Ко входуБиблиотека Якова КротоваПомощь
 


Назад    Оглавление    Вперёд
Двойной щелчок левой кнопкой мыши показывает/скрывает примечания к тексту.


А СЕ УСТАВЪ ЯРОСЛАВЛЬ. СУДЫ СВЯТИТЕЛЬСКЫА.


Се азъ князь великыи Ярославъ, сынъ Володимеровъ, по данию отца своего, съгадалъ есмь с митрополитомъ киевьскиимъ и всеа Руси Илариономъ, сложихомъ греческыи номоканонъ, еже не подобаеть сихъ тяжь судити князю, ни бо/л.269об./ляромъ его, ни судиямъ его; далъ есмь митрополиту и епископомъ: роспусты по всѣмъ городомъ, десятую недѣлю мыта къ церкви и къ митрополиту, а людемъ его не даяти мыту никдѣ, ни тамгы; и осмьничее далъ есмь.

Аще кто умчить дѣвку или понасилить, аще боярьская дщи будеть, за соромъ еи 5 Гривенъ золота, а митрополиту 5 гривенъ золота. Аще будеть мѣнших бояръ, еи гривна золота, а митрополиту гривна золота. Аже добрыихъ людеи будеть, двѣ гривнѣ серебра за соромъ, а митрополиту рубль, а на умычницѣх по 60 митрополиту, а князь ихъ казнить.

Аще кто пошибаеть боярьскую дщерь или боярьскую жену, за соромъ еи 5 гривенъ золота, а митрополиту такожде; а меншихъ бояръ гривна золота, а митрополиту гривна золота; а нарочитыхъ людии два рубля, а митрополиту два рубля; а простои чяди 12 гривнѣ кунъ, а митропо. литу 12 гривнѣ кунъ, а князь казнить. /л.270./

Аще же пустить бояринъ жену великих бояръ, за соромъ еи 300 гривенъ, а митрополиту 5 гривенъ золота; менших бояръ гривна золота, а митрополиту гривна золота; нарочитых людии 2 рубля, а митрополиту 2 рубля; простои чяди 12 гривенъ, а митрополиту 12 гривенъ, а князь казнить.

Аще дѣвка блядеть или дѣтяти добудеть у отца и у матере, или вдовою, обличивши пояти ю въ домъ церковныи. Такоже и жена безъ своего мужа или при мужи дѣтяти добудеть и погубить, или въ свинии въкинеть, или утопит, обличивше пояти в домъ церковныи, а чимъ ю пакы род окупи А.

 А В сборнике Авраамки окупить (см. ПСРЛ, т. XVI, стр. 268).

Аще дѣвка засядеть великых бояръ, митрополиту 5 гривенъ злата; а менших бояръ митрополиту гривна золота; а нарочитыхъ людѣи митрополиту два рубля или 12 гривенъ; а простои чяди митрополиту гривна сребра или рубль.

Иже дѣвку кто умолвить к себѣ и дасть ю в толоку, а на умычницѣ митрополиту /л.270об./ гривна сребра, а на толочянѣхъ по 60, а князь казнить.

Аще мужь от жены блядеть, мужь тои митрополиту въ винѣ, а князь казнить.

Аще мужь оженится иною женою, а съ старою не роспустився, мужь митрополиту въ винѣ, а молодую пояти в домъ церковныи, а съ старою ему жити.

Аще поидеть жена от своего мужа за иныи мужь или иметь блясти отъ мужа, ту жену пояти в домъ церковныи, а новожена въ продажѣ митрополиту.

Аще будеть женѣ лихии недугъ или слѣпота или долгаа болѣзнь, про то ея не пустити; такоже и женѣ нѣлзѣ пустити мужа.

Аще кумъ с кумою блуд сътворить, митрополиту 12 гривенъ, а про опитимию по закону указание от бога.

 А В рукописи низь

Аще кто зажьжеть гумно или дворъ или иное что, митрополиту 40 гривенъ, а опитимию подоимуть, а князь А казнить.

Аще кто съ сестрою блуд створить, митрополиту 40 гривенъ, а въ опитимьи указание по закону.

Аще ближнии родъ поимется, митрополиту 30 или 40 гривенъ, /л.271./ а ихъ разлучити, а опитимию да приимуть.

Аще кто иметь двѣ женѣ водить, митрополиту 20 гривенъ; а котораа подлегла, тую поняти в домъ церковныи, а первую жену дръжати и водити по закону; а иметь ю лихо водити и дръжати, казнию казнити его.

Аще мужь роспустится съ женою по своеи волѣ, а будеть ли вѣнчалнаа, и дадять митрополиту 12 гривенъ; а будуть ли не вѣнчялныи, митрополиту 6 гривен.

Аще ли жидовинъ или бесерменинъ будеть с рускою, или иноязычникъ, на иноязычницѣхъ митрополиту 50 гривен, а руску поняти въ домъ церковныи.

Аще кто съблудить съ черницею, митрополиту 40 гривенъ, а въ опитимию вложить.

Аще кто съ животиною блуд створить, митрополиту 12 гривенъ, а въ опитимью и въ казнь по закону.

Аще свекръ съ снохою съблудить, митрополиту 40 гривенъ, а опитимию приимуть по закону.

Аще кто съ двѣма сестрама въ блудъ впадеть, митрополиту 30 гривенъ. /л.271об./

Аще дѣверь съ падчерицею блудить, митрополиту 12 гривенъ.

Аще девѣрь съ ятровию въпадеть въ блуд, митрополиту 12 гривен.

Аще кто съ мачехою въпадеть въ блуд, митрополиту 12 гривен.

Аще два брата будуть съ единою женою, митрополиту 30 гривен, а жена поняти в домъ церковныи.

Аще отець съ дщерию падется, митрополиту 40 гривенъ, а опитимию приимуть по закону.

Аще дѣвка не въсхощеть за мужь, то отець и мати силою дадуть, а что дѣвка учинить над собою, то отець и мати митрополиту въ винѣ, а исторъ има платити. Такоже и отрокъ.

Аще кто назоветь чюжую жену блядию, а будеть боярьскаа жена великыихъ бояръ, за срамъ еи 5 гривенъ злата, а митрополиту 5 гривенъ злата, а князь казнить; и будеть меншихъ бояръ, за срамъ еи 3 гривны золота, а митрополиту 3 гривны злата; а оже будеть городскыихъ людеи, за соромъ еи 3 гривны сребра или рубль, а митрополиту такоже; а сельскои женѣ 60 рѣзанъ, а митрополиту 3 гривны. /л.272./

Аще кто пострижеть кому главу или бороду, митрополиту 12 гривенъ, а князь казнить.

Аще мужь иметь красти коноплѣ или ленъ и всякое жито, или жена, митрополиту 3 гривнѣ.

Аще мужь крадеть бѣлыи порты и полотна и портищя, митрополиту 3 гривны. Такоже и жена.

 А В списке устава, находящегося в Соловецкой кормчей 1493 г.: сговорное (см. Е. Голубинский. Ист. русской церкви, т. I. М., 1901 г., стр. 635).

Аще кто иметь красти свадебное и сгородное А, все митрополиту. Аже про дѣвку сыръ краянъ будеть, за сыръ гривну, а за срамъ еи 3 гривны, а что потеряно, а то еи заплатити; а митрополиту 6 гривенъ, а князь казнить.

Аще жена у мужа крадеть, а обличить ю, митрополиту 3 гривны, а мужь казнить ю; а про то ихъ не разлучити. Аще клѣть покрадет, такоже сътворить еи. Аще сноха у свекра крадеть, такоже над нею да сътворять. Аще жена будеть чяродѣиница, или наузница, или волъхва, или зелеиниця, или мужь, доличивъ казнить ю, а не лишиться, митрополиту 6 гривенъ.

Аще мужа два биетася женьскы, любо одереть или укусить, митрополиту 12 гривен или гривна. /л.272об./

Аще жена мужа биеть, митрополиту 3 гривны.

Аще двѣ женѣ биються, митрополиту 60 рѣзанъ или 6 гривенъ на виноватои.

Аще которыи мужь бьеть чюжую жену, за срамъ еи по закону, а митрополиту 6 гривенъ.

Аще ли сынъ биеть отця или матерь, да казнять его властельскою казнию, а митрополиту въ винѣ, в домъ церковныи такыи отрокъ.

Иже чернець или черниця, или попъ или попадия, или вдова, или проскурниця или пономарь въпадуть въ блудъ, тѣхъ судити митрополиту оприсно мирянъ; а во что ихъ осудить, воленъ.

Иже дѣвка въсхощеть за мужь, а отець и мати не дадять еи, а что створить над собою, отець и мати митрополиту въ винѣ. Тако и отрок.

Аще попъ или чернець или черниця упиется безъ времени, митрополиту въ винѣ.

Аще кто зажьжеть дворъ или гумно или ино что, митрополиту 40 гривенъ, а князь казнить.

Аще кто поганое ясть по своеи волѣ, или кобылину или медвѣжину, или иное что отреченное, митрополиту въ /л.273./ винѣ и въ казни.

 А В сборнике Авраамки предѣлѣ (стр. 270).

 Б В рукописи уздѣ

Иже попъ дѣти креститъ в чюжемъ переѣздѣ А у иного попа, развѣе нужда или при болѣзни, а что створить крещеньское не въ своемъ уѣздѣ Б, митрополиту въ винѣ будеть.

А съ некрещенымъ или иноязычьникомъ или от нашего языка некрещенъ будеть, ни ясти ни пити съ нимъ, дондеже крестится» а вѣдаа кто ясть и пиеть, да будеть митрополиту въ винѣ.

Аще кто съ отлучеными ясть и пиеть, да будеть самъ отлученъ.

Аще кто съ бесерменкою или съ жидовъкою блуд створить, а не лишится, от церкве да отлучиться и от християнъ; и митрополиту 12 гривенъ. Аще чернець или черниця рострижеться, митрополиту 40 гривенъ.


А сими винами разлучити мужа съ женою :

А се 1 вина: аще услишить жена от иныхъ людеи, что думають на царя или на князя, а того мужю своему не скажеть, а опослѣ обличится, разлучити ихъ.

А се 2 вина: аще мужь застанеть свою жену с любодѣемъ или учинить на ню добрыми послухы исправу, /л.273об./ разлучити а.

А се 3 вина: аще подумаеть жена на своего мужа зелиемъ или ивыми людьми, а она имет вѣдати, что мужа ея хотять убити или уморити, а мужю своему не скажеть, а напослѣдь обьявиться, разлучити.

А се 4 вина: аще жена безъ мужня слова иметь съ чюждиими людьми ходити или пити или ясти, или опроче дому своего спати, а потомъ увѣдаеть мужь, разлучити.

А се 5 вина: аще жена иметь, опроче мужа своего волѣ, ходити по игрищамъ или въ дни или в нощи, а мужь иметь съчивати, а она не послушает, разлучити ю.

А се 6 вина: аще жена на мужа наведеть тати, велить покрасти дворъ мужа своего, или сама покрадеть, или товаръ или церковь покрадши, а инѣмъ подаеть, про то ихъ разлучити.

А что ся дѣеть в манастырьскыхъ людехъ и въ церковных и въ самѣхъ манастырехъ, да не въступается князь ни волостель в то, да вѣдають ихъ митрополичи волостели, а безъзадщина ихъ поидеть къ /л.274./ волостелю митрополичю.

Аще кто уставъ мои преступить и уставление мое порушаеть, или сынове мои, или внуци мои, или правънуци мои, или от рода моего кто, или от рода болярьскаго, бояръ моихъ бояре, а порушають моя ряды и въступять въ судъ митрополичь, что есмь далъ митрополиту и епископомъ церковныя суды по правиломъ святыхъ отець, судивше и казнити по закону тяжьцѣ; а кто иметь судити, станеть съ мною наВперёдѣмъ судѣ прѣд богомъ, и да будеть на немъ клятва святыхъ отецв 300 и 18, иже в Никеи, всѣхъ святыихъ. Аминь.



О ЖЕНИТВѣ.


Еретицѣ хулять древнии святѣи мужи, не по закону женитву творящихъ.

 А В рукописи крив и далее, после букеы в бумага подскоблена.

 6 Так в рукописи.

Толкъ. Святи суть и праведни Авраамъ и Исаакъ, Иаковъ, Июда, и Лотъ, и Давыдъ, и Самсонъ; Иеффаи, дщерь убивъ, не отверъженъ есть; такоже и жены ихъ Авраамовѣ меншицѣ, Иаковлѣ и Июдинѣ Фамарѣ тожде въ первомъ законѣ было. А въ благодатнѣмъ кто бы тако сътворилъ, проклятъ бы былъ. Да не помышляи никтоже нынѣ тако дѣя праведенъ /л.274об./ быти, не смотря разумомъ, криво А глаголати; и первыхъ хуля, да не въпадеши въ ересь.


УСТАВЪ ВЕЛИКОГО КНЯЗЯ ВСЕВОЛОДА О ЦЕРКОВНЫХЪ СУДѣХЪ, И О ЛЮДѣХЪ, И О МѣРИЛАХЪ ТОРГОВЫХ.


Се азъ князь великыи Всеволод, нареченныи въ святѣмь крещении Игθшь, правнукъ Игоревъ и блаженныя прабабы Олгы, нареченныя въ святѣмь крещении Елена, и матере Володимеровы, нареченнааго въ святѣмь крещении Василие, и ты ѣгда приялѣ святое крещение от греческыихъ цареи и от Фотия патриарха цареградскааго, взяшя перваго митрополита Михаила Киеву, иже крести всю Русьскую землю. Потом же, лѣтомъ многымъ минувшемь, мляся Б Спасу и пречистѣи его матери святѣи богородици приснодѣвѣи Марии, устроишя церковь святую Богородицу Десятинную, и дашя еи десятину въ всеи Русскои землѣ, и съ всихъ княжении въ съборную церковь святыя Богородица, иже въ Киевѣ, и святѣи Софии киевьскои, и святѣи Софии новгородскои, и митрополитомъ киевъскыимъ, и архиепископомъ новгородскыимъ, от всякого княжя суда /л.275./ десятую вѣкшу, а ис торгу десятую недѣлю, а из домовъ на всякое лѣто и от всякого стада и от всякого жита десятое, святому Спасу и пречистѣи его матере и премудрости божии святѣи Софии.

А се изъобрѣтохомъ въ греческомъ номоканонѣ, что сихъ судовъ и тяжь не судити князю, ни его дѣтемъ, ни его намѣстникомъ, ни его боляромъ, ни его тиуномъ, ни десятника не дръжати; и съзвалъ есмь

 А В рукописи обокы

 Б В рукописи вѣньцѣ

 В В рукописи твероногою

 Г В сборнике Авраамки в церкви (стр. 273).

 Д В сборнике Авраамки тыи (стр. 273).

10 сочкихъ и старосту Болеслава, и бириця Мирошку, и старосту Иваньскаго Васяту, и погадалъ есмь съ владыкою и съ своею княгынею, и съ своими боляры, и съ десятию сочьскыми и съ старостами: далъ есмь суд и мѣрила, иже на торгу, святѣи Богородици въ Киевѣ и митрополиту; а в Новѣгородѣ святѣи Софии и епископу и старостѣ Иваньскому и всему Новугороду мѣрила торговаа, скалвы вощаныи, пуд медовыи, и гривенку рублевую, и локоть Еваньскыи, и свои оброкъ: кубець черницамъ, а попу Иваньскому рускаа пись с Борисоглѣбьскымъ наполъ, /л.275об./ а сторожю Иваньскому рускои порочици пятно да десять конюховъ соли. А не въступатися в тыи оброкы А моимъ дѣтемъ, ни моимъ намѣстникомъ, ни моимъ боляромъ на домъ святии Софии и святого Ивана; а домъ святѣи Софии владыкамъ строити съ сочьскыми, а старостамъ и торговьцамъ докладываа владыкы или кто будеть нашего рода князеи Новагорода строить домъ святого Ивана. А се приказываю своимъ намѣстникомъ и тиуномъ суда церковнаго не обидѣти, ни судити безъ владычня намѣстника. А се дахъ въ олтарь святѣи Софии и причту церковьному в седеньникъ сѣнаникъ вѣцьнѣ Б; что суды церковныя, то святѣи Софии. А кто нашего роду пограбить или отъиметь, того повелѣхомъ владыцѣ съборомъ въ синаницѣ проклинати.

А се суды церковныя: роспускы, смилное, заставание, умычка, пошибалное, промежи мужемъ и женою о животѣ и о бездѣтномъ животѣ, въ племени или въ сватовьствѣ поимутся, потворы, /л.276./ чяродѣяние, влъхвования, вѣдьство, зелеиничьство, зубоѣжа, урѣкания три: бляднею, зелии, еретичьсто; отца или матерь биеть сынъ или дщи, или сноха свекровь, братия или дѣти тяжются о задницѣ, церковнаа татба, мертвеци съвлачають, крестъ посѣкуть или и на стѣнахъ рѣжють, или два мужа имут ся бити и единого жена иметь за лоно другаго раздавить, или кого застаиуть съ четвероногою В, или кто молится под овиномъ или в рощении или у воды, или дѣвка дѣтя повержеть, скотъ или псы или поткы или ино что неподобно церкви Г подѣють. А тыи суды вси церкви даны суть епископу; а князю и боляромъ и судиямъ въ тыся Д суды не въступатися. А то далъ есмь по прьвыхъ царевъ уряжению и по вселеньскыихъ святыхъ 7 съборовъ великыхъ святитель. А посемъ не въступатися дѣтемъ моимъ, ни внучатамъ моимъ, ни всему роду моему до вѣка въ люди церковныи, ни въ вси суды ихъ; аже кто прѣобиЦдить нашь уставъ, таковымъ непрощеномъ быти от закона божиа, и горе себѣ наслѣдують, и мука вѣчнаа ждеть ихъ.

 АА Написано на полях с выносным знаком тем же почерком и теми же чернилами.

А о всѣхъ, что преди писано, дръжахъ за своими боляры, аже они обидять гостеи, а гдѣ живуть, тымъ наровять, а княжю душю топять. И азъ въсмотрѣхъ въ Фотѣя патриарха цареградьскааго грамоты, что принеслъ на Русь князь великыи Владимеръ, нареченныи въ святѣмь крещении Василие, сынъ Святославль, а внукъ Игоревъ и преблаженныя княгыни прабабы Олгы, аже стоить въ грамотѣ: торговыя вся вѣсы, мѣрила и скалвы вощаныя, и пуд медовыи, и гривенка рублеваа и всякая извѣсть, иже на торгу промежи людьми, от бога тако исконѣ уставлено есть: епископу блюсти безъ пакости, ни А умаливати  А, ни умноживати, а на всякыи годъ извѣщивати; а скривится, а кому приказано, а того казнити близко смерти, а животъ его на трое: треть живота святѣи Софии, а другаа треть святому Ивану, а третьая треть сочьскымъ /л.277./ и Новугороду; а епископу, не управивъ того, за все то дати ему слово въ день великааго суда; а печяловатися ему о томъ управлении якоже и о душахъ человѣчьскыихъ; аще же управить епископъ сия управления нашя, блаженъ будеть и небесному царствию наслѣдникъ будеть; а не урядить, а мы то съ своеи души сводим.

А се церковныи люди: игуменъ, игумениа, попъ, дияконъ и дѣти ихъ, а кто въ крилосѣ, попадия, чернець, черница, проскурниця, паломникъ, свѣщегасъ, стороникъ, слѣпець, хромець, вдовиця, пущеникъ, задушьныи человѣкъ, изгои трои: поповъ сынъ грамоты не умѣеть, холопъ из холопьства выкупится, купѣць одолжаеть; а се четвертое изгоиство и себе приложимъ: аще князь осиротѣеть; манастыреве, болници, гостинници, странноприимъници, то люди церковныи богадѣлныи; или митрополитъ или епископъ тыи вѣдають между ими суд или обиду, или кому прикажють, яли которого /л.277об./ задниця, или будеть иному человѣку с тыми людьми рѣчь, ино обчии судъ. Своимъ тиуномъ приказываю суда церковнааго не обидѣти, а съ суду давати 9 чястеи князю, а десятую святѣи Софии за княжю душю. А кто приобидить суды церковныи, платити ему собою, а прѣд богомъ тому же отвѣщяти на страшнемъ судѣ пред тмами ангелъ, идѣже когождо дѣла не съкрыются, благаа же и злаа, идѣже не поможеть никто же никому же, но токмо правда избавить от вторыя смерти и от вѣчныя мукы и от огня негасимааго.

Якоже есмы управилѣ по святыхъ отець правиломъ и по первых цареи и князеи уряжению, а кто иметь преступати сия правила, или дѣти мои, или внучята, или правнучята, или въ коемъ городѣ намѣстникъ, или тиунъ, или судиа, или кто а пообидить суды церковныи, да будуть прокляти въ сии вѣкъ и въ будущии седмию съборы святыхъ отець вселеньскыихъ.

А та вся дѣла приказахъ святѣи Со/л.278./фии и всему Новугороду моимъ мужамъ и 10-ти сочьскыимъ: вы блюдите; а не възблюдете, и вы сами за то отвѣтъ дадите въ деньВперёдго суда пред лицемъ царя славы. Аминь.

А се изъискахъ: у третиеи женѣ и у четвертои дѣтемъ прелюбодѣинаа чясть въ животѣ. Аще будеть полнъ животомъ, ино дасть дѣтемъ третиеи женѣ и четвертои по уроку, занеже тѣи от закона отлученѣ; а человѣку ся получяеть по грѣхомъ, занеже прелюбодѣинии, а не благословении богомъ. И азъ самъ видѣхъ тяжю промежю первою женою и дѣтеи съ третьею женою и съ дѣтми, и съ четвертою женою и съ дѣтми; из велика живота дати урочнаа чясть по оскуду, а из мала живота како робичичю часть: конь да доспѣхъ и покрутъ, по расмотрению живота. А тое все приказахъ епископу управливати, а смотря въ маноканонъ, а мы съ своеи души сводимъ. /л.278об./


Назад    Оглавление    Вперёд


 
Ко входу в Библиотеку Якова Кротова