ИПАТЬЕВСКАЯ ЛЕТОПИСЬ

Шрифт

Двойной щелчок левой кнопкой мыши в любом месте изображения
показывает/скрывает комментарии и примечания к тексту.

Назад    Оглавление    Вперёд

В лѣто . ҂е҃ . и . ф҃ . Посланъ бы^с̑ Гаврилъ въ Назарефъ ¹ къ дв҃ци Мр҃ии ѿ колѣна Двд҃ва . рещи єи ра^дисѧ ѡбрадован^наӕ Г^с̑ь с тобою . и ѿ слова сего зачатъ слово Бж҃иє во оутр^обѣ . и породи сн҃а и нарє^ч̑ имѧ єму І^с̑съ . и се волъстії ² приидоша ѿ въстока ³ гл҃юще . кдє єсть рожиисѧ ⁴ ц^с̑рь Живєскъ ^{5 Д} . видѣхо^{м 6} звѣзду єго на въстоци ⁷ . приидохо^м поклонитсѧ ⁸ єму . слышавъ жє се ⁹ Иродъ ц^с̑рь ¹⁰ смѧтесѧ ¹¹. и всь Иєр^с̑лмъ с нимъ . и призвавъ книжникы и старци людьскыӕ ¹². въпрашаше ¹³ кде Х^с̑т ражаєтсѧ . ѡни же рѣша єму въ Вифлєѡмѣ ^А Июдѣистѣмь . Иродъ же се слышавъ ¹⁴ . посла рекъ избѣитє младенца сущаа ^Б до ¹⁵ дву ¹⁵ лѣту . ѡни жє шєдшє избиша младениць ¹⁶. ҂д҃ı ¹⁷. Мр҃ьӕ жє оубоӕвшисѧ . скры ѡтроча . Иѡсифъ же съ Мр҃иєю поимъ ¹⁸ ѡтроча и бѣжа въ Єгупєтъ . и бы^с̑ ту до оумр҃твиӕ Иродов^а̑ . въ Єгуптѣ же ӕвисѧ аньгѣлъ Иѡсифу гл҃ѧ . въстани поими ѡтроча и мт҃рь є^г̑ . и иди в зємлю Изл҃ву . пришєдъшю жє єму ¹⁹ вселисѧ въ Назарефъ ²⁰ . и възрастъшю же єму . и бывшю єму ²¹ лѣ^т̑ . л҃ ²² . нача чюдєса творити . и проповѣдати ц^с̑ртво нб^с̑ноє ²³ . изъбра . в҃ı . и ӕже оуч҃нкы сєбе ^{24 В} наре^ч̑ . и ина ^{25 Г} чюдеса творити велика . мр҃твыӕ въск҃ршати . прокаженыӕ ѡчищати . хромыӕ ходити . слѣпымъ прозрѣньє творити . и ина многа чюдеса велика . ӕко же бѣша пр^о̑рци прорєкли ѡ нємъ гл҃ющє . тъ^ıı нєдугы на^ш̑ ицѣли . и болезни подъӕ . и кр^с̑тисѧ въ Иєрданѣ ѿ Ивана ²⁶ . показаӕ новымъ люде ѡбновлєниє . кр^с̑тившю ж^є̑ сѧ єму . и се ѿвѣрзошасѧ н҃бса . и Дх҃ъ сходѧщь зрако^м̑ голубиномъ ²⁷ на нь . и гл^с̑а гл҃ѧ се єсть сн҃ъ мои възлюбленыи ѡ нємъ же бл҃гоизволи^{х̑ 29} . и посылаше оученикы своӕ . проповѣдати цр^с̑тво нєбесноє . и покаӕниє въ ѡставлєньє грѣховъ ³⁰ . и хотѧ исполнити пр^о̑рчьство . и нача проповѣдати . ӕко подобає^т̑ сн҃у чл҃вчьскому пострадати . и распѧту быти . и въ . г҃ . дн҃ь въскр^с̑нути . и оучащю єму въ цр҃кви . а/л.40об./рхиєрѣи исполнишасѧ зависти и книжници . искаху оубити и ³¹ . и ємъшє и ³² ведоша и ³³ къ игѣмону ³⁴ Пилату . Пилатъ же иснытавъ ӕко безъ вины предаша ³⁵ . и хотѣ пустити и ³⁶ . ѡни же рѣша єму . аще того ³⁷ пустиши . нє имаєши ³⁸ быти другъ кесареви ³⁹. Пилатъ же повелѣ да ⁴⁰ и ⁴⁰ расъпну^{т̑ 40} . ѡни же поємъше І^с̑са ведоша и ⁴¹ на мѣсто краньєво . и ту и ⁴² распѧша ⁴³ . и бы^с̑ тма п^о всеи земли ѿ шестаго ча^с̑ . до . о҃ . го . и при . о҃ . мь ⁴⁴ ча^с̑ исиусти дх҃ъ І^с̑съ. и цр҃квьнаӕ запона раздрасѧ на двоє . и мр҃твии въстаӕху ⁴⁵ мьнози . имъ же повелѣ въ раи быти . и снємъшє же ⁴⁶ и ⁴⁷ съ кр^с̑та ⁴⁸ положиша и ⁴⁹ въ гробѣ . и пєчатьми запєчаташа ⁵⁰ гробъ . лю^дє же ⁵¹ Жидовьстии . и стражи приставиша . ркущє ⁵² єда оукрадуть и ⁵³ нощью оученичи є^г̑ . ѡнъ же въ . г҃ . дн҃ь въск҃рсе . и ӕвисѧ оученико^м и ⁵⁴ въскр҃съ изъ мртвых^ъ . рекъ нмъ идетє въ всѧ ӕзыкы . и наоучитє всѧ ӕзыкы ⁵⁵ . кр^с̑тѧщє во ⁵⁶ имѧ Ѡц҃а и Сн҃а и Ст҃го Дх҃а . и пребы^с̑ с ними . м҃ . дн҃ии ⁵⁷ . ӕвлѧӕсѧ имъ по въскр^с̑нии . и єгда ⁵⁸

исполнисѧ ¹ . м҃ ² . повелѣ имъ ити на гору Єлєѡньскую . и ту ӕвисѧ имъ и ³ блг^с̑вивъ ӕ ⁴ ре^ч̑ имъ . сѧдетє ⁵ въ градѣ Иєр^с̑лмѣ дондєже посл^ю ѡбѣтованиє ѡц҃а моєго ⁶ . и єгда възношашєсѧ ⁷ на н҃бо . оучн҃кы ⁸ поклониша^с̑ єму . и възъратиша^с̑ въ Иєр^с̑лмъ . и бѧху воину ⁹ въ цр҃кви . и єгда скончасѧ ¹⁰ дн҃ии . н҃ . сниде Дх҃ъ Ст҃ыи на ап^с̑лъı . и приимъшє ¹¹ ѡбѣтованиє ¹² Ст҃го Дх҃а ¹³ . разидоша^с̑ по вьселенѣи . оучащє и кр^с̑тѧще водою ❥ Ре^ч̑ же Володимиръ къ философу что ¹⁴ ра^д ѿ жены родисѧ . и на дьревѣ распѧтъсѧ . и водою кр^с̑тисѧ . философъ же ре^ч̑ єму сего ра^д . понєже испѣрва родъ чл҃вчьскыи женою съгрѣши . дьӕволъ прелѣсти Євгою Адама . и ѿпаде раӕ . тако же и Бъ҃ ѿмѣстьє ¹⁵ створи дьӕволу . женою пѣрвѣє побѣжєньє ¹⁶ бы^{с̑ 17} . дьӕволу . женою бо пѣрь ^А /

[вѣе испаденіе бь^с̑ Адамоу из раа, ѿ жены^ж пакы въплътисѧ Бъ҃ и повелѣ в раи ити вѣрны^м . а еже на древѣ распѧтоу быти . сего ра^ди ӕко ѿ древа вкоушь и испаде порѡды . Бъ҃ же на древѣ стр^с̑ть прїать . да древѡ^м дїаволь побѣже^н̑ бѫде^т . и ѿ древа праведнаго ¹⁸ прїимоу^т праведнїи . а еже водою ¹⁹ ѡбновленїе . поне^ж преоумнѡживши^мсѧ ²⁰ грѣхѡ^м въ чл҃це^х . и наведе Бъ҃ потопь на землю . и потопи чл҃кы водою . сего ра^ди рече Бъ҃ поне^ж погоуби^х водою чл҃кы грѣ^х ра^ди и^х . нн҃ѣ же пакы водою ѡчищү грѣхы чл҃ко^м ѡбновленїемь водою . ибо Жидовьскыи рѡ^д въ мори ѡчистиша^{с̑ 21} . ѿ Егvпетскаго зла^г̑ нрава . поне^ж вода изначала бы^с̑ пръвое . ре^ч̑ бѡ и Дх҃ъ Бж҃їи ношашесѧ връхѫ воды , иже бо и нн҃ѣ кр^с̑тѧтсѧ водою и Дх҃ѡ^м . преображенїе ⁶ бы^с̑ пръвое водою . ӕко^ж Гедеѡ^н̑ проѡбрази . ега^д же ^В прїиде к немоу агг҃лъ велѧше емоу ити на Мадїама . и ²² искоушаше ²² и ²² ре^ч̑ къ Бо҃у , положивь роуно на гоумнѣ рекь . и аще бѫде^т по всеи зе^мли роса а на роунѣ соуша , и бы^с̑ тако , се^ж преобраsи ^Г, ӕко иностранни ^Д бѣша пре^ж соуша , а Жидове роуно . послѣ^ж наВперёд^х роса . еже е^с̑ ст҃ое кр^с̑щенїе . а на Жидѣ^х соуша . и пр^о̑р^о̑ци же проповѣдаша , // ӕко водою ѡбновленїе бѫде^т . ап^с̑лѡ^м же оучащи^м по вселеннеи вѣровати Бо҃у . и^х же оучеїне и мы Греци прїахо^м и всѧ вселеннаа вѣроуе^т оученїю и^х . нарекль же є^с̑ Бъ҃ еди^н̑ дн҃ь во^и̑же хоще^т сѫ^ди ти пришедыи живы^м и мр҃твы^м . и въздати комоужо^д по дѣлѡ^м и^х . праведномоу цр^с̑тво нб^с̑но^є . и красотоу неизре^ч̑нноую . веселїе бе^з конца . и не оумирати в вк҃ы . а грѣшнико^м мѫка ѡгненна, и червъ неоусыпаемыи . и мѫцѣ не бѫде^т конца . сице же бѫдоу^т мѫченїа иже не вѣроую^т Го҃у нашему Іс҃ Хо҃у , мѫчими бѫдоу^т въ огни . иже сѧ не кр^с̑ти҃ . и се рекь показа емоу запоноу , на неи же бѣ панисано сѫ^ди ще Гн҃е . показываше же емоу ѡдесноую праведныа . въ веселїи пре^дидоущоу ²³ в раи . а ѡшоуюѫ грѣшныа идоущи^{х 24} въ мѫкоу . Вълѡдимер̾ же въз’дхноувь ре^ч̑ . дѡбро си^м ѡдесноую . горе же си^м ѡшоуюѫ . Он̾ же ре^ч̑ аще хощеши ѡдесноую стати то кр^с̑тисѧ . Вълѡ^ди^имер̾ же положи на ср^дци свое^м , рекь пождоу еще мало . хотѧ испытати ѡ всѣ^х вѣра^х . Вълѡ^димер̾ же семоу дары мнѡгы въдавь . ѿпоусти съ честїю великоѫ .

В лѣ^т̑ ҂s҃ . у҃ . ч҃е . [6495] Съзва Вълѡ^дїмерь боѧры своѧ и стар̾ци гра^дскыа . и ре^ч̑ имь се прихо^ди ша къ мнѣ Болгаре . рекоуще прїими закѡ^н̑ нашь . по се^м же прїидоша Нѣмиц̾и и тые хвалѧхѫ закѡ^н̑ свои . По си^х прихо^диша ¹ Жидове . си^х же послъ^ди прихѡ̾^иша и Греци хоулѧще всѣ законы , свои же хвалѧще и мнѡго гл҃аша сказоующе ѿ начала мироу . сѫ^т же хитро сказаѫще . ӕко и дроугыи свѣ^т повѣдаю^т быти . и чю^дно слыша^ти и^х . ] ^А

и смыслены . числомъ . ı҃ . и рѣша имъ . идете первоє в Болгары . испытаите вѣру ихъ . и службу . ѡни же идоша . и пришедше видиша сквѣрнаӕ дѣла ихъ . и кланѧниє . вь ропати и придоша в землю свою . и ре^ч̑ имъ Володимѣ^ръ . идете пакы в Нѣмцѣ и сглѧдаите тако же . и ѿтуду идете въ Грѣкъı ѡни же придоша в Нѣмцѣ . и сглѧдавше . цр҃квь и службу ихъ . и придоша к Ц^с̑рюграду . и внидоша къ ц^с̑рю . ц^с̑рь же испыта коєӕ ради вины придоша . ѡни же исповѣдаша єму всѧ бывшаӕ . си слышавъ ц^с̑рь и радъ бы^с̑ . и ч^с̑ть велику створи имъ. въ тъ дн҃ь наоутрѣӕ же посла къ патрѣарху гл҃ѧ сице . придоша Русь пытающе . вѣры нашеӕ да пристрои цр҃квь и крилосъ . и самъ причинисѧ . въ ст҃льскиӕ ризы . да видѧть славу Ба҃ нашего . и си слышавъ патрѣархъ . и повелѣ созвати крилосъ всь . и по ѡбьчаю ^Б створи празникъ . и кадила вьжгоша и . и пѣниӕ ² ликы составиша . и иде и цр^с̑ь с ними во цр҃квь . и поставиша ӕ на пространьнѣ мѣстѣ показающе красоту цр҃квьную и пѣньӕ . и службу архиєрѣискы и пре^д̑стоӕньӕ ³ дьӕконъ . сказающе имъ . служениє Ба҃ своєго ѡни же въ изоумѣньи бывшє . и оудивившєсѧ . похвалиша службу ихъ . и призвавша ӕ ц^с̑рѧ Василѣи и Костѧнтинъ . и рѣста имъ . идете в землю вашю и ѿпусту ^Б и ⁴ ӕ с дары великы и с ч^с̑тью . ѡни же придоша в землю свою . и созва кнѧзь боӕры своӕ и старца . рче Володимеръ . се придоша послании нами моужи . да слышимъ ѿ нихъ бывшєє . и ре^ч̑ имъ скажите . предъ дружиною . ѡни же рѣша ӕко ходихомъ первоє в Боргары ^Б и смотрихомъ . како сѧ кланѧють . въ храминѣ рекше в ропатѣ стоӕще бєс поӕса. и поклонивьсѧ . сѧде^т̑ и глѧдить ^В сѣмо и ѡвамо . акы бѣшенъ . и нѣ^с̑ веселиӕ оу нихъ . но печаль . и смрадъ великъ . и нѣ^с̑ добръ законъ ихъ . и придохомъ в Нѣмцѣ и видихомъ . службу ⁵ творѧща . а красоты не видихомъ иикоєӕ же . и придохом же . въ Грѣкы и ведоша ны идеже служать Бу҃ своєму . и не свѣмы на н҃бси ли єсмь былѣ . или на землѣ . /л.41об./ нѣ^с̑ бо на земли тако^г̑ вида . или красоты такоӕ . недооумѣємь бо сказати . токмо то вѣмы ^Д. ӕко ѿинудь ⁶. Бъ҃ съ чл҃вкы пребываєть . и єсть служба ихъ паче вси^х̑ странъ . мы оубо не можемь забыти красоты тоӕ . всѧкъ бо чл҃вкъ аще преже вкусить . сладка . послѣди же не ^Г може ^Г не можеть горести приӕти . тако и мы не имамъ сде жити . ѿвѣщавъша же боӕрѣ и рѣша . аще лихъ бы законъ Грѣчкыи . то не бы баба твоӕ . Ѡлга приӕла крщениӕ ӕже бѣ мудрѣиши вси^х̑ чл҃вкъ ѿвѣщав же Володимѣръ . ре^ч̑ . то кде кр^с̑щниє приимемь . ѡни же рѣша кдѣ ти любо . и минувшоу лѣту ❙

В лѣ^т̑ . ҂s҃ . у҃ . ч҃ . s҃ . [6496] Иде Володимеръ . с вои на Корсунь гра^д̑ Грѣчкыи . и затворишасѧ Корсоунѧни . въ гра^д̑ . и ста Володимѣръ ѡб онъ полъ гр^д̑а в лимени . вьдале гра^д̑ стрѣлище ^А єдиного . и борѧхоусѧ крѣпко горожанѣ с ними . Володимеръ ѡбьстоӕ гра^д̑ и изнемогаху людиє . въ гра^д̑ и ре^ч̑ Володимеръ . ^к̑ гражаномъ . аще сѧ не вдасте . имамъ стоӕти . за три лѣ^т̑ . ѡни же не послушаша того . Володимеръ же изрѧди воӕ своӕ. и повелѣ приспу ^Б сыпати ^В к гра^д̑ . сим же спущимъ . Корсоунѧне . по^д̑копавше стѣну градьскую . крадѧху сыпленую ^Г. перьсть . и ношахоу к ^с̑обѣ в гра^д̑. сыилюще посредѣ града . вои же присъıпаху боле . и Володимеръ стоӕше . и се мужь именемь Анастасъ . Корсунѧнинъ ^Д стрѣли . написавъ на стрѣлѣ . кладѧзи . ӕже суть за тобою . ѿ вьстока . ис того вода идеть по трубѣ . копавше преимете воду . Володимеру ^Ж же се слыша . възрѣвъ на н҃бо и ре^ч̑ . аще сѧ сбудеть . се имамъ кр^с̑титисѧ . и ту абьѥ повелѣ копати . прекы трубамъ . и переӕша воду . и людьє изнемогахоу жажею водною. и предашасѧ . и вниде Володимеръ въ гра^д̑ . и дружана ^Е єго и посла Володимиръ . къ ц^с̑рви Василию и Костѧнтину . гл҃ѧ сице . се гра^д̑ ваю славныи взѧ^х̑ . слышю же се . ӕко сестроу имаєте дв҃ою . да аще ѥӕ не вдасте за мѧ . то створю гра^д̑ вашему ӕко и сему створихъ . и се слышавша ц^с̑рѧ бы^с̑ста ^Ж печална . посласта вѣсть сице гл҃ще . не дость ^З крт^с̑нмъ . за поганыӕ посѧгати . и ^М даӕти . аще ли сѧ кр^с̑тиши . то прии/л.42/меши се . и получиши цр^с̑тво нб^с̑ноє . и с нами єдиновѣрннкъ будеши . аще ли сего не хощеши . створити . не можевѣ (ство)дати ^І сестры своєи . за тѧ . и се слышавъ Володимѣръ и ре^ч̑ посланымъ ѿ ц^с̑рю . гл҃те ц^с̑рма тако . ӕко азъ кр^с̑щюсѧ . ӕко испытахъ преже сихъ дн҃ии законъ вашь . и єсть ми любъ . и вѣра ваша и служениє . иже .ми исповѣдаща . послании нами мужи . и се слышавша ц^с̑рѧ и рада быста . и оумолиста сестру свою . именемь Анну . и посласта к Володимеру гл҃щи . крестисѧ . тогда послевѣ ^К сестру свою к тобѣ . И ре^ч̑ Володимиръ . да пришедше сестрою вашею . кр^с̑ть ^Ж мѧ . и послушаста ц^с̑рѧ и посласта сестру свою . и сановникы нѣкыӕ . и прозвутеры . ѡна же не хотѧше ити ӕко в поганыӕ . и ре^ч̑ им ^Х луче бы ми сде оумрети . и ре^ч̑ста ^Ж єи брата . єгда како ѡбратить Бъ҃ Рускую землю в покаӕниє . .а Грѣчкую землю избавиши ѿ лютыӕ рати . видиши ли колико зло створиша . Русь Грѣкомъ . нынѣ же аще не идеши то же имуть творит ^Ж намъ . и ѡдва принудиста . ѡна же всѣдши в кубару . цѣловавши ^М оужикы своѣ с плачемь . понде чресъ море . ӕко приде ко ^Н Корсуню . и ¹ излѣзоша ² Корсунѧни с поклономъ и введоша ³ ю въ градъ . и посадиша ю в полатѣ . по Бж҃ью же ⁴ строєнью . вь се ⁵ времѧ разболѣлсѧ ⁶ Володимиръ . ѡчима . и не видѧше ничтоже. и тоужаше велми . и не домышлѧше ⁷ что створити ⁸ . и посла ко ^{9 Б} нему ц^с̑рцѧ рекуще ¹⁰ . аще хощеши болезни сеӕ избыти ¹¹ . то вьскорѣ кр^с̑тисѧ . аще ли нн то не имаєши ^{12 П} избыти сего ¹³. и си ¹⁴ слышавъ Володимеръ . аще сеВперёдбуде^т̑ . по истѣнѣ великъ Бъ҃ кр^с̑тьӕиескь . и повелѣ кр^с̑титисѧ . и ¹⁵ єп^с̑пъ же Корсуньскыи ¹⁶ с попы ц^с̑рчины ^Р

ѡгласивъ и ¹ и ² кр^с̑ти Володимѣра . и ӕко возложи ³ руку на нь . и абьє прозрѣ . видив же се Володимеръ . напрасноє ⁴ исцѣлениє и ⁵ прослави Ба҃ ⁶ рекъ . то первоє ⁷ оувидѣхъ ⁸ Ба҃ истиньнаго ⁰ . си ¹⁰ же оувидивше ¹¹ дружа ^{12 А} єго мнози кр^с̑тишасѧ . кр^с̑ти же сѧ въ цр҃кви ст҃оє Софьи . и єсть цр҃кви та стоӕще ¹³ в Корсуни гра^д̑ на мѣстѣ посре/л.42об./дѣ ¹⁴ града ^Б . идеже торгъ дѣють Корсоунѧнѣ . полата ¹⁵ Володимѣрѧ ¹⁶ воскраи ¹⁷ цр҃кви стоить. и до сего дн҃и . а ц^с̑рчина ^{18 В} полата за ѡлътаремь . по кр^с̑щнии же приведе ц^с̑рцю на ѡбручениє се же не свѣдуще право ¹⁹ гл҃ють . ӕко кр^с̑тилсѧ єсть . в Кыєвѣ . инии же рѣша в Василевѣ . друзии же рѣша инако ²⁰ сказающе ²¹ и ²² кр^с̑щну же Володимеру в Корсуни . предаша єму вѣру кр^с̑тьӕньскую рекуще сице . да не прельстѧть тебе (нѣ) ^{23 Г} нѣции ѿ єретикъ . но вѣруи сице гл҃ѧ . вѣрую вь єдиного Ба҃ . ѿц҃а вседержителѧ. творца ^Д н҃бу и землѣ . и до конца вѣру сию . и пакьи ²⁴ вѣруи ²⁵ въ єдиного Ба . ѡц҃а не рожена ²⁶ и вь єдиного Сн҃а рожена ²⁷ . и въ єдинъ ст҃ыи Дх҃ъ исходѧщь . три собьства . свѣршена . мьсльна ^А раздѣлӕєма ^О числомъ . и ²⁸ собьствомь. а не Бж^с̑твомъ раздѣлна и совокуплѧєтьсѧ . не раздѣлна ²⁰ . ѡц҃ь бо . Бъ҃ ѡц҃ь при^ѣ̑ сыи ³⁰ пребываєть . въ ѡч҃ьствѣ . не роженъ ³¹ . безначалєнъ . начало вина всимъ ³² . єдннемь рожениємь ³³ сы . сн҃у и ^М дх҃ви ѿ нєго же ражаєтьсѧ ³⁴ . сн҃ъ преже ³⁵ всı^{х̑ 36} вѣкъ . исходить же ³⁷ дх҃ъ ст҃ыи и ³⁸ безъвременьна ³⁹ . и бес тѣла ⁴⁰ вкупѣ ѡц҃ь . вкупѣ сн҃ъ . вкупѣ дх҃ъ ст҃ыи єсть. сн҃ъ подобосущенъ . и безначаленъ ⁴¹. ѡц҃ю рожеііиємь ⁴² . точию разнествуӕ ⁴³ . ѡц҃ю и дх҃у ⁴⁴ . дх҃ъ єсть прест҃ыи . ѡц҃ю и сн҃у . подобосущенъ и присносущенъ . ѡц҃ю бо ѡц҃ьство ^{45 З}. сн҃у ⁴⁶ же сн҃овьство ^{47 И} ст҃му дх҃у исхожениє ⁴⁸. ѡц҃ь бо и ⁴⁹ сн҃ъ . или ⁵⁰ дх҃ъ прєступаєть . и ⁵¹ сн҃ъ въ ѡц҃а и дх҃а . и ⁵² дх҃ъ въ сн҃ъ или въ ѡц҃ь . недвижна ^{53 І} бо своиствьӕ . не ⁵⁴ триє бз҃и ⁵⁵ єдинъ Бъ҃ . понеже єдино Бж҃ество вь трехъ лици^х̑ . хотѣньєм же ѡц҃а же ⁵⁶ и дх҃а свою ⁵⁷ пасти ⁵⁸ тварь ⁵⁹. ѡц҃ьскы^{х̑ К} ӕдръ ^{60 Л}. иже не ѿступи ⁶¹ сше^{д̑ 62} . и вь дв҃чьскоє ложє . пр^с̑тоє . акы Бж҃ьє сѣмѧ вше^д̑ . и плоть сдшьвну ^{63 М} и ⁶⁴ словесну же и оумну . не преже бывшю приимъ ⁶⁵ . изииде Бъ҃ воплощенъ . родивысѧ неизрѣченьнѣ ⁶⁶ . и дв^с̑тво мт҃ри ⁶⁷ схрани нетлѣньно . не смѧтениє ни размѣшениє . ни измѣнениӕ . пострадавъ . но пребывь єже бѣ приємы ⁶⁸ рабии зракъ ⁶⁰ . истиною а не мечтаниємь . всѧчьскы развѣ ⁷⁰ грѣха . намъ подобенъ бывъ . волею родисѧ . волею бо взалка . волею вжа/л.43/да . волею тру-

дисѧ . волею оустрашисѧ ¹ волею оумре истиною . а не мечтаниємь . всѧ свѣршена . не ѡклеветаньныи ² стр^с̑ти чл^о̑вчтва . распѧтъ же сѧ ³ смр҃ти вкуси безъгрѣшныи ⁴ . и въскр҃съ ⁵ въ своєи плоти и ⁶ не вѣдѣвши ^{7 В} истлѣниӕ . на нб^с̑а вьзыиде ⁸ . и седе ѡдесную ѡц҃а . и ⁹ придеть же пакы съ славою . судити живъıмъ и мрт҃вымъ . (ӕко же) ^Б ӕкоже взииде ¹⁰ сь своѥю плотью ¹¹ . тако и снидеть ¹² . к си^м̑ єдино кр^с̑щниє исповѣдаю ¹³ . водою и дх҃мъ . приступаю ¹⁴ кь прч^с̑тымъ таинамъ . вѣрою ¹⁵ вьВперёд¹⁶ тѣло и кровь . и приємлю ¹⁷ цр҃квьнаӕ преданиӕ . и кланѧюсѧ ¹⁸ ч^с̑тнымъ иконамъ кланѧюсѧ ¹⁹ дрєву ч^с̑тному и ²⁰ кр^с̑ту . и всѧкому кр^с̑ту . и ст҃мъ мощемь и ст҃мь сьсоудомъ . вѣру ²¹ же семи ²² сборъ ²³ . ст҃ыхъ ѡц҃ь . иже єсть первыи в Никии ²⁴ . . т҃ . и . и҃ı . иже проклѧша Арьӕ . и проповѣдаша вѣру не порочну и праву . вторыи же сборь . в Костѧнтинѣ . гра^д̑ . ст҃хъ ѡц҃ь . р҃ . и . н҃ . иже проклѧша Македоньӕ . дх҃оборца . и проповѣдаша . Тр҃цю ^В єдиносущную ^Г. г҃ . и же сборѣ ^Д въ Єфесѣ . ст҃ыхъ ²⁵ . с҃ . на Несторьӕ єгоже прокленше ²⁶. проповѣдаша . ст҃ую Бц҃ю . д҃ . и сборъ . в Халкидонѣ . ст҃хъ ѡц҃ь . х҃ . и . л҃ . на Євтуха . и Диѡскора . ѥюже ²⁷ прокленше ст҃ии ѡц҃и . изъгласивше свершена ²⁸ Ба҃ . и свѣршена члв҃ка . Г^с̑а наше^г̑ . І^с̑са Х^с̑а . . е҃ . сборъ . въ Ц^с̑рѣградѣ . ст҃хъ ѡц҃ь . р҃. и .ѯ҃ .и . е҃ . на Єрегенова ²⁹ преданиӕ . и на Євагриӕ ихже проклѧша ст҃ии ѡц҃и . s҃ . и сборъ ³⁰ Ц^с̑рѣградѣ . ст҃ъıхъ ѡц҃ь . р҃ . и о҃ . на Сергиа ^Е . и Кура . ихже проповѣдаша ³¹ . ст҃ии ѡц҃и . з҃ . ї ³² сборъ . в Никєи ст҃ыхъ . ѡц҃ь . т҃ . и҃ ³³. н҃ . проклѧша . иже пе покланѧють^{с̑ 34} икона . не приимаи ³⁵ же ѿ Латынѣ ³⁶ оучениӕ . ихже оучениѥ развращено . влѣзъше ³⁷ бо вь црк҃вь не покланѧютьсѧ иконамъ . но стоӕ ³⁸ поклонитьсѧ . и ³⁸ поклонитьсѧ ³⁹ . и поклонивсѧ напишеть . кр^с̑ть на земли и цѣлуєть . и вьстанеть . простъ ногама на немь . да легъ цѣлуєть . а вьставь попираєть . сего бо ап^с̑ли не предаша . предали суть . ап^с̑ли кр^с̑тъ поставленъ . цѣловати ⁴⁰ . иконы предаша ⁴¹ . Лука бо єоуа^г̑л^с̑тъ /л.43об./ первоє написавъ посла вь миръ . ӕко же гл҃ть Василѣи . ӕко ⁴² на пєрвыи ѡбразъ ^Ж приходить . пакы же ⁴³ землю гл҃ть мт҃рью . да аще имъ єсть землѧ мт҃и . то ѡц҃ь имъ єсть н҃бо искони ⁴⁴ створи Бъ҃ н҃бо и ⁴⁵ тако^{ж̑ 46 З} землю . тако гл҃ть ѡч҃е ^И нашь иже єси на н҃бси ⁴⁷ . аще ли по сихъ разуму землѧ ⁴⁸ єсть мт҃и ⁴⁹ . почто плюєте на мт҃рь свою . да семо ю лобызаєтє ^{50 І} а семо ю сквѣрнитє . сего .же Римлѧнѣ . не творѧху но исправлѧхоу на вси^х̑ сборѣ^х̑ сходѧще ⁵¹ ѿ Рима и ѿ всихъ престолъ . на первомъ сборѣ . иже на Арьа^{ѧ̑ 52 К} иже в Никеи . ѿ Рима преже ⁵³ Селивестръ ⁵⁴ . посла ⁵⁵ ѥп^с̑пы и прозвутеры . а ѿ Александриӕ Афанаӕ ^Л . ѿ Цр^с̑ѧгра^д̑ Митрофанъ . посла єп^с̑пъı ѿ себе . и тако исправлѧху вѣру . на вторємь же сборѣ . ѿ Рима Дамасъ . а ѿ Александрѣа Тимофѣи . ѿ Антиѡхиӕ Мелєтии . Курилъ Єр^с̑лмкъıи . Григорѣи

бо҃словець . на третьємь же сборѣ . Келестинъ Римьскии Курилъ Александриискии . на . д҃ . же сборѣ . Леѡнтии Римьскыи Анаталѣи Ц^с̑рѧгр^д̑ . Оувеналии Єр^с̑лмкыи . на пѧтомъ сборѣ . Римьскии Вилигии ^А . Євьтухии Ц^с̑рѧгра^д̑ . Аполинарии Александриискыи ^Б Домнинь . Антиѡхиискыи . на шесто^м̑ сборѣ ѿ Рима Агафонь . Геѡргии Ц^с̑рѧгра^д̑ . Феѡфанъ . Антиѡхиискыи ѿ Александриӕ Петръ мнихъ . на . з҃ . мь сборѣ Андрианъ ѿ Рима . Тарасии Ц^с̑рѧгра^д̑ . Политъань Александрѣискыи . Феѡдоръ . Антиѡхиѡхиискыи ^В . Ильӕ Єр^с̑лмкыи сии вси съ своими єп^с̑пы ^Г и схо- дѧщесѧ . и правѧху вѣру . по семемь же сборѣ . Петръ Гугнивъıи сь иними шедъ в Римъ . и прѣстолъ вьсхытивъ . развративъ вѣру . ѿвѣргъсѧ пр^с̑тла . Єр^с̑лмьскаго ^Д. и Александрѣскаго . и Ц^с̑рѧграда . и Антиѡхиискаго . и возмутиша Италию всю . сѣюще оучениє своє раздно . тѣм же держать . не в одино съглашениє вѣру но раздно ѡвии бо поповѣ ѡдиною женою ѡженивсѧ служать . а друзии до семи женъ . поимаиюще ^В служать . ина же многа раздно держать и^х̑же блюдисѧ оучениӕ . пращають же грѣхы на дару . єже єсть злѣє всего . Бъ҃ да хранить тъ ^В кнѧже ѿ сего ❙

Володимеръ же поимъ ц^с̑рцю /л.44/ и Настаса . и попы Корсуньск.ыӕ мощи ст҃го Климента . и Фива оуч҃нка єго . и поима сьсуды црк҃вныӕ . иконы на бл҃гословеньє себе . постави же црк҃вь ст҃го Іѡана Пр^д̑тчю ^Е в Корсунѣ на горѣ . иже ссыпаще ^А средѣ града . крадуще ^Ж приспу и ӕже и цр҃кви стоить и до сего дн҃и . взѧша же идѧ мѣдѧнѣ ^З . в҃ . капищи . и . д҃ . конѣ мѣдѧны иже и нынѣ стоӕть за ст҃ою Бц҃ею . ӕко иже не вѣдуще мнѧтсѧ ^И. мраморѧны суща . вдастъ же за вѣно Корсунь Грѣкомъ . ц^с̑рцѣ дѣлѧ . а самъ прииде Кыєву . и ӕко приде повелѣ кумиры испроврещи . ѡвы исѣщи . а другыӕ ѡгньви предати Перуна же повелѣ привѧзати кь коневи хвосту . и влещи с горы . по Боричеву на Ручаи . и . в҃ı . мужа пристави бити жезлиємь . се же не ӕко древу цюющю ^І . но на поруганиє бѣсу . иже прильщаше симъ ѡбразомъ . чл҃вкы да возмѣстьє прииметь ѿ члв҃къ . велии єси Г^с̑и . чюднаӕ дѣла твоӕ . вчера чьстимь ѿ чл҃вкъ . а дн^с̑ь поругає^м̑ . и влѣкомоу же єму по Ручаєви кь Днѣпру . плакахусѧ єго невѣрнии людьє . єще бо не бѧху приӕли кр^с̑щниӕ ^К. и привлекше и вринуша и въ Днѣпръ . и пристави Володимеръ рекъ аще кде пристанеть . вы то ѿрѣваите єго ѿ берега . доньдеже порогы проидеть . тогда ѡхабитесѧ єго . ѡни же повѣленоє створиша . ӕко пустиша и . и проиде сквозѣ порогы . извѣрже и вѣтръ на рѣнь . ӕже и до сего дн҃и слове^т̑ Перунѧ рѣнь . по сем же Володимиръ . посла послы своӕ по всему граду гл҃ѧ . аще не ѡбрѧщетьсѧ кто заоутра на рѣцѣ . ба҃тъ ли оубогъ . или нищь . или работенъ . противникъ мнѣ да будеть . и се слышавше людьє . с радостью идѧху радующесѧ и гл҃ху . аще бы се не добро было . не бы сего кнѧзь и боӕри приӕли . наоутрѣӕ же изииде Володимѣръ . с попы ц^с̑рцинъı . и Корсуньскыми на Днѣпръ . и снидесѧ бещисла людии . и влѣзоша вь воду . и стоӕху ѡви до шеѣ . а друзии де ^Л персии ^М младѣи же ѿ берега . друзии же младенци держаще . свѣршении . /л.44об./ же продѧху ^Н . поновѣ же стоӕще мл҃твъı творѧху . и бѧшє видити радость велика на н҃бси и на земли . толико дш҃ь спс҃аємы^х̑ . а дьӕволъ стенѧше гл҃ѧ оувы мнѣ ӕко ^О ѿсюду прогонимь єсмь . здѣ бо мнѣхъ жилище имѣти . ӕко сде не суть оучениӕ ап^с̑лкаа ни суть вѣдуще Ба҃ . но веселѧхусѧ ^П ѡ службѣ ихъ . єже служаху мнѣ . иже се ^Р побѣжаємь єсмь . ѿ невѣгла^с̑ сего . а не ѿ ап^с̑лъ и мчн҃къ . и ни

имамъ оуже цр^с̑твовать воВперёд^х̑ сихъ . кр^с̑тившим же сѧ людемь . идоша когождо в домы своӕ . Володимѣръ жє радъ бъıвъ ӕко позна Ба҃ самъ и людиє єго . и возрѣвъ на н҃бо и рче Бе҃ великыи створивыи н҃бо и землю . призри на новыӕ люди своӕ . вдаи же имъ Ги оувѣдити тебе . истеньнаго Ба҃ . ӕко же оувидиша . страны кр^с̑тьӕньскыӕ . и оутверди оу нихъ вѣру правую и несъвратну . мнѣ номози Г^с̑и на супротивнаго врага . да надѣюсѧ на тѧ . и на твою державу . побѣжаю козни єго и се рекъ . повелѣ рубити цр҃ькв҃и ^А и поставлѧти по мѣстомъ. идеже стоӕше кумиры и постави црк҃вь ст҃го Васильӕ на холмѣ . идѣже стоӕше кумири . Перунъ и прочии идеже требы творѧху кнѧзь и людьє . и на ^Б ставити по градомъ . црк҃ви и попы . и людиє на кр^с̑щниє приводити . по всемъ гра^{д̑ В} и селомъ . и пославъ нача поимати . оу нарочитои ^Г чади дѣти и даӕти на оучениє книжноє . а мт҃ри же чадъ своихъ плакахусѧ по нихъ и єще бо сѧ бѧху не оутвѣрдилѣ вѣрою . но акы по мерьтвѣцѣ плакахусѧ симь же раздаӕнымъ . на оучениє книжноє . и сбы^с̑сѧ пророч^с̑тво на Рускои землѣ гл҃щеє . вь ѡны дн҃и оуслышать глусии словеса книжнаӕ . ӕснъ будеть ӕзъıкъ гугнивыхъ . си бо не бѣша прѣдн слышали словеса книжнаӕ . но по Бж҃ью . строєнью . и по мл^с̑ти своєи помилова ^Д Бъ҃ . ӕко же рче пр҃ркъ помилую єгоже хощю . помилова бо нъı пакы банею бытиӕ . и ѡбновлениємь дх҃а и по изволению Бж҃ию . а не по наши^м̑ /л.45/ дѣломъ . блг^с̑нъ Г^с̑ь І^с̑съ Х^с̑ъ иже възлюби новъıӕ люди Рускую землю . и просвѣтити ^Е ю кр҃щениємь ст҃мь . тѣм же и мъı припадаємь к нему гл҃ще . Г^с̑и І^с̑се Х^с̑е . ч^с̑то ^Ж ти воздамъ ѡ всихъ . ӕже ты въздасть намъ грѣшнымъ . сущимъ . недооумеємь протнву даромъ твои^м̑ въздати . велии бо єси и чюдна дѣла твоӕ . и величью твоєму нѣ^с̑ конца . в роды и родъ въсхвалимъ дѣла твоӕ . рекуще съ Двд҃мъ . придете възрадуємьсѧ Г^с̑ви и восклнкнемь . Бу҃ Сп҃су ¹ нашему . варимъ лице єго исповѣдапиємь исповѣдающесѧ єму ӕко бл҃гъ ӕко въ вѣкъı мл^с̑ть єго ӕко избавилъ ² єси ³ ѿ врагъ наши^х̑ . рекше ѿ идолъслужитель . и ⁴ пакы рчемь ⁵ съ Двд҃мъ воиспоите ⁶ Г^с̑ви пѣ^с̑ нову . воспоите ⁷ Г^с̑ви всѧ землѧ ⁷ . въспоите Г^с̑ви ⁸ блг^с̑вите имѧ єго . блг҃овѣстите д҃нь ѿ дн҃и . сп҃сениє ⁹ є^г̑ . възвѣстите ¹⁰ вь ӕзыцѣхъ славу єго . и во всѣхъ . людехъ чюдеса єго . ӕко велии Г^с̑ь ¹¹ хваленъ зѣло . и величью єго нѣ^с̑ конца . колика ти радость . не ¹² єдинъ ни два сп҃саєтьсѧ ¹³ ре^ч̑ бо Г^с̑ь ӕко ра^д̑сть бываєть на н҃бси ѡ єдинъмъ грѣшиицѣ кающемсѧ ¹⁴ се же не єдинъ ¹⁵ ни два . но бещисленоє множьство к Бу҃ приступаша ¹⁶ ст҃мь кр^с̑щниѥмь . просвѣщени ӕко же прр҃къ ре^ч̑ . въскронлю на ¹⁷ воду ч^с̑тоту ¹⁸ . ѡчт^с̑итесѧ ¹⁹ ѿ идолъ ваши^х̑ . и ²⁰ грѣхъ ваши^х̑ . и пакы другыи пр^о̑ркъ ²¹ рче ²² кто ӕко Бъ҃ ѿємлѧ ²³ грѣхы и преступаӕ ²⁴ неправду . ӕко хотѧи мл^с̑твь ²⁵ єсть . тъ ²⁶ ѡбратить . и оущедрить ны ²⁷ погрузи ²⁸ грѣхы наша въ глубинѣ . ибо Павелъ гл҃ть . братьӕ ²⁹ єлико насъ кр^с̑титьсѧ ³⁰ . въ ³¹ Х^с̑а І^с̑са . и ³² въ см҃рть ^{33 З} єго кр^с̑тихомсѧ ³¹ . погребохомсѧ оубо с нимъ крещениємь вь смр҃ть да ӕко же въста Х^с̑ъ ѿ мртвъı^х̑ . съ славою ѡч҃ею ³⁴ ӕко^{ж̑ 35} и мы . въ ѡбновлении житьӕ поидемь . и пакы ветхаӕ мимоидоша . и се быша ³⁶ нова .

нынѣ приближисѧ намъ сп^с̑пиє . нощь оуспе а дн҃ь приближисѧ . имже привѣдениє ¹ ѡбрѣтохомъ . вѣрою кнѧзѧ нашего Володимера вь блг^с̑ть сию . имже ² восхвалимсѧ ³ и стоимъ . нынѣ же свободивъшесѧ ѿ грѣха . поработившесѧ Г^с̑ви . имате ⁴ плодъ вашь . вь свщ^с̑ниє ⁵ тѣм же долъжни /л.45об./ єсми ⁶ рабътати Г^с̑ви радующесѧ ⁷ єму ре^ч̑ бо Дв҃дъ . работаите Г^с̑ви съ страхомъ и радуитесѧ єму с трепетомъ . мы же вопиємь къ вл^д̑чѣ ^А Бу҃ нашему гл҃ще . блг^с̑внъ Г^с̑ь иже не дасть насъ . в ловитьву зубомъ имъ ⁸ . сѣть скруши^с̑ и мы избавлени быхомъ . ѿ прелести ⁹ дьӕволѧ ¹⁰ . и погыбе памѧть єго с шюмомъ . и Г^с̑ь вь вѣкы прѣбываєть . хвалимъ ѿ Рускихъ сн҃въ . поємь въ Троици ^Б . а дѣмони проклинаємы . ѿ бл҃говѣрныхъ мужь . и ѿ говѣиньныхъ женъ . иже приӕли суть . кр^с̑щниѥ покаӕниє ¹¹. вь ѿпущениє ¹² грѣховъ . нови ¹³ людьє кр^с̑тьӕньстии . избрани ¹⁴ Бм҃ъ . Володимиръ же просвѣщенъ самъ и сн҃ви ¹⁵ єго . и землѧ єго ¹⁶. бѣ бо ¹⁷ оу него сн҃вь . в҃ı . Вышеславъ . Изѧславъ . Ст҃ополкъ . и ¹⁸ Ӕрополкъ ¹⁹. Всеволодъ Ст҃ославъ . Мьстиславъ . Борисъ и ²⁰ Глѣбъ . Станиславъ . (Борисъ и Глѣбъ) ^{В 21}. Позвиздъ . Судиславъ . и ²² посади Вышеслава в Новѣгородѣ . а Изѧслава в Полотьсцѣ ²³. а Ст҃ополкъ ²⁴ в Туровѣ . Ӕрослава в Ростовѣ . и оумершю же старѣишому . Вышеславу в Новѣгородѣ . и ²⁵ посади Ӕрослава в Новѣгородѣ ²⁵ . а Бориса в Ростовѣ . а Глѣба вь Муромѣ ²⁶ . Ст҃остава ^Ж в Деревѣ^х̑ Всеволода в Володимѣрѣ . Мьстислава вь ²⁷ Тмутороканѣ . и ре^ч̑ Володимеръ . се не добро єсть мало городовъ ѡколо Кыєва . и нача ставити городы по Деснѣ . и по Оустрьи . по Трубешеви и по Сулѣ . и по Стугнѣ . и нача нарубати ²⁸ мужи лутши ²⁸ ѿ Словенъ . и ѿ Кривичъ ^А . и ѿ Чюдии ³⁰ . и ѿ Вѧтичь . и ѿ сихъ насели и ³¹ грады бѣ бо рать ѿ Печенѣгъ и бѣ воюӕсѧ с ними и ѡдолѧӕ имъ ❙

Въ лѣт҃ . ҂s҃ . у҃ . . ч҃ . з҃ . Въ лѣ^т̑ . ҂s҃ . у҃ . ч҃ . и҃.

Въ лѣ^т̑ . ҂s҃ . у҃ . ч҃ . ѳ҃ . [6499] По сем же Володимиру живущю ³² . в законѣ кр^с̑тьӕньстѣ^м̑ и ³³ помысли создати каменую цр҃квь ³⁴ ст҃ыӕ Бц҃а . и пославъ приведе мастеры ³⁵ . ѿ Грькъ . заченшю здати ³⁶ . ӕко сконча зижа ³⁷ . оукраси ю иконами . и ³⁸ поручивъ ю Настасу ³⁹ Корсунѧнину . и попы Корсуньскиӕ . престави ⁴⁰ служити вь неи ⁴¹ . вда ту все єже бѣ взѧлъ в Корсуни иконы и ссудъı ⁴² црк҃вныӕ ⁴³ . и кр^с̑ты ⁴⁴ ❙

В лѣ^т̑ . ҂s҃ . . ф҃ . [6500] Володимѣръ заложи гра^{д̑ 45} Бѣлъ ⁴⁵ . и наруби въ^{и̑ 46} ѿ инѣхъ гра^д̑ . и много ⁴⁷ людии ⁴⁸ сведе в онь . и ⁴⁹ бѣ бо любѧ городъ ^{50 Г} ѡсь ⁵¹ ❙

Въ лѣ^т̑. ҂s҃ . ф҃ . а҃ . [6501] Иде Володимиръ на Ховраты ⁵² . пришедшю же єму с воины Хорватьскои . и се Печенѣзѣ придоша ⁵³ по ⁵⁴ ѡнои ⁵⁴ сторонѣ ⁵⁴ . ѿ Сулы . Володимеръ же ⁵⁵ противу имъ . и оусрѣтѣ ӕ на Трубеши . над ^Д броду ⁵⁶ кдѣ нынѣ ^Е Переӕславль . и ста Володимеръ . на сеиВперёдѣ а Печенѣзѣ на ѡнои . и не смѣӕху си ⁵⁷ на ѡну стосторону ^{Ж 58} . и ѡни ⁵⁹

на сю сторону ¹ и ² приѣха кнѧзь Печенѣскыи к рѣцѣ . и возва Володимира и ре^ч̑ єму . пусти ³ ты свои мужь а ӕ ^{А 4} свои . да сѧ борета . да аще твои мужь оударитъ моимъ . да не воюємъсѧ ^{Б 5} за три лѣта . и разиидошасѧ ⁶ раздно ⁷ . аще ли нашь мужь оударить вашимъ . да воюємь за три лѣта . Володимеръ же пришедъ в товары посла по товаромъ бирича гл҃ѧ нѣтуть ^{В 8} ли такаго ⁹ мужа . иже бы сѧ ӕлъ с Печенѣжаниномъ ¹⁰ бра^{т̑ Г 11} и не ѡбрѣтесѧ никдѣ же . и заоутра приѣхаша ¹² Печенѣзѣ а ¹³ свои мужь приведоша ^Д а ¹⁴ наши не бы^с̑ . и поча ¹⁵ тужити Володимѣръ . слѧ ^Е по всимъ воємь свои^{м̑ 16} . и приде ¹⁷ єдинъ мужь старъ . к нему . и ре^ч̑ єму кнѧже . єсть оу мене єдинъ сн҃ъ . дома меншии . а сь четырми єсмь ¹⁸ вышелъ . а ѡнъ дома ѿ дѣтьства си ¹⁹ своєго . нѣ^с̑ кто имъ оударилъ . єдиною бо ми ²⁰ сварѧщю . ѡному же ²¹ мнущю . оусньє ^Ж и ²² разгнѣвасѧ на мѧ . преторже черевии ²³ руками ²⁴ . кнѧзь же се слышавъ . и ²⁵ радъ бы^с̑ . и посла по нь борзо . и приведоша и ко кнѧзю . и кнѧзь повѣда єму всѧ . сьи ²⁶ же ре^ч̑ кнѧже не вѣмь могу ли с него . да искусите мѧ . нѣтуть ²⁷ ли вола ^{З 28} велика и силна . и налѣзоша волъ ^{В 29} силенъ . и повелѣ раздражити вола ^{І 30} . и возложи ³¹ нь ³² желѣзо горѧче . и пустиша вола ^{К 33}. и ³⁴ побѣже ³⁴ волъ ^{Л 34} мимо нь ³⁵. и похвати вола ^{М 36} рукою за бокъ . и вынѧ кожю с мѧсы єлико єму рука ӕ . и рече єму Володимѣръ . може^{с̑ь̑ 37} сѧ ^Н с нимь борити ³⁸ . и на завьтрѣє ³⁸ . придоша ⁴⁰ Печенѣзѣ ^О /л.46об./ и почаша ^П звати . вѣльможа ⁴¹ . се нашь доспѣлъ . Володимѣръ же повелѣ тои ночи ⁴² . ѡблѣщисѧ въ ѡружьє . и выпустиша Печенѣзѣ мужь свои и бѣ превеликъ зѣло . и страшенъ . и выступи мужь Володимѣрь ⁴³ и възрѣвъ ⁴⁴ Печенѣжинъ . и посмѣӕсѧ . бѣ бо среднии тѣломъ . и размѣривше межи ѡбѣима полкома . и пустиша ӕ к собѣ ⁴⁵. и ӕстасѧ ⁴⁶ крѣпко ⁴⁷ и вдави ^{Р 48} Печенѣжинина ^С в руку ⁴⁹ до смр҃ти . и оудари имь ѡ землю . и вьскликоша Русь а ⁵⁰ Печенѣзѣ побѣгоша . а ⁵¹ Русь погнаша по нихъ . сѣкуще ѣ ⁵² . и прогнаша и^х̑ Володимѣръ же ра^д̑ бывъ . и заложи городъ на броду ⁵³ томь . и нарче ⁵⁴ и ⁵⁵ . Переӕславль . зане Переӕславь ⁵⁶ ѡтрокъ . Володимиръ же великомь ⁵⁷ мужемь створи ⁵⁸ того . и ѡц҃а єго . Володимиръ же . възвратисѧ вь Києвь . с побѣдою и ⁵⁹ славою великою ❙

Въ лѣ^т̑ . ҂s҃ . ф҃ . в҃ . Въ лѣ^т̑ . ҂s҃ . . ф҃ . г҃ .

Въ лѣ^т̑ . ҂s҃ . . ф҃ . . д҃ . [6504] Володимиръ же видивъ ⁶⁰ црк҃вь свѣршену . и вшедъ в ню помолисѧ Бу҃ гл҃ѧ . Г^с̑и Бе҃ призри с н҃бси ⁶¹ и вижь ⁶² посѣти виногра^д̑ своє^г̑ . и свѣрши ӕже насади десница твоӕ . люди сиӕ новыӕ . имже ѡбратилъ єси ср^д̑ца в разумъ . познати тебе истиньнаго Ба҃ .

и призри на церьк҃вь сию . юже создахъ ¹ . недостоиныи рабъ твои во имѧ рожьшаӕ ² ти ³ мт҃ри . и приснодв҃ыӕ Мр҃ьӕ ⁴ . Бц҃а . и аще помолитьсѧ кто въ црк҃ви сеи то оуслыши млт҃ву єго и ѿпусти всѧ ⁵ грѣхы ⁶ єго . мл^с̑твы ра^д̑ . пр^с̑тыӕ Бц҃а . и помолившюсѧ єму . и ⁷ рекъ сице се даю цр҃кви сеи . ст҃ѣи Бц҃ѣ ⁸ ѿ имѣниӕ своєго . и ѿ мои^х̑ гра^д̑ . десѧтую часть . и положи написавъ . клѧтьву ⁹ вь цр҃кви сеи . рекь . аще сего посудить кто да будеть проклѧтъ . и вдасть десѧтину . Анастасу Корсуиѧнину ¹⁰ . и створи же нразникъ великъ в тои дн҃ь . боӕромъ и старчемь ^А градьскы^м̑ . и оубогимъ имѣниє много по сихъ же придоша ¹¹ Печенѣзѣ к Василеву . и Володимѣръ с малою ¹² дружиною изыиде противу имъ . и съступившимсѧ имъ¹³. не могъ Володимѣръ стѣрь /л.47/ пѣти противу . побѣгоста ¹⁴ по ¹⁵ мостомъ . и ѡдва оукрысѧ ѿ противны^х̑ . и ¹⁶ тогда ѡбѣщасѧ Володимѣръ . поставити цр҃квь ¹⁷ вь Василевѣ . ст҃оє ¹⁸ Преѡбражениє ¹⁹ . бѣ бо празникъ ²⁰ . преѡбражению ²⁰ Г^с̑ню ²⁰ . въ ²¹ дн҃ь . єгда ^Б си ²² бы^с̑ сѣча ^В . избывъ же Володимѣръ сего . постави цр҃квь . и творѧше празникъ . варѧ . т҃ . переваръ ^{Г 23} меду . и зваше боӕръı своӕ . и посадникы . и старѣишины по всимъ градомъ и люди многы . и раздаваше . т҃ . гривенъ оубогымъ . и празнова кнѧзь Володимеръ ²⁴ ту ²⁴ дн҃ии . и҃ . и възвращашетьсѧ ²⁵ Кыєву . на Оуспениє ст҃ыӕ Бц҃а ^В и ту пакы ²⁶ празникъ свѣтель ^Д. съзываше ²⁷ бещисленоє ²⁸ множьство народа . видѧше же люди кр^с̑тьӕны суща . радовашесѧ ²⁹ дш҃ею и тѣломъ . и тако по всѧ лѣта творѧше . бѣ бо любѧ книжнаӕ словеса . слыша бо єдиною . єоуан҃глиє чтомо . бл҃жнии ³⁰ мл^с̑твии ӕко тѣи ³¹ помиловани будуть . и пакы проидаите ^І имѣниӕ ваша . и даите нищимъ . и пакы не и ³² скрываите собѣ скровища на земли идеже тлѧ тлить . и татьє подъкоповаєть ³³ . но скрываите собѣ ³⁴ скровище ³⁵ на нбси^х̑ . идеже ни тлѧ тлить . ни татьє крадуть . и Дв҃да гл҃ща бл҃гъ мужь милуӕ и даӕ ³⁶ . Соломона слыша гл҃ща . даӕ ³⁷ нищимъ Бу҃ в заємь даєть . си слышавъ (повѣ нищю всѧку си слышавъ) ^{Е 38} повелѣ нищю ³⁹ всѧку и ⁴⁰ оубогоу ⁴¹ приходити на дворъ на ⁴² кнѧжь . и взимати всѧку потребу . питьє и ӕденьє . и ѿ скотьничь ^Ж кунами . оустрои же ⁴³ се ре^ч̑ ӕго немощнии ⁴⁴ болнии не могуть доити двора моєго . повеле оустроити ⁴⁵ кола . и вьскладываше ⁴⁶ хлѣбы мѧса ⁴⁷ рыбы . и ѡвощь разноличьныи . и медъ въ ч^в̑кахъ ^{А 48} . а вь другыхъ квасы ⁴⁹ возити . по градомъ . вьпрашающе ⁵⁰ кде болнии ⁵¹ . нищии ⁵² не могы ⁵³ ходити и тѣмь раздаваху на потребу . и се же ⁵⁴ творѧ ⁵⁵ людемь своимь . по всѧ недѣлѧ . оустави ⁵⁶ по всѧ дн҃и на дво-

рѣ ¹ вь гридници пиръ творити и приходити боӕромъ . и ² гридьмъ ^{А 3} и соцькимъ . и десѧтникомъ и нарочитымь мужемь . и при кнѧзѣ . и безъ кнѧзѧ . и бываше на ѡбѣдѣ томь /л.47об./ множьство ѿ мѧсъ и ѿ скота . и ѿ звѣрины . и бѧше же ⁴ изобилью ⁵ всего . єгда же подопьӕхутьсѧ ⁶ и начаху ⁷ роптати на кнѧзѧ . гл҃ще зло єсть нашимъ головамъ⁸. да намъ ӕсти . древѧными ⁹ лжицами ¹⁰ . а не сребрѧными . и се слышавъ Володимиръ . повелѣ исковати ¹¹ лжици ¹² сребрѧны ӕсти дружинѣ . рекъ сице . ӕко сребромъ и златомъ не имамъ налѣсти дружины . а дружиною налѣзу сребро и злато . ӕко ¹³ дѣдъ мои и ѡц҃ь мои . и ¹⁴ доискасѧ дружиною злата и сребра . бѣ бо любѧше В^л̑одимиръ дружину . и с ними дума ¹⁵ ѡ строєньи землинемь ¹⁶ . и ¹⁷ ѡ ¹⁷ оуставѣ ¹⁷ земленемь ¹⁷ . и ѡ ратѣхъ . и бѣ живѧ с кнѧзи ѡколными єго ¹⁸ миромъ . с Болеславомъ Лѧдьскымъ . и сь Стефаномъ . Оугорьскымъ . и съ Ѡндроникомъ Чьшькимъ ^{19 Б} . и бѣ миръ межи има ²⁰ и любы и живѧше Володимиръ въ страсѣ Бж҃ии . и оумножишасѧ разбоєвѣ . и ре^ч̑ єп^с̑пъ ²¹ Володимеру . се оумножишасѧ разбоиници . почто не казниши . ѡн же рче ²² боӕсѧ ²³ . грѣха . ѡни же рѣша єму ты поставленъ єси ѿ Ба҃ на казнь ²⁴ злымъ . а на милованиє добрымъ . достоить ти казнити . разбоиника . нъ съ испытаниємь . Во^л̑(ди)димеръ ^{В 25} же ѿвѣргъ виры и нача казнити . разбоиникы и ²⁶ и рѣша єп^с̑пы и старци рать многа . а єже вира то на конихъ и на ѡружьи . буди и ре^ч̑ Володимиръ . да ²⁷ тако буди . и живѧше Володимиръ по строєнью ²⁸ дѣдню и ѡт҃ню .

Назад    Оглавление    Вперёд