Ко входуБиблиотека Якова КротоваПомощь
 

НОВГОРОДСКАЯ ПЕРВАЯ ЛЕТОПИСЬ

Назад    Оглавление    Вперёд
Двойной щелчок левой кнопкой мыши показывает/скрывает примечания к тексту.


лл. 76—77. 6770—6773 гг.


Того же лѣта, в осенинѣ, идоша новгородцы съ княземъ своимъ съ Димитриемъ со Александровичемъ великимъ полкомъ подъ Юрьевъ; и бяше тогда и Константинъ князь, зять Александровъ, и братъ Александровъ Ярославъ съ своими мужи, и Полотскии князь Товтивилъ, а съ нимъ Полочанъ и Литвы 500, а новгородскаго полку безъ числа, толико богъ вѣсть. И бяше градъ твердъ Гюргевъ, въ 3 стѣны, и множество людеи въ немъ бяше всякихъ, уже бо пристроили себѣ брань на градѣ крѣпку; но честнаго креста сила и святѣи Софии всегда низлагаетъ неправду имѣющихъ: такоже ни твердость града сего ни во что же бысть, но помощию божиею единѣмъ приступлениемъ взят бысть, и люди многи града того ови побиша, а другия изымаша живы, а инии огнемъ пожжены, и жены и дѣти ихъ; и взяша товара безъ числа и полона, и прииде князь Дмитрии здравъ со всѣми новгородцы и со многимъ товаромъ. Того же лѣта постави чернецъ Василии церковь святаго Василия въ Новѣгородѣ. /л.76об./ Тогда же поиде князь Александръ въ Татары, и удержа и Берка, не пустя и въ Русь, и зимовавъ въ Татарѣхъ, и разболѣся и бысть въ недузѣ крѣпцѣ вельми и нездравъ.

 2 На полях написано 1263

Въ лѣто 6771 2. [1263] Прииде князь Александръ изъ Татаръ вельми нездравя, въ осенинѣ, и прииде на Городецъ, и пострижеся мѣсяца ноября въ 14 день. Тои же нощи преставися; и везоша и въ Володимеръ мертваго, и положиша и въ монастырѣ въ церкви святѣи богородицѣ Рождества; и снемшеся епископы и игумены и съ митрополитомъ Кириломъ и со всѣмъ иереискимъ чиномъ, и погребоша и честно мѣсяца того же въ 23-и день. Того же лѣта бысть мятежъ въ Литвѣ, богу попущьшу ла нихъ гнѣвъ свои: восташа сами на ся, убиша князя великаго Миндовга свои сродницы, свѣщавшися отаи всѣхъ. Того же лѣта роспрѣвшися убиицы Миндовгови о товарѣхъ его, убиша добра князя Полотскаго Товтивила, а бояры полотския исковаша и просиша у полочанъ сына Товтилова, понеже бо и того убити хотяху, и онъ вбѣжа въ Новъгородъ съ мужи своими. Тогда Литва посадиша свои князь въ Полотскѣ; а полочанъ пустиша, коихъ съ княземъ поимали, и миръ взяша.

 1 В Т по александрова брата

 2 В рукописи сыва. Так и в Р. Испр. по К.

Въ лѣто 6772 [1264]. Выгнаша новгородцы князя Дмитрия Александровича изъ Новагорода, занеже князь еще малъ бяше; а по Ярослава послаша по Александрова 1 во Тверь сына посаднича и лучшии бояре.

Въ лѣто 6773 [1265]. Посадиша в Новѣгородѣ на столѣ князя Ярослава Ярославича мѣсяца генваря въ 27 день. Того же лѣта бысть мятежъ великъ въ земли Литовскои на нихъ божиемъ попущениемъ: не терпяше бо господь богъ нашъ зрѣти на нечестивыя и поганыя, видя ихъ проливающи кровь христианскую аки воду, иныя же отъ нихъ расточены по чюжимъ землямъ; тогда господь воздастъ по дѣломъ ихъ. Бяше же у Миндовга у князя Литовскаго сынъ 2, имя ему Въишелгъ; того же избра господь поборника по правѣи вѣрѣ: шедъ въ гору Синаискую отъ отца своего и отъ рода своего и отъ поганыя вѣры своея, позна истинную вѣру христианскую, и крестися во имя Отца и Сына и /л.77./ святаго Духа, и научися святымъ книгамъ, и пострижеся въ мнишескии чинъ во святои горѣ; и пребысть тамо 3 лѣта, и поиде въ землю свою, и приидяше въ землю свою ко отцу своему. Отцу же его погану сущу, егда же глаголаше словесы ласковыми поне остатися ему вѣры христианския и чернечества и прияти царство свое. Онъ же вооруженъ силою крестною, не хотѣ слышати ласки отца своего, ни прещения его не убояся, но изшедъ отъ отца своего, согради себѣмонастырь въ христиалѣхъ, и ту пребываше, славя святую Троицу Отца и Сына и святаго Духа.


лл. 80 об.—81. 6782—6789 гг.


Прежде преставления Далматова посадникъ Павша съ мужи старѣишими биша челрмъ Далмату: «кого, отче, благословиши на свое мѣсто». Далматъ же нарече два игумена: святаго Георгия Иоанна и отца своего духовнаго Климента: «коего себѣ излюбите, того вамъ благословлю». Иде посадникъ на Иоанна дворъ, и созва новгородцы, и сказа имъ слово Далматово; и возлюбиша вси Климента, и благослови его Далматъ своею рукою, и по преставлевии Далматовѣ нослаша въ Киевъ ставитися.

Въ лѣто 6783 [1275]. Въ нощь загорѣся на княжи дворѣ, подлѣ Нѣмецкои дворъ, и погорѣ Торгъ сѣмо и до Славна, сѣмо и до Рогатицы; и згорѣ церквеи 7 деревянныхъ, а каменныхъ 4 огорѣ, а 5 нѣмецкая.

 1 На полях написано 1276

 2 Н я полях написано 1277

 3 На полях написано 1281

 4 На полях написано 1318

Въ лѣто 6784 1. [1276] Отпаде стѣна у святѣи Софии до основы отъ Неревскаго конца, мѣсяца маия въ 9, въ полъдни. Того же лѣта поставленъ бысть архиепископъ новгородскии Климентъ, и прииде изъ Киева въ свою епископию, и абие введоша и честно во святую Софию, а весь Новгородъ срѣтоша и честно со кресты и пѣсньми, мѣсяца августа въ 2-и день. Того же лѣта, на зиму, преставися великии князь Василии Ярославичь и положенъ бысть у святаго Феодора на Костромѣ. Новгородцы же послаша по Дмитрия Александровича.

Въ лѣто 6785 2. [1277] Прииде князь Дмитрии въ Новъгородъ, и посадиша и на столѣ, въ недѣлю на всѣхъ святыхъ.

Въ лѣто 6786 [1278]. Князь Дмитрии съ новгородцы и со всею Низовскою землею казни Корѣлу и взя земли ихъ на щитъ.

Въ лѣто 6787 [1279]. Испроси князь Дмитрии у Новагорода поставити себѣ городъ Копорию, и шедъ самъ сруби и. /л.81./

Въ лѣто 6788 [1280]. Князь великии Дмитрии съ посадникомъ Михаиломъи съ большими мужи, ѣхавши, обложиша городъ каменъ Копорию. Того же лѣта отъяша посадничество у Михаила у Мишинича и даша Семену Михаилову, выведши изъ Ладоги.

Въ лѣто 6789 3. [1281] Заратися князь Дмитрии съ новгородцы; новгородцы же послаша владыку съ мольбою, и не послуша и.


лл. 86—88. 6825—6835 гг.


Въ лѣто 6825 [1317]. Послаша новгородцы владыку Давида къ князю Михаилу съ мольбою, просяще на окупъ братии своеи, и кто у князя въ тали; и не послуша его князь. Того же лѣта приходиша Нѣмцы въ озеро Ладожское и побиша много обонѣжскихъ купецъ.

Въ лѣто 6826 4 [1318]. Ходиша новгородцы воиною за море, въ Полную рѣку, и много воеваша, и взяша Людеревъ городъ сумскаго князя и Пискупль, и поидоша вси здравы. Того же лѣта выиде князь великии Юрьи изъ Орды съ Татары и со всею Низовскою землею, и поиде къ Тфери на князя Михаила. И приславъ Телебѣгу, и позва новгородцевъ; и они, пришедше въ Торжекъ, и докоичаша съ княземъ Ми/л.86об./хаиломъ, како не вступатися ни по единомъ: понеже не вѣдаху князя Юрья, гдѣ есть, и приидоша паки въ Новъгородъ. Князю же Юрью пришедшу съ полки близъ Тфери за 40 верстъ, и ту выиде на нь Михаило князь съ Тфери, и ступишася, и бысть сѣча зла, и много паде головъ о князи Юрьи; а брата его Бориса и княгиню его яша и приведоша во Тферь, тамо умориша. А самъ прибѣжа въ Новъгородъ, и позва всѣхъ новгородцевъ съ собою, и идоша съ нимъ весь Новъгородъ и Плесковъ, поимше съ собою владыку Давида; и пришедше на Волгу, и докон чаша съ Михаиломъ княземъ миръ, како ити въ Орду обѣма, а брата Юрьева и княгиню пустити. И приидоша новгородцы вси въ Новъгородъ, веснѣ сущи; а князь Юрьи иде на Москву и оттолѣ въ Орду.

 1 На полях написано 1319

 2 На полях написано 1320

 3 На полях написано 1322

Въ лѣто 6827 1. [1319] Уби царь въ Ордѣ князя Тферскаго Михаила и сына его Константина и бояры его, а великое княжение дастъ Юрью. И присла князь Юрьи въ Новъгородъ брата Афанасия.

Въ лѣто 6828 2. [1320] Ходи князь Юрьи ратию съ братомъ Иоанномъ на Рязань на князя Ивана Ростиславского, и докончаша миръ.

Въ лѣто 6829 [1321]. Ходи князь Юрьи ратию на Дмитрия Михаиловича Тферскаго и прииде въ Переяславль съ полки. И ту присла князь Дмитрии владыку тферскаго, и докончаша миръ на дву тысячю сребра, а княжения великаго Дмитрию не подъимати. Того же лѣта, мѣсяца июня 26 дня, предъ обѣднею померче солнце, а паки наполнися по малу.

Въ лѣто 6830 [1322]. Прииде князь Юрьи въ Новъгородъ, позванъ новгородцы, и повелѣ пороки чинити. Того же лѣта поиде князь великии Юрьи съ новгородцы къ Выбору, городу немѣцкому; и биша и 6-ю пороковъ, твердъ бо бѣ, и избиша много Нѣмецъ въ городѣ, а иныхъ извѣшаша, а иныхъ на Низъ поведоша; и стоявше мѣсяцъ, приступивъ, не взяша его, но за грѣхи наша нѣколико мужъ добрыхъ паде. Того же лѣта 3 преставися Афанасии князь, братъ /л.87./ Юрьевъ, постригся въ чернц; и положиша и у святаго Спаса на Городищи. Того же лѣта ходи князь Дмитрии Михаиловичь въ Орду, и подъя великое княжение. Того же лѣта приходи въ Русь посолъ силенъ изъ Орды, именемъ Охмылъ, и много сотвори пакости по Низовскои земли, и много посѣче христианъ, и поведе въ Орду. Князь же Юрьи пришедъ отъ Выбора, и поиде на Низъ, и много моли новгородцевъ, да быша и проводили. Бывшу ему на Урдомѣ, и ту князь Александръ Михаиловичъ съ Твери нападе на нь, да князь Юрьи самъ убѣже въ Плесковъ, а товаръ его разграбиша, а въ Плесковѣ бяше Литовскии князъ Давидко; и оттолѣ призваша и новгородцы къ себѣ по крестному цѣлованию, и поставиша въ Загородьи, во Афанасовѣ дворѣ, въ диаконовѣ.

Въ лѣто 6831 [1323]. Ходиша новгородцы съ княземъ Юрьемъ и поставиша городъ на усть Невы, на Орѣховомъ острову. Ту же приидоша послы велики отъ Свѣискаго короля, и докончаша миръ вѣчныи съ княземъ и съ Новымъгородомъ по старои пошлинѣ. Того же лѣта воеваша Литва Ловоть, и угониша ихъ новгородцы и биша, а инии убѣжаша. Того же лѣта заратишися устюжане съ новгородцы, изымаше новгородцевъ, кто ходилъ на Югру, и ограбиша ихъ.

 1 На полях написано 1325

 2 Написано уб-илъ

 3 В рукописи по. Испр. по К. В Т к

Въ лѣто 6832 [1324]. Идоша новгородцы съ княземъ Юрьемъ на Заволочье, и взяша Устюгъ на щитъ, и приидоша на Двину, и ту прислаша послы князи устюжскии къ князю и къ новгородцемъ и докончаша миръ по старои пошлинѣ; и приидоша новгородцы вси здравы; а князь Юрьи поиде въ Орду изъ Заволочья по Камѣ рѣцѣ. Того же лѣта соверщиша Христову каменну церковь, и свяща ю владыка Давидъ. Тои же зимы преставися архиепископъ новгородскии Давидъ, мѣсяца февраля 5, и положиша и въ притворѣ въ святѣи Софии, посторонь владыки Климента. Тогда же сдумавши новгородцы, и попове и игумены и чернцы и весь Новгородъ возлюбиша вси назнаменана Моисея, прежде бывша архимандритомъ у св. Георгия, потомъ бяше вышелъ по своеи воли къ святѣи Богородицѣ на Коломцы въ /л.87об./ свои монастырь, и возведоша на сѣни, и посадиша и во„владычнѣ дворѣ, дондеже позоветъ его митрополитъ.

Въ лѣто 6833 1. [1325] Прииде изъ Орды князь Александръ Михаиловичъ, и Татарове съ нимъ должницы, и много бысть тяготы на Низовскои земли. Того же лѣта поиде Моисеи владыка къ митрополиту ставитися на Москву; и привезоша предъ нимъ князя Юрья великаго изъ Орды, Данилова сына, внукъ Александровъ, и погребоша и митрополитъ Петръ и архиепископъ Моисеи и тверскии епископъ Варсонофии и ростовскии Прохоръ и рязанскии Григории, и плакася по немъ братъ его князь Иванъ и весь народъ отъ мала и до велйка плачемъ великимъ: убилъ 2 бо и бяше въ Ордѣ князь Дмитрии Михаиловичъ князя великаго Юрья безъ царева слова. Не добро же бысть и самому; еже бо сѣетъ, то и пожнетъ; якоже и Иоаннъ богословъ глаголетъ: братие, богъ любы есть, пребываяи въ любви съ братомъ, въ бозѣ пребываетъ и богъ въ немъ; и паки индѣ въ писании глаголетъ: иже имать ко 3 всѣмъ любовь, таковыи безъ труда спасется.

Въ лѣто 6834 [1325]. Прииде въ Новъгородъ поставленъ архиепископъ Моисии во вторникъ на вербнои недѣли. Того же лѣта, мѣсяца августа въ 28 день, загорѣся на Буянѣ улкѣ, и погорѣ и до половины Рогатицы, а Славкова улица отъ Дмитрия святаго и до поля, и церковь св. Климента сгорѣ. Того же лѣта уби царь въ Ордѣ Дмитрия Михаиловича князя. Тои же зимы преставися митрополитъ Петръ всея Руси на Москвѣ, и положиша и въ церкви святыя Богородицы, юже самъ началъ здати каменну. Молитвами его сотвори богъ чудеса у гроба его: трие человѣцы прощены быша. Того же лѣта приидоша послы изъ Литвы, братъ Литовскаго князя Гедимона, Воини Полотскии князь, Василии Мѣнскии князь, Феодоръ Святославичъ; и докончаша миръ съ новгородцы и съ Нѣмцы.

 1 На полях написано 1327

 2 На полях написано 1343

 3 В рукописи вельневича. Так и в Р. Испр. по Т.

 4 В рукописи ону. Испр. по КТ.

 5 На полях написано 1344

Въ лѣто 6835 1. [1327] Бысть мятежъ въ Новѣгородѣ, и пограбиша дворъ Остафьинъ Дворянинцевъ и пожгоша. Того же лѣта, на Успение святыя Богородицы, изби князь /л.88./ Александръ Михаилович Татаръ много въ Тфери и по инымъ городомъ, и торговцевъ гости хопольскии изсѣче: пришелъ бо бяше посолъ силенъ изъ Орды, именемъ Щолканъ, съ множествомъ Татаръ. И присла князь Александръ послы къ новгородцемъ, хотя бѣжати въ Новъгородъ, и не прияша его. Того же лѣта присла князь Иванъ Даниловичъ намѣстники своя въ Новъгородъ, а самъ иде въ Орду. На ту же зиму прииде рать татарская множество, и взяша Тферь и Кашинъ и Новоторжскую волость, и просто рекуще всю землю Рускую положиша пусту, токмо Новъгородъ ублюде богъ. А князь Александръ вбѣжа въ Плесковъ, а Константинъ, братъ его, и Василии въ Ладогу, а въ Новъгородъ прислаша послы Татарове, и даша имъ новгородцы 2000 сребра, и свои послы послаша съ ними къ воеводамъ со множествомъ даровъ. Убиша же тогда Татарове Ивана князя Рязанского.


лл. 93 об. — 94. 6851-6853 гг.


Въ лѣто 6851 2. [1343] Поидоша плесковичи въ воину съ княземъ Остафиемъ, въ 5 тысячъ, къ городу къ Медвѣжеи головѣ, въ Нѣмецскую землю, и воеваша плесковичи; и бысть на озерѣ на Острѣчнѣ, на Сошествие св. Духа, надгониша Нѣмцы и поставиша полкъ противу псковичъ, а псковичи себѣ сташа; и бысть побоище велико. Богъ пособи князю Остафию съ мужи плесковичи, убиша у нихъ князя, и вельневичь 3 много побиша и Нѣмцовъ побиша. А Данила посадникъ псковскии, обрѣзавъ броня на себе, и побѣже. Того же лѣта митрополитъ Феогнастъ Гречинъ ходи въ Орду къ царю поганому къ Женебѣку, и обадиша его Калантаи къ цареви, ограбиша его, а самого яща и замучиша, а рекучи: «даваи дань полѣтнюю». Онъ 4 ся въ то не да, и положи посула 6 сотъ рублевъ и выиде на Русь здравъ. Того же лѣта, мѣсяца августа въ 8-и день, кончана бысть церковь каменная на Городищѣ святое Благовѣщение архиепископомъ новгородскимъ Василиемъ.

Въ лѣто 6852 5. [1344] Бысть мятежъ за Норовою великъ: избиша Чюдь своихъ бояръ земскихъ и въ Колыванскои земли и въ Ругодивскои волости, 300 ихъ. ПотомъВперёднихъ вельневичи съ юрьевцы и избиша Чюди 4010, а /л.94./ избытокъ убѣжа во Островскую землю; тамо по нихъ ходиша велневичи въ Островскую землю, ихъ же не взяша, но сами биты отъидоша.

 1 На полях написано 1345

 2 Написано на полях 1390

 3 Написано на полях 1391

Въ лѣто 6853 1. [1345] Заложи владыка Василии святую Пятницу, что поруиіалася въ великии пожаръ, повелѣниемъ раба божия Андрея, сына тысяцскаго, и Павла Петриловича. Того же дни заложи владыка Василии церковь Козмы и Дамиана, повелѣниемъ раба божия Анания Куритскаго, на Козмодѣмьянѣ улицѣ. Того же лѣта поновлена бысть церковь святаго Георгия, покровенъ бысть новымъ свинцемъ, замышлениемъ архимандрита Иосифа.



лл. 103 об.—104 об. 6897—6900 гг.


Того же лѣта Григории Якуничъ постави церковь каменну Покровъ святыя богородицы на воротѣхъ. Того же лѣта прииде въ Новгородъ князь Семеонъ Ольгердовичъ, и прияша его новгородцы въ честь. Тои же зимы преставися архиепископъ новгородскии Алексѣи, февраля въ 3 день.

Въ лѣто 6898 2. [1390] Сѣде на великомъ княжении князь Василии Дмитриевичъ, и новгородцы взяша съ нимъ миръ поВперёдѣ. Того же лѣта поидоша новогородцы на съѣздъ съ Нѣмцы и не взяша мира. И поидоша новогородцы ратию ко Пскову, и псковичи добиша челомъ Новугороду, и взяша миръ. Того же лѣта поставиша церковь каменну св. царя Константина и матери его Елены, и свяща ю владыка Иоаннъ. /л.104./ И поставиша монастырь новъ святаго Николы конецъ Людогощеи и Чюдинцовы улицы на Скудельницѣ. Тои же осени бысть моръ силенъ вельми въ Новѣгородѣ; великое множество христианъ умре по всѣмъ улицамъ. Сице бысть знамение на людѣхъ: при смерти явится желѣза; прибывъ 3 дни, абие умираше. Тогда же поставиша церковь св. Афонасия въ единъ день, и свяща ю владыка Иоаннъ, божиею же милостию паки преста моръ. Тои же зимы згорѣ церковь св. Дмитрия на Даньславлѣ улицѣ, и весь запасъ церковныи, и товара множество изгорѣ.

Въ лѣто 6899 3. [1391] Бысть пожаръ, и погорѣ отъ Борковы улицы и до Гозеня, а на другои сторонѣ отъ Никитины улицы и до Радосковичь, и згорѣ церквии деревянныхъ 8, а каменныхъ 3 церкви огорѣша, а людеи 14 душъ сгорѣ, мѣсяца июня въ 5. Того же мѣсяца въ 21 загорѣся на Прускои улицѣ у Ведения святѣи богородицы, и погорѣ весь конецъ Людинъ до св. Алексѣя, и згорѣ церквии деревяныхъ 7, а каменныхъ 4 церкви огорѣша. Тои же осени послаша новогородцы послы на съѣздъ съ Нѣмцы въ Изборско посадниковъ и купцевъ; а нѣмецскии послове приидоша изъ замория, изъ Любка и изъ Гоческаго берега, и изъ Риги, изъ Юрьева, и изъ Колываня и изъ иныхъ городовъ многихъ; тогда взяша миръ съ Нѣмцы. Тои же зимы тии же послове нѣмецскии приидоша въ Новъгородъ, и товары свои поимаша, и крестъ дѣловали, и начаша дворы свои ставити изнова: занеже бо не бѣ по 7 лѣтъ миру крѣпкаго. Тои же зимы прииде митрополитъ Киприянъ въ Новъгородъ, и владыка Иоаннъ со игумены и съ попове срѣте со кресты у святаго Спаса на Ильинѣ улицѣ. И пребысть въ Великомъ Новѣградѣ 2 недѣли и много глаголавше Новугороду, чтобы грамота подрати, что Новгородъ покончаше, яко не зваться къ митрополиту на Москву. И новогородцы слова его не прияша, а грамотъ не подраша. И митрополитъ 1 поиде изъ Новагорода, а на новгородцевъ великое нелюбие держа.

 1 В рукописи митролит

 2 На полях написано 1392

Въ лѣто 6900 2. [1392] Юрьи Онцыфоровичъ постави церковь святую богородицу Успение и монастырь устрои. /л.104об./ Того же лѣта, вышедъ изъ Орды, князь великии Василии Дмитриевичъ и взя Нижнии Новъгородъ и поима князи и княгини въ таль, а князь Семенъ бѣжа въ Орду. Того же лѣта пришедше съ моря разбоиницы Нѣмцы въ Неву, взяша села по обѣ стороны рѣки, за 5 верстъ до городка до Орѣшка. И князь Семенъ съ городчаны сугнавши, иныхъ избиша, а иныхъ разгониша, и языкъ въ Новъгородъ привезоша; тогда же поиде въ Литву къ своеи братии, а Городокъ покинувши. Того же лѣта копаша валъ около Торговои стороны. Того же лѣта поиде князь великии Василии Дмитриевичъ въ Орду, позванъ царемъ. Того же лѣта посадникъ Богданъ Обакуновичъ съ своею братиею и съ уличаны поставиша церковь каменну св. Симеона на Чюдинцевѣ улицѣ, и священа бысть на праздникъ его. Того же лѣта преставися посадники Василеи Федоровичъ и Михаило Даниловичъ, приимши мнишескии чинъ.


лл. 107 об.—108. 6906 г.


И въ то время воеводы послаша Дмитрия Ивановича, Ивана Богдановича, а съ ними дѣти боярскии, воеваша волости князя великаго, только за днище Галича не доходиша, а волости повоевавъ и пожгоша, и полона поимаша безъ числа, а на полону окупъ поимаша, понеже бо суды не подымутъ, а иныи полонъ пометаша. И оттолѣ поидоша по Двинѣ къ городку къ Орлецу, воюя волости князя великаго, и приидоша къ Орлецу городку, и стояша подъ городкомъ 4 недѣли, поставиша пороки, и оступиша городокъ, и начаша бити пороки. И вышедши двиняне изъ городка, и начаша бити съ плачемъ воеводамъ и всѣмъ воемъ новогородскимъ, и воеводы новогородскии и вси вои, по своего господина по новогородскому слову, челобитье прияша двинянъ, а нелюбия имъ отдаша, а воеводъ заволостскихъ Ивана и Конона съ други изымаша овыхъ смертию казниша, а Ивана и брата его Алфана и Герасима и Родиона исковаша, кто водилъ Двинскую землю на зло; а у князя Феодора Ростовскаго взяша присудъ или пошлины, что поималъ, а самому съ други животъ даша, а у гостии князя великаго взяша съ головъ окупа 300 рублевъ, а у двинянъ за ихъ преступление и за ихъ вину воеводы и вси вои новогородцы взяша 2000 рублевъ, а 3000 коневъ: бяше бо всѣхъ новогородцевъ 3000. Постави архиепископъ новогородскии владыка Иоаннъ церкву каменну святое Воскресенье на воротѣхъ, и свяща ю самъ. Постави Михаилъ Крупа церковь каменну святаго Николы конецъ Люгощи улицы и Чюдинцевы. Тои же осени, по владычню благословению Иоаннову, ходиша послы изъ Новагорода: архимандритъ Парфении и посадникъ Есипъ Захарииничъ и житыи люди къ великому князю Василию Дмитриевичу, взяша миръ съ великимъ княземъ поВперёдѣ. Тои же зимы приидоша изъ Заволочья воеводы новогородскии въ Новъгородъ: посадникъ Тимофѣи, посадникъ Василии, и бояре и дѣти боярскии, и вси вои добры здоровы; и рады быша новгородцы своеи братии, а перевѣтника Ивана Никитина скинуша съ /л.108./ мосту; а Герасимъ и Родионъ съ плачемъ добиша челомъ великому Новогороду, и Новъгородъ даша животъ, и постригошася въ мнишескии чинъ, а Алфанъ избѣжа на пути.


лл. 118—119. 6950—6952 гг.


 1 На полях написано 1442

 2 К слову осмого сделано той же рукою, но более мелким почерком, следующее примечание подъ строкою: осмыи соборъ былъ во время императора Василия и патриарха Фотия, въ лѣтѣ по христѣ 870-мъ. Въ лѣтѣ же отъ христа 1431-мъ яачался соборъ во время императора римскаго Сигисмонда въ городѣ Базилии, и продолжался болѣе десяти лѣтъ, то есть до 1442-го. И можетъ быть что Исидор митрополитъ тогда возвратился съ того собора, а не съ осмаго

Въ лѣто 6950 1. [1442] Князь великии московскии Василии Васильевичь возверже нелюбовь на Великии Новъгородъ, присла грамоту вскладную и повоева волости новогородскихъ много. Новогородцы же послаша архиепископа Еуфимия и съ нимъ бояръ и житыхъ людеи, и наѣхаша его въ Деревѣхъ у города у Дѣмона, и докончаша съ ними миръ поВперёдѣ, и даша ему 50000 рублевъ, а псковичи пособляху князю великому Василию, много земли новогородския повоеваша и пакости сотвориша не мало. Въ то же время воеводы новогородскии съ заволочаны по князя великаго земли воеваша много противу того, что князь воевалъ новогородския волости. Тои же зимы приѣха митрополитъ Исидоръ съ осмого 2 собора на Русь изъ Рима, и нача зватися легатосомъ отъ ребра апостольскаго, сѣдалища римския власти, и митрополитомъ римскимъ, и нача поминати папу римскаго въ службѣ, и иныя новыя вещи, ихъ же николиже слышахомъ отъ крещения Руския земли; и повелѣ въ лядскихъ божницахъ рускимъ попомъ свою службу служити, а въ рускихъ церквахъ капланомъ, Литва же и Русь за то не изымашася. Того же лѣта, повелѣниемъ архиепископа новогородскаго Еуфимия, подписана бысть церковь св. Николы на Вежищахъ. Того же лѣта подписана бысть полата большая владычня, и сѣни прежнии. Того же лѣта постави архиепископъ Еуфимии церковь святаго Бориса и Глѣба, на старои основѣ въ околоткѣ; и быша ему пособницы новогородцы.

 1 На полях написано 1443

Въ лѣто 6951 1. [1443] Приѣха митрополитъ изъ Литвы на Москву, и князь великии Василии Васильевичъ повелѣ ему служити; и слышавъ отъ него въ службѣ, что поминаетъ папу римскаго, а не патриарха Царяграда, и иныя вещи многия не по обычаю земли Руския, и рече князь великии: «при нашеи братии, князеи великихъ Руския земли, сего не бывало, и азъ сего не хощу слышати»; и по/л.118об./велѣ жити ему въ монастырѣ и приставомъ повелѣ стрещи его, онъ же избѣжа въ Тферь и оттолѣ въ Литву. Того же лѣта князь великии московскии возверже нелюбие на князя Дмитрия Юрьевича и погонися по немъ; и онъ отбѣжа въ новогородскои Бѣжецскии верхъ, и много волостямъ пакости сотвори; и присла въ Новъгородъ посолъ: «чтобы мя есте прияли на своеи воли». Новогородцы же отвѣщаша: «хошь, княже, и ты къ намъ поѣди; а не восхощешь, ино какъ тебѣ любо». Того же лѣта постави боголюбивыи архиепископъ новогородскии владыка Еуфимии святаго Спаса Преображения въ Русѣ, на старои основѣ, а быша пособницы новогородцы и рушане; и совершена бысть семтеврия мѣсяца въ 13-и день. Въ тои же день приѣха изъ Новагорода архиепископъ, и облечеся во вся священныя одежды, и съ нимъ соборъ св. Софии, и повелѣ рускимъ игуменомъ и попомъ съ собою службу служити, и свяща ю самъ на праздникъ Воздвижения честнаго креста, и добрѣ ю украси, и иконы на златѣ добрымъ писаниемъ устрои, и ины потребныя мѣста добрѣ соверши, яко же подобаетъ церкви на красоту, и церковныя служебныя сосуды сребряны сотвори, и иныя сосуды сребряны устрои на потребу монастыря. Того же лѣта постави архиепископъ владыка Еуфимии церковь каменну святаго Николы въ своемъ дворѣ. Того же лѣта поставиша церковь каменну святаго Прокопия на Бѣлои. Того же лѣта постави архиепископъ Еуфимии поварни каменны и комнату каменну въ своемъ дворѣ. Того же лѣта бысть пожаръ въ Плотницскомъ концѣ: загорѣся отъ Щитнои улицы, и погорѣ половина Конюховы улицы и Запольская вся, и за городъ прешедъ, погорѣ. И паки того же мѣсяца маия въ 11-и загорѣся на Подолѣ, и бысть пожаръ лютъ и пакости людемъ много„ и церквеи каменныхъ огорѣ 12, а христианскихъ душъ богъ вѣсть колико сгорѣ, и конецъ весь погорѣ до святаго Георгия, и ту преста /л.119./ на Лубяницѣ. И по малѣ времени, того же мѣсяца, погорѣ Заполие Микитины улицы, и бысть пакость велика людемъ, кои вносилися къ нимъ съ животы своими. Въ то же время людие отъ скорби тоя великия пожарныя, похвативше люди, глаголюще отъ ярости смущены: «въ таинѣ ходите и людемъ не являетеся, и зажигаете градъ, и людеи губите», диаволи 1 есть глаголюще, 1 а богъ вѣсть испытания человѣческая.

 1 Текст искажен. Так и в Р. В К право ли есть глаголющаа 2 На полях написано 1444

Въ лѣто 6952 2. [1444] Постави архиепископъ новогородскии владыка Еуфимии духовницу каменну и сторожню каменну въ своемъ дворѣ. Того же лѣта поставиша церковь каменну на Кречевѣ въ Русѣ.


Назад    Оглавление    Вперёд


 
Ко входу в Библиотеку Якова Кротова