чудотворца; и егда отре губою, объят его страх велик, и сердце его трепеташе в нем: виде бо его в нетлении суща, и перси Святаго; и руце осязав, дивляшеся, и ставши ко образу Пресвятыя Троицы, повеле толмачу толковати речи своя, и сказывати в слух всем людям благодарение Святей Троице, и Пресвятей Богородице; а потом обратився к великому Чудотворцу, глаголаше сице: О великий Сергие Чудотворче! изыде слава святаго жития твоего даже до восток солнечных, и благодарим Содетеля всяческих Христа Бога, яко и на конец века дошедшим людем и верующим в Него дает упование не отпадати правыя веры, за молитвы Пресвятыя Его Матере, и вас ради со всеми Святыми подвизавшимися по благочестии. И потом святую литургию сам совершил со многими слезами, и толико чудно моление его видети бе, яко всех сущих с ним подвиже источники слез точити, и внутрь и вне Святыя Церкви вси людие страхом и ужасом многим одержими бяху. По совершении же святыя службы моли его Величество отец наш Дионисий, да сотворит упокоение себе и всем сущим с ним от Иерусалима на Русь пришедшим, и на трапезе

78//79

почествование бысть, якоже и самим Царем Московским бывает, на поклонение ко Святей Троице в праздники приходящим, трапезе бывшей предоволней, всеми земными преизобилующей; Святейший же Феофан по мнозем поклонении, с молением Дионисия с братиею едва мало вкуси, и седяше ни ядый ни пия, но плачася вельми, и полотенца многи измочил слезами: торжество же обеда велие бяше с пением, и со многим чтением; но Патриарх сам не утешим бе ни мало от плача. Жалостно же Дионисию с братиею бысть се, яко мног труд подвига их вотще бысть, и мняху, яко Феофан Святейший гнев имать некий, и в тихости посоветовав, бысть вельми слезен со всею братиею: и абие Святейший Феофан Духом Святым уразумев, начат беседу творить к Дионисию, и ко всем братиям, глаголя: что смущаетеся о мне, яко плачуся, и вы не скорбите; зане от радости сердце мое весеслится о вас: не ищу бо ничтоже ваших, но вас, по Апостолу глаголющему: вы бо радость моя и венец (1 Сол. 2, ст. 19), яко здравых вас обретох: прежде бо слышаша все Церкви восточныя скорбь вашу и труд, яже подъясте о Христе от гонящих вас правыя ради веры; и мне убо не неведомо есть о всем, яже случишася вам беды подъяти; ныне же очеса моя видеша вся, за что страдасте; и не без ума, зане многим бысть ко спасению. И аз от Иерусалима идох даже до вас, и моляхся Владыце Господеви Богу моему, да не будет труд мой вотще: и уже

79//80

мы о Христе приобретохом. И как скорби и болезни вашей обществовахомся; такожде и радости вашей уже начальницы быхом; темже и радуемся с вами: плакахом с плачущимися, и ныне радуемся с радующимися вами; и прошу ныне у вас нечто видети, да еще возвеселюся по желанию моему. Дионисий же с братиею пад на землю, глагола: О главо честная, паче всех человек на земли! се мы вси, и вся наша в руку твоею суть, что хощеши от раб своих, рцы нам? Святейший Феофан рече: ничто ино, но еже слышах, яко во время беды ратныя дерзнуша от обители сея святыя вашея иноцы нецыи броня возложити на ся, и прияти оружия в руку, и ратоватися крепце, дадите ми их видети. Сия же слышав Дионисий усумневся, и глагола, что се будет? И в братии о том взыскание бысть; иноцы же дельцы того суще, рекоша Дионисию: яви нас отче владыце нашему, буди все по воли его; и абие пред лицом его сташа более двадесяти числом, в них же первый бе, именем Афанасий Ощерин зело стар сый, и весь уже пожелтел в сединах. Возвестиша же ему вся яже о нем, и мало посмотря, рече к нему Святейший Феофан: О старче святый! на войну ты ли еси исходил, и начальствовал пред вои мученическими? Афанасий же рече: ей, Владыко святый! понужден бых слезами кровными; такожде и прочии явлены быша. Святейший же рече ко Афанасию: возлюбленный брате! кое ти свойственнее, иночество ли в мо-

80//81

литвах особь, или подвиг пред всеми людьми? Афанасий же поклонився, глагола: всякая вещь и дело, Владыко святый! во свое время познавается: у вас святых отец от Господа Бога власть в руку прощати и вязати, а не у всех, что творю и сотворих в повелении послушания; и обнажив главу свою, поклонися ему, и рече: известно ти буди, Владыко мой! се подпись Латынян на главе моей от оружия, еще же и в лядвиях моих шесть памятей свинцовых обретаются; а в келлии седя в молитвах как можно найти было из воли таких будильников к воздыханию с тенанию? и все се бысть не нашим изволением, но пославшим нас на службу Божию: такоже и другии иноцы известиша: Святейший же Феофан до зде седя, никакому не прикасался брашну и питию; отселе воставше от трапезы, и совершению бывшу, того Афанасия благословил, и целова его любезне, такоже и прочих кровоточцов, и с похвальными словесы отпустив всех, отъиде на покой свой. На утрие же по святей литургии принесоша ему дары и чести вевликия и многия, из коих прият от святых, а иное отдал в дом Пресвятыя Троицы, и в милостыню обратил.

81//82

О клобуке данном от Патриарха Феофана Архимандриту Дионисию.

По том повеле Патриарх Феофан конечный молебен петь Пресвятей Троице, и по молебне знаменався у святых икон, прииде ко гробу великаго Чудотворца Сергия, и снемши с себя клобук, егоже ношаше на главе своей, и покропив святою водою, отре тем клобуком колена и колени, плесне и подошвы ног у Чудотворца Сергия, и во гроб Святаго приникнув, под плесне святых его ног подложил, и со многими слезами долгое время моляшеся; а Дионисию повеле стояти откровенною главою без клобука: и взем свой клобук из под плесней у ног Чудотворца Сергия, и целова его, и повеле Дионисию целовати, и приклонишвши главу Дионисиеву возложи на него руку, а Архидиакону своему повеле возгласити, вонмем. И Архимандрит Синайския горы, трижды воспел, Господи помилуй, по Гречески, Кирие элейсон: Феофан же держа рукою своею клобук на Дионисиеве главе, глаголал молитву на возложение клобука, и по молитве благословил Дионисия в клобуке, и целовав его во уста, рече: се во имя Отца, и Сына, и Святаго Духа, дах ти благословение, сыне мой! и назнаменах тя в великей России посреде братии твоей, да будеши первый в старейшинстве над иноки многими по нашему благословению, такожде и по тебе,

82//83

аще кто будет, да носит в месте сем святем наше благословение, величающеся и хвалящеся нашим смирением; и ответ да творит радостен сице: се знамение нам дано, яко Патриархи восточнии поклонницы суть святому месту сему, и честь свою пред Святою Троицею оставили, с главы своея сняв по себе в память, и положиша под нозе великому стражу, и блюстителю великому, и Богоносному Сергию чудотворцу. Потом повеле на обеих крылосах во Святей Церкви воспет: Спаси Христе Боже отца наше Архимандрита Дионисия, трижды. И обратився ко братии, всем глагола: запишите себе сие все, еже содеях о отце вашем Архимандрите, и впредь егда кто от братии нашей аще будет на поклонение зде, тогда буди нашего смирения изволение ведомо впредь по нас сущим родом, да и вы бы наше смирение и любовь не забывали, и в молитвах своих памятовали бы, и паки прослезися: братия же и вси людие поклонишася ему до земли.

83//84

ГРАМАТА

От Царя и Великаго Князя Михаила Феодоровича всея Руссии, Живоначальныя Троицы Сергиева монастыря, Богомольцу нашему Архимандриту Дионисию, да келарю старцу Аврамию Палицыну с братиею.

По нашему указу взяты были к Нам в Москве из Троицкаго Сергиева монастыря Канонархист старец Арсений, да села Клементьева поп Иван для исправления книг печатных и потребника; да к томуж делу велено было прислать вам книгохранителя старца Антония. И вы писали к нам, что старец Антоний болен, а Канонархист старец Арсений, да поп Иван били Нам челом, и сказали: от лет, де, Блаженнаго и Приснопамятнаго Великаго Князя Владимира, просветившаго Рускую землю святым крещением, и до ныне та книга потребник в нашем Царствующем граде Москве, и по всей Руской земле во градех, и в селех, в переводех разнится, и от неразумных писцов перед полным исправлением во многих местех не исправлена: и Нашего Великаго Российскаго

84//85

Московскаго Государства в пригородех, и по украйнам, которые близко иноверных земель, много от неведения у попов обычай застареся, и безчиния вкоренишася: и им, де, старцу Арсению, и попу Ивану одним у той книги потребника для исправления быти не возможно; потому что во многих городех при прежних Великих Государех Царех и Великих Князех всея Руссии многия переводницы от всех язык, много святых книг на Руский язык преложиша: и от тех разных переводчиков переводы избираны, и выписаны церковные всякие потребы; и того для разнятся во многих местех; чины и уставы, и стихи и молитвы не сходятся; а ино преданием не обыкло в нашем Российском Государстве, ино же утвердилося от Богоронсных отец, иже в Руссии, новых чудотворцев возсиявших, и то не против Греческих законов, а иное от толмчаей несогласия: понеже в них не вси учению философскому учены; а языка своего глаголов простых не всеж знали подлинно. А которые учены философским наукам, те простую беседу Словенскую знали, по Руски же философских учений много лет не было, и по Словенскому языку у сложников разнства глаголов не вместно познати. И им старцу Арсению, да попу Ивану от таких несовершеннаго познания слогов будет смущение: а исправити бы тую книгу потребник многих истязанием и вопрошением, и многими книгами, переводов собранием изсведетельствовати. А вскоре тую книгу потребник

85//86

в печатное дело дати не можно, потому что и едина потреба покаяния, или поновление всем человеком, но и в той разни, хотя в пятидесяти переводех ино много разнится, также и в погребениях, и в маслосвящении; да и без настоятеля от властей, тоя книги потребника исправлению быть невозможно.

И Мы указали тоя книги потребника исправление вдать тебе Богомольцу нашему Архимандриту Дионисию, а с тобою тем старцам, канонархисту Арсению, да книгохранителю Антонию, да попу Ивану, и иным духзовным, и разумным старцам, которые подлинно и достохвально извычни книжному учению, и Граматику, и Риторику умеют; и как к вам ся наша грамата придет, и ты бы Богомолец наш Архимандрит Дионисий выбрал с собою к тому книжному исправлению в монастыре Живоначальныя Троицы из духолвных разумных, и подлинно книжное учение знающих старцов: а книгохранителю Антонию велеть с тобою быть у того ж книжнаго исправления, да с теми духовными, и подлинно книжное учение знающими старцы о таком великом церковном исправлении многое попечение и радение показали бы. А какия будут в той книге потребы вам для справки и для свидетельства; то у Живоначальныя Троицы, у вас в чудотворцове Сергиеве обители книгами исполнено, да к тому ж от нас из Москвы с старцом Арсением, да с попом Иваном послано три книги потребников писменных к тебе Богомольцу нашему с братиею избранною, которые у того великаго дела с тобою будут. О том церковном благочинии, и о просвещении многочисленных душ Христианских подвиг учинить; и книгу потребник от свидетельств Божественнаго писания исправить, и утвердить, елико вас Святый Животворящий Парклит вразумит и научит, собрати в тую книгу многие нужнейшие потребные вещи, без которых потреб вашему священному чину, и всем православным Христианам быти не льзя: елико вместно, чтоб ту книгу потребник со исправелнием в печатное дело вдати не во многих мотчании. А которые старцы к тому книжному исправлению, по вашему избранию будут достойны; то вы бы им велели давати пищу, и всякое изобилиек по монастырскому чину, и покои свыше протчей братии, до тех мест, как та книга потребник в совершение прдет; а что будущим у того книжнаго исправления старцам в потребу надобно бумаги, или чернил, или свеч: то вы бы велели им давать из монастырской казны. Как та книга потребник по вашему исправлению в совершении будет, тогда вы б о том отписали к Нам в Мосвкву; отписку же велели б отдать в приказе Большаго Дворца боярину нашему Борису Михайловичу Салтыкову, да Дьяком нашим Ивану Болотникову, да Богдану Кашину, да Патрикию Иасонову, чтоб Нам про то было ведомо.

Писано на Москве лета 7125-го году, НОября в 8 день.

87//88

От Папы и Патриарх вселенскаго Герасима, о прилоге молитвы глаголюще: сам и ныне Владыко освяти воду сию Духом Святым и огнем; и тому прилогу огня отвержену быти.

Герасим милостию Божиею Папа и Патриарх великаго града Александрии, и Судия вселенский: Благочестивейшему, Православнейшму, Благопочтенному Святому Царю и Самодержцу, Победителю скипетроносному, присно Августу, Михаилу Феодоровичу, Великому Царю, всея Руссии Самодержцу, Владимирскому, Московскому, Новгородскому; Царю Казанскому и Астраханскому, ГОсударю Псковскому, Великому Князю Смоленскому, Иверскому, Болгарскому, и прочих государств Государю; Великому Князю Новгородскому широкия земли, Черниговскому, Печерскому, Полоцкому, Обдорскому, Кахетинскому и всея Сибирския и Северныя земли стран Обладателю, Государю земли Иверския и Царей Грузинских, и мест Кабардинских и Черкаских, Правителю тамо сущих Княжений и Государств, Сыну о Христе Иисусе, и Владыце прелюбезнейшему, благодать и милость, мир же и на враги победа и высокостояние православныя веры великаго Бога, и Спаса нашего Иисуса Христа, во веселие же и помощь Церкви Христовой от Отца и Сына и Духа, Боже-

88//89

ственной, и от Бога возлюбленной, и Богу праведной, благочестно сочиненным Святых онех и Богоносных Отец последовати каноном же и преданием; от Духоносных и Божественных приемше Апостолов восточныя и Апостольския Христовы Церкви, спасительная сия истинная веления Святым Духом, еще и последования, и благостроения, и чины предаша нам, ова убо писанна, оваж не писанна по благости твердо и непреложне: и не обноситися новосееньми и новогласии мненная мудрствующих неких хотящих ввести в Христову Церковь раздор и соблазны. И ово повеленно быть кому, и еже что убо отъятия или приложити, паче неже прияхом от Святых Отец: но последовати, якоже рехом, онех следом, неуклонное же держим и крепце даже до ныне Господнею благодатию, и Всесвятаго Духа споспешством; мы сущия Святыя и восточныя Церкви верные кормчии: аще и сила наша вселися посреди волков, не многож дерзати подобает, благочестиву свободу восприимшим, и насаждающим во Святыя, яже у вас, Церкви тишину, якова зрима есть ныне, Твоего Благочестиваго Царства светящуся скипетру, о немже свыше помогаемому ти помощию подобает держати непременно Святых Отец предания: слышахом бо Самодержце Великий Царю! гажданствовати некиих, и почести воздавати некиим вещем, имже людие прилежат со всяким благоговением, якоже принесе вестию к нам Всесвятейший Патриарх великия Москвы,

89//90

брат наш и сослужитель и отец любочадый, и твоего царствия господин Филарет. Аще и добре мнятся имети, якоже о них реку, глаголюще ревностию Божественною движимых быти ся, сие есть, яко он ищет от нас уведети триех взысканий; изъяснения, еже указати покушашеся явственнее по церкви нашея учителех, во истинне их составити хотяще. Понеже не требуют многих свидетелей и указаний: сами бо себе показуют сопротивляющихся Церкви солнца светлейшей. Тем же убо речем о первом взыскании, иже есть некий прилог в молитве великаго освящения, агиазмы глаголюще: Сам и ныне Владыко освяти воду сию Духом Святым и огнем; иже не вем, како умыслися у вас в Церкви, или откуду возрасте таково лишшесловие в сем переводе, или стихи молитвы. Ибо сии в среду произлагая прилог ни откуду инуду имети мню корень и вину, токмо от реченнаго, от Матфеа Священнаго Евангелия во главе третьей глаголющаго тако, яко от лица Иоанна Крестителя: Аз убо крещаю вас в воде в покаяние; а во след мене грядый креплее мене есть, егоже несмь достоин разрешити ремень сапогу его; той вы крестит Духом Святым и огнем. В сем убо речении требе нам внимати и учителей и Богословов восточныя Церкви толкованию, что Дух Святый теми яснее изливают, от нихже приснотекущий источник Священнозлатоглаголивый Златоустый изъясняет. Сего толкование глаголет: Сего бо ради и огня воспомяну,

90//91

да во ум тех Иудеев память Пророков приведет; во еже привлещи ко прорекуемому от них Христу. Ибо елико вмале тех Пророков видении быша показана, множайшим тем огнем указашася: тако бо Моисеови беседова Бог в купине; тако Иезекиилеви на Херувимех и инем множайшим. Сим бо огнь предложил есть, яко да онех жестоковыйных Иудеов сим образом живо уловит. Ныне же Священному Евангелию ясне проповедаему во всю подсолнечную истиннее и непорочнее простираемей вере: нам же верным в сущих суще, и благоутишное и небурное пристанище спасения имеюще, и ко православной вере устремившимся, несть нужно проглаголание и нарицание таковаго наречения. Глаголют же нецыи от сущих тамо, яко в неких обретатися книгах сие приложение, и чудо мудрования нетребе ни едино. Ибо сеяй доброе семя, не посея во всех, яко есть и плевелы, и плевы пшеницы. Враг человек се сотвори, яко речеся в притче Священнаго Евангелия. Сего ради дому владыка повеле слугам своим собрати та, и огнем сожещи, яко сущия блядословна и инородна: тако ж подобает и сие прилогшееся иногласие искоренити и изгладити от сущих тамо книг, имже враг человек всеял есть се. К сим же мы вемы добре, и уверихомся, яко и во всех яве обретается, еже мы обретше, прилежно и известно испытавше, сего не обретохом прилога: откуду убо всадися в вашей Церкви? Яве есть ниоткуду, разве от некиих

91//92

маломудрых. Еще же глаголют нецыи от церковных Богословов, яко сие приглаголание, речение огня, и Евангелист приложил есть: яко во Апокалипсисе тайно назнаменася крещение, еже во святый великий день Пятьдесятницы прияша всесвятаго Духа дарованием и благодатию во веки огненных язык просвешщеся и уяснившеся. Темже убо сему прилогу всячески не подобает в вас пребывати, но паче отвержену быти далече от неяже в вас Христове Церкве. Темже убо Преблагочестивейший Царю! мы сия, еже предварихом, рекше, ведяще яве Христове Церкве чудная, и яже тамо православных душам не сущу ходатайствующе тщету и соблазн, и в вашей Церкве человеколюбопрение пишуще, молим твое преблагочестивейшее царство не пущати сицевых безместных, хотящих прилежати вещем, но паче отстояти и отбегати, яко оглашенных от Церкви Христовой, и хранити Святых Отец онех предания неподвижно, аще же писана, аще же и не писана, якоже рехом. Молим же Бога нашего Иисуса Христа, яко да даст Твоему преславнейшему и превеликому царствию мир, здравие и благополучное пребывание, и на враги победу, якоже Константину державному; и да сохранит Тя другоприимательне в род и род, якоже виноград благоцветущ, и плодоносящ во славу и в похвалу православному роду, и в наше духовное веселие и радость. Благодать же Божия, и безмездна милость, молитваж и благословение от Святейшаго и Апостольскаго сего, еже в нас, престола,

92//93

да будет твоему благочестивейшему царсчтвию со всею православною палатою, и Христолюбивым воинством ея. Во Египте 1623 писано.

Великий ж Государь Святейший Патриарх Филарет Никитич Московский всея Руссии своего Патриаршества Архимандритом, Игуменом, и всем Митрополитом тако писа; и Митрополитом повеле писати во своя Митрополия сице:

От великаго Государя Святейшаго Филарета Патриарха Московскаго и всея Руссии, в прошлом в 128 году, как был о Святем Дусе брат наш и сослужебник Святейший Феофан Патриарх Иерусалимский и всея Палестины во Царствующем граде Москве, при Благоверном и Христолюбивом Государе Царе и Великом Князе Михаиле Феодоровиче, всея Руссии Самодержце, и при нас Великом Государе Святейшем Патриархе Филарете, Московском и всея Руссии: и аз Филарет Патриарх советовал с Феофаном Патриархом Иеруцсалимским о том, что приложено в наших Руских в печатных слудеьбниках в недавных летех, при державе Благочестиваго и Христолюбиваго Царя и Великаго Князя Феодора Ивановича всея Руссии Самодержца, и при Патриархе Иове Московском и всея Руссии; и аз Филарет Патриарх советовал с Феофаном Патриархом Иерусалимским о том, что приложено в наших Руских в печатных служебниках в недавных летех, при державе Благочестиваго и Христолюбиваго Царя и Великаго Князя Феодора Ивановича всея Руссии Самодержца, и при Патриархе Иове Московском и всея Руссии; а подлинно неведомо, какими обычаи тот прилог огня учинился в водосвящении Богоявленской воды в молитве: Сам человеколюбец Царь прииди пришествием Святаго Духа твоего, и освяти воду сию Духом Твоим Святым, и огнем, а в древних переводех, в писменных

93//94

служебник и в потребниках той речи нет. И аз его Патриарха Феофана спрашивал: есть ли в их Греческих переводех Духом Твоим Святым и огнем; и как у них Богоявленской воды освящение бывает? И Феофан Патриарх мне говорил, что у них в Греческих переводех ни в которых книгах той речи нет, что Духом Твоим Святым и огнем: но глаголется, де, у нас единем Духом Твоим Святым, а огня, де, у нас не прилагают, и у вас быти тому не пригоже. Добро, де, тебе брату нашему о том порадети, и исправити, чтоб тому и у вас не быти о огне прилогу. И аз великий Государь Филарет Патриарх Феофану Патриарху говорил, чтоб он приехав в Греческую землю, со всею братиею, со вселенскими Патриархи посоветовав о том, выписал из Греческих книг древних в переводе о освящении Богоявленской воды, как у них писано, для истиннаго совершеннаго свидетельства; и выписав прислал к нам в Москву за своими руками. И в 1133 [Sic - прим. к электронной публикации Я.Кротова] году, месяца Апреля в 5 день приехали к Великому Государю Царю и Великому Князю Михаилу Феодоровичу, и к нам к Великому Государю Святейшему Филарету Патриарху Московскому и всея Руссии от Патриарха Феофана Иерусалимскаго, и от всея Палестины его Патриархов Архимандрит Киирилл, да Келарь старец Акакий, да старец Герман, и привезли от Александрийскаго Патриарха Герасима и от Иерусалимскаго Патриарха Феофана грамоты и переводы Греческие

94//95

за их руками Патриаршескими к Госудаврю Царю и Великому Князю Михаилу Феодоровичу, всея Руссии Самодержцу, и к нам Патриарху Филарету, о чем говорил аз Патриарх Филарет Патриарху Феофану о освящении Богоявленской воды, о прилоге огня. И в граматах пишет Герасим Патриарх Александрийский и Феофан Патриарх Иерусалимский, что у них в Греческих книгах и во всех переводех, во освящении Богоявленской воды, в Молитве, в речах говорят: Сам Владыко человеколюбче Царь прииди пришествием Святаго Твоего Духа, и освяти воду сию Духом Святым, а огня не прилагают: да и в наших Руских древних переводех пишет такожде. И мы советовав о том по плотскому рождению с сыном своим, а по духовному чину с сыном же моим с Великим Государем Царем и Великим Князем Михаилом Феодоровичем, всея Руссии Самодержцем; и по совету вселенских Патриархов Герасима и Феофана, указали есмы Государь Царь и Великий Князь Михаил Феодорович всея Руссии, и мы великий Государь Святейший Филарет, Патриарх Московский и всея Руссии, как аже даст Бог, егда время освящения в навечерии Богоявления Господа Бога и Спаса нашего Иисуса Христа, в нынешнем 134 году, Генваря в 5 день, и станем свящати воду без прилогу огня, и учнем глаголати: Сам человеколюбче Царь прииди пришествием Святаго Твоего Духа, и освяти воду сию Духом Твоим Святым, да весь священный собор на Москве,

95//96

и во всей нашей Патриархии и во всех Митрополиях, и во Архиепископиях тоже станут в навечерии Святаго Богоявления святити воду, и глаголати в речах: Сам человеколюбче Царю, прииди пришествием Святаго Твоего Духа, и освяти воду сию Духом Твоим Святым; а прилога огня оставили. И как к тебе сия наша грамота приидет, и ты б тот час прислал в городы от себя; а велел из городов и уездов Архимандритом, и Игуменом и Протопопом, и Попом и Диаконом служебники свои и потребники, которые печатаны при мне, привезти к себе; а как привезут, и ты бы сию нашу грамоту пред ними вычел, а прочетши в тех служебниках и потребниках во всех то глаголание о прилоге огня замазал бы еси чернилом, кистию; а сделати чернила нароком с камедью, а замазывати в потребниках в двух местех, где Духом Твоим Святым и огнем, огнь замазывати: а на поли, где марано быти сему глаголанию до соборнаго указу, и тут в другом месте замазывати ж, а в слудебниках в одном месте замазывати огнь; а будет у тебя кисти не будет, и замазовати перстом, омоча в добрыя чернила, чтобы письма не видети было; а замазав то глаголание, отдал бы еси те книги попом назад безволокитно; а как еже даст Бог, приспеет время навечерие Святаго Богоявления в нынешнем 7134 году, Генваря в 5 день, и ты бы велел святити воду; и в речах глаголати: Сам человеколюбче Царь прииди пришествием Святаго

96//97

Твоего Духа, и освяти воду сию Духом Твоим Святым, а прилог огня оставити; а окроме прилогу огня, быти всему чину и свещам, погружению потому, как писано в служебниках печатных; и во все бы уезды, которые у тебя в десятине, сей наш указ о освящении воды разослать тотчас не замешкав, как к тебе сию нашу грамоту привезут, Игуменом, Протопопом, и Попом, чтобы они святили воду в навечерии Святаго Богоявления по сему нашему указу без прилогу огня. А буде кто сего нашего указу не учнет слушати, и учнет воду святити не по сему нашему указу, и тем Попам и Диаконам быти от нас во отлучении священства и в великом смирении.

Писано на Москве лета 7134 году.

До зде выписано из книги, глаголемой Алфавит, которая получена во граде Угличе.

97//98

ГРАМАТА

Троицкаго Сергиева монастыря Архимандрита Дионисия, да Келаря Аврамия Палицына о учинении помощи стоящему под Москвою войску противу Поляков.

Богом спасаемаго града Пермии великия Архимандритам, и Игуменам, и Протопопам, и Попам, и Дьяконам и всему освященному собору, и боярину воеводе Матфею Михайловичу, и дьяком, и головам стрелецким, и дворяном, и детям боярским, и гостям, и посадским жилетским людем, и стрельцам и казакам, и всяким служивым людям Пермии великия, и всего Пермскаго уезда и пригородов.

Живоначальной Троицы Сергиева монастыря Архимандрит Дионисий, да Келарь старец Аврамий с соборными старцы челом бьют.

Божиим праведным судом, за умножение грехов всего православного Христианства, в прошлом году учинилося в Московском Государстве межуусобие, не токмо между общим народом Христианским; но и самое сродное естество пресечеся; ибо отец на сына, и сын на отца, и брат

98//99

на брата восста, и единородная кровь в межуусобии проливалася. Усмотрев таковое междуусобное время в Московском государстве, умыслили вражиим наветом враги Христианские, Михайло Салтыков, да Федька Андронов с своими советники предать отечество свое, и оставив нашу истинную православную Христианскую веру, приложилисяь к проклятому Латинству, искони вечным врагом Христианским, к Польским и Литовским людем; и навели оные иноплеменные народы на святыя Божии Церкви разорение, на Божии образа поругания, и на нашу истинную Христпанскую православную веру разорение. Ибо оные Польские и Литовские лучшие люди, учинив лукавую прелесть, целовали животворящий Крест Господень с тем, чтобы быти на Московском государстве Королевичу Владиславу в православной нашей истинной Христианской вере: а Польским и Литовским людем всем до одного человека из Московскаго государства вытти; и Королю от Смоленска со всеми людьми отьити в Литву: но в том во всем преступив животворящаго Креста Господня целование, Литвяне солгали. Ибо в прошлом 7119 году, Марта в 19 день, те же предатели Христианские, Михайло Салтыков, да Федька Андронов с своими советники умыслив таковое страшное и злое дело с Польскими и Литовскими людьми, что Московское государство выжгли, людей посекли, и святыя Божия Церкви и образы до конца разорили и поругали, твердаго адаманта, и непоколебимаго

99//100

столпа, или паче рещи, новаго исповедника, Святейшаго Гермогена Патриарха Московскаго и всея Руссии с престола безчестно изринув, и во изгнание нужное затворив, безчисленную Христианскую кровь разлили: мы же, имея его себе пастыря и учителя, неотступна своего ему престола святительскаго, непрестанное моление и молитвы о нем возсылаем к Богу.

Видев таковое злое и страшное дело оставшиеся православные Христиане Московскаго государства бояре и воеводы, князь Димитрий Тимофеевич Трубецкой, да Иван Мартынович Заруцкой, со многими воеводами; а с ними дворяне и дети боярские, и головы стрелецкие, и атаманы, и козаки, и стрельцы, и всякие служивые люди, положа упование на всесильнаго Бога, и на пресвятую Богородицу, пришли под Москву из многих городов, уездов для избавления православныя нашея Христианския истинныя веры, да не до конца наша православная Христианская вера разорится, и стоят на Москве в большом каменном царском городе: а изменников и богоотступников и предателей веры Христианския, Михайлу Салтыкова, да Федьку Андронова с товарищи, и Польских и Литовских людей осадили в Китае городе и в Кремле, и над ними, прося у Бога милости, промышляют, чиня им тесноту великую: ибо в Китае городе дворы верховым боем выжгли все; и ожидаем милости и помощи Божией и на врагов победы.

100//101

Ныне пришел к Москве к Латинским людем на помощь Хоткеевич с Польскими и Литовскими людьми, и сказывают нам выходцы и языки, что с ним пришло всяких людей с две тысящи человек, и стали по дорогам, в Красном селе, и по Коломенской дороге, чтобы им к боярам и воеводам и ко всем ратным людем, которые стоят за православную Христианскую веру, никакизх запасов не пропустить, и утеснением гладным от Московскаго государства отженивши, нам православным Христианом конечную пагубу учинити. Бояры же и воеводы, и всякие ратные люди стоят под Москвою крепко и неподвижно, и хотят за православную Христианскую веру, по своему обещанию, страдание совершити, и смертию живот вечный улучити.

Коширяне, Туляне, Калужане, и иных замосковных городов дворяне и дети боярские, и всякие служивые люди к Москве пришли: а из северных городов Юрий Беззубцов со всеми людьми идет к Москве ж поспешно. По сторону же Москвы многих городов дворяне и дети боярские, и всякие служивые люди сбираются ныне в Переславле Залесском, и хотят итти в ход к Москве.

Вам бы государям нашим и отцам, и братиям, всем православным Христианам, общему народу Христианскому всея великия Пермии земли с уезды и с пригороды, яко вси есмы родихомся

101//102

от Христианскиз родителей, и знаменовахомся печатию небеснаго Царя, святым, сиречь, крещением, и обещахомся веровати во святую животворящую и неразделимую Троицу, Богу живому и истинному, прося у всесильнаго Бога милости, и возложив упование на силу животворящаго Креста Господня, стати с ними обще за одно против предателей Христианских и богоотступников, Михайла Салтыкова да Федьки Андронова с их советники, и против вечных врагов Креста Христова, Польских и Литовских людей.

Сами вы видите близ всех Христиан конечную погибель. Где завладели Литовские люди? в которых городах? и какое ныне разорение учинилося в Московском государстве? где святыя Церкви? где Божии образы? где иноки, многолетными сединами цветущие, и инокини, добродетельми украшенныя? Не все ли до конца разорены и обруганы злым поруганием? Где народ общий Христианский? Не вси ли лютыми и горькими смертьми скончашася? Где безчисленное множество во градех и селех Христианских чад? Не все ли без милости пострадаша, и в плен ращзведены быша; не усрамишася седин старец многолетных, и не сжалишася на ссавших млеко младенцев, незлобивых душами. Не вси ли испиша чашу ярости и гнева Божия? Помяните и смилуйтеся над видимою нашею смертною погибелию, да вас самих таже лютая не постигнет смерть.

102//103

Бога ради покажите житие подвиг своего страдания. Понудите всего общаго народа служивых людей прошением и увещанием вашим, да поспешили бы походом под Москву без всякаго мешканья, и да однолично соединившись с Московскими боярами и воеводы, помощь и спасение учинили бы всему множеству народа всего православнаго Христианства: сами бо весте, что всякому делу едино время настоит; безвременное ж всякаго дела начинание суетно и безплодно бывает. Есть ли же которые не поблизку в ваших пределах, или недовольни, Бога ради отложите то на время, чтобы вам всем с ними о едином положити подвиг свой, и страдати для избавления православныя Христианския веры, покамест они в долгом времени гладным утеснением бояром и воеводам и всем ратным людем какой порухи не учинили. Ибо аще совокупно единогласным молением прибегнем ко прещедрому Богу, и пречистей Богородице, заступнице вечной рода Христианскаго, и ко всем святым от века Богу угодившим, и обще подвиг сотворим; то, аще бы и до смерти пострадати за православную истинную Христианскую сущую нашу веру случилося, неотложно милостивый Владыка человеколюбец отвратит праведный свой гнев, и избавит от нашедшия лютыя смерти, и вечнаго порабощения безбожнаго Латынства.

Смилуйтеся и умилитеся незакосненно; сотворите дело сие избавления ради Христианскаго народа, ратными людьми помогите, чтобы ныне

103//104

под Москвою скудости ради утеснением бояром и Воеводам и всяким воинским людем порухи некоторой не учинилось. О том много и слезно всем народом Христианским вам челом бьем.

Писана у Троицы в Сергиеве монастыре лета 7120, Октября в 6 день.

Таковыя ж граматы и по иным многим городам посланы.