Ко входуБиблиотека Якова КротоваПомощь
 


Назад    Оглавление    Вперёд
Двойной щелчок левой кнопкой мыши показывает/скрывает примечания к тексту.


УСТАВ ВЕЛИКОГО КНЯЗЯ ЯРОСЛАВА.


 А Написано на полях с выносным знаком тем же почерком и тема же чернилами.

Писано бо есть: проливаяи кровь человѣчьску за кровь оного да пролиется кровь его. Испытаите убо съ многою истинною виноватаго, но прежде оклеветающаго, како есть житие его. И аще благосъвѣтникъ и благовѣренъ обрящется, но тако не имѣте ему вѣры. Безаконно бо есть тако свѣдѣтельство, но да имать и инѣхъ свѣдѣтеля посрамны и единого нравы да пред двѣма или треми свѣдѣтели праведными станеть всякъ глаголъ. Речено есть: да не приимеши послушества лжа, но да не сядеши съ многыми уклонити правду. Подобаеть же судимаго испытати, како есть житие его и нравъ свѣдѣтельствуемое житие его. Аще не виноватъ и долго не дръжить гнѣва, или преподобенъ, или страннолюбець, и нищелюбець, и цѣломудръ, и святъ от лжа, и кромѣ всякыя лукавныя вещи; мужь бо, рече, не искусимъ и не ключимъ къ богу. Рече бо Соломонъ: послушаите, внушите /л.279./ вси судящии земли, яко от бога дасться вамъ власть и сила от вышняго. И пакы: горе оправдающему нечестиваго мьзды ради и от праваго правду отъемлющему. Давыи бо намъ богъ А власть истяжеть скоро ваша дѣла и помысли испытаеть; якоже бо служитёле есте царствия, ти не судисте право, ни съхранисте закона божиа, ни въ повелѣнии его пребысте; страшно убо и скоро придеть на вы испытание, яко суд немилостивъ на обладающаго бываеть, ибо меншии достоини суть милости, силнии же испытани будуть. И рече бо господь: ему же дасться мало, и мало истяжють от него; а ему же много, то много истяжють от него. Тѣм же съ многымъ тръпѣниемъ уловивше правьду, сътворитеВперёд, овии бо от человѣкъ за неразумие добрѣ истинны прелщаются, овии же хитростию прелщаются, друзии же златолюбия ради корчемьствують.


Правда Русьскаа.


 А Буква д над строкой: братучяд

 6 В рукописи лю любо

 В 3десь пропуск в списках Археографического вида (см. Правда Русская, азд. Академии Наук СССР, 1940 г., стр. 301). После слова дѣтчи написаны без перерыва слова въ дикую

Оже убиеть мужь мужа, то мьстити брату брата, любо отцю, любо сыну, любо братучяду А, /л.279об./ любо братню сынови; оже не будеть кто его мьстя, то положить за главу 80 гривенъ, аще ли будеть княжь мужь или тиунъ княжь; аще будеть горожанинъ, любо гридь, любо Б купець, или тиунъ боярескъ, или мечникъ, ли изгои, или словенинъ, то 40 гривенъ положити за нь.

По Ярославѣ же пакы събрашася сынови его: Изяславъ, Святославъ, Всеволод и мужи ихъ: Коснячьско, Перенѣгъ, Никифоръ и отложишя убиение за голову, кунами ся выкупати; а ино все якоже Ярославъ судилъ, такоже и сынове его уставишя.

О убоиствѣ. Аще убиють княжа мужа въ разбои, а убоиника не ищють, то вервьную платити, в которои же верви голова лежить, то 80 гривенъ; пакы людинъ, то 40 гривенъ. Котораа ли вервь начнеть платити дикую виру, колико лѣтъ за то платять вину, занеже безъ головника имъ платити. Будет ли головникъ ихъ въ верви, то и зане к нимъ прикладыва/л.280./ють, того дѣля помагати имъ головнику, любо дикую вину; но сплатити имъ въбчи 40 гривенъ, а головничьство то самому головнику; а въ 40 гривенъ заплатити ему из дружины свою чясть. Аже будеть убилъ или свадилъ или въ пиру явленъ, то тако ему платити по верви нынѣ, иже ся прикладывають вирою.

Аще станеть въ разбои. Будеть ли стоялъ на разбои безъ всякоя свады, за разбоиника люди не платять, но выдадять и всего съ женою и съ дѣтми..." въ дикую вину и виру, тому людие не помогають, но самъ платить.

А се покони вирнии. А се покони вирнии были по Ярославѣ: вирнику взяти 7 вѣдеръ солоду на неделю, оже овенъ, любо полоть, любо 2 ногатѣ; а в среду куна оже сыръ, а в пятницу тожде; а куровъ по двое ему на день, а хлѣбовъ по 7 на недѣлю, а пшена 7 уборковъ, а гороху 7 уборковъ, а соли 7 головаженъ; то ти вирнику съ отрокомъ; а конии 4, конемъ на во/л.280об./ротъ сути овесъ; вирнику 8 гривенъ, а 10 кунъ прикладнаа, а метелнику 12 вѣкши, а съсаднаа гривна.

А се о вирахъ. Оже будеть вира въ 80 гривенъ, то вирнику 16 гривенъ и кунъ, 12 векшѣ, а переди съсадъная гривна, а за голову 3 гривнѣ.

О княжѣ отроцѣ. А се о княжи отроци, или о конюсѣ, или о поварѣ, то 40 гривенъ. И за тиунъ огнищныи и за конюшии 80 гривенъ А в сельскомъ тиунѣ княжи или в ратаинемъ, то 12 гривенъ. А за рядовичя 5 гривенъ. Такоже и боярескъ.

 А 3десь пропуск во всех списках Археографического вида, кроме СМV (см, Правда Русская, 1940 г ., стр. 301). Написано без перерыва.

О ремественикѣ и о ремественицѣ . А за ремественика и за ремественицу, то 12 гривънѣ.. . А и за кормилицу, хотя снидеть холопъ или роба.

О клепнои вирѣ. Аще будеть на кого клепьнаа вира, то оже будеть 7 свѣдѣтелии, то ти имуть вѣру; пакы ли Варягъ или инъ кто, то 2. А на костехъ по мертвомъ не плакати верви, оже имени не вѣдати, ни знати его.

Свержеть виру. А се оже свержеть виру, то гривна сме/л.281./тная кунъ отроку; а кто клепалъ, а тому дати другаа гривна; а от виры помечного 9 кунъ. Искавъ же послуха, не налѣзеть, а истець начнеть головою клепати, тому правда желѣзо. Тако же и въ всѣхъ тяжахъ, и въ тадбѣ и въ поклепѣ. Оже не будеть истьця, тогда дати ему желѣзо из неволѣ до полугривнѣ золота; аже ли мѣне, то на воду, или до двою гривну; аще ли мѣне, то ротѣ ити ему по свои куны.

Аще ударить мечемъ. Аще кто ударить мечемъ, вынезъ его, или рукоятию, то 12 гривнѣ продажи за обиду. Оже ли вынемъ мечь, а не ударить, то гривна кунъ. Оже кто кого ударить батогомъ, или чяшею, или рогомъ, или тылеснию, то 12 гривенъ. Не тръпя ли противу тому ударить мечемъ, то вины ему в томъ нѣту. Аще ли утнеть руку, а отпадеть или усъхнеть, или нога, или око, или носъ утнеть, то полувирье 20 гривенъ, а тому за вѣкъ 10 гривенъ. Оже утнеть мечемъ кто любо, 3 гривны продажи, а самому гривна. /л.281об./

А се аще придеть кровавъ мужь . Аще придеть кровавъ мужь на дворъ или синь, то видока ему не искати, но платити ему продажа 3 гривнѣ; аще ли не будеть на немъ знамениа, то привести ему видокъ слово противу слова; кто ли будеть почялъ, тому платити 60 кунъ; аще ли кровавъ придеть, или будеть самъ почялъ, а вылѣзуть послусѣ, того ему платежь, оже и билъ. Аще ударить мечемъ, а не потнеть на смерть, то 3 гривны продажи, а самому гривна за рану оже лѣцебнре; потнеть ли на смерть, а вира. Аще кто попьхнеть мужь мужа любо к собѣ, любо от себе, а любо по лицу ударить, а видока 2 выидуть, аще ли жердию ударить, то 3 гривнѣ продажи; аще будеть Варягъ или Колбяг, то полнаа видока вывести, идеть на роту.

О челяди. А челядинъ съкрыется, а закличю и на торгу, за три дни не выведуть его, а познають и въ третии день, то свои челядинъ поняти, а оному платити 3 гривны продажи.

 А В рукописи тада

 Б Так в рукописи; е списках СМV и др.: клетныи (см. Праеда Русская, 1940 г., стр. 303).

 В Так в рукописи; в других списках исцю итти

 Г Так в рукописи; следует свода

 Д Так в рукописи; по другим редакциям не знати

Всяде на чюжь конь /л.282./ Аще кто въсядеть на чюжь конь не прашявъ, то 3 гривны продажи. Аще кто конь погубить, или портъ, или оружие, а заповѣдь на торгу, а послѣди познають въ своемъ городѣ, свое ему лицемъ взяти, а за обиду ему платити 3 гривны. Аще кто познаеть что будеть погубилъ или украдено что у него, или конь, или портъ, или скотина, то не рци: се мое, но иди на сводъ, гдѣ есть взялъ; свѣдет ли ся, кто есть виноватъ, на кого татьба А сниде, тогда свое возметь и что будеть съ нимъ погибло, тоже ему начнеть платити. Аще будеть коневыи тать, вдати и князю на потокъ; пакы ли будеть клепныи Б тать, 3 гривнѣ платити ему.

О сводѣ. Аще будеть въ единомъ градѣ, то исца ту В до конца того свода; будет ли по землямъ сводъ, то ити ему до третьаго слова Г; а что будеть лице, то тому третьему платити за лице кунами, а с лицемъ ити до конца, или истьцу ждати прока; а гдѣ снидеть на конечнего, то тому все пла/л.285об./тити и продажи.

О тадбѣ. Пакы ли будеть татебно что купилъ на торгу, или конь, или портъ, или скотину, то вывести свободна мужа два или мытьника; аже начнеть знати Д у кого будеть купилъ, то ити по немъ тѣмъ видокомъ на роту, а истьцю свое лицемъ взяти; а что съ нимъ погибло, а того ему желѣти; а оному желѣти своихъ кунъ, зане не знаеть у кого купилъ; познаеть ли на долзѣ у кого купилъ, то свои ему куны, и сему платити что будеть у него погыбло, а князю продажю.

Аще познаеть челядинъ. Аще кто познаеть челядинъ свои украденъ, а поиметь и, то оному вести по кунамъ до третьяго свода; пояти же челядинъ въ челядина мѣсто, а оному дати лице, атъ идеть до конечнего свода, а то есть не скотъ, нелзѣ речи: не вѣдаю у кого есми купилъ, по языку ити до конца; а гдѣ будеть конечныи тать, опять воротити челядинъ, а свои поиметь, и проторю тому же платити, а князю продажа 12 гривьнѣ /л.283./ въ челядинѣ или украдено или уведъше.

О сводѣ же. А изъ своего города въ чюжю землю свода нѣсть, но такоже ему вывести послухы любо мытника, пред кым же купивше, то истьцу лице взяти, а прока ему желѣти, что с нимъ погыбло, а оному своихъ кунъ желѣти.

О тадбѣ. Аще кого убиють у клѣтѣ или у которои тадьбѣ, то убиють и въ пса мѣсто; оже ли додръжить свѣта, то вести и на княжь дворъ; оже ли убитыи, а ужь будуть люди видѣли связана, то платити въ немъ 12 гривны. Аще крадеть скотъ въ хлѣвѣ или клѣть, то аще будеть единъ, то платити ему 3 гривны и 30 кунъ; а будеть ихъ много, то всѣмъ по три гривны и по 30 кунъ платити.

О тадбѣ. Аще крадуть скотъ на полѣ, или овци, или козы, или свиньи, то 60 кунъ; будеть ли ихъ много, то всѣмъ по 60 кунъ. Аще крадеть гумно или животъ въ ямѣ, то колико ихъ будеть было, то всѣмъ по 3 гривнѣ /л.283об./ и по тридесяти кунъ; а у негоже погыбло, аже будеть лице, лицемъ възметь, а за лѣто по полугривнѣ възметь; пакы лиця не будеть, а будеть княжь конь, то платити за нь 3 гривнѣ, а за инѣхъ по двѣ гривънѣ.

А се урѣчи скотомъ. Аже за кобылу 60 кунъ, а за волъ гривна, за корову 40 кунъ, за третьякъ 30 кунъ, за лонъщину полъ гривны, за теля 5 кунъ, за боранъ ногата, за жеребець, аже будеть въсѣдано на нь, то гривна кунъ, а жеребя 6 ногатъ; уречи съмердамъ, оже платять княжю продажю.

Оже будут холопье тати. Аще будуть холопие тати любо княжи, любо боярьскыи, любо чернечьскыи, их же князь продаждею не казнить, зане суть не свободни, то двоици платити къ истьцу за обиду.

 АА В рукописи то купьцю то купцю причем первые два слова зачеркнуты киноварью.

 Б В рукописи покаажаи

Кунъ възыщеть. Аще кто кунъ възыщеть на друзѣ, онъ ся иметь запирати, то оже на нь послуховъ выведуть, то ти поидуть на роту, а онъ възметь куны свои; занеже /л.284./ не далъ ему за многа лѣта, то платити ему за обиду три гривны. Аще кто купець купцю дасть въ куплю куны или въ гостьбу, то А купцю А пред послухы кунъ не имати, послусѣ ему ненадобѣ, но ити ему самому ротѣ, оже ся иметь запирати.

О поклажаи Б. Иже кто поклажаи кладеть у кого любо, то ту послуха нѣсть, у кого лежалъ товаръ; то аще начнеть клепати болшимъ, тому ити ротѣ у кого лежало: како толко еси у мене положилъ, занеже ему бологодѣялъ и хранилъ.

О рѣзи. Аще кто куны даеть в рѣзъ, или наставъ медъ, или жито присопъ, то послухы ему ставити; како ся будеть съ нимъ рядилъ, тако ему имати.

О мѣсячном рѣзу. А мѣсяцьныи рѣзъ, оже за мало днии, имати; заидут ли ся куны до того же году, то дадять ему куны въ треть, а мѣсяцьныи рѣзъ погренути. Послухъ ли не будеть, а будеть кунъ 3 гривны, то ити ему по свои куны ротѣ; /л.284об./ будеть ли кунъ боле, то реци ему тако: промыловалъся еси, оже еси послуховъ не ставилъ.


УСТАВ ВОЛОДИМЕРЬ ВСЕВОЛОДИЧЯ.



А се уставъ Володимерь Всеволодиця: по Святополци съзвавъ дружину свою на Берестовѣмь: Ратибора Киевьскаго тысячьского, Прокопия тысячьского Бѣлогородского, Станислава Переяславьского тысячьского, Нажира, Мирослава, Иванка Чюдиновичя Олгова мужа, и устави до третьяго рѣзу, а еже емлеть куны въ треть; аще кто възметь 2 рѣза, того ему взяти исто; пакы ли возметь 3 рѣзы, то ему иста не взяти.

О рѣзи же. Иже кто по 10 кунъ от лѣта на гривну, то того не отмѣтати.

А се которыи купець истопится. Иже которыи купець, шед кде любо съ чюжими кунами, истопится любо рать возметь а любо огнь, то не насилити ему, ни продати его; но како начнеть мочи от лѣта платити, тако платить, занеже пагуба есть от бога, а не виноватъ есть. Оже ли пропь/л.285./ется или пробьеться, а въ безумии чюжь товаръ потравить, то какъ любо чии то куны, ждуть ли ему, своя имъ воля, продадять ли его.

 А В рукописи продаи

А се долзи. Аще кто многымъ долженъ будет, а пришедыи гость изъ иного города или чюжеземлець, а не вѣдаа запустить за нь товаръ, а опять начнеть не дати гостеви кунъ, а первии долъжници начнуть ему не дати, запирающе кунъ, то вести и на торгъ, продати А же и отдати же первое гостеви куны, а домачнимъ, что ся останеть кунъ, тѣм же ся подѣлять. Аще ли будуть княжи куны, то княжи куны первое взяти, а прокъ въ дѣлъ. Аще кто много рѣзъ ималъ, то тому не имать.

О закупѣ. Аще закупъ бѣжить от господы, то обель; идет ли искати кунъ, а явлено ходить, или къ князю или къ судиамъ бѣжить обиды дѣля своего господина, то про то не работять его, но дати ему правда.

А се о закупѣ. А иже у господина розныи закупы, а погубить воиньскыи конь, то не платити ему; но еже далъ /л.285об./ ему господинъ плугъ и борону, от него же копу емлеть, того погубившю ему, платити; аще ли господинъ его отшлеть на свое орудие, а погыбнеть и без него, того ему не платити.

О закупѣ. Аще изъ забоя выведуть, то закупу того не платити; но оже погубить на поли, или въ дворъ не вженеть и не затворить, гдѣ ему господинъ велить, или орудия своя дѣя, погубить, то ему платити. Аже господинъ приобидить закупа, а въведеть копу его или отарици, то то ему все воротити, а за обиду ему платити 60 кунъ. Аще ли прииметь на немъ кунъ, то опять ему воротити куны, что будеть принялъ, а за обиду платити 3 гривны продажи.

 А В рукописи пиеть

 Б В рукописи плати

 В В списках Пушкинского вида бортную (см. Правда Русская, 1940 г., стр. 288).  Г Здесь пропуск во всех списках Археографического вида, кроме СМV (см. Правда Русская, 1940 г., стр. 309); в рукописи писано без перерыва.  Д Буква д над строкой; можно читатъ накладѣ

Продасть ли господинъ обиль, то наимиту свобода въ всѣхъ кунахъ, а господину платити 12 гривнѣ продажи. Аще господинъ биеть А закупа про дѣло, то без вины есть; биеть ли не смысля, пиянъ, без вины, то якоже въ свободномъ платежь, такоже и в закупѣ.

О закупѣ же. /л.286./ Иже холопъ обилныи выведеть конь чии любо, то платити Б за нь 2 гривнѣ.

А се о холопѣ. Иже закупъ выведеть что, то господинъ въ немъ; иже и гдѣ налѣзуть, то преди заплатить господинъ его конь или что будеть взялъ, а ему холопъ обилныи. Пакы ли господинъ не хотѣти начнеть платити за нь, а продасть и и отдасть иже прежде за конь, или за волъ, или за товаръ, что будеть взялъ, а прокъ ему самому взяти собѣ.

Иже холопъ ударить. Иже холопъ ударить свободна мужа, а въбѣжить въ храмъ, а господинъ его не выдасть, то платити за нь господину 2 гривны; а за тымъ аще и налѣзеть ударенныи тои своего истьця, кто же и ударилъ, то Ярославъ былъ уставилъ убити и, а сынове его по отци уставишя на куны, а любо такоже 2 гривнѣ, а любо взяти гривна за соромъ,

А се о послушьствѣ. На послушество холопа не выкладывають; но оже не будеть свободнаго, то по нужи сложити на боярьскаго тиуна на дворьского, а на иныхъ не выклады/л.286об./вати; и въ малѣ тяжи по нужи сложити на закупа.

А кто порветь бороду, а выиметь знамение, а будуть людие то 12 гривнѣ продажи.

Аще выбьють зубъ, а кровь видять у во ртѣ у него, а люди выидуть, то 12 гривенъ продажи, а за зубъ гривна. А кто украдеть бобръ, 12 гривнѣ продажи. Аще будеть росѣчена земьля, или знамениемъ же ловлено, или сѣтью, то по верви искати к собѣ татя, а любо продажа платити.

Борть разломить. Аще кто борть рознамѣнаеть, то 12 гривнѣ продажи. Аще межю протнеть борть В или ролеиную межю разорет и дворнюю межю претынить, то 12 гривнѣ продажи. Аще дубъ подотнеть знаменныи Г . . .

А се наклад Д. А се накладѣ: 12 гривнѣ, отррку 2 гривнѣ и 20 кунъ, а самому ѣхати съ отрокомъ на двою коню, сути же овесъ на воротъ,

 А В рукописи ногат причем т над строкой.

 Б Над словом олекотъ выносной знак, а на полях, повидимому, той же рукою, но другими чернилами написано под соответствующим знаком гнѣзда

 В В рукописи колколко

 Г В рукописи буд причем д над строкою.

а мяса дати овенъ или полоть, а инѣмъ кормомъ, что има чрево възметь; писцу 10 кунъ, перекладнаго 10 кун, /л.287./ а за мѣх 2 ногатѣ А.

А се о борти. Иже борть потнеть, 3 гривнѣ продажи, а за древо полъ гривнѣ. Оже пчелы выдереть, 3 гривны; а за пчелы, аже будуть не лажены пчелы, то 10 кунъ; будет ли олекотъ Б, то 5 кунъ. Не будет ли татя, то 5 кунъ; аще будеть слѣд или к селу или к товару, а не отсочять от себе слѣду, ни идуть на слѣд или отбиются, то тѣмъ платити и тадбу и продажю; а слѣдъ гнати съ чюжими людьми с послухы; аже погубять слѣд на гостиннице на велице, а села не будеть, или на пути, гдѣже не будеть ни села, ни людѣи, то не платити ни продажи, ни тадбы.

А се о смердѣ. Аще смердъ мучить смерда безъ княжя слова, то 3 гривны продажи, а за муку гривна кунъ; оже огнищянина мучи, то 12 гривны, а за муку гривна.

Аще лодию украдуть, то 60 кунъ продажи, а лодия лицемъ воротити; не будет ли лицемъ, то за заморьскую лодию 3 гривны, а за боиную 2 гривны, а за стругъ /л.287об./ гривна, а за челнъ 8 кунъ.

А се о перевѣсехъ. Аще кто посѣчеть верею въ перевѣсѣ, то 3 гривны продажи, а господину гривъна за верею. Аще кто украдеть чии песъ, или ястребъ, или соколъ, то 3 гривны продажи, а господину гривна; а за голубъ 9 кун, а за утовъ 30 кунъ, за гусь 30 кун; а въ сѣнѣ и въ дровѣхъ 9 кунъ, а господину колко В будеть Г возъ украдено, то имати ему за возъ по двѣ ногатѣ.

А се о гумнѣ. Иже зажжеть гумно, то на потокъ, на грабежь домъ его, прежде пагубу исплативше; а въ процѣ князю поточити и. Такоже кто дворъ зажжеть. А кто пакощами конь порѣжеть или скотину, то продажи 12 гривны, а за пагубу господину урокъ платити.

А тыи тяжи вси судять послухы свободньши. Будет ли послухъ холопъ, то холопу на правду не вылазити. Но аще хощеть истець, или имат нарекати тако: по сего реци емлю тя, а не холопъ, и емлеть на желѣзо; аже обинить и, емлеть свое на немъ, не обинити его, /л.288./ а платити ему, за муку гривна, зане холопьею рѣчью ялъ и. А желѣзного 40 гривенъ, а мечнику пять кунъ, а полъ гривнѣ дѣцьского; то ти желѣзныи урокъ, кто си в чемъ емлеть. А еже емлеть на желѣзо цо свободныхъ и людии рѣчи, любо ли зап на не будеть, любо прохождение нощное, или кымъ убо образомъ аще не ожжется, то про мукы не платити ему ни единого желѣзного, кто и будеть ялъ.

О женѣ. Аще убиеть кто жену, то тѣм же судомъ судити, якоже и мужа. Аще будеть виновата, то полъ виры 20 гривенъ. А в холопѣ и в робѣ виръ нѣсть. Но оже будеть без вины убиенъ, то за холопъ урокъ платити или за робу; а князю 12 гривнѣ продажи.

Аще смердъ умреть безъ дѣтии, то задница князю. Аще дщери будуть у него дома, то даяти чясть на ня; аще будеть за мужемъ, то не дати имъ чясти.

 А Возможно другое чтение боярьстѣ и

 ББ Следует а дьвдери (ср. списки СМV и др.).

 В Букаы тр написаны на скобленном месте.

 Г В рукописи кмо

 Д В рукописи ляди

 Е Следует еи (ср. списки Пушкинского вида, см. Правда Русская, 1940 г., стр. 290).

О задници боярьстии и людьстии . Аще въ боярьстѣи А дружинѣ, /л.288об./ то за князя задниця не идеть; но аще не будеть еыновъ, а Б въ дьщери Б и възмуть. Аще кто умираа розрядить домъ дѣтемъ, на том же стояти; пакы ли без ряда умреть, то всѣмъ дѣтемъ, и на самого чясть души. Аще жена сядеть по мужи, то дати на ню чясть. Аще на ню что мужь възложилъ, тому же есть госпожа, а задниця еи мужня не надобѣ. Будуть ли дѣти, то что первое жены, то то възьмуть дѣти матери своеи; любо си на жену будеть възложилъ, обаче матери своеи възмуть. Аще будеть сестра в дому, то тои задниця не имати, но отдадять ю братьа за мужь, какъ си могуть,

А се уроци городнии. А се урочи городнику: закладаюче городня, куна взяти, а коньчявше ногата; а за кормъ и вологу, и за мяса, и за рыбы 7 кунъ на недѣлю, 7 хлѣбовъ, 7 уборковъ пшена, 7 луконъ овса на 4 кони; имати же ему донелѣже город срубять; а солоду единою дадять ему 10 луконъ.

У роци мостнии. /л.289./ А се уроци мостнику: помостивше мостъ, взяти от дѣла от 10 локотъ по ногатѣ; а починить мосту ветхаго, то толко городьниць починить, то взяти ему по кунѣ от городни; а мостнику самому другу ѣхати на двою коню съ отрокомъ; а овса 4 лукна на недѣлю; а ясти что мога.

А се о безадници. Аще будуть робьи дѣти мужа, то задници не имати имъ, но свобода имъ с материю В. А оже будуть у мужа въ дому дѣти малы, а не дужи ся сами собою печаловати, а мати имъ поидеть за мужь, то кто Г и имъ ближнии будуть, тому же дати на руцѣ с добыткомъ и с домомъ, донелѣже възъмогуть; а товаръ дати имъ пред людьми. А что срѣзить товаромъ тѣмь или пригостить, а прикупъ ему собѣ, а онъ кормилъ и печяловалъся. Аже челяди Д плод или от скота, то все поимати лицемъ; что ли будеть ростерялъ, то все ему платити дѣтемъ тѣмъ. Аще же отчимъ прииметь съ задницею дѣтеи и, то тако есть рядилъ. А дворъ бе/л.289об./з дѣлу отень всяко меньшему сыну.

О жене, аще ворчеться сѣдѣти . Аще жена ворчется сѣдѣти по мужи, а ростеряеть добытокъ, поидеть за мужь, то платити ему Е все

 А В списках Пушкинского вада будуть лиси (см. Правда Русская, I, 1940 г., стр. 291).

 ББ Написано на полях с выносным знаком тем же почерком и теми же чернилами.

 ВВ В списках Пушкинского вида будеть (см. там же).

дѣтемь. Не хотѣти ли еи начнуть дѣти на дворѣ, а она начьнеть всяко хотѣти и сѣдѣти, то сътворити всяко еи, а дѣтемъ не дати волѣ; но что еи далъ мужь, с тѣмъ еи сѣдѣти или, свою часть въземши, сяде же; а матерня часть дѣтемъ не надобѣ, кому сию хощеть дати, тому дасть, дасть ли всѣмъ, и вси роздѣлять; без мужа ли умреть, то у кого ли на дворѣ была и кто ю кормилъ, то тому взяти. Аще будуть двою мужю дѣти, а единои матери, но онѣмь своего отца задниця, а онѣмь своего. Будет ли что потерялъ свэего й отчима, а онѣхъ отця, а умреть, възворотити брату, на нь же людие вылѣзуть, что буде истерялъ отець его отчимля; а что ему своего отця, то держить. А матери которыи еи сынъ будеть добръ, перваго ли мужа, другаго ли, тому дасть свое. Аще ли и вси сынове/л.290./еи будуть А, а дщери можеть дати, которую кормить.

О задници же. Аще братья ростяжются пред княземъ о задници, которыи дѣлець дѣлить, тому взяти гривна кунъ.

А се уроци судебнии. А се уроци судебнии: от виры 9 кунъ, а метьнику 9 вѣхошь, а бортъное земли 30 кунъ, а метнику 12 вѣкши, а от ролѣинои земли такожде, а освободивше челядинъ 9 кунъ, а митнику 9 вѣхошь; а от иныхъ от всѣхъ тяжь, кому помогуть, по 4 куны, а метнику 6 вѣкошь.

А се уроци ротнии. А се уроци ротнии: от головы 30 кунъ, от бортънои землѣ 30 кунъ безъ треи кунъ, такоже и от ролеинои землѣ, а от свободы 30 кун.

А се о холопьствѣ. А холопьство обилное трое: еже къто купить хотя до полугривны, а послухы поставить, а не без него. А другое холопьство: поиметь робу без ряду; поимет ли с рядомъ, то како ся будеть срядилъ, на томже стоить.

А се третьее холопьство: тиунъство без ряду, с рядом ли, то како ся будеть срядилъ, на томже стоить. А в даче /л.290об./ не холопъ, ни хлѣбъ работять, ни по придатцѣ; но оже не ходить года, то ворочяти милость; отходит ли, не виноватъ есть. Аще холопъ бѣжить, за.ювѣсть и господинъ, аще слышавъ кто или Б знаа Б или вѣдаа, оже холопъ, а дасть ему хлѣба или укажеть ему путь, то платити ему за холопъ 5 гривенъ, а за робу 6 гривенъ. Аще кто переиметь чюжь холопъ или робу и дасть вѣсть господину его, то взяти ему гривна переима; не ублюдеть ли его, то платити ему 4 гривны, а холопия пятаа ему переемная; а за робу 5 гривенъ, а шестаа переемнаа ему. А кто самъ своего холопа досочится въ чиемъ любо храмѣ, а не В веде В, посадникъ не вѣдалъ его:

 А Далее — пропуск во всех списках Археографического вида (см. Правда Русская, I, 1940 г., стр. 315); в тексте рукописи перерыва нет.

 ББ В рукописи не вѣдаа яъ

 В  В В рукописи творгъ

 Г Далее начинается текст Закона судного людем.

 Д В Софийской 1-й летописи казначѣемъ (ПСРЛ, т. V, 1925 г., стр. 105).

то, повѣдавше ему, взяти же у него отрокъ, шедше взяти и, и дати ему вязебную гривну А... собѣ ему пагуба; а платит в то никтоже,. тѣм же переима нѣсть. Аще кто не вѣдая чюжь холопъ или усрящеть, или повѣсти дѣеть, или держить у себе, а отъидеть от него, то ити ему ротѣ, яко не вѣдалъ есмь, оже есть холопъ; а платежа /л.291./ в томъ. нѣсть. Аще гдѣ холопъ вылжеть куны, а онъ будеть не Б вѣдаа вдалъ Б, то господину выкупати, а не лишатися; вѣдаа ли будеть далъ, то кунъ лишену ему быти. Аще кто пустить холопъ в В торгъ В, а одолъжаеть, выкупати его господину, а лишитися нельзѣ. Аще кто купить чюжь холопъ не вѣдаа, то первому господину поняти холопъ, а оному куны имати, ходивше ротѣ, како не вѣдаа купилъ есмъ; вѣдаа ли будеть купилъ, то кунъ ему лишену быти. Аще холопъ бѣгаа добудеть товара,. то господину же и долгъ, господину и товаръ, а не лишитйся его. Аще кто бѣжа поиметь что сусѣдне или товаръ, господину платити урокъ, что будеть взялъ. Аще холопъ крадеть кого любо, то господину выкупати, с кымъ будеть кралъ, а женѣ не надобѣ, ни дѣтемъ; но будуть кралѣ съ нимъ и хоронилѣ, то всѣхъ выдати, пакы ли выкулаеть господинъ; аже будуть свободнии с нимъ кралѣ или хоронили, то князю в продажи.

А се бещестие. А за бещестную гривну золота, аще будеть баба /л.291об./ была в золотѣ и мати, взяти ему 50 гривенъ за гривну золота; аще будеть баба не была в золотѣ, а по матери ему не взяти золота, взяти ему гривна серебра; а за гривну сребра полъ осмѣ гривнѣ Г.

О бранехъ и суперничь да ся биют беспрестани. О супостатехъ. Исходящимъ къ супостатомъ на брань подобаеть хранитися от всякого слова неприязнина, и от жены, и къ богу едину мысль имѣти и молитву и свѣт святымъ; съ совѣтом же брани творять, помощь от бога дасться въ сердцихъ съвѣти творити; не съ многою брани творити, но от бога крѣпость, богу дающему побѣду; плѣна же шестаа чясть достоить взяти княземъ; прочее число все всѣмъ людемъ въ равну чясть дѣлятся от мала и до велика: доволѣеть бо княземъ. и казнь Д чясть княжа, а прибытокъ людемъ. Люди обрящются етерѣ, и от тѣхъ друговъ или къметищищь или простых людии подвигь и храборьство съдѣеть обрѣтаются; обрѣтаася князь или воевода в то время от урочена урока княжя да про/л.292./дается; якоже лѣпо есть, да подъемлеть я по чясти; иже обрѣтается на брани, да бываеть чясть, ниже остають наВперёд, да бываеть тако: тако бо глаголано есть и писано и предано от царя и пророка Давыда.

 А В рукописа тъ и знак " над строкой; можно читать тъи Б В Софийской 1-й летописи яко и (стр. 106).

А се иже муж от жены блудить с робою . Имѣя жену свою блудить с робою, да ся биеть мужь тъ А; а робу ту достоить от князь земля тоя продати чресъ землю ту въ иную область и цѣну дати убогымъ; тоже блудящаго, по божию закону, достоить, да отдасться божиимъ рабомъ. Съблудяи съ чюжею робою, да ся биеть и да дасть 30 златниць господину рабѣ, якоже преже рекохомъ; аще ли нищь есть, да дасть и тъ А по силѣ своеи господину рабѣ.

Иже блудить с черницею. Блудящему с черницею, по закону людскому носа ему урѣзати.

Иже поиметь куму себѣженѣ. Иже поиметь куму свою женѣ, по закону людскому носа обѣма урѣзати и разлучити я. Аще ли дщерь свою поиметь от святого крещения, суд тот же по людскому, яко и кумомъ, якоже прежде рекохом.

Иже с мужатою женою. /л.292об./ Ижесъ мужатою женою обрѣтается, носа обѣма урѣзати, да биетася; иже самъ мужь заступить, да биеть а оба и Б пса уверзести.

А се о судияхъ и послусѣх. Надо всим же симъ достоить князь или судия съ въстязаниемъ и терпѣниемъ истязание творити, бес послуха не осудити, но въспросити послухы истовыя, боящася бога, не врѣждающя, ни мьсти съ нимъ имѣющя, на негоже глаголют, ни тяжа, ни пря никоеяже, но страха ради божиа и правды. Се же число послухомъ да есть: въ великыа пря от единого до 18, а не ниже сего; а в малыя пря, то до 7 и до 3, а не ниже. Власть же имать на судии, на негоже тожде глаголеть, и да облагаеть послухъ или прогы продажеи или туже казнь, аще когда въ кое время обличяются лжюще. Аще будуть 2 послуха, или будеть на единомъ измѣна какова, то и другыи не послухъ, яко оба лжюще, преступающе законъ божии, или зажитие имѣюще скотьское, или иже о себѣ невѣдимѣ /л.293./ нашею отъемлются.

Приложивыися дѣвици дѣвою. Приложивыисядѣвици дѣвою, а не въ волю рожешимъ ю, послѣжде симъ ощющьшемъ, аще възлюбить ю отрокъ пояти и въсхощета родителя его, тогда будеть съвадьба. Аще ли единъ ею не рачит, то отрокъ дасть дѣвици за срамъ златниць 72; аще имать, то полъ имѣния своего; аще ли нищь есть, то биють и судиа противу силѣ его и от земля тоя да отженеть я. Приложивыися дѣвици дѣвоюВперёдходившю людми, аще еи не будеть кто помога, да биется отрокъ или продатся, а имѣние его да дасться дѣвици все за сором.

 А Вар.: судятъ (см. «Руська Праеда», изд. С. Юшков, стр. 156).

 Б В Софайской 1-й летописи родители и дѣти (стр. 108).

О дѣвици же. Приложивыися дѣвици преже врѣмени 13 лѣт, да продасться отрокъ, дажь и все имѣние его, и да биется, и дасться имѣние его дѣвици.

О дѣвици же. Приложивыися дѣвици обрученѣ мужю, аще въ волю дѣвици, да урѣзается носа ему и да биется 107.

Иже в роду женятся. Кровь мѣсящеи въ свою кровь, свадьбу творящеи, да биются и ра/л.293об./злучаться.

А се имѣя 2 женѣ. Имѣя 2 женѣ, да ся иженеть мѣньшиця и да ся биеть твердѣ, исъженятся съ дѣтьми своими.

А се о запалении. Аще за какую вражду или заграбления ради огнемъ зажигаеть храмы въ градѣ или вънѣ града или въ веси, или села, или хлѣбы, или гумно, или ино что волею токмо, и иже зажигаеть, мечемъ усѣкается.

О зажигании. Аще кто стеблие свое и нивѣ и терние, хотя посѣщи и възгнѣтити огнь, то тоже огнь проидеть и пожжеть чюжая нивы или виноград, достоить судии испытати, аще въ невѣдѣнии или въ благодѣть възгнѣщьшему огнь, то то бываеть безъ тщеты.

О запалении. Аще въ день или в нощь вьялица или вѣтръ възгрѣтить огнь, да не съхранилъ будеть лѣностию или умедлилъ, и пожьжеть огнь, да платить, да биется; аще ли съхранилъ будет, напрасно же духъ буренъ нападеть, сего ради огнь да проидеть да судя А. Аще от туча възгорится храмъ и пожжеть что етеро от /л.294./ своего ему рухла, проидеть огнь и пожжеть окрестныя съсуды и храмы, яко вънезапу бывъшю, да не судится.

Иже прибѣгаеть въ церковь. Никтоже прибѣгающаго въ церковь нужею да не извлечеть; бѣгыи бѣду свою да повѣдаеть попови, и попъ повѣдаеть бѣднаго, и по закону да изищется, испытается обида его. Аще кто покусится нудма прибѣгшяго въ церковь извлещи я, таковъ же биется 144 ранъ; тогда, яко подобаеть, да испытается обида его прибѣгшаго.

Иже имѣеть кто котору какову съ етером что . Всякъ имѣя съ етеромъ котору какову, сам ся стоя с нимъ и въземля от него, а не повѣдая владыкамъ, или по силѣ или насилию, да възвращается. Аще ли что взялъ, то владыцѣ земля тоя, да не владѣеть о себѣ, но да биется и да не строить никогоже.

А се о томъ, иже на ся что възглаголеть роди дѣти . Роди дѣтии Б, иже на ся что възглаголеть, да не имуть имъ вѣры ни по господни рабѣ, ни свободнику и от иноя /л.294об./ чяди; аще кто будеть, кому да имуть вѣру, но съ испытаниемъ, да будеть без грѣха.

 А Буква д над строкой.

 Б В рукописи щая зя

 В В рукописи свѣдельствующе

 Г В Софийской 1-й летописи еже створить (см. ПСРЛ, V, 1925 г„ стр. 109).

А се иже купить плѣнника от рапотных. Иже купить от работныихъ плѣнника, свою цѣну дасть на немъ, то, вдавъ на собѣ тоже, да идеть въспять свопод, А да имать купли его дондеже израбоется; аще не имать что дати на себѣ юже съвѣщя, а мьздѣ ему на всяко лѣто наречется 3 щлязя Б пред послухомъ; тако коньчявшю ему цѣну, да отпущается на свободу.

А се иже работаеть из робы . Тако иже работаеть из робы, свѣщаеть цѣну его пред послухы, да отпущается.

А се о свѣдѣтелехъ. Свѣдѣтель послухъ не свѣдѣтельствуеть глаголюще, яко слышяхомъ от кого глаголюще сего должна сущя и сего причястника, или ино что свѣдетельствующе В духомъ слышавше; аще князи суть, иже се свѣдетельствують, да не послушяють ихъ, ни суть бо сами видѣли.

А се иже кто испросит конь, а онъ дасть . Аще кто испросить конь до речения мѣсту, /л.295./ ти умрет, да не платится; аще ли в зарокъ мѣстѣ томъ преидеть, ти да умреть, то и наставить.

Аще кто бес повелѣниа на чюжемь конѣ ѣздить . Аще кто бес повелѣния на чюжемъ конѣ ѣздить, да ся биеть по три утра, да ся продасть, яко и тать.

А се иже от работныхъ поганъ . Иже от работныихъ имуть поганаго, въ святую вѣру на нашю крестится въ христьяньскую и отвергутся, възвращающеся въ свою землю и град, да биется и въ церковь да продасться.

Аще чюжь скот затворит. Затворивыи чюжь скотъ и гладомъ уморивъ или инако убивъ, да биется въ сугубину, да продасться.

А се иже крадеть на воинѣ. Крадыи на воинѣ, аще есть оружие, да биется; аще ли конь, да биется и продасться.

Крадет рабъ господина. Крадущему рабу у господина, аще хощеть имѣти такого раба, окраденому да искупится; аще ли не хощеть имѣти раба того, то да биется и да продасться емуже крадя.

Аще заженет стадо чюже. Иже стадо чюже заженеть яко вождь, в первое се творя, да биется; /л.295об./ второе же от земля да ижженется; третие еже Г да продасться и да биется; но елико поставить все, елико его загнавъ.

Иже мертвеца съвлачит. Иже мертвеця въ гробѣ съвлачить, да продасться въ сугубину и да биется въ триста.

Аще влѣзъ въ олтарь взмет съсудъ. Влазяи въ олтарь или въ день или в нощь, или вземляи от святого съсуда или от платия и от всякоя вещи, да биется и да продасться; а еже внѣюду олтаря въ церкви възметь, да биется и острижется и от земля слется, яко нечистъ. Аще трижды украдеть въ церкви что, да ослѣпится и носъ да урѣжеть ему. А се иже свободнааго украдеть или продасть и, да поработся самъ, якоже онъ поработилъ есть свободнааго.

 А В рукописи тъ и знак `` над строкой.

 Б В Софийской 1-й летописи всякои винѣ (стр. 110).

 В В Софийской 1-й летописи иного закона (стр. 110).

Иже крыеть чюжего раба. Подмолвивы чюжего раба и крыя его, а не явѣ творя, повиненъ есть и тъи А господину тому, или иного купилъ или цѣну да дасть и да биется.

А се о мальжену. Неразлучно есть от бога житие малженома, творець нашь господь богъ учить нас яремудростию: то бо въ /л.296об./ бытии и не суща человѣка сътвори, персть вземъ от земля, създа и; и жену от мужьскааго ребра полу сътвори, да съшедшимся премудрости едино еста, а не двѣ лицѣ и плоти, въдани въ версту неразлучану.

О том же тѣмь же. Начнеши горкыи вкусъ и давъше мужеви того вкуса от лести нелриязнены и от того разлученѣ, пакы мужа божия заповѣди престулление и оружие сътвориши, женѣ разлученѣ за грѣхы, сласть задѣемѣ, а сверьсть неразлучима есть. Се мужеви убо явлену закону пакы еуангелие сътворшемуся.

О отпущенѣ женѣ. Въ оно время, егда въспросиша фарисеи господа бога нашего: аще достоить человѣку по всякои Б пустити жену свою, отвѣщя имъ Исусъ, яко богъ съчталъ, человѣкъ да не разлучяеть, развѣе словеси прелюбодѣинаго. Послѣдующи имъ убо яко приснии ученици христа бога, не смѣемъ сего В узаконити. Но понеже от неприазни ненависть нападаеть, клеветы ради, плотьскыя похоти или единоя коея злобы, тѣмже /л.296об./ въ число нарицающе закономъ вещи ихъ ради разлучаетася малжена. Разлучаеть бо ся за сия грѣхы жена от своего мужа: блуда ради, аще обличится, и проказы дѣющи животу ему, свѣдущи иного мужа кромѣ своего, и мужь ощющь, не запрѣтить ему и женѣ своеи; и пакы, аще въ недугъ впадеть прокаженъ, да разлучится жена от мужа; аще проказу сътворить животу его, или иного чюя не исповѣсть еи, аще въ прокаженъ въпадеть, аще ключится единому ею умрети, въ злую язю въпадшу от тварии, тварнику всякому огнемъ да ся съжжет.

А се о судияхъ. А се вѣдати достоить княземъ и судьямъ, с послухы истязати, якоже предписахомъ суд божии, им же суть обещници людстии, въ весельи суть богу, от князь осуждати, да не сего ради недостоить обиновати никогоже, но все по вся дни въ божии законъ наставляти, уповающе от христа бога въ велии суд, блаженъ есть суд сии, услышять: грядѣте раби блажении, вѣрнии, въ мнозѣ устрою вы; /л.297./ вънидѣте въ радость богу своему, веселящеся съ ангелы въ вѣкы. Аминь.

А се иже отець не уравняет дѣтеи . Аще отець не уравняеть дѣтеи, овому мало предасть, овому много, а другаго лишена створить за гнѣвъ нѣкакъ, да ся раздѣлить всѣмъ на чясти.

А се о шевци. Аще швець исказить свиту, не умѣя шити или гнѣвомъ, да ся биеть, а цѣны лишенъ.

А се о ключяри. Аще кто до ключаря ласкавъ възметь что любо от него, да ся биета оба, но ключярь болма.

А се о бѣгании. Аще людинъ бѣгаеть от князя, да ся биеть добрѣ.

Асе иже поп бѣжить. Аще попъ бѣжить от своего епископа къ иному епископу, да не поеть; аще ли простить свои епископъ, да поеть, но на своемь мѣстѣ.

А се о орудьи. Аще кто что орудье възметь, а не прошавъ у гослодина орудью, да ся биеть.

О волѣ. Аще кто волъ биеть оря, да ся биеть; аще ли и уразить, да наставить. Такоже и конь.

О глаголаньи. Аще кто велми глаголеть у господии, несмирено же, да ся биеть.

 А В рукописи вину

А се о волехъ. По коровѣ аще волове ходять, )| то или спасеть ниву А или виноград да ся биеть господинъ коровѣ, да платить еже будеть испаслъ.

А се о пьсѣ. Песъ аще проказы дѣеть, аще подрывъ клѣть или продравъ стропъ, да побиеться; аще ли дверми влѣзеть, да ся не побиеть.

А се о похваленьи. Аще кто похвалится на кого, на негоже будеть хвалилъ, да ся что сътворить винограду, или нивѣ, или скоту, или самому, похвалникъ да ся биеться и продасться.

О скотѣ и о враждѣ. Аще кто сътворить, Моиси убо поручи, да идеть рука за руку, око за око, а главу за главу, да ся искупить, то от земля да отженется. Аще скотъ в нощи проламляеть плоты, ти дасть в нощи хода, да ся продасть господину двожды, а третьее да ся устрѣлить стрѣлою. Аще конь или говядо, аще ли свинъ бравъ проламляють плоты или подрываа нощию, да убиется: звѣрь бо то есть злонравенъ, да еже раздралъ, то ребры заплатити.

Аще речет человѣку: еретиче. Аще етеру человѣку речеть: еретиче, да ударит и ножемъ; аще ли пред /л.298./ судиа идеть, да подъиметь глаголавыи, еже есть было еретику подъяти, ся биеть твердо.

А се о ратаи. Иже ратаи не дооравъ врѣмене, а идеть прочь, да есть лишенъ орания. Такоже и пастырь, иже пасеть стадо.

О попѣ и епископѣ. Иже имуть попа или епископа съ чюжею женою, или диака уларнаго, да изъмутся сану своего.

 А В рукописи пиють

О послушьствѣ попа. Попъ бываеть в послушествѣ за 12 мужа; а иже б«ють А попа, рука его да ся отсѣкаеть; аще ли да дасть 12 златниць.

О дву жену. Аще ли двѣ женѣ бѣсита блуда ради, лѣзучи на купъ, творящи иже мужь едина, а другое женою, да ся биють обѣ по сту.

А се о упоиствѣ. Аще друга своего упоить до руга, да ся биеть по двѣнадцать ранѣ.

А се о черньци и о черници. Аще имуть черньца съ черницею блуд дѣющя, то да окують и всадять въ темницу, дондеже умреть: отреклъся бо есть свѣта сего.

Аще о осляте. Аще имется мужь съ ослятемъ, да побиется; аще ли да биется, /л.298об./ да продасться в поганы, поганъ бо есть зѣло, и дати цѣну ту бѣднымъ.

А се о разбойницѣ и о клеветницѣ. Аще разбоиникъ имется мечеви, да предасться. Аще ся кто кленеть скупости ради, да биется. Аще кто оклевещеть друга, да ся биеть и да прииметь, еже было оному приати.

О мщати. Аще кто блуди съ мщатемъ, да побиется. Уставнии патриархомъ правилнии чести, яко не достоить имъ въсхыщяти области иному достоины на крещение и троение, но и въсхыщеныя по обѣдѣ врзтити.

Иже аще два мужа сваритася. Иже аще два мужа сваритася, ти не ударить единъ подруга каменемь или пястию, да умреть, но сляжеть на ложи; аще ли въставъ мужь походить внѣ о жезлѣ, чистъ есть ударивыи его, точию не на дѣлания его да дасть и цѣлбу.

О рабѣхъ. Аще кто биеть раба своего или рабу свою жезломъ и умреть от руку его, судомъ да ся мьстить; аще ли пребудеть день /л.299./ или два, да не мьстится, свое бо есть имѣние.

О свари. Аще ся котораата два мужа и уразита жену непраздну и не изидеть младенець ея, обличенъ да дасть цѣну, елико задежеть мужь женѣ свободою; аще личенъ будеть, да дасть душю за душу, око въ ока мѣсто, рука въ рукы мѣсто, нога в ногы мѣсто, зубъ в зуба мѣсто, иждение въ ижжения мѣсто, вред въ вреда мѣсто, язву въ язвы мѣсто.

Иже ударить въ око или в зуб раба. Аще кто истокнеть око рабу своему или рабѣ своеи, свободь да отпустить я въ ока мѣсто; или зубъ рабу своему выбьеть или рабѣ своеи", свобод да отпустить я в зуба мѣсто.

А се о тадбѣ. Аще кто украдеть теля ли овьцу, 5 телятъ да дасть въ телца мѣсто, а въ овци мѣсто 4 овци да дасть за овчя.

О татѣ. Аще въ подъкопании застанеться тать и язвенъ умреть, нѣсть ему боя; аще възидетъ солнце за нь, повиненъ есть; аще и не имать, да и ся продасть в татбы /л.299об./ мѣсто; аще ли останеть в руцѣ татба, от осляти живу сугубо да дасться.

А се о поклажаи. Аще дасть подругу серебро или ино что съкрыти, украдеть е кто из дому его, и аще обрящется тать, да тяжить сугубь; аще ли не обрящется тать, да придеть господинъ дому пред бога и да ся кленеть, аще нѣсть самъ слуковалъ на все положение дружне: по всему словеси въ кривину, о всеи гибели суд обою; украдыи у бога да дасть сугубо другу.

 А В Софийской летописи не задежи роста (стр. 114).

 Б 3десь пропуск (см. Соф. 1-ую летопись).

 В Написано на полях, ееерху, киноварью.

Иже брату даси. Аще брату нищу в заемъ даси, не буде тощь его ни зажи роста А.

Иже ризу заложить Б. Аще узриши осля брата своего падшеся с рухломъ, да не минеши его, но въздвигнеши и или ино что. Да не преврати си суд нищаго въ судѣ его, и всего слова криваго да отступиши; чиста и правдива не убьеши; не оправди нечестиваго мьзды ради, да не възмеши мьзды: мьзда бо ослѣпляеть очи видящиимъ и расыпаеть словеса правдиваа.

О сыну непокоривѣмь. /л.300./ Аще будеть кому сынъ непокорливъ, губитель, не слушаа рѣчи отца своего и матернѣ, ни кажють и ни послушяють, отець его и мати да изведета пред врата граднаа мѣста града того, да рекуть мужемъ града того, глаголюще: сынъ нашь непокоривъ есть и губитель, не послушяеть рѣчии нашихъ, вѣтуяи, пьяниця, да побиють и камениемъ мужи града того, да умреть, да измут злое сами от себе, да и друзѣи узрѣвше убояться.

Иже повѣсять на древѣ. Аще кто кымъ грѣхомъ судомъ смертьнымъ умреть, повѣсити и на древѣ, да не пребудеть тѣло его на древѣ, въ гробѣ погребуть и в тъ день.

О овчяте. Аще видиши овчя брата своего или ино что плавающе, по полю, не мини его, но обрати и къ брату своему; аще ли нѣсть братъ твои, поими его в домъ свои, дондеже възищеть его братъ твои, и даси ему, яко сътвори всякои гибели его, и обрящеши, не мини его, но възми, не мози потаити, да не съгрѣшиши богу. /л.300об./

О сварѣ В. Иже будеть пря межи человѣка и приидета на суд, и да оправдають праведнаго и осудять нечестиваго. Аще есть достоинъ раны нечестивыи, да поставиши пред судьами и бьють и пред судьями по бещестию его 40 ранъ, да не приложить паче сего, без лѣпоты есть. Аще сваритася человѣка съ братомъ своимъ, то пришедши жена единого ею, отъятъ мужа своего от руку убивающяго, и простерши руку иметь мужа за лоно, да усѣкъ ея и не пощадить ея око твое.

 А В рукописи потиву

 Б В рукописи по го господищахъ

 В Вар.: да не («Руська Правда», изд. С. Юшкова, стр. 166).

 Г В рукописи стоити

О умирании. Се же повелѣваемъ: аще будеть умирааи повелѣлъ кому устроити имѣние, или съ дѣтми которенъ сыи ли съ женою, ти тому поручить устроити имѣние пред послухы, то да будеть ему нужда скончати все; но аще е устрои, не противяся суду, повеление умръшяго строящему, то глаголет противу А женѣ и дѣтемъ, да скончаеть волю умершаго. Аще ли есть поручникъ о собѣ, сам ся творя, приимъ строить умершаго домъ, то что погубить от имѣния /л.301./ женѣ и дѣтемъ, то да возмет на судищи казнь 70 ранъ, и дасть все сиротамъ и полъ того да приставить.

Призываем же и споручникы умершаго, и аще будуть почтени от работы въ свободу, на общение господищемъ, госпожии; и аще ли не будеть свобод, то да не оставять ихъ прити и по госпожи и по господищахъ Б, яко выше рекохомъ. Аще ли не правъ суд, то възидуть къ великому отместнику, егоже постави власть наша помагати сиротѣ и вдовицѣ въ правду, рекшу богу и пророкомъ: судите сиротѣ и оправдаите вдовицю; то да исправить великии судия, и обидяи сироту да прииметь суд противу дѣломъ.

Повелѣваем же и поручныимъ имѣние подобно быти повелѣнию умершаго; да В будеть пьяница, нѣ которы имущя с тѣми, яже начнуть строити, ни пустошницѣ безаконни, но да будуть подобни ацѣм же есть лѣпо строити Г: 1, о задушьи, 2-е, о женѣ и о дѣтехъ.

О томже. Се же начинающе велимъ общая /л.301об./ боящаася казни, не минующаа ни великыихъ, ни малыихъ, устраяти имѣние, здравымъ ходяще и цѣлымъ умомъ, послухы подобны поставити, свѣдѣтельствова о добрѣ, да не будуть разбоиници, ни пьяници, ни татие, ни иноя ни коеяже злобы имущя, ни мене седми от того града, идеже живуть, или от веси или аще откуду пришли будуть, но подобно послушеству. Попущаем же о рабѣхъ свободою почтеных, да стають ити в послушьство, а непочтеных въ свободу бохма не велим.

О томже. Въ писания, иже о имѣнии своемь, первое да въпишеть вѣры своея образъ, иже и душу избавить. Аще же и душу избавити, аще же и бѣдно ю избавити и прежде житиемъ чистымъ не устроивше, ни рукъ простерше убогымъ, ни свобожьше. Обаче аще всего до коньця не получить, то аще и мука легчяиши будеть; глаголет бо: не лживъ бо есть рекыи: едина душя вящьши есть небеси и земли. Да аще самъ кто въ лестномъ семъ /л.302./ житии не достиглъ есть чимъ, ти отходящи оставять многа уста за ся, яже начнуть кричяти: помяни, яже ны могуть и по насъ вѣчному огню отяти. Предааи свое имѣние пред послухы да въпишеть первое что свобод, что ли дати убогымъ, что ли дѣтемъ, или сердоболѣ, или другомъ, или женѣ вѣчнѣи, или попомъ. Попущаеть суд нашь: аще хощеть дарити достоиною частью, еже на дому, даеть ему суд власть, а полъ человѣчьска вещь не дасть ему, должномъ сущемь отцемъ чяда своя кормити: тѣм бо ся родное множьство съдерьжить.

 А В рукописи тъ и знак `` над строкой.

 Б Должно быть доилици (?)

 В В рукописи утонша

 Г  Г Приписано на полях тем же почерком, но как будто другами чернилами.

О мачехахъ. Мачехам же и матеремъ велимъ крыющимъ имѣние у чюжеа чяди, еже не суть сердоболя, ти ся изъмѣнять крыемое, да ся изведуть на суд, и крывъшее въ нихъже есть съкровено, да ся лишить того, еже будеть крала; а онѣ приимуть, якоже и тати, казнь 70 ранъ, и дадять обчюю татбу скрывшюю мачехою, и да подѣлять дѣти особь пе/л.302./рвыя жены с мачехыными дѣтми. Аще ли будеть кыи дѣтищь с мачехою вѣдалъ, тъ А дасть татбу съ нею, да ему не будеть чясти в томъ, яко и мачесѣ.

Иже кто изломить чюже копье. Иже изломить другу копие или щитъ или топоръ, да аще у себе начнеть хотѣти дръжати, то приати ино что у него; аще ли начнеть инѣмь чимъ ему заплатити пред чядию, иже начнеть вѣдати, колко будеть далъ на немь.

Аще дадять дѣтя въскормити должици, Б а само вразумѣеть лжицу взяти, прокорма 3 гривны.

Аще ся дасть человѣкъ или женщина у тошна В времени, дернъ ему ненадобѣ, а поидеть прочь, да дасть 3 гривны, а служилъ даромъ.

А за стогъ за тяжебныи гривна кунъ, а тяжа не надобѣ.


А СЕ УСТАВЪ ЯРОСЛАВА КНЯЗЯ О МОСТѣХЪ


Осменикомъ поплата. Въ Людинъ конець чересъ греблю к Добрыни улици в городная ворота до Пискупли улицѣ, с прусы до Бориса и Глѣба мостити; /л.303./ а тигожанамъ до коломлянъ, а коломляномъ до Нередичьского мосту; нередичяномъ до вережанъ, а вережаномъ до пидьблян, а пидьбляномъ до Чюдинчевѣ улицѣ, а Чюдинчевѣ улицѣ с загородци до городьнихъ воротъ. А владыцѣ сквозѣ городнаа ворота съ изгои и съ другыми изгои до Острои городнѣ, 1-я Давыжа ста, 2 Слѣпчева ста, 3-я Бьвыкова ста, 4-я Олексина ста, 5-я Ратиборова ста, 6 Кондратова ста, 7 Романова ста, 8 Сидорова ста, 9 Гаврилова ста, 10 Княжа ста, 11 Княжа, 12 Ржевьскаа, 13 Бежичкаа, 14 Вочьскаа, 15 Обонискаа, 16 Лускаа, 17 Лопьскаа, 18 Поволховьскаа трои рилѣ, 19 Яжолвичьскаа двои рилѣ, до софьянъ, софьяномъ до тысячьского, тысячьскому до вощьникъ, от вощникъ посаднику до великого ряду, от Г великого ряду Г князю до Немѣцкого вымола, Нѣмцемъ до Иваня вымола, Гтомъ до Алфердова вымола до озаднего, а от Алфердова вымола онищяномъ до Будятина вымола, ильинцамъ до Матфѣева /л.303об./ вымола, михаиловцамъ до Бардовы улицѣ, а виктовцамъ до Климятиныхъ сѣнеи.


А СЕ РУКОПИСАНИЕ КНЯЗЯ ВСЕВОЛОДА.


 А В рукописи великы и знак `` над строкой.

Се азъ князь великыи Гавриилъ, нареченыи Всеволод, самодержець Мстиславець, внукъ Володимеровъ, властвующе всею Рускою землею и властию Новгородскою, и божиимъ благоволениемъ поставилъ есмь церковь святыи Иванъ великыи на Петрятинѣ дворищи; и устроилъ есмь иконами многоцѣнными и еуангелии многоцѣнными и всѣми книгами исполонь; и устроилъ есми попы, и диакона, и дияка къ съборнои великои церкве. А даю святому великому Ивану от своего великого имѣния на строение церкви и въ вѣхы: вѣсъ вощанои, а в Торшку даю пуд вощаныи, половина святому Спасу, а половина святому великому Ивану на Петрятино дворище; а оброкъ даю попомъ, и диякону, и диаку, и сторожамъ из вѣсу изъ вощаного имати попамъ по осми гривенъ сребра, диако/л.304./ну 4 гривны сребра, диаку 3 гривны сребра; а имати имъ тои оброкъ и в вѣкы, по моему данию князя великого Всеволода. А попомъ пѣти у святого великого Ивана вседѣннаа, у святого Захарии на полатѣх пѣти по недѣлямъ и в вѣкы; а дьякону пѣти у святого Ивана субота да недѣля изъ того оброка и в вѣхы. А язъ князь великыи А Всеволодъ поставилъ есмь святому Ивану 3 старосты от житьихъ людии и от черных тысячкого, а от купьцевъ 2 старостѣ, управливати имъ всякаа дѣла торговаа Иваньскаа и гостиннаа; а Мирославу посаднику в то не въступатися, ни инымъ посадникамъ въ Иваньское ни въ чтоже, ни бояромъ новгородскымъ. А кто хочеть въ купечество вложитися въ Иваньское, и дасть купцамъ пошлымъ людемъ вклада 50 гривенъ сребра, а тысячскому сукно ипьское; ино купцамъ положити въ святыи Иванъ полътретьятьцать гривенъ серебра; а не вложится въ купечьство, а не дасть пятиде/л.304об./сять гривенъ сребра, ино то не пошлыи купець; а пошлымъ купцамъ ити имъ пошлиною и вкладомъ и отчиною. А вѣсъ вѣсити въ притворѣ святого Ивана; гдѣ дано, ту его и дръжати; а вѣсити старостамъ иваньскыимъ двѣма, купцамъ пощлымъ, добрымъ людемъ; а непошлымъ купцамъ старощениа имъ не дръжати, ни вѣсу имъ не вѣсити Иваньского. А у гостя имати у низовьского от дву берковьсковъ от вощаных полъгривны сребра да гривенка перцю; а у полочкого и у смоленьского по двѣ гривны кунъ от берковьскаго от вощаного; а у новоторжанина полторы гривны кунъ от берковьска от вощаного; а у новгородьца 6 мордокъ от берковьска отъ вощянаго; а куны класти в домъ святого Ивана великаго, что вывѣсять по правому слову; а новоторжьцу в бологодѣть не вѣсити ни у которогоже гостя. А по моемъ животѣ великого князя Всеволода стояти за домъ святого Ивана великого брату /л.305./ моему князю великому всея Руси и владыцѣ новгородскому, и за вся церковникы святого Ивана. А взяти князю великому из вѣсу из вощаного полътретьятьцать сребра чрес год. А праздникъ рожество святого великого Ивана почесть творить и праздновати старостамъ иваньскымъ купцамъ; а пѣть въ праздникъ обѣдняа владыцѣ, а на завътрѣе архимандриту святого Георгия, а на 3 день игумену святѣи богородици изъ Онтонова манастыря. А взяти владыцѣ дару рубль; а князя великого намѣстникомъ дару по сукну ипьскому, а дати имъ 20 пудовъ меду на подсласту чистого пошлины; а дворечьскому сукно ипьское, а 10 пудовъ меду на подсласту чистого пошлины поВперёдѣ; а тиуну дару сукно тумаское, а дати ему 5 пудовъ меду на подъсласту чистого пошьлины поВперёдѣ; архимандриту взяти дару сукно ипьское; а игумену Онтоновьскому взяти дару полтина, а пошлины от него идеть 40 колачевъ /л.305об./ да сорокъ хлѣбовъ да калуста и уксусъ. А буевище Петрятино дворище от прежнихъ дверии святого Ивана до погреба, а от погреба до Кончяньскаго мосту; а с того буевища имать куны старостѣ Иваньскому и Поберескому, тыи куны къласти в домъ святого Ивана великаго. А поповъ, и дьякона, и дьяка, и сторожовъ святого Ивана призирати старостамъ Иваньскымъ, и старостамъ Паберескымъ, и пабережанамъ. А в дому святого Ивана великого не держати никому ничегоже, развѣе свѣчь и тѣмиана. А городу, ни владыкѣ, ни бояромъ вѣсу не отъимати у святого Ивана великого, ни продавати моего даниа князя великого Всеволода. А кто почнеть вѣсъ отъимати или продавати, или дэмъ оби. дити святого и великого Ивана и святого пророка Захарии, ино на того Спасъ и Пречистаа и святыи великии Иванъ и святыи пророкъ Захарии; и будеть имъ тма и огнь и съблазнъ и казни божия.


Назад    Оглавление    Вперёд


 
Ко входу в Библиотеку Якова Кротова