Пискаревский летописецОп.: Полное собрание русских летописей, т. 34, М., 1978, стр. 31 - 220. Номер страницы предшествует тексту на этой странице Вторая часть текста (после смерти Александра Невского, с.99) - третья (окончание, после 1404 г., с. 153).
-31- |л. 4| Отселе а) разумей сказание в сей книзе, глаголемей кринице а) .На сказание и на мудрость человеком зачатие: преж солнца пребывает имя его, и вначале небо, землю основа и люди сотвори. О нем же живем и движемся и молние его ос[ве]тиша б) всю вселенную, |л. 4 об.| одняго и бесмертнаго бога, ему же есть вся в руце воля и сила, и величество, и многою его милостью данное нам от него разумети всем человеком всякие вещи мира сего. Трубою убо рати собираются, тако же и разумом человеческим всякия сия вещи составляются, от уст разумнаго, яко светлая заря восияет, и слово его возростет, аки воноград в) при водах. А писание всяко о себе само да сказует.Яз, книга, глаголемая криница временная, царьственная, глаголю о древних летех на сказание и на мудрость человеком. И поведаю славу и державу, и величества великих князей, и царей собрателей и облагодателей всея Руския земля. И паки убо и мы уклонимся |л. 5| усердно сия книги держатися на сказание и на мудрость разумети человеком и приидем убо к древнему пророческому сказанию о сем.Великий Моисе[й] б) законодавец корень есть премудрости и древнему сказанию. И не от неволи поз[на]хом б) великия святыя апостоли г) и сланный пророцы и мудрость их, и учение живых вод источники истекают во все концы вселенный, и во дни их восияет правда. И единаго от пророк скажет: “Мудрый во царех и славный во пророцех Соломан описует мудрость де есть человеком, древняя повести поведати почтете премудрость да во ве[ки] д) царьствуете”; а инде глаголет: “Се ти дам устам |л. 5 об.| и премудрость, отверзе уста немых и язык младенцем сотвори ясен, что премудрости богатее, ею же делаетца вся правда и мужество, их же лутчи ничто же есть человеком в житии сем” . И дале о сем слова не простираем и приидем к иному сказанию.Великий сказатель светлый во словесех в сем изообильно восияет, имянуемый труба. Слову божию Иоанн Богослов вещает: “Столп есть крепости поучение древней мудрости человеком, аще бы и мы не познали древних лет писание, ине бы пришли в новую благодать”. И х концу слово скажет о сем. От создания мира вселенней рустей царьствующаго православнаго града Москвы степен|л. 6| ...снаго е) порога крепкая заповедь слово то. Ами[нь] д) .Числа: 1, 2, 3, 4, 5, 6, 7, 8, 9, 10, 20, 30, 40, 50, 60, 70, 80, 90, 100, 200, 300, 400, 500, 600, 700, 800, 900. Тысещи: 1000, 2000, 3000, 4000, 5000, 6000, 7000, 8000, 9000, 10 000. Тьма: 10 000, 20 000, 30 000, 40 000, 50 000, 60 000, 70 000, 80 000, 90 000, 100 000. Легион: 100 000, 200 000, 300 000, 400 000, 500 000, 600 000, 700 000, 800 000, 900 000, 1 000 000. Леодр: 1 000 000, 2 000 000, 3 000 000, 4 000 000, 5 000 000, 6 000 000, 7 000 000, 8 000 000, 9 000 000, 10 000 000. А еже книжное число, то все, а еже не книжное, ворон рекше. А сии числа: в году месяц 12, а недель 52, а дней 365, а часов 8760. А в тысеще лет дней 565 000 ё), а часов 8 706 000 ё), а недель 56 000 ё). Во всех 7000 лет: месяц 84 000, а не[дель] ж) 104 000 ё), а дней 20 050 000 ё), а часов 613 020 000 ё) .Обновление кругом: небо обновляетца за 100 лет, |л. 6 об.| звезды за 50 лет, солнце за 28 лет, луна за 19, море за 60 лет, воды за 7 лет, земля за 10 лет, ветр за 4 лета, а високост за 4 и инъдикт за 15 лет, епакта за 12 лет, основание за 19 лет. _________ а-а) Написано вязью. б) Буквы., вставленные в квадратные скобки, в рукописи пропущены. в) Так в рукописи. г) Залито чернилами. д) Текст истлел. е) Между лл. 5 об. и 6, вероятно, текст утрачен (в первой тетради рукописи 4 листа вместо 8 и в начале л. 6 неясно видна еще какая-то буква). ё) Так в рукописи. ж) Край листа истлел.
-32- И время нам простиратися на почитание сея книги. По потопе три сынове Ноевы разделиша себе землю: Сим, Хам и Афет. И яся въсток Симови и Персида, Ватры даждь и до[И]нтикия з) в долготу и в широту и до Нокирия и, яко же рещи, от востока даже и до полдния, и Сирия, и Мидия, и Ефрат реку, Вавилон, Кородуна, Сиряне, Месопотамия, Аравия Старейшая, Елиман, Инъдея, Аравия Сильная, Колии, Комагини, Финикия вся. О Хаме, сыне Ноеве, и о жребии его. |л. 7| Хамови же яшася полуденная часть: Египет, Ефиопия, прилежащая к Виндом, и другая Ефиопия, из нея же исходит река ефиопская Чермная, текущия на восток, Фива, Ливия, прилежащия даждь и до Кириния, Мармария, Сурити, Ливия и) другая, и Нумидия й), Марисия, Мавритания противь сущи Гадире. Сущи же к востоком имут Киликию, Памфилию, Писидию, Мосию, Ликаонию, Фригию, Камалию, Ликию, Карию, Лудию, Амасию другую, Трояду к), Солиду, Вифунию, Старую Фригию и островы паки имает: Сердании, Крит, Кипр и реку Гион, зовомый Нил. О [Афе]те л), сыне Ноеве, и о жребии его. |л. 7 об.| Афету же яшася полунощныя страны и западныя: Мидия, Алвания, Арменея Малая и Великая, Капподокея м), Феврагонии, Галатия, Колхис, Воспирии и Меотии, Деверия н), Сарматии, Тавриании, Скифия, Фраци, Македония, Далматия, Малоси, Фасалия, Локрия, Пеления, яже и Пелопонис наречеся, Аркадия, Ипирония, Илирик, Словене, Лухития, Андрикия и Андриитийская пучина. Имать же островы: Вретания, Сикилию, Свиюс, Родона, Хиона, Лезовона, [К]офирона л), Закунфа, Кефаления, Акафи[н]у о), Киркиру и часть всякия страны нари[цае]мую л) Онию п), реку Тигр, текущий между Ми[ды и] л) Вавилоном; до Пондьскаго моря, на полунощны[я] л) [ст]раны л): Дунай, Днепр и Кавкасийския горы, |л. 8| рекше Угорския, и оттуду до Днепра и прочая реки: Десна, Припеть р), Двина, Волхов, Волга, яже идет на восток в часть Симову. В Афетове же части сидят русь, чюдь и вси языцы: меря, мурома, весь, мордва, заволочская чюдь, пермь, печера, ем, угра, литва, зимгола, корсь, ситгола, любь. Ляхове же и пруси и чюдь приседят к морю Варежскому; по сему морю приседят варязи семо к востоку до предела Симова, по тому же морю седят к западу до земля Агланьски и до Воложъскии. Афетово бо колено и то: варязи, севеи, нурмани, годи, русь, агляне, галичаня, ляхове, волоси, римляня, немцы, корлязи, венедицы р-1), фрязи и прочий. Ти же приседяг |л. 8 об.| от запада к полунощию и седят с племянем Хамовым. Сим же и Хам и Афет разделивше землю и жребия метавше, и не приступати никому же в жребей братен и живяху каждо в своей части, и бе язык един. И умножившимся человеком на земли, и помыслиша столп создати от земля и до небиси во дни Анектана и Фалека, и собрашася Синаро поле, и зздаша столп, за 40 лет не свершен бысть, и град около его Вавилон. И призре господь видети град и столп, и рече господь: “Се род един и язык един”. И размеси бог люди и языки и раздели на 70 язык и на два языка, и раздели по всей земли. По розмешении язык бог ветром великим разруши столп. |л. 9| И есть останок его и до дне сего промежду Асуры и Вавилона в высоту саженей 5000 и 433, толико же и в ширину. В лета бысть многа останок его и до дне сего на память роду их. По разрушении же столпа и по разделении язык прияша сынове Симовы восточный страны. Афетови же сынове прияша запад и полуношныя страны. От сих седмидесят язык и дву бысть язык словенеск от племене Афетова, нарицаемии норицы, еже суть словяне. По мнозех же временех сели суть словяни по Дунаеви, где есть ныне Угорская земля и Болгорская. И от тех словен разыдошася по земли и прозвашася имяны своими, где седеше на котором месте, на которой реке именем: |л. 9 об.| морова, а инии нарекошася чеси, а се ти же словяне, хорвати бели и сербь, и хорутане, Волх с) бо с) нашедшим на дунайския словены и седшим им в них и насиляющим им. Словяном же оттуду же пришедшим и седоша овии на Висле реце и прозвашася ляхове, а от тех ляхов прозвашася поляне, ляхове друзии лутицы, а инии мазовшане, а ини по- _________ з) В рукописи при выносном н и пропущено. и) В рукописи Люваи. й) В рукописи Нудимия. к) В рукописи Строяду. л) Текст истлел. м) е исправлено из и. н) и исправлено из е. о) В рукописи н утрачено. п) В рукописи онних. р) В рукописи придет с выносным т. р-1) В рукописи венедицц при выносном ди. с-с) Так в рукописи, при выносном л. В Воскресенской летописи Волоховом бо (ПСРЛ, т. VII. СПб., 1856, с. 262); в Повести временных лет Волхом бо {повесть временных лет. Подготовка текста Д. С. Лихачева. Под ред. В. П. Адриановой-Перетц, ч. 1. М. - Л., 1950, с. 11).
-33- моряне. Тако ти словяне пришедше, седоша по Днепру и нарекошася поляне, а друзии древляне, зане седоша в лесех. А инии седоша межди себя Припетию и Двиною, нарекошася дреговичи, а инии полочане речки ради Полотвы, иже течет в Двину. |л. 10| Словяне же пришедше з Дуная и седоша около езера Илмери, и прозвашася своим именем, и зделаша град, и нарекоша и Новград, и посадиша старейшину Гостомысла. А друзии седоша по Десне и по Суме и по Суле и нарекошася севери. И тако разыдеся словенский язык, тем и грамота прозвася словенским т) языком. Поляном же жившим по горам, и бе путь из Варег въ Греки, из Грек по Днепру вверх Днепра волок до Ловоти у), по Ловоти у) внити во Илмер езеро, из него течет Волхов и течет въ езеро в Неву, ис того езера устьем течет в море Варежское. По тому морю путь и до Рима, а от Рима по тому же морю итти въ Царь|л. 10 об.|град. А от Царяграда прити в Понт море, в он же течет Днепр река, Днепр течет из Волковского леса и потечет на полдень. А Двина течет ис того же лесу и идет на полунощие, идет в море Варяжское. А Волга ис того же лесу течет на восток и втечет седмьюдесят устьи в море Хвалишское. Тем же может итти из Руси по Волзе в Болгары и въ Хвалисы и на восток дойти в жребий Симов. А по Двине в Варяги, а из Варяг до Рима, а от Рима до племени Хамова. А Днепр течет въ Понтьское море треми жерелы, се же море словет Руское, по нему же учил святый Андрей, апостол, брат Петров. О велицем апостоле Андрее и о проре|л. 11|чении его о граде Киеве. Андрею учащу в Синопи, пришедшу ему в Корсунь и увиде ф), яко близ есть устье Днепръское, и восхоте итти в Рим, и поиде по Днепру вверх, и прииде под горы, иде же ныне стоит град Киев, и ста ту, и рече учеником своим: “Видите ли горы сия? Яко на сих горах возсияет благадать божия и будет град велик и церкви многи имать бог воздвигнути. И вшед на горы святы и благослови их, и постави крест Христов, и помолися богу, и сниде в горы, иде же есть ныне град Киев, и поиде по Днепру. И приде в Словяне, иде же ныне Новгород, и виде ту люди сущия, како обычаи имут и како ся мыют |л. 11 об.| и хвощутся, и удивися им. И иде въ Варяги, и прииде в Рим, исповеда, елико научи и елико виде, и рече им: “Дивно видех землю Словенскую идущу ми семо. Видех бани древяны, и пережгут их румяно и идут в ню, исвлекутся и будут нази, и облиютца квасом кислым, и вземлют на ся прутие младое, и биют ся сами, и до того ся добиют, еда излезут еле, и тако оживут; и то творят по вся дни не мучими никем же, но сами ся мучат, и то творят себе умовение, а не мучиние”. И то слышавше римляне, дивляхуся. Андрееви же бывшу в Риме и прииде в Синопию. О царех, иже царьствоваше в Константине граде царие греческие православныи ф-1) же и еретицы. Первое |л. 12| Костянтин Великий во святых, царьствова лет 31, православный; вторый Констянтин, сын ево, ариянин; 3-й Иулиян Законопреступник, лет 2, и убиен бысть в Персиде; 4-й Иовиян, месяць седмь и дней 28 царьствова, християнин; 5-й Улентин, царьствова Великий лет 11, християнин: 6-й Иуаль, царьствова ариянин лет 3, убиен бысть; 7-й Кратиян, царьствова лет 3, православный; 8-й Феодосии Великий, лет 16, православный; 9-й Аркадей, сын его, лет 22, православный; 10-й Анорей, лета 3, православный; 11 Феодосей Малый, царьствова лет 42 и 2 месяца, православный; 12 Маркиян, царьствова лет пять и месяц 6, православный; 13 Лев Макелис, |л. 12 об.| царьствова лет 18, провославный; 14 Леон Малый, лето едино, православный; 15 Зинон, царьствова лет 17, еретик безглавный; 16 Анастасей Корконосный, царьствова лет 13, еретик безглавный; 17 Иустин Фрязин, царьствова лет 9, православный; 18 Иустиян Великий, лет 30 и месяць 8, православный; 19 Иустиян Малый, царьство[ва] х) лет 13, православный; 20 Тивирий, царьствова лет 4, православный; 21 Маврекей, царьствова лет 20, православный; 22 Фока Мучитель, царьствова лет 8; 23 Ираклий ц) Великий, царьствова единовольный лет 30, православный; 24 Костянтин Брадатый, сын Костянтинов, лет 17, православный; |л. 13| 25 Иустиян, сын Констянтина Брадатого, царьствова лет 16, православный; 26 Леонтей, царьствова лет 3, православный; 27 Апсимор, царьствова лето, православный; 28 Филип Кеварда, царьствова лет 2, православный; 29 Артемей и Анастасей, лет 2, православный; 30 Феодосей Астрамитин, лет 2 царьствова, православный; 31 Лев Исавр, царьствова лет 2 и 4 месяца; 32 царьствова Костянтин, сын его, Гноетезный, лет 34, иконоборец; 33 Леон от казар, царьствова лет 5, иконоборец; 34 Костянтин, сын Ири- _________ т) В рукописи словесным. у) В рукописи Волоти. ф) В рукописи уувиде. ф-1) В рукописие [рукописие - так в томе ПСРЛ] правослыныи. х) В рукописи не дописано. ц) В рукописи Раклий.
-34- нин ч), лет 17 царьствова, православный; 35 Никифор, лета пол-5, православный; 36 Ставрикей, сын его, лето и месяца 2, православный; |л. 13 об.| 37 Михайло Благочестивый, царьствова лет 2, православный; 38 Лев Артеминин, царьствова лет 7 и месяц, иконоборец; 39 Михайло Аморейский, лет 8 и 9 месяц, иконоборец; 40 Феофил, сын Михайлов, лето и месяца 3, иконоборец; 41 Михаил Правоверный, сын Феофилов, царьствова лет 25, православный, иже сотвори православие; 42 Василей Макидоненин, лет 19, православный; 43 Лев, сын Васильев, Премудрый, царьствова лет 20, православны; 44 Александр, сын Васильев же, лет 30 и дней 29, православный; 45 Роман Старец, лет 26, православный; 46 Костянтин Перфирейнитос, лет 3, православный; 47 Иоан Чимичихин, лет |л. 14| 6 и месяц, православный; 48 Василей Перфиринитос, болгарский губитель, лет 8, православный; 49 Никифор ш), лет 6 и месяц, православный; 50 Костянтин, брат его, лет 2, православный; 51 Арсиротул, лет 5 и месяц 8, православный; 52 Михайло Опафлагон, лет 7 и месяц 8, православный; 53 Михайло Апостракалофитис, сестричин его, месяца 4 и дней 22, православный; 54 Костянтин Манамах, иже мир и любовь учини с великим князем Владимером Всеволодичем руским и дары ему посла с митрополитом кир Наофитом: крест самого животворящего древа и венец з главы своея царьский, и ожерелье с плещу своею, и крабицу средоликову, из нея же Август римский веселяшеся, царьствова же Костянтин Манамах лет 12 и месяц 7, православный; |л. 14 об.| 55 Роман Перфирейнитос, лет 3 и месяца 3, православный; 56 Михайло Апостратиотикис Старец, лето едино и дней 16, православны; 57 Исакий Ком[н]ин, лет 2 и месяц 3, православный; 58 Костянтин Дука, лет 7 и месяц 6 и дней 10, православный; 59 Евдокея со отцем своим с Романом и треми сынми, Михаилом и Констянтином и Андронником, лет 4 и месяца три, православный; 60 Михаил, сын Дукин, па ш-1) разрушении ш-1) смерти матери своея и отца своего лет 6 и месяц 7, православный, царьства и спаде и поставлен бысть митропалитом во Ефесе; 61 Никифор Оивотанилтис Старец, 3 лета, православный; 62 Алексей Комнин щ), лет 37 и пол-9 месяца, православный; 63 Данил, сын его, Порфириенитос, царьствова лет 38, православный; 64 |л. 15| Иоан, сын его, Порфириенитос, царьствова лет 24 и месяц 7 и дней 23, православный; 65 Алексей, сын его, Порфириенитос, царьствова лет 6, православный; 66 Андронник Комнин щ), лет 2 и месяц 6, православный; 67 Исакие Аггел, лет 8 и месяц 6, православный; 68 Алексей Ком[н]ин, Аггелу брат, царьствова лет 9 и месяц 6, православный; 69 Алексей Дука Мурцуфл, месяца 2 и дней 10, и повинен бысть Костянтинград латине в 12 день апреля месяца в лето 6712; 70 Алексей Аггелов, сын Исакиев, месяц 7 и дней 20, православный; 71 Федор Лыскарь, царьствова лет 18, православный; 72 Иоан Дука Ватацыс, царьствова лет 34, православный; 73 Михайло Первый Палеолог и латиноносец, царьствова лет |л. 15 об.| 24, сий изгнал латину из Царяграда; 74 Андронник, сын ево, царьствова лет 44, православный; 75 Андронник Палеолог, внук, царьствова лет 13, православный; 76 Иоан, сын его, с материю Анною, царьствова лет 7, православный; 77 Иоан Катакузин, царьствова лет 7, православный; 78 сий же паки Иоан Палеологов, царьствова лет 31, православный; 79 Андронник, сын его, лета 3, православный; 80 и паки сий же Иоан, отец Палеологов, лет 8, всех же лет царьства его 42. Сего же сын Мануил нача царьствовати в лето 6899. Православных же царей царьствовало в Констянтинеграде числом 67, а еретиков царей до Мануила царя 13. А царьства иных пишетца в гранографе до Михаила царя, Феофилова сына. |л. 16| Положить ъ) начало Рустей земли. ъ) В лето 6360 инъдикта 15 наченшу Михаилу царьствовати, и начаша призывати Руская земля. Тем отселе почнем и сему числа положим, яко от Одама до потопа 2242 лета, а от потопа до Авраама лет 1082 лета, а от Авраама до исхожения Моисеева лет 502 лета, а от исхожения Моисеова до Давыда, пророка и царя, лет 601, а от Давыда и от начала царьства Соломана до пленения Иеросалимова лет 448, а от пленения Иеросалимова до Александра царя лет 318, а от Лександра царя до рожества Христова лет 333, а от рожества Христова до Констянтина царя лет 318, а |л. 16 об.| от Костянтина царя до сего Михаила царя 542. О крещение болгар. Мы же на преднее возвратимся и скажем, что ся удея в та лета. В лета 6367 имаху дань варязи из заморья на чюди, на словенех, на мери и на всех кривичах от мужа по беле векшице. А казари имаху дань на полянех и на северенех, и на вятичех по беле векшице от дыма. _________ ч) В рукописи Кринин. ш) В рукописи Никорфь. ш-1-ш-1) Так в рукописи. щ) В рукописи Комиин. ъ-ъ) Написано вязью.
-35- А се о князех ы) о руских и начало княжения их окажем. В лета 6370 восташа кривичи и словяне, и чюдь, и меря на варяги, изгнаша за море и не даша им дани, и начата сами себе владети и грады ставити. И не бе в них правды, и вста род на род, и бысть меж ими рать велика и усобица, и воевати почашася сами на ся. И реша сами к себе: “Поищем |л. 17| себе князя, иже бы владел нами и рядил ны и судил вправду”. При сего Михаила царьствии послапта за море к варягом к руси. Сице бо зваху варяги русию, яко се друзии зовутца армене, агляне, инии и готе, тако и си. Реша чюдь, словяне, кривичи и реша варягом: “Вся земля наша добра есть и велика и изобильна всем, а рядника в ней нет, пойдите к нам и княжите и владейте нами”. В лето 6066 Михаил царь изыде с вой своими брегом и морем на Болгары. Болгары же увидевше и не могоша стати противу ему, и просиша креститися, и покоришася греком. Царь же крести князя их и бояры вся и мир сотвори з болгары. О Рюрике и о брате его, како приидоша в Русь и нача владети всею Рускою землею. Избрашася от немец три браты с роды своими и пояша с собою |л. 17 об.| дружину многу. И пришед старейший . Рюрик и седе в Новегороде, а Синеус, брат Рюриков, на Белеезере, а Траур в Ызборце. И начаша воевати всюду. И от тех варяг находницы прозвашася Русь, и тех словет Руская земля от рода варяжска, преже быша словяне. И умре Синеус и брат его Треур. И прия Рюрик власть в Руси обою брата и розда грады людем своим. По тем градом суть первии насельницы: в Киеве варязи, в Новегороде словяне, в Полотце кривичи, в Ростове меря, на Белеозере весь, в Муроме мурома; тожде теми всеми обладаше Рюрик. И беста у него два мужа: Аскольд и Дир, не племени его, ни болярина, и испросистася у него та итти ко Царюграду с родом своим. И поидоста по Днепру и узреста на горе градок |л. 18| мал и впрошаста: “Чий есть градок сий?” И реша им ту сущий: “Были суть три браты: Кий, Щок и Хорив, и тии зделаша сий градок и изгибоша; мы же седим, платячи дань родом их козаром”. Аскольд же и Дир седоста во граде том, и многия варяги совокуписта, и начата владети Полянскою землею, и беша ратнии с древляны и с уличи ь). Рюрику же княжащу в Новегороде и роди сын, и нарече имя ему Игорь. Возрастъшу же ему и бысть храбр и мудр. И бысть у него воевода имянем Олег, муж мудр и храбр. В лето 6374 бысть во царех царь именем Михаил и мати Феодора, иже проповедаша поклонение святым иконам в 1 неделю поста. О сем убо увидехом, |л. 18 об.| яко при сем цари приходиша Русь, на Царьград; яко же пишетца в летописании гречестем, в 14 лето Михаила царя приде Аскольд и Дир на Греки ко Царюграду. Царю же отшедшу на Агаряны воевати и дошедшу ему Черные реки, весть посла епарх к нему, яко Русь идет на Царьград, и воротися царь. Сий же внутрь Сюду вшедше, много убиства сотвориша християном и обступиша Царьград в двусту караблей. Царь же едва вниде во град и с патриархом Фотеием прииде к сущей церкви святей Богородицы Влахерне, и всю нощь молитву сотворив, та же и святую божественную ризу святыя богородица с песньми и слезами омочи в мори. Бе бо укротилося море и тихо бысть, и абие воста буре с ветром и волнам великим засобствовавшим, |л. 19| и разби карабля, и смяте безбожных рус, и ко брегу . приверже, и иныя избита; и мало их от таковыя беды избегнут и всвояси с побездением возвратишася. И Аскольд и Дир вмале приидоша к Киеву. В лето 6387 крещена бысть земля Болгарская. Того же лета умре Рюрик, кнежив лет 17, и предаст кнежение свое Ольгови, понеже от рода своево ему суща, и въдаст ему сын свой на руце Игоря малово, бе бо детеск вельми. В лето 6376 нача царьствовати Василей Македоненин лет 18 и месяц 11. При сем трус бысть в Цареграде 40 дней, почен на святаго Полиекта. Первый великий князь в Руси Рюрик. А от перваго лета Михайлова до перваго лета Ольгова, русково князя, лет 29. В лето 6390 поиде |л. 19 об.| Олег, поимя Игоря, из Новаграда къ Киеву и ирииде к Смоленску, и прия град, и посади в нем мужи своя. Княжение Ольгово. И седе Олег княжа в Киеве, и рече “Се буди мати э) всем градовом руским”. И обладаша всю Рускую землю и беша у него мужи варязи, словяне, и от того прозвашася прочи русию. Сий же Олег нача грады ставити и дани устави по всей земли Руской: словяном и кривичем, и мерям, дань даяти варягом, от Новагорода 300 гривен на лето мира для, еже даваше ю) варягом до смерти Ярославли. И многи ины страны притяжа к Рустей земли и дани возложи на ня. В лето 6391 иде Олег на древляне и на северы и возложи на них дань легку по черне куне. _________ ы) В рукописи книзех. ь) В рукописи с с угличи. э) В рукописи милости. ю) В рукописи не надаваше.
-36- В лето 6392 иде Олег на северене и возложи на них |л. 20| дань легку, и не даст их козаром, и рече им: “Дайте мне”. И даша Олгови по щлягу, яко же козаром даяху. В лето 6406 идоша угри мимо Киев горою, еже ся зовет Угорское, и пришедша к Днепру сташа вежами, беша бо ходяще, яко и половцы. И пришедша от востока и устремишася через горы великия я), их прозвашася горы я) Угорския, и почаша воевати на живущая ту. Седяху бо ту преже словяне, и волохове переяша землю Волынскую. По сем же угри прогнаша волохи и наследиша землю ту, и седоша с словенами, и покориша их под ся, и оттоле прозваша земля Угорская. И начата воевати угры на Греки и полониша землю Фряческую и Македонскую, даждь и до Селуня. И начата воевати на Мораву, |л. 20 об.| на Чехи. Бе бо а) един язык словенеск: словенеже седяху по Дунаю, их же прияша угри и морава, и чеси, и ляхове, и поляне, яже ныне зовомая Русь. Сим бо первие положены книги мораве, яже прозвася грамота словенская. Тая же грамота есть в Руси и в Болгорех дунайска. Словяном бо живущим крещеным, князи их Ростислав, Святополк и Кочел послаша ко царю Михаилу, глаголюще: “Земля наша крещена и несть у нас учителя, иже бы нас научили и наказали и протолковали святыя книги. Не разумеем бо ни греческому языку, ни латынскому, они бо ны инако учат, а друзии инако. Тем же не разумеем книжнаго разума, ни учения их, ни силы их. Да пошлете ны учители, иже могут нам сказати книжная словеса |л. 21| и разум их”. Се слышав царь Михаил, созва философы вся и сказа им речи вся словенских князя. И рекоша философы: “Есть муж в Селуни именем Лев и суть у него сынове разумливи языку словенску и хитра два сына а) у него философа”. Се слышав царь, посла по ня в Селунь ко Львови, глаголя: “Пошли к нам скоро сына своя Мефодия и Констянтина”. Се слышав Лев, вскоре посла я. И приидоста скоро ко цареви, и рече има царь: “Се прислалася ко мне Словенская земля, просяще учителя к себе, иже бы могл им святыя книги истолковати, сего бо желают. И умолена быста царем и послаша в Словенскую землю к Ростиславу и Святополку и Кчелови. Сима же пришедшима и начата составляти писмена азбуковна |л. 21 об.| словенский и преложиста Апостол и Еуангилие. И ради быша словяне, яко слышаша величия божия своим языком. По сем же преложиста Псалтырь и Охтаики и прочая книги. Неции же начата хулити словенския книги, глаголюще яко: “Не достоит никоторому же языку имети азбуков своих, развее евреи, и греки, и латыны по Пилатову писанию, еже на кресте господни написа”. Се же слышав папеж римский, похули тех, иже ропщут на книги словенския, река: “Да ся исполнит книжное слово, яко да восхвалят вси бога истиннаго! Второе же: вси возглаголют языки различными величия божия, яко же даст святый дух вещати. Да аще хто хулит словенскую грамоту, да будет отлучен от церкви, дондеже исправятца! Тии бо суть волцы, а не овцы, яже достоит |л. 22| от плод познати я и хранитися их. Вы же чада божия, послушайте учения и не отрините наказания церковнаго, яко же вас наказал Мефодий, учитель ваш”. Костянтин же возвратися вспять, иде учити болгорска языка. А Мефодий оста в Мораве. О преложении книг греческих на словенский язык. По сем же Колоч князь постави епископом в Панонии на столе святаго апостола Андронника, единаго от седмидесят, ученика святаго апостола Павла. Мефодий же посади скоро два попа скорописца, преложи вся книги исполнь от греческа языка на словенский язык шестью месецы, начен от марта месяца до 12 и 6 день октомврия месяца. |л. 22 об.| Окончав же достойну хвалу и славу богу, воздающему таковую благадать епискупу Мефодию, настольникову Андронникову. Тем же словенску языку учитель был апостол Андронник, в Моравы бо ходил апостол Павел, ту бо веща словены первие. Тем же словенску языку учитель есть Павел, от него же языка и мы есмь русь, тем же и нам, руси, учитель есть Павел, понеже учил есть язык словенеск и поставил епискупа и наместьника по себе Андронника словенску языку. А словенеск язык и руский един есть, от варяг бо приидоша и прозвашася русию, а первое беша словени. Аще и поляня прозвахуся, но словенская речь бе; поляне |л. 23| же прозвахуся, занеже в поле седяху, а язык словенеск бе им един. В лето 6410 Леон царь ная угры и иде на Болгоры. Угры же, нашедше, всю землю Болгарскую пленяху. Семион же, увидев, с болгары на Угры возвратися. И угры противо сташа и победита болгары, едва Семион в Дересть б) убежа. В лето 6411 Игореви же возрастшу и хожаше по Олзе, и слушаше его, и приведоша ему жену от Плескова именем Ольгу. Нецыи же глаголют, яко Ольгова дщери бе Ольга. _________ я-я) Написано над строкой более светлыми чернилами. а) Написано над строкой. б) В рукописи Бересть.
-37- О князе Ольге, како ходил къ Царюграду. В лето 6415 иде Олег на Греки, а Игоря остави в Киеве. Поят же варяг множество и словени, и чюдь, и кривичи, и мерю, и поляны, и северы, и древляне, и радимичи, |л. 23 об.| вятичи, и хорвати, дулебы, и тивирицы, иже суть толковины в). И си звахуся от грек Великая Скифия. Сь сими всеми поиде Олег на конях и в караблех, и бе караблей числом 2000. И приидоша ко Царюграду. И грены затвориша Суд г) и град затвориша. И изыде Олег ис карабля и повеле карабли изврещи на брег. И воева около града и много убивство сотвори греком, и разбита многи полаты, и церкви пожгоша; а еже имаху пленники, овех посекаху, другия мучаху, иныя же разстреляху, а другия в море вметаху, и ина много зла творяще греком русь, елико же ратнии творяху. И повеле Олег воям своим колеса издати и вставити карабли на колеса; бывшу покосну ветру, въспяша парусы, чрез д) поля на колесех идяху ко граду по полю с силою многою. |л. 24| И видевше же грецы и убояшася, выслаша ко Ольгови из града, гла-голюще: “Имем ти ся по дань, яко же хощеши”. И устави Олег вой свои, и вынесоша ему грецы брашно и вино, и не прия его, бе бо устроено со отравою. И убояшася грецы и реша: “Несть се Олег, но богом посланный казнь грех ради наших”. И заповеда Олег дань даяти им на 2000 караблей по 12 гривен на человека, а в карабли по 40 муж. И яшася грецы по се, и почаша грецы просити мира, дабы не воевал Греческия земли. Олег же отступиша помалу от града и начата мир творити царема греческима с Леоном и Александром, посла к ним во град Карла, Фарлофа, Вельмрада, Рулава и Стемида, глаголя им: “Имите ся по дань”. И реша грецы: “Чего хощеши, |л. 24 об.| дам ти”. . Рече же Олег: “Дадите на 2000 караблей по 12 гривен на ключ, и потом даяти уклады на руския грады: на Киев, та же и на Чернигов, и на Переславль, и на Полтеск, и на Ростов, и на Любческ, и на прочая грады”, - по тем градом седяху князья под Ольгом суще, - “да приходяще сребряное емлют, елико хотяще. А иже придет гость, емлет месячное на шесть месец хлебы и вино, и мясо, и рыбы, и овощ; да творят им, елико хотят. Поидучи же русь домов, да емлют у царя вашего брашно и якори и ужа и при и елико надобе”. И е) яшася е) грецы, и реша цари и болярство все: “Аще приидет русь бес купли, да не емлют месячины, да претит князь людем своим приходящим зде руси, |л. 25| да не творят пакости в селех и в стране нашей. Приходяше же русь да витают у святаго Мамы, и послет царьство наше, да испишут имена их, и тогда возьмут месечьное свое, первое от града Киева и паки от Чернигова и Переславля и прочих градов. Да входят во град единеми враты с царевым мужем без оружия муж 50, и да творят куплю, иже надобе им, не платячи вины ни в чем же”. Царь Леон и Александр мир сотвориста со Олегом и имшеся по дань, и роте захотеша межди собою, целовавши сами крест, а Олега и мужи его водиша на роту, по рускому закону кляшася оружием своим и Перуном, богом своим, и Волосом, богом скотиим, и утвердиша мир. |л. 25 об.| И рече Олег: “Исчита парусы паволочиты руси, а словяном кропийныя”. И бысть тако. И повеси щит свой во вратех, показан победу, и поиде от Царяграда. И въспяша русь парусы паволочитыя, а словены кропивныя. И раздра крапивныя ветр. И реша словены: “Имемся своим толстинам, не даны суть словеном”. Прииде Олег къ Киеву и ко Игорю, несы злато и паволоки, и овощ, и вина, и всякое узорочие. И прозваху Олега Вещим, бяху бо людие погании невеигласи. В лета 6419 явися звезда велика на западе копейным образом. В лето 6420 посла Олег построити мира и положити ряд межи Греки и Русью. И посла глаголя: “Равно другаго совещания, бывшего при тех же |л. 26| царех Льва и Александра. Мы же от рода рускаго Карл, Ингельд, Фарлоф, Вельмудр, Рулав, Груды, Руад, Карн, Флелав, Руар, Актеву, Труан, Лиду, Фолкп, Стемид, иже послании от Ольга, великого князя рускаго, и от всех, иже суть под руку его светлых бояр, к вам от Ольгови, Александру и Констянтину, великим о бозе самодержцом царем греческим, на утвержение и на извещение от много лет межди крестияны и Русью бывшую любовь по хотению наших князь и по велению и от всех, иже суть под рукою его сущий Руси. Наша светлость боле иных хотящих о бозе удержати и известити такую любовь, бывшую между крестияны и Русию многажды, право судихом, точию простословесен писанием и клятвою твердо кляшася |л. 26 об.| оружием своим, такую любовь известити и утвердити по вере и по закону нашему. Суть, яко понеже и мы ся имали о бозе, о мире и о любви, глаголы таковыя: по первому убо слову да умиримся с вами, греки, да любим друг друга от всея душа изволения и _________ в) Вторая и четвертая буквы, залиты чернилами. г) В рукописи Куд. д) В рукописи греч. е) В рукописи нашася.
-38- не вдадим, елика наше изволение, быти от сущих под рукою наших князей и светлых никакому же соблазну или вине, но подшимся, елико по силе, на сохранение прочих иных лет с вами, греки, исповеданное написание и клятвою извещаем любовь непревратну и неподвижиму. Тако же и вы, грецы, да храните такую же любовь къ светлым нашим князем руским и ко всем, иже суть под рукою князей наших, несоблазнену и непреложну в ыну и во вся лета. И о главах, иже ся лучит |л. 27| проказа, и урядим ся сице: да елико яве будет показании явленными, да имем верно о тацех явлении; а ему же начнут не яти веры, да егда кленемся по своей вере, будет казнь, яко же явитца согрешение. О сем, аще кто убиет русин крестьянина или християнин русина, да умрет, иде же аще сотворит убийство. Аще ли есть домовит, да часть его, сиречь иже его будет по закону, да возьмет ближний убиеннаго, а и жена убившаго да имет, толми же пребудет по закону. Аще ли безоименен будет сотворивый убивство и убежав, да держитца тяжи, дондеже обрящетца, яко да умрет. Аще ударит мечем или биет кацем, либо ссудой, за то ударение или убиение |л. 27 об.| да вдаст пять литр сребра по закону рускому. Аще ли будет не имовит тако сотворивый, да вдаст елико может, да соимет съ себе и тыя самыя порты, в них же ходит, а опроче да роте ходит своею верою, яко же никако же помощи ему иному, да прибывает тяжа оттоле не взыскаема. О сем, аще украдет русин что любо у християнина или паки християнин у русина, и ят будет в том часе тать, егда ё) татьбу сотворит, от погубившаго что, любо аще приготовитца татьбу творя, и убиен будет, да не взыщетца смерть его ни от християн, ни от руси, но паче убо да возмет свое, еже будет погубит. Аще даст в руце украдый, да ят будет тем, у него же будет украдено, и связан будет, да отдаст то, иже |л. 28| сме створити. Или русин християнину или християнин русину мучения образом искус творит, насилие яве возьмет что либо дружне, да возвратит трижды. Аще ли вержена будет лодия на землю чюжду ветром и обрящетца тамо иже от нас, руси, да аще стоит снабдети ладиею с рухлом своим, и отослати паки на землю християнскую, да проводив ю с кем всяко место страшно; аще ли таковая ладия или от буря или боронения земнаго боронима, не может возвратися во своя места, сподтружаемся гребцом тоя лодия мы, русь, да провадим и с куплею их поздорову. Аще что случится близ Греческия земля, тако же проказа лодье руской, да проводят ю в Рускую землю и да |л. 28 об.| продают рухло тое лодии, аще что может продати от лодей, и лодия вволочим и мы в Русь. Да егда ё) ходим въ Греки или послом къ цареви вашему, или с куплею, да пустим и с честию проданое рухло людей их. Аще ли ключитца кому от тое лодии убиену быти от нас, руси, или взяту быти чему любо, да повинни будут то сотворшеи от тое руси предреченною опитимиею. О ё-1) тех, аще пленник обою страну держим есть от руси или от грек продан во ину страну, ци обрящетца русин или греченин, да ж) искупят ж) и возвратят искупное в свою страну, и возьмут цену его купящей или мънится в куплю над нь челяди цена. Тако же аще от рати ят будет да будет от тех грек, тако же да возвратится в свою |л. 29| землю и да отдана будет цена его, яко же реченно бысть, яко же есть купля его. Да же будет на войну пойти, егда потребу творите, и сии хотя почтити царя вашего своею волею, да з) будет. От русии племени многажды от коея убо страны пришедшим в Русь и продаемом въ християны, аще от християн плененых многожды от коея любо страны приходящим в Русь: се продаеми бывают по 20 злата, придут в Греки. О том, аще украден будет челядин руский или ускочит или по нужди продан будет, а жаловатися почнут русь, тако покажет ся тако от челядина, да поймут руси. И гость аще погубит челядина и вжалует, да ищут; обретше, поймут и. |л. 29 об.| Аще ли кто искушения того не даст сотворити, местник губит правду свою. О работающих в Грецех руси у християнскаго царя: аще кто умрет, не урядив своево имения к малым ближникам в Русь, да возвратить имения, аще своих не имать. Аще сотворит ображение, да таковы возьмет уряженное его, кому будет писал наследити имения, да наследит е от взимающих куплю руси от различных ходящих въ Греки и удолжающих. Аще злодей [не] възратится в Русь, да жалуется русь християнскому царю, и ят будет таковый, возвращен не хотя в Русь. Сий же вся да творят русь греком, иде же аще ключится таковое. На утвержение и неподвижно быти между християны, вами, |л. 30| и Русью, бывши мир сотворихом Иоан новым писанием на двою харатию царя вашего своею рукою предлежащим чесным крестом и святою единосущною троицею истиннаго бога нашего извести и даси нашим словом; мы же кляхомся ко царю нашему, иже от бога сущее к божию зданию по закону и по покону языка нашего, не при-ступати ни нам, ни иному от страны нашея от уставленных глав мира и любве. Таковое написание _________ ё) В рукописи его да. ё-1) В рукописи От. ж-ж) В рукописи или грипять. з) В рукописи ду.
-39- дахом царства вашего на и) удержание и) обаему пребывати таковому совещанию на утвержение межди нами бывшего мира месеца сентября от создания миру в лето 6420”. |л. 30 об.| Царь Леон послы руския почти дары, златом и паволоками и фофудиями, и пристави к ним й) мужи своя показати церковную красоту и полаты златыя, и в них же сущее богатество, злато многое и паволоки и камение драгое, ещо же и чюдеса бога своего и страсти господни, венец, и гвоздия, и хламиду багряную, мощи святых, учаща я к вере своей и показавше им истинную православную веру; и тако отпусти к) я во свою землю с честию великою. Послании же Ольгом послы приидоша ко Ольгови исповедаша вся речи обою царю, како сотвориша мир и уряд положиша между Рускою землею |л. 31| и Греческою, и клятвы не преступи ни греком, ни руси. И живяше Олег, мир имея ко всем странам, кнежа в Киеве. О смерти Олгове. И приспе осень, помяну Олег конь свой, иже бе поставил кормити и не вседати на нь. Бе бо въпреди вопрошал волхвов и кудесник: “От чего ми умрети?” И рече един кудесник к нему: “Княже! Есть у тебя конь, его же ты любиши ездити на нем, то от того тебе смерть прияти”. Олег же приим во уме сию речь: “Николи же всяду на нь, ни вижу его боле того”. И повеле кормити и не водити к нему. И пребыв неколико лет не дея его, дондеже и в Греки поиде. И пришедшу ему от Грек |л. 31 об.| къ Киеву, пребывшу ему 4 лета, а на пятое лето помяну конь свой, от него же ему бяху волсви рекли умрети. И призва старийшину конюхов и рече: “Где есть конь мой? Понеже бех поставил кормити и блюсти его, не ездити на нем и не приводити его пред ся”. Он же рече: “Умерл есть”. Олег же посмеяся и умори кудесника, рече: “То неправо глаголют волсви, но все лъжа есть: конь умерл, а я жив есть”. И повеле оседлати себе конь, рече: “Да вижду кости его”. И прииде на место, иде же кости того коня и лоб гол, и сседе с коня, и посмеяся, рече: “От сего ли сухого лъба смерть придет мне? И въступи ногою на лоб, и выникнувше змия |л. 32| и уклюну и в ногу. И с того разболеся князь Олег и умре. И плакашеся людие вси плачем великим, несоша и погребоша и на горе, зовомой Щековица. И есть могила та и до сего дни, словет могила Олегова. И бысть всех лет кнежения его 33. Княжив Олег 33 лета, и по нем поча княжити Игорь Рюрикович. До зде конец кнежения великого князя Олега, сему тако бывшу.Начало кнежения великого князя Игоря Рюриковича, всеа Русии самодерсца. В лето 6421 поча кнежити великий князь Игорь Рюриковичь по Олеге. В се время нача царьствовати Костянтин, сын Леонов, зять Романов. И древляне затворишася от Игоря по Оле|л. 32 об.|говой смерти. В лето 6422 иде Игорь на древляны и победи я. И възложи на них Игорь дань и вдаст Свентелду. И вне вдадяшеся един град именем Пересечен, и седе около его 3 лета и едва взя и. И беша седящеи углецы по Днепру вниз, и по сем приидоша вой Днестр и седоша тамо. И даст же Игорь и дань деревскую Свентелду л), имаше же по черне куне от дыма. И реша дружина Игореви: “Се дал еси единому мужеви много”. По сем же скажем во приключшихся летех. В лето 6423 приидоша печенези первое на Русь, сотворше мир со Игорем и придоша к Дунаю. В си времена приде Симион, пленя Ефракию. |л. 33| Грецы же послаша по печенеги. Печенегом же пришедшим, хотящим м) на Семиона, и разсваришася греческия воеводы. Видевше же печенези, яко сами на ся рать имут, отъидоша всвояси. А болгоры ступишася зъ греки, и посечени быша грецы. Семион же при Андреяне, еже древле Орестов град нарицаетца, сына Агагемня, иже в тех реках древле купаяся, недуга избыв, ту сего града да во свое имя нарече. Последи же Андреян царь обновив и в свое имя нарече Андреян, мы же речем Андреянем градом. В лето 6428 поставлен бысть Роман царем в Грецех Костянтином царем |л. 33 об.| и Николою патриархом. Игорь же воеваше на печенеги. В лето 6437 прииде Семион болгарский на Царьград и поплени Фракию и Македонию, прииде ко Царюграду в силе велице, гордяся, и сотвори мир с Романом царем, и возвратися всвояси. В лето 6442 первое приидоша угри на Царьград и пленяху всю Фракию. Роман же со угры сотвори н) мир н). В лето 6449 иде Игорь на Греки. И послаша болгоре весть ко царю, яко идут русь на Царьград людей 10 000, глаголемых от рода варяжска сущим. Иже приидоша и плыша июня въ 10 день, и почаша воевати Финическия страны, и пленеваху по Понту и до Раклия, и до Фафлангонския _________ и-и) В рукописи не удержанное. й) В рукописи нам. к) В рукописи отступи. л) В рукописи Светенлду. м) Написано дважды. н-н) Написано над строкой.
-40- земля, |л. 34| и всю страну Никомидийскую попленивше. Много же зло сотворища русь, прежде дажде греческим воеводам не приспевшим, тогда и Суды вся пожгоша огнем, а их же имше пленники, то всех растинаху, иных к земле присекаху, другия же, яко стража, воставляху, стрелами стреляюще, елико ратнии творяху и изламаху, опако руце связавше и гвозди железны посреди глав вбиваху. И много же святых церквей огневи предаша, манастыри и села пожгоша и имения немало обою страну взяша. Потом же пришедшим воеводам от востока Панфил деместник съ 40-ю тысящь, Фока же патрекей с македоняны, Феодор стратилат съ фряки, с ни|л. 34 об.|ми же и сановницы болярстии. И обыдоша русь около. И совещася русь и изыдоша вооружившеся на греки. И брани межди ими бывши зле, егда одолевше грецы. Русь же возвратишася ко дружине своей и к вечеру, нощию же, влезша в ладия и отбегоша. Роман же посла на дромоны, елико бяху в Констянтине граде, с Феофаном патрекеием на русь. Феофан же лодейныя воя преж урядив и уготовив, потом же слезами себе утвердив, руси ожидая в лодиях, хотя на ня итти ис крестна, глаголемаго фара, стражница, вжег огнь, влагает на просвещение в нощи; се на усть Понта стражу дея, зане ту частое разбойничество, на стра|л. 35|ны нагънания, их же изби Иракли. Ту дожда полка руских, лодия разруши и устроенном огнем позже, устрете бо я в лядех со огнем и пущати нача трубами огнем на лодьи руския. И бысть видети страшно чюдо. Русь же видевше пламены и вметахуся в воду морскую, хотяще обрести, и мнози погибоша. И тако прочи возвратишася на побег восвояси. Тем же пришедшим в землю свою поведаху кождо своим о бывшем и о вляднем огне: “Яко же молния, - рече, - иже на небесех, грецы имут у себя и пущающе жгут нас, и сего не одолехом им”. Игорь же пришед нача вой совокупляти многи, посла по варязи за море вабя их на Греки, |л. 35 об.| и паки хотя пойти на Греки. В лето 6450 положен бысть пояс пречистыя владычицы нашия богородицы в Халкопратии, принесен бысть от епископа Зилы въ царьствуищий град. В лето 6452 н-1) Семион иде на хорваты, и побежден бысть хорваты, и умре, оставив по себе сына своего Петра князя болгаром. Того же лета родися Святослав у Игоря. В лето 6451 паки приидоша болгары на Царьград и мир сотвориша с Романом, возвратишася въсвояси. В лето 6452 Игорь совокупи вой многи: варяги, русь, поляны, и словены, и кривичи, и вятичи, и тивирици, и печенеги ная и тали у них |л. 36| пойма; и поиде на Греки в лодиях и на конех, хотя сомъстити себе. Се слышавше корсунцы, послаша к Роману, глаголюще: “Се идут русь, без числа караблей, покрыли суть море”. Тако же и болгоре послаша весть, глаголюще: “Идут русь и наяли суть себе печенеги”. Се слышав царь, посла ко Игорю лутшие боляре, моля и глаголя: “Не ходи, но возьми дань, еже имал Олег, и придам еще к той дани тако же”. И к печенегом посла паволоки и злата много. Игорь же дошед до Дуная, созва боляры своя и нача думати, и поведа им речь цареву. Реша же боляре Игореви: “Да аще се глаголет царь, почто хощем боле того, не бившеся имати злато и сребро |л. 36 об.| и паволоки? Егъда вем, хто одолеет, мы ли, они ли или с морем кто советен? Се бо не по земли ходим, но по глубине морстей: объща же смерть всем”. И послуша их Игорь и повеле печенегом воевати Болгарскую землю, а сам взем у грек паволоки и злато и на вся своя воя и возвратися вспять, и прииде къ Киеву восвояси. В лето 6453 присла Роман и Констянтин и Стефан послы ко Игорю построити мира перваго. И глагола Игорь с ними о мире. И посла Игорь боляря своя к Роману. Роман же созва своя бояре и сановники и повелеша руским послом глаголати и писати их обоих речи на хортию. Игоревы послы Ивор и гостие |л. 37| Вуефаст Святославль, сына Игорева, Искусевы Ольги княине, и глагола послы: “Великий князь Игорь Рюрикович и его бояре и все люди рустии послаша нас к великим царям греческим сотворити любовь съ самеми царьми и со всеми людьми на вся лета, дондеже сияет солнце и весь мир стоит. А иже помыслит от страны Руской разрушить такую любовь, да приимет месть от бога вседержителя. А великий князь руский и боляре его да посылают в Греки послы своя къ великим царем греческим и з гостьми, яко же уставлено, ношаху печати послы златые, а гости серебряные. Ныне же уведал князь нага посылати грамоту къ царьству |л. 37 об.| вашему, а иже посылаеми бывают от вас послы и гостие, да приносят грамоту, пишуще сице: _________ н-1) Так в рукописи. В Воскресенской летописи и Повести временных лет 6450 (ПСРЛ, т. VII, с. 278; Повесть временных лет, ч. 1, с. 33).
-41- послахом караблей селико, и от тех да увемыи; аще ли без грамоты придут, изыманы будут и храними, дондеже известим великому князю; аще ли противятца, убиени будут. Посланнии же послы приидоша ко Игорю з греческими послы. Игорь же послы греческия иризва, рече: “Глаголите вы: что есть царево слово”. И реша послы: “Се послал ны царь, радуется миру, хощет с тобою имети мир и любовь. Твои послы водили наших царей ко кресту, и цари наши послаша нас роте водите тебе и бояр твоих”. |л. 38| И наутрее иде Игорь на холм, иде же стоит Перун, и покладоша оружия, щиты и злато. И ход[и] Игорь роте и мужи его и елико поганых русей, а християнскую русь водиша ко кресту в церькви святаго Илии. Игорь же утвердився, отпусти послы к цареви и с войском. Послы же поведав цареви и греком мир и любовь со Игорем. Игорь же нача княжити в Киеве, имея любовь и мир ко всем странам. О убиение великого князя рускаго Игоря Рюриковича. В лето 6453 рекоша дружина Игореви, вой его, глаголюще: “Отроцы Свентелжи изоделишися со оружием и порты, |л. 38 об.| а мы нази. Пойди, княже, в дань, а мы с тобою, да ты, господине, добудеши и мы”. И послуша их Игорь и иде в Дерева в дань. И примышляше к первой дани, и насилие творяше им и боляре его. И взем дань, поиде во град свой. Идущу же ему вспять, измыслив, рече боляром своим: “Идете з данию во град, аз возвращуся опять”. А боляре свои отпусти, и поиде Игорь вмале на Древляны же желая большаго имения. И слышавше древляне, яко опять придет, и здумавше со князем своим Малом: “Аще ввадится волк в овцы, та выносит все стадо, аще не убиют его; тако и сей, аще не убием его, всех нас погубит”. И послаша к нему, глаголюще: |л. 39| “Почто идеши опять? Поймал еси дань свою”. И не послуша их Игорь. И вышедши из города ис Коростеня древляне и убиша великого князя Игоря Рюриковича рускаго и кто бе с ним, мало бо их было. И погребен бысть Игорь, и есть могила его у Коростеня града въ Деревех и до сего дни. Вторый великий князь руский Игорь Рюрикович княжив лета 33. Княжение великие кнегини Ольги руские мудрые. Ольга же бяше в Киеве съ сыном своим Святославом Игоревичем, бе бо ещо млад, и дядька у него Асмуд и воевода бе у него Свентелд, то же де отец Мстишин. Реша же древляне: “Се князя убихом рускаго, поем кнегиню его |л. 39 об.| за свой князя Мала и сына ея княжича Святослава Игоревича с нею возьмем и сотворим ему, яко же хощем”. И послаша древляне лутчии мужи числом 20 в лодии ко Ольге. И присташа под [Бо]ричевым о), бе бо тогда вода текущи возле горы Киевские и на Подоле не седяху людие, но на горе. Град же бе Киев, иде же ныне двор Городятин и Никифоров, а двор княж бяше в городе, иде же есть ныне двор Воротиславль и Чюден. А перевесище бяше вне града. И бе вне града другий двор, иде же есть двор доместиков за святою Богородицою; над горою двор теремный, бе бо ту терем камен. И поведаша Ользе, яко древляне приидоша. И возва я |л. 40| Ольга к себе и рече: “Добре гостие приидоша?” Древляне же рекоша: “Приидохом, княгини”. И рече има Ольга: “Да глаголите, что ради приидоста семо?” Древляне же реша: “Посла нас Деревская земля, рекущи сице: мужа твоево убихом, бяше бо муж твой, яко волк, возхищая и грабя, а наши князи добри суть, иже разделиша землю Деревскую. Да пойди за князя наша за Мала”; бе бо имя ему Мал. Рече же има Ольга: “Люба ми есть речь вашя, ужа мне мужа свеево не воскресити, но хощу вы заутра почтити пред людьми своими, а ныне идете вы в лодию свою и лязите в лодию, величающеся, и аз по вы послю, и вы же рецете: не идем ни на конех, ни пеши, но поне|л. 40 об.|сите ны в лодии; и вознесут вы в лодии”. И отпусти я в лодию. Ольга же новеле ископати яму велику и п) глубоку п) на дворе теремском вне града. И заутра Ольга седяше в тереме, посла по р) гости. Идоша по них, глаголюще: “Зовет вы Ольга на честь велику”. Они же реша: “Пеши не идем ни на конех, но понесите ны в лодии”. И рекше кия[не] с): “Нам неволя; князь наш убиен, а княгиня наша хощет за ваш князь”. И понесоша их в лодии. Они же седяху, гордящеся, в перегбех в великих сустугах. И принесоша их въ яму с лодиею. Они же реша: “Пущи ны Игоревы смерти”. И повеле засыпати их живых, и посыпаша я. И посла Ольга к древляном, рече им: “Да аще вы |л. 41| просите мене право, то прислите семо мужи нарочиты, да в велице чести пойду за ваш князь, цы да не пустят мя людие киевстии”. Се слышавше древляне, избраша нарочитых людей 50 мужей, иже держаху Деревскую землю, и послаша по Ольгу. Древляном же пришедшим, повеле Ольга мов сотворити, рекучи сице: “Измывшеся, приидите ко мне”. Они же сотвориша мов, и влезоша древляне и начата мы- _________ о) В рукописи Ричевым. п-п) Написано дважды. р) Написано над строкой. с) В рукописи не не дописано.
-42- тися. И запроша с ними мов, и повеле Ольга зажещи их, и ту згореша вси. И посла къ древляном, сице рекуще: “Се уже иду, иду к вам, да пристройте меды многи у града, иде же убисте мужа моего, да плачюся над гробом |л. 41 об.| его и сотворю трызну князю своему”. Они же пославше, свезоша меды многи зело и взратишася с-1). Ольга же поимше мало боляр своих, легко идущи, прииде къ гробу своего князя и плакася по нем плачем великим. И повеле Ольга над своим мужем великим князем Игорем Рюриковичем могилу сыпати велику и, яко съсыпаша, повеле трызну творити. По сем седоша пити древляне, и повеле Ольга отроком служити пред ними. И реша древляне ко Ользе: “Где суть дружина наша, их же послахом по тебе?” Она же рече: “Идут з боляры мужа моего”. И, яко упившися древляне, повеле Ольга отроком пити с ними, а сама отъиде кроме и повеле слугам |л. 42| сещи древлян; и посекоша их 5 тысящ. Ольга возвратися хъ Киеву и пристрой воя на останок их. Зачало т) княжения великаго князя т) Святослава Игоревича. В лето 6454 великая кнеини Ольга съ сыном своим великим князем Святославом Игоревичем собра вой многи и храбры, иде на Деревскую землю. И изыдоша древляне против. И снемшеся обоим и полком на ступль. И сунув копией Святослав на древляны, и копие лете сквозе уши коневи и удари в ноги коневы, бе бо детеск. И рече Свентелд и Асмуд: “Князь уже почал, потягнем по князе”. И побего|л. 42 об.|ша древляне и затворишася во градех своих. Ольга же устремися съ сыном Святославом на Коростень град, яко тии бяху убили князя ее. И седе около града съ сыном у) своим, а древляне затворишася во граде и бияхуся крепко из града, ведяху бо, яко сами убили князя и на то ся предали. И стояше Ольга лето и не може взяти града, и умысли сице: посла ко граду, глаголюще: “Что хощете досидети? А вси гради ваши предашася мне, и ялися по дань, и делают нивы земля своея, а вы хощете измрети гладом, не имущеся по дань”. Древляне же рекоша: “Ради ся быхом яли по дань, но хощеши мъщати князя своего”. Рече има Ольга яко: “Аз уже мъстила князя |л. 43| своего, когда приидоша х Киеву 1-е и 2-е и 3-е, когда твориху трызну князю своему, и уже не хощу мъщати, но хощу дани имати помалу и, смирившеся с вами, пойду прочь”. Рекоша же древляне: “Что у нас хощеши? Ради даем медом и скорою”. Она же рече ны: “Не у вас несть ни меду, ни скоры, но мало у вас прошу ф): дайте ми от двора по три голуби и по три воробии. Аз бо не хощу тяжкия дани возложити на вы, яко же князь мой, но сего у вас прошу мало, вы бо есте изнемогли во осаде”. Древляне же ради быша, собраша по всему граду от двора по три голуби ф-1) и по три воробии и послаша к Ользе с челобитием. Ольга же рече им: “Се уже покорилися естя мне и моему сыну |л. 43 об.| и идете во град, аз заутра отступлю от града и пойду к своему граду”. И древляне же ради быша, внидоша во град и поведаша людем, и обрадовашася вси людие во граде. Ольга же раздан по голуби комуждо своим, а иным по воробию, и повеле комуждо голуби и к воробьеви привязывати серу со огнем, ввивающи нитию с платием. И повеле Ольга, яко смерчеся, пустити голуби и воробии воем своим. Голуби же и воробии полетеша во гнезда своя, овии в голубницы, воробьеви же под застрехи; и тако возгорахуся голубницы, ово клети и вежи и одрины, и не бе двора, ни храмины, иде же не горяше, и не бе льзе угасити, все возгореся. |л. 44| И побегоша людие из града. И повеле Ольга воем своим имати я. И позже град, и старийшии града, прочий же людие изнимаша, овех избиша, а иных воем своим работе предал, а останок их на дань остави. И возложи дань тяжку, и 2 части бе та къ Киеву, а 3-я къ Вышегороду ко Ольге; бе бо Вышегород Ольгин. Иде Ольга по Деревской земле съ сыном своим великим князем Святославом и с вой своими, уставливаючи уставы и уроки; и суть становища ея и ловища ея. И приде во град свой Киев съ сыном своим великим князем Святославом Игоревичем, и пребывше лето едино. В лето 6455 иде Ольга к Новугороду и устави по М|л. 44 об.|сте погосты и дани и по Ладозе дани и оброки; и ловища ея суть по всей земли, знамения и места, и погосты, и сани ея стоят во Пскове, и по Днепру перевесища и села, и по Десне есть села Ольгины и до сего дне. Изрядивши, возвратися к сыну своему в Киев и пребываше с ним въ любви. Крещение Ольгино, великия княгини руския, во Цареграде. В лето 6463 иде Ольга в Греки и приде къ Царюграду. И бе тогда царь Иван именем, рекомый Чемыки, и прииде Ольга к нему. И видев ю добру сущу лицем и смыслену, и удивися царь разуму ея, беседовав к ней и рече ей: _________ с-1) Так в рукописи, в выносное. В Воскресенской летописи возваривше (ПСРЛ, т. VII, с. 284); в Повести временных лет възвариша (Повесть временных лет, ч. 1, с. 41). т-т) Написано вязью. у) В рукописи сым. ф) В рукописи прушу. ф-1) В рукописи голиби.
-43- “Подобна еси царьствовати во граде сем с нами”. |л. 45| Она же разумевше, рече къ цареви: “Аз погана есмь, да аще мя хощеши крестити, то мя крести сам; аще ли не крестиши мя, то не крещуся”. И крести ю сам с патриархом, и просвещена бывши, радовашеся душею и телом. И поучив ю патриарх о вере, рече ей: “Благословена ты в женах руских, яко возлюби свет, а тьму остави. Благословити тя имут сынове рустии в последний род внук твоих”. И заповеда ей о церковном чину и о молитве, и о посте, и о милостыни, и о воздержании тела чистоты. Она же поклоншу главу, стояше, яко губа напояема, внимающи учение; |л. 45 об.| поклонившеся патриарху, глаголюще: “Молитвами твоими, владыко, да сохранена буду от сети неприязнены”. Бе же наречено имя ей в крещении Елена, яко же и древняя царица, мати великаго царя Констянтина. И благослови ю патриарх и отпусти ю. И по крещении и возва ю х) царь и рече ей: “Хощу тя пояти жену себе”. Она же рече: “Како хощеши поняти мя жену себе, крестив мя сам и нарече мя дщерию? А в християнех того несть закона, а ты сам веси”. И рече ей царь: “Обольстила мя еси Ольга”. И въда ей многи дары, злато и сребро, и паволоки, и сосуды различныя, и отпусти ю, |л. 46| нарек ю себе дщерию. Она же отходя и въсвояси и прииде к патриарху, благословения просяще на дом, и рече ему: “Людие мои погании и сын мой, дабы мя бог соблюл от всякого зла”. И рече патриарх: “Чадо мое верное! Во Христа крестилася еси и во Христа облечеся, Христос тя сохранити имать, яко же сохрани Еноха первыя роды и потом же Ноя в ковчезе и Авраама от Авимелеха, Лота от содомлян, Моисея от фараона, Давыда от Саула, трие отроцы в пещи, Данила от зверий, тако и тебе избавит от неприязни и от зверей”. И благослови ю |л. 46 об.| патриарх, и иде с миром в свою землю. Пришедши же ей къ Киеву, и приела к ней царь греческий, глаголя яко: “Много дарих тя, ты бо глаголаше мне: аще возвращуся в Русь, многи дары пришлю ти: челядь и воск и скору, вою на помощь”. Рече Ольга послом: “Аще ли ты, царю, хощеши от мене даров, такожде постоиши у меня в Почайне, яко же аз в Суду, тогда ти дам”. И отпусти послы, се рекъше. Живяше же Ольга съ сыном своим Святославом и учаше его креститися. Он же не брежаше того, ни в уши внимаше; |л. 47| аще кто волею креститца, не браняху, но ругахуся тому, неверным бо вера християнская юродство есть. Ольга же часто глаголаше: “Аз, сыну мой, бога познах, радуюся; аще ты познаеши, радовати же ся начнеши”. Он же не внимаше того: “Как аз ин закон прииму, а дружина моя смеятися начнет”. Она же рече: “Аще ты крестишися, и вси имут то же творити”. Он же не послуша матери, творя нъравы поганския. Но обаче Ольга любляше сына своего, рекуще: “Воля божия да будет; аще бог восхощет помиловати роду и земли Руския, да возложит им на серце обратитися къ богу, яко же и мне |л. 47 об.| дарова бог”. И се рекше, моля за сына и за люди по вся дни и нощи, кормяще сына своего до возраста его. В лето 6472 князю Святославу возрастившу, нача вой совокупляти многи и храбры, бе бо и сам храбр и легок, ходя, яко пардус. И воины многи совокупи, возов по себе не вожаше, ни котла, ни мяса варено, по тонку изрезав конину или зверину, или говядину, на углех испек, ядяше; ни в шатрах не почиваше, но подклад подседельный подстилаше и в главах седло; тако же и прочий вой его вси бяху. И посылаше по |л. 48| странам, глаголя: “Хощу итти на вы”. Иде на реку Оку и на Волгу, и налезе вятичи, и рече: “Кому дань даете?” Они же реша: “Казаром по шляху от рала даем”. В лето 6473 иде Святослав на Козары. Слышавше козары, изыдоша противу со князем своим Коганом. И ступишася обои, и одоле Святослав козаром и град, иже Белую Вежу, взя. И ясы победи и косаги. В лето 6475 победи Святослав вятичи и дань на них положи. Тово же лета иде Святослав на Дунай и на Болгары, и бившимся им обоим. И одоле Святослав |л. 48 об.| и взя градов 80 по Дунаеви, и седе кнежа ту, в Переславцы, емля дань на грецех. В лето 6476 приидоша печенези на Рускую землю, а Святослав бяше в Переславце. И затворишася Ольга съ внуки своими Ярополком и Олегом и Владимером во граде Киеве. И оступиша печенези град въ велице силе. И не бе льзе вылести из града вести послати, и изнемогаху людие гладом и водою. И собравшеся людие оноя страны Днепра в лодиях, об ону страну стояху, и не бе льзе внити в Киев ни из града ко онем. И востужиша людие во граде и реша: “Несть ли кого, и|л. 49|же бы могл на ону страну дойти и рещи им: аще не приступите утре под град, предатися имам печенегом”. И рече един отрок: “Аз прейду”. И изыде из града с уздою и рыскаше сквозь пече- _________ х) В рукописи и выносное.
-44- нези, глаголя: “Не видял ли коня никто же?” Бе бо умея по-печенежски; и мняху и своего. И яко приближися к реце, сверг порты и сунуся въ Днепр и побреде. Видевше же печенези, устремившеся на нь, стреляху его, и не сотвориша ему ничто же. Они же видевше со оноя страны, приехав в лодии и противу ему, и взяша и в лодию, и привезоша к дружине. И рече им посланный отрок: |л. 49 об.| “Аще не подступите утре под град, предатися людие хотят печенегом”. Рече же воевода их именем Претичь: “Подступим заутра в лодиях и подшедгае княгиню и княжну умчим на сю страну; аще ли сего не сотворим, погубити ны имат Святослав”. И бысть заутра, шедше в лодиях противу свету и вструбиша вельми трубами, и людие во граде кликнуша. Печенеги же мнеша князя пришедша, побегоша от града. Изыде же Ольга со внуки своими и с людьми к лодиям. Видевше се князь печенежский и возвратися един к воеводе Претичю и рече: |л. 50| “Кто се прииде?” И отвещавше, рекоша ему: “Людие оноя страны”. И рече ему князь печенежский: “А ты князь ли еси?” Отвещав же воевода: “Аз есмь муж его, пришел есмь в сторожех, а по мне идет князь со множеством вой без числа”. Се же рече, грозя им. Рече же князь печенежский ко Претичю: “Буди ми друг”. Он же рече: “Тако сотворю”. И подаста руку межди собою, и даст князь печенежский Претичю конь, саблю, стрелы. Он же даст ему брони, щит, меч. И отступиша печенези от града. И не бе льзе коня напоити: на Лыбеди печенеги. И послаша кияне ко |л. 50 об.| Святославу, глаголяще: “Ты, княже, чюжие земли ищеши и блюдеши, а свою покинув, мало бо печенези нас не взяши и матерь твою и детей твоих. Аще не поидеши и не оборониши, да паки возьмут. Аще ти не жаль отчины своея, ни матери своей, сущей стары ц), ни детей своих”. И то слышав Святослав, вборзе сяде на коня з боляры своими и прииде хъ Киеву, и целова матерь свою и дети свои, и зжалиси о бывшем от печенег. И собрав воя, прогна печенеги в поле, и бысть мир. О смерти благоверный великий княгини Ольги, нареченныя во святом крещении Елены. |л. 51| В лето 6477 рече Святослав к матери своей и к боляром своим: “Не любо ми есть в Киеве жити, хощу жити в Переславцы въ Дунай ч), яко той есть среди земля моея, яко ту вся благая моя сходятца: от Грек паволоки и злато, и вино, и овощ, изо Угр сребро и кони, из Руси скора и воск, и мед, и челядь”. И рече Ольга: “Видиши мя больну сущу, где хощеши от мене итти?” Бе бо разболелася уже; рече же ему: “Погреб мя, иди, а може хощеши”. И по триех днех умре Ольга, великая княгини руская, нареченная во святом крещении Елена. И плакася сын ее по ней и внуцы ея, и людие вси плакахуся вельми, не|л. 51 об.|соша ю и погребоша на месте, на нем же бе заповедала Ольга и не велела трызны творити над собою, бе бо прозвитера имущи, и той похорони блаженную. Яко денница пред солнцом текущия и яко зоря пред светом, сия бо сиявши, яко луна в нощи в неверных человечех светящися, яко бисер в кале, кальни бо быша грехи, но омовени святым крещением, сияше, омыися куплею святою, совлечеся греховны одежда ветхаго человека Адаама и в новый Адам облечеся, еже есть Христос. Мы же речем к ней: “Радуйся, руское познание к богу, начаток примирения |л. 52| быхом тобою”. Сия первое внидем от Руси въ царьство небесное, сию бо хвалят рустии сынове, яко начальницу, ибо и по смерти за них бога молящи. И прославляют ю вси человецы, видяще ю от мног лет в теле лежащу невреждену, яко же бо и в животе сохрани ю господь блаженную Ольгу, от противника и супостата дияволя, такожде и по смерти тело ее соблюде. В лето 6478 Святослав посади Ярополка в Киеве, а Олега въ Древлянех. В се же время приидоша новгородцы, просяше себе князя: “Аще не пойдете к нам, |л. 52 об.| найдем себе князя и опричь Ярополк и Олег”. И рече Добрыня к навогородцам: “Просите Владимера”. Въладимер бо бе от Малуши, ключьницы Ольгины, сестра же бе Добрынина, отец же бе има Малко, любчанин. И бе Добрыня у[й] Владимера. И реша новгородцы Святославу: “Вдай нам Владимера”. Он же рече: “Вам есть”. И пояша навъгородцы Владимера себе княжити. И иде Владимер з Добрынею, уем ш) своим, к Новугороду. А Святослав иде к Переславцу. |л. 53| О победе Святославли на болъгоры и на греки. В лето 6479 царьствова Василей и Констянтин въ Цареграде. И прииде Святослав в Переславец. И затворишася болгары во граде и излезъша на сечю Святославу. И бысть сеча велика, и одолеху болгары. И рече Святослав воем: “Уже нам пасти зде”. И к вечеру одоле Святослав и взя град копием, и посла к греком, глаголя: “Хощу на вы итъти и взяти ваш град, яко и сей”. И реша грецы: “Не хотим стати, |л. 53 об.| возми дань”. Се же реша грецы, льстяше под русью, глаголя: “Повеждь нам, колико вас”. И рече Святослав: “Десеть тысящ”. И простроиша грецы 100 тысящ на Святослава и не даша дани. И поиде Свя- _________ ц) В рукописи страны. ч) В рукописи Дунфи. ш) В рукописи умъем.
-45- тослав на греки и рече: “Не посрамим Руской земли”. И оступиша русь, и бе сеча велика, и одоле Святослав. И посла греки къ Святославу дары многия и приидоша с поклоны. И посла царь, глаголя: “Возьми дань велию, еже хощеши, и не ходи ко граду”. И вдаша ему |л. 54| дань и дары многия. И возвратись Святослав в Переславец с похвалою великою. И положи Святослав, великий князь, мир и любовь со греческими царьми с Василием и Констянтином до конца веку, яко же николи на страну их, и елико подо властию греческою не хаживать. И кляхся царем греческим: “Да аще хто помыслит на страну вашу, да аз буду противен ему и Русь вся”. И написахом харти сей, своими печатьми |л. 54 об.| запечатьлели. И поиде Святослав и ста зимовать в Белобережии. В лето 6480 поиде Святослав в пороги, зимовав в Белобережии. Нападе на нь князь печенежский, зовомый Куря, и убиша Святослава. И взяша главу его и здела во лбе его чашу, и оковаше лоб его златом, и пияху из него. Свентелд же воевода прииде къ Киеву къ Ярополку. И бысть всех лет Святославлих 28. Третей великий князь Святослав И|л. 55|горевичь княжив лет 18. В лето 6481 нача княжити Ярополк в Киеве. И воевода бе у него Блуд. В лето 6483 ловы деюще Свенътелдичю, зовому Лют, изшед бо ис Киева, гнася по звери в лесе. И узри Олег и рече: “Кто сие?” И реша ему: “Свенътелдичь”. И заехав, уби и, бе бо ловы дея Олег. И в том бысть Ярополку на Ольга ненависть. И молвяше въсегда Ярополъку Свенътелд: |л. 55 об.| “Пойди на брат свой и прими власть его”, хотя отмъстити сына своего. О убиении Ольга князя от брата своего Ярополъка. В лето 6485 поиде Ярополк на Олега, брата своего, на Деревскую землю. И изыде противу ему Олег, ополчився. И ступишася обои, и победи Ярополк Ольга. Побегшу же Ольгу во свой град, рекомый Евручай, и бе мост чрез гроблю ко вратом градным. Теснячися друг друга, спихаху во гроблю, и спехнуша и Ольга с мосту в дебрь людие мнози, и удавиша и людие мнози коньми. И вшед Ярополк во град брата своего Ольгов, прия власть его. |л. 56| И посла искати брата своего, искавше и не обретоша. И рече един древлянин: “Аз видех сопнуша и с мосту”. И посла Ерополк искати брата своего. И влачиша трупия из гробли от утра и до полудни, и налезоша Ольга под струпием, и вынесоша, и положиша и на ковре. И прииде Ярополк и плакася над ним, и рече Свентельду: “Яжь, сего ты еси хотел!” И погребоша Ольга на месте у града Веручего, и есть могила его и до сего дне у Веручего. И прия власть его Ярополк. У Ярополка же жена бе грекыни и бе была преже черницею, бе бо привел отец его Святослав и вда ея за Ярополка красоты ради лица ея. Слышав |л. 56 об.| же Владимер в Новеграде, коя Ярополк уби Ольга, убоявся, бежа за море. А Ярополк в Новегороде посади свои наместник, и бе владея един в Руси. Конец же кнежению последи скажется Ераполкову щ). |л. 58| Начало ъ) княжения великого князя Владимера ъ) Святославича киевского, всея Русии самодержца. В лето 6488 прииде Владимер к Новугороду ы) с варяги и рече наместником Ярополчким: “Идете к брату моему и рците ему: “Владимер грядет на тя, устрой вой свои битися ь)”. И седе в Новегороде. И посла к Рогволоду, полотскому князю. Влодимеру э) же, детеску сущу, еще погану, и бе у него Добрыня, воевода храбр, |л. 58 об.| и се посла к Рогволоду и проси у него дщери Рогнеди за Владимера. Он же рече дочери своей: “Хощеши ли за Владимера?” Она же рече: “Не хощу розути робичина, но Ярополка хощу”. Бе бо Рогволод пришел из замория, имеяше власть свою Полтеск, а Тур в Турове, от него же и туровицы прозвашася. Приидоша посланнии отроцы ко Владимеру и поведаша всю речь Рогнедину, дщери Рогволожи, полотского князя. Слышав же Владимер о сем, разгневася, собра вой многи, варяги и Словении, и чюдь, и кривичи, и поиде на Рогволода. В се же время хотяху Рогнедь княжну вести за Ярополка. |л. 59| И прииде Владимер на Полтеск и взяша город, и князя поимаша, и жену его, и дочерь Рогнеду. И Добрыня поноси ему и дщери его, нарекши ей Владимера робичичем, и повеле Владимеру быти с нею предо отцем ея и материю. Потом отца ея уби и сына его два, а самое поят жену себе, и рекоша имя ей Гореслава, поят же паки и ины жены многи, и нача ею негодовати. Мы же на преднее да возвратимся. И поиде Владимер к Киеву на брата своего Ерополка. И не може Ярополк стати противу ему и затворишася в Киеве с Блудом, воеводою своим, и с людьми. И стояще Владимер обрывся на _________ щ) Далее л. 56 об. - 57 оставлены, незаполненными. На л. 57 об. помещена миниатюра, изображающая киевского великого князя Владимира Святославича с полустертой надписью в верхней части листа: Первый князь вели. . . крести Владимер киевъский. ъ-ъ) Написано вязью. ы) В рукописи Новугоду. ь) В рукописи бидитис, с выносное. э) В рукописи Водимеру.
-46- Дорогожици, межди ю) До|л. 59 об.|рогожцом и Капичем; и есть ров той и до сего дни. Владимер же посла ко Блуду, к воеводе Ярополчю, с лестию глаголя: “Поприяй ми! Аще убию брата своего, имети тя учну во отца место, и многу честь приимеши от мене, не аз бо почах избивати братию, но он, аз бо того же убояхся и приидох на нь”. И рече Блуд къ послом Владимерим: “Аз буду тебе в серцы и приязньство”. О злая лесть человеческая! Яко же Давыд глаголет: “Яды хлеб мой, возвеличил еси на мя лесть”. Сей бо лукавноваше на князя своего и совещааше на кровопролитие его, се суть неистовии человецы, приимше от господина своего князя честь и дары, и тако мыслят о главе |л. 60| его на погубление, горше суть бесов такови. Яко же и Блуд предал князя своего, а приим от него чести многи, се бо бысть повинен крови той. Затвори бо ся Блуд сий съ Ярополком, а летя под ним и сляше ко Владимеру часто, веля ему приступати ко граду бранию и сам мыслит убити Ярополка я). Не возмогь же Блуд, како бы его погубити и, замысли а) лесть, веля ему не излазити из града на брань. И рече Ярополку: “Кияне слются ко Владимеру, рекущи: “Приступай ко граду, яко предам ти Ярополка”. Бо бегни из града”. Послуша его Ярополк, побежа из града, и пришед, затворися в Родне на усть у Реи. А Владимер иде къ Киеву и паки пришед, осяде Ярополка |л. 60 об.| в Родне. И бе глад б) в нем велик, и есть притча сия и до сего дне: “Беда яко в Родне”. И рече Блуд Ярополку: “Видиши ли, колико у брата твоего вой? Нам их не перебороти, твори мир с братом своим”. Льстя под ним, се рече. И рече Ярополк: “Тако буди”. И посла Блуд ко Владимеру, глаголя яко: “Сбысться мысль твоя, приведу к тебе Ярополка, пристройся и уби его”. Владимер же то слышав, вшед во двор теремный отечен, о в) нем в) же преже сказахом, седе. . . г) “Пойди ко брату своему и рцы ему, что ми ни вдаси, то аз приму”. Поиде Ярополк, и рече ему Варяжко: “Не ходи, князь убиют тя, побегни в Печенеги д) и приведеши вой”. И не послуша его. И прииде Яропол|л. 61|к ко Владимеру, и яко полезе в двери, и подъяста два варяга мечи под пазусе, Блуд же затвори двери и не даста по нем внити своим. И тако убиен бысть Ярополк. Бысть княжения Ярополча 50 лет, а во крещении княжив 17. Варяжко жь видев, яко убиен бысть Ярополк, бежа з двора и иде в Печенеги и много воева на Владимера с печенеги. И едва призва его Владимер, заходив к нему роте. И заляже Владимер братию жену грекиню, бе бо непраздна, от нея же родися Святополк. От греховна бо корене зол плод бывает, понеже была мати его черницею, и Владимер второе |л. 61 об.| заляже ю, но не по браку, прелюбодейчичь бысть. Тем же и отец его не любля, аще бе бо от двою отцу от Ярополка и от Владимера. По сем реша варязи Владимеру: “Се град нашь, мы его прияхом да хощем имати окупь на них по две гривне с человека”. И рече Владимер: “Пождите вы, даждь куны зберут за месяць”. И ждаше за месяць и не да им. И реша варязи: “Сьлстил еси нами, покажи нам путь в Греки”. Он же рече им: “Идите”. И избра от них мужи добры, смыслены и храбры, и раздан им грады; и прочи же идоша ко Царюграду вь Греки. И послал е) пред ними Владимер посла ко царю, глаголя сице: “Се идут |л. 62| к тебе варязи, не моги их держати во граде, да не сотворят ти зла, яко же и зде, но расточи я разно, а семо не пускай ни одного”. И нача Владимер княжити в Киеве. И постави кумиры на холму вне двора теремнаго: Перуна древяна, а главу сребрену, а ус злат, и Xaрca, и Дажба, и Стриба, и Семаргла, и Мокоша. И жряху им, нарицающе я богы, и оскверняху землю требами своими. И осквернися Руськая земля кровми и холмом той. Но благи бог не хотя и смерти грешником и обрати Рускую землю ё) в крещение. На том холме стоит ныне церковь святого Василия, яко последи скажем. На преднее же да возвратимся. Владимер же Добрыню, уя своего, посади |л. 62 об.| в Новеграде. И пришед Добрыня к Новуграду, постави кумир Перун над рекою Волхвом, и жряху людие новгородсти, яко богу. Владимер же бе побежден похотию женскою, и быше ему водимыя Рогнедь, дщи Рогволодова, полтескаго князя. О ней же нечто дивно скажем. Рожшуся от нея первому сыну Изяславу, у Владимера же и ины жены многи, и нача ею негодовати: некогда жь пришедшу ему к ней и уснувшу, и хоте его зарезати ножем, и поимае ю за руку. Она же рече: _________ ю) Написано дважды, во втором случае зачеркнуто киноварью. я) В рукописи Ярполка. а) Написано по Ярополка. б) В рукописи град. в) В рукописи он, с выносным н. г) Далее чернилами и киноварью замазано одно слово и стоит знак вставки; вставляемый текст написан на левом поле, но почти полностью срезан. По оставшимся буквам это место может быть прочитано так: [Вла]ди[ми]р [с вой] на [дво]ре. [И рече Блу]д [Яро]полку. Ср. аналогичный текст в Повести временных лет: седе ту с вой и с дружиною своею. И рече Блуд Ярополку. . . (Повесть временных лет, ч. 1, с. 55), Воскресенской летописи: седе ту с вой и со дружиною своею; и рече Блуд Ярополку. . . (ПСРЛ, т. VII, с. 293). д) В рукописи печенги. е) Исправлено из послан. ё) В рукописи землюлю.
-47- “Въспомянух, яко отца моего убил еси и землю его плени мене ради, и мене ныне не любишь и сь младенцем сиим, сыном своим”. И повеле ей Влади|л. 63|мер устроити ся во вся одежда царьская, яко же день посягания ея, и сести в светле храмине на постеле, да пришед посечет ю. Она же тако сотвори и давше меч сыну своему Изяславу нагу в руку и рече: “Яко внидет ти отец, рцы выступя: отче, егда мнишися един ходя”. Владимеру же пришедшу и сотвори тако Изяслав, яко жена, учен бе материю своею. Владимер же рече: “А кто тя мнел зде?” И поверг меч свой и созва бояре и поведа им. Ани же рекоша: “Не убивай ея чада ради сего, но воздвигнул еси отчину и дай сынам своим”. Владимер же устрой город им и нарече имя граду тому |л. 63 об.| Изяслав, и оттоле мечь взимают Рогволожи внуцы против Ярославлим внуком. Рогнеду ж) же посади на Лыбеди, иде же есть сельцо Преславино. От нея же роди 4 сыны: Изяслава, Мстислава, Ярослава, Всеволода и дщери две; а от грекины Святополка; а от чехини Вышеслава; а от другие Святослава, Станислава; и от болгарины Бориса и Глеба, 11 Судислав, 12 Позвизд; а наложниц бе у Владимера же 300 в Вышегороде, а 300 в Белегороде, а 200 на Берестовом в сельце, еже и доныне зовется Берестовое. И бе Владимер несыт блуда, приводя к себе мужеския жены |л. 64| и вдовица растлеваше, бе бо женолюбец, яко же и Соломон. Бе бо у Соломана жен 700, а наложниц 300, мудр бе, а наконец погибе. Сей же бе невеглас, а наконец обрете спасение. Велий господь наш и велия крепость его, и разуму несть числа. Зло бо есть женская прелесть, от нея же будем воздержашеся. В лето 6489 иде Владимер к ляхом и зая грады их Перемышль, Червень з) и ины грады. Того же лета и вятицы победив, взложи на них дань от плуга, яко отец его имаяше. В лето 6491 иде Владимер на ятвяги и победи я, и взя землю их. |л. 64 об.| И прииде х Киеву и творяше требу кумиром с людьми своими о победе з боляры. И реша старцы и боляря: “Мечем жребия на сыны и на дщери наша, от и) отрока и от девицы; на него же падет, того зарежем богом нашим”. О Иоане христианине и отце его, Христа ради убитых за веру. Бяше некто человек божий, един варяг, и бе двор его, иде же есть ныне церковь святая Богородица, юже создал Владимер. Бе варяг той пришел ис Царяграда с й) своим сыновом Иоанном и седяху в Киеве, держаще втайне веру християнскую. И бе сын у него Иоанн, красен душею и телом, и на сего паде жребие по зависти диявола. |л. 65| И не терпящи диявол, власть име надо всеми, и се бяшет ему, яко терный в серцы, и тщашеся потребити себе окоянный и не моги ему что сотворити, и наусти на нь люди. И реша пришедше погании посланые к нему яко: “Паде жребий на сын твой, изволиша бо и возлюбиша и бози наши себе, да его сотворим требу богом”. И рече варяг: “Не суть бози, но древо, соделанное бездушно; днесь есть, а помале изгниет; не едят бо сии, ни пиют, ни молвят, но суть делани руками в древесех секирами и ножем. А бог есть един на небесех, ему же служат грецы и кланяютца во имя господа Исуса Христа, сына божия, крещенна есве. |л. 65 об.| И той сотворил небо и землю, и солнце, и луну, и звезды, и человека, и дал есть ему жити на земли. А ваши бози, что сотворили, но сами вами соделани суть. И не дам сына своего бесом”. И тии же шедша, поведаша людем. Они же вземше оружие, приидоша на нь и розъяша двор и около его. Он же стояше на сенех с сыном своим. И реша ему: “Вдай сына своего, да вдам и на требу богом”. Он же рече: “Аще суть бози, да пришлют единаго по сын мой. А вы чему перетребуетеся им?” И кликнуша кияне и подсекоша сени под ними, и тако побита я, исповедающеся крестияне. И прияста вечную жизнь за святую веру, му|л. 66|чена, приимши венец небесный со святыми мученики и праведники. И не весть никто же, где положи я. Беяху бо человецы невегласи погании. В лето 6492 иде Владимер на радимичи. И бе у него воевода Волчей Хвост. И посла пред собою Владимер Волчья Хвоста. И стрете на реке Пищане, и победи радимичи Волчей Хвост; тем и русь корят радимичь, глаголюще: “Пищанцы волчия хвоста бегают” к). Беша же радимичи от рода ляхов, пришедше, ту ся вселиша и платят дань Руси и повоз везут. О победе на Болгары, иде по Волзе. В лето 6493 иде великий князь Владимер С[вя]тославичь руский на Бо[л]гары з Добрынею и воем своими |л. 66 об.| в лодиях, а торки л) приведе берегом на конех. И победи болгары. И рече Добрыня ко Владимеру: “Соглядах колодников, и суть вси в сапозех. _________ ж) В рукописи Рогдне. з) В рукописи Червей. и) Написано дважды. й) В рукописи к. к) В рукописи бе глаголют. Исправлено по Воскресенской летописи (ПСРЛ, т. VII, с. 296) и Повести временных лет (Повесть временных лет, ч. 1, с. 59). л) В рукописи турки.
-48- Сим дани нам не дати, поиде бе искати лапотник”. И сотвори Владимер зъ болгары мир, и роте заходиша межди собою. И реша болгаре: “Тогда не буди межди нами мира, егда камень учнет по воде плавати, а хмель грязнути”. И прииде Владимер х Киеву. О срацынской вере. В лето 6494 приидоша болгаре к великому князю Владимеру Святославичю киевскому, всеа Русии самодержцу, веры бохмичи, глаголюще яко: “Ты князь еси мудр и смыслен, но не веси закона, да веруй в наш |л. 67| закон и поклонися Бахметю”. И рече Владимер: “Какова есть вера ваша?” Они же реша: “Веруем богу, а Бохмет ны учит, глаголя: обрезати уды тайныя, а свинины не ясти, а вина не пити. А по смерти же, рече, с женами похоть блудную творити; дасть Бохмет комуждо по 70 жен красных и изберет едину жену красну, изо всех красоту возложит на ту, и да будет ему жена. Здесь, рече, достоит блуд всяк творити. На сем свете аще кто богат зде, то и тамо; аще ли кто зде убог, то и тамо”. И ина многа лесть, ея же нельзе писати срама ради. Владимер же слышаше речи их, бе бо сам любя жены и блужение |л. 67 об.| многое, и послушаше их сладко. Но се ему не бе любо: обрезание удов и о неядении мяс свиных; а о питии отинудь рек: “В Русии лутшее веселие бысть питие, бес того не можем быти”. О немецкой вере. По сем же приидоша от римлян немцы, глаголюще великому князю Владимеру: “Приидохом от папежа к тебе послании, глаголет папеж наш: “Земля твоя яко наша земля, а вера ваша не яко вера наша. Вера бо наша яко свет есть, кланяемся богу, иже сотвори небо и землю, солнце, и луну, и звезды, и всяко дыхание. А ваши бози древо суть”. Владимер же рече: “Како |л. 68| заповедь ваша?” Они же реша: “Пощение по силе, аще ли кто яст и пиет, то все в славу божию творит, рече учитель наш Павел”. Рече же Владимер немцем: “Идите назад, яко отцы наши сего не прияли есть”. О жидовской вере. Се слышев жидове козарстии, приидоша к Володимеру, рекуще: “Слышахом, яко приходили к тебе болгары и немцы от римлян, учаще тя кто же вере своей. Римляне же и немцы и грецы веруют, его мы распяхом, а мы веруем единому богу Авраамову и Исакову и Яковлю”. Рече же им Владимер: “Что есть закон ваш?” Они же реша: “Обрезатися, свинины не ясть, ни заечины, суботу |л. 68 об.| хранити”. Он рече: “Где есть земля ваша?” Они же реша: “Во Иеросалиме”. Он же рече: “То тамо ли есте?” Они же реша: “Разгневася бог на отцы наша и разточи ны по странам грех ради наших, и предана бысть земля наша крестияном”. Владимер же рече: “То тако вы инех учите, а сами отвержени от бога и разточени. Аще бы бог любил вас и закон ваш, то не бысте расточени по чюжим землям. Егда и нам мыслите то же де зло прияти?” О християнстей православной вере. По сем же послаша грецы к великому князю Владимеру киевскому всеа Русии философа Кирила, глаголюще сице: “Слышахом, яко приходили суть болгаре, учаще тя при|л. 69|яти веру свою, их же вера ос[к]верняет землю и прокляти паче всех человек, уподобльшеся Содому и Гомору, на них пусти бог камение горящее, егда приидет бог судити на землю и погубит вся творящая беззаконие и скверны делающе”. Рече же философ: “Слышахом и се, яко приходиша из Рима учити вас вере своей. Их же вера с нами мало развращена: служат опресноке, рекше оплатке, им же бог не преда, но повеле хлебом служити, и преда апостолом, рече: “Приим хлеб, - рече, - се есть тело мое, ломимое за вы”, тако же и чашу приим, рек: “Се есть кровь моя новаго завета”. Сии же того не творят, суть не исправили веры своея”. Рече же |л. 69 об.| к философу великий князь Владимер: “Приидоша ко мне жидове, глаголюще, яко немцы от римлян и християне грецы веруют, его мы распяхом”. Философ же рече: “Воистенно мы веруем в господа нашего Исуса Христа”. Рече м) же Владимер: “Почто ради сниде бог на землю и страсть такую прият?” Отвещав же философ, рече: “Аще хощеши послушати, да скажу ти из начала, что ради сниде бог на землю?” Владимер же рече: “Послушаю радостию”. Начат философ глаголати: “В начале сотвори бог небо и землю, то есть небо невидимо нами. И рече бог: “Буди свет!” И бысть свет. И нарече бог 1 день неделю. Въ 2 день, в понедельник, сотвори |л. 70| бог твердь доли от нас покров, сени, и се полводы, взыде на твердь, а половину остави на земли. И рече бог: “Буди твердь!” Абие згустися вода в ледовиденье, аки хрусталь. Того ради твердь нарече. Въ 3 день, въторник, рече бог: “Да соиметца вода, яже на земли в сонмы своя, да ся явит суша!” И бысть море и реки, и езера, и блата, и прозебе семена семенитая, и древа плодовитая. Въ 4 день, въ среду, сотвори бог великое светило солнце и дал есть око дню, светильник озарен от света первароднаго сияти сюду под твердию, сице им же образом меньшая _________ м) В рукописи ререче.
-49- светильники сотвори луну и звезды на просвещение нощи движимей и обращаема, напоя понеже от житейских и сладких вод меж небом и землею сие утверди |л. 70 об.| сех небесных; их же естества тонка, аки дым, на коем же поясе едино. А планид седмь, реша: на 1-м солнце, на 2-м луна, на 3-м Ермию, на 4-м Аррею, на 5-м Афродита, на 6-м Крон, на 7-м Зеус. Афродита же овоща денница глаголетца. Те убо звезды и[з]вояне суть без лепоты, ово знамение плавающим, а другия на покой зверем, а иныя на повержение птицам. Тако украси бог небо. В той же день отпаде диявол архангельскаго чина, и по нем спадоша чини его, беяше же имя дияволу Сотона, иль противник богу наречеся. Въ 5 день, в четверг, сотвори бог киты великия и рыбы, и птица пернатыя, всяк гад, и звери, и скоты земныя. Въ 6 день, в пяток, рече бог: “Сотворим человека по образу нашему и по подобию, - се рече, - отец к сыну и к святому духу. Да обладает |л. 71| всеми созданными по земли!” И взят бог от земля ни груду, ни кал, но персть толсту своима рукама, проплескав в плоть, созда человека по образу своему и по подобию, душу словесну своим духновением вдохнул м-1), и бысть человек в душу живу, и бысть царь всем земным. Въ 7-й день почи бог от всех дел своих, еже есть субота, прообразуется гроб. И насади бог рай на въстоце во Едеме и введе ту человека, его же созда, и заповеда от всех древ ясти ему, а от единаго же древа не ясти ему, еже разумети добро и зло. И бе Адам в рай, видяше бога и славяше, егда анггели славяху бога, и Адам с ними. И вложи бог сон Адаму, и усну Адам. Взят бог едино ребро от Адама и сотвори |л. 71 об.| ему жену, и приведе ю ко Адаму. Адам же рече: “Се кость от кости моея, плоть от плоти моея, и наречеся жена”. Нарече Адам имена всем птицам и зверем, и гадовом, самим аггелом поведаша имена. И покори бог Адаму скоты и звери, и обладаше ими, и послушаху его. Видев же диявол, яко почти бог человека, и взавиде ему, и преобразися в змию, и прииде ко Евъзе, рече ей: “Почто не яста от древа, сущаго посреди раю?” И рече жена ко змии: “Заповеда нам бог от того древа не ясти”. - “Да не смертию умърета, ведяше бо бог, яко в он же день снеста от него, отверзутца очи ваю, будета, яко бог, разумеюще |л. 72| добро и зло”. И виде жена, яко добро древо в снедь, и вземши жена снеста, и отверзостася има очи и разумеете, яко нага еста, и зшиста листвие смоковное и препоясастася. И рече бог: “Проклята земля в делех твоих и в печалех вся дни живота твоего”. И рече бог: “Егда простерта руку и возьмета от древа животнаго, и живета во веки”. И изгна господь бог Адама из рая. И седе прямо раю, плачася, делая землю. И порадовася сотона о проклятии земли. Се бысть на ны первое отпадение анггельскаго живота. И роди Адам Каина и Авеля, бе бо Каин ратай земли, Авель же пастух овцам. От них же жертву богу принесе, и прият |л. 72 об.| бог дары Авелевы. Каин же от плодов земных принесе, и не прият бог даров его. И убиен бысть Авель завистию брата своего Каина. Егда же убиен бысть Авель от Каина, Адам же и Евва плачющеся, а диявол радовашеся и рече: “Его же бог почти, аз сотвори ему отпасти от бога, се ныне плачь ему налезох”. И плакастася по Авеле 30 лет, и не гни тело его, и не уместа его погрести. Повелением же божиим две птицы прилетеста, едина ею умре, другая же ископа яму и погребе ю. И видев же се Адам и Евва, ископаста яму и вложиста тело Авелево, и погребоста его с плачем. Адам бысть лет 230, роди Сифа и дщери две Азару и Асуму. |л. 73| И поя Каин сестру свою Азару, Сиф же поя вторую сестру свою Асуму. Жил же Адам всех лет 930 и умре, яко же есть писано: в землю поидеши, от нея же взят еси; и гроб его бысть в земли Еросалимъстей. Сице убо изообразуют еврейская писания, яко же рече, премудрый Сиф пишет о Каине, яко дом его падеся, ту и умре. Сиф же бысть лет 215, роди Еноса Сифа, бо тогда человецы бога нарекоша, той бо жидовскую грамоту извыче и знамения небесная, 4 времена лету: весну, жатву, осень, зиму; и месецы, и недели, и звездам сотвори имена. Живе же Сиф всех лет 912 и умре, Енос же бысть лет 107, рода Каинана, живе же всех лет 909 и умре. Каинан бысть лет 170, роди Малелеила, живе же всех лет 909 и умре, а Малелеил |л. 73 об.| бысть лет 165, роди Ареда, живе же всех лет 885 и умре. Аред бысть лет 168, роди Еноха, живе же всех лет 162 и умре. А Енох бысть лет 165, роди Мафусалу н), и угоди Енох богу, живе же всех лет 345 и не обретеся на земли, яко престави бог. Мафусал бысть лет 167, роди Ламеха, живе же всех лет 969. А Ламех бысть лет 170 и роди Ноя, живе же всех лет 706. Но два есть Ламеха: един есть от Каина, а 2 Ламех отец Ноев. Роди же ся Ной не от убившаго мужа и юношу, от сего, иже от Иосифа родившагося, он бо обою убив, отбеже, не поят, се убо у Еноха 2 брата, убии же, помолися Енох, бог да не видит смерти, и преложися, иде же бог весть. Ной же бе обрете благадать пред _________ м-1) В рукописи вдохнуб. н) В рукописи Масуфалу.
-50- богом, |л. 74| и бе приведен во всех. И умножися по земли человецы и забыша бога, сотворшаго их. И рече господь бог к Ноеви: “Сотвори ковчег от древ негниющих в долготу 300 лактей, а в ширину 50 лактей”. Египтяне бо зовут лактем сажени, егда Моисей в Египте навык, пишет в бытии. Ной же бысть лет 500 и роди 3 сыны: Сима, Хама и Афета. Бысть в шестьсотное лето Ноево, и рече ему бог: “Вниди ты в ковчег и жена твоя, и сыны твои, и жены сынов твоих, введи я к себе по двое от всякаго животнаго мужеск пол и женеск”. И сотвори Ной, тако же заповеда ему господь бог. И наведе господь бог потоп на землю, и потопе всяка плоть. Егда же изсяче вода от лица вся земля, и изыде Ной ис ковчега. На горах |л. 74 об.| Аравитских есть же ковчег сий до сего дни. И оттоле начаша карабли творити. А от [А]дама о) до потопа лет 2242. Бяху сынове Ноевы изшедше ис ковчега: Сим, Хам, Афет. Сим бысть лет 100, роди Арфаксада, да во второе лето по потопе. И живе Ной по потопе лет 350 и умре; живе Сим лет 502. Арфаксад бысть лет 135 и роди Каинана п). Сии исписа звезды и закон, и живе всех лет 303, и умре. Каинан р) бысть лет 130, роди Салу, живе лет 403 и умре. Сала бысть лет 135, роди Евера и прижив лет 270. Евер же жил лет 134 и роди Нектана и Фалека. И Фалек роди Рагава с). От сих быша человецы мнози, и бе земля |л. 75| устна едина. И поидоша от востока, и обретоша поле Сенар в земли, и вселишася ту, и рекоша: “Сотворим плинты и спецем я огнем”, и беша в камение и в берние в мела место; и реша: “Сожиздем себе град и столп, ему же будет глава до небеси, и сотворим сии имя прежде, дажде не разыдемся по всей земли”. Бе бо старейшина Неврот. И создаша столп за 40 лет. По Невротове же воле и замышлению начаша созидати столп камен, и бысть столп и град Вавилон. Сей бо 18 царь бысть на земли, царьствовати научи и повину всю землю. Сей же бысть от колена Хамова. И сниде бог видети града и столпа и рече: “Се род един, язык един, помы|л. 75 об.|сли их суетнии”. И розмесися ноевротов язык. Евер бо един не приложися к безумию их с родом своим, рече сице: “Аще бы бог рек человеком столп делати, то бы повелел бог словом, яко же сотвори небо и землю”. Сего ради того язык не примесися, от сего убо суть евреи. От потопа до розделения язык лет 586. Бысть размещение языком, ветром великим разруши столп, останок же его есть и до сего дни. Агав бысть лет 137, роди Серуха и живе лет 270. Той Серух 15 кумиры творити нача. Серух бысть лет 132, роди Нахора и живе лет 200, и умре. Нахор бысть лет 79, роди Фару и живе лет 129, и умре. Фара бысть лет 70, роди Авраама. От раздели|л. 76|ния язык до Авраама лет 552, всех же лет от Адама до Авраама 3074. Авраам же сый лет 14 благоразумия исполнися, возрев на небо и видев солнце и луну, и звезды, и рече: “Той есть бог, иже сотвори видимыя и невидимыя”. И рече отцу своему Фаре: “Что ради прелыцаепга человеки кумиры творя? Несть бози кумиры, сий то есть, иже сотворивый небо и землю”. И рече господь бог Аврааму: “Изыди от земля твоея, из дому отца твоего и иди в землю, юже ти повелю, и сотворю тя, во язык велик, и благословятся о тебе вся колена земная”. И сотвори Авраам тако, яко же заповеда ему господь бог. И поят Авраам Лота, сыновца |л. 76 об.| своего, и Сарру, жену свою, и прииде в землю Мадиямскую к дубу Маврийскому. Яви же ся господь Аврааму и рече: “Тебе дам землю сию и семени твоему по тебе. И Сарра, жена твоя, родит сын и наречеши имя ему Исак”. Авраам же бе тогда лет сто и Сарра 90, и роди Исака. И явися господь Аврааму, искушая, рече: “Принеси ми сын свой на жертву”. И не пощеде сына своего Исака, введе его на алкафрос. И рече Исак: “Се дрова и огнь. А овча где?” Запен Исака, хоте заклати. И анггел господен принесе овча в него место. И ту преобрете Авраама господь бог в трех лицех троицею, и абие заколеный телец въскочи с тра|л. 77|пезы и нача рыкати. Посла бог два анггела в Содом и Гомору извести Лота з детьми, а Содом погубити. О тех градех Авраам бога вопросил: “Не погубиши ли, господи, града 50 ради праведник?” Господь же обещася и до 5 не погубити. Живе Авраам лет 170. Исак быв лет 60 и роди два сына, Исава и Якова, жил же Исаак лет 180. Исав же поят себе жену дщерь Измайлову, яко же улови уловья своего две дщери Лию и Рахиль. Они же родишася сынове от Лии: Рувим, Семион, Левгий, Исахар, Заулон; 1 от рабы, 4 сыны от Зелфы: Нефталим, Гад, Асир; а от Рахили же Иосиф и Веньямин; всех же сынов Ияковлих 12. От перваго же лета Авраамля и до исхода Моисеева |л. 77 об.| сквозе Чермное море лет 505. Левгия бысть лет 45, роди Каиафа. Каиаф бысть лет 60, роди Амъбрама, Амъбрам бысть лет 73, роди Моисея. Моисей бысть лет 80, изведе люди из Египта и по сем водяше в пустыни лет 40. От Адама до исхода Моисеова сквозе Чермное море лет 3779. Исус Навгин воеводствовав лет 32, старцы суди лет 23, Гонофоил, племени Июдина, лет 50, Еглому, царю Моавскому, работаше _________ о) В рукописи дама. п) В рукописи Иакина. р) В рукописи Иакин. с) В рукописи Агава.
-51- лет 8, от племени Ефремова лет 80, иноплеменницы обладаху лет 18, Самар лет 7, Варак и Девора лет 40, под иноплеменники лет 20, мадиямляне же лет 7, Гедеон лет 40, Авимелех лет 3, Фола лет 11, Анрь лет 30, Амана|л. 78|тий лет 18, Ефтай лет 6, Есеон лет 7, Елом лет 3, Лавдон лет 8, по иноплеменники лет 40, Самсон лет 20, по Самсоне не бысть судий лет 40, тем и велико зло бысть или жрец лет 20, пророк Самоил лет 30, Саул 1 и царь во Израили лет 40, Давыд лет 40. А от исхода до Давыда лет 630. Соломан лет 40, Роваам лет 17, Авия лет 6, Асафатат лет 40, Асават лет 25. При том пророчествоваша Михеия, и Илия, и Елисей, и Арам царьствоваша лет 8, Иохозея лет 1, Ахав лет 16, Иохонея, мати Иохозеева, лет 7, Оас лет 40, Амасия лет 29, а Захария и Озозея лет 52, при тех пророчествоваша Асия, Амос, Исайя, Иона, |л. 78 об.| Иофа царьствова лет 16, Ахаз лет 6, Езекея лет 29, Манасеия 55, при том Византик создан бысть, Амос лет 12, Осия лет 31, при том пророчествоваша Иеремеия и Вварух, Ахаз царьствова лет 80 и месец, Акин лет 11, при сем Навходносор царьствова, Иеросалим и Седикию плени, ослепи многи жиды и введе в Вавилон 1000 во едином ужище, с ними же и Данил и 3 отроцы, и церкви позжена бысть от Узардана, повара. Пребысть отнеле же создан бысть Иеросалим до пленения лет 648. Навходносор царьствова в Вавилоне лет 20, Улемардах, сын его, лет 5, Валтасар, |л. 79| брат его, лет, 3, Дарий, медянич, лет 17, по Дарий Кир, персянин, лет 32, Камбусий лет 18, Спиридий Волхов месяц 7, Дарий, остапиянин, лет 20, Артаван месяц 7, Артаксареск месяца 2, Дарий, арсаминин, лет 6, сего уби Александр Македонский и разруши Перское царьство и умре в Вавилоне. Александр царьствова лет 12 и всех лет царьствова 35, и раздели царьство 4-м мужем своим: Филипу, Селевку, Антиоху, Птоломию. А от Адама до умертвия Александрова 5167. Птоломей царьствова во Египте и во Олександреи, нарицашеся братолюбив, при том святыя книги на ельнинский язык преложени быша, лет 38. |л. 79 об.| Птоломей юнейши лет 29, Птоломей явленный лет 7 и 7 месяц, Птоломей Заячич лет 10, Птоломей, брат его, лет, 58, Селевк же Иканор наречен бысть, лет 20 Селевков. Антиох славный, той мучи Елизара и Соломанию и 7 отроков. Антиох, сын его, лет 23, при том Иулия кесаря выпороша изо утробы матери его. Птоломей Двоостровный лет 30, Клеопатра Птоломеева лет 28, вь 23-е лето ея нача в Риме царьствовати 1 Иулий кесарь, лет 18, той закон дасть индикта и високос обрете. В то время Ирод царем бе во Иеросалиме. По Улии царьствова сыновец его Август кесарь, |л. 80| Ояктович сын, иже и Севаст наречен, лет 57 и 6 месяц и 2 дни. Оттуду антиохияне лет 15 царьствова по вселенней, 15 написание бысть, Клеопатру убив, и разруши Пталомейскую власть, иже царьствовавше лет 205. От Адама до Августа лет 5457, въ 42-е лето царьства его родися от святыя девица и богородица Мария господь Исус Христос месяца декабря въ 25 день въ 7 час нощи. Того ради родися Христос декабря, понеже нощи убыло, а дни прибыло. Послан бысть от Августа в то время Кириней написание сотвори власти июдейския. Всех лет от Адама до воплощения господня 5500, написание же от Ав|л. 80 об.|густа трех делявин: от рожества Христова до пришествия волхвов 2 лета, а до смерти Иродовы 3, а до Архилаевы смерти 9 лет, а до Августовы смерти 15, а живе всех лет 88. А от Христова рожества до крещения Христова лет 30, а от крещения Христова до усекновения Иоаннова при Ироде 2 лета и месяц 11. По смерти Иоаннове до смерти господня месяц, а от крещения Христова до страсти господня и до роспятия 3 лета и 3 месяцы. Распятся господь наш месяца марта в 30 день в час 6 в пяток, а воскресе апреля в 1 день в неделю в 7 час нощи. От воскресения до вознесения на небеса |л. 81| 40 дний, а вознесеся месяца майя в 10 день в четверг. А от вознесения до сшествия святаго духа на апостолы 10 дней, а посла святый дух месяца майя в 20 день, в день 50 в неделю в час 3. А от вознесения до побиения первомученика Стефана лет 7, а от побиения Стефанова до света, явльшагося Павлу, месяц 6. А богородицы от рожества ея до введения 3 лета, в церкви была до 14 лет, а пищу приимала в с-1) дому Иосифове 4 месяцы. Потом с-1) благовещение прият от архаггела Гаврила, заченши, роди нетленно господа нашего Иисуса Христа, бе бо тогда лет 15, живе до страсти |л. 81 об.| Христовы лет 33. По вознесени господни в Еросалиме в дому Иоанна еугелиста лет 11 живе со ученики, бысть же всех лет богородицы 59. Глаголют же старии гранографы, рекше летописцы, от них же святый Епифаний Кипрский повестоваше о крещении, яко единаго токмо святаго апостола Петра своима руками крестил есть господь, Петр же крести Андрея Первозванного, _________ с-1-с-1) В рукописи строка отмечена на правом поле знаком +.
-52- Андрей же крести Иякова, Иоанна. Ияков же, Иоанн крестиста прочая апостолы. Святую же богородицу крестиста Петр, Иоанн Богослов, и крестиста и прочая апостолы. А от [А]дама т) до страсти Христовы лет 5533. |л. 82| По Августе царьствова сын его Тивирий лет 23, Гаилым лета 3 и месяц, Клавди лет 13 и месяц и 20 дней, Нерон лет 13 и дней 8, и погребе себе живого; при сем Петр и Павел, и Яков, брат господень, мучени. Гал месяц един, и заколен бысть, Афон день един и зарезася. Иутилий месяц и 5 дний и убиша в Риме пьянаго. Успесиян лет 10, во второе лета царьства его пременен бысть Иеросалим Титом, сыном его, по вознесении господни лет 46. Тит лет 2 и месяца 2, и заколен бысть в полате. Доментия лет 15 и месяц 5, той гонение подвиже Иоанна Богослова в Патом заточи. Неруя |л. 82 об.| лето едино и месяца 4, Троян лет 19 и месяц 6, при сем Игнатие богоносец мучен, Андреян лет 20, сей разруши Еросалим, Или град нарече, водным трудом отрудовате, убиен бысть. Тит Антонин, нареченый Благочестивый, и з детьми своими лет 22 и месяца 3. Марко, сын его, лета 2 и месяц, при том Устин философ мучен бысть, Антонин Ивир лета 2, Акомод лета 3, еллин Протис 6 месяц, заколен бысть в полате. Сивирий лет 18, при том отец Иоригенов мучен, Иполит римский распят же, Григорий Богословец, Антоний, сын Севиров, лет 7 и заколен бысть. Антоник лет 4 и заколен |л. 83| в Риме, Александр лет 13 и заколен бысть, Максим лета 3 и заколен бысть, Гордий лет 6 и удавися во Афракии, Филип лет 7 и заколен бысть на торгу. Галусиян лето и месяцы 4, Улериян и Ган лет 5 и заколена быста, Клавдий лето и месяц 9, Авриян лет 5 и заколен бысть. От Адама до смерти Христове лет 5033 и 3 месяцы. А от смерти Христовы до смерти Диоклитиановы лет 233. По сем же нача царьствовати царь великий Костянтин во Цареграде християнский царь, живет лет 65, а в 12 лете царьства его бысть 1 собор на Ария, попа александръскаго. От Адама же до смерти Костянти|л. 83 об.|новы лет 5836, остави же 3 сыны у): Користа в Мире, Костянтина въ Цареграде, царьствоваша вси лет 20, Иулиян Законопреступник, царьствова лет 2 и месяц. Феодосии Великий царьствова лет 17, при том бысть 2 собор, святых отец 108, на Македония Духоборца, въ 2-е лето царьства его въ Цареграде. Аркадей Нестории, сына его, лет 13 и месяц. Феодосей Малый лет 46 и месяц 6, при том бысть 3-й собор, святых отец 200, во Ефесе. Маркиян лет 29, при том бысть 4 собор, святых отец в Халкидоне 630. Лев Великий лет 16, Лев Малый со отцем лет 1, Зинон лет 17, и Василиск лета 2, Анастас Драчин лет 17 и месяц 4, Иустин Драчин лет 9 и 3 месяцы, Иустин Великий [лет] ф) 38 |л. 84| и 7 дней, въ 22-е лето царьства его бысть 5-й собор въ Цареграде, святых отец 165. Иустин лет 13 и 20 дней, въ 7-е лето царьства его скончася х), круг лет 32 и дней 6 х), от создания миру лет 6405. Костянтину, внуку Ираклиеву, царьствующу, при том бысть 6 собор в Цареграде, святых отец 170. Седмый жъ собор при царьстве Констянтина, сына Лва и матери его Ирины. Рече же философ ко Владимеру: “Се ти сказах вкратъце перечьнем”. И рече Владимер: “Чего деля от жены родися и на древе распятся и водою крестися?” |л. 84 об.| Философ же рече ко Владимеру: “Того ради, понеже исперва человек женою согреших, диявол прельсти Евву, и Адам рая отпаде. Тако же бог отомщение дияволу, женою первое побеждение бысть дияволу, женою Адам первое из рая испаде и от жены воплотися и родися, бог и повеле в рай внити, то ти верным. А еже на древе распяту быти, сего ради яко от древа вкушение испаде породы, бог же на древе страсть прият, да древом диявол побежден будет, еже от древа животнаго приимут вернии. А еже крещение водою, понеже при и Нои умножившимся грехом въ человецех, |л. 85| наведе бог потоп на землю и потопи человеки того ради водою, рече бог: “Понеже потопих человеки грех ради, ныне же водою очищу грехи человеком крещением водою”; бо в мори жидове очистишася от египецкаго зла при фараоне, занеже вода бысть изначала первие, бо рече: дух божий и ношашеся верху воды; понеже бо и ныне того ради крестися водою и духом. Пророцы же проповедаша, яко водою крещение будет. Апостоли же научиша по вселенней веровати богу, их же учение мы, грецы, прияхом, и вся вселенная верует во учение их. Поставил бо есть бог един день, в онь же хощет судити живым и мертвым |л. 85 об.| и воздати комуждо по делом его: праведным царьство небесное и красоту неизреченную, и веселие безконечное, и не умирати вовеки, грешником мука огненая и червь неусыпающий и тьма кромешная, таким еже не веруют господу нашему Исусу Христу и не крестится”. _________ т) В рукописи дама. у) Написано над строкой. ф) В рукописи пропущено. х-х) Так в рукописи.
-53- Сие рек философ, показа Владимеру икону, на ней же бе написано страшный суд господень. И показа ему праведныя, одесную в веселии радующеся, а грешнии идут в муку вечную. Владимер же, воздохнув, рече: “Добро сим одесную, горе сим ошую”. Философ же рече ко Владимеру: “Аще хощеши с праведными стати, одесную бога, то крестися”. Владимер же рече: “Положу вся си на серцы своем, пожду еще мало, хощу бо испытати |л. 86| о всех верах”. Владимер же философа, дары многи вдав, отпусти его с великою честию. В лето 6495 Владимер же созва боляре свои и старцы градския и рече им: “Се придоша ко мне болгары, рекуще: “Приими закон наш”. Паки же приидоша ко мне немцы, жидове. Ныне же приидоша грецы, хуляще всех закон, а свой хваляще и много сказующе от начала миру, от бытия; суть хитро сказующи и чюдно слышати, другий свет поведают быти”. Отвещаша же боляре и старцы: “Веси, княже, яко своего никто же хулит, но хвалит. Аще хощеши испытати вборзе, то имаши послати мужей вборзе испытати, как служат богу”. И бысть люба речь князю и всем людем; избраша мужи мудры и смыслены, числом 10, и реша им: “Идета первие в Болгары, испытайте веру их. И идета и в Немцы, и оттуду идете и в Греки”. Они же быша в Болгарех и видеша дела их скверна |л. 86 об.| и кланянее в рапатех. Оттуду же прииде в Немцы и видеша въ церкви службу их. И оттуду приидоша въ Греки к Царюграду, вниде к царю.Царь же вопроси их: “Почто приидоша?” Они же поведаша ему вся бывшая. И слышав царь, рад бысть и честь велику сотвори им. Наутрия же посла к патриарху, глаголюще сице: “Приидоша русь смотрети веры нашие, пристрой церковныя крылосы и сам облекися во святительскую одежду, да видят славу бога нашего”. Сия слышав патриарх, повеле зъвати клирос, по обычаю сотвори празник и паникадила вожгоша и песныя лики составлыне. И иде царь с ними въ церковь и постави на пространне месте, показуя им церьковную красоту и пения и службы аръхиерейския, |л. 87| и предстояния диякон, сказающе им служение бога своего. Они же въ разумлении бывше и удивлынеся, и похвалиша службу их. Призвавше их цари Констянтин и Василей и отпусти их в землю свою з дары и с великою честию. Они же приидошя в землю свою. И призва великий князь Владимер боляре свои и старцы, рече: “Се приидоша посланнии мужи, да слышем от них бывшее”, рече: “Скажи и предо всеми”. Они же реша: “Ходихом въ Болгары и смотрехом, како ся кланяют въ храмех, рекше в ропотех ц): стоят без поясов, поклонився сядет и гледит семо и овамо, аки бешен, не веселия в них, но печаль и смрад велик. И приидохом в Немцы и видехом въ храме службу их творяху, а кросаты не видех никакие. И пъриидохом в Греки и ведоша ны, иде же богу своему служят, неведома, еси на небеси ли или на земли были: несть бо на |л. 87 об.| земли такова вида и такия красоты не вем сказаты, токмо вемы, яко иде же бог съ человеки пребывает, бысть служба их паче всех стран”. И отвеща боляре, рекоша: “Аще бы был лих закон греческий, то не бы прияла баба твоя Ольга, яже бе мудрее всех человек”. И отвеща Владимер: “Где крещение приимем?”. Они же реша: “Где ти любо”. В лето 6496 Владимер же иде на Корсунь, град греческой, и затворишася корсуне во граде. И стоя Владимер обои ч) пол Иердана ч) и обстоя град, и бияхуся гражане крепко, и изнемогаху людие во граде. И рече Владимер: “Аще не предаете нам града, стояти хощу 3 лета”. Они же не внимаху тому, и отняшя Владимер у гражан воду, и людие изнемогша жаждою и вдашяся ему. И вниде Владимер во град и посла къ Царюграду къ царем Василью и Констянтину, глаголя ш) сице: “Гряду на вы, слышу же |л. 88| се, яко сестру имате девицу, дайте за мя, аще ли ю не вдадите за мя, сотворю граду вашему, яко и сему сотворих”. И слышаста царя, быста печальна и послаша ко Владимеру, глаголюще: “Не достоит християном за поганыя даяти, да аще ся крестиши, то и се получиши, царьство небесное наследиши и с нами единоверник будеши; аще ли сего не хощеши сотворити, не можем дати сестры щ) своея за тебе”. И се слышав Владимер и рече посланным от царя: “Глаголита царема тако: яко аз крещуся и испытах прияти закон ваш, есть ми люба вера ваша и служение, еже бо ми поведаша послании мужи”. И слышавша царя, рада быста и умолиста сестру свою именем Анну, и посласта сестру свою с сановники и с прозвители. Анна же |л. 88 об.| царевна не хотяше ити за поганого: “Мя даете за руского князя, лутче бы ми умрети”. И реста ей братия: “Бог како обратит тобою Рускую землю в покаяние ъ), а Греческую землю избавит от _________ ц) Пятая и шестая буквы замазаны чернилами. ч-ч) Так в рукописи; в Воскресенской летописи об он пол града в лимени (ПСРЛ, т. VII, с. 307). ш) Написано над строкой. щ) В рукописи сетры. ъ) ян написано по ние.
-54- нахождения ратных руси. Видиши ли колика зла сотвориши русь греком, граду нашему Корсуню; то же имут сотворити нам”. И едва принудиша ю ити. Она же, вседши в кубару и целоваше южики своя с плачем, и поиде чрез море. И яко приде к Корсуню, изыдоша корсуняне, въстретиша ю и ведоша я во град, и посадиша в полоте. По божию строению в то время разболеся Владимер очима, не видяше ничто же и тужяше вельми, не ведаше что сотворити. И посла к нему царевна, рекуще: “Азе хощеши избыти болезня сея, то въскоре крестися; аще ли не крестисся, не из |л. 89| будешь болезни сея”. Владимер же рече: “Хощю”. Епископ же корсунский с попы церковными, огласив ы), крестил ь) Владимера. И яко епископ возложи куколь на нево, и абие прозре. Видев же се Владимер напрасное исцеление и прослави бога истиннаго. Се видевше, бояре его и вой его мнози крестився. Крести же ся во церкви пресвятыя Богородица, есть же церкви та стояща в Корсуне граде на месте посреди града, иде же торг деют корсуняне. Полата же Владимеря с края церкви стоит и до сего дни, а царевнина полата [з]а олтарем. По крещени же Владимер приведе царевну на обручение себе. И се неведущи глаголют, яко крестися Владимер в Киеве, а ини глаголют въ Василеве. Крестившуся Владимеру в Корсуни и предаша ему веру християнскую, сице |л. 89 об.| рекуще: “Да не прельстят тебе неции от еретик, но веруй бога”, - глаголаша и сказаша ему учиние седми соборов. Святый и великий вселенский собор бысть первы в Никеи при э) царстве святого и великого царя Констянтина и матери его Елены вь 20-е царьства его на Ария, попа александрейскаго, собравшихся преподобных и богоносных святых отец наших 318. В них же бяше старийшина 1-й Селиверст, папа римский; 2-й Митрофан, патриарх Царяграда; 3 святый ю) Александр, александрьски патриарх; 4 святый Афонасей, архидиякону ему сущу; 5 святый Еустафей, патриарх антиохиский; 6 святый Макарей, патриарх еросалимский; 7 святый Никола, архиепискуп Мироточивый я); 8 |л. 90| преподобный епископь Кидровий; 9 святый Спиридон, епископь тримуфинский, и инии мнози митрополиты, и епископы, и архимандриты, и игумены, и прозвитеры, священницы, попове и дияконы, бяше же архиереи, святитель 232, а черноризец 86. Два же святителя к богу преставистася. От перваго собора до втораго лет 56. Святы же вселенский 2-й собор при царьстве великого Феодосиа бысть в Констянтине граде, святых отец 150 и собравшихся на Македония Духоборца. В них же бяше старей святый Дамаск, папа римский; 2-й а) Григорей Богослов а); 3 святы Кирил, патриарх Констянтина града; 4 святы Тимофей, патриарх александрьский; 5 святый Мелентие, патриарх антиохиский, и прочий. Они же святое изложение изложиша 2-е. |л. 90 об.| От втораго собора до третияго собора лет 41. Святый вселенский 3 собор при царстве Феодосия Малаго бысть во Ефесе, святых отец 200, собравшихся на Нестория человекослужебника. В них же бе старейший 1 святый Келестин, папа римский; 2 Увеналий, патриярх иеросалимский; 3 Кирил, патриярх александръский; 4 патриярх же Констянтина града был тогда сам Несторие. Патриярх антиохейский после прииде по Несториеве изверьжение и разгневася, яко без него извержен бысть Несторий, отлучися, повеле извержение написать на святаго Кирила, дондеже после повелением царевым совокупиша по Несториеве заточении а-1). От третьево собора до четвертово лет 30. Святый же вселенский собор четвертый въ царство Маркияна в Халкидоне, бысть святых отец 630, собравшихся на Диоскора и Евътихея. В них же бе старейшина 1 Лев, папа римский; 2 Ан|л. 91|тоней, патриарх Констянтина града; 3 Увеналий ерусалимский; и сам был Диоскор. От четвертаго собора до пятого лет 100. Святы вселенский пяты собор бысть при царьстве Иустина второе в Констянтине граде, святых отец 164, сшедшихся на блядства Оригенова. В них же бе старейши 1 святый папа римский; 2 Евтихий, патриарх Констянтина града; 3 Доментие антиохиский; 4 Аполинарий александрьский; 5 Демиян иеросалимский, ины святии с ними. От пятого собора до шестого собора лет 130. Святы же вселенский шестый собор въ царьство Констянтиво внука Ираклиева, то паки 3 в Констянтине граде, святых 170, сошедшихся на Сергия и Петра. В них же бе старейший |л. 91 об.| 1 Агафон, папа римский; Сергей, патриярх Констянтина града; 3 Феофан антиохиский; 4 Петр мних, в патриярха места александрьскаго. _________ ы) Написано по другим буквам.ь) Первые две буквы написаны по другим. э) Написано по счищенному. ю) В рукописи святыни. я) Так в рукописи.а-а) Написано над строкой. а-1) В рукописи затозении.
-55- От шестаго собора до седмаго лет 122. Святый 7-мый вселенский собор бысть въ царьстве Констянтина царя и матери его Ирины в Никеи 2-е, святых отец 365 на иконоборцы. И в них же бе старейший Андреян, папа римский; 2 Тарасей, патриарх Царяграда; 3 Полиян александрьский; 4 Феодот антиохиский; 5-й Илия еросалимский, и прочи святители, и вси учители, и собории. И укрепиша святое изложение веры, яко же изначала изложиша святы богоноснии отцы, да тако подобает ни приложити, ни уложити ко уставле|л. 92|нным правилом. От Адама же до 7-го собора лет 6305, а от спаса нашего лет 805, а от седьмаго собора до смерти Михаила царя лет 64 и 9 месяць и 7 ден. По 6-м же соборе Петр Гугнивый со инеми шед в Рим, восхвалися возврати веру и отверться престола иеросалимскаго и александрьского, и Царяграда, и антиохискаго. Возмутися та и сеющи учение свое разно. Овии бо попове, единою женою оженився, служат, а друзи, до 7-ми жен поимлючи, служат. Их же блюдися учения, прощают же грехи народом, еже есть всего злее. Бог да сохранит тя от сего. Владимер же поим царицу и Анастаса, и попы корсунския с мощми святаго Климента и Фивифа, ученика его, поим с собою и сосуды церковныя |л. 92 об.| и иконы на благословение себе. И вдасть за а-2) вено а-2) греком Корсунь царицы деля, а сам прииде къ Киеву. И повеле кумиры изспроврещи, овыя сокрушити, ови огню предати, а иныи иссещи. Перуна же повеле привязати х коневи хвосту и влещи с горы по Ручеву и пристави 12 мужи бити жезлием; се же яко древу сущу, но на поругание бесу, еже прелыцаше человеки, сим образом възмездие себе примет от человек. Велий еси господи, чюдна дела твоя! Вчера чтим от человек, днесь влекому ему по Ручаю ко Днепру. И плакахуся его людие невернии, еще бо бяху не приялии святого крещения. Привлекше его и ринуша въ Дънепр. |л. 93| По сем же Владимер посла по всему граду, глаголя сице: “Аще хто не обрящется на реке креститися, богат ли или убог, противник мне будет”. Се слышавше людие, поидоша на реку с радостию, глаголюще: “Аще не бы добр был закон греческий, не бы б) князь сего приял и бояре”. Наутрия же Владимер изыде с попы царевичными с корсунскими къ Днепру. И снидеся без числа людие и влезоша в воду, иныя до шия, а друзи до персей, а младеньцы о брегу, а друзии младенци держаще, а совершении бродяху; попове стояще молитвы творяще. Бяше же видети их радость на небеси и на земли, толико душ спасаемых; а диявол стояше и глаголаше: “Увы мне, яко отсюду прогоним есмь! Зде мнех яко жилище |л. 93 об.| имети, яко зде убо не суть учения апостольская, ни суть ведуще бога, но веселящеся о службе их, иже служааху мне. Се уже побежден есмь глагольнии апостольни от ученик, не имам уже царьствовати во странах сих”. И крестившимся людем изыдоша кождо въ свой дом. Владимер же рад бысть, яко позна бога своего сам и людие его. И возрев на небо, рече молитва: “Боже, сотворивы небо и землю! Призри на новыя люди сия, дай же им, господи, увидети тебе, истиннаго бога, яко же познаша страны руския християнство, и утверди веру в них неразвращенну, и помози, господи, на супостатныя враги, надеюся на тя и на твою державу, побежду козни его”. И се рек Владимер, повеле рубити церкви и ставити по местом, иде же стояли |л. 94| кумиры. И постави церковь святого Василия на холме, иде же стояли кумиры Перун и прочий. Люди почаша ставити церкви по градом и по властем и по селом. По сем посла Владимер, нача имати у людей дети на учение грамоте. Матери же над сих плакахуся по них, еще бо не бяху ся утвердили ся верою, но яко по мертвецех б-1) плакахуся. Сим же разданном на учение книгам, се сбысться пророчество на Руской земле, глаголюще: “Во церкви во оны дни услышат глусии словеса книжная, и ясен будеть язык гугнивых”. Си бо не беша прежде слышали словеса книжная, но по смотрению божию и по милости поми-лова и бог, яко же рече пророк: “Помилую его же, аще не помилую, банею паки бытия обновлением духа по изволению божию, а не по нашим делом”. |л. 94 об.| Владимер же сам просвещен, и сынове его, и боляра, и земля его. Бе бо у него сынов 12: 1 Вышеслав, 2 Изяслав, 3 Святополк, 4 Ярослав, 5 Всеволод, 6 Святослав, 7 Мстислав, 8 Борис, 9 Глеб, 10 Позвиздь, 11 Судислав, 12 Ижеслав. И посади Вышеслава в Новеграде, а Изяслава в Полотсце, а Святополка в Турове, а Ярослава в Ростове. Умершу же старейшему Вышеславу в Новеграде. И посадиша Ярослава в Новеграде, а Бориса в Ростове, а Глеба в Муроме, Святослава в Деревицкой земле, Всеволода въ Володимере, Мстислава в Турокани. Помысли же великий князь Владимер, иже не добро мало _________ а-2-а-2) В рукописи завет нов. Исправлено по Воскресенской летописи (ПСРЛ, т. VII, с. 311) и Повести временных лет (Повесть временных лет, ч. 1, с. 80). б) Написано над строкой.б-1) В рукописи мтревецех с титлом над т.
-56- городов около Киева, и нача городы ставити по рекам по Десне, по Востри, по Трубеже, по Суде, 15 по Стугне. По сем наряжати нача и даяти воеводство |л. 95| в тех градех кияном, избирая лучшия люди, нача наводити в те грады от словен, от кривич, от вятич, от чюди и насели грады от тех, бе бо с ними ратен, воюяся с ними и одолевая им. В лето 6497 постави князь Владимер в Киеве первую церковь святаго Георгия ноября 26 день. О граде Владимере на Суздальской земле. В лето 6498 иде Владимер в Суздальскую землю и постави град во свое имя Владимер и съпом осыпа, и церковь святую Богородицу соборную постави, и вси люди руския крести, и наместницы по всей земли устави. В лето 6499-го посла Владимер и взят у Фотия, патриарха цареградцкаго, перваго митропалита Киеву Леона, а к Новуграду архиепископа Иокима Корсунянина, а по иным градом - епископы и попы и дьяконы, иже крестиша всю Рускую землю; и бысть радость всюду. |л. 95 об.| О создании церквы пречистый Богородица Десетинныя в Киеве. Владимер же живяше в законе християнстем, помысли создати церковь пресвятыя Богородица. И послав приведе мастеры от Грек, наченшу же здати ю, и яко сконча зижда, и украсив ю честными иконами и поручив ю Анастасу Корсунянину, и попы корсуньския пристави служити ей, въдаде ту вся, еже бе взял в Корсуни, иконы и сосуды и кресты. О Белогороди руском, еже близ Киева. В лето 6500 Владимер заложил Бельгород, наведе в он иных градов многи люди, сведе в него, бе бо любя град той. О Переславли, иже близ Киева. В лето 6501 иде Владимер на Хорваты. Пришедшу же ему с войны хорватские, и с в) печенеги |л. 96| придоша по оной стране от Суды. Владимер же поиде противу им и срете на Трубежи на броду, где ныне Переславец. И ста Владимер на сей стране, а печенези на оной стране. И не смеяху си на ону страну, ни они на сю страну. Приеха князь печенежский к реце и возва Владимера, рече ему: “Пустите свой мужь аз свой муж, да ся борета. Да аще твой муж ударит моим, да не воюем за 3 лета; аще ли наш ударит твоим, завоюем за 3 лета”. И разидошася разно. Владимер же приде в товары, посла переднючи по товаром, глаголя: “Несть ли таковаго мужа, иже бы ся ял бороти с печеженином?” И не обрете же нигде. И заутра приехаша печенези и свой муж приведоша, а в наших не бысть. И поча тужити Владимер, посылая по всем воям. |л. 96 об.| И прииде един стар муж ко князю Владимеру и рече ему: “Княже, есть у мене един сын менший дома, а з четырми есмь вышел, а той дома. От детства бо его несть, кто бы им ударивал. Единою бо ми сварящю ся на него, оному же мнущу кожю, разгневався на мя, преторже кожу рукама”. Князь же се слышав, рад, посла по него. И приведоша и ко князю. И князь поведаше ему все. Он же рече: “И сам невзм, могу ли, да искусите мя: аще есть зде бык велик и силен”. И налезоша и том часе, и повеле раздражити вола, и возложиша на нь железа гаряща, и пустиша вола. И побеже вол мимо его, и похвати вола за бок рукою и вырва кожю с мясом, елико ему рука зая. И рече Владимер: “Можеши ти бороти с ним”. Наутрия прииде |л. 97| печенези и начя звати: “Несть ли мужа? Се наш готов стоит”. И выступиша печенези, бе бо муж их велик зело и страшен. Выступи же Владимер свой муж, бе бо средний телом. И узре печенежанин и посмяяся ему. И размеривше меж обема полкома и пустиша я. И снидостася крепко бороти. И удари Владимеров муж печенеженина в руку до смерти. И удари им о землю. И кликнуша вой Владимери русстии. Печенези же побежаша, русь же погнаша, секуще их. Владимер же рад бысть. И заложи град на броде том и наречи Переславль, зане переяв отрок той. Владимер же великим мужем сотворив его и отца его. И возвратився к Киеву с победою и славою великою. В лето 6504 великий князь Владимер видев церковь пресвятую Богородицу съ|л. 97 об.|вершенну и вшед в ню, помолися. Помолив же ся, рече: “Даю церкве пресвятей Богородицы от имения моево и от градов десятую часть”. И положи, написав, клятву въ церкве, се рече: “Аще кто поручит г) се, да будет проклет”. И даст десетину Анастасу Корсунянину. Сотвори же празник велик в тот день. И постави Владимер въ Василеве церковь Преображенье господне. О пирех, иже устави великий князь Владимер. Еще паки творяаше и се людем своим: во вся неделя устави на дворе въ гриднице пир творити боляром и гридем, и сотницким, десяцким, и нарочитым людем, при князе и без князя. Бывааше на обеде том множество мяс от птиц и от _________ в) Так в рукописи. В Воскресенской летописи (ПСРЛ, т. VII, с. 314) и Повести временных лет (Повесть временных лет, ч. 1, с. 84) се. г) Так в рукописи.
-57- скота, и от зверины, и бе по обилию всего. Егда подпияхутся, начахут роптати на князя, глаголюще: “Зло есть нашим голо|л. 98|вам ясти древяными лжицами, а не сребреными”. Се слышав Владимер, повеле исковати лжицы сребряныя и повеле класти пред людей. Егда ядяху, рече сице, яко: “Сребром и златом не имам налести людей, а с людьми добуду злато и сребро, яко же дед мой и отец мой доискахуся людьми злата и сребра”. Бе бо Владимер любя люди и дума с ними о строение земском, о ратех и о составе земнем. И бе живя со князьми окольными его миром, с Болеславом лятским, и д) съ Стефаном угорским д), и со Андреяном чешским; и бе мир межди ими и любовь. И живяше Владимер во страсе божий. И умножишася разбоеве, и реша епископи Владимеру: “Се умножишася разбойницы. Почто не казниши я?” Он же рече им: “Боюся греха”. Они же реша ему: “Ты постав|л. 98 об.|лен еси на казнь злым, а добрым на милование. Достоит ти казнити разбойницы, но со испытанием”. Владимер же отвергь виры, нача казнити разбойников. И реша епископи и старцы: “Рать многа, а еже вира, то на конех и на оружии буди”. И живе бяше Владимер по устроению отчю и дедню. В лето 6509 преставися Изяслав Владимерович. В лето 6519 преставися Анна, царевна, великая княгини, Владимерова жена. В лето 6522 Ярославу сущу в Новегороде и уроком дающе къ Киеву 2000 гривен от года до года, 1000 в Новегороде гривен раздавааху. Тако даяху посадники вси. А Ярослав сего не даяше к Киеву отцу своему. И рече Владимер: “Требите путь |л. 99| и мосты мостите”. Хотяшет бо на Ярослава ити сына своего, но разболеся. О преставлени благовернаго и христолюбиваго великого князя Владимера, нареченнаго во святом крещени Василия. В лето 6523 хотящу ити Владимеру на Ярослава, сына своего. Ярослав же посла за море и приведе варяги, бояся отца своего. Но бог не даст радости дияволу. Владимер же разболеся, в то же время бе у него сын его Борис. Печенегом же идущем на Русь, посла противу им Бориса, а сам боляше велми, в ней же болезни и скончася на Берестовом июля в 15 день; и потаиша и, бе бо Святополк в Киеве. В нощь же межи клетми проимаша помост, и в ковер опрятавша и, и ужи свесиша на землю, и возложиша на сани, |л. 99 об.| везше поставиша во святей Богородицы. Се же уведавше людие, без числа снидошася и вложиша и во гроб мраморян и похраниша тело его с плачем святого блаженнаго великого князя Владимера. Четверты великий князь Владимер Святославич руской княжив лет 35. О убиени Борисове Владимерича на Алте. Святополк же седе в Киеве по отци. И призва кияны и многи дары им раздан, отпусти я. Послав же к Борису: “Брате, хощу с тобою любовь имети и ко ону ти придам”. Лестно, а не истинно глаголаше. И пришедь Вышегороду нощию, отай призва Путшу и вышегородския бояря, рече им: “Повежте ми поистинне, приязньствй имеете ли ко мне?” Путша рече: “Вси мы можем главы своя положити за тя”. Видев |л. 100| же диавол, искони ненавидяй добра человеку, вложи Путше злу мысль. Яко всю надежю свою возложил есть на господа святый Борис, начат подвижнее бывати, обрет, бо яко же Каина на братоубивство горящя, Святополка Окаяннаго уловит мысль его, яко да избиет братию свою и сам примет власть всю един. Тогда призва к себе окаянны Святополк советник злу и начальник всея неправды, отверзь прескверная своя уста, испусти свой глас, рече Путшине чади: “Аще убо обещастеся положити главы свои за мя, то шедше, братия моя, где обрящете брата моего Бориса, исмотривше времени, убите его”. И обещася сотворити ему. О таковых бо пророк рече: “Скоры суть ноги их пролияти кровь без правды”. Блаженный же Борис, яко же ся бяше, воротил и ста на Алте шатры. И реша ему |л. 100 об.| дружина: “Пойди, сяди в Киеве на столе отца своего, се бо вой вси в руку твоею суть”. Он же к ним отвещав, рече: “Не буди того, еже ми подняти рука на брата своего, еще же старейшаго, его жь бых имел, яко отца”. Се слышавше вой, разыдошася от него, а сам остася токмо со отроки своими. Бяше же в день суботный, и бе в тузе и печали, сокрушенным сердцем вшед в шатер свой, плакашеся и жалостно глас свой испущааше: “Слез моих не презри, вла-дыко, да яко же уповаю на тя, тако е) сотвори ми рабы, да прииму часть и жреби со всеми святыми е), яко ты еси бог милостив и тебе славу возсылаем, отцу и сыну и святому духу, ныне и _________ д-д) Написано над строкой вместо зачеркнутого киноварью и бе мир межди им. е-е) Так в рукописи. Ср. в Воскресенской летописи: тако да с твоими рабы прииму часть и жребий съ всеми святыми твоими (ПСРЛ, т. VII, с. 319); в Сказании о святых мучениках Борисе и Глебе из “Четьи Минеи 1489 г.”: да с твоими рабы прииму часть жребии и со всеми святыми твоими (Жития святых мучеников Бориса и Глеба и службы им. - В кн.: Памятники древнерусской литературы, вып. 2. Пг., 1916, с. 182).
-58- присно и во веки веков. Аминь”. Помышляше же мучение и страсть святаго мученика Никиты и тако святей Варваре, свой отец убийца бысть им. [П]риемля ё) слово премудраго Соломона: |л. 101| “Праведницы вовеки живут и от господа мзда их”. И о сем токмо словеса утешашася. Та же бысть вечер, повели пети вечерню, а сам нача творити молитву вечернюю со злезами горькими и со воздыханием и стенанием многим. По сих ляже спать, и бяше сон во мнозей мысли и в печали крепце и страшне. И возобнув рано, виде, яко год утрени есть, бе же во святую неделю, и рече к прозвитеру: “Въстав, начни заутрени”. Сам же, обув нозе свои, начат молитися. Посланнии же приидоша от Святополка на Альтъ в нощь ту и подступиша близ шатра, и слышаша глас блаженнаго страстотерпца, поюще псалмы заутрении. И бяше бо ему весть о убиении, и яко конча утреню, начат молитися, зря ко иконе господни, глаголя молитва: “Господи Исусе Христе, иже сим образом явися на земли, изволивши своею волею пригвоздитися на кресте и приим страсть грех ради наших, |л. 101 об.| и сподоби мя прияти тако же страсть”. И яко услышаше топот зол около шатра, и трепетен быв, нача слезы испущати от очию своею и глаголаше: “Слава ти, господи, яко о всем том сподобил мя еси зависти ради прияти горкую смерть и все пострадати любве ради словесе твоего, не восхотех бо себе сам взыскати, ничто же себе изволих по апостолу: любы ё-1) терпит, всему веру емлет, не ищет своих сих, и паки ё-1) во боязни любви нес[т]ь, но совершенная любы вон измещет страх. Тем же, владыко, душа моя в руку твоею есть выну, яко закона твоего не забых: яко господу годе, тако бысть”. И яко узре прозвитер и отрок его, иже служаяше пред ним, господина своего дряхла и печалию обольяну сущу зело, расплакастася и глаголюща: “Милый наю, господине драгий! Коликой благости сподоблен бысть, |л. 102| яко не восхоте противитися брату своему любве ради Христовы, колики держа воя в руку своею”. И сие рекша, умилистася, и абие узреста текущих к шатру блистания оружия и мечное очищение. И без милости прободено бысть честное и многомилостивое тело его святого блаженнаго страстотерпца Христова Бориса, насуну и копии Путша и Талец, и Олович и Лящко. Видев же се отрок его, вержеся на тело его, рекый: “Да не остану тебе, господине мой драги, да иде же красота лица твоего ж) увядает, ту и аз сподоблен буду живот свой скончати”. Бе же сей родом угрин, именем Еоргий, бе же возложил на него Борис гривну злату, любим бо бе им паче меры. Ту же и того прободоша. Святы же Борис, яко уранен бысть, искочи ис шатра вооторопе и нача глаголати стоящи округ его: “Что |л. 102 об.| стоите зряще? Приступльше, скончаем поведенное нам”. Сие слышав блаженый и нача молитися им и мил ся деяти, глаголя им: “Братие моя, мало время пождите, и да помолюся богу моему”. И возрев на небо со слезами, горце воздохнув, нача молитися, сицевыми гласы молитва: “Господи Исусе Христе, боже милостивы и многомилостивый владыко! Слава ти, яко сподобил мя еси от прелести жития сего лестного отъити, слава ти, прещедрый, живодавче, яко сподоби мя труда святых ти мученик! Слава ти, владыко человеколюбче, сподобивый мя скончати хотения сердца моего! Слава, Христе, многому ти милосердию, иже направивый на правый путь мирны ноги моя, текуща к тебе без соблазна, призри с высоты святыя своея и виждь болезнь сердца |л. 103| моего, еже приях от сродника моего, яко тебе ради умерщвяеми есмь весь день, вмениша ся, яко овца снеди. Веси, господи мой, веси, яко не противихся, ни вопреки глаголах, а имех в руку моею вся воя отца моего и вся любимая отцем моим и ничто же умыслих брату моему. Он же елико возможе и воздвиже на мя, да аще бы ми враг поносил, претерпел убо бых от него, и аще бы ненавидяй мене на мя велеречевал, укрылся убо бых. Но ты, господи, виждь и суди межди мною и братом моим, не постави ему, господи, греха сего, но прими в мир душу мою. Аминь”. Та же возрев к ним умильныма очима испадшим лицем, весь слезами облиявся, рече: “Братие, приступите, скончайте службу свою, и буди мир брату моему и вам”. Да елико слышяху словеса, от |л. 103 об.| слез не можяху словеси рещи, от страха же и печали горькия, но со воздыханием глаголаху, плачя кождо по своей души, глаголюще: “Увы нам, княже наш, милый, драгий, блаженный, водителю слепым, одежда нагим, старости же зле ненаказанным наказатель! Кто уже исправитца, как не восхоте мира сего славы, како не восхоте веселитися с честными вельможи, как не восхоте величия в сем житии. Кто бо не почюдится великому смирению его, кто ли не смирится, оно смирение видя и слыша”. И абие успе, предав душу в руце бога живаго месяца июля в 24 день. Избиша же отроки многи, сь Еоргия же не могушя гривны сняти, отсекошя главу его и отвергоша кроме, да тем последи не возмогошя познати тела его. А блаженнаго Бориса об- _________ ё) В рукописи риемля. ё-1-ё-1) В рукописи строка отмечена на левом поле знаком +. ж) т написано по счищенному ег.
-59- вертеша в шатер, возложиша на кола и повезоша и. И яко быша на бору, начав |л. 104| скланяти главу свою. И се уведав окаяный Святополк и посла 2 варяга, и прободоста и мечем в сердце. И тако скончася блаженный Борис, восприим неуведаемый венец от Христа бога. И положиша тело его, принесши тай, в Вышегороде у церкви святого Василия, в землю погребоша и. Сей благоверный князь Борис блага корени, послушлив бе, отцу покаряяся при всем, на рати храбр, в советех мудр и разумен. Окаянний же сий убийца приидошя къ Святополку, аки хвалу имуще. Беззаконницы сии бо слуги беси з) бывают злии, бо человецы, тщащейся на злое, не хуждьши есмь бесов, им же есмь конец и), вечная мука й). |л. 105 об.| О к) убиении князя Глеба Владимеровича к) рускаго, брата Борисова. Святополк Окаянный помыслив, рече: “Избию всю братию мою и буду един властелин в Русии”. И л) посла л) лестию по блаженнаго Глеба, рекше: “Прииди вборзе, отец тя зовет, и не здравит м) ти вельми”. Он же въборзе и вмале боляр вседе на конь, поеде. И пришедыпу ему на Волгу, на поле потчеся конь под ним, наломи си ногу мало Глебу. И яко приде ко Смоленску, и поиде от Смоленска, яко узреимо едино, и ста на Смядыне в кораблецы. И в се время пришла весть от Преславы се[с]тры къ Ярославу о отце его смерти. Прислав Ярослав къ Глебу, глаголя: “Не ходи, брате, отец ти умре, а брат ти убит от Святополка”. И сие слышав блаженный, |л. 106| воспи с плачем великим и горким, печалию сердечною и сице глаголаше: “Увы мне, господи мой! О двою плачюся и стеню, двою сетовании сетую и тужю. Увы мне, господи! Плачюся по отцы, плачю же ся паче и зело отчаяхся по тебе, брате Борисе, како прободен еси, како прочее без смерти н) предася, како не от врага, от своего брата пагубу приял еси. Увы мне, уне бы ми с тобою умрети, нежели уединену о) и усырену от тебе в сем жити пожити. Аз мнех в житии и лице твое зрети ангильское, то селика туга постижи мя. Что же убо сотворю, умилен и учюжден от твоея доброты и отца моего многаго разума? О, милы мой господине, брате, аще еси получил дерзновение у господа, моли о моем унынии, да бых и аз сподоблен был ту же страсть |л. 106 об.| прияти и с тобою жити, неже в свете сем прелеснем”. Сице ему стенющу и плачющу и слезами землю мочащу, со воздыханием бога призывающу, приспеша внезапу послании от Святополка злыя слуги, немилостивый кровопицы, братоненавидницы, люты зело звери, сверепых душа имуще. Святы же поиде в кораблецы, и усретоша и на усть Смядыни. И яко узре их, возрадовася душею. Они же, узревше, омрачахуся и гребяху к нему. Сей же целование творяаше прияти от них. Яко быша равнопловуще, начата скакати зли они в лодию его, обнажены меча имуще в руках, блещащеся, яко вода. И абие весла всем из рук испадоша, и вси от страха омертвеша. Окаянны жь горя сердцем п), |л. 107| повеле вборзе зарезати святого Глеба. Повар же Глебов, зовомы Торчин, изем нож блаженнаго закла, аки агня незлобиво, месяца сентябрия в 5 день в понедельник. И принесеся господеви жертва честна и благовонна, взыде в небесныя обители ко господу и узре желаемаго си брата, и прияста вкупе венца небесныя нетленныя, их же вжелеста и возрадовастася радостию неизреченною, юже улучиста братолюбием своим. Окаянни же они убицы возвратишася и придоша к пославшему я окоянному Святополку, и яко сказаша ему яко: “Сотворихом повеленное тобою”. Он же слышав, возвеселися окоянный душею и вознесеся сердцем. Окаянни же они убицы убивше Глеба и повергоша и на пусте месте межди двема кло|л. 107 об.|дома. Господь же не оставляет своих раб, яко же рече Давид: “Сохранит п-1) господь вся кости их, ни едина от них не ськрушится”. И сему убо святому лежащу на долго время, не остави и в неведени и небрежени пребывати, но показа бог мимоходящим овогда столп огнен, овогда свеща горяща, и пения ангилская слышаху мимоходящие гостие, иней же ловы деюще и скоты пасуща, и слышаще и видяще. И не бысть памяти ни единому их о взыскании телеси святого, дондежь не терпя Ярослав сего злаго убиства, движася на братоубийцу оного окаяннаго Святополка и брани многи с ним составив, и всегда пособием божиим и с поспешением святою победив, елико брани составив с ним, посрамлен и побежден возвращашеся. |л. 108| Княжение Святополче в Киеве. Святополк же Окоянны нача княжити в Киеве. Ярославу же еще не ведающу отца своего смерти, и се же бе аще преже убиения Глебова. Ярославу же сущу в Новеграде, и мнози варязи бяху у него, и насилие творяаху новгородцом и женам их. И востав- _________ з-й) Написано на середине листа в четыре строки; далее лл. 104 об. - 105 оставлены незаполненными.и) коне написано по другим буквам. к-к) Написано вязью, кроме вича. л-л) Написано дважды, во втором случае зачеркнуто киноварью.м) В рукописи здрадвит. н) Написано дважды, в первом случае слрти под титлом.о) Вторая и третья буквы написаны по другим. п) В рукописи сер с выносным р. п-1) В рукописи сохратит.
-60- шии новгородцы и избиша варяги во дворе Парамони. И разгневася Ярослав и шед на Ракомо, седе во дворе, и посла к новго[ро]дцом, рече: “Уже мне сих р) не воскресити”. И возва к себе нарочитыя мужи, иже бяху секли варяги, и обольстив, изсече 1000 мужей, а иныя бежаща из града. В ту же нощь приде къ Ярославу весть ис Киева от се[с]тры его Предславы: “Отец ти умре, а Святополк седит в Киеве, убил Бориса, а на Глеба послал, |л. 108 об.| а тыя его блюди повелику”. Тогда же посла весть Ярослав къ Глебу, яко же преди писахом. Слышав же от сестры своея Ярослав печален быв о отцы и о брате. И заутра же избыток собрав новгородцов, Ярослав сотвори вече с) на поле и рече к ним: “Любимая дружина, яже вчера избих безумии моем, а ныне надобе златом бых купити”. И утер слезы, рече им на вечи: “Отец мой умерл есть, а Святополк сидит в Киеве, избивая братию свою, хощу на нь ити, потягните по мне”. И реша ему новго[ро]дцы: “Аще, княже, братия наша избита суть, а мы можем с тобою ити”. И собрав Ярослав воя, варяг т) 1000, а прочих воя 1000, поиде на Святополка, и нарек бога, рече: “Не у) аз начях избивати братию, но он; да будет отместник бог брати моея |л. 109| крови, зане без вины пролия, егда и мне сице же створит. Но суди, господи, по правде, да не ф) скончаетца ф) злоба грешных”. И поиде на Святополка. Слышав Святополк идуща Ярослава и пристрой без числа вой, руси и печенег, изыде противу к Любчю, об он пол Днепра, Ярослав об сю страну. О победе Ярославли Владимериче на Святополка. В лето 6524 приде Ярослав на Святополка и сташа противу себе оба полы Днепра. И не смеяхут найти, ни си на тех, ни те на сих; и стояше 3 месяцы противу себе, не смеюще ся сьступити. И нача воевода Святополчь именем Волчей Хвост, ездя возле берег, укоряти новгородцев, глаголя: “Почто придоша со храмцом сим х), [а вы] плот[ники] сущ[е? При]ста[вим] вас х[оромов] х) наших рубити”. Се слышавше новгородцы, реша Ярославу яко: “Заутра перевеземся на нь; аще ли кто не |л. 109 об.| пойдет с нами, то сами почтем и”. Бе бо уже замороз ц), а Святополк стоя между двемя озеры и всю нощь пил з боляры своими. И разуме Ярослав, яко в нощи сешися, исполчився заутра, с вой против свету перевезеся на ону страну Днепра, и тое нощи поиде на сечю. И рече ч) Ярослав воем своим: “Знаменайтеся, повивайте главы убрусом”. И съступишася на месте, и бысть сеча зла, и не бе лзе езером помогати печенегом. И притиснуша печенегов къ езеру, и въступиша на лед, и обломися с ними лед. И одоляти начата Ярослав. Видев же Святополк, побеже. И одоле Ярослав. Святополк же побежа в Ляхи. А Ярослав сяде в Киеве на столе отче и дедне; бе же тогда Ярослав лет 28. В лето 6525 придоша печенези къ Киеву и секошася ш) у Киева, и едва |л. 110| к вечеру одоле Ярослав печенегов, и побегоша посрамлени. И заложи Ярослав град великий Киев, и Златая врата постави, и церковь святую Софеи заложи. О том, како победи Святополк Ярослава. В лето 6526 прииде Болеслав съ Святополком на Ярослава с ляхи. Ярослав же совокупи русь и варяги, и словене и поиде противу Болеславу и Святополку, и прииде к Волыню. И сташа оба пол реки щ) Буга. И бе у Ярослава дятька и воевода Блуд. И нача укоряти Болеслава, глаголя: “Да то ти прободем чрево твое толстое”. Бе бо Болеслав велик и тяжек, яко и на коне не могий сидети, но бяше смыслен. И рече Болеслав дружине своей: “Аще вы сего укора не жаль, то аз един погибну”. И вседе на конь и вбреде в реку, и по нем вой его. Ярослав же |л. 110 об.| не успев исполчитися, и победи Болеслав Ярослава, и убиша Блуда воеводу, иных победиша множество. А еже иных руками изымаша, тех расточи Болеслав по ляхом; а сам вниде в Киев со Святополком, и седе на столе. И тогда Болеслав положи себе на ложи Преславу, дщерь Владимерю, сестру Ярославлю. Ярослав же убеже с четырми мужи к Новугороду. И рече Болеслав: “Разведите дружину мою на покорм по городом”. И бысть тако. Ярослав же прибеже к Новугороду и хотяше бежати за море. И посадникы Констянтин, сын Добрынин, разсекоша лодии Ярославли, рекуще: “Хощем ся еще бити по тебе с Болеславом и Святополком”. И нача скоп сбирати от мужа по ъ) четыре куны, а от старост по 10 гривен, |л. 111| а от бояр по 18 гривен. И приведоша варяг и вдаша им скоп. И совокупи Ярослав воя многи. Болеслав же бе в Киеве седя. Безумны же Святополк рече: “Елико же ляхов по городом, избивайте”. И избиша я. Болеслав же побеже ис Киева, поволочив Преславу, возьмя имения и бояры Яро- _________ р) Написано дважды, одно над строкой более светлыми чернилами.с) В рукописи величие. т) а написана по другой букве.у) В рукописи но. ф-ф) Так в рукописи.х-х) Написано на правом поле, часть текста с правой стороны срезана, восстановлено по аналогичному тексту Воскресенской летописи (ПСРЛ, т. VII, с. 325). ц) м написана по з. ч) ре написано по другим буквам.ш) ся написано по ша. щ) ре написано по ки. ъ) Написано дважды.
-61- славлии и се[с]тры его, и Анастаса пристави Десятиннаго ко имению, бе бо въверился ему лестию, и людей множество веде с собою, и грады червенския зая себе; и приведе в свою землю. Святополк же нача княжити в Киеве. И поиде Ярослав на Святополка, и бежа Святополк в Печенеги. О второй победе Ярославове, како победи окояннаго Святополка на Алте. В лето 6527 прииде Святополк в Печенеги в силе тяжце. А Ярослав вой многи собрав, изыде противу их на Алту. И ста Ярослав |л. 111 об.| на месте, иде же убиша Бориса, и воздев руце на небо, речь: “Кровь брата моего, вопиет к тебе, владыко! Мьсти от крови праведнаго, яко же мстил еси кровь Авелеву, положив на Каине стенание и трясание, тако положи и на сем братоубийце Святополке”. Помолився, рече: “Братия моя, аще телом далече есте отсюду, но молитвами помозита ми на противнаго сего убицу и гордаго”. И се ему рекшу, поидоша противу себе, и покрыша поле Лятцкое обои от множества вой. И бысть сеча зла, такова же не бывала в Руси: и за руки емлюще, сечахуся, и сступишася трижды, и по удолием кровь течааше. И мнози вернии видяху ангили помогающи Ярославу. И к вечеру одоле Ярослав, а Святополк побежа. И бежащу ему, нападе на нь страх, и раслабишася кости его, не можааше |л. 112| седети, несяхут и на носилех. И принесоша къ Берестию, бегающе с ним. Он же им глаголаше: “Побегните со мною, женут по нас”. Отроцы же его восылаху противу, егда женет по нем. И не бе никого же вослед гоняща, и бежааху с ним. Он же лежавше, восха-пився глаголаше: “Осе женут, пожените и побегните”. И [не] ы) можааху терпети на едином месте, и пробежа Лятскую землю, гоним гневом божиим, и пробеже пустыню между Чахи и Ляхи, и ту испроверже зле живот свой. Еже по правде прият, яко праведну суду нашедшу на нь, по одшествии сего света прияша муки окаянного Святополка, показавше явве посланная на нь пагубная рана, въ смерть немилостивно вогна, и по смерти немилостивно мучим, связан во дне аду; еже есть могила его в пустыни и до сего дни, исходит же от нея смрад злой. Еже бог показа наказание кня|л. 112 об.|зем руским; да аще сице творити учнут, слышавше, ту же казнь приимут, но и болши сея, понеже ведуще се бывшее сотворят такожьде злое братоубивство. Седмь бо мсти прият Каин, убив Авеля, а Ламех 70, понеже ведая сотвори, а Каин не ведая. Сему же окаянному Святополку обою сей горши мука. Святополк княжив лет 3. Ярослав же сяде в Киеве, утер поту з дружиною своею, показан победу и труд велик по брати своею. Оттоле крамола преста в Руской земли, а Ярослав прия власть всю Руския земля ь). |л. 113| Начало э) великаго княжения Ярослава Владимеровича э) киевскаго и обретении телеси святаго мученика Глеба. И начат въспрашати Ярослав о телесех святого ю), како или где положена еста, и о святем Глебе не вси сведяху, яко во Смоленске убиен есть. И тогда сказаша ему, яже слышаша от приходящих ту, како видеша свет и свеща в пусте месте. И то слышав Ярослав, посла на взыскание ко Смоленску прозвитеры, рече яко: “Ту есть мой брат”. И обретоша, иде же бяше видели. И шедше со кресты честными и со свещами многими и с кандилы, и влождыпе и в корабль, и привезоша и, и положиша и в Вышегороде, иде же лежит тело преблаженнаго Бориса. И раскопавше землю, ту по[ло]жиша я), и не умеюще бо еще яко же |л. 113 об.| бо лепо и честно. Се же пречюдно и дивно и а) памяти а) достойно колико лет лежа тело святого и неврежденно пребысть ни от единого плотоятца, ни бяше почернело, яко же бо имат обычаи телес мертвых, но светло и красно, и цело, и благу воню имуще; тако бо богу сохранившю своего страдальца тело. И не ведяху мнози ту лежаще святого страстотерпца телесе, но яко же рече господь: “Не может град укрытися верху горы стоя, ни свещи вжегши спудом покрывают, но на светиле поставляют, да осветит темныя”. Тако и сия святая б) прослави бог светити в мире премногими чюдеси и сияти в Руской стране в) великой, иде же страждущих множество спасени бывают от святою раку всечестную Бориса и Глеба. Начат же Ярослав вой делити, старостам своим по 10 гривен, а смердом |л. 114| по гривне, а новгородцом по 10 гривен. И отпусти я вся домов. Констянтин же бяше тогда в Новегороде. И разгневася на нь велики князь Ярослав и поточи в Ростов, и на третие лето повеле его убити в Муроме на реце на Оке. _________ ы) В рукописи пропущено.ь) Далее четверть л. 112 об., л. 112а, 112а об. оставлены незаполненными. э-э) Написано вязью, в последнем слове только Влади. ю) В рукописи святою. я) В рукописи ло пропущено.а-а) Написано дважды. б) В рукописи стая , без титла.в) Написано по счищенному.
-62- В лето 6528 г) родися великому князю Ярославу сын, наречен бысть Владимер. Того же лета велики князь Ярослав победи Брячислава. И о взятии Новаграда Великого от того же Брячислава полотскаго. В лето 6529 поиде Брячислав князь, сын Изяслав[ль], внук Владимеров, с вой ис Полотцка на Новгород и взя Новгород; и поим новгородцы имение и весь полон, и скоты, поиде к Полотску опять. И пришедшу ему к Судоморе реке. Великий же князь Ярослав слышав ту весть и совокупи воя многи ис Киева, в седьмы же день |л. 114 об.| постиже и ту и победиша Брячислава, и новгородцы отпусти к Новуграду, и полон у него отня, елико бяше Новгородский власти. А Брячислав бежа къ Полотцку. И оттоле призва к себе Ярослав Брячислава и да ему два града, Свяч и Видбеск, и рече ему: “Буди же со мною заодин”. Воеваше Брячислав с великим князем Ярославом вся дни живота своего. О Мстиславе Владимериче, како убил Редедю. В лето 6530 прииде великий князь Ярослав къ Берестию. В си же времена сущу Мстиславу Тмуторокани, поиде на косагы. Слышав же се, косажский князь Редедя изыде противу ему. И ставшима обема полкома противу себе. И рече Редедя ко Мстиславу: “Что ради губиве люди межди собою? Но сниде|л. 115|ве ся сами бороти; да аще ты одолееши, и ты возьми имение мое, и княиню мою, и дети мои; аще ли аз одолею, то возьму твое все”. И рече Мстислав: “Тако буди”. И рече Редедя к Мстиславу: “Не оружием ся бореве, но борьбою”. И сняста ся бороти крепко, и борющемася има, начат изнемогати Мстислав: бе бо телом велик Редедя и силен. И рече Мстислав: “О пречистая богородице, помози ми. Аще одолею сему, созижду церковь во имя твое”. И се рече, удари им о землю, и вынем нож, и зареза Редедю. И шед в землю его, взя все имение его, и жену его, и дети его, и дань положи на них. И пришедшу ему Тмуторокани и заложи церковь святую Богородицу, и созда ю, яже стоит и до сего дни. |л. 115 об.| В лето 6532 д) поиде Мстислав с козары и с косагы на великого князя Ярослава. В лето 6532 Ярославу сущу в Новегороде. И приде Мстислав ис Тьмуторокани к Киеву, и не прияша его кияне. Он же сяде на столе в Чернигове. О волсвех лживых во граде Суздале. Того же лета восташа волсви лживие, и в Суздале избивааху старую чадь бабы по дияволю научению и бесованию, глаголюще, яко си держат гобину и жито и глад пущают. И бе мятеж велик и глад по всей земли той, яко мужем своя жены даяти, да кормят себе челядином. Идоша по Волзе вси людие [в] е) Болгары и привезоша пшеницу и жито, и тако от того жита кормяхуся. Слышав же князь великий |л. 116| Ярослав волхвы, приде к Суздалю, изымав убица ты, расточи, иже бяху бабы избили и домы их разграбили, а другия показни; и устави ту землю, рече сице: “Бог наводит по грехом нашим на куюждо землю гладом или мором, или ведром, или иною казнию, а человек не весть никто ё) же; Христос бог един есть на небесех, в него же мы, хрестияне, веруем”. И возвратися князь великий Ярослав, прииде к Новугороду и посла за море по Якуна, по варяжского князя, и по варяги. И приде Якун с варяги к великому князю Ярославу, и бе Якун слепь, и луда бе ему златом исткана. О том, како победи Мстислав брата своего старейшаго великого князя Ярослава Владимерича. Иде князь велики Ярослав съ Якуном на Мстислава |л. 116 об.| к Чернигову. Мстислав же слышав, изыде против има на сечю к Листвену. И бяше есень, и ту ся сретоша. Мстислав же с вечера исполчив дружину и постави северу в чело противу варягом, а сам ста съ дружиною своею по крылома. И бывши нощи, и бысть тма и молния и дождь. И рече Мстислав своим: “Пойдем на них, то ны есть корысть”. И поиде Мстислав на велики князь Ярослав противу ж) себе, и сьступишася в чело севера с варяги, и трудишася варяги, секуще северу. И по сем наступи Мстислав съ своими и нача сечи варяги. И бысть сеча зла и страшна, яко посветяше молния, тако з) блещаще з) сия оружия их; и елико же молния осветяшее, толико мечи видяху; и тако друг друга убивааше, и бе гроза велика и сеча си|л. 117|лна. Видев же князь велики Ярослав, яко побеждаем, побеже с Якуном, князем варяжьским. И Якун же ту отбежа луды своея златыя. И тако победи Мстислав великаго князя Ярослава и Якуна. Ярослав же приде к Новугороду, а Якун иде за море, тамо и умре. Мстислав же, осветав заутра, виде лежаща иссеченых своих северу и варяги великого князя Ярослава и рече: “Кто сему не рад? Лежит северник, а се варяг, а мои люди целы”. И посла Мстислав по великого князя Ярослава, глаголя: “Сяди на своем столе в Киеве, занеже ты еси больши _________ г) В рукописи 6028. д) Так в рукописи.е) В рукописи пропущено. ё) Так в рукописи. ж) В рукописи притиву. з-з) Написано по подчищенному тексту.
-63- брат, а мне буди своя страна”. И не смея князь велики Ярослав пойти, дондеже смиристася. Беша же седяще в Киеве мужи Ярославли. Того же лета родися Ярославу, великому князю, вторы сын Изяслав. О миру великого князя |л. 117 об.| Ярослава с братом своим со князем Мстиславом. В лето 6534 велики князь Ярослав совокупи воя многи, приде къ Киеву и сотвори мир с братом Мстиславом у Городца. И раздели землю Рускую по Днепру: велики князь Ярослав прия сию страну, а Мстислав ону. И начаста жити миром и в братолюбстве, и престаша убиства и мятежи, и бысть тишина в земле. В лето 6535 родися трети сын великому князю Ярославу, и наречи Святослав. Того же лета явися знамение змиево на небеси, яко видети всей земли. В лето 6538 князь велики Ярослав Белзы взял. Того же лета родися ему сын четвертый Всеволод. В лето 6539 велики князь Ярослав и брати |л. 118| его Мстислав собраста вой многи, идоша на Ляхи, и заяста грады червенския опять, и повоеваста Лятскую землю, и многи ляхи приведоша и разделиша я. Велики же князь Ярослав посади по Руси, и суть и) и до сего дне. В лето 6540 велики князь Ярослав поча грады ставити по Руси. И тогда Улеб изыде из Новагорода на Железная врата, и опять мало их приде. В лето 6541 й) Мстиславич к) Еустафей умре. О смерти князя Мстислава Владимерича. В лето 6542 велики князь Мстислав, брат великого князя Ярослава, изыде на ловы и тамо разболеся и умре. Положиша и в Чернигове во отчине его во церкви въ Спасе, юже зачал сам, бе бо возделана при нем, |л. 118 об.| возвыше, яко на коне стоя досячи. Бе же убо Мстислав дебел телом, лицем чермен, великима очима, на рати храбр и милостив, а бояря и вой любя повелику, имения не щядяше, пития ни ядения не браняше. По сем прия державу его и всю власть великий князь Ярослав, и бысть самодержец в Руской земле. О посаждени, како посади в Новегороде Великом великий Ярослав сына своего Владимера. Иде великий князь Ярослав въ свою отчину в Велики Новгород и посади сына своего Владимера в Новегороде и епископа постави Жидяту, и людям написа грамоту, рек: “По сей грамоте дадите дань”. Бяше жь Ярослав хромоног, но умом свершен, и храбр на рати, и крестиян брежааше, чтя сам книги. |л. 119| Того же лета родись Ярославу пяты сын Вячеслав. О победе великого князя Ярослава, како победи печенег у града у Киева. В лето 6544 великому л) князю Ярославу сущу в Новегороде приде ему весть, яко печенеги обстоят Киев. Он же собра вой многи, варяги и словены, приде к Киеву весне и вниде во град свой. И печенеги видев без числа. И выступи из града, исполчи воя своя, и постави варяги посреди, а на правой стране кияне, а на левой стране новгородцы. И сташа пред градом. И печенези почаша приступати, и сступишася на месте, иде же есть ныне святая Софеи и митрополия руская: бе бо тогда половина града. И бысть сеча зла, едва к вечеру одоле Ярослав. И побегоша печенези разно |л. 119 об.| и не ведяху, камо бежати, стенюще; и ови истопоша Сетомли м), а инии н) во иных реках, а прочи побегоша. Того же лета разгневася князь великий Ярослав на брата своего меньшаго Судислава и посади его ьъ поруб въ Плескове до живота своего; оклеветан бо бе к нему. В лето 6545 сьвершен бысть град Киев, и церковь святая Софеи свершена, а у града врата Златая. Того же лета велики князь Ярослав митрополию устави и две церкви постави, и монастырь устрой. При сем бо Ярославе великом паче вера християнская нача разширятися и плодитися по всей земли Руской. В лето 6546 ходи велики Ярослав на ятвяги и не може взяти. В лето 6547 священа бысть церкви святая Богородица |л. 120| митрополитом Феопентом, юже созда князь велики Владимер, отец Ярославов. В лето 6548 ходи князь великий Ярослав на литву. В лето 6549 иде великий Ярослав на мазовшане в лодиах. В лето 6550 о) иде Владимер, сын великого Ярослава, на емы и победи я множество. И помроша кони у воев Владимерих, и яко еще дышущем конем здираху кожи с них з живых; таков бе мор на них. _________ и) т залито чернилами.й) 41 написано над строкой.к) В рукописи было Мстиславвич, но первое в счищено.л) В рукописи великиму. м) В рукописи Ссетомли. н) В рукописи ннии. о) В рукописи 6050.
-64- О войне на Греки, како посылал велики князь Ярослав сына своего воевати Царьград. В лето 6551 паки на весну посла князь велики Ярослав сына своего Владимера на Греки, вда ему воя многи, варяги, русь, а воеводство поручи Вишате, Аневу отцу. И по|л. 120 об.|иде Владимер на Царьград в лодиях и прошед пороги, и придоша в Дунай. Рекоша русь Владимеру: “Станем зде на поле”. А варязи рекоша: “Пойдем под город”. И послушаше Владимер варяг п) и поиде п) от Дуная ко Царюграду с вой по морю. Грецы же видевше, изыдоша на море и начата погружати в море пелены Христовы с мощми святых. Божиим гневом возмутися море, и гром бысть велик и силен и буря велика. И начата лодии избивати и кораабе разби, и побегоша варязи въспять. И князь же Владимеров карааб разби ветр, и едва Иоан Творимирич князя во свой караб взя и воеводу Ярославля Вишату. Прочи же [вои] р) Владимеровы вывержени быта на брег, |л. 121| числом 6000, и сташа на брезе наги, и хотяху пойти в Русь, и не иде с ними никто же от дружины княжие. Вишата же воевода видев дружину свою стоящу и рече: “Не иду къ Ярославу без дружины”. И высяде с) ис корабля к воем и рече Вишата: “Аз иду с ними, аще жив буду с ними, аще погибну, то з дружиною”. И поидоша, хотяше в Русь. И бысть весть ко греком, яко избило море русь. И посла царь, зовомый Манамах, по руси въслед оляди 14. Владимер же видев с вой своими, что идут грецы по них, въспятився, изби лодии греческия и возвратися в Русь. Вишату же яша с извержеными на брезе и приведоша ко Царюграду, и ослепшпа руси много. По трех же летех смиришася, пущен бысть Вишата к великому Ярославу. |л. 121 об.| Тоя же осени т) дасть велики князь Ярослав сестру свою за Казимера. И в та лета обидяше Моислав Казимера, и ходи Ярослав двожды на мазовшане в лодиях, и рече Казимеру: “Егда отец твой Болеслав победи мене и полонил людей моих за ся, то дай ми за вину”. И собра Казимер люди его руси полоненых осмьсот, кроме жен и детей, и вда за вину великому Ярославу, шурину своему. Сей же Казимер вдасть сестру свою за Изяслава, сына Ярославля. В лето 6552 выгребоша два князя, Ярополка и Олега, сынове Святославли, и крестиша кости ею и положиша во церкви святыя Богородица въ Володимери. Того же лета ходи Ярослав на Литву и на |л. 122| весну заложи Новгород и здела и. Того же лета умре Брячислав князь, сын Изяслав[ль], и Всеслав, сын его, сяде на столе отца своего. Его же роди мати от волхвования. Матери бо родивши его, бе ему на главе язвено, крест, яма на главе его. Рекша волсви матери его: “Все язвено навяжи ему, да носит до живота своего”. Сего ради немилостив есть на кровопролитие. О церкви Софеи, иже в Новеграде. Того же лета заложи Владимер, сын великого Ярослава, церковь святую Богородицу в Новеграде Великом. В лето 6555 иде велики Ярослав третие на мозовшане и победи я, и князя их уби Моисла|л. 122 об.|ва, и покори землю ту Казимеру. В лето 6557 месяца марта в 4 сгоре церкви святая Софеи; бяше же чюдно устроена, 13 верх имуще, стояла конец Пискупли т-1) улицы, над Волхвом, иде же ныне стоит церковь камена святою мученику Бориса и Глеба, юже постави Сотко. В лето 6558 священа бысть церкви святая Софеи в Новеграде на вздвижение чеснаго креста повелением великого Ярослава. Того же лета преставися кнегини великая, жена Ярослава великаго, февраля въ 10 день. О Ларионе митрополите. В лето 6559 постави Ярослав митропо|л. 123|лита своими епископы Илариона Руси с[вя]тей Софеи в Киеве. Сказание о Печерском монастыре. И се да скажем, что ради прозвася Печерский монастырь. Боголюбивому великому князю Ярославу любяше Берестовое и церковь сущую святых Апостол и попы многи набдящу. В них же бе презвитер именем Иларион, муж благ и книжен и постник. И хождаше з Берестова на Днепр на холм, где ныне ветхий манастырь Печерский, и ту молитву творяще, бе бо лес ту велик. Ископа печерку дву сажен и приходя з Берестового, отпевааше ту часы и моляшеся богу втайне. За добродетель же его постави велики Ярослав митрополитом Киеву. И сия печерка тако ста. И не по мнозех днех неки человек |л. 123 об.| мирски от града Любча, взыде ему мысль на сердце, восхоте странствовати бога ради. И устремися во Святую Гору дойти и видети тамо сущая монастыри, и возлюби чернечески образ, и приде в един монастырь от сущих ту, _________ п-п) Написано на нижнем поле со знаком вставки.р) В рукописи пропущено. Далее зачеркнуто киноварью Владиме. с) В рукописи вьсяде. т) Написано по другим буквам лета (?).т-1) В рукописи Песку при. Исправлено по Воскресенской летописи (ПСРЛ, т. VII, с. 332).
-65- и моли игумена, да возложит на него иноческий образ. Он же постриже его и нарече ему Антоней, и благословив его, отпусти в Русь. Антоней же прииде в Русь к у) Киеву у) и помышляше, где бы водворитися. И приде на холм, иде же бе ему преж Иларион печерку ископав, и вселися в ню, и начат богу молитися со злезами, и ядый хлеб сух через день, и воды в меру пия, ископаше печеру, и не даяше себе покоя, все въ трудех пребывая. По сем же доблии целовецы прихождаху к нему, благословения от него приемлюше. И прошед слава о нем, яко же о великом Онтонии. По сем преставшюся в Киеве князю Ярославу, и прия власть сын ево Изяслав. И приходя |л. 124| Изяслав к Онтонию, прося у него благословения и молитвы. И бысть Антоний чтим ото всех людей. И собрася к нему братии числом 12, и ископаша печеру велию, и церковь, и кельи, иже суть и до сего дне в Печере под ветхим монастырем. И постави Антоней братии игумена Варлама, а сам иде в гору, и ископа пещеру, иже есть под новым монастырем. В ней же живот свой сконча в добродетели, не выходя из пещеры лет 40, в ней же лежат мощи его и до сего дни. Игумен же Варлам живяше з братьею в пещере. И умножися добре много братии, и оградиша монастырь столпием, и кельи поставиша, и церкви зело украсиша иконами. И оттоле нача звати монастырь Печерский от благословения Святыя Горы ста. В лето 6560 преставися князь Владимер Ярославич старейши в Новегороде месяца октября въ 4. И положен бысть во святей Софеи, юже сам созда. Того же лета придоша в Киев три певцы с роды своими. В лето 6561 |л. 124 об.| у Всеволода родися Владимер от царицы грекини. О преставлени великого князя Ярослава Владимерича киевскаго и всеа Русии. В лето 6562 преставися князь велики руский Ярослав. Еще бо бе жив когда, призва сыны своя, рече им: “Се аз отхожю света сего, сынове мои. Имейте в себе любовь, понеже вы есте братия единого отца и матери. Да аще будете в любви межди собою, бог будет в вас и покорити вам противныя, и будете мирно живуще. Аще ли будете живуще в распрях и которающеся, то погибнете сами и потеряете землю отец своих и дед своих, иже налезоша трудом своим великим; но пребывайте мирно живуще, |л. 125| послушающе брат брата. Се же поручаю в себе место стол свой старейшему сыну своему, а брату вашему Изяславу Киев. Сего же послушайте, яко мене послушаете, да тот вы будет в мое место. А Святославу даю Чернигов, а Всеволоду Переславль, а Игореви Володимер, а Вячеславу Смоленеск”. И тако раздели грады и заповеда им не преступати в пределы братни, ни изгонити. И рече ко Изяславу: “Аще восхощет обидети брата своего, то ты помогай, его же обидят”. И тако поучи сыны своя пребывати в любви. И самому же больну сущу, и пришед Вышегорода, разболеся велми. Изяславу сущу тогда въ Турове княжящу, а Святославу въ Володимере, а Всеволоду у отца, бе бо той любим |л. 125 об.| им паче всея братия, его жь имяше всегда у себя. Ярославу же приспе конец жития, и предаст душу свою месяца февраля въ 2 в суботу первыя недели поста. Всеволод же спрятав тело отца своего и везе къ Киеву, попове же поюще обычныя песни. И плакашеся по нем вси людие. Всеволод же принесе ф) и, положи в раце мраморяне в церкви въ святей Софеи. Жив всех лет седмьдесят 6, а из них на великом княжени лет 40, пятый от Рюрика великий князь Ярослав Владимерич киевски, всеа Русии самодержец. Сия же дозде, мы же на преднее да возвратимся. Иде Изаслав к Новугороду и посади Остромира в Новеграде. И иде Остромир с нового[ро]дцы х) на чюдь, и убиша его чюдь, и |л. 126| много паде с ним новогородцев. И паки Изяслав иде на чюдь и взя осек Декипив ц), сиречь Солнца рука. О ч) княжени Изяславле ч). В лето 6563 пришедь Изяслав, сяде на столе в Киеве, а Святослав в Чернигове, Всеволод в Переславли, Игорь въ Володимери, Вячеслав въ Смоленске. Того же лета приходи Булуш с половци, и сотвори Всеволод мир с ним. И возвратишася половци въепять, откуду беша пришли. В лето 6565 преставися Вячеслав, сын Ярославль, въ Смоленске, и выведоша Игоря из Володимера и посадиша на Смоленъске. Тогда бысть игумен печерский Феодосей. В лето 6566 победи Изяслав голядь. _________ у-у) Написано над строкой.ф) В рукописи прилк . Исправлено по Воскресенской летописи (ПСРЛ, т. VII, с. 333).х) В рукописи ро пропущено.ц) В рукописи Кепедив. Исправлено по Воскресенской летописи (ПСРЛ, т. VII, с. 333).ч-ч) Написано над строкой.
-66- В лето 6567 Изяслав, Святослав, Всеволод высадиша стрыя своего Судислава ис поруба |л. 126 об.| в лето 24, зане целова к ним, и бысть чернец, и ведоша и в Киев. В лето 6568 преставися Игорь, сын Ярославль. Того же лета прогна торки ш) Изяслав. Того же лета Изяслав и Святослав, Всеволод и Всеслав совокупиша воя без числа и поидоша на конех и в лодиях на торки ш). Се слышавше торцы щ) побегоша, и до сего дне бегающе, и помроша божиим гневом гоними, ови от зимы и от глада помроша; и тако избави бог хрестиян от поганых. Того же лета ходи Изяслав на колыванцы, сосолы, и дань даяти заповеда 2000 гривен. Они же поручешеся, изгнаша данники и на весну же пришедше, повоеваша села Юрьеве и град и хоромы пожгоша, и много зла сотвориша, и до Пскова доидоша, воююще. И идоша против ъ) им псковичи и новго|л. 127|[ро]дьцы на сечю, и паде руси 1000, а кол без числа. В лето 6569 придоша половцы первое на Рускую землю воевати. Всеволод же изыде противу им месяца февраля въ 2 день. И бившимся им, победиша Всеволода, и воевавше, отъидоша. Се бысть первое зло от поганых и безбожных враг. Бысть же князь их Сокол. Того же лета поставлен бысть Новуграду архиепископ Стефан. В лето 6571 преставися князь Судислав Владимерич, брат великому Ярославу, и погребоша и во церкви святого Георгия. В лето 6572 бежа Ростислав Тмуторокани ы), сын Владимер, внук Ярославль, с ним бежа Порей Вишатин, сын Остромира, воеводы новгородцкаго. И пришед, выгна Глеба, сына Святославля, ис Тмуторокани ь), а сам седе в него место. |л. 127 об.| В лето 6573 иде Святослав на Ростислава. Ростислав же отступи кроме града, не бояся его, но не хотя противу стрыеви своему оружия взяти. Святослав же пришедь Тмуторокани, посади сына своего Глеба и возратися опять. Ростислав же пришед, выгна Глеба, а сам седе Тмуторокани. И пришед Глеб ко отцу своему. В се же время Всеслав рать почал. О знамени небеси о звезде. В се же время бысть знамение на западе: звезда превелика, луча имущи кровавы, восходяще с вечера о заходе солнычном, и пребысть за седмь дней. Се же проявляше не на добро: по сем же усобица бывша многи и нашествие поганых на землю Рускую, си бо звезда бе кровова, проявляющи кровопролитие. О детиши. |л. 128| В си же времена э) въвержено бысть детище въ Сетомль, его же вывлекоша рыболове в неводе. Его же смотряхом весь день, и паки въвергоша и в воду. Бяшет бо сице на лицы ему срамни удове, иного нельзе сказати срама ради. Пред сим же временем солнце пременися, и не бысть светло, но яко месяц бысть; его же, невеигласи глаголют, снедаему сущу. Сия же бывают знамения не на добро. О смерти Ростислава Владимерича, внука великого Ярослава, его же умориша отравою котопан гречин. В лето 6574 Ростиславу сущу Тмуторокани ю), емлющю дань у касаг и у иных стран. |л. 128 об.| Сего убоявшеся грецы, послаша с лестию котопана. Оному же пришедшу к Ростиславу, въверившуся ему, чтяше и Ростислав. Единою же пиюще Ростиславу съ боляры своими, рече котопан Ростиславу: “Княже, здрав буди! Хощу ти пити”. Князь же рече: “Пий”. Он же испив половину, а половину даст князю пити, досягь пальцом в чашу, бе бо я) име под ногьтем растворение смертное. И вдав князю, рек: “Смерть до дне осмаго”. Князь же испи чашу. Котопан а) же уиде в Корсуню, поведаше, яко в си день умре Ростислав; яко же и бысть. Сего же котопана побиша камением корсуньстии людие. Бе бо Ростислав муж добр на рати, возрастом леп, лицем красен и милостив убогим и нищим. Успе месяца февраля въ 3 день, тамо и |л. 129| положен бысть в церкви святыя Богородица. О взяти Новаграда Великого от Всеслава Брячиславичя полотскаго. В лето 6575 заратися Всеслав, сын Брячиславль полотский, и зая Новград до Неревского конца, и пожже, и пойма все б) у б) святей Софеи, паникадила и колоколы, и отъиде. Ярославичи же трие - Изяслав, Святослав, Всеволод - совокупиша вой, идоша на Всеслава, зиме сущи велице. И приидоша къ Менску в), и меняне затворишася во граде. Сии же князи взяша Менеск град, изсекоша мужи, а жены и дети даша на щит, и поидоша к Немизи. И Всеслав поиде противу, и совокупишася обои на _________ ш) В рукописи турки , исправлено по Воскресенской летописи (ПСРЛ, т. VII, с. 333) и Повести временных лет (Повесть временных лет, ч. 1, с. 109).щ) В рукописи турки , исправлено по тем же источникам.ъ) В рукописи притив .ы) В рукописи Тмукорокании .ь) Второе т исправлено из к .э) Второе е исправлено из я .ю) В рукописи Тмуторотани .я) Исправлено из во .а) В рукописи токопан .б-б) В рукописи увсе .в) В рукописи Смоленску.
-67- Немизе в-1) месяца марта |л. 129 об.| въ 3 день; бе бо снег велик. И поидоша противу себе, и бысть сеча зла, мнози падоша. И одолеша Ярославичи, а Всеслав побежа. По нем же идоша июля в 10 день Изяслав, Святослав, Всеволод, целовавше крест ко Всеславу, рекущи ему: “Приди к нам, яко не сотворим ти зла”. Он же надеявся о целовани креста, поехав в лодии через Днепр. Изяславу же в шатер идущу, Всеславу вышедшу из лодии по нем идущу, и яша Всеслава на Рши у Смоленска, преступивше крест. Изяслав приведе Всеслава къ Киеву и всади в полубу з двема сынома. О половцех, како побита полки руския, а князи Ярославичи разбегошася. В лето 6576 приидоша иноплеменницы |л. 130| на Русскую землю, половцы мнози. Изяслав же и Святослав и Всеволод изыдоша им противу г) на Альто. И бывши нощи, поидоша противу себе. Грех ради наших попусти бог половец поганых на ны. И побегоша рустии князи: Изяславу же со Всеволодом къ Киеву прибегшим, а Святославу к Чернигову. И людие киевстии прибегына къ Киеву и сотвориша вечие д) на торговище, и реша, пославше ко князю: “А се половцы разъехашася по земли; дай, княже, оружие и кони, и еще биемся с ними”. Изяслав же сего не послуша. И начата людие говорити на воеводу на Косняча, идоша с вечия на гору и придоша на двор Коснячев, и не обретоша его, сташа у двора Брячиславля и реша: “Пойдем, высадим дружину свою ис погреба”. |л. 130 об.| И разделишася надвое: половина их иде к погребу, а половина их иде к мосту. Сии же приидоша на княж двор. Изяслав же седяше на сенех з боляры своими. И начата претися со князем, стояще долу, князю изо оконца зрящу, и бояре стояще у князя. Рече Туки, брат Чюдин, Изяславу: “Видиши ли, княже, люди возвысилися и поели ять Всеслава блюдут”. И сему глаголющу, другая половина людей и приде от погреба, отворивши погреб. И реша боляре князю: “Се зло есть: пошли ко Всеславу, призвавше и лестию ко оконцу, пронзут и мечем”. И не послуша сего князь. Людие же кликнуша, изыдоша к погребу Всеславлю. Изяслав же се видев, со Всеволодом |л. 131| побегоста з двора. Людие же высекоста Всеслава ис погреба сентября в 15 день и поставиша и посреди двора княжа, и двор княж разграбиша, бесчисленное множество злата и сребра, и кунами, и белками. Изяслав же бежа в Ляхи. Половцом же воюющим по земли Рустей. Святославу сущу в Чернигове, и половцом воюющим около Чернигова. Святослав же собрав дружину, колико есть, изыде на ня ко е) Сновску. И узреста половцы идуща, бой пристроиша противу. И видев Святослав множество их и рече дружине своей: “Потягнем, братие, уже нам не льзе камо са ё) дети”. И [у]дариша в кони, и одоле Святослав 3000, а половец 12 тысящь; |л. 131 об.| и тако биеми, друзи потопоша в Сновиж, а князя ярашу руками. Бысть же сия победа ноября въ 1 день. И возвратися Святослав с победою во град свой. Всеслав же сяде в Киеве. Се же яви господь бог силу крестную нам, зане Изяслав целовав крест, поймав Всеслава; тем же наведе бог поганыя, сего же избави крест чесный. В день бо воздвижения Всеслав, воздохнув, рече: “О кресте чесны! Понеже к тебе веровах, избави ма от рва сего”. И бог показа крестную силу на показание земле Русстей, да не преступайте креста чеснаго целования; аще преступит кто, то и зде примет муку вечную, зане |л. 132| велика есть сила кресная. Седе же Всеслав на Киеве 7 месяц. О Изяславе, како поиде къ Киеву с Болеславом и с ляхи на Всеслава князя. В лето 6577 приде Изяслав з Болеславом на Всеслава. Всеслав же поиде противу. И приде к Белугороду Всеслав, и бывши нощь, утаився киян, бежа из Белагорода к Полотску. Заутра же видевше людие бежаща князя, возвратишася къ Киеву и сотворивше вечие, послаша ко Святославу и ко Всеволоду, глаголюще: “Мы уже зло сотворили есмя, князя своего проводивше, и се ныне Лятскую землю ведет на нь, и вы пойдете во отца вашего вотчину; аще ли не хощете, то нам неволя, зажегше град свой, ступим в землю Греческую”. И рече им |л. 132 об.| Святослав: “После весть брату своему; да аще пойдет на вы с ляхи погубити вас, то мы противу его идем ратию, не дадим з) бо погубити града отца своего; аще ли хощет прийти с миром, то в мале приидет силе”. И утешиста кияны. Святослав и Всеволод послаша к и) Изяславу, глаголюще: “Всеслав ти бежал, и ты ляхов къ Киеву не води, противна ти нет; аще ли хощеши гнев имети, погубити град, то и поведай, яко нам жаль отца своего стола”. То слышав Изяслав, остави ляхи, поиде с Болеславом, мало ляхов поим; посла же пред собою сына своего Мстислава къ Киеву. И пришед Мстислав, иссече, иже быша высекли Всеслава, числом муж 70, а другия слепи, |л. 133| а иныя погуби, не испытав. Изяславу же _________ в-1) В рукописи Неминзе .г) В рукописи притиву .д) В рукописи величие .е) В рукописи кь ко .ё) Так в рукописи. ж) о вписано более бледными чернилами.з) В рукописи дадиве предпоследняя буква написана неясно.и) В рукописи ки.
-68- идущу ко граду, изыдоша людие противу с поклоном и посадиша князь свой в Киеве. И сяде Изяслав на столе своем месяца майя въ 2 день. И распустив ляхи на покори; избиваху их отай. И возвратися Болеслав с ляхи в землю свою. Изяслав же възгна торг на гору и прогна Всеслава ис Полотска, и посади сына своего Мстислава в Полотске, иже скоро умре ту. И посади в него место брата своего Святополка. Всеслав же бежа. И победи князь Глеб Святославич с новго[ро]дцы й) Всеслава князя на Кгъзени месяца октября въ 23 в пяток, въ 6 де час дни на память Иякова, брата господня. Велия бе тогда сеча вожаном. А заутра обретеся князя |л. 133 об.| Владимера крест святей Софеи на полатех, его же взял бе князь Всеслав ратию во святей Софеи. В лето 6578 родися у Всеслава сын, нарекоша и Ростислав к). Того же лета заложена церковь святого Михаила в монастыре Всеволожи Выдубачи. В лето 6579 воеваша половцы у Растовца, у Неятина. В се же лето выгна Святослав Святополка ис Полотцка. В се же лето победи Ярополк Всеслава у Голутичка. О принесение мощем святою мученику Бориса и Глеба, князей руских, обою брату по плоти, нареченных во святом крещении Романа и Давыда. В лето 6580 бысть принесению время святыма |л. 134| мученикома Рамана и Давыда. Совокупишася братия Ярославичи Изяслав, Святослав, Всеволод и митрополит Георгий киевский и Неофит, епископ черниговский; Петр, епископ переславский, еже близ Киева; Никита, епископ белогородский, близ Киева; Михайло, епископ юрьевский; Феодосей, игумен печерский; Софроний, игумен святого Михаила; Герман спасений; Никола переславский и прочий вси игумены и попы и дьяконы, пришедше со кресты и с кандилы и со свещами многими, иде же лежат святей телеси пречест[н]еи, и сотворше молитву, повелеша откопати персти сущчю на гробе святою. Копающим же им, исхожааше благоюхания воня от гроба святою. И откопавше, изнесоша от земля; и приступив митрополит |л. 134 об.| со епископы и со игумены и прозвитеры со страхом и открыта святою, и видеша чюдо преславно, яко телеса святых никоя же язвы имуща, но все цело, и лица их светла беста, яко ангелу, яко дивитися архиепископу зело л), и всем исполнившимся благоухания многа. И сотвориша празднество светло, и вземше Бориса в древяне раце на рама своя, понесоша князи, предъидущим преподобным чернорисцем со свещами и по них дияконы с кандилы, таче и прозвитеры, и по сих митрополит и епископы, и по сих носяще раку. И принесете и поставиша в новой церкви, юже сьдела Изяслав, яже стоит ныне. И отверзша м) раку, и исполнися церкви благоухания и воня пречюдныя, |л. 135| и вси видевше и прославшя бога. Митрополита же обыде ужас, бяше бо нетвердо веруя ко святыма, и пад ниц, просяще прощения; и целовавше мощи его, вложиша и в раку камену. По сем же вземше Глеба в раце каменне, въетавиша на сани и емше ужи, повезоша. И яко быша въ дверех, и ста рака непоступающи от места. И повелеша звати народом: “Господи, помилуй!” И моляхуся господеви и святыма мученикома, и абие подвижеся рака, и повезоша и месяца майя въ 2 день. И целоваша главу святаго Бориса, и святаго Глеба руку взем Георгий митрополит и благословяшет князя Изяслава и Святослава и Всеволода. И паки Святослав им за руку митрополита, держаще |л. 135 об.| святаго руку, прилагаше ко вреду, им же боляше на шии, по сем ко очима и к темени, и паки положи руку во гробе, и нача пети святую литургию. И рече Святослав къ берновине: “Что мя на главе будет?” И сня клобук и виде бернь, ноготь святаго Глеба, и взят со главы и выдасть Святославу. Он же прослави бога о благодарив и святых мученик Бориса и Глеба. И по литургеи князи и вся братия идоша с боляры своими и обедаша вкупе с любовию великою, и празноваша празнество светло, и многи благостыня сотвориша убогим, и целовавшеся, разыдошася мирно, кождо восвояси. И оттоле утвердившеся таковы праздники месяца майя въ 2 день въ славу святых мученик |л. 136| Бориса и Глеба благадатию господа нашего Исуса Христа, ныне и присно и во веки веком. Аминь. О брани между братии Ярославичих. В лето 6581 воздвиже диявол котору въ братии сих Ярославичех, бывши распри межди ими. И быста заедин Святослав со Всеволодом на Изяслава. Изыде Изяслав ис Киева, Святослав же и Всеволод внидоста в Киев месяца марта въ 22 день и седоста на Берестове на столе, преступивше заповедь отчю. Святослав же бе начало выгнанию братню, желая большая власти; Всеволода бо прельсти, глаголя яко: “Изяслав соединяется со Всеславом, мысля на ня; да аще |л. 136 об.| его не победим, имать наю прогнати”. И таково изостри Все- _________ и) В рукописи ро пропущено.к) Далее одно слово счищено и зачеркнуто киноварью. л) Написано по счищенному. м) В рукописи з написано по в.
-69- волода на Изяслава. Изяслав же иде в Ляхи с ымением многим и со княгинею и уповая на богатество многое, глаголя, яко: “Сим налезу аз воя”; еже взяша ляхове у него и показа ему путь от себе. А Святослав седе в Киеве, прогнав брата своего, преступив заповедь отчю, паче же божию, велик бо есть грех преступати заповеди отца своего и вступитися в пределы чюждия. В лето 6583 почата бысть церкви Печерская ставити игуменом Стефаном, а основание ея положи игумен Феодосии, сконча же ю Стефан на третие лето месяца июля в 11 день. Того же лета приидоша |л. 137| послы из немец к великому князю Святославу. Он же величаяся, показав им богатство свое. Видевше же немцы безчисленное множество злата и сребра и паволок и реша ему: “Се ни во что же есть, лежит бо се мертво, и сметие; мужи бо ся доищут и болыпа сих”. В лето 6584 ходи Владимер, сын Всеволож, и Олег, сын Ярославль, на Чахи ляхом в помощь. О смерти Святославли. Того же лета преставися князь велики Святослав, сын Ярославль, месяца декабря въ 26 день от резания желвей н), и положен бысть в Чернигове в Спасе. И седе под ним на великом княжении Всеволод, брат его. В лето 6585 приде Изяслав с ляхи на Всеволода. Всеволод же поиде противу ему, и со|л. 137 об.|твориста мир. И пришед Изяслав, сяде в Киеве иулия въ 15 день. Олег же, сын Святославль, бе у Всеволода в Чернигове. Того же лета преставися архиепискуп Феодор новгородцкий. В лето 6586 бежа Олег Святославич от Всеволода Тмутараканю. В се же лето убиен бысть Глеб, сын Святославль, в Заволочи, и положен бысть в Чернигове за святым Спасом о). Того же лета поставлен бысть Новуграду п) Герман. О брани Всеволожи со Ольгом Святославичем и з Борисом Вячеславичем р). Того же лета Олег Святославич и Борис Вячеславич приведоша половец на Рускую землю, и поидоста на Всеволода к Чернигову. Всеволод же изыде противи има на Сежицу с), и победиша половцы русь, и многози убиени |л. 138| быша ту. Олег же и Борис приде к Чернигову, мняшеся одолевше в земле Рустей, много зла сотворивше и кровь проливше. Всеволод же приде к брату своему Изяславу къ Киеву, и целовашеся, седоста вкупе. Всеволод же исповеда брату своему вся бывшая, что сключися ему. И рече ему Изяслав: “Брате, не тужи, видял еси, колико ся зла мне ключи: первое не выгнаша ли мене людие мои и имение мое разграбиша, паки же изгнан бысть и от вас, братии своих, не блудих ли по чюжим странам, имения лишен бых, и не сотворих зла ничто же? И ныне, брате, не тужи, аще и нам будет часть в Руской земли, то обема нам; аще ли не будет, то абема же нам; и яз сложу главу свою |л. 138 об.| за тя, аз бо не рад есмь злу братии своей, но добру”. И се и рек, утиши Всеволода и повеле братии вой от мала и до велика; и бысть вой без числа. И поиде Изяслав съ Ярополком, сыном своим, и поидоша к Чернигову. Черниговцы же затворишася во граде, Ольга же и Бориса во граде не бяше. Черниговцом же не отворившимся, и приступиша ко граду. Владимер же приступи ко граду к восточным вратом от Стрежене и отняста врата, людем же вбегшим в нутренний град. Изяслав же и Всеволод слышаста, яко идет Олег и Борис противу, и уранивша, поидоста от града противу Ольгови. И рече Олег к Борисови: “Не ходиве противу, не можем бо стати против четырем князем, но послем с молением ко стрыема своима”. И рече ему |л. 139| Борис: “Ты готова зри, аз им противен всем”. И похвалися вельми, не веды, яко бог гордым противится, смиренным же дает благадать, и да не хвалится сильный силою своею. И поидоста противу, бывшим им у села на ниве Нежате, и соступившимся им, и бысть сеча зла. И первое убиша Бориса, сына Вячеславля, похвалившагося вельми. Изяславу же стоящу в пешцех, и внезапу приеха един, удари его копией за плеча. И тако убиен бысть Изяслав, сын Ярославль. Надолзе же бывши сечи, побеже Олег в мале дружине и едва утече, и бежа Тмутаракани 3 ден. И вземше тело Изяславле, везоша къ Киеву и полюжиша во церкви святыя Богородицы в раце мраморяне. Княжение великое держав Изяслав на Киеве 23 лета т). |л. 139 об.| Великое у) княжение Всеволода Ярославича у), внука великаго князя Владимера, брата Изяславля. Всеволод же седе в Киеве на столе отца своего, а сына своего Владимера посади в Чернигове, а Ярополка, сына Изяславля, посади в Володимере, придав ему и Туров. В лето 6587 приде Роман с половцы ко ф) Иваню ф). Всеволод же помирися с ними. Половцы же возвратився, убиша Романа, сына Святославля, внука великого Ярослава, августа въ 2 день, _________ н) В рукописи ж выносное.о) В рукописи псасом .п) Далее оставлено место для одною слова. р) В рукописи Святославичем ; ср. ниже.с) В рукописи с выносное.т) Далее лл. 139 об., 139а, 139а об. оставлены незаполненными. у-у) Написано вязью. ф-ф) Так в рукописи. В Воскресенской к Воиню (ПСРЛ. т. VII, с. 3); в Повести временных лет к Воину (Повесть временных лет, ч. 1, с. 135).
-70- и суть кости его тамо и до сего дни. А Ольга емше козаре, поточиша за море к Царюграду. Всеволод же посадив Тмутаракани посадника Ратибора. В лето 6588 Владимер, |л. 140 об.| сын великого князя Всеволода Ярославича, шед, победи торки х) переславстии. В лето 6589 Давыд Игоревич и Володарь Ростиславич седоста во Тмуторакани майя въ 18 день, а Ратибора посадника, изымаша, его же посади Всеволод. В лето 6594 великий князь Всеволод заложи церковь светаго Андрея при митропалите Иоанне и манастырь устроив, в нем же пострижеся дщерь его девою именем Янка. В лето 6595 Ярополк прииде из Ляхов и смирися с Володимером. Володимер же иде опять к Чернигову. И Ярополк седе въ Володимере, и пребыв мало, иде к Звенигороду; и не дошедшу ему града и леж[а]ща в санех, и прободе его с коня саблею |л. 141| проклятый Нерядец ноября въ 21. И везоша и отроцы его къ Киеву. Изыде противу ему князь велики Всеволод с сынъми своими со Владимером и Ростиславом и митропалит Иоанн и вси кияне и проводивше его честию, и по-ложиша его въ церкви святаго апостола Петра декабря въ 5 день. Сей же князь Ярополк кроток и смирен, братолюбец и нищелюбец, десетину дая святей Богородицы изо всех сел своих от скота и от жита на всяко лето и моляше бога и святую богородицу: “Господи боже мой, дай же ми смерть таку же, яко и братом моим Борису и Глебу, да согрешением моим струпы омыю своею кровию”. И не лиши его бог и святая богородица. А проклятый Нерядяц бежа к Перемышлю к Рюрику. В лето 6596 свещена |л. 141 об.| бысть церкови святаго Михаила монастыря Всеволожа митрополитом Иоанном и епискупы Лукою белогородцким и Исаисю ростовским. В се же лето преставися Никон, игумен печерский. Того же лета болгаре Муром взяша. В лето 6597 свещена бысть церкви Печерская святая Богородица манастыря Феодосиева Иоанном митропалитом и Лукою белоградцким, и епискупом Исаиею ростовским, и епискупом Иоанном черниговским, и Антонием юрьевским, и при благоверном великом князем Всеволоде и детех его Владимере и Ростиславе, воеводство держаща Киевския тысяща Яневи, а игуменство в Печерском монастыре держащу Иоанну. Того же лета преставися Иоанн митропалит. И иде Янка, дщи Всеволожа, реченная прежде, в Греки и приведе митрополи|л. 142|та от скопечскаго чину. Людие же молвиша: “Сей нов пришел к нам”. И год един пребысть и умре. В лето 6599 выняша из земли святаго отца нашего Феодосия и принесше, положиша его во церкви святыя Богородицы в притворе на денней стране августа въ 14 день в четверток въ 1-й час дни. Принесени же быша мощи его епискупы Ефрем переславский, Стефан володимерский, Иоанн черниговский, Марин юрьевский, архимандриты и игумены, и черноризцы, и людие благоговейни. Того же лета гибель солнцу, яко погибнути ему и мало ся оста, яко месяц дву дни, майя въ 21 день. Того же лета великому князю Всеволоду ловы деюще звериныя за Вышегородом, и заметавшим тенетам, и кличаном кликнувшим, и спаде змий превелик от небеси, и ужасошася людие. Того ц) же лета земля стукну, яко мнози слышавше ц). Тогда же волхв явися в Ростове, |л. 142 об.| иже и погибе. В лето 6600 предивно бысть в Полотску в мечте: в нощи бывши тутень стояше в полунощи, и, яко человецы, рыщут по улицам беси; и аще кто вылазяше ис храмины, хотя видети, и абие уязвиша и невидимо беси язвою; и с того умираху; и не смеяху излазити ис хором. По сем начата являтися во дни на конех, самих же не видети на конех и видети копыта, и тако уязвляся людие полоцския и область его; тем и человецы глаголаху, яко наяве бияху полочан. Се же знамение начат быти от Дрючцска. Си же времена бысть знамение в небеси, яко круг бысть посреди неба превелик, и ведро бяше, и згораше земля, и рать бяше от половец велика. И мнози человецы умираху различными недуги, яко же глаголаху продающе кресты, гробы, яко продахом кресто[в], гробов от Филипова дни до мясопуста 7000. В лето 6601 |л. 143| преставися князь великий Всеволод Ярославич, внук великого Владимера, апреля 13 день, и положен бысть во святей Софеи, от Рюрика шестый князь велики Всеволод, быв на великом княжении 15 лет. О княжени Святопольче. И сяде по Всеволоде в Киеве на столе Святополк Изяславич, внук великаго Ярослава. А Владимер иде в Чернигов, а Ростислав в Переславль, оба брата сы- _________ х) В рукописи турки .ц-ц) Написано на нижнем поле со знаком вставки.
-71- нове великого князя Всеволода. Того же лета придоша половцы на Рускую землю. Святополк же снемся с Володимером и Ростиславом Всеволодичи, и поидоша противу им. И перебред реку Стугну, ту сретоша их, и бысть им бой силен. Наши же побегоша, а половцы погнаша грех ради наших. И прибеже Владимер и Ростислав Всеволодичи |л. 143 об.| к реке Стугне и вбредоста. И нача утопати Ростислав. Владимер же хоте помочи брату своему, и мало сам не утопе. И тамо утопе Ростислав, сын Всеволож. Нашедше его и везше, положиша во святей Софеи. Половцы же воевавше много и град Торчский взяша, безчисленно полона вземше и отъидоша. В лето 6602 створи мир с половцы Святополк и поят жену себе дщерь Тугортоканю, половецкого князя. Того же лета приидоша прузи на Русскую землю августа 26 день и поядоша всяку траву и жита многа, и не бе сего слыхано во днех ч) первых в земли Рустей. В лето 6603 приде Тугортокан, тесть Святополчь, с половцы к Переславлю. Святополк же и Владимер шедь, биша, и са|л. 144|мого Тугортокана убиша и сына его, иных князей и мно[го] ш) побиша. Бысть же сия помочь от бога июля 19 день. Того же лета бысть бой Ольгу со Изяславом, и убиен бысть Изяслав, сын Володимер, внук Всеволож, сентября 6. Олег же приим град Владимер, изыма ростовцы и суздальцы, и белозерцы, и искова, и шед, прия Суздаль и Ростов, и всю землю Муромскую. И посажа посадники по городом и дани нача имати. И посла к нему Мстислав из Новаграда, глаголя: “Иди опять в Муром, а в чюжей волости не сиди”. И не послуша его. Мстислав же поиде на него. Олег же из Ростова иде к Суздалю и зажже Суздаль, толико оставиша двор монастырской Печерского монастыря и церкви святого Дмитрия, ея же дал им Ефрем и з селы. Олег же бежа къ |л. 144 об.| Мурому и возвратися, ста на Клязьме. Мстислав же прииде к Суздалю, и ту приидоша к нему братия его Вячеслав с половцы. И поидоша на Ольга и Ярослава, и сступишася на Кулачце, и бысть бой силен. И побежа Олег и Ярослав, а Мстислав и Вячеслав погнаша. И прибеже Олег к Мурому и затвори Ярослава в Муроме, а сам иде к Резани. Мстислав же приде к Мурому и сотвори мир, и взя люди своя, ростовцы и суздалцы и белозерцы, иде к Рязани на Ольга. Олег же выбежа. Мстислав же смирися с рязанцы, взяв люди своя и возвратився к Суздалю и оттуду к Новуграду. В лето 6605 Святополк и Владимер и Давыд Игоревичи и Давыд Святославич и брат его Олег ем|л. 145|ше Василька Ростиславича и ослепиша и по оклеветанию злых человек въ Звенигороде, иже есть градок мал у Киева десяти верст вдале. В лето 6607 побиени угри у Перемышля. Того же лета убиен бысть Мстислав, сын Володимер, июня 12 в Володимере. В лето 6609 Владимер Всеволодич, внук великого князя Ярослава, заложи церковь каменну святыя Богородица в Смоленске епископию. В лето 6610 бысть знамение на небеси генуария 29 по 3 дни, аки пожарная звезда от востока и до юга и запада и севера, и свет всю нощь, аки от полныя луны. Toe жь зимы февраля 7 бысть знамение в солнце: огородилося бяше солнце в три дуги, и бяше другия |л. 145 об.| дуги, хрепты к себе. Того же лета ведена бысть дочи Святополча Збыслава в Ляхи за Болеслава. Того же лета родися у Владимера Всеволодича сын Андрей. В лето 6611 поидоша князи русти в поле на половцы Владимер, Святополк, Давыд Святославич и Давыд Всеславич, и Мстислав, Игорев внук, Вячеслав Ярополчич, Ярополк Владимерич. А Олег не послуша, рек: “Не зравлю”. И придоша на Сутин, и сретоша их вси половцы. И бысть им бой, и побегоша половцы. Наши же погнаша, секуще их и убиша ту в полку единех князей их 20; шедше же и вежи их и поимаша, и полона много поимавше, и назад идучи, поимаша печенеги и торки щ) и с вежами их, и возвратишася. |л. 146| Того же лета придоша прузи августа 1. Того же лета бися Ярослав с мордвою, и побежен бысть от них. В лето 6612 приде митрополит Никифор в Русь декабря 6. Того же лета бысть знамение: стояще солнце в крузе, а посреди круга крест, а посреди креста солнце; а вне круга обаполы 2 солнца, над солнцем же кроме круга дуга, роги на север; тако же знамение и в луне тем же образом февраля 4 и 5 и 6 день, а в нощь в луне по 3 нощи. В лето 6613 пострижеся в черньцы Святоша февраля 18, и бысть имя ему Никола. _________ ч) В рукописи снех .ш) В рукописи не дописано. щ) В рукописи турки.
-72- В лето 6614 воеваша половцы около Заречска, Святополк же посла за ними и угонивше, бивше их да и полон отняша. |л. 146 об.| Того же году приплы из Риму на камени Антоней чюдотворец. А преставися 6655-го, а жил 30 лет в Новеграде, а игуменил 16 лет. Того же лета пострижеся Святослав, рекше Святоша, сын Давыдов, внук Святославич. Того же лета зимгола победиша Всеславич, всю братию, и дружины их убиша 9 тысящь. В лето 6615 придоша половцы и сташа около Лубна. Святополк же и Владимер, и Олег, Святослав, и Мстислав, Вячеслав, и Ярополк шедше и победиша их. Toe же зимы фев[раля] 5 трясеся земля пред зарями в нощи. Того же лета чюдо сотвори богь и святая богородица в Суздальстей земли. Приидоша болгаре ратию на Суздаль и оступиша град, и много зла сотвориша, |л. 147| воююще села и погосты и убивающе многих крестьян. Сущи же людие во граде не могуще противу их стати: не сущу князю у нихь; на молитву к богу обратишася и к пречистей его матери покаянием и слезами и затворишася во граде. И всемилостивый богь услышав молитву их и покаяние, яко же древля неневвитяне помилова, тако и сих избави от бед: ослепи бо вся ратныя болгары, и тако из града изшедше, всех избиша. В лето 6617 декабря 2 Дмитрей Иворович шед взя у Дону 1000 веж половеческихь. В лето 6618 явися знамение в Печерском монастыре февраля 11: столп огнен от земля до небеси, а молния осветиша всю землю и в не|л. 147 об.|беси, погремев 1 час нощи. В лето 6620 идоша на половцы Святополк и Владимер, Святослав и Ярополк, Мстислав, Давыд Святославич с сыном Ростиславом, Давыд Игоревич и доидоша града Осенева и Сугрова, и вземши вежи половеческия, и бишася с половцы на Салне реце месяца марта 24. И победиша половец рустии князи. Того же лета преставися Иоан, епискуп черниговский, ноября 23. Сей же Иоан лежа болен на своей епискупьи лет 25, не моги служити. В лето 6621 ходи Ярослав Святополчичь на ятвяги и победи ихь. Того же лета поставлен бысть Феоктист, игумен печерский, епископом |л. 148| Чернигову. И рад бе князь Давыд и вси людие и жадаху епискупли службы. В лето 6621 апреля 16 преставися велики князь Михайло, зовомый Святополк Изяславич, внук великого Ярослава. И положен бысть во церкви святаго Михаила, юже сам созда во имя свое. И княжи в Киеве лет 21. И по нем седе в Киеве на столе Владимер Мономах, сын великого Всеволода, внук великого Ярослава ъ). |л. 149| Великое ы) княжение царя и великаго князя Владимера ы) Всеволодича, зовомаго Монамаха, внука великаго князя Ярослава, а правнука блаженнаго великаго князя Владимера, крестившаго землю Рускую.В лето 6621 седе в Киеве на столе отца своего Всеволода по смерти брата своего Михаила, зовомаго Святополка Изяславича, на великом княженьи Владимер, зовомый Мономах Всеволодич, апреля 20. Скажем же и се: от чего прозвася Мономах. Еда седе в Киеве князь Владимер, совет творя з боляры и с вельможи: “Аз еда же юнейший есмь, и прежде мене державствовавше и хоругви правящих скипетра Великия Росия, яко же великий князь Олех ходил и взял с Царяграда велию дань, |л. 149 об.| потом князь великий Святослав Игоревич ходил и взял с Царяграда тежчайшую дань. А мы есмь настольницы прародителей своих и отца моево великаго князя Всеволода Ярославича ы-1), тако же и мы. Да превознесетца имя живоначальныя троицы вашиею храбростию и могоством с нашим повелением”. Отвеша же боляре его и вельможи и решя: “Сердце царево в руце божий, а мы есмь в твоей воле государя нашево по бозе”. Князь же Владимер собра воеводы благоискусныя и разумныя со многими воеми и отпусти на фарикию Царяграда, и плениша ю довольно, и возвратишася со многим богатством восвояси. Тогда же бе во Цареграде благочестив царь Констянтин Мономах, и в то время имел брань с персы и с латынею, и составляет совет мудр, отрежает послы князю Владимеру Неофита митрополита, |л. 150| Отасия ефесскаго и с ним 2 епископа и стратига онтиахейскаго, игемона иерусалимскаго и иных своих благородных. И от своея выя приемлет животворящий крест от самаго животворяшаго древа, на нем же распяся Христос. Снемлет же з главы своея венец царский и поставляет на блюде злате. И крабицу сердоликову, из нея же Август кесарь весяляшеся, и ожерелье, и чепь златую аравийску, и ины многи _________ ъ) Далее треть л. 148 и л. 148 об. Оставлены, незаполненными.ы-ы) Написано вязью, за исключением ра .ь) В рукописи Ярословича.
-73- дары предаде митрополиту ь). И посла митрополита с прочими к великому князю. Митр[опо]лит э) с проч[ими] приде к [ве]ликому Влад[ими]ру э), моля его и глаголя: “Приими от нас благо сия честныя дары от начатка вечных лет, просим о[т] твоего благоутробия мира и любве, да церкви божий безметежны будут и все православие в покое. Да наречешися отселе благовенчальный царь!” Князь же велики Владимер Всеволидич венчася царским венцом рукою |л. 150 об.| святейшаго кира митрополита Неофита с епископы. И от того времени наречеся царь и великий князь Владимер Всеволодич великий Росеи Мономах и пребысть с царем Констянтином в миру и любви. И оттоле тем венцом веньчаются великий князи владимерстии, егда ставятся на великое княженье Руское, его же прислал великий царь греческий Констянтин Монамах. Сия же дозде, мы же на преднее да возвратимся. В лето 6621 заложил Мстислав церковь камену святаго Николы на княжне дворе в Нове-городе у Торговища. В лето 6622 заложи Мстислав Новгород Великий боле перваго. Тово же лета Павел посадник заложи град Ладогу камением на приспех. В лето 6623 свяшена бысть церковь камена в Вышегороде. В лето 6624 |л. 151| Ярополк ходи на половцы и взя 3 грады - Балин, Чешлуев и Согров - и возвратися со многим полоном. В лето 6625 потресеся земля сентебря 16. В лето 6626 выбеже Ярослав Святополчичь из Володимеря в Угры, а бояре ево отступиша от него. Бежа же княгини своей не любячи и хотя пустити ю. Манамах же не повеле ему, бе бо ему внука, а Мстиславля дочь. И про то ходи Владимер на него многажды. И посла Владимер сына своево Андрея княжити в Володимер. В лето 6628 ходи Ярослав за Дон на половцы и не обрете ихь, воротися. А Георгий Долгорук, брат его, Володимеровичи ходи на Болгары по Волзе и полона много взя, и полки же победи. Андрей ходи на Ляхи и повоева их. |л. 151 об.| В лето 6629 прогна Владимер берендичи ю) из Руси, а торцы я) и печенези сами бежаша и мятущеся зде, и онде погибоша. И митрополит Никифор киевский преставися апреля. В лета 6630 митрополит Никита приде из Грек. И земля потрясеся. И Мстислав поняв жену себе другую, Дмитрову дщерь, Завидову внуку. В лето 6631 преставися Давыд Святославич в Чернигове, и седе брат его Ярослав. Памфилофей, епископ володимерский, преставися. И поставлен бысть Семион епископом Володимеру. Того же лета приходи Ярослав Святополчич сь угры и с ляхи к Володимерю на Ондрея. И убиен бысть ту под |л. 152| градом Ярослав. А угры и ляхи с Володарем и Васильком возвратишася. В лето 6632 бысть пожар велик в Киеве июня 23, и церьквей единых сгоре близ штисот. Того же лета Василько и Володарь Ростиславичи преставистася. В лето 6633 преставися великий князь Владимер, сын Всеволож, рекомый Манамах, майя 19; жив всех лет 73, а на Киеве седел 13 лет, от Рюрика 7 князь великий Владимер Манамах. И по нем седе на столе в Киеве сын его старейший Мстислав, а Ярополк в Переславле. И победи половцы. В лето 6634 преставися митрополит Никита марта 9. И потрясеся земля августа 1. |л. 152 об.| В лето 6636 преставися князь Борис полеческий а). В лето 6637 преставися Ярослав Святославич в Муроме. В том же лете поточи Мстислав князи полоческия во Царьград и з женами и з детмии. В лето 6639 Мстислав ходи в Литву и полон взяв, возвратися. Того же лета апреля 14 преставися Мстислав, сын Владимер. И седе в Киеве Ярополк, брат его. В лето 6643 Георгий Владимерович испроси у брата своего у Ярополка Переславль, а Ярополку дасть Суздаль и Ростов и прочюю власт свою, но не всю. Toe же зимы бишася ноугородцы с ростовцы на Ждане горе. И победиша ростовцы новго[ро]дцев, Всеволод же бежа к Новугороду. И поимаша его |л. 153| наугородцы и посадиша его во епископли дворе за сторожи, и державше его два месеца, отпустиша. А сына его Владимера прияша. _________ ь) В рукописи митропилиту .э-э) Написано на правом поле со знаком вставки, несколько букв с правой стороны, срезано. ю) В рукописи передничи .я) В рукописи турцы .а) Так в рукописи.
-74- В лето 6644 бысть бой Ольговичем с Володимеричи. И первое премогоша Владимеравичи. Потом же биша Ольговичи и возвратишася, и бояр ихь изымаша. Владимеричи же идоша къ Киеву, а Ольговичи шед, взяша Треполь и Халеп, придоша къ Киеву и умирившеся, отъидоша. В лето 6645 поставиша Мануила Смоленску епископом, а Феодора скопца Володимерю епископом. В лето 6646 преставися Всеволод Мстиславич, внукь Владимер, во Пскове. И положен бысть у святыя Троицы, юже сам созда. Того же лета воеваша Ольговичи по Суле половцы. Яра|л. 153 об.|полк же собрався, поиде на них к Чернигову. Всеволод же убоявся, посла къ Ярополку, помирися с ним. Toe же осени преставися князь Ярополк Владимерович февраля 18. И седе по нем Вячеслав, брат его. Пришед же Всеволод, выгна Вячеслава ис Киева. Вячеслав же иде опять в Туров. А Всеволод Ольгович седе в Киеве марта 5, а Чернигов даст Владимеру Давыдовичю. О преставлении князя Андрея Владимеровича. В лето 6649 преставися благоверный князь Андрей Владимерович в Переславли генваря 29 день. Егда несяхут его ко гробу, дивно знамение бысть на [не]беси, и страшно: быша три солнца сияющи межди собою, а столпие трие от земля и до небеси, над всеми и горе бяше, |л. 154| яко дуга, месяц о себе стоящ. И стояше знамение то, дондеже погребоша и у святого архангила Михаила. В лето 6654 преставися Всеволод Ольгович июля 30. И по нем седе Игорь, брат его, в Киеве. И приде на него Изяслав ис Переславля. Игорь же поиде противу его з братом Святославом; и не дошед, побегоста. И вниде Изяслав в Киев. И по четырех днех приведоша к нему Игоря, поймав в болоте. И послав его в Переславль и посади его в поруб. Игорь же умоли Изяслава, чтобы ему велел постричися. И постриже его епископ Еуфимей генваря 5. В лето 6655 Георгий воева Новго[ро]дскую волость, взя Новы Торг и Мету взя всю, а Святославу повеле Смоленскую волость воевати. Святослав же шед, взя люди голядь вь верьх Поротвы и приде к Георгию на Москву. |л. 154 об.| Георги же чтив его и отпустив. И того же лета паставиша митрополитом Климанта Смолятича русина, вывед из Заруба, бе бо скимник и философ. Собравшеся епископи черниговский Ануфрей, белогородский Феодор, переславский Еуфимей, юрьевский Дамиян, володимерский Феодор, нау[го]родский Нифонт, смоленский Мануил и тако поставиша главою святого Климента в Киеве во святей Софеи, и бысть митрополит. Того же лета убиша кияне Игоря князя Ольговича в чернцех и в скиме. В лето 6657 иде Изяслав Мстиславич киевский с нового[ро]дцы, а Ростислав со смольняны на Юрья к Суздалю. И снястася на усть Медведицы и оттоле идоша к Коснятину и к Углечю, и Мологу воеваша, иде же есть |л. 155| град. И оттоле идоша Изяслав къ Киеву, а Ростислав к Смоленску, а новгородцы послаша по Волзе, и Ярославль воеваша, и возвратишася, бысть бо уже весна. Того же лета поиде Юрьи на Изяслава кь Киеву со Ольговичи. Изяслав же выде противу ему из града, и ту бысть им бой под Киевом. И победи Юрьи Изяслава августа 23. И бежа Изяслав и со княгинею и з детми в Луческ б). |л. 156| Княжение в) Юриево Владимерича сына Манамахова в). Седе Юрьи в Киеве, а Ростиславу, сыну своему, дасть Переславль. Юрьи жь со братом Вячеславом и Андреем, и с Ростиславом, и Владимером идоша к Луческу г). А Изяславу стояше у Чемерина г-1) съ угры и с ляхи. И приде Юрьи под град. Андрей же потыкнув напред всех ко граду и изломи копье свое в противном. И ту хотяша его убити, но бог избави его. И д) бишася крепко. Владемер же выела с челобитьем къ Юрью, и умиривше, разыдошася. Изяслав же поклонися Юрью, еха в Владимер. Княженье Изяславле. В лето 6658 приде Изяслав из Владимеря и выгна Юрья ис Киева, а сам седе в нем. Юрьи же иде в Городок. |л. 156 об.| Того же лета иде Юрьи с Володимерком и со Ольговичи, изгна Изяслава, а сам седе в Киеве. И паки Изяслав со угры и с ляхи, пришед, согна Юрья, а сам седе в Киеве. Юрьи же иде в Городок. Княжение Изяславле жь. В лето 6659 вьведе Изяслав стрыя своего Вячеслава в Киев и посади его на столе, и живяху заедин, не бе бо у Вячеслава сына, и назва Изяслав отцем. Того же лета приде Юрьи с половцы и со Ольговичи на Изяслава. Изяслав же поиде противу их, и бысть им бой и сеча зла. И одоле Изяслав, Юрьи жь бежа. И ту убиша Владимера князя Давыдовичя _________ б) Далее половина л. 155 и л. 155 об. оставлены незаполненными.в) Написано вязью. г) В рукописи Лучебску с выносным б .г-1) В рукописи Черемисина .д) Написано по другой букве, возможно а.
-75- черниговскаго и иныи многи избиша. Изяслав же седе в Киеве и с Вячеславом. А Юрьи иде к Суздалю. |л. 157| А Володимерко шед, поби угры, идуща со Мстиславом Изяславу в помощь. В лето 6660 Изяслав Мстиславич, Изяслав Давидович и Святослав Всеволодич разведоша Городок Юрьев и пожгоша. И в то же лето иде Изяслав сь зятем своим, королем угорским, на Володимерка к Галичю, и много зла учиниша ему и земле его, и умирившеся, возвратистася. Того же лета придоша болгаре по Волзе к Ярославлю без вести и оступиша градок в лодиях, бе бо мал градок. Изнемогаху людие во граде гладом и жаждею и не бе лзе никому же изыти из града и дати весть ростовцом. Един же уноша от людей ярославских нощию изшед из града, перебред е) реку, вборзе доеха Ростова и сказа им: “Болгаре пришедша”. |л. 157 об.| Ростовцы же пришедша, победиша болгары. Того же лета ходи Юрьи с ростовцы и с суздалцы, и с рязанцы, и с половцы к Чернигову. Тогда Мстислав Изяславич бив половцы и вежи их пойма, и полон отима руский, возвратися. Тогда же Володимерко галический преставися. Тогда Георги князь в Суздале бе, и отвергль бог ему ё) разумней очи на церковное здание, и много церквей постави по Суздальской стране, и церковь каменну на Нерли святых мученик Бориса и Глеба, и святого Спаса в Суздале, и святого Еоргия в Володимере камену же. И Переславль град перевед от Крищана и заложи град велик, и церковь камену в нем доспе святого Спаса, исполни ю кни|л. 158|гами и мощми святых л. дивно. И Юрьевь град заложи и в нем церковь каменну доспе святого мученика Георгия. В лето 6662 женися Изяслав другою женою, привед ю из Обез. Того же лета родися Юрью сын Всеволод и нарекоша имя ему во святом крещении Дмитрей. Сущу тогда великому князю Юрью в Володимери на Яхроме и постави ту град въ его имя Дмитров. Toe же осени преставися Изяслав Мстиславич ноября 13. И седе брат его Ростислав смоленский в Киеве с Вячеславом. В лето 6663 преставися Вячеслав киевский, а в Киеве сяде Изя[слав] ж) Давидович. Того же лета иде Андрей от отца своего к Суздалю и вниде в Володимер, и принесе з) икону святыя богородица, юже |л. 158 об.| принесоша во едином корабли с Пирогощею из Царяграда; и вкова в нее боле 30 гривен злата, кроме драгаго камени и сребра и жемчюга, и постави ю и) во церкви в Володимере. В лето 6664 шед Юрьи и сяде в Киеве, а Изяслава Давыдовича согна. Тогда же и митрополит Констянтин приде из Царяграда, и прият его князь Юрьи с честию. И с ним приидоша полотский епископ и смоленский епископ Мануил, иже бегал от Климанта, и тако извергоше Климантову службу и ставление. И сотворивше божественную службу и благословиша князя Юрья Владимеровича. А попом и дьяконом ставление отда, иже бе Климанть ставил митро|л. 159|полит, писаше бо к нему рукописание на Климанта. Того же лета иде Нестер епископ в Русь из Ростова, из Суздаля лишиша епископьи. В лето 6665 преставися великий князь Георгий у осмоника й) у Петрила; и на ночь ту разболеся и лежа 5 ден. И седе в Киеве Изяслав Давыдович майя 19, а Святослав Ольгович в Чернигове, а Святослав Всеволодич в Новеграде. В лето 6666 заложи Андрей церковь Успенье святыя богородица в Володимере камену апреля 8 и да ей много имения. И город заложи боле перваго. Того же лета прииде Леон на епископью Ростову. В лето 6667 преставися князь Борис Юрьевич майя 12 и положен бысть в церкви святых мученик Бориса и Глеба на Нерли в Кидекши. Тово же лета выгнаша ростовцы и суздальцы Леона |л. 159 об.| епископа, зане умножил бяше церкви и попы грабя. Toe же зимы выгна Изяслава Давыдовича ис Киева Мстислав Изяславич, а сам седе в Киеве. И да Киев под собою Ростиславу, а сам иде в Волынь. Тово же лета преставися митрополит Констянтин киевский в Чернигове; уразумев же преставление свое и нача писати грамоту, и запечатав, дасть ю епископу черниговскому к) Антонию, и заклят его именем божиим, яко да творит то, иже писано. Егда же преставися, и взем епископ грамоту и еха ко князю, и прочте ю, и обрете в ней вещь страшну, яко “по умертвии моем не погребите тела моего, но оцепите за нозе ужищем, извлекше из града, поверзите псом”. Епископ же сотвори тако. И ту тело его поверзено за 3 дни. Народи же |л. 160| дивляхуся о смерти его. Святослав же князь наполнися страха божия, ужас бо велик нападе на нь. И в 3 день внесоша во град с великою честию и положиша тела его у святаго Спаса в тереме, где Игорь лежит. В ты же 3 дни, _________ е) В рукописи перепред .ё) Написано над строкой. ж) В рукописи не дописано. з) с написано по е .и) В рукописи я .й) В рукописи юсмоника .к) В рукописи герниговскому.
-76- егда тела его повержено вне града, солнце померче, и бысть буря, и земля потресеся, и молнии на блистания, не можаше терпети человек, и грому силну бывшу, яко единем шибением заразити 7 человек - два попа и дьякона, а четыре простых. Тогда же бе Ростислав стоя в товарех у Вышегорода, и буря полома около его шатер. Ростислав же страха божия наполнився и помянув смерть митрополичю, возвещено бе ему Святославом Ольговичем, и посла |л. 160 об.| ко святей Софеи и по всем собором, да творят стояние об нощь во церквах. Се бо грех ради наших посла бог казнь свою на нас. Сия же вся страшна быша в Киеве, а в Чернигове по всех 3 дни солнцу сияющу, а в нощи видяху над телом его 3 столпы огнены на небеси. Егда же погребэша тело его, и бысть тишина. В лето 6668 иде Изяслав Давыдович из Чернигова с своею братьею и с половцы на Ростислава къ Киеву и согна его, а сам сяде в Киеве. Изяслав же приде за ним к Белугороду и стоя около города 4 дни. Слышав же Мстислав Изяславич, поиде из Володимера Ростисла|л. 161|ву на помочь. Изяслав же бежа от Белагорода. Ростислав же вышед из града, совокупився со Мстиславом, и постигоша Изяслава, и соступишася обои на реце Желяни. И бысть сеча зла вельми, яко к-1) реце Желяни кровию течи, и мнози ту к-1) убиени быша, и самого князя Изяслава Давидовича ту убиша марта въ 6 день. И везоша его к Чернигову и положиша его у святых мученик Бориса и Глеба. А Ростислав опять сяде в Киеве, а Мстислав иде в Володимер. Того же лета свершена бысть церковь святая Богородица в Володимере благоверным князем Андреем, и верьх ея позлати. И по вере его приведе ему богь всех земель |л. 161 об.| мастеры, и украси ю дивно. Того же лета и град Ростов погоре весь, и церковь соборная згоре святыя Богородица, такова же не бывала, ни будет. Тогда же и митрополить Феодор приде из Царяграда. В то же время бысть знамение в луне страшно и дивно: идяше бо луна чрез все небо от востока и запада, изменяющи образ свой, и бысть первое убиение помалу л), дондеже вся погибе; и бысть образ ея, яко сукно черно; и паки бысть, яко кровава; и потом бысть, яко две лицы имущи: едино зелено, а другое желто, и посреди ея, яко два ратныя секущися мечи, и единому их идяше, аки кровь из главы, а другому бело, аки млеко течаше. |л. 162| В лето 6669 преставися князь Владимер Светославич в Рязани, внук Ярославль. Того же лета преставися князь Иван Ростиславичь, рекомый Берладник, в Селуне. Того же лета почата бысть подписывати церковь в Во[ло]димере златоверхая, а скончана августа 31 день. В лето 6670 выгнаша князь Андрей епископа Леона ис Суздаля и братью свою погна Мстислава и Василка и два Ростиславичя сыновца братанича своего и мужи отца своего передние. Се м) же сотвори, самовласть быти во всей м) Суздальской земле. Мстислав же и Василко с материю и Всеволода, малого брата своего, пояша с собою третьяго, идоша ко Царюграду. И дасть царь Василкови з братом в Дунай 4 городы, |л. 162 об.| а Мстиславу дасть волость от Скалана. Леона же епископа возврати опять, покаявся от греха того, но н) в Ростов, а в Суздале ему седети не даст, и держав его 4 месяцы во епископьи, и нача просити у него от воскресения Христова до всех святых ясти мяса в среду и в пяток. Епискуп же повеле ему едину в празную в среду и в пяток, а прочи добре хранити. Сей же Леон начат ересь возставливати: не ясти мяса вь господьския празники на рожество о) и на крещение, аще будет в среду или в пяток. И бысть про то тяжа велика. И упре его владыка Феодор пред князем Андреем и пред всеми людми. И он же иде на изправление ко Царюграду, хотя оправдатися п). И тамо упре его Андреян, |л. 163| архиепископ болгарьский, пред царем Мануилом. Стоящу царю над рекою и Леону молвящу на царя, и удариша слуги царевы Леона за шию и хотеша его в реце утопити. Сущим же послом ту у царя: киевский, и суздальский, и переславский, и черниговьский. Се же сказахом верных деля людей, да не соблазняютца о празницех божиих, сия бо ересь р) арянская. Леон бо не по правде поставися Суздалю: Нестору епископу живу сущу суздальскому и с) ростовскому с), Леон прехвати стол его. В лето 6671 преставися Феодор митрополит, быв в митропольи 10 месяць. В лето 6672 приде митрополит Иван в Русь. Того же лета свещена бысть церковь на Златых воротех |л. 163 об.| в Володимере. Того ж лета заложена бысть церковь в Володимере святого Спаса в монаст[ы]ре. _________ к-1-к-1) В рукописи строка отмечена на правом поле знаком + .л) В рукописи поману, далее над строкой смазана буква ж .м-м) Написано на нижнем поле со знаком вставки. н) Написано по другим буквам неясно. о) т написано по во .п) в написано по д .р) Первое е написано по другой букве.с-с) Написано над строкой вместо зачеркнутого в строке киноварью и торускому.
-77- Того же лета ходи князь Андрей Юрьевич на Болгары сь сыно[м] своим Изяславом и з братом своим Ярославом и с муромским князем Юрьем и з собою ношаху икону святыя Богородица чюдотворную. Се же новое чюдо сотвори богь и святая богородица: землю их взяша и славны град их Бряхимов и иных три грады, а самих иссекоша и полон мног вземше, и отъидоша с победою. В лето 6673 преставися Ярослав Юрьевич, брат Андреев, и положен бысть в Володимере. Преставися князь великий Ростислав Мстиславич, идя из Смоленска к Киеву, княжив в Киеве 9 лет. |л. 164| И по нем седе в Киеве Мстислав Изяславич майя 19, выгнав Владимера Мстиславича. В лето 6677 ходи Мстислав Изяславич з братьею на половцы и полон многь и вежи их поймавши, возвратишася. Того же году приде к Новугороду ратию князь Роман Андреевич суждалской, а с ними 72 князя и вся земля Руская. А в Новегороде княжил князь Роман же, а владыка Иван. И в то время пречистая знамение чюдо показа: стоя на забрале градцкой и обратися на град; а на сопротивных приде тма, а сами межи себя побилися. Того же лета посла Андрей сына своего Мстислава с ростовцы и з суздалцы, и володимерцы на киевскаго князя Мстисла|л. 164 об.|ва, и единех князей 11, и взя Киев. Мстиславь бежа к Володимерю, а княгиню и сына его, и дружину его изымаша. И в Киеве посади дядю, стрыя т) своего, Глеба и сам иде к Суздалю. О Федорце о Белом Клобучке. Того же лета чюдо сотвори богь и святая богородица новое в Володимере граде: изгна бог и святая богородица злаго и пронырливаго Феодорца Белого Клобучка Гордаго, лестьца лживаго, из Володимера от святыя Богородица и от всея земля Ростовския. Писано бо есть: не восхоте благословения, и удалися от него; и тако и се: нечестивый не восхоте послушати благочестиваго князя Андрея, веляшего бо ему ити ставитися епископом к митрополиту |л. 165| на Киев. И не восхоте, паче же богу не хотящу и святей богородицы, но у) изверзе его из земля Ростовския. Бог бо, егда хощет наказати ф) человека, отимет от него ум, паче же сам обезуме. Князю о нем добромысляще и добра ему хотящу, сей же не токмо не восхоте поставления от митрополита, но и церкви вся в Володимере затвори и ключи церковный взя; не бысть звонения по всему граду и в соборной церкви, в ней же чюдо творила мати божия и ина вся святыни ея. К х) ней же вси хрестияне со страхом пририщут, утеху и заступницу имуще, изсцеление от нея приемлюще. И ту церковь дерзну затворити и тако бога разгневи и святую богородицу. Того бо дни изгнан бысть |л. 165 об.| майя 8. Много пострадаша человецы от него. В державу его сел, изнебыша и оружия и коней. Друзи ц) же ц) работы добыта, заточеише и за грабление не токмо простьцом, но и черноризцем, игумену, иереом безмилостив сый мучитель и нем человеком; головы порезывая и бороды, а другим очи выимая и языки урезывая, ины распиная по стене и мучай ч) немилостивно, хотя возхитити всех имение, имения ш) бо не сыт бысть, яко ад. Посла же его князь Андрей ш) на Киев к митрополиту. Митрополит же Констянтин повеле ему языка урезати, яко злодею и яко еретику, и руку правую утяти и очи ему выняти, зане хулу измолви на святую богородицу; ибо Давыд рече: “Да погре|л. 166|бятся грешницы от земля и беззаконницы, яко не быти л. им”. И збысться слово щ) гевангильское, нам глаголющее: “Ею же мерою мерите, возмерится вам; суд бо ъ) без ъ) милостине”. Сотворшему милости другое же слово молвит: “Аще кто беззаконно мучен будет, не венчаетца грешный, бо зде по греху мучен есть ы), а на суде божий осудится вь муку вечную”. Тако же и сей без покаяния пребысть и до последняго издыхания и уподобися злым еретиком некающимся, погуби душу свою и тело, и погибе память его с шумом. Тако почитают беси чтущая ихь, яко же сего беси доведоша, вознезше мысль его до облак, устроиша в нем друга сатанина и сведоша его во ад. И обратися |л. 166 об.| болезнъ его на главу, и наверхь его неправда его снидет; ров изры, ископа и впадется вь яму, юже сотвори то, ибо зле изпроверже живот свой. А християне, избавлении богом и святою богородицею, радующеся и веселящеся, глаголаху: “Благословен еси, Христе боже, яко тобою проидохом сквозе огнь и воду во утеху благуизволением благим спасающаго нам, ты бо страшен, и кто противится тебе и противу величеству _________ т) ы написано по ж .у) н написано по другой букве.ф) В рукописи показати .х) Написано по о .ц-ц) Исправлено из дружину , последние две буквы, замазаны киноварью.ч) Последние три буквы написаны по уча .ш-ш) В рукописи строка отмечена на левом поле знаком + .щ) Последнее о (омега) написано по другим буквам.ъ-ъ) Написано по другим буквам. ы) Написано по счищенному.
-78- мышца твоея кто равнится? Ты всемощен еси, убожая и богатя, и умерыцвя, и оживляя, творя вся мудростию. Творяще от нощи день, а от зимы весну, а от буря тишину, и осуши тишину и тучю, и смиряя, и грешники до земля виде”. |л. 167| Бо озлобление людей своих сихь кротких Ростовския земля, от звероядовитаго Феодорца погибающих, посетив, спасе людей своих рукою крепкою и мысцею высокою благочестивых царскою праведнаго и благовернаго князя Андрея. Се же списахом, да не наскачют нецы на светительския саны. Но его же богь позовет, всяк бо дар свыше изходяй ь) от тебе, отца, светом его же благословят человецы, и будет благословен, и его же про-кленут, будет проклят. Тако и сей Феодорец не восхоте благословения, и удалися от него, злы бо зле погибнет. Toe же зимы Михайло Юрьевич изби половец, иже имали град и волости святыя Богородица Десятинныя. И не упусти |л. 167 об.| их никто же, от седми тысящ полторы тысячи живых приведе. А с Михаилом была тысеча и шестьсот его полку. Сие же сотвори богь и святая богородица. В лето 6678 преставися Мстислав Изяславич, и положен во своем граде в Володимере Волынском. В лето 6680 преставися киевский князь Глеб Юрьевич, княжив в Киеве 2 лета. Toe же зимы посла Андрея княжити Киеву Романа Ростиславича. В лето 6682 Святослав Всеволодичь взя Киев з братьею марта 12. Того же лета посла князь Андрей сына своего Юрья со многими полки на Давыда Ростиславичя к Вышегороду и стояще около Вышегорода 9 недель, не успев ничто э) же, возвратившеся. |л. 168| Того же лета князь Святослав взя Киев, а Ярослава Изяславичя выгна, а княгиню его изыма. И возвратися опять к Чернигову. А Ярослав вниде в Киев. О убиени великого князя Андрея Юрьевича Боголюбовского. В лето 6683 убиен бысть князь великий Андрей Боголюбовский. Се же бысть в пятницу на обедне. Совет сотвориша окояннии, пагубоубиствены. И бе у него Иоаким слуга возлюбленный им Кучковитин, и слыша от некоего, аже брата его яль и велел казнити. И устремися дияволим научением и тече, вопия к брати своей ко злым советником окоянным, и поча молвити к себе: “Аще сего казнил днесь, а нас заутра также казнит; а промыслим о князе сем”. И совещаша |л. 168 об.| убийство на господина своего и на своего кормителя. И при пришедше нощи, они же, окоянни, уготовившеся и вземше оружие и поидоша на своего кормителя и господина князя великого Андрея, яко звери свирепи. Идущим им на ночь в суботу, а того дни бяшет был праздник святых апостол верховных Петра и Павла. Свои милостивницы были, а нынеча окаяннии убицы Кучковичи, начальник им бысть Петр, Кучкович зять, Анбал Ясин ключник ю), Иоаким, иже бе его князь любил, и Ефрем Моизич; а всех окаянных убиц 20. И придоша ко двору княжю, избиша сторожи дворныя. А князю спящу, и бяше с ним кощей мал един. И приведыни к сенем, силою двери |л. 169| выломиша и придоша к ложницы, иде же блаженны князь спит. И рече един, стоя у дверей: “Господине, господине, князь великий!” И рече князь: “Кто еси ты?” Он же рече: “Прокопий”. Рече князь паробку: “Не Прокопий”. Они же прискочивше ко дверем к я) ложницы я) и слышали глас княжь, и почаша бити во двери, силою выломиша двери. Блаженный же вскочив и хоте взяти меч; и не бе меча, бе бо тог[о] дни вынял Амбал ключник его меч, той бо меч бяшет святаго великаго мученика Бориса. И скочивша два окаяннаа и яста князя. И князь единаго поверже под ся. А в то время всовашася окаяннии и мневше князя повержена, и уязвиша свой другь; и по семь познавше князя, и боряхуся с ним вельми, |л. 169 об.| бо бяше князь силен, и секоша его мечи и саблями, и копьи, раны даяше ему. И рече им: “Горе вам, окаянным и нечестивым! Почто уподобися Горясеру? Что вы учиних зло, аще кровь мою пролиясте на землю? Да а) бог отмстить вы мой”. Си же нечестивыи а) мневша князя убита и вземше друга своего, несоша вон. По них нача рыгати и глаголати в болезни сердца, иде подь сени. Они же услышавше глас, воротишася опять на нь. Он же побеже под сени. И рече един: “Видех, яко князя идуща с сеней долов”. И рекоша: “Смотрите, его где есмя убили”. И посмотривше и не обретоша блаженнаго, и рекоша: “Тут ногибох, вборзе ищите его”. И тако |л. 170| вжегше свещя и наидоша по крови блаженнаго. Князь же узре идущих к себе и молився богу, глаголя: “Аще, господи, в семь осужени конец приимаю. Аще и много согреших, но тебе не отступих и заповеди твоя не сохраних, но веде, яко милостив еси”. И воздохнув из глубины сердца своего _________ ь) В рукописи изсодяй .э) ч написано по другой букве.ю) ю, н написаны по другим буквам.я-я) к написано по о, л по д .а-а) В рукописи строка отмечена на левом поле знаком +.
-79- и прослезися, глаголя: “Да, уповая, терплю и от всех сихь яко благодарю тя, господи! Яко смирил еси душу мою, и вь царствии твоем причастника мя сотвори. И се ныне, господи, аще кровь мою прольют, и причти мя в лик святых мученик твоих, господи!” И то ему глаголавше и молившеся о гресехь своих к богу, и седящу ему за столпом восходным; и узреша седяща блаженнаго, яко агня непо|л. 170 об.|рочно, и ту окоянни и прикончаша. Петр же оття ему руку десную, а ини избодоша. И ту блаженны конец прият месяца июня 29, избодоша на память святую апостолу Петра и Павла. И положиша честно его тело б) в Володимере в церкви чюдной и хвалы достойно[й| святей Богородицы златоверхой, юже бе сам создал. И уведевше же ростовцы князю смерть и суздальцы, и переславцы, и сняшася, и послашася ко князю Глебу в) рязанскому, хотячи к себе шюрина его Ростиславича Ярополка и Мстислава, Юрьевича Михаила и Всеволода не хотеша, но богу их хотящу. И сняшася Юрьевичи, Михайло и Всеволод, а Ростиславичи, |л. 171| Ярополк и Мстислав, и целоваша крест у епископа черниговского из рук и даша старейшинство Михаилу. И поидоша к Ростову два их: Миха[й]ло и Ярополк. И приехаша на Моск[в]у, Ярополк иде отай ко дружине в Переславль, а Михайло к Володимерю, а Ярополк шед, согна Михаила с Володимеря. И Михайло иде опять в Русь, а Ростиславичи седоша в Володимере и в Ростове и в Суздале. В лето 6684 и не дошедь Володимера за пять верст от Москвы, идучи, бися Михайло с Ростиславичи, и поможе бог Михаилу июня 15 вь день недельный. И седе Михайло на столе в Володимере. В первое же лето мстил обиду брата своего князя Андрея Боголюбовскаго брат его Михайло, |л. 171 об.| того же лета и умре. В лето 6685 преставися великий князь Михайло Юрьевич июня 20 г). |л. 172| Княжение д) великого князя Димитрея Всеволода д) Юрьевича, внука Владимера Манамаха. Того же лета седе вь Володимере на столе Всеволод Юрьевич. Того же лета приведоша ростовцы Мстислава Ростиславича из Новагорода и поидоша на Всеволода к Володимерю. Всеволод же поиде противу Мстиславу. И много посылаше к нему о миру. Он же не хоте мира, слушающе ростовцов, и бишася у Липиць, у Юрьева на поле. И поможе богь Всеволоду: и убиша у Мстислава Добрыню Долгово, Иванка |л. 172 об.| Степановича, а детей боярьскихь ростовцов всех повязаша. Того же лета князь Глеб рязанской на зиму пожже Москву и села повоева, иде к Рязани. Того же лета на зиму поиде великий князь Всеволод на Глеба к Рязани, и бывшу ему на Коломне, и приде весть: оже Глеб шел к Володимеру инем путем с половцы, и воюют около Володимера, и церковь Боголюбовскую выбивши двери и разграбиша, и множество полону вземше, и иных разсекоша, и ста на Колакши. Всеволод же возвратився с Коломны, приде на Глеба и на Мстислава Ростиславича. И перешед реку Колакшу е) и догонив Глеба, изымаша его и сына его Романа, и шюрина его Мсти|л. 173|слава Ростиславича, иных многих, иных избиша, а поганых половец всехь оружием избиша. И возвратишася с победою великою Всеволод в Во[ло]димер в понедельник Федоровы недели. А Глеба и с сыном, и з шюрином, и з бояры повеле всадити в поруб. А на Резань посла, веля им привести, изымав, Ярополка. Рязанцы же поимавше Ярополка, приведоша его в Володимер, и всадивь его в поруб. Помале же восташа людие вси володимерцы, князю Всеволоду не могущу удержати их. И шедше в поруб, слепиша их, а Романа пустиша. В лето 6686 на третий год по убиени от Кучкович князя Андрея Юрьевича Боголюбскаго приде из-за моря из Сиуня |л. 173 об.| брат его Всеволод, нареченный во святом крещении Дмитрей Юрьевич, и седе на великое княжение Владимерское по преставлени брата своего великого князя Михаила Юрьевича, и мсти обиду брата своего Андреяву, Кучковичи поймал и в коробы саждая и в езере истопил, яко же рече пророк; и быша яко гной земны, тако си окоянные Кучковичи, и погибе память их с шумом. В лето 6686 иде князь великий Всеволод и взя город Торжек, и назад идучи, взя город Ламски, а князя Ярослава Мсти[с]лавича изыма братанича своего. _________ б) Написано над строкой.в) В рукописи Гребу .г) Далее лл. 171 об., 171а, 171а об. оставлены незаполненными. д-д) Написано вязью. На верхнем поле цветная заставка, на правом и нижнем полях.орнамент, заставка и орнамент выполнены в виде зеленого растительного узора. е) В рукописи Колашку.
-80- В лето 6688 иде князь великий Всеволод на Рязань и раздели князем рязан|л. 174|ским комуждо их отчину свою ё) и возвратися в Володимер. В лето 6689 приде Святослав Всеволодичь с половцы и с наугородцы, и з черниговцы на Всеволода Юрьевича. Всеволод жа Юрьевич стрете его и стояше межди собою на Влене на реце. Святослав ж) же пожег да ж) и [во]звратися, а Всеволод иде в Володимер. В лето 6690 Всеволод взя Торжек, а Ярополка, поймав, приведе в Володимер. В лето 6691 преставися благоверная княгини Ольга, нареченная чернеческий Ефросиния, и положена бысть во святем в Володимере июня 4. В лето 6692 и ходи великий з) князь Всеволод со всеми князьми |л. 174 об.| рязанскими и с муромскими, и Володимером на Болгары и победи их. И тогда под городом убиша Изяслава князя Глебовича, братанича Всеволода. В лето 6693 поставлен бысть Лука епископом Ростову игумен спаский з Берестова митрополитом Никифором при князе киевском Святославе Всеволодиче, поставлен бысть марта 11 Ростову и Суздалю и Во[ло]димерю. Того же лета Святослав Всеволодич киевский со всеми князьми рускими ходи на половцы в поле и победиша их, князей единых руками яша четыреста 17, а всех 7000 руками яша, а мнози избиша. |л. 175| Того же лета бысть знамение в солнце: мрачно бысть велми, яко звезды видехь, и человеком в очю, яко зелено, бяше; и в солнцехь учинися, яко месец, из рог его яко углю жаря восхожаше. В лето 6694 ходивше на половцы, похвалився, Ольгови внуцы, черниговские князи и рязанские, и взяша вежи их и полон многь, и рекоша: “Пойдем, иде же деды и отцы наши не бывали, в лукоморий избием всех”; и поидоша. Половцы же собравшеся и пришедше, бившеся с ними крепко по 3 дни, избиша их всех, а иных руками изымаша и вести не пустиша в Русь, но с гостьми приказаша. |л. 175 об.| Того же лета исписана бысть церковь Богородица в Ростове епископом Лукою. В лето 6696 бысть гром силен февраля 17 и зарази два человека. В лето 6697 преставися Лука, епискуп ростовьский, и положен быть в Володимере во церкве святыя Богородица ноября 5. Того же лета родися Всеволоду сын Георги. В лето 6698 поставлен бысть Иоан епископом Ростову митрополитом Никифором генваря 23, а в Ростов приде февраля 25. Тогда сущу князю великому в Ростове в полюди, а в Суздаль приде марта 10, |л. 176| а в Володимер иде марта же 16 день. Того же лета родися Всеволоду сын Ярослав, рекомый Феодор. В лето 6699 преставися преподобны Никита Столпник переславский. В лето 6700 заложи Всеволод церковь каменну Рождество святыя богородица вь Володимере. Того же году Переславль поставлен. В лето 6701 преставися преподобный Варлам, новогородцкий чюдотворец, на Хутыне. В лето 6702 заложи Всеволод детинец в Володимере. Того же лета преставися киевский князь Святослав. Князь же велики Всеволод по|л. 176 об.|слав и посади в Киеве Рюрика Ростиславича, свата своего. В лето 6703 придоша прузи в Рускую землю. Toe же зимы по зборе во вторник потрясеся земля во всей области киевской, и церкви каменныя и древяные поколебахуся. В лето 6704 принесена бысть дъска святого Димитрея гробная из Селуня генваря 10 день. В лето 6705 преставися благоверный князь Феодор Ростиславич смоленский и ярославский во мнишеском н) чину. В лето 6706 преставися князь смоленский Давыд, и седе вь Смоленску братаничь его Мстислав. Того же лета родись Всеволоду сын Иван. |л. 177| В лето 6707 ходи Всеволод с сыном с Констянтином на половцы. Они же бежавше к морю. В лето 6708 преставися князь черниговский. Того же лета заложи Всеволод церковь камену Успение святыя богородица в монастыре княгинине в Володимере. Того же лета посла князь великий сына своего Святослава в Великий Новград на княжение. _________ ё) Написано над строкой неясно, буквы полустерты.ж-ж) Написано над строкой. з) ики написано по другим буквам.и) В рукописи мнишешеском.
-81- В лето 6709 посла Всеволод сына своего Ярослава в Руский Переславль княжити. Toe же осени преставися черниговский князь Владимер. В лето 6710 преставися черниговский князь Игорь. Того же лета выгна Роман Рюрика из Киева и посади в Киеве Всеволода и Романа Ингваря |л. 177 об.| Ярославича. Роман же ходи на половцы и взя вежи их и множество полона. Toe же зимы бысть знамение в час 5 нощи: небо потече, все черно, по земли же снег и по хоромам снег; мнети же всем человеком, зряще, яко кончину, яко кровь пролияна по снегу, видеша нецы, яко оторвахутца звезды, яко на землю. В лето 6711 генваря 2 взят бысть Киев Рюриком и всею половецкою силою. В лето 6712 бысть знамение на небеси: 3 солнца на востоце, а четвертое на западе, а посреди небеси, яко месяць вели[к] подобен дузе; и стояста от утра и до полудня. Того же лета пойма Роман Рюрика й) и постриже к) в черньцы и жену его и дочерь его. |л. 178| И посади Всеволод зятя своего Ростислава, сына Рюрикова, в Киеве. В лето 6713 приидоша немцы и венедицы и фрязи на Царьград и взя его, и веру свою уставиша в нем, а церкви разграбиша. Того же лета преставися князь Олегь черниговский с сыно[м] своим. Того же лета падеся церковь соборная в Ростове Успения святыя богородица. В лето 6714 посла Всеволод сына своего Констянтина Великому Новугороду на княжение. Того же лета преставися великая княгиня Всеволожа Мария, лежавши в болезни 7 лет. И положена бысть в манастыре во церкве святыя Богородица, юже созда. А в черницах бысть дней 18. |л. 178 об.| Тово же лета иде Роман галический на Ляхи. Тамо и убиша его. И то слышав Рюрик, и розстрижеся, и седе в Киеве, и хотяше кнеиню свою ростричи. Она же то слышав, пострижеся в скиму. Того же лета Ольговичи реша л): “Не достоит чернцу быти на княжение”. И шед, выгна Рюрика ис Киева. А Всеволод Чермный сяде в Киеве Святославич. В лето 6715 посла Всеволод сына своего Святослава к Новуграду княжити. А Констянтину дал Ростов и иных пять городов к Ростову. Toe же зимы Рюрик выгна Всеволода Святославичи из Киева, а сам сяде в нем. В лето 6716 посла Всеволод сына своего Ярослава в Рязань на княжение, а князей их изыма. Того же лета ходи Всево|л. 179|лод к Рязани и пожже ю, а сына своего выведе, а люди рязанския розведе по городом. Того же лета преставися Рюрик, князь киевьский. А Всеволод Чермны[й] сяде в Киеве. В лето 6717 бися Юрьи, сын Всеволож, со Изяславом Володимеровичем рязанским на реце на Дрозне, и поможе бог Юрью. Того жь лета женися другою женою великий князь Всеволод и приведе за ся из Смоленска Василкову витебскаго князя. В лето 6718 приходи митрополит Дионисей из Киева в Володимер о миру. В лето 6719 майя месяца вь 15 день на память отца нашего Пахомия в неделю 7-ю по пас[хе] святых отець по литоргеи загореся |л. 179 об.| Ростов и погоре мало не весь, и церквей згоре 15; богу попущающу за грехи наша и за умножение неправды. Се же есть дивно: церкви в Ростове во имя святого Иоанна Предтечи на дворе во епискупьи у святыя Богородица, и згоре церкви та вся от верха и до земля; иконы, что не утягли вымчати, и гроби в земли дну; и бе во церкви той икона, на ней же написан мученик Феодор Тирон, и вощаница с вином, юже нецыи мняху, яко же бе Леона епископа преже бывшаго в Ростове. Пришедши же на пожар места церковнаго и м) видеша н) вся огнем взята о), толико икона п) та святого и великого мученика Феодора с вощаницею цела посреди огня. Констянтин же, христолюбивый |л. 180| и благоверный князь, сын Всеволож, тогда бе в Володимере у отца и слышав беду, сотворшююся на граде его и на святых церквах и еха скоро к Ростову. И виде печаль бывшую мужем ростовским, утеши я глаголя: “Бог дал, бог взя, яко господови изволи ся, тако и бысть. Буди имя господне благословено отныне и до века”. Того же лета жени Всеволод своего Еоргия у Всеволода Святославичи киевскаго. Того же лета галичане приведоша отай угры к себе, избиша князей своих Игоревичев 3-х, Романа з братьею, и повесиша их на виселинах. Того же лета посла Всеволод по сына по Констянтина в Ростов, дая ему по своем животе Владимер, |л. 180 об.| а Юрыо Ростов. Он же не поеха ко отцу, хотя Володимеря к Ростову. Всеволод же л. дал Володимер Юрью и всю братию поручи ему. _________ й) Написано по другим буквам.к) ри написано по и .л) Написано над строкой. м) Написано по счищенному. н) ви написано по счищенному.о) Написано над строкой. п) ик написано по та.
-82- В лето 6720 преставися великий князь Дмитрей Всеволод Юрьевич апреля 15, жив от рожества своего лет 63 и княжив в земле Ростовстей лет 37. И седе по нем Юрьи в Володимере 9, и от Рюрика великий Дмитрей р) и Всеволод. Княжение с) князя Юрья Всеволодичя, владимерскаго с) великаго князя. Тово же лета отпусти Юрьи князей резанских в Рязань, |л. 181| яже изымал отец его Всеволод. Того жъ лета иде Святослав ко брату Констянтину в Ростов. Того же лета выгна из Киева Мстислав Раманович Всеволода Святославича. Он же бежа в Чернигов, тако и преставися. А Мстислав сяде в Киеве. Того же лета бежа Владимер Всеволодичь къ брату Констянтину в Ростов. Юрьи же з братьею сь Ярославом и сь Иваном идоша к ним на снем ко Юрьеву и умиришася. Тово же лета иде Владимер на Москву и седе в ней. А Святослав иде от Констянтина в Володимер кь Юрью и да ему Юрьев Польский. Того же лета поставлен Нижней Новгород. В лето 6721 заложи князь Констянтин церковь |л. 181 об.| святую Богородицу на первом месте падшая ся церкви апреля 25. Тово же году въ благовещеньев день вышедшу солнцу, явися над ним месяц и поча полнитись вборзе, и не доиде луны своего полнения яко за 3 дни, наиде на него облак черн и постоя над луною мало съступи долов, и бысть месяц мал и апять бысть полон. Сие же четыржи бысть. Того же лета Иоан, епископ владимерский и ростовский, отписася от епископьи, пострижеся въ схиму в Суздале в монастыре у Козьмы [и] Дамьяна. И поставлен бысть в него место архиморит Симон епископом Володимерю и Суздалю от Рожества святыя богородица из Володимеря. А Констянтин посла на Киев Пахомия, отца своего духовнаго, игумена святаго Петра, к т) митрополиту Матфею, и постави епископом Ростову ноября 10. И оттоле разделися: |л. 182| нача быти в Ростове епископ, а в Володимере и в Суздале другий. Того же лета приходи Юрьи с братьею на Констянтина к Ростову, и бишася, и умирися. И посла Констянтин и пожже Кострому. Того же лета дал Юрьи Владимеру у), брату, Переславль- Руский. Он же иде с Москвы тамо. В лето 6722 заложи Констянтин церковь камену Бориса и Глеба на своем дворе. Того же лета король угорский посади сына своего в Галиче, а епископа и попы изгна из церкве и приведе свои попы. В лето 6723 иде Владимер Всеволодич ис Переславля на половцы, и победи и, и самово яша. Того же лета преставися епископ ростовский Пахомей, в чернечестве быв в Печерском монастыре 5 лет, а у святаго Петра 13 лет, а во епископех быв 2 лета. И по нем Кирил епископъ от Дмитрея святаго из Суздаля чернец. |л. 182 об.| В лето 6724 заложи Констянтин церковь святаго Спаса на Ярославле дворе камену и манастырь ту устрой. Княженье ф) великое Констянтина Всеволодича ф) ростовскаго на Владимери. В лето 6725 бися Констянтин з братом Юрьем и Ярославом у Юрьева на поле. И одоле Констянтин и седе в Володимере на столе, а Юрью дал Суздаль. Того же лета Глеб князь резаньский Владимерович и брат его Констянтин изби братию свою в Рязани, 6 князей единех, у себе на пиру, и бояр ихь июня 20, а шестаго Изяслава, роднаго брата. А сам Глеб бежа в Половцы. |л. 183| Того же лета приде Владимер х) Всеволодич къ братьи ис Половец. Они же даша ему Стародуб. Того же лета ходи король съ угры и с немцы во Иеросалим и бися за гроб господень. Того же лета приходи Глеб с половцы и з братом Констянтином к Рязани. Ингвар же зь братьею срете и би их. А Глеб и з братом опять утече в Половцы. Того же лета преставися великий князь Констянтин Всеволодич. По нем седе в Володимере брат его Юрьи, жил лет 33. В лето 6726 священа бысть церкви святых Бориса и Глеба в Ростове августа 25 епископом Кирилом. _________ р) В рукописи Дмидрей .с-с) Написано вязью, за исключением мерскаго .т) В рукописи и .у) В рукописи Врадимеру .ф-ф) Написано вязью, за исключением ча .х) Написано над строкой, выносные д, р срезаны.
-83- Того же лета взяша болгаре Устюг. Toe же зимы иде Инъгвар, князь рязанский, на половцы и победи их. |л. 183 об.| Великое ц) княжение Юрья Всеволодичя владимерскаго ц) и всеа Русии. В лето 6726 посла великий князь Юрьи брата своего Святослава и вси князи полки своя на Болгары. Они же поимаша грады их многи и полон, возвратишася. О поб[о]ище, иже на Калках. В лето 6731 по грехом нашим приидоша языцы незнаемы при великом князе киевском Мстиславе Романовиче, внуце Ростиславле Мстиславича. Приидоша бо неслышании безбожии моявитяне, рекоми татаровя, их же добре ясно ничто ч) же съвесть, кто суть и откуду приидоша, |л. 184| и что язык ихь, и которого племени суть, и что вера их; зовут же я татарове, а ини глаголют таурмени, а други - печенези, инии глаголют, яко си суть, о ш) них ш) же Мефодий, епископ паторомский, сведетельствует, яко вси суть вышли ис пустыня Етривския, сущи межди востоком и севером, по скончанию времени явитися им; их же загна Гедеон; и попленят всю землю от востока и до Ефрата и от Тигр до Понтъскаго моря, кроме Ефиопия. При сих же слышахом, яко многи страны поплениша: Ясы, Обезы и Косаги. Приидоша же на землю Половецкую, и половцем ставшим, а Юрьи Кончакович болии всех половец не може стати противу лицу их, но бегающи ему; а щ) половцы не може противитися им, побегоша, и мнози |л. 184 об.| избиени быша; и гониша их до реки Днепра, а иных загониша по Дону и в лукомория, и тамо изомроша, убиваеми гневом божиим и пресвятыя его матере, много бо ти половцы зла сотвориша Руской земле. Богь же отмщение сотвори над безбожными куманы, сыны ъ) Измайловы, победиша их татари, инехь язык 7, проидоша ы) землю Куманскую и придоша близ Руси. А Котяк, половецкий князь, со инеми князи и со останком половец прибегоша, иде же зоветца вал Половецкий. А Данил Кобякович и Юрьи Кончакович убиена быста. А иных мнози половцы прибегоша в Рускую землю. Сей же Котяк бысть тесть князю Мстиславу Мстиславичю галическому. |л. 185| И прииде с поклоном со князи половецкими къ зятю князю Мстиславу в Галич и ко всем князем, руским, и дары принесе многи: кони и велблюды, буйволы ь) и девки. И одари всех князей русских, глаголаше к ним сице: “Нашю землю днесь отъяли татаровя, а вашу заутро возьмут, пришедше; то пообороните; аще ли не поможете нам, то мы ныне изсечени будем, а вы наутри изсечени будете”. И нача молитися къ зятю своему о пособии. Мстислав нача молитися братием э) своим ю) князем руским, река: “Аще мы, братие, сим не поможем, то предадятся им же, то больши будет сила их”. И тако думавше много, яшася пособити Котяку, слушающе же моления половецких князей. |л. 185 об.| Бывшу жъ совету всехь князей, и во граде Киеве сотвориша сице совет: “Лутше бо нам сретити их на чюжей земле, нежели на своей”. И начаша вой строити киждо свою власть. Тогда бе в Киеве князь Мстислав, сын Романов Ростиславича, а в Чернигове Мстислав Святославич козельский, а в Галиче Мстислав Мстиславич; тии бо беяху старейший в Руской земле, с ними же князи млады: князь Данило Романов сын Мстиславича, князь Михайло Всеволодичь черниговский, внук Святославль Ольговича, князь Всеволод, сын Мстислава киевскаго, и ины князи многи. Тогда князь великий половецкий крестися Бастый. И совокупиша землю Рускую я) всю противу татаром. И приидоша |л. 186| к реце Днепру на Заруб ко острову Вяряжскому. Уведаша же татарове, яко идут князи рустии противу им, и послаша послы ко князем руским, рекуще: “Се слышахом, оже противу нас идете, послушавше половец; а мы вашей земли не яхом, ни градов, ни сел и не на вас приидохом, богом попушеннии на холопи ваши и на конюхи сво[и] на поганые половцы; а вы возьмите с нами мир; аще побежит к вам половеци, и вы их бейте, а товар себе емлите; слышахом, яко и вам зло творят”. Князи же тово не послушаше и послы побита, а сами идоша противу им. И прислашя татарове другия послы, глаголя: “Идете противу нам, послы наши избили, а мы вас не замали”. И отпустиша послов их. Опять прииде же к руским князем Половецкая |л. 186 об.| земля, а ис Киева князь Мъстислав со всею силою, а Владимер Рюрикович с смольняны, и вси князи рустии. И тогда князь Мстислав галический перебродеся Днепр в тысещи вой на сторожи татарския и победи я, а останок их побеже с воеводою с Гемябеком. И ту им не бе помощи, и погребошя воеводу своево Гемябека жива в землю. В лето 6732 поставлен бысть митрополит Кирил. Того же лета обретение телеси великаго Леонтия святителя, ростовскаго чюдотворца. _________ ц-ц) Написано вязью, за исключением димерскаго .ч) Так в рукописи. ш-ш) В рукописи он, с выносным н . Исправлено по Воскресенской летописи (ПСРЛ, т. VII, с. 129).щ) В рукописи на .ъ) В рукописи сын .ы) Первое о написано по а .ь) в написано по е .э) е написано по и .ю) и написано по е .я) В рукописи Руккую.
-84- Того же лета свещена бысть церковь святого Спаса вь Ярославля, еже заложи Констянтин, великий князь, а сверши ю сын его Всеволод. Того же году приде образ Николин ис Корсуни; и почему именуетца |л. 187| Зарайской, а написано об нем внизу от доски, потому что в том году прописано. В лето 6733 заложи князь великий Юрьи церковь каменну в Новегороде на усть реки Оки святого архангела Михаила. Toe же зимы воеваша литва Новгородскую землю. Ярослав же Всеволодич шед на них, изби я, а полон отъя. В лето 6734 преставися епископ Симон суздальский, положен в Володимере. В лето 6735 поставлен бысть Митрофан епископ Суздалю и Володимерю и Переславлю митрополитом Кирилом и четырьми епископы в Володимере. Того же лета посла Юрьи братанича своего Всеволода Констянтиновича в Переславль Руски на стол |л. 187 об.| княжити. Toe же зимы преставися князь Владимер Всеволодич. Toe же зимы ожени Юрьи Василка Констянтиновича Михайловною черниговскаго. В лето 6737 страсть святого новаго мученика христова Аврамия, его же убиша болгаре в Великом граде их. Сей бысть инаго языка, не руского. Християня же сый имеяше имения много, гостьбу дия по городом, и вниде в болгарски град. Они же емше, нудиша его много дней отврешися Христа. Он же не покорися, изволи умрети за Христа. И по многим муках усечен бысть апреля 1 день. И сотвори бог отмщение за кровь его, погоре у них большая половина града. Того же лета саксини и половцы возбегоша из низу пред татары к болгаром, и сторожи болгарстии прибе|л. 188|гоша, бьени от татар близ реки, ей же имя Еик. Того же лета приде Всеволод Констянтинович ис Переславля, а в Переславль иде княжити Святослав Всеволодичь. Того же лета Кирил, епископ ростовский, оставил епископью, приде в Суздаль во свою келью, хотя лечити свою немощь, яже бе ему лице изменило и почернело от недуга, устне отолстели и нос. Еще же к тому месяца сентября въ 7 все богатство отняся у него некоею тяжею, Ярославу судивша. А ему богату сущю кунами и селами и всем, не един таков епископ не бывал в Суздальстей земле; и от того пострижеся въ схиму. В лето 6738 майя въ 3, в пяток 4-й недели поста земля потресеся, солнце померче. И на ту осень глад бысть велик: кадь ржи по 40 гривен, а овса по 15. И бысть |л. 188 об.| зло велико в Новегороде, по торгу и по улицам трупие пси едяху, влачаху главы человеческия и кости, и наметаша скудельницу мертвых 3030, а на весни тоя же зимы и другую наполниша. Тогда же и в Смоленце устроиша 4 скудельницы, во двух скудельных положиша мертвых 16 000, а в третьей 7000, а в четвертой 9000. Сей же гнев бысть божий по 2 лета, В лето 6738 преставися Кирил, епископ ростовский, и бысть в него место причетник Кирил же от Рожества из Владимеря. Toe же зимы февраля 25, въ 1-ю неделю поста принесен бысть святый Леонтей из церкви Иоанна Предтечи в соборную церковь, иде же ныне лежит. В той же день свещена бысть церковь соборная в Ростове. Toe же зимы марта въ 9 принесен бысть мученик Христов новый Аврамей из Болгарский земли в Владимер. |л. 189| Великий жь князь Георгей срете его от града за версту и епископ Митрофан и вси людие с великою честию. И положен бысть в церкви святыя Богородица в монастаре великой кнеини Всеволожи. В лето 6739 ожени князь Юрьи сына своего Всеволода у Владимеря Рюриковича киевскаго князя. Тово же лета быша знамения много и потресения, от них же едино повем: майя въ 3 день въ 2 час пременися солнце и бысть, яко месяц, и возвратися вспять, и поиде к востоку, и опять возвратися на течение свое. Того же лета поставлен бысть Кирил причетник епископом Ростову. Тово же лета родися Васильку сын Борис. О церкви пресвятыя Богородица во граде Суздале. В лето 6741 исписана бысть церкви святая Богородица в Суздале, измощена мрамором красны разноличным. В лето 6741 |л. 189 об.| преставися князь Феодор, сын Ярославль большой, и положен бысть в монастаре святаго Георгия еще млад. И кто не пожалует сего, свадьба пристроена, бе меды посычены, не-
-85- веста приведена, князи позваны; и бысть в веселия место плач и сетование. За грех наш, господи, царю небесный, слава тебе! В лето 6742 князь Святослав Всеволодичь соверши церковь въ Юрьеве, иже бе опала старостию, святого мученика Георгия, и украси ю дивно. В лето 6744 пришедши безбожнии татарове, поплениша землю Болгарскую и град их Велий взяша, иссекоша мужи и жены, а прочих въ полон взяша а). Того же лета бысть знамение въ солнце месяца августа 3 в неделю по обедех, видеша вси, яко месяц 4 дней. О взятии земли Руской от безбожнаго царя Батыя |л. 190| в лето 6745. Того же лета на зиму приидоша от восточныя страны на Рязанскую землю лесом безбожнии татаровя со царем Батыем. И пришедше первое, сташа станом ту Онузе и взяша ю. И оттоле послаша послы своя, жену чародейницу и два мужа с нею, ко князем рязанским, просят у них десятины во всем: во князех и в людех, и в конех десятое в белых, десятое в вороных, десятое в бурых, десятое в пегих. Князи же рязанские Юрьи Ингварович, Олег Ингварович и муромский и пронскии и не пустячи ко градом и сьехашася противу им в Воронаж. И рекоша князи: “Коли нас не будет всех, то все ваше будет”. И оттоле пустиша их къ Юрью в Володимер. И начата во|л. 190 об.|евати землю Рязанскую и плениша ю до Пронска. А из Володимеря пустиша их от Нухле в татары б) во Воронож. И послаша же князи рязанстии ко князю Юрью володимерскому, просячи у него себе помочи или самому пойти. Князь же Юрьи сам не иде, ни послуша князей рязанских мольбы, но хоте о себе брань сотворити сам. Но уже бяше божию гневу не противитися, яко же речено бысть Исусу Наввину в) господем, егда веде я господь на землю обетованную, тогда рече: “Аз послю на тя преже вас недоумение и грозу, и страх, и трепет вложи в нас за грехи наша”. Тогда иноплеменницы оступиша г) град Рязань декабря вь 16 день и острогом оградиша. Князь же рязан|л. 191|ский затворися во граде с людми. Татаровя же взяша град Рязань того же месяца 21 день и пожгоша весь, и князя их Юрья убиша и княгиню его. А иных же имше мужей и жен, и дети, и чернцов, и черниц, и ереев; овых разсекогаа мечи, а других стрелами изстрееляхут, во огнь вметаху, иныя имающе, вязаху, и поругание черницам, и попадьям, и добрым женам, и девицам и пред матерьми и сестрами. А епископа ублюде бог, отъеха прочь в той год, когда рать отступи от града. Много же святых церквей огневи предаша, а монастыри и села пожгоша, имения немало ово стран взяша. И потом поидоша на Коломну. И кто братие, о сем не плачется, кто ся нас осталь живых, како ону |л. 191 об.| нужную и горкую смерть подъяша? Да и мы то видевше быхом устрашилися и грехов своих плакалися со воздыханием, день и нощъ пекущеся о именье, о ненависти братне. Toe же зимы поиде Всеволод, сын Юрьев, внук Всеволож, и князь Роман Ингварович сь своими вой из Володимера противу татаром. Князь же Юрьи володимерский тогда посла Еремея Глебовича вь сторожех воеводою и сняся со Всеволодом и с Романом. И оступиша д) их татарове у Ко[ло]мны, и бишася крепко. И бысть сеча велика, и прогна их к надолобам, и ту убиша князя Романа, а у Всеволода воеводу его Еремея, иных много мужей побиша. А Всеволод в мале дружине |л. 192| отъиде в Володимер. А татаровя поидоша к Москве и взяша Москву, и воеводу убиша Филипа Нянька е) за правоверную веру християнскую. А князя Владимера руками яша, сына Юрьева, а люди избиша от старца и до младенець, и много имения взяша, и отъидоша. Toe же зимы выеха князь Юрьи из Володимера, урядив сыны своя в себе место Всеволода и Мстислава, и еха Волгу съ сыновцы своими с Василком и со Всеволодом и с Володимером, и ста на Сите станом, ждучи к себе брата своего князя Ярослава и Святослава с полки. И нача князь Юрьи полки совокупляти противу татар, а Жирославу Михайловичю приказа воеводство дружине своей. Тогда приидо|л. 192 об.|ша множество кровопроливец християнских без числа, аки прузи, к Володимерю месяца февраля вь 3 день, во вторник, преж масопуста за неделю. А володимерцы затворишася во граде со Всеволодом и Мстиславом, а воевода бе у них Петр Осладюкович. Володимерцом же не отворящимся, а татарове же приехавше ко Златым вратом, водячи с собою княжича Владимера Юрьевича, и начата воспрашати: “Великий князь Юрьи, стоите ли во граде?” Володимерцы же пустиша постреле на татар, и татарове противу пустиша тако же по стреле на ё) город и на Златые врата. И по сем рекоша володимерцем татарове: “Не стреляйте”. Они же пре- _________ а) В рукописи взязяша .б) В рукописи тары .в) Второе в исправлено из г .г) В рукописи отступиша .д) В рукописи отступиша .е) В рукописи Янка с выносным н .ё) В рукописи но.
-86- сташа |л. 193| стреляти, и приидоша близ ко вратом и показаша им Володимера. И начата татарове говорити володимерцом: “Знаете ли княжича вашего?” Бе бо уныл лицем, изнемогь бедою от нужда. Всеволод же и Мстислав з бояры своими стояста на Златых воротех и познаста брата своего Володимера. О умиленное брата видинею и слез достойно! Всеволод же и Мстислав з бояры своими ж) и все гражане плакахуся Володимера ж). И татаровя же отступиша от Золотых ворот и объехаша весь град, и станы сташа пред Златыми вороты, яко зрима, и много множество около всего града. Всеволод же и Мстислав сжалистаси брата деля своего Владимера и рекоста всей дружине и Петру |л. 193 об.| воеводе: “Брате, луче ны есть умрети пред Златыми враты за святую богородицу и за правоверную з) веру и), ниже воли й) их й) быти”. Воевода же Петр Ослатин и рыкаста оба князя: “Си вся ны наведе бог грех ради наших”, яко же пророк глаголет: “Несть человеку смерти, и несть мужества, ни думы противу господеви”. Се сотворися зло в Суздальской земле велико, яко тако же, тако зло от крещения нести было, яко же бысть ныне. Но мы то оставим, на преднее возвратимся. Татарове же станы своя урядив около града Володимера, а сами шедше, взяша град Суздаль и святую Богородицу церковь разграбиша, а двор княж огнем пожгоша и монастырь Дмитрия и прочи разграбив, пожгоша; |л. 194| а что людей, старые и молодые, игумены, и попы, и дияконы, и чернцы, и черницы, и слепыя, и хромыя, и глухия, - то все исекоша к), а прочие люди и жены и дети босы и безьпокровны, издыхающим им от мраза, и бе тогда видети трепет велий зле, то все множество ведоша полона в станы своя. А сами приидоша к Володимерю в суботу мясопостную л) и начата лесы и пороки ставити от утра и до вечера, а на ночь огородиша тыном около всего града. И бысть наутрее увидев же се князь Всеволод и владыка Митрофан, яко уже взяту быти граду, и внидоша во церковь святую Богородицу, и остригошася вси во ангильски образ от владыки Митрофана. И при|л. 194 об.|ступиша ко граду в неделю мясопустную по зав[у]трени вь 7 день февраля и заидоша по примету в город чрез стену, а сюды от сиверныя страны от Лыбеди ко Орининым вратом, к Медяным, от Клязьми к Волжским вратом. И тако взяша въскоре град до обеда новы и запалиша и огнем. Бежа же Всеволод и Мстислав и все людие в печерний город, а епископ Митрофан и княгини Юрьева со дщерию и снохами, и со внучаты, и прочая княгини, и множество бояр и людей и затворишася во церкви святыя Богородица в полатех. И тако огнем без милости запалиша и. И помоли же ся боголюбивы епископ Митрофан, |л. 195| глаголя: “Господи, боже, сил светодавче, седяй на херу[ви]мех и научи Иосифа, и укрепи Давида пророка на Голияда, и воздвигнув Лазаря четверодневнаго из мертвых, простри руку твою невидимую и приими с миром душу раб своих”. Татарове же отбивши и отвориша двери церковныя, и наволочивше леса около церкви, и церковь зажгоша. И издохшася от великова зноя вся сущая ту люди, ини же огнем скончавшеся, а иных оружием до конца предаша смерти, и святую церковь разграбиша, и чюдную икону самыя богоматере одраша. И поидоша на великого князя Юрья оттоле. Ови же идоша к Ростову, а ини къ Ярославлю, а инии на Волгу и на Городец |л. 195 об.| и те поплениша все по Волзе и до Галича Володимерскаго. А ини идоша к Переславлю, и тот град взяша, и оттоле всю ту страну поплениша: Юрьев, Дмитров, Волок, Тверь и до Торжку, ту и сын Ярославль убиша. И на всей Ростовской земле и на Суздальской взяша градов 14, апричь слобод, во един месяц февраль. Кончаявшуся лету 45, прииде весть великому князю Юрью, яко Владимер взят и церкве соборная, и епископ, и княгини з детьми огнем скончашася, а старейшая сына твоя Всеволод [с] братом убиенна вне м) града м), а люди избывшей к тебе идут. Он же слышя все, возопи гласом велиим со злезами по правоверней вере християньстей и о церкве, и епископа ради, и людей, бяше бо милостив, не жели себя или жены и детей, и глагола: “Господи, се ли годе бысть твоему милосердию, яко новый бысть Иев терпением, что ради остах аз един?” |л. 196| В лето 6746 князь велики Юрьи посла Дорожа н) въ просоки въ 3000-х муж, и прибежах Дорож о) и рече: “А уже, княже, обошли суть нас около татарове”. То же слышав князь Юрьи и всед на конь свой сь братом своим Святославом и со сыновцы своими с Василком Констянтиновичем и со Всеволодом, и Владимером, и с мужи своими, и поидоша противу поганых. И нача князь полки ставити около себя, и се внезапу приспеша татарове на Сить противу князю Юрью. _________ ж-ж) В рукописи строка отмечена на правом поле знаком +, а в слове плакахуся п написано по другим буквам и смазано.з) Далее одно слово замазано. и) Приписано по левому полю. й-й) В рукописи вольных или верных . Исправлено по Воскресенской летописи (ПСРЛ, т. VII, с. 140).к) с написано по к .л) у написано по ш .м-м) В рукописи в Новегороде .н) В рукописи сторожа . Исправлено по Воскресенской летописи (ПСРЛ, т. VII, с. 141).о) В рукописи сторож. Исправлено по Воскресенской летописи (там же).
-87- Юрьи же князь отложив всю печаль и поиде к ним, и сступишася обои ихь полцы, и бысть сеча зла и велика, и побегоша пред иноплеменницы. И ту убиен бысть велики князь Юрьи Всеволодич на реце на Сити. |л. 196 об.| И воя его много, много побита. А Василка Констянтиновича руками яша и ведоша во станы п) своя с великою нужею. И дошед Шерньскаго леса и сташа станы ту, и нудиша Василка много проклятии безбожни татарове в поганской воле их быти и воевати с ними. Он же не повинуся обычаю их, никако же не покорися беззаконию их, ни брашна, ни пития ихь не прия, но сице противу им глаголаше: “Глухое царство и скверное, никако же мене отлучите от християнския веры, аще бо и в велице беде есмь велми, но се ми наведе бог грех моих ради; богу же како ответ даете, ему же многи души погубили?” Они же скректаша зубы своими |л. 197| на нь желающе насытитися крови его. И бе бо лице его уныло от многа томления от поганых и весь разливашеся слезами, поминая преже сотворенный грехи. И тако возведе очи на небо и рече молитва: “Господи, ты веси вся тайная сердца моего и вся моя мысли, и сице годе бысть твоему милосердию”. И второе помолися, глаголя: “Господи Исусе Христе, помогавы мене многажды, избави мя от сихь плодоядец! Господи, всенерукотворенный царю, спаси любящих тя прошения, еже аз прошю, дай же ми, помози христьяном и спаси раба твоего и чада моя Бориса и Глеба, и отца моего епископа Кирила, и жену мою Марию”. И паки третьее пом[ол]ися, глаголя: “Благодарю тя, господи, боже мой, кую ти |л. 197 об.| похвальную память твою вижю, яко благая моя память жерлем погибает, и только ми тело увядает и проче мысли сердца моего”. Тайно воздыхаше, моляшеся богу: “Господи Исусе Христе, вседержителю р), приими дух мой, да и аз почию во славе твоей”. И сие с) рек, и ту абие немилостивно убиен бысть. Си злоба сключися т) месяца марта 4, вче[тверто]к 4 недели поста. Блажены же епископ Кирил иде з Белаозера, тамо избыв ратных, и приде на место, где же убили великого князя Юрья, и обрете тело, вземше ее и принесе в Ростов, и пев над ним обычная пения со игумены и с попы со крылошаны со многим плачем, вложиша и во гроб во церкви святыя Богородица. А Василку же уби|л. 198|ену и повержену бывшу на лесе. И виде у) етера у) жена верна и поведа мужу богобоязниву, и взяша тело его и плащаницею обвить, и положиша в скровнем месте. Уведав же се епископ Кирил и княгини Василкова и пославша, взяша тело его. И яко понесоша во град Ростов, и много множество народа изыдоша противу сему, жалостные слезы испущающи и оставше таковаго утешения. И видяще се возлюблении суету жития человеча ф), иже вчера славою украшен и гордяси о боярех, а ныне перст и прах; вмале являетца, а вскоре погибает; но помянем своя грехи и покаемся. Плач же бысть мног народа правоверных, зряща отца сирым и корми|л. 198 об.|теля отходящим и печалным великое утешение, и омраченым звезду светоносную зашедшую. На весь бо церковны чин отверсты име очи сердечней ко всем церковником и к нищим, и печальным, яко возлюбленный бяше отец, паче же и на милостыню, поминая слово господне, глаголющее: “Блажени милостиви, яко ти помиловани будут”. Соломон глаголет: “Милостинями и верою оцищаются греси, тем же не погреши надежа, его же просяща у бога: “Господи, спаси любящих тя”. Сего бо блаженаго Василка причте бог смерти Андрееве, кровию мученическою омы своя прегрешения со отцем своим Георгием и с братом своим. Се бо чюдно есть: и по смерти совокупил бог те|л. 199|леса их. И принесоша Василка и положиша во церкви святыя Богородица, иде же мати его лежит, не бе же слышати пения во мнозе плаче. Бе же Василко лицем красен, очима светел и грозен взором, паче меры храбр, на ловех вазнив, сердцем легок; а хто ему служил, хлеб его ял, чашю его пил, той за его любовь никако же не можаше быти у иного князя, ни служити: излише бо слуги своя любяше; мужество и ум в нем же живяше, правда же истинна с ним ходиста, бе бо всему хитр и поседе в добрых днех на отче столе и дедне. Тогда же принесоша главу великаго князя Юрья и вложиша ю во гроб къ телу его. И тако те скончашася судом божиим, яко же слышасте. А иным же князем по|л. 199 об.|вели бог жити в Руской земле кристиянскаго ради языка, абы до конца не оскудела вера християнская. Гониша по них погании и не обретоша ся, бог избавя я от рук иноплеменник, благочестиваго князя Ярослава и съ сыньми его правоверными, бе бо у него 6 сынов: Александр, Андрей, Констянтин, Афонасей, Данил, Михайло, Ярослав с сыном Дмитреем, Иван Всеволодич и Василей, Владимер Костянтинович и Василковича 2: Борис и Глеб; и сии все х) сохранени быша молитвами святыя богородица х). _________ п) В рукописи страны .р) Написано по счищенному. с) и замазано чернилами.т) ск написано по к .у-у) Так в рукописи. В Воскресенской летописи видев же некаа (ПСРЛ, т. VII, с. 142). В слове виде и, е написаны по другим буквам.ф) Исправлено из человек .х-х) Написано на середине листа в две строки.
-88- Начало ц) княжения великаго князя Ярослава ц) Всеволодича владимерскаго. |л. 200| По убиении от Батыя великаго князя Юрья начат княжити брат его Ерослав Всеволодичь. Оттоле придоша окояннии измалтяне, оступиша град Торжек на збор по Федорове недели. И изнемогоша людие во граде, а из Новагорода несть им помощи, но уже остал себе в недоумение и во страсе. И тако погании взяша город Торжек, иссекоша вся от мужеска полу и до женска, иерейский чин и черноризческий, а все изобнажено и поругано, бедною и нужною смертию предаша душа своя господеви месяца марта въ 5 день на средохрестие. Ту же убиени бысте Иван, посадник новоторъжский, Иоаким Влуникович, Глеб Борисович, Михайло Моисеевич. Тогда же гоняшеся безбожнии от Торъжку |л. 200 об.| Серегерьским ч) путем нолны до Игнача креста, а все людие секуще, яки траву, за сто верст до Новагорода не дошли. Нов же город заступи бог, святая Софея великая соборная апостольская церкви, святый преподобный Кирил, архиепископ александрьский, и святых правоверных архиепископ молитвами и благоверных князей, правоверных черноризец иерейскаго собора. Кто отцы и братия и детей видевше божие попущение се и на всей Русской земле и не плачется? А Батый же отселе воротися и приде къ городу Козельску, будущую в нем князю младу именем Василию. Уведав же окоянии, яко ум крепкодушевен, людие имеют во граде словесы лестными, и не|л. 201|возможенно есть прияти града. Козляне же совет сотвориша не вдатися Батыеви, рекше себе: “Аще князь наш млад есть, но положим живот свой за ны, и зде славу сего света приемше, и тамо небесныя венца от Христа бога примем”. Татаром же биющимся о граде, прияти хотящим, разбивше стены ш) града и взыдоша на вал. Козляне же ножи резахуся с ними, и совет же сотвориша изытти противу им на полки татарские ш-1), и шедше из града, изсекоша праща их щ-1), и нападше на полки их, и убиша от татар 4000, и сами же избиени быша. Батый же взя град Козелеск и изби вся, не пощаде и до отрочати, ссущих млеко. А о князе Василье неведомо есть, ини же глаголаху, |л. 201 об.| яко в крови утонул есть, понеже убо млад есть. Оттоле же в татарех не смеяху нарещи град Козелеск, но звахут его град Злый, понеже бо бяше билися у града того по семь недель, и убиша от татар три сыны темничи. Татарове же искаху ти и не обретоша их во множестве трупия мертвых. Батыеви же вземшу Козелеск и поиде в землю Половецкую. В лето 6747 нача Баты посылати на грады руския. И послани же Батыеви пришедшю, взяша град Переславль и церкви архангила Михаила сокрушиша, и епископа Семиона убиша, и люди вся сущая во градехь овых избиша, а иных плениша, а сосуды церковныя безчисленныя златыя |л. 202| и сребреныя, и драгокаменныя взяша. Иную же рать посла на Чернигов. Пришедши же послании, оступиша град Чернигов в силе тяжце. Слыша же Мстислав Глебович нападение иноплеменных на град и приде на ня [с] своим воем, бившеся им крепко, лют бо бе бой у Чернигова, оже щ) и тараны на нь поставиша и меташа на нь камением полтора перестрела, а камень же яко можаху 4 мужем силным подняти. И побежден бысть Мстислав. Множество от вой его избиено бысть, и град взяша и запалиша огнем, а епископа оставлына жива и ведоша и в Глухов, а оттоле придоша с миром къ Киеву и смирившеся со Мстиславом и Владимером, и з Данилом. |л. 202 об.| В лето 6748 Менгу канови же пришедшу, соглядав града Киева и ставшу ему на оной стране реки Днепра у града Песочнаго, и видев град, и удивися красоте его и величеству его, и посла послы своя к Михаилу и к горожаном, хотя прельстити. И не послушаше его. Потом Михайло бежа по сыну своему пред татары во Угры, а Ростислав Мстиславич [внук щ-1) Давыда щ-1)] смо[ле]нскаго седе в Киеве. Данил же еха на нь, и ят его, и вдаст Киев в руце Дмитрови обдержати противу иноплеменных язык, безбожных татар. В то же лето приде Батый к Киеву в силе тяжце и много множество силы его, и окружи град, и оступи сила татарская. И бысть град во обдержа|л. 203|нии велице, и бе Баты у града. И вся сила его безбожная обседяху град, и не бе слышати во граде глаголяща друга ко другу во скрыпани телег его и множество ревения верблюд его и ржания стад конь его. И бе исполнена земля Руская ратных. И яша от них татарина именем Туврула, и той изсповеда им всю силу безбожнаго Батыя; а се бяху братия, а сильные воеводы Удр и Бард, Бирю, Каидан, Бечка и Менгуй, и Киюк, иже вратися и еже от смерти, уведав о смерти канове. И бысть кан не от рода его. Но бе воевода его первый Сябядяй богатур и Бу- _________ ц-ц) Написано вязью.ч) В рукописи Сергей святым . Исправлено по Воскресенской летописи (ПСРЛ, т. VII, с. 143).ш) т, н написаны, по другим буквам.ш-1-ш-1) В рукописи строка отмечена на правом поле знаком + .щ) В рукописи он же, с выносным н . Исправлено по Воскресенской летописи (ПСРЛ, т. VII, с. 144).щ-1-щ-1) В рукописи пропущено, восстановлено по Воскресенской летописи (там же).
-89- ранадай ъ) батыр, иже взя ы) Болгарскую землю и Суздальскую, и инех ь) много воевод их э) же э) ни писахом зде. И постави же Батый пороки ко граду ю) |л. 203 об.| подле врата Лятцкая, ту бо беяху пришли дебри. Пороком же биющим безпрестани день и нощь, и выбиша стены, взыдо[ш]я я) гража[не] на град я). И ту бо уведети лом копейный и щит скепание, и стрелы омрачища свет. И побезженым бывшим горожаном, и Дмитрови ранену бывшу. И взыдоша татарове на стены и седоша. Того дни и нощи горожане же создаша други град около святыя Богородица. Наутрия же приидоша на ня, и бысть сеча межи ими велика. Людем же возбегшим на комары церковный с товары своими, и от тягости повалишася стены церковный силными. И прият бысть град безбожными на Николин день. Дмитра же изведоша язвена и не убиша мужества ради. |л. 204| Батыю же вземшю град Киев и слышавшу ему о Даниле, яко во а) Угрех а) есть. И поиде сам к Володимерю и приде к городу Колодяжну, и постави пороков 12, и не може разбити стен градных, и нача перемолвивати люди. Они же послушавше злаго совета его и предашася, и сами избиени быша. Оттоле же прииде х Каменцу, граду Изяславлю, и взя его. И видев же Кременец, град Данилов, и не возможе взяти его, бе бо крепок велми, и отъиде от него. И приде к Володимерю, и взя копьем, изби вся, не пощаде ни единаго. Тако же и град Галич взя. Иных градов руских много взя, им же несть числа. Дмитрови же, киевскому тысячскому Данилову, рекшу Батыеви: “Не мози стряпати в земле сей долго, |л. 204 об.| время ти есть, уже ти на Угры ити б), аще ли вьстряпаеши, земля ти есть силна, зберутся на тя, и в) не в) упустят тя в землю свою”. Про то же рече ему, видев бо землю Рускую гибнуша от нечестиваго. Батый же послушав совета Дмитрова, иде во Угры. Король же Велай г) и Коломан г) сретоша Батыя у Солоные реки, и бившимся им обоим полком. И бысть сеча велика, и побегоша угре. Татарове же гнашеся по них до Дуная реки. И стояша по победе три лета. И воеваша д) до Володавы и по озером и возвратишася в землю свою, много зла сотвориша християном е). |л. 205| О ё) княжении великого князя Александра Ярославича ё). В лето 6748. О велицем князе нашем Александре Ярославиче, о умном и крепком, смысленом, о храбром, тезоименитом царя Александра Макидонскаго, подобен царю Алехвысу, крепкому и храброму. Сице бысть повесть о нем. Ему же бяше бог лета приложил по его правде, и угобзи ему бог дни и чтися во славу ему. О господе бозе нашем, аз, худы и грешны и |л. 205 об.| малосмысленны, покушаюся написати житие святого и великого князя Александра Ярославича, а внука великого князя Всеволода, понеже слышахом от отец своих и самовидец есмь возраста его и рад бых исповедал святое и честное житие его славное; но, яко же приточник рече, “во злохитру душу не внидет мудрость, на высоких бо краех есть, посреди же стез стояща, при вратех бо сильных преседит; аще груб есмь умом, но молитвою богородица начаток положю”. Сей бе великий князь Александр богом рожен от отца великаго князя Ярослава Всеволодича и от матери великой княгини Феодосьи, но возраст его паче инех человек, глас его, аки труба в народе, лице же его, яко Иосифа Прекрасново. Такожде сей великий князь Александр |л. 206| Ярославич везде побежая, а сам непобедим николи же. О Невском побоищи великаго князя Александра. Сего ради прииде некто от заподныя страны, еже наричются слуги божия, оттоле приидех, хотя видети дивный возраст. Тако же древле царица южская приходи к Соломону, хотя слышати премудрость его. Тако же сий Андреяш видев великаго князя Александра Ярославича и возвратися къ своим, и рече: “Проходих многи страны и языки и не видех такова ни во царех царя, ни во князех князя”. Се же слышав король части Римския от полунощный страны таковому рожеству великаго князя Александра Ярославичя и помыслив в себе победити его или руками яти, и Великий Новград попленити и вся грады их, |л. 206 об.| и люди словенския к себе в работу сотворити: “Пойду, пленю землю всю и великого князя Александра Ярославича”. Исобрасилу велику, местери и бискупи свои, и свей, и мурмане, и сумь, и емь, и наполни карабля многи зело полков своих и подвижеся силе велице, пыхая духом ратным. И приде в реку Неву и сташа усть Ижеры, шатаяся безумием своим, хотя восприяти Ладогу, просто жъ реку, и Новград, и всю область Науго[ро]дскую. Но еще преблаги и премилостивый человеколюбец бог ублюде ны и защити от иноплеменник, яко всуе друдишася без божия пове- _________ ъ) Далее написано и .ы) В рукописи всю .ь) Исправлено из ныне .э-э) Приписано по правому полю. ю) Первая буква выносная, остальные приписаны по правому полю другими чернилами. я) Написано на левом поле со знаком вставки, три буквы срезаны. а-а) Написано по другим буквам. б) Написано над строкой. в-в) Вписано в строку с левого поля, е написано по другой букве.г-г) В рукописи Лай Коломан .д) В рукописи вои воевода .е) Далее две строки на л. 204 об., л. 204а, л. 204а об. и треть л. 205 оставлены незаполненными. ё) Написано вязью.
-90- ления. И приде бо весть тогда, яко свей идут к Ладозе. А в то время присла |л. 207| король послы, загордевся, к великому князю Александру Ярославичю в Новгород, а рка так: “Аще можеши противится мене, то се есмь зде, уже пленю землю твою”. Великий же князь Александр Ярославич слышах словеса их и разгореса сердьцем, и вниде въ церковь святыя Софея, и паде на колену пред олтарем, и нача молитися со слезами святей Софеи, поминая исправления родителей своих и глаголя молитву, и скончав ю, и поклонися архиепископу Спиридону ноугороцкому. Арьхиепископ же благослови его и отпусти с миром. Князь же иде из церкве, начат ж) крепити воя своя и рече: “Не в силах бог, но в правде. Помянем з) песнословца Давида, глаголюща: “Сии в оружии, а си на конех. Мы же имя господа бога |л. 207 об.| призовем, и те воспяте быша и падоша”. И поиде на них во ярости муждьства своего, в мале вой своих, не дождав многа вой своих с великою силою, но уповая на святую троицу. Жалостно и слышати, яко отец его честный и великий князь Ярослав Всеволодич не бе ведал таковаго востания на сына своего милаго великаго князя Александра Ярославича; и неколи бысть послати вести, когда ко отцу уже бо приближися ратнии; тем же и мнози наугородцы не совокупишася, понеже ускори великий князь Александр Ярославич поити противо ратных. И приде на ня в неделю на собор святых отец 630, |л. 208| иже в Халкидоне, на память святых мученик Кирика и Улиты и святого великого князя Владимера, крестившаго Рускую землю, а нареченнаго ему имени во святом крещении Василей. О Пелгусе ижерянине и о вере его и о крещении. Имеяше бо велику веру и надежду ко святым мучеником Бориса и Глеба, и бе некто и) муж старейшина в земле Ижерской именем Пеглусий. Поручена же бысть ему стража морская, восприят же святое крещение и живяше посреди рода своего погана суща. И нареченно же бысть ему имя во святом крещение Филип, и живящо богоугодно, вь среду и в пяток |л. 208 об.| пребывая во аллчьбе. Тем же бог сподоби его видению страшну, скажем вкрадце: и увидев силу ратных, иде противу великого кмязя Александра Ярославича, да скажет ему силу варяжскую и станы их обрете, бо стояще ему при край моря, стрегущу ему обоя пути. И пребыв всю нощь в бдении, нача выходити солнце, и услыша шум страшен по морю и видев насад един гребущ по морю, и посреди насада стояща мученики Борис и Глеб во одеждах червленых и руки держаща на рамех. Грепцы же седяху, яко мглою одеянии. И рече Борис: “Брате Глеб, вели грести, да поможем |л. 209| сроднику своему, великому князю Александру Ярославичю”. Видев же се Пеглусий таковая видения и глас слыша таковый от святых мученик Бориса и Глеба, и стояше трепетен во ужасе, дондежь насад отыиде от очию его. Потом же поеха скоро, срете и великий князь Александр Ярославич. Он же виде его радостныма очима, исповеда ему единому все, яко же виде и слыша. Великий же князь Александр Ярославич отвеща ему: “Сего не рцы никому, о друже”. Отнеле же потщався наехати на них вь 6 час дни. И бысть сеча велика над римляны, и изби множество много римлян, а самому королю печать возложи на лице своим острым копией. |л. 209 об.| О шести муж храбрых. Зде же явишася в полку великого князя Александра Ярославича шесть муж храбрых, иже с ним крепко мужествовавше. Первый Гаврило Олексичь, си бо наехав шняку и виде королевича мчаща под руки й), и взьеха по досце до самого карабля, и утекша в корабль перед ним, и свергоша его с конем з доски в море, и божиею волею изыде из моря неврежен; и паки ехав, бися крепко с самим воеводою и ту уби воеводу Спиридона, и бискупа их уби же. Вторый же именем Збыслав Якунович, сей же бьяшется единем топором, и неколико от рук его падаху безчислено. Третей Ияков полочанин, ловчий у князя. |л. 210| Четвертый наугородец именем Миша, сей высече три карабли. Пятый от молодых его слуга именем Сава, наеха великий шатер златоверхи, подсече столб ему, и падеся. Видев же княжие людие, возрадовашася падение шатра того. Шестый же от слуг его именем Ратмар, сии бися пеш, и оступиша его римляне мнози, он же от многих ран паде и тако скончася. Се же вся слышах от господина своего князя Александра Ярославича. В то время чюдо бе слышати страшно й-1), яко в древняю дни при Езекеи царе й-1), егда приде Нахирим, царь асирский, на Иеросалим, пленити хотя, внезапу сниде ангил господень, изби от полка асириска 185 000; и воставше, обретоша трупия |л. 210 об.| мертвых. Тако же бысть и при сем. По победе великого Александра обонпол реки Ижеры к) обретеся много избиеных _________ ж) Написано над строкой.з) В рукописи понянем .и) В рукописи нетко .й) В рукописи руру .й-1-й-1) В рукописи строка отмечена на правом поле знаком + .к) В рукописи Жеревы. Исправлено по Воскресенской летописи (ПСРЛ, т. VII, с. 148).
-91- от ангил божиих, остаток же их побеже посрамлен, а трупия же мертвых своих великих воевод наметаша три карабли и потопишася с ними на море; а прочим ископаша ямы и вметаша я без числа; а ини мнози язвени быша л) и той нощи побегоша л). Наугородцов же ту паде 20 муж и ладожан. Великий же князь Александр Ярославич с наугородцы возвратися с великою победою и приде в Новград сохранени богом все и святою Софеею. Аминь. Того же лета приходи с немцы князь Юрьи Володимерич, а Я|л. 211|рославль внук, с медвежаны, сь юрьевьцы, с велиядцы. И взяша град Избореск, и приде ко Пскову; и выдоша противу ему псковичи, и побита пскович, и посад пожегль; и много зла бысть. И возвратишася вь свою землю. Того же лета по возвращению и по победе великого князя Александра Ярославича тое же зимы паки приидоша от западныя страны немцы, чюдь на водь, и повоевавше все и дань на них возложиша. И сруби город в Копорьи в погосте во отечестве великого князя Александра Ярославича. И Тесово взяша и гонишася за 30 верст до Новаго города, люди секуща, а семо и до Лугу и до Сабля. А в то же время князь Александр |л. 211 об.| Ярославич возложа на них нелюбие и отъиде от них во свой град Переславль. И в той время наиде на Новгород литва и немцы, и чюдь и поимаша по Логу и по всем волостем наугородским кони, не на чем бяше и орати. Наугородцы же послаша с челобитием к великому князю Ярославу Всеволодичю, просячи себе сына у него, и вдасть им опять князя Александра Ярославича. В лето 6749 приеха князь Александр Ярославич в Новгород и изыде на них вскоре с наугородцы и с ладожаны, и с корелою, и с ыжеряны и на град Копорью, и изверже град изо основания, а самих немец избита, а ови приведе с собою в Новгород, а вожан и чюдцу переве|л. 212|тников извета, и отъиде в Русь. По победе же великого князя Александра Ярославича, а яко победи короля вь третье лето, в зимное время бе собрашася немцы со всея стороны и приидоша на Псков, и псковския же полки побита, и наместников своих посадиша на Пскове. В лето 6750 поиде великий князь Александр Ярославич з братом своим Андреем и с ноугородцы и с низовцы на Немецкую землю в силе велице. Великий же князь Александр Ярославич зая вся пути до Пскова и изгони град, и изымав немцы и чюдь, и намесники немецкия исковав и поточи в Новгород, а град Псков свободи от плена, а землю их повоева и пожже, и поло|л. 212 об.|на много взя, а иных иссече. Они же, гордии, совокупишася и реша м): “Пойдем, победим великого князя Александра и имем его рукама”. Егда же приближишася, и н) почюдишася н) стражие великого князя Александра Ярослави[ча] силе немецкой. Сам же великий князь Александр поклонися святей троице и поиде на землю Немецкую, хотя мстити християнскую кровь. Бе бо зима в то время; яко же бысть земля их, и пусти вся полки своя в зажития. А Домаш Твердиславич и Кербет быша в розгоне, и убиша ту Домаша, и иных много избиша с ним, а иных руками яша, а иные прибегоша к великому князю в полки. Се же слышав местер, изыде |л. 213| противу их со всеми бискупы своими и со всем множества языка их и власти их, что ни есть на сей стороне, и с помочью королевою, и снидоша на озеро, глаголемое Чюдское. Велики же князь Александр Ярославич воспятися на озеро, немцы же и чюдь поидоша по них. Князь же постави полки на озере Чюдском на Узмени у Вороны камены, укрепив их силою крестного и ополчився, поиде на них, наступиша же озеро Чюдское, бысть же обоих множество. Отец же его князь велики Ярослав прислал бе ему на помочь о) брата его меньшово, князя п) Андрея п) со множеством вой. Тако бо бяше у великаго князя Александра множество храбрых, и исполнишася духа ратна, бяху бо сердцем, аки лвы, и рекошя: “О княже честный, ныне |л. 213 об.| приспе время положити главы за тя”. Князь же Александр воздев руце на небо, помоляся, бе бо тогда день суботный, восходящу солнцу. И ступишася обои полцы, и немцы и чюдь пробишася свиньею сквозе полк. И бысть ту сеча зла и велика: от копейново ломления и зука от мечново сечения, и не бе видети на море леду, яко померзшу, покрыло бо есть кровью. Се же слышах от самовидца, и рече ми, яко видех полки божий на воздусе, пришедше на помочь великому князю Александру Ярославичю, и победи я силою божиею и святыя Софеи и святою мученика Бориса и Глеба, ею же ради кровь свою пролияше. И даша ратнии плещи своя на раны и сечахути я |л. 214| гонящи, яко по аиеру, и не бе им яко утечи, и биша на 7 верст по леду до Субиличскаго берега. И паде немец безчисленно многое мно- _________ л) Написано по счищенному.м) Написано над строкой. н-н) Написано над строкой. о) п написано по м .п-п) Написано над строкой.
-92- жество, а руками яша немец 50 нарочитых воевод и приведоша в Новгород. Зде же прослави бог великого князя Александра Ярославича пред всеми полки, яко Исуса Навгина у Ерехина, и не обретеся противник ему во брани никогда же. Возвратившу же ся великому князю Александру со славною победою, бяше бо много полона в полку его, и пришедше ко граду Пскову. И сретоша и со кресты игумены и попове в ризах, и народ мног пред градом, поюще |л. 214 об.| славу господню великому князю Александру Ярославичю: “Пособивый, господи, кроткому Давиду на Голияфа, тако же и сему великому князю Александру над сими немцы”. И нача имя слыти великого князя Александра Ярославича по всем странам от моря Вяряжского и до моря Пондскаго, и до моря Сухопожскаго, и до страны Тиверския, и до гор Араратских, об ону страну моря Варяжского и гор Аравитских, даже и до Рима великаго разспространися имя его пред тмы тмами и пред тысящами. И тако приде к Новугороду с победою великою. Того же лета прислаша немцы с поклоном ко псковичем и полоном |л. 215| разменишася, и умиришася. В то же время умножишася языка литовскаго, и начата пакостити р) в области р) великаго князя Александра. Он же выездя, нача их избивати. Единою же ему прилучися выехати и победи 6 ратей. Того же лета великий князь Ярослав Всеволодич поиде въ Орду, позван бысть послом татарским ко царю Батыеви. В лето 6753 повоеваша с) литва около Торжку и Бежицы. Гони же ся по них князь Ярослав Владимерич с новоторжицы, и бишася т) с ними, и отъяша у новоторжцов кони и самиих побита, и поидоша прочь с полоном. И погони по у) |л. 215 об.| них Аведе и Кербет со тверичи и дмитровцы, и князь Ярослав Владимерич с новоторьжцы. И бишася под Торопцем ф), а князи вбегоста в Торопец х). И заутра приспе к городу великий князь Ярослав с ноугородцы, и отъяша у них полон весь, а князи изсече 50. И оттоле же наугородцы воспятишася, а князь великий Александр погонися по них своим двором и бия под Жижичем, и не упусти ни единаго, и ту избив останок, и сына своего пойма из Витска. Поиде к Новуграду в мале дружине и срете иную рать, и бися с ними, и ту же ему бог поможе, изби их, а сам прииде здрав и вся воя |л. 216| его. Мучение и страдание достохвальнаго великаго князя Михаила черниговскаго и болярина его Феодора, вкупе пострадавших от безбожнаго царя Батыя. Что реку или что возглаголю: первое мужество и доблести подвиже и страдания хвалам достойнаго великаго князя черниговскаго Михаила по глаголющему похваля ему праведнику, веселитеся, людие. Сий убо достохвальный мученик великий князь Михайло, да глаголетца о нем же нам ныне слово предлежит. Держащу ему великое княжение Черьниговское, и в то время слышашеся безбожново и нечестиваго царя Батыя съ прочими его варвары нахождение. |л. 216 об.| В лето 6756 тем же все православное християнство во страсе велице утесняемо, бяше богу тако попущающу грех ради наших и ко исправлению человеком наводящу, овогда гладом, ино смертоноссием, тако же и межуусобныя брани. И сими неизсправляющимся наводит немилостивное и тяжчайше иноплеменных нахождение, да поне сими уцеломудрятца и обратятся от грех своих; яко же пророк глаголет: “Егда убиваше их, тогда воззыскаху его, обращахуся, утреневаху богу”; сицебо бысть и при Христе: не хотевше иудеи убица, и отверже и от Христа ц) терпети ц), таже: “Что |л. 217| потом упасеши их, рече, палицею железною, яко сосуд скудельнича, сокрушиши”, и прочая; первие малыми наказует, таже непослушавшем великая наводит. Инде жь пророк глаголет: “Аще хощете, и послушайте мене, благая и земная снесте, аще ли не послушаете мене, оружие вы поясть”, понеже, яко же предрекохом, пришедше татарове на все православие, брани побеждающе и грады разоряюще, никому же могущу ся противитися. Мнози же по пустыням и горам непроходным крыющеся беяху; иде же дивие зверие жилище имеяху, ту все человечество иснол|л. 217 об.|нено бяше. Предреченный жь князь великий Михаил тогда бяше в Киеве. И приидоша послы от царя Батыя [с] некими лесными словесы. Разумев же князь великий Михаил прелесть их, и абие тех повелевает от среды сотворити, еже и бысть. Сам же отходит ко угром и бывает пришлец в земли чюждей, и тамо бывает неколико время. А оставшеи бежаша, ових же плениша. _________ р-р) В рукописи пакости власти . Исправлено по Воскресенской летописи (ПСРЛ, т. VII, с. 151).с) Исправлено из повелеваша .т) и написано по е .у) Написано дважды. ф) В рукописи Топчем . Исправлено по Воскресенской летописи (ПСРЛ, т. VII, с. 152).х) В рукописи Торовец . Исправлено по Воскресенской летописи (там же).ц-ц) Так в рукописи.
-93- Оставшеи же видеша яко несть помогающего, и начата противным дань даяти. Слышав же сия князь великий Михаил, абие болит душею и сердцем. И воружися верою, яко Давид на Голияда, паки же возвращается к Киеву со всеми людьми и предпомянутым боярином |л. 218| его Феодором. Слышавше же сия в дальных странах отбегше и паки возвращаются ч) во своя ми жилища, а мало ш) отдохнувше от бежания. И тако начата и звати к хановы Батыеви, яко: “Не добро есть, рече, вам жити на земли Батыеве, к ханове не поклонившимся има, мнози от князь приходяще поклоняхуся ему”. Обычай же бяше щ) ханов, аще кто придет, покланитися има не тако просто, но повелено бяше волхвом вести я сквозе огнь; и не мню, яко се огнь бяше, но инь некий волшебным строением. И, прошедши сквозе огнь, поклоняхуся кусту и идолом их и огню, а иже что приношаху цареви, от всего того вземлюще волсви, |л. 218 об.| яко жертву некую вьмешаху во огнь, и потом пред царя призываху. Мнози же князи и з боляры своими идяху сквозе огнь и потом кляняхуся кусту и идолом их славы ради мира сего, иное же страха ради мучителя, и прошаху кождо себе власти. Он же без возбранения даяху им, токмо да прельстити их, отступити от веры. Велики же князь Михаил тогды пребываше в Чернигове, слышаше бывающая от нечестиваго царя, яко многи прельщаемы бяху от него, абие разгореся душею, купно из боярином своим Феодором совещався и пророческую ревность восприми, ревнуя. Поревновах, рече: “По господи, вседержите|л. 219|лю, яко ъ) оставиша тя сынове человечестии”. Тече убо к своему духовному настоятелю и мысль свою явля ему: “Хощу бо, - рече, - итти ко царю”. Отвещав же Иоан, отец его духовный, тако бо бе ему имя тяжко си вняти слово и рече: “Мнози идоша тамо и сотворивще волю цареву, и погубиша душа своя, шедше вьсквозе, и поклонившеся кусту и солнцу. Ты же, аще хощеши, иди с миром, господь с тобою, но ты ы) токмо да не сотворивше, яже они сотвориша; брашно жь их и питие да не внидет во уста твоя, вся бо скверна суть; тако же вьсквозе огнь да не идеши, ниже поклонишася богом их; един бо есть господь бог наш Исус Христос”. Обещав же ся князь Михаил |л. 219 об.| великий и боярин его Феодор, реша: “Мы хотехом, аще восхощет бог, за Христа и кровь свою пролияти”. Сия же слышав и Иван, слово во сласть прияти, вкупе жь и вере подивися, и рече им: “Аще сия сотворите, блажени будете и всем по всем последнем роде наречетеся новоявленныя мученика”. И начат же их учити от евангилия и от иных книг, последи же дасть им тело и кровь Христову спутнику ь) им быти. И тако благослови их, отпусти их, глаголя: “Господь бог с тобою, укрепит вы, послет вам дар святого духа”. И тако отъидоша в домы своя и елика беху потребная взяша с собою, и абие изыдоша из дому, мир своим прирекше: |л. 220| “Господь с вами да будет”, - рекоша. Абие устремишася самовольне в путь, яко же бо желает елень на источники водныя, сице желает душа наша к богу крепкому и живому, когда приду, явлюся тебе. Дошедше же безбожнаго оного царя Батыя, и возвестиша царю об них. Царь же повеле призвати волхвы своя, несвященныя священники, и рече им: “Еже есть по обычаю вашему сотворити великому князю Михаилу и с ним пришедшим, и тако призовите и ко мне”. Волсви же пришедши, реша к великому князю Михаилу: “Царь зовет тя”. Он же востав, поим с собою боярина своего Феодора и идяше с ним. И дошед места, иде же бе огнь накладен на обе страны, и мно|л. 220 об.|зи погани идяху и поклоняху же ся солнцу же и огню, тако же хотяху волсви провести великого князя Михаила и боярина его Феодора. Велики же князь Михаил онем волхвом: “Недостойно есть християном итти, ни поклонятися э) твари, паче творца, но поклоняемся отцу и сыну и святому духу, иже есть един бог”. Тыя же волсви, яко поругани и студа исполнившися, возвратишася ко царю и поведаша вся реченная от них, яко: “Вьсквозе огнь не идем, к богом твоим не кланяемся, имамы творца на небесех, ему же мы кланяемся”; отшедшим же волхвом поведати цареви. В то же время приступивше |л. 221| иже со князем Михаилом пришедшим и снедающеся утробою о них, жалующих ю), ожидающих неправеднаго убиства на них. От них же един князь Борис ростовской и инии с ним советоваше великому князю Михаилу да сотворит волю цареву и поклонитца солнцу и огню, токмо да избавишися ярости его. Слышашу же сия, боярину его Феодору в печали бяше, да некако послушает совета их и отпадет от веры, и приступи ко князю Михаилу, воспомянуша ему словеса духовнаго отца. Князь же Михаил, слышав от боярина своего слова, зело в сладость послушаше; дивити же ся Феодоровой ревности по бозе, юже не токмо себе ут- _________ ч) ша написано на правом поле со знаком вставки.ш) В рукописи моло .щ) Далее по и написано к .ъ) Далее зачеркнуто киноварью остави .ы) ы замазано чернилами.ь) В рукописи написано неясно, возможно спустынику, неясно написаны второе выносное с и ы .э) Первое я, и написаны по другим буквам.ю) а написана по другой букве.
-94- верди, но и господина своего на я) больший подвиг устрой. А и князь же |л. 221 об.| Борис никако же престааше с прочими, молящи великого князя, да сотворит волю цареву. Он же отрекся: “Не хощю словом именоватися християнин, а дела творити поганых”. И снем мечь свой с себя, верже к ним, глаголя: “Приимете славу света сего, аз не хощю”. Та же по сих посылает царь велможю своево стольника Елдегу именем: “Иди рцы князю Михаилу: почто преобедил еси мое повеление и богом не поклонился? Се ныне двоя ти а) предлежит, избери себе от обоих. Аще повеление мое сотворишь, пройдешь сквозь огнь и поклонишася богом моим, кусту и солнцу и идолом, то жив будеши, и великому княженью своему господин будеши паки а-1); аще не а-1) послушавши мене и всквозе огнь не приидеши и богом моим не поклонишася, то |л. 222| злою смертию умреши”. Тогда князь великий Михаил никако же устрашися ярости мучителя смертию претяща, абие ответа: “Тебе, о царю, по ес[те]ству поклонитися и должную честь принести лепо есть, понеже врученно ти есть царствие и слава мира сего от бога; а еже Христа отврещися и богом твоим поклонитися, да не будет, не суть бози, но сотворение; о таковых бо пророк глаголет: бози же не сотвориша небесе, ни земли, да погибнут. Что же безумнейши, еже оставити творца, твари поклонитися, служимо человеком?” Елдега рече: “Понеже и солнце тварь именуши и прельщавши ся, рцы: мы кто? Взыде не безмерную ону высоту, еже сотворити таковое |л. 222 об.| светило великое, еже освещати всю поднебесную?” К нему же князь великий Михаил рече: “Аще хощеши и послушати, аз реку тебе, сия сотворишаго бог безначалны и невидим его, сын единородны господь наш Исус Христос, и той тако же не создан, ни начала, ни конца не имый; ровно же и дух святый; иже трисоставное божество. Един же бог, той сотвори небо и землю, солнце же и луну, ему же вы кланяетеся, тако а-2) же и человека первейшаго, и я вся, яже а-2) предрекох ти, на службу дана быша человеку. Уречено же и указано, положено человеком не поклонятися ничему сосотворенному, ни богом именовати, яже на земли долу и на небеси горе, но единому богу, |л. 223| сия сотворшему, поклонятися лепо есть. А еже царь обещевает ми княжение и славу мира сего, что убо сам царь дивен есть, и дневную славу обещевает ми и княжение, его жь сам аз не терплю, бог же мой, в него же аз верую, может ми царство вечное даровати, иже не имат конца, не приимлюще николи же”. Ельдега же рече: “Аще в сем разуме пребудеши, о Михаиле, и цареву волю не сотвориши, умрети имаши”. Велики же князь Михаил рече: “Ничто б) же ми смерть сия, разве приобретение и вечное з богом пребывание, и, что много глаголю, християнин есмь и творца небу и земли исповедаю, и того несуменно верую и умру за нь, радуяся”. Слышав же сия |л. 223 об.| Ельдега, яко не возможе ни ласканием, смерти прещением, ниже слезы и моления своих ему молящихся сотворити волю цареву, но в единой мысли пребывающа, и ябие шед, изглагола цареви вся, елико рече ему святый а-2), прирек же и се, яко не токмо не хощет а-2) поклонитися богом нашим, но и ругаетца всем, иже в них верующих; многая же и иная же изрек, яже не подобает глаголати державе твоей. Сия же глаголы, яко возбесневша от ярости царевы сотвориша и яко же неки пламень огненый велики развеваем из долу, вящи некое подгнещающе в) его, абие велми и велегласно, со гневом возопи того мучителем, на то устроеным, предати. Абие они, убийца, устре|л. 224|мишася сотворити волю цареву на мученика. Святый же Христов мученик и исповедник Михаил стояше з боярином своим Феодором на месте, ничтоже о смерти не радяще, но псалмы пояху, по сих же чеснаго тела и крове Христове причастившися, видеша убийца они, к себе грядущих, начата обоих пети: “Мученицы твои, господи, не отвергошася тебе, ни отступиша от заповедей твоих, и паки страдаша по тебе, Христе” и прочая. И доспевше места того убийца оны, скочиша с коней, яростшо же, яко звери, и яша святаго за руце и за нозе и разторгше, биша г) его немилостивно д), по всему телу многия раны возложиша, елико и земле той самой кровию обагритися, текуще от тела святаго, |л. 224 об.| и сему долзе биему. Мученик же терпяше и ругающимся ему же ничто же отвешаше е). И бе видети странное зрение и всякого умышлепия достойно мугущее, аще бы рещи и каменное сердце вь милость и умиление преложити, зряще красоту лица его и видяше ё) от прародитель благородие, его же преже мале зряху, яко царя на престоле в багряницы, вь славе велице седящя; и вой мнози со страхом окружахуся, и его же етраны трепетаху, сему убо скверный руки касахуся нещадно. Что же _________ я) В рукописи но .а) Написано над строкой. а-1-а-1) Написано по счищенному. а-2-а-2) В рукописи строка отмечена на левом поле знаком + .б) В рукописи никто .в) Исправлено из поднегнещающе .г) б написано по другой букве.д) е написано по и .е) ве написано по другим буквам.ё) дяше написано над строкой.
-95- мученик, егда постенав или неки глас испу[с]тив, яко же обычай есть стражющим, никако же самоволно бо бяше мучение его, но просто реши, яко самому хотящу и сладце при|л. 225|лучившаяся приемлюще, и сице познавашеся зрящим, яко иному стражющу див ляху же ся и сами тыя убийца толику мужа терпению. Един же от них Доман именем, иже преже християнин быв, потом же отвергься веры християнския, сы убо законопреступник огорчися, яко враг християнския веры, на святого простре ж) руку ж) и отреза ножем честную главу святого исповеднику з) же Михаилу, великому князю, и отверже ю прочь от тела, еще оно слово глаголя: “Християнин есми”. Потом начаша глаголати боярину его Феодору: “Сотвори по не ты волю царю и поклонися богом нашим, и не токмо жив будеши, но и велику славу от царя приимеши |л. 225 об.| и великому княжению господина твоего тебе сприимника сотворит быти, токмо сотвори волю цареву”. Доблий жь и мужественейша боярине Феодоре не сниде к ласканию царя и не восхоте власти и великого княжения, ни паки убояся немилостиваго оного царя, смертию претяща, но паче изволи пострадати со господином своим, нежели имети временную греха сладость. И отвещав, рече: “Не хощу княжения господина моего великого князя Михаила, ни славы, еже царь обещевает ми, но буду в разуме, яко богом вашим не поклоняюся, но Христа единого, творца небу и земли, верую и за ны хощу пострадати до крове и смерти, яко же господин мой”. Видевше же убица оны не|л. 226|преклонна и того пребывающуи, абие емше его, немилостивно мучаху, яко же и великого князя. Последи же и честною его главу отсекоша, рекше: “Яко иже солнцу не хотевше поклонитися, не достойни суть и зрети на нь”. Тыи тако пострадавше, предаст[а] и) святей св[оя] душа и) в руце божий и святыи новоявленная мученика исповедника месяца сентября вь 20 в лета 6753. Святая же телеса их небрегома пребыша от кровоядец онех, и повергома псом на снедение; на многи й) же дни лежащим, ничто же им не прикоснуся, но тако благодатию Христовою неврежена пребыста. Богу прославляющу святыя своя: столпы бо огненыя явистася над телесема, сияюще пресветлыми зарями, |л. 226 об.| и свеща на многи нощи горящи, зряху, видевше же, им же мощно бяше видети ту прилучившеся вернии, абие погребоша чес[т]ная их телеса новоявленная к) мученико великоименити исповедницы исповедавше Христа, истиннаго бога. Пред нечестивым царем же и мучителем непрестанно молите сохранити без вреда, отечьство ваше и князем нашим на враги пособствовати, и нам обрести милость и оставление грехов в день суда от господа нашего Исуса Христа, ему же слава со безначальным его отцем и с пресвятым благим и животворящим ти духом, и ныне и присно и во веки веком. Аминь. В лето 6754 яко же бо по первом взятье Батыеве |л. 227| велики князь Ярослав Всеволодичь обнови землю Суздальскую, церкви очистив о[т] трупия мертвых и кости их сохранив многи, пришельцы утешив и множество людей собрав. Поганым же силу деющим над християны, того ради сам себя не пощаде и иде во Орду Великую, пагубную землю татарскую, и много пострада за землю отчины своея, обажен бо бысть Феодором Яруновичем царю, и много дней претерпев. Toe же осени преставися месяца сентября вь 30 день великий князь Ярослав Всеволодич во Орде нужнею смертию, княжив по Батыеве пленении 9 лет. Князь великий Александр |л. 227 об.| посылал окупати полонеников. Тако же и сын его велики князь Александр не оста пути отца своего, посылая царю во Орду за люди своя, яже пленены быша от безбожных татар, и много злата и сребра издавая на плененных, искупая от безбожных татар, избавляя от бед и напасти. В то же время некто царь со восточныя страны силен и приела послы своя к великому князю Александру, а ркучи тако: “Мене покори бог многи языки, ты ли не хощеши един покоритися державе моей, но аще л) хощеши соблюсти себе и землю свою, то |л. 228| приди ко мне, узриши честь и славу царствия моего”. По умертви же отца своего велики князь Александр приде в Володимер в силе тяжце. И бысть грозен приезд его, пройде весть до устья Волги, и начаша жены моявитския полошати дети своя, ркуще: “Великий князь Александр едет”. Поиде велики князь Александр во Орду ко царю, и благослови его епископ Кирил. И приде ко царю. Видев же его царь Батый и подивися и рече вельможам своим: “Воистинну поведаша, яко несть подобна сему князю”. И почтив его многими дары и отпусти его с великой честию на Русь. В лето 6755. |л. 228 об.| О убиение злочестиваго царя Батыя во Угрех. И понеже злочестивы он и злоименыты мучитель недоволен бывает, иже толико злая тяжкая и бедная християном навед толико _________ ж-ж) В рукописи просто реку .з) у написано по о .и-и) Написано на правом поле со знаком вставки, три буквы срезаны. й) г написано по г .к) явленная вписано на левом поле.л) а написана по я.
-96- множество человеческое погубив, ношашеся, аще бы мощно и по всей вселенней сотворити, ни да поименовалося м) бы християнское именование, абие устремляется на западныя угры к вечерним странам, их же прежже не доходи, мн[о]ги же места и грады пусты сотворив, и бе же видети втораго Навходносора, град божий Иеросалим воююща. Сей же злейши и губительнийши |л. 229| бысть от него, грады испровергивая, села пожигая, человеки закалая, иных пленяя. Тогда же все человечество плакахуся и воздыхаху, инии же глаголаху: “Почто родихомся и родившеся почто не умрохом, да бых сих зол не н) видели н), яко такое зло постигошя нас”. Но никто же бе утешая, и сим же тако бывающим. Достиже он о), гнев о) божий, и до самого великаго Варадана, града угорского, той бо в среди земли Угорской лежит, древес простых мало имущи, но много овощи изообилия же града п) Иванна п). Град же весь водами обведен, и от сея же крепости не бояся никого. Среди града столп стоя зело превысок, елико удивлятися зрящим на нь. Бе же тогда самодержец тоя земли король Владислав |л. 229 об.| угром же и чехом, и немцом, и всему Поморию, да иже и до Великого моря. Бе же первее угры во православи и крещение от грек приемше, но не успевшим им своим языком грамоту изложити, римляном, яко близ сущим, приложиша их своей ереси последовати, и оттоле дажде и до днесь бывает тако. Предреченны же король Владислав и той тако же пребываше, римской церкви повинуяся, дондежь приде к нему святый Сава, сербьский архиепископ, и сему паки сотворяет приступити к непорочней християнстей вере гречестей неявлено, но отай, бояше бо ся востания угров на ся. Пребысть же святый Сава, |л. 230| научая его о православии месяц 5, тако отходит восвояси, и единаго священника оставив у него, и того тако пребывающа, яко единаго от п-1) служащих. Той же окоянный, окаяннейши царь п-1) Батый пришед в землю, грады разрушая и люди божия погубляя. Самодержцу Владиславу, его же святый Сава имянова Владиславу, не поспевшу собратися с людьми своими, далечаго ради земля разстояния. Тогда же благополученное время Батый обрете, творяще, елико хотяше. Той же самодержец видев божий гнев, пришед на свою р) землю, плакате, не могий, что сотворити, на многи дни пребысть, ни хлеба, ни воды |л. 230 об.| вкушая, но пребываше на предреченнем столпе, зря бываемая от предреченных безбожных. Сестра же его бежащи к нему во град, тыя же варвари достигше ею, плениша и к Батыю отведоша. Король же Владислав сия видев и тако сугубый плач на рыдание преложив, начат бога молити, глаголя: “Сия ли суть щедроты твоя, о владыко безгрешне, грех ради наших предал еси нас в руце царю законопреступну и лукавнейшу, паче всея земля, но не предай же нас до конца имени твоего ради; что бо речет мучитель: где есть бог их? Помози ми, господи боже мой, и спаси мя по милости тво|л. 231|ей. И разумеют вси, яко ты един бог по всей земли”. Сия же на многа плача глаголюща, слезам же текущим от очию, речным быстринам подобящеся; иде же аще падаху на мраморие, оно проходящу насквозе, еже есть и до сего дни знамение то видети на мраморие же. И от сего познаша помощи божий быти. Ста же некто пред королем и рече ему: “Сего ради твоих слез дает ти господь, победи царя злочестиваго”. И нача же смотрити лице глаголющаго и не видеша его; к тому ишедше со столпа оного, видеша конь оседлан, никим же держим, о себе стоящ, |л. 231 об.| и секира. И от сего известнейши разумеша помощи божий быти. И тако самодержец всед на коня оного, изыде на противных из града с вой, елико обретошася с ним. И видевше же противнии, абие нападе на них страх и на бежание устрамишася. Они же воследь женуше, толикое множество безбожных варвар погубиша к богатство их взяша” елико и числа не бе, а иных живых яша. Видевше же иже во граде оставивший помощь божию и победу на противныя и изыдоша из града немощнейшая чадь рекше. Жены и дети мужскую храбрость восприимше, |л. 232| и ти тако же нечестивых побиваху, никому же противящуся. И, яко же первие рехом, безбожному же Батыю къ угорским планитам бежащу, зле житию конец приемлет от руки самого того самодержца Владислава. Глаголют же нецы, иже тамо живущей человецы, яко сестра того Владислава, ею же плениша, и та тогды бежашя с Батыем. Тогда сестра его помогоше Батыю, их же самодержец обою погуби. Угри же сташа в станех Батыевех. Татарове же приходяше къ станом своим с пленом. Угри же плен отъимаше, самиг же варвар немелостивно погубляху, токмо елицы п-1) восхотеша веры, еже во Христе, тех оставиша. Сотворен п-1) же бысть медным деянием король, на коне седя и секеру в руце держа, |л. 232 об.| ею же Батыя уби, и водружен на том _________ м) В рукописи понеименовалося .н-н) В рукописи не ведели .о-о) В рукописи гнев он .п-п) Так в рукописи. п-1-п-1) В рукописи строка отмечена на правом поле знаком + .р) В рукописи всю.
-97- столпе на видение и на память родителем и до сего дне. И тако сбысться реченное: “Мне отмщение, и аз воздам месть”, - глаголет господь. До зде убо яже о Батые повесть конец прият. В лето 6758 приехал митрополит Кирил на Суздальскую землю. В лето 6759 князь велики Глеб белозерский постави первы монастырь в Белозерской стране Троицу на усть Шексны и потом каменной на Кубенском по прошению очима сына своего Михаила. В лето 6760 прииде Неврюй и Котья и Олабуха храбры на землю Суздалскую со многеми вой на великого князя Андрея Ярославича и бродиша Клязьму канун Бориса дни под Володимерем. Князь же Андрей срете их с своими полки, и бысть сеча велика, |л. 233| и победита погании. А князь Андрей и со княгинею бежа въ Свиязскую землю. Татарове же плениша град Переславль, княгиню Ярославлю яша и убиша, а дети изымашя и ведошя в полон, и воеводу Жидислава убиша ту, и людей много полониша, и зла много сотворив, отъидошя. В лето 6763 приехашя численицы ис татар и сочтошя всю Русскую землю, и поставиша десятники, и сотники, и тысешники, только не чтошя игуменов и че[р]нцов, и попов, и кто служит святым церквам; се же бысть все грех ради наших. В лето 6766 взяша татарове всю землю Литовскую, а самих избшпа. В лето 6767 приехаша в Новгород окояннии сыроядцы татарове Беркой и Касачин и з женами своими, иных многое мно|л. 233 об.|жество и сочтоша весь Новгород. В лето 6769 Кирил оставив епископью и бысть причетник архимандриту святого Богоявления, и причтен Игнатей церкви святыя Богородица ростовския. В лето 6770 избави бог от лютаго томления бессерменскаго и вложи ярость христьяном в сердце, не можаху убо терпети насилия поганых и созвонивше вече, и выгнаша из градов из Ростова, из Володимеря, из Суздаля, из Ярославля, из Переславля; откупаху и ти безсермени окаянни дани от татар, и от того велику пагубу творяху людем. Работающе люди християнския |л. 234| в резех, и многи душа разведени быша, человеколюбец бог наш милосердием своим избави люди своя от великия беды. Того же лета преставися блаженный учительный епископ Кирил ростовски месяца майя 21. Сей бысть истинный пастырь, пас стадо. Люди земля Ростовския с кротостию положиша тело его в церкви святыя Богородица в Ростове. И в него место поставлен бысть Игнатей сентября 9. Того же лета убиша Зосиму чернца, преступника, вь Ярославле; отвержеся Христа и бысть безсерменин. Бе бо того лета приехали Титям послом на Русь от царя Кутлубия, того поспехом творя окоянни християном велику досаду |л. 234 об.| и кресту и святым церквам ругался. Они же его убиша и повергоша псом на снедание. Того же лета князь Ярослав Ярославич и князь Дмитрей Александрович и иные князи шедше в Немецкую землю и взяша великий град Юрьев немецки и возвратишася в землю свою со множеством полона и с великою честью. О преставлени святого великого князя Александра, во иноцех Алексей. В лето 6771 князь велики Александр Ярославич идя изо Орды, разболеся, и дошед Городца, пострижеся во иноки ноября 14, тоя же нощи и преставися. И везше и положиша тело его в Володимере въ церкви Рожества |л. 235| святыя богородица ноября 23. Иконом же Савостиян и митрополит Кирил приступль и хоте разняти руку его, да положил митрополит грамоту прощальную в ню. Он же простре руку свою сам, яко жив, и вложи митрополит грамоту. Он же паки согнув руку, прием ю, тако бо прослави бог угодника своего. Ему же слава ныне и присно и во веки веком. И по нем седе в Володимере брат его князь Ярослав Ярославич тверской на великое княжение. Княжение с) великого князя Ярослава Ярославича с) в Володимери. В лето 6771 начат княжити князь великий Ярослав Ярославич тверской, |л. 235 об.| внук Всеволода владимерскаго. В лето 6773 убиша великаго князя литовскаго Миндовга свои сродичи. Бяше же у Миндовга сын Вшелег, того избра бог поборника по правой вере. Иде в гору Синайскую от отца своево, еще бо тогда отцу ево княжащу в Литве, позна же веру християнскую и крестися, и научися святым книгам, и пострижеся во мнишеский чин во Святей горе. И пребысть там 3 лета и поиде в землю свою, и приде ко отцу своему. Отец же его поган. Сый ласкаше его отставити веру християнскую и чернечество и прияти царство свое. Он же вооружен силою Христовою, не хоте слышяти ласкания, но шед от отца и созда себе монастырь въ християнех, и ту пребывашя, славя святую троицу. _________ с-с) Написано вязью, за исключением рославича.
-98- |
