Священник целует Евангелие и поставляет его выше антиминса.
Рцем вси от всея души и от всего помышления нашего рцем.
Господи Вседержителю, Боже отец наших, молим Ти ся, услыши и помилуй.
Помилуй нас, Боже, по велицей милости Твоей, молим Ти ся, услыши и помилуй.
Еще молимся о господине и отце нашем святейшем вселенском архиерее (имярек) Папе Римском, о господине нашем Высокопреосвященном митрополите (имярек), и всей во Христе братии нашей.
Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Народ трижды: Господи, помилуй.
Еще молимся о братиях наших, священницех, священномонасех и всем во Христе братстве нашем.
Еще молимся о милости, жизни, мире, здравии, спасении, посещении, прощении рабов Божиих (имя рек) и о еже умножитися лета жития их.
Еще молимся о блаженных и приснопамятных святейших патриарсех православных и о всех прежде почивших отцех и братиях, зде лежащих и повсюду, православных.
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатая милости.
Раскрывая антиминс: Господи Боже наш, прилежное сие моление приими от Твоих раб, и помилуй нас по множеству милости Твоея, и щедроты Твоя низпосли на ны и на вся люди Твоя, чающыя от Тебе богатыя милости,
яко милостив и Человеколюбец Бог еси, и Тебе славу возсылаем: Отцу, и Сыну, и Святому Духу ныне, и присно, и во веки веков.
Народ: Аминь.
Далее об оглашенных - об оглашенных и просвещаемых, с Крестопоклонной среды.
Заступи, спаси, помилуй и сохрани нас, Боже, Твоею благодатию.
Премудрость.
Первая молитва верных
Боже великий и хвальный, Иже животворящею Христа Твоего смертию в нетление нас от тления преставивый! Ты вся наша чувства страстнаго умерщвления свободи, благаго тем владыку внутренний помысл приставив. И око убо да неприобщно будет всякаго лукаваго зрения, слух же словесем праздным невходен, язык же да очистится от глагол неподобных. Очисти же наша устне, хвалящыя Тя, Господи, руки наши сотвори злых убо ошаятися деяний, действовати же точию яже Тебе благоугодная, вся наша уды и мысль Твою утверждая благодатию яко подобает Тебе всякая слава, честь и поклонение: Отцу, и Сыну, и Святому Духу ныне, и присно, и во веки веков.
Паки и паки миром Господу помолимся.
О свышнем мире и спасении душ наших Господу помолимся.
О мире всего мира, благостоянии Святых Божиих Церквей и соединении всех Господу помолимся.
О святем храме сем и с верою, благоговением и страхом Божиим входящих в онь Господу помолимся.
О избавитися нам от всякия скорби, гнева и нужды Господу помолимся.
Заступи, спася, помилуй и сохрани нас, Боже, Твоею благодатию.
Премудрость.
Владыко Святый, Преблагий! Молим Тя, в милости богатаго, милостива быти нам, грешным, и достойны нас сотворити подъятия Единороднаго Твоего Сына и Бога нашего, Царя славы. Се бо Пречистое Его тело и Животворящая Кровь, в настоящий час входящыя, на тайней сей предложитися имут трапезе, от множества воинства небеснаго невидимо дориносимыя: их же причастие неосужденно нам даруй, да теми мысленное око озаряюще, сынове Света и дне будем по дару Христа Твоего, с Ним же благословен еси, с Пресвятым и Благим и Животворящим Твоим Духом, ныне и присно, и во веки веков.
Хор: Аминь.
Каждение с чтением 50 псалма, трижды "Ныне силы небесныя"...
Ныне Силы Небесныя с нами невидимо служат, се, бо входит Царь Славы: се Жертва тайная совершена дориносится.
Перенесение даров (дискос на уровне чела)
Верою и любовию приступим, да причастницы жизни вечныя будем. Аллилуиа, аллилуиа, аллилуиа.
Господи и владыко живота моего (только с тремя поклонами)
Исполним вечернюю молитву нашу Господеви.
О предложенных и Преждеосвященных Честных Дарех Господу помолимся.
Яко да Человеколюбец Бог наш, приемь я во святый, и пренебесный, и мысленный Свой жертвенник, в воню благоухания духовнаго, возниспослет нам Божественную благодать и дар Святаго Духа, помолимся.
О избавитися нам от всякий скорби, гнева и нужды Господу помолимся.
Заступи, спаси, помилуй и сохрани нас. Боже, Твоею благодатию.
Вечера всего совершенна, свята, мирна и безгрешна у Господа просим.
Ангела мирна, верна наставника, хранителя душ и телес наших у Господа просим.
Прощения и оставления грехов я прегрешений наших у Господа просим.
Добрых и полезных душам нашим и мира мнрови у Господа просим
Прочее время живота нашего в мире и покаянии скоичати у Господа просим.
Христианский кончины живота нашего, безболезненны, непостыдны мирны и добраго ответа яа Страшнем судищи Христове просим.
Соединение веры и причастие Святаго Духа испросивше, сами себя, и друг друга, и весь живот наш Христу Богу предадим.
Иже неизреченных и невидимых тайн, Боже, у Него же суть сокровища премудрости и разума утаена, Иже служение службы сея открывый нам и положивый нас, грешных, за многое Твое человеколюбие во еже приносити Тебе дары же и жертвы о наших гресех и о людских неведениих! Сам невидимый Царю, творяй великая и неизследованная, славная же и изрядная, им же несть числа, призри на ны, недостойная рабы Твоя, иже святому сему жертвеннику, аки херувимскому Твоему предстоящыя Престолу, на нем же Единородный Твой Сын и Бог наш предлежащими Страшными почивает Таинствы, и, всякия нас и верныя люди Твоя свободив нечистоты, освяти всех нас души и телеса освящением неотъемлемым. Да чистою совестию, непосрамленным лицем, просвещенным сердцем Божественных сил причащающеся святынь и от них оживотворяеми, соединимся Самому Христу Твоему, истинному Богу нашему, рекшему: Ядый Плоть Мою и пияй Кровь Мою во Мне пребывает и Аз в нем. Яко да, всельшуся в нас и ходящу Слову Твоему, Господи, будем храм Пресвятаго и покланяемаго Твоего Духа, избавлени всякия диавольския козни, деянием, или словом, или мыслию действуемыя, и получив обетованная нам благая со всеми святыми Твоими, от века Тебе благоугодившими и сподоби нас, Владыко, со дерзновением, неосужденно смети призывати Тебе, Небеснаго Бога, Отца, и глаголати...
Яко Твое есть Царство, и сила, и слава: Отца, и Сына, и Святаго Духа ныне, и присно, и во веки веков.
Аминь.
Мир всем.
И духови твоему.
Главы наша Господеви приклоним.
Тебе, Господи.
Боже, Единый Благий и Благоутробный, Иже в высоких живый и на смиренныя призираяй! Призри благоутробным оком на вся люди Твоя, и сохрани их, и сподоби вся ны неосужденно причаститися Животворящих Твоих сих Тайн, Тебе бо своя подклонихом главы, чающе от Тебе богатыя милости благодатию, и щедротами, и человеколюбием Единороднаго Сына Твоего, с Ним же благословен еси, со Пресвятым, и Благим, и Животворящим Твоим Духом ныне, и присно, и во веки веков.
Аминь.
Вонми, Господи Иисусе Христе, Боже наш, от святаго жилища Твоего и от престола славы царствия Твоего и прииди во еже освятити нас, иже горе со Отцем седяй и зде нам невидимо спребываяй, и сподоби державною Твоею рукою преподати нам пречистое Тело Твое и честную Кровь, и нами всем людем.
Боже, очисти мя, грешного, и помилуй мя.
Вонмем.
Священник, покрытым сущым Святым Дарам, прикасается к Животворящему Святому Хлебу с благоговением и произносит возгласно:
Преждеосвященная Святая - святым
(не вознося дискоса) и отлагает воздух.
Един Свят, един Господь Иисус Христос, во славу Бога Отца. Аминь. Вкусите и видите, яко благ Господь. Аллилуиа, аллилуиа, аллилуиа.
Если Апостол и Евангелие читались ко дню святого или храма, то поется и фугой - положенный по Уставу - причастен. После причастна на клиросе читаются молитвы перед Причащением (для причастников).
Разламывая Святой Хлеб: Раздробляется и разделяется Агнец Божий, раздробляемый и неразделяемый, всегда ядомый и никогдаже иждиваемый, но причащающыяся освящаяй.
Опуская частицу «ИС» в Потир молча и молча же вливает теплоту.
Причащение.
Спаси, Боже, люди Твоя и благослови достояние Твое.
Кадит трижды, говоря: Вознесися на небеса, Боже, и по всей земли слава Твоя.
Народ: Видехом свет истинный, прияхом Духа Небесного, обретохом веру истинную, Нераздельней Троице поклоняемся: Та бо нас спасла есть.
Священник отдает кадило диакону, и взяв дискос, отдает его диакону. Диакон принимает дискос с благоговением, держа на уровне чела, и, обратившись к царским вратам, молча отходит затем к жертвеннику и поставляет на нем дискос.
Священник, поклонившись и взяв потир, идет к царским вратам, произнося тайно: Благословен Бог наш, и затем вслух к молящимся возглашает в царских вратах: Всегда, ныне и присно, и во веки веков.
И относит священник Святые Дары к жертвеннику.
Народ: Аминь. Да исполнятся уста наша хваления Твоего, Господи, яко да поем славу Твою, яко сподобил еси нас причаститися Святым Твоим Божественным, безсмертным и животворящим Тайнам; соблюди нас во Твоей святыни, весь день поучатися правде Твоей. Аллилуиа, аллилуиа, аллилуиа.
Прости! Приимше Божественных, Святых, Пречистых, Безсмертных, Небесных и Животворящих, Страшных Христовых Таин, достойно благодарим Господа.
Заступи, спаси, помилуй и сохрани нас, Боже, Твоею благодатию.
День весь совершен, свят, мирен и безгрешен испросивше, сами себе, и друг друга, и весь живот наш Христу Богу предадим.
Делая знак креста Евангелием над антиминсом: Яко Ты еси освящение наше, и Тебе славу возсылаем: Отцу, и Сыну, и Святому Духу ныне, и присно, и во веки веков.
Народ: Аминь.
С миром изыдем.
Народ: О имени Господни.
Господу помолимся.
Народ: Господи, помилуй.
Владыко Вседержителю, Иже всю тварь премудростию соделавый и неизреченным Твоим Промыслом и многою благостию введый нас в пречестныя дни сия, ко очищению душам и телом, к воздержанию страстей, к надежди воскресения, Иже четыредесятьми деньми скрижали вручив, Богоначертанная письмена, угоднику Твоему Моисеови! Подаждь и нам, Блаже, подвигом добрым подвизатися, течение поста совершити, веру нераздельну соблюсти, главы невидимых змиев сокрушити, победителем же греха явитися и неосужденно достигнути поклонитися и Святому Воскресению яко благословися и прославися пречестное и великолепое Имя твое. Отца, и Сына, и Святаго Духа, ныне и присно и во веки веков.
Хор: Аминь. Буди имя Господне благословенно... (трижды).
Чтец: Слава, и ныне... Благословлю Господа... (псалом 33-й полностью) Далее священник читает молитву перед потреблением Святых Даров: Господи Боже наш, введый нас во всечестныя дни сия и общники нас сотворни Страшных Твоих Тайн! Совокупи нас словесному Твоему стаду и наследники покажи Царствия Твоего, ныне и присно, и во веки веков. Аминь.
Диакон внемлет этой молитве и со благоговением потребляет Святые Дары.
Священник исходит из алтаря и раздает молящимся антидор. По окончании чтения псалма и раздачи антидора священник возглашает: Благословение Господне на вас. Того благодатию и человеколюбием всегда, ныне и присно, и во веки веков.
Хор: Аминь.
Священник: Слава Тебе, Христе Боже, Упование наше, слава Тебе.
Хор: Слава, и ныне... Господи, помилуй (трижды). Благослови.
Христос, истинный Бог наш, молитвами Пречистая Своея Матере, и святаго (имя рек, егоже есть храм, и егоже есть день, затем святого следующего дня), и иже во святых отца нашего Григория Двоеслова, папы Римскаго, и всех святых, помилует и спасет нас, яко благ и Человеколюбец.
Такой отпуст произносится до Страстной седмицы; на Страстной седмице глаголется свой отпуст, по дню.
По отпусте читаются благодарственные молитвы. Затем "Ныне отпущаеши", Трисвятое по "Отче наш" и по возгласе священника "Яко Твое есть Царство" - тропарь, глас 5-й: Иже от Бога свыше Божественную благодать восприем, славне Григорий и Того силою укрепляемь, евангельски шествовати изволил еси, отонудуже Христа возмездие трудов приял еси, всеблаженне, Егоже моли, да Спасет души наша.
"Слава", кондак, глас 3-й: Подобоначальник показался еси Начальника пастырем Христа, иноков чреды, отче Григорие, ко ограде небесней наставляя, и оттуду научил еси стадо Христово заповедем Его: ныне же с ними радуешися и ликуеши в небесных кровех.
"И ныне", Богородичен: Предстательство христиан непостыдное, Ходатайство ко Творцу непреложное! Не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.