Ко входуБиблиотека Якова КротоваПомощь
 


Назад    Оглавление    Вперёд
Двойной щелчок левой кнопкой мыши показывает/скрывает примечания к тексту.


 6 В К ны

В лѣта шесть тысящь четырѣста деветьдѣсят четьвертаго. Приидоша Болгари вѣры Бахмѣчи, глаголюще, яко «ты, князь, еси мудръ, смысленъ, и не вѣси закона; да вѣруи в нашь законъ, поклонися Бохмѣту». И рече же Воло /л.27./ димѣръ: «како есть вѣра ваша». Они же рѣша: «вѣруемъ богу, а Бохмѣтъ ми 6 учить обрѣзати уды срамныя, а свиньи не ясти, и вина не пити, по смерти же, рече, с женами похоть творити блудную; дастъ бо Бохмѣтъ комуждо семъдѣсятъ жонъ красных, избереть едину красну и всѣх красоту възложит на едину и та будѣт ему мужатица; здѣ же достоит, рече, блудъ творити всякъ;

 1 В рукописи батъ с титлом.

 22 В К питье намъ веселье

 3 Слог ва поставлен над строкой.

 4 В квадратных скобках — из К

 5 В рукописи отходы

на сѣмъ свѣте аще кто будеть богатъ, 1 то и тамъ богатъ, аще ли есть убогь здѣ, то и тамъ»; ина многа лѣсть, еже нельзѣ писати срама ради. Володимеръ же послушавше их: бѣ бо самъ любя жены и блуженье много, послушаше и слатко; но се бѣ ему нелюбо обрезание удовъ и о неяденьи мясъ свиных; а о пѣтьи отинудь, рекъ: «в Руси велие 2 пѣтье, 2 не можемъ бес того быти». Посем же приидоша Немцы, из Рима пришедше, глаголюще, яко «приидохомъ от папежа; рек тѣ тако: «земля /л.27об./ твоя земля наша, а вѣра ваша 3 не яко вѣра наша: вѣра бо наша свѣт есть, кланяемся богу, иже створи небо и земьлю и всяко дыханье и ззѣзды и мѣсяць, а бози ваши суть древо». Володимѣр же рече: «како заповѣдь ваша?» [Они же рѣша:] 4 «пощенье по силе; аще кто пьетъ и есть, все в служьбу божию, рече учитель нашь Павелъ». Рече же Володимеръ Немцемъ: «идѣте опять, яко отци наши не суть сего приали». Се слышавше Жидове Козарьстии, приидоша, ркуще: «слышахом, яко приходиша Болгари, крестьяне, учаще когождо своеи вѣре: крестьяне бо вѣруютъ егоже бо мы распяхом, а мы вѣруемъ единому богу Аврамову, Исакову, Ияковьлю». И рече Володимер: «что есть законъ ваш». Они же рѣша: «обрѣзатися, свинины не ясти, ни заячины, суботу хранити». Он же рече: «гдѣ есть земля ваша». Они же рѣша: «въ Ерусалимѣ». Онъ же рече: «то тамо ли есть». Они же рѣша: «разьгнѣвался богъ на отци наши, расточе ны поВперёдмъ /л.28./ грѣхъ ради наших, и предана бысть земля наша крестьяном». Онъ же рече: «како вы иных учите, а сами отвержени от бога и расточины. Аще бо богъ любил закон вашь и вы, то не бысте расточены по чюжим землям; егда и намъ тоже мыслите зло прияти». Посем же прислаша Грѣци к Володимѣру философа, сице глаголюще: «слыщахомъ, яко приходили суть Болгари, учаще тя прияти вѣру свою, ихъже вѣра оскверняет землю и небо, иже суть проклятии паче всѣх человѣкъ, уподобльшися Содому и Гомору, на нихъ же напусти богъ каменье горючее, и потопи а, погрязоша: тако и сихъ ожидает день погибелныи, егда приидѣтъ [богъ] 4 судити на земълю и погубить вся творящая безаконие и скверны дѣюще. Си бо омывают оходы 5 свои, поливаше водою, и в ротъ вливают, и по браде мажются, нарицающе Бохмѣта; такоже и жены ихъ творят туже скверну /л.28об./ и ино же пущее: от совокупленья мужеска и женьска вкушают». Слышав Володимѣръ, плюну на землю и рекъ: «нечисто се есть дѣло».

 11 В К и преда апостоломъ

 2 В К НЯ

 3 В К пръвыи

 4 В рукописи аадамъ

 5 В К и

 6 В кеадратных скобках — из К

Рече же философъ: «слышахом и се, яко приходиша от Рима учить васъ вѣрѣ своеи, ихже с нами вѣра малым же развращена есть; служьба же опреснокы, рекше оплатки, ихже богъ не преда, и повеле хлѣбомъ служити предъ 1 апостоломъ, 1 и приимъ хлѣбъ, и рекъ: се есть тѣло мое, ломимое за вы. Такоже и чашю приимъ, рече: се есть кровь моя новаго завѣта; си же того не творятъ и суть неисправили вѣре». Рече же Володимѣръ: «приидоша ко мне Жидове, глаголюще, яко Немцы и Грѣци вѣруют, егоже мы распяша». Философъ же рече: «въВперёдв того вѣруем, тѣх бо пророци прорицали, яко богу родитися, а другии распяту быти и погребену, в третеи день въкреснути и на небеса взыти. Они же ты пророкы избиваху, а другия претираху. Егда же збысться /л.29./ сихъ проречение, снидѣ на землю, и расьпятье приа волею, въскресъ и на небеса взыдѣ; на сих же ожидаа покаанья за четырѣдесятъ и за шесть лѣт, и не покаяшеся; и посла на ны 2 Римляны, и грады ихъ разбиша, и самих расточиша поВперёдмъ, и работают поВперёдмъ». Рече же Володимѣръ: «что ради снидѣ богъ на землю и страсть прия такову». Отвѣщав же, рече философъ: «аще хощеши послушати, да скажю ти изначала, что ради снидѣ богъ на землю». Онъ же рече: «послушаю рад». Нача философъ глаголати сице: «в начале исперва створи бог небо и землю в первыи день. А въ вторыи день твердь, еже есть посреди воды, сего же дни раздѣлишася воды, полъ ихъ взыдѣ, на твѣрдь, а полъ ихъ под твердь. В третеи день створи море и рѣки и источникы и сѣмена. В четьвертыи же день солнце и луну и звѣзды, и украси богъ небо. Видѣвъ же первое 3 от ангелъ, стареишии десяти чину архань /л.29об./ гильску, и помысли въ себѣ, рекъ: сниду на землю, и прииму землю, и буду подобенъ богу, и поставлю престолъ свои на облацехъ севѣрьских. И ту абие свѣржен с небеси, по немъ спадоша, иже бѣ под нимъ, чинъ десятои, в него мѣсто постави стареишину Михаилъ. Бѣ же имя противнику Сотанаил; он же погрѣшивъ помысла своего, и отпад славы первыа, наречеся противьникъ богу. Посемъ же в пятыи день створи богъ киты и рыбы и гады, и птицы пернаты. В шестыи день створи богъ звѣри и скоты, гады земныа, створи же человѣка. В семыи же день почи богъ от дѣлъ своихъ, еже есть субота. И насади богъ раи на въстоце вь Едемѣ и въведе человѣка, егоже създа. И заповѣда ясти всякого ему древа, от древа же единого не ясьти, еже есть разумѣти злу и добру. И бѣ Адамъ 4 в раи, не 5 видяше бога, славляше: егда же аггельскаа воинества славляху бога, и онъ с ними /л.30./ [такоже славляше бога]. 6 И възложи богъ сонъ на Адама, и успѣ Адамъ. И взя богъ едино

 1 В рукописи да оу

 2 Слово написано на полях теми же чернилами, но полууставом, переходящим в скоропись. Далее, очевидно, пропуск. В К далее: и абие прельсти змиа; ср. Лавр. летопись

 3 Почерком XVIII в. исправлено на земла

 4 Так в рукописи

ребро у Адама, и створи ему жену и приведе ю къ Адаму, и рече Адамъ: се кость от кости моея, плоть от плоти моея, си наречется жена. И нарече Адамъ имена звѣремъ и пьтицамъ и гадомъ, а самимъ имѣна аггелъ повѣда. И покори богъ Адаму скоты и звѣри и пьтица; обладааше има всѣми, и послушаху его. Видѣв же дьяволъ, яко почти богь человека, и завидѣвъ ему, преобразися в змию, и придѣ къ Евзѣ, и рече еи: «почто не яста от древа, суща посредѣ рая.» И рече Евгакъ змѣи: «рече богъ не имаета ясти; олѣ да 1 смертию умрета. 2». «Видяше богъ, в тои же день яста от него, и отверзостася очи ваю, и будѣта яко богъ, разумѣвающе добро и зло». И видѣ жена яко добро древо вь ядь, и вземъши снесть, и дасть мужеви своему, и яста, и отверзостася очи има; и разумѣста, яко нага еста, и съшиста листвием смоковнымъ препоя/л.30об./сание. И речё богъ: «проклята змиа 3 в делѣхъ твоихъ, и в печали яси въ вся дни живота твоего». И рече богъ: «егда како прострѣта руку и възмѣта от древа животнаго, и живита въ вѣкы». Изгна господь богъ Адама из рая. И сѣде прямо раю плачася горко и дѣлаа земьлю. И прокля господь богь змию 4. И порадовася сотона о проклятьи земля. Се ны первое отпадѣнье, горкои отвѣтъ, отпадѣнье аггелского житья. И роди Адамъ Каина и Авеля; и бѣ Каинъ ратаи, а Авель пастухъ. И принесе Каинъ от плода земныхъ к богу, и не приа богъ даров его; Авель же принесе агнець первенець, и приа богъ дары Авелевы. Сотона же влѣзе в Каина и пострѣкаша Каина убити Авеля. Рече же Каинъ Авелю: «изоидѣвѣ на полѣ». И послуша его Авель. Яко изыдоста, въставъ Каинъ хотяше убити и не умѣяше убити. И рече сотона: «вземъ камень, удари». И вземъ Каинъ удари Авеля брата и уби. И рече богъ Каину: «где есть /л.31./ братъ твои». Он же рече: «егда азъ страж ли есмъ брату моему». И рече богъ: «се кровъ брата твоего въпиетъ ко мнѣ; будеши стѣня и трясаися до живота своего». Адам же и Евга плачющися бѣста, и дьяволъ радовашеся, рекъ: «се, егоже богъ почести, азъ створихъ ему отпасти бога, а се нынѣ плачь ему налѣзохъ». И плакастася по Авели лѣто едино, и не съгни тѣло его, и не умѣяста его погрѣсти. И повелениемъ божьимъ птенца два прилѣтеста: единъ ею умре, а единъ ископа яму, вложи умеръшаго, и погрѣбе. Видѣвьша же Адамъ и Евьга, ископаста яму, и вложиша Авеля, и погрѣбоста с плачемъ. Быв же Адамъ лѣтъ двесте и тридѣсятъ и роди Сифа и две дщери; и поя едину Каинъ» а другую Сифъ. От того человѣци расплодишася по зѣмли. И не познаша 4 и исполнишася блуда и скарадѣя всякого и убииства и зависти, и живяху скотьски человѣци.

 1 В К родѣ

 22 В К дѣлаему же ковчегу

 3 Над буквой и было что-то написано и соскоблено.

 4 Так в рукописи.

 5 В рукописи творяще прияша и

 66 В К кумиры во имена

Бѣ Нои единъ пра/л.31об./веденъ въ градѣ 1 томъ, и роди три сыны: Сима, Хама и Афета. И рече господь богъ: «не имает духъ мои пребывати в человецехъ сихъ»; и рече: «да потреблю от человѣка и до скота». И рече богъ Ноеви: «сътвори ковчегъ в далготу триста лакотъ, а вь широту пятьдесят, в высоту тридесятъ лакотъ; Египтяни бо локтемъ сажень зовутъ. Дѣлати ему 2 же ковчегъ 2 за сто лѣтъ, и повѣдаша Нои, яко быти потопу и посмѣяхуся ему. Егда здѣла ковчегъ, рече же господь богъ Ноеви: «влѣзи ты и жена тзоа и сыновѣ твои и снохи твоя, и введи с собою по двоему от всѣхъ скотъ и 8 гадъ». Введе Нои, якоже заповѣда ему богъ. И наведе богъ потопъ на земълю, и потопѣ всяка плоть; а ковчег плаваше на водѣ. Егда же посяче вода, и излѣзе Нои и сынови его и жена его; и от сихъ расплодися земля. И быша человеци мнози единогласни, и рѣша другъ другу: «съзиждемъ столпъ до небеси». И начаша /л.32./ съзидати, и бѣ старѣишина имъ Невротъ. И рече богъ: «се умножишася человѣци, помысляху суетнѣ». И снидѣ богъ, размѣси языки на семъдѣсять языкъ и на два. Адамов же язык не отъятъ бысть у Вавеля, тъи бо единъ не приложися к безумью их, рекъ сице: «аще бы богъ человѣком реклъ нѣсть 4 бо съзидати столпъ, то повелелъ бы самъ богъ словомъ, якоже сътвори богъ небо и землю и море и вся видимаа и невидимаа». Того ради сего языкъ не изьмѣнися, и от сего же суть Евъреи. На сем же дѣсять и на единъ языкъ разьдѣлишася и разыдошася поВперёдмъ, и кожьдо своя нравы творяще. 5 По дьяволю наученью, ови рощениемъ вѣроваша и кладяземъ и рѣкамъ, и не позънаша бога. От Адама же до потопа лѣтъ двѣ тысящи и дьвѣстѣ и четырѣдѣсятъ и два лѣта/л.32об./. А от потопа до разъдѣлѣния языкъ лѣтъ пятьсотъ и двадѣсятъ и девять. По семъ же дьяволъ большее прельщение въверъже въ человѣкы: и начаша кумири творити, ови же древяни, а иныи мѣдяны, друзии же моромяны и златыи и серебърены, и кланяхуся имъ, и пьриводяху сыны, дщери своя, заклаху предъ ними; и бѣ вся земьля осквернена. И начальникъ же бѣ сему кумиротворѣнию Серухъ: творяше кумиротворенью 6 имена 6 мсрътвыхъ человекъ, бывъшимъ овѣмъ царемъ, другимъ же храбърымъ, и волъхъвомъ и женамъ прелюбодѣицамъ. Сеи же Серухъ роди Фару, Фара же роди три сыны: Аврама, Нихора и Арона. Фара же творяше кумиры, навыкъ у отца своего. Аврамъ же /л.33./ пришед в умъ, възревъ на небо, и видѣ звѣзды и небо, и рече: «въВперёдто богъ есть, иже се створилъ, а отець мои прельщаа человѣкы».

 1 В рукописи рабоуа; испр. по К

 2 В кеадратных скобках — из Лаврентьееской летописи.

 3 В К двѣ

 4 В К от рабу

И рече Авърамъ: «искрушю богы отца своего». И рече Аврамъ: «отче, почто прельщаеши человѣки, творя кумиры древены. То есть богъ, иже створи небо и землю». И приимъ Аврамъ огнь и зажже кумиры въ храмѣны. Видѣ же се Аронъ, братъ Аврамовъ, ревнуя по идолѣхъ, хотѣ вымѣтати идолы, и самъ згорѣ ту Аронъ и умре пред отцемъ. Предъ симъ не бѣ умерлъ сынъ пред отцемъ, но отець пред сыномъ. И от еего почаша умирати сынови пред отцемъ. Възлюби богъ Аврама, и рече богъ Авраму: «изыди от дому отца твоего, иди в землю, юже ти покажю, н сътворю тя въ языкъ великъ, и благословять тя колена земная». И створи Аврамъ, яже заповѣда ему. И поя Аврамъ Лота, сыновца своего; /л.33об./ бѣ бо ему Лотъ шюринъ сыновечь; бѣ бо поялъ Аврамъ братню дщерь Ароновню Сару. И приидѣ в землю Хананииску к дубу высоку. И рече богъ къ Авраму: «и семѣни твоему дамъ землю сию». И поклонися Аврамъ богови. Аврамъ бо бяше лѣгъ седмъдесятъ и пять, егда изыде от Фараона. Бѣ же Сара неплоды, боляще неплодъствомъ. И рече же Сара къ Авраму: «влѣз и убо к рабѣ моеи». И поимъши Сара Агарь, дастъ ю мужю своему. И влѣзѣ Аврамъ къ Агарѣ, и зачатъ и роди сына Агарь и прозьва Аврамъ Изъмаиломъ. Аврамъ бѣ лѣтъ осмьдѣсятъ и шесть, егда родися Измаилъ. Посем же заченъши Сара, и роди сына, нарече имя ему Исакъ. И повеле богъ обрезати отроча Авраму. И обьрѣза Аврамъ въ-смыи день. И възлюби богъ Аврама и племя его, и нарече я в люди собѣ, и отлучи а от язык, себѣ нарек люди. Сему же Исаку възмогшу, /л.34./ Авраму же живъшю лѣтъ сто и седмъдесятъ пять и умре, и погрѣбенъ бысть. Исаку же жившу лѣтъ шестьдѣсятъ и роди два сына: Исава и Якова; Исавъ же бысть лукавъ, а Ияковъ бо праведенъ. Се же Ияковъ работая 1 у уя своего изъ дщери лѣтъ седмъ, и не да ему ея, рекъ: «стареишюю поими». Вдасть ему Лию стареишую; из другои рекъ ему, «работаи ми другую седмъ лѣтъ». [Онъ же работа другую 7 лѣт] 2 из-д-Рахили. И поя собѣ три 3 сестреници, от нея же роди тридесят сыновъ: Рувима, Семеона, Левгию, Июду, Исахаря, и Заулона, Иосифа, Вельямина; а робуя 4 дву: Дана, Нефталима, Гада, Исара. И от сихъ разсплодишася Жидовѣ. Ияков же сниде въ Египетъ, сыи лѣтъ сто и тридесятъ, числом шестьдесятъ и пять душь. Поживе же въ Египтѣ лѣтъ сѣмънадесятъ и успе. И поработаше племя его /л.34об./ за четырѣста лѣт. По сих же лѣтѣх възмогоша людие Жидовъстии, и умножишася; насиляхуть имъ Египтянѣ работою. В сихъ же времена родися Моисии в Жидѣх, и рѣша волсви египѣтъстии царю, яко «родилъся есть в Жидѣх, иже хощетъ погубити Египет». Ту абие повеле царь ражающаяся дѣти Жидовьския вмѣтати в рѣку.

 1 В К число

 2 В К низьлѣзохъ

 3 Слог ра постаелен над строкой.

 4 В квадратных скобкахиз К

Мати же Моисеева убояшеся погублениа, вземше младенець, вложи в корабицю, изнесши постави в лузѣ. В се же время изыде дщи фараоня Фемуфии купатися и видѣ отроча плачющися, и взя и пощадѣ, и нарече имя ему Моисеи, въскорми е, и бысть отроча красно. И бысть лѣт четырѣхъ, приведе тщи фараоня ко отцю своему. Видевъ же Моисея фараон, нача любити Моисея фараонъ; Моисеи, хапаяся за шѣю, срони венець с главы цареви /л.35./ и попра и. Видѣвъ же волхвъ, рече цареви: «о царю, погуби отроча се; оли не погубиши, имаетъ погубити всего Египта». И не послуша его царь, но паче не повеле бити дѣтеи жидовъскихъ. Моисѣеви же възмогшю и бысть великъ в дому фараони. Бывшю же царю иному и завидѣша ему боярѣ. Моисии же уби Египтянина, обидяще Жидовина, бѣжа изъ Египта, приде в землю Мадиамъску, и ходя по пустыни, научися от ангила Гаврила о бытьи всего мира и первомъ человѣцѣ, и яже суть было по немъ, о потопѣ и о смѣшении языкъ, аще кто колко лѣтъ былъ бяше, и звѣздное хожение и члслом 1 мѣру и всяку мудрость. Посемъ явися ему богъ в купинѣ огнемъ, и рече ему богъ. «видѣхъ бѣду людии своихъ въ Египтѣ, и неизлѣзохъ 2 изяти я из руку египетскую, извѣсти а от земля тоя; ты же /л.35об./ иди к царю фараону египетьску и рци ему: пусти Израиля, три дни положит требу господу богу; аще не послушаетъ тебѣ царь, побию всѣми чюдесы моими». И пришедшю Моисееви и не послуша его царь. И пусти богъ десять казнеи на фараона: первое рѣки в кровъ, второе жабы, третьее мыши, четвертое пѣсия мухы, пятое. смерть на скоты, шестое прыщеве горющии, седьмое гладъ, осьмое прузи, девятое тма три дни, десятое моръ в человецехъ. Сего ради десять казнеи, яко десять мѣсяць губиша дѣти жидовъски. Егда же бысть моръ въ Египтянехъ, рече фараонъ 3. Моисееви и брату его Арону: «отъидита вскорѣ». Моисеи же избра люди жидовьския и поиде от земля Египетския. И вѣдяше я господь по пустыни къ Чермному морю; и преди идяше пред ними сто/л.36./лпъ огненъ, а во день облаченъ. Слышавъ же фараонъ, яко бѣжать людие, погна по нихъ, яко прогнаша к морю; видевше же людие жидовьстии, и възопиша на Моисея, ркуще: «почто изводи ны на смерть. И възопи Моисии к богу. И рече [господь]: 4 «что въпиеши ко мнѣ; удари жезломъ в море»., И створи Моисеи тако, и разъступися вода на двое и внидоша сынове Израилеви в море. И видѣв же фараонъ, погна по них, сыновѣ же Израилеви проидоша по суху посреди моря; яко излѣзоша на берегъ, сступися вода о фараонѣ и о воихъ его. И възлюби господь богъ.

 1 Так в рукописи.

 2 В квадратных скобках — из К

 3 В К Вамьску

 4 В рукописи продааше; испр. по А

 5 В рукописи начало; испр. по К

 6 В рукописи Фили; испр. по К

 7 В рукописи излию

Израиля. Идохъ 1 от моря три дни по пустыни [и приидоша] 2 въ Меронъ. И бѣ ту вода горька, и възропъташа людие на бога; и показа господь древо, вложи е Моисеи в воду, и осладишася вода. Посем же пакы възропташа на Моисея и на Арона, ркуще: «луче ны бѣ въ Египте, /л.36об./ иже ядохомъ мяса и лукъ и хлѣбы до сыти». И рече господь к Моисѣеви: «слышахъ гугнанье сыновъ Иизраилевъ», и дасть имъ манну ясти. Посем же дасть имъ законъ на горѣ Синаистеи. Моисѣеви же въшедшу на гору к богу; они же сливше телчью главу, поклонишася акы богу, их Моисеи ссѣче три тысящи числомъ. Посемъ пакы възропташа на Моисеа и Аарона, и еже не бысть воды; и рече господь к Моисѣеви: «удари жезломъ в камень». Рекъ: «егда сего испустив водѣ». И разгневася господь на Моисѣя, яко не възвѣличи господа; ни внидѣ в земьлю обѣтованную сего ради, роптанья онихъ ради, но възвѣде на гору на Бемску, 3 и показа ему землю обетованую; и умре Моисѣи на горѣ. И прия власть Исусъ Навъгин; и се придѣ в земьлю обѣтованую, изби Хананеиско племя, и вселися в нихъ мѣсто сыновѣ Иизраилеви. Умеръшу же /л.37./ Исусу, и бысть судья в него мѣсто Июда; и иныхъ судеи бысть четырѣнадесят, при нихъ же забыша бога, извѣдшаго изъ Египта, начаша служити бѣсом. Богъ разгнѣвася, предааше 4 на расъхищенье иноплеменникомъ. Егда ся начинаху каятися, богъ помиловаше ихъ; егда избавльше я, пакы и уклоняхуся на бѣсослужение. По сих же Илии жрець; посемъ Самуилъ пророкъ; и рѣша людие Самуилу: «постави намъ царя». И разгнѣвася господь на Израиля, и сего постави над нимъ Саула. Таче Саулъ не изволи ходити в законѣ господни, избра господь Давыда, и постави царя надъ Израилемъ. И угоди Давыдъ богу. Сему Давыду кляся господь, яко от племени его родитися богу. Первое нача 5 пророчествовати о воплощеньи божии, рекъ: «и-щрева преже денница родих тя». /л.37об./ Сеи царствова лѣт четырѣдесятъ и умре. И по немъ царствова сынъ его Соломонъ, иже възгради церковъ богу, нарече ю Святаа святыхъ. И бысть мудръ, но на конець поползеся; и царьствова лѣтъ четырѣдесятъ и умре. По Соломонѣ царствова сынъ его Ровоамъ. При семъ раздѣлися царство на двое: Жидовское и въ Ерусалимѣ едино, а другое в Самарию. Въ Самарии же царствова Еровамъ, холопъ Соломонь, иже створи двѣ крабьи злати и постави едину въ Вифили 6 на холму, а другую въ Енъданѣ, и рекъ: «се бога твоя, Израилю»; 7 и кланяхуся людие, а бога забыша. Таче въ Ерусалимѣ забывати начаша бога и поклоняхуся Валу, рекшю ратну богу, еже есть Ареи, и забыша бога отець своихъ.

 1 В рукописи от. В К о

 2 В К служении

 3 В К ины

 4 В рукописи начало. Испр. по К

 5 Так, по описке, вместо праздникы; ср. Лавр. лет. и Новг. 4-ю лет.

 6 В рукописи глаголеть; испр. по К

И нача богъ посылати пророкы; пророци же начаша обличати а о 1 безаконья ихъ и о суженѣхъ 2 кумиръ, они же начашапророки избивати, обличаеми от нихъ. И разгнѣ/л.38./вася богъ вельми на Израиля, и рече: «отрину и от себѣ, призову ны 3 люди, иже мене слушаютъ; аще съгрѣшит, не помяну безаконья ихъ». И нача посылати пророкы, глаголя имъ: «прорицаите о отверженьи Жидовьстем и о призываньи странъ». Первое же нача 4 пророчествовати Осеи, глаголя: «преставлю дарство дому Израилеву, скрушу лукъ Израилевъ, и не приложю пакы помиловати дому Израилева, но отмѣтаа, отверъгу ихъ», глаголетъ господь, «и будеть блудяще въ языцех». Иеремия же рече: «аще станеть Самуилъ и Моисеи, не помилую ихъ». Пакы тои же Еремиа рече: «тако глаголетъ господь богъ: се кляхуся именемъ моимъ великим въ устѣхъ моих, аще гдѣ будетъ отселѣ имя мое именуемъ въ устѣхъ Июдеискихъ». Иезекѣиль рече: «тако глаголить господь Аданаи: разсѣю вы, вся осътанкы твоя въ вся вѣтры, зане святаа моя оскве/л.38об./рнисте всѣми негодовании твоими; азъ же тя отрину и не имам тя помиловати пакы же». Малахиа рече: «тако глаголетъ господь: уже нѣсть ми хотѣнья у васъ, понеже от востокъ и до запада имя мое прославися въ языцехъ, и на всякомъ мѣсте принесетеся кадила имени моему и жертва чиста, зане велие имя мое въ языцехъ. Сего ради дамъ вы на поносъ и на пришельстьвие въ вся языкы». Исаиа же великии глаголеть: «тако глаголеть господь: простру руку свою на тя, истлю тя, разсѣю вы, пакы не приведуть тя». И пакы то же глаголеть: «възненавидѣхъ праведъникы 5 ваша и начатокъ мѣсяць вашихъ, и суботъ вашихъ не прииму». Пророкъ же Самуилъ рече: «слышите слово господне: азъ приемлю на вы плачь, домъ Израилевъ падеся и не приложи въстати». Малахии же рече: «тако глаголеть господь: пошлю на вы клятву и прокляну благословление ваше, /л.39./ и разорю, и не будет въ васъ». И много пророчествоваша о отверженьи их. Сим же пророкомъ повеле богъ пророчесътвовати о призваньи иныхъ странъ в нихъ мѣсто. И нача звати Исаиа, тако глаголя: 6 «яко законъ от мене изыдеть, и судъ мои и свѣтъВперёдм. Приближается скоро правда моя, изыдетъ, и на мышцю мою страны уповаютъ». Еремиа рече: «тако глаголетъ господь: положю дому Июдину завѣтъ мои новъ. Дая законы в разумѣньа ихъ, и на сердца ихъ напишю, и буду имъ богъ, и ти будутъ мнѣ людие». Исаиа рече: «ветхаа мимоидоша, и новаа възвѣщю, преже възвещениа явлено бысть вамъ.

 1 В рукописи работающи

 2 В рукописи глаголя; испр. по К

 3 В рукописи имъ; испр. по К

 4  4 Так в рукописи; в К сли и

 5 В К не мног

 6 Слог ка написан над строкоіі

 7 В квадратных скобках из К

 8 Так в рукописи

Поите богу пѣснь нову. Работающим 1 ми прѣзоветца имя ново, еже благословится по всеи земли; домъ мои домъ молитвѣ призовется всѣмъ языкомъ». Тои же Исаиа глаголеть 2 «открыет господь мышцю свою святую пред всѣми языкы, узрят /л.39об./ вси конци земъля спасение бога нашего». Давыдъ же: «хвалите господа вси языци, похвалите его вси людие». Таце же богу възлюбивьшу новы люди, рекъ: «имамъ 3 снити к нимъ самъ, явитися человѣком плотию, пострадати за Адамово преступленье». И начаша пророчествовати о воплощеньи божии. Первое Давыдъ, глаголя: «рече господь господеви моему: сяди одѣсную мене, дондѣже положю враги твоа подножию ногама твоима». И пакы: «господь рече ко мнѣ: сынъ мои еси ты, азъ днѣсь родихъ тя». Исаиа рече: «не сеи 4 ли 4 вѣстник, но сам богъ пришед спасет ны». И пакы: «яко дѣтище родися нам, емуже начало бысть на рамѣ его, призовѣться велика свѣта ангелъ, и велика власть его, и миру его нѣсть предѣла и конца». Пакы: «се дѣва а въ чреве приимет и родит, и нарекут имя ему Еммануил». Михѣи рече: «Вифлиоме, домъ Ефрантов, егда немоглъ 5 еси быти в тысущах Июдовах; ис тебѣ бо изыде старѣищина быти въ Израили, исходи 8 его от днии вѣка. 6 Сего ради дасться, до времени рожающиа родит, и прочии /л.40./ [от братия его] 7 обратятся на сыны Израилевы». Иеремиа рече: «се богъ нашь, не вьменится инъ к нему. Изобрете всякъ путь художества и дастъ Иакову, отроку своему. По сих же на земли явися, съ человѣкы поживе». И пакы: «человѣкъ есть; кто увѣсть, яко богъ есть; и яко человѣкъ умираетъ». Захареи рече: «послушаа сына моего. [и не] 7 услышю ихъ, глаголеть господь». Осеи рече: «тако глаголетъ господь: плоть моя от нихъ». Прорекоша же и страсть его, ркуще, якоже рече Исаия: «о, лютѣ [души] 7 их; понеже съвѣтъ золъ свѣщаша, ркуще: свяжемъ правѣдника». И пакы то же рече: «тако глаголетъ господь: азъ ни съпротивлюся, ни глаголю противу, и лица своего не отвратихъ от стыденья и заплеваниа». Иеремиа рече: «приидѣте, вложимъ древо в хлѣбъ его, истребимъ от земля животъ его». Моисии рече о распятьи его: «узрите животъ вашь висяще прямо очима»/л.40об./. Давыдъ же рече: «въскую шаташася языци». Исаия рече: «яко овча на заколение ведено бысть». Ездра же рече: «благословенъ богъ, распростеръ руцѣ свои, и спасъ Иерусалима». О въскресеньи же его ркоша, Давыдъ же рече: «въстани, боже, суди земли, яко ты наслѣди въ всѣхъВперёдхъ». И пакы: «въста яко спя господь». И пакы: «да въскреснетъ богъ и разидуться врази его». И пакы: «въскресни, господи боже мои, да възнесется рука твоя». Исаия рече: «сходяща вВперёд, сѣнь смертную, свѣт въсиа на вы». Захария рече: «и ты въ кровѣ завѣта твоего испустил еси ужики своя ото рва, не имуща воды».

 1 В рукописи торпѣво; испр. по К

 2 В квадратных скобках — из К

 3 В Новг. 4-й иноплемениика

 4 В рукописи еми

 5 В рукописи сеего

 6 В квадратных скобках — из К

 7 В квадратных скобках — из Т

 8 В тексте описка прозрѣти. Испр. по К

Много пророчествоваше о немъ, еже збысться о немъ все. Рече Володимеръ: «то в кое время збыстья все; и было ли есть се; егда ли то пѣрво 1 хочетъ быти». Онъ же отвѣщав, рече ему, яко уже преже збыстъся все, егда въплотися. Якоже бо преже реко/л.41./хомъ, Жидомъ пророкы избивающимъ и царемъ ихъ законъ преступающимъ, предастъ [я] 2 богъ в расхищение, и въ пленъ введени быша въ Асурию грѣхъ ради ихъ, работаша тамо лѣтъ седмъдесятъ, и посемъ възвратишася на землю свою; не бѣ у нихъ царя, архиереи обладаютъ ими до Ирода иноплеменник, 3 иже облада ими. 4 В сего 5 же власть, в лѣто пять тысящ пятьсотное посланъ бысть Гаврил к дѣвици Марии в Назарефъ, от колена Давыдова, рещи еи: «радуися, обрадованная, господь с тобою». И от слова сего зачатъ Слово божие въ утробе, и роди сына, и нарекоша имя ему Исусъ. И волхвы приидоша от востока, глаголюще: «гдѣ есть царь Жидовескъ; видѣхомъ звѣзду его на въстоцѣ, приидохомъ поклонитися ему». Услышавъше Иродъ, смятеся, и весь Иерусалимъ с ним. И призва книжьникы и старци людьстии въпрошааше: «гдѣ христосъ /л.41об./ ражается». Они же рѣша: «въ Вифлиомѣ Жидовьстемъ». Ирод же се слышавъ, и посла, рекъ «избеите младенца сущаа дву лѣтъ». Они же, шедше, избиша младенца. Мариа, убояшеся, скры отроча; Иосифъ же с Мариею, поимъ отроча [и бѣжа во Египетъ, и бѣ ту до умертвиа Иродова. Въ Египтѣ же явися аггел Иосифу, глаголя: въстани, поими отрочя] 8 и матерь его, идѣ в землю Иизьраилеву. пришедшу же ему, вселися в Назарефъ. Възрастъшу же ему, бывшю лѣтъ тридесятъ, нача чюдеса творити, проповѣдати царство небесное. Избра 12 ученикы собѣ, нарече [имена], 7 и нача чюдѣса велика творити, и мрътвыя въскрешати, прокаженыа очищати, хромымъ ходити, слѣпымъ прозрѣние 8 творити, и ина многа чюдеса велиа, якоже бѣша пророци прорекли о немъ, глаголюще: «тои недуги наша исцели и болезни подъя».

 1 Последние два слова написаны над строкой

 2 В квадратных скобках — из К

 3 В рукописи гемону и

 4 Можно прочесть выину

 5 В К такоже

 6 В К вместо последних двух слов отместие

И крестися от Иоанна въ Ердани, показаа новымъ людѣмъ обьновление. Крестившюся ему, и се отверзошася чюдеса /л.42./ и небеса, и духъ сходяще зракомъ голубинымъ на нь, 1 глас глаголя: «се есть сынъ мои възлюбленныи, о немже благоизволих». И послаша ученикы своя проповѣдати царство небесное и покаание въ оставление грѣхом. И хотя исполнити пророчество, нача повѣдати, яко подобаетъ сыну человеческому пострадати и расьпяту быти, въ третеи день въсъкреснути. Учащю же ему в церькви, архиерѣи и книжницы исполнишася зависти, искаху убити [и. И] 3 имше вѣдоша к игемону 3 Пилату. Пилатъ же испыта, яко без вины приидоша, хотѣ пустити; они же рѣша ему: «аще сего пустиши, не имаеши быти другъ кесареви». Пилатъ же повеле, да и распнуть. Они же, поимше Исуса, ведоша на мѣсто Краниево, и распяша ту. И бысть тма по всеи земли от шестаго часа до девятого часа, по дѣвятомъ часе испусти духъ Исус. И це /л.42об./ рковнаа запона раздрася на двое, и мертвии въста мнози, имже повеле в раи ити. Снемше съ креста, положиша въ гробе, и печатми запечатлеша гробъ людие Жидовстии, стражие приставиша, ркуще: «да како украдутъ ученици его». Онъ же в третеи день въскресе; явися ученикомъ, въсъкресъ из мертвых, рекъ имъ: «идѣте въ вся языкы и научите вся языкы и вся страны, крестяща я въ имя Отца и Сына и святого Духа». И пребысть с ними четыредесятъ днеи, являяся имъ по въскресении. Егда исполнися денье четыредесят и повеле имъ ити в гору Елеоньскую. И явився имъ, благослови а, рече имъ: «сядѣте въ граде Иерусалимѣ, дондеже послю вы обѣтование отца моего». И се рекъ, възнесъшася на небо. Они же поклонишася ему, и възвратися въ Иерусалимъ, и бяху в церкви выну. 4 Егда скончашася дние пятдесятъ и сниде /л.43./ духъ святыи на апостолы; и приимше обѣтование святого духа, разидошася поучаще, крестяще водою». Рече же Володимеръ: «что ради от жены родися, на древе распятся, и водою крестися». Онъ же рече ему: «сего ради, понеже исперва родъ человѣческыи женою съгрѣши, дьяволъ прельсти Евгу и Адама, и отпаде рая: какоже 5 богъ отъимет егдаже 6 дая дьяволу [женою первое побѣжение бысть диаволу], 2 женою испаде Адамъ изь рая; от жены же въплотися богъ и повеле ити в раи вѣрнымъ. А еже распяту быти, сего ради от древа вкушьше испаде породы; богъ же сего ради страсть приа на древѣ, древомъ дьяволъ побеженъ будѣт, а [от] 2 древа животънаго приимутъ праведнии.

 1 В К понеже

 2 В рукописи члвкомъ

 3 Слог ди написан над строкой

 4 В рукописи мъ; испр. по К

 5 В квадратных скобках из К

Аже водою обновление: тоже 1 при Нои за умноживъшимся грѣхомъ въ человѣцехъ, и наведѣ богъ потопъ на землю и потопи человѣкы водою; сего ради рече богъ: «понеже /л.43об./ погубихъ человеки грѣхъ ихъ ради, нынѣ же пакы водою очищаютъ грѣси человѣкомъ, 2 объновленьемъ водою»; ибо Жидовьскии родъ в мори очистишася от Египетьского злаго нрава, понеже вода изначала бысть первое; рече: «духъ божии ношаше верху воды, еже нынѣ крестятся духомъ и водою, якоже Гедионъ прообрази, посемъ»: егда придѣ к нему аггелъ, веля ему ити на Мадиамы, онъ же, искушаа, рече богу, положи на гумнѣ руно рекъ: «аще будет суша по всеи земли, а на руне роса». И положи руно; заутра видѣвъ по всеи земли сушю, а на руне роса. И рече: «еще искушаю: аще будѣтъ по всеи земли роса, а на руне суша». И бысть тако. Се же прообрази, яко иностраннии быша суша преже, а Жидови руно; послѣди 3 же наВперёдхъ роса, еже есть святое крещение, /л.44./ на Жидѣхъ суша. Пророци проповѣдаша, яко водою обновление будетъ. Апостоломъ же учащимъ по вселенѣи вѣровати богу, ихъже учение мы, 4 Грѣци приахомъ, и вся вселенная вѣруетъ ученью их. Поставилъ же богъ день единъ, в онъже хощетъ судити живымъ и мертвымъ, сшедъ с небеси, и въздати комуждо по дѣломъ его: правѣдънымъ царство небѣсное и красоту неизреченную и веселие бес конца, и не умирати въ вѣкы; а грѣшникомъ мука огьненаа, червь неусыпающии, тма кромѣшняя, муки не будѣтъ конъца. Сице же будѣтъ мука, иже не вѣруютъ господу нашему Исусу христу. мучими будутъ въ огнѣ, иже не крестятся. И се рекъ, показа ему запону, на неи написано судище господне; и показаша ему одесную праведныя в весельи предъидуща в раи, а ошюю грѣшникомъ /л.44об./ мука вѣчная. Володимѣръ же въздохнувъ, рече: «добро симъ одесную, зло же симъ ошуюю». Онъ же рече: «то аще хощеши одѣсную стати съ правѣдными, то крестися». Володимѣръ же положивъ на сердци своемъ, рекъ «пожду еще мало», хотя испытати о всѣхъ вѣрахъ. Володимеръ же сему дары многы давъ, отпусти и с чесьтию великою. В лѣта шесть тысящъ четырѣста деветьдесятъ пятого. Съзва Володимеръ бояры своя и старци градьския, и рече имъ: «се приходиша ко мнѣ Болгари, ркуще: приими законъ нашь; посемъ приидоша Немци, и тѣ хваляху законъ свои; и по сихъ [приидоша Жидове]. 5 Се же послѣди же приидоша Грѣци, хуляще всѣхъ [законы], 5 свои же законъ хваляще, и много глаголаша, сказающе [отъ начала миру; суть же хытро сказающе] 6 и чюдно слышати ихъ и любо комуждо. И другыи повѣдают свѣтъ /л.45./ быти: аще кто вѣруетъ в нашу вѣру, пакы, умеръ, въстанетъ и не умирати ему въ вѣкы; аще ли въ иныи законъ ступите, то на ономъ свѣтѣ в огни горѣти.

І В К да

 2 Так и в К

 33 В К вразумѣша бывшее

 4 Так в рукописи.

 5 В К храмѣ их

Чада, 1 что ума придасте и что отвѣщаете». И рѣша бояре и старьци: «вѣси, княже, яко своего никъто же хулитъ, но хвалитъ. Аще ли хощеши, то разно испытаи, 2 имаеши у собѣ мужи, пославь, а испытаи ихъ кождо службу и кто и како служатъ богу». И бысть люба речь князю и всѣмъ людемъ. Избраша мужи мудри и смыслѣни числомъ десять и рѣша имъ: «идѣте первое к Болгаромъ, испытаите вѣру ихъ и службу». Они же идоша; и пришедше, видѣша сквѣрная дѣла и кланянье в ропатѣ, и приидоша в землю свою. И рече имъ Володимѣръ: «идѣте пакы к Немъцемъ и изглядаите такоже /л.45об./ вѣру ихъ и службу и оттуду идѣте в Грѣкы». Они же приидоша в Немци, и изглядаша церковь и служебъ ихъ и иссмотрѣша вся извѣстно служебъ ихъ, и приидоша к Царюграду и внидоша к царю. Рече же царь: «испытаите, которые ради вины приидоша». Они же исповѣдаша ему вся бывшаа. Се слышав царь, радъ бысть и честь велику сътвори имъ в тои день. Наутрия же пасла к патриаръху, глаголя сице: «Приидоша Русь пытати вѣры нашея, да пристрои церковныи крилосъ и самъ причинися въ святительские ризы, да видять славу бога нашего». И се слышав патриархъ, повеле съзвати крилосъ, и по обычею створиша празьдникъ, и кадила въжгоша, и пѣнья ликъ съвъставиша. И иде царь с ними в церьковъ, и поставиша ихъ на простъраннѣ мѣсте, показающе имъ церьковную красо/л.46./ту, пѣнья, службы архиереискы, предстоянье дьяконьска, и сказающе с-луженья бога своего. Они же в разумнѣ 3 быша, 3 и удивишася, но хвалиша ученье ихъ и служение. Призва я царь Василеи и Ксстянтинъ, ркоша: «идѣта в землю ваю». 4 И отпустиша а здравы с великою честию. Они же приидоша в землю свою. И съзва князь бояры своя и старьци. И рече Володимеръ: «се приидоша мужи, посланнии нами, да слышимъ от нихъ бывьшее». И рече имъ: «скажите предъ дружиною». Они же ркоша, яко «преходихомъ первие к Болгаромъ и смотрѣхомъ, како ся кланяютъ в ропатѣ, стояще без пояса, и, поклонився, сядѣтъ и глядитъ сѣмо и овамо, аки бѣшен, нѣсть веселья у нихъ, но печаль и съмрадъ великъ; нѣсть добръ законъ ихъ. И приидохом же в Немци и видѣхомъ в храмѣхъ 5 службу /л.46об./ творяща, а красоты не видѣхомъ никоея же. Приидохомъ же в Грѣки, вѣдоша ны, идѣже служатъ богу своему; и не вѣси мы, на небеси ли или на земли есмя были, нѣсть бо на земли того вида ли и красоты тоя, недоумѣемъ сказати; то вѣмы токмо, и отинудъ богъ съ человѣкы пребываетъ; служба ихъ паче всѣхъ странъ. Мы убо не можемъ забыти красоты тоя; всякъ бо человѣкъ, аще вкуситъ сладка, послѣди горко не приимет; тако и мы не имамъ здѣ жити». Отвѣщавъ бояре, ркоша: «аще бы лихъ законъ грѣческии, то не бы баба твоа приала Олга, яже бѣ мудреиши всѣхъ человѣкъ». Отвѣща же Володимеръ, рече: «то гдѣ крещение приимемъ». Они же рѣша: «гдѣ ти любо». И минувшю лѣту.


 1 В рукописи лимѣли

 2 В рукописи ношахо

 3 В рукописи водою и; испр. по К

 4 В рукописи городи

 5 Над строкой буква с под дугой.

 6 В рукописи поста

В лѣта шесть тысящь четыреста деветьдесятъ шестаго. Идѣ Володимѣръ с вои на Ко/л.47./рсунь градъ грѣчесхъ; затворишася корсуняне въ градѣ. И ста Володимеръ об онъ полъ града во лимѣни, 1 вдалѣ града единого стрелища. И боряху крѣпко гражанѣ; Володимѣръ же объстояше град. Изнемогаху людие въ градѣ; и рече Володимѣръ ко гражаномъ: «аще ся не вдадите, иму стояти здѣ за три лѣта». Они же не послушаша его. Володимеръ же изряди воя своя, и повеле сыпати приспу къ граду. Сим же сыплющимъ, коръсуняне подкопаша стену градъную, крадяху сыплемую перость и ношаху 2 собѣ въ градъ, сыплюще посредѣ града; вои же пересыпаху; Володимѣръ же стояше. И се мужъ корсунянинъ стрѣли, именемъ Настасъ, и писавъ сице на стреле: «кладязи же суть за тобою от востока, от того вода идетъ по трубе; копавъ, переими». Володимеръ же се /л.47об./ слышавъ, възревъ на небо, рече: «аще ся збудетъ, имам ся креститися». Ту абие повеле копати преки трубамъ и переняша воду; и людие изнемогоша водною 3 жаждею, и предашеся; и внидѣ Володимѣръ въ град и дружина его. И посла Володимеръ, рекъ царема Василью и Костянтину, глаголя сице: «се град 4 ваю славны взяхъ; слышю же се, яко сестру имаета дѣвою, да аще ея не дасте за мя, се сътворю граду вашему, яко и сему сътворихъ». Се слышавше царя, печална быста; въздаста весть Володимеру, сице глаголюще: «недостоитъ крестьяномъ за поганыя даяти: аще ли ся крестиши, то царство небесное получиши и сие приимеши, и с нами единовѣрникъ будеши; аще ли сего не хощеши створити, не можемъ дати сестры своея за тя». Се слышевъ Володимеръ, рече посланнымъ от царя: «глаголита 5 царема /л.48./ тако: яко крещюся, яко испытахъ преже днии сих законъ вашь, есть ми любъ, и вѣра ваша и служение, еже ми повѣдаша посланнии нами мужи». Се слышавъ царя, ради быста и молиста сестру свою, именемъ Анну, и посласта 6 к Володимеру, глаголюще: «крестися, тогда послѣве тобѣ сестру свою». И рече Володимеръ: «да пришедъ съ сестрою вашею и крестятъ мя ти». И послушаста царя и посласта сестру свою и сановникы нѣкиа, прозвитеры. Она же не хотяше ити: «яко в поганыя, и рече, не иду: луче бы ми здѣ умрети». И рѣша еи братия: «егда како тобою обратитъ богъ Русьскую землю в покаание, а Грѣчеськую землю изъбавиши от люты работы; видѣша бо, колко зла Русь створиша Грѣком; и нынѣ аще не идѣши, тоже имуть створити намъ». И одва ю принудиша. Она же, вседши в кубару, и цело/л.48об./ вавъши ужики своя с плачемъ, и поеде чрезъ море. И яко придѣ к Коръсуню, излѣзоша коръсуняне с поклономъ и ведоша ю въ градъ и посадиша ю в полатѣ. По божью же строю в се врѣмя разъболѣся Володимеръ очима, и не видяше ничтоже, и тужаше вельми, и не домысьляшеся, что створити. И посьла к нему царица, сице ркущи: «аще хошеши изъбыти болѣзьни сѣя, то въсхорѣ кресьтися; аще ли ни, то не имаши изъбыти сего». Се слышавъ Володимѣръ, рече: «да аще сеВперёдбудѣтъ, то по истиньнѣ великъ богъ крестьянескъ». И повеле крестити ся. Епископъ коръсуньскии и с полы, огъласивъ, кресьти Володимера.

 1 Букеы пр заклеены.

 2 В К исцѣление

 3 В К вѣруи

 44 Приписано на полях внизу листа тем же почерком, но более светлими чернилами.

 5 Буква м частично соскоблена; можно прочесть мыслена

 66 Приписано тем же почерком, но более светлыми чернилами.

 7 В К и вина

Яко възъложи на нь руку, абие прозърѣ. Видѣвъ же Володимѣръ сие на/л.49./прасное 1 счинение 2 и прослави бога, рекыи: «то перьво увидѣхъ бога истиннаго». Се же видѣвъ дружина его, мнози крестишася въ церькви святого Климента. И есть церковъ та стоитъ в Корсуне на мѣстѣ посреди града, идѣже торгъ дѣютъ корсунянѣ; полата же Володимѣря въскраи церкви стоитъ и до сего дни, а царицина за олътаремъ есть и до сего дни. По крещеньи же приведе царицю на браченье. Се же, не вѣдущи право, глаголють, яко крестилъся есть в Киеве, инии же рѣша в Василевѣ, друзии же ина сказающе. Крещену же Володимѣру, и прия вѣру крестьяньскую, глаголюще сице: «да не прельстятъ тебѣ неции от еретик, но вѣрно, 3 сице глаголя: вѣрую въ единого бога Отца, вседръжителя, творца небу и земли, и до конца вѣру сию. И паки вѣрую въ единого Отца не рожена, и 4 въ едина Сына рожена, 4 и въ единъ святыи Духъ исходяще, три собъ/л.49об./ствена, и сверъшена, мыслема, 5 раздѣляема числомъ собъственымъ, събьством, а 6 не божеством; 6 раздѣляет бо ся нераздѣльно и съвокупляется неразмѣсно. Отець бо богъ Отець присно сыи пребываетъ въ отечьствѣ, свѣтъ не роженъ, безначаленъ, начало вына 7 всѣхъ, единемъ нероженемъ старѣи

 1 Приписано над строкой.

 2 В кеадратных скобках — из К

 3 В К же и умьну

 4 В К взалка

 5 В рукописи пропоповѣдаша

 6 В рукописи и; испр. по К

 7 В рукописи преклонше; испр. по К

сыи Сыну и Духови, от него ражаеться Сын преже всѣх вѣкъ, исходитъ же Духъ святыи безъ временѣ и безъ тѣла, и въкупѣ Отець и въкупѣ Сынъ 1 и [вкупѣ] 2 Духъ святыи есть. Сынъ подобенсущенъ и безначаленъ Отцю, роженьемъ точию разнествуя Отцю и Духу; Духъ есть Духъ пресвятыи, Отцю и Сыну подобносущено и присносущено. Отцю бо отечьство, Сыну же сыновъство, святому же Духу исхоженье; ни Отець бо въ Сынъ или въ Духъ преступаетъ, ни Сынъ въ Отца и Духа, и Духъ въ Сынъ или въ Отець; неполвижима бо своиствия. Не трие/л.50./бози, но единъ богъ, понеже едино божество въ трѣхъ лицѣхъ. Хотѣньем же Отець же и Духъ свою спасти тварь, и отечьскихъ ядръ, иже не отступи, сшедъ в девическое ложесно пречистое, аки божие. сѣмя, вшед в плоть в душевну, словесну именует, 3 не преже бывшю приимъ, взыдѣ богъ въплощенъ, родися неизреченно и дѣвство матери съхраньше нетлѣнно, не смятенье, ни размѣшенье, [ни измѣнениа] 2 пострадавъ, но пребывъ еже бѣ, бысть и еже не бѣ, приимъ рабии зракъ истиною, не мечтаньемъ, всячецкы, развѣе грѣха подобенъ намъ бывъ. Волею бо родися, волею бо заклася, 4 волею вжада, волею трудися, волею устрашися, волею умъре, истиною, а не мѣчтаниемъ; вся естественыа не оклеветанны страсти человѣчества. Распятся и смерьти вкуси безъгрѣшныи, въскресъ въ своя плоти. не видѣвше истълѣниа, на небеса взыде /л.50об./ и седе одѣсную Отца; и приидѣ пакы съ славою судити живым и мертвьтмъ; яже взыдѣ съ своею плотью, тако и снидѣ. К симъ едино крещение исповѣдаю, водою и духомъ исъповѣяаю. Приступаю къ пречистымъ таинамъ, вѣрую въВперёдтѣло и кровъ. Приемлю церковнаа предания, и кланяюся честнымъ иконамъ. кланяюся древу честному кресту и святымъ мощемъ и святымъ съсудом. Вѣрую же сѣми съборъ святыхъотець, иже бысть первыи в Никѣи триста и осмънадѣсят, иже прокляша Арьа и проповѣдаша 5 вѣру непорочную и правую; вторыи же съборъ в Костянтинѣградѣ святых отець и сто и осмъ, иже 6 прокляша Макидонья духоборца и проповѣдаша троицю единосущную; третеи же въ Ефесе святых отець двѣсте на Нестория, егоже прокленше, 7 и проповѣдаше святую богородицю; четве/л.51./ртыи в Халкидонѣ, святыхъ отець щестьсотъ и тридѣсятъ на Евтухиа и на Диоскора, еюже прокляша святии отци и възьгласивше сверъшена бога, и свершена человѣка господа нашего Исуса христа; пятыи съборъ въ Цариграде святых отець стошестьдесат и пять

 1 В К Аргенова

 2 В К приимаи же

 3 В К легъши

 4 В квадратных скобках — из К

 5 В К тако

 6 В К аще

 7 В рукописи отт

 8 В К Домиинъ

 9 В К Политьянъ

 1010 в К съ иныни

на Агренова 1 преданья, на Евагрия, ихъже прокляша святии отци; шестои съборъ в Царѣградѣ святыхъ отець сто и семъдѣсятъ на Сергия и Кура, ихъже прокляша святии отци; седмый съборъ в Никѣи святыхъ отець триста и пятьдесятъ прокляша, иже не покланяются иконамъ. Ни приимаютъ 2 ученья у Латынъ, ихъже ученье разъвращено: влѣзше в церковъ, не покланяются иконамъ, но стоя поклонится, и, поклонивъся, написает крестъ на земли и целуетъ, и ставъ простъ, станет на немъ ногама, да его 3 целуетъ, а вставъ попираетъ. А сего апостоли не проповѣдаша; /л.51об./ предали бо суть крестъ апостоли поставленъ целовати, иконы предаша. Лука бо еваньгилистъ первое посла в Рим написавъ и, якоже глаголеть Василеи: икона [на]  4 первыи образъ приходитъ. Пакы же и землю глаголютъ матерью. Да аще имъ есть земля мати, то отець имъ есть небо: искони створи богъ небо и землю. То како 5 глаголють: оче нашь, иже еси на небесѣхъ. Еще 6 ли по сихъ, разуму, земля [есть] 4 мати: то почто плюютъ на матерь свою, да симъ ю лобзают, а симъ ю оскверьняютъ. Сего же Римлянѣ преже не твиряху, но исправляху на всѣхъ зборѣхъ, сходяще от Рима, от всѣхъ престолъ. На первомъ съборѣ, еже на Арья в Никѣи, от Рима, приде Селивестръ, посла прозвитеры и епископы, от Олександриа Офанасеи, а от Царяграда Митрофанъ посла епископы от себѣ; и тако исправливаху вѣру. На втором же зборѣ: от Рима Димасъ, /л.52./ а от 7 Олександриа Тимофии, от Антиохиа Мелетии и Кирилъ Ерусалимъскии, и Григореи Богословець. На третьем же [сборе]: 4 Келестинъ Римъскии, Григореи Богословець, Кюрилъ Алексанъдриискии, Увеналеи Еросолимъскои. На четвертомъ же: Леонътеи Римъскии, Аноталеи Царяграда, Увеналеи Еросолимъскии. На пятомъ же зборе Римскии Велѣгнѣи, Евтухии Царяграда, Аполинареи Еросолимъскыи, Деменътеи 8 Антиохиискыи. На шестомъ съборѣ: от Рима Огафон, Георгии Царяграда, Феофанъ Антиохиискыи, ото Олександрия Петръ Мнихъ. На седьмомъ зборѣ: Ондрѣянъ от Рима, Тарасеи Царяграда, Полѣстиян 9 Александриискыи [Феодоритъ Антиохиискыи], 4 Илья Ерусалимъскыи. Сѣ вси, съ своими епископы сходящеся, исправляху. По седьмомъ зборѣ Петръ же Гугнивыи се 10 ины 10 шед в Римъ, престолъ въсхвативъ, и разврати вѣру, и отвергъся престола /л.52об./ еросалимъского

 1 В кеадратных скобках из К

 2 В К съглашение

 33 Так в рукописи.

 4 В рукописи рабоботѣнъ, при этом второй слог бо смазан.

 5 В К аще се

 6 В К цесарицыны

 7 В К свершении

и александрииского и Царяграда [и] 1 анътиохииского. [И] 1 възмутиша Италию всю, сѣюще ученье свое разно. Симъже дръжать не въ едино съгрѣшенье 2 вѣру, но разъно: ови попове, единою женою оженився, служат, а другии, и до семи женъ поимаючи, служат; ина же многа [разно] 1 дръжит, ихже блюдися ученью; и пращает грѣхи на дару, иже есть злѣе всего. Богъ да съхранит тя от сего».

Володимѣръ же посемъ поимъ царицю и Настаса и попы корсуньскиа, с мощми святого Климѣнта и Фифа, ученика его, и поима съсуды церковныя и иконы на благословленье собѣ, и постави церковъ в Коръсуне на горѣ, иже сыпаша среди града, крадуща приспу, яже церкви стоитъ и до сего дни. Взя же, идя, мѣдяни двѣ капици, четырѣ иконы мѣдени, яже и нынѣ стоятъ за святою Богородицею, яко уже не вѣдуще /л.53./ мнять я мраморяны суща. Вдасть же за вѣно в 3 Корсунь 3 град опять царици для, а самъ придѣ к Киеву. Яко придѣ к Киеву, и повеле кумиры испроврещи, и овѣхъ сѣщи, и другиа огневи преда; Перуна же повеле привязати к коневи хвосту и влещи з горы по Биричеву на Ручаи, дванадѣсятъ мужь пристави бити жезлиемъ. Се же не яко древу чюющи, но на поруганье бѣсу, иже прельщаше симъ обьразомъ человѣкы, да възмѣстье и прииметь от человѣкъ. Велии еси, господи, чюдна суть дѣла твоя. Вчера чтимъ от человекъ, днесь поругаемъ. Влекому же ему по Ручаеви къ Днепру, плакахутца его невѣрнии людие, еще бо бяху не приали святого крещенья. И привлекше, вринуша в Днепрь. И пристави Володимѣръ, рекъ: «аще гдѣ пристанетъ, то отреваите от берега, дондѣже проидет пороги, проити 3 охабися 3 его». /л.53об./ Они же повеленое створиша. И яко пустиша, проидѣ сквозѣ порогы, изверже вѣтръ на ринь; и оттолѣ прослыся Перуня рѣнь, яко и до сего дни словеть. Посемъ же Володимѣръ посла по всему граду, глаголя: «аще кто не обрящется на реце, богатъ или убогъ, или нищь, или работѣнъ, 4 противенъ мнѣ будет». И се слышавше людие, с радостью идяше, радующися и глаголюще: «се 5 бы было не добро, не бы сего князь и боярѣ приали». Наутрия же изыдѣ Володимер с попы церковными 6 и корсуньскими на Днѣпръ, й снидеся безчисла людеи, и влѣзоша в воду, стояху иные до шеи, друзии же до перьсеи, младии же от берега, друзии же младѣнца дръжаще, свержене 7 же бродяху, попове же стояще, молитву творяху.

 1 В рукописи ставѣти, но буква ѣ перечеркнута и над строкой теми же чернилами знак ``

 2 В квадратных скобках — из К

 33 В рукописи чадѣти

 4 В рукописи възрадуемя

И бяше видѣти твѣрдость на небеси и на земли, толко же душь спасаемыхъ; а дияволъ стоня, глаголюще: /л.54./ «увы мнѣ, яко отсюду прогонимъ есмъ, здѣ бо мняхъ жилище, яко здѣ не суть ученья апостольска, не суть вѣдуще бога, но веселяхуся о службѣ ихъ, еже служаху мнѣ; и се уже побѣжаемъ есмъ от невегласа, а не от апостолъ, ни от мученикъ, не имамъ уже царствовати въВперёдхъ сих». Крестившемъ же ся людѣмъ, идоша кождо в домы своа. Володимеръ же рад бывъ, яко позна самъ бога и людие его, възревъ на небо, и рече: «боже, створивыи небо и землю, и призри на новыа сиа люди, и даи же имъ, господи, увидѣти тебѣ, истинного бога, якоже увидѣша страны крестьянския; утверди вѣру в нихъ право и несъвратно, и мнѣ помози, господи, на противнаго врага, да, надѣяся на тя и на твою дръжаву, побѣжю козни его». И се рекъ, повелѣ рубити церкви и поставляти по мѣстомъ, идѣже стояше кумири Перунъ и прочии; и постави церковъ святого Василиа /л.54об./ на холму, идѣже стояша кумири Перунъ и прочии идоли, идѣже требы творя князь и людие. И нача ставѣти 1 и по градомъ церкви и попы, и людие на крещение приводя по всѣмъ градом и по селамъ. Пославъ [нача отъимати] 2 у нарочити чадѣ 3 дѣти, 3 даяти на учение книжное; матери же чад сихъ плакахуся по нихъ, еще бо не бяху утвердилися вѣрою, но аки по мертвецахъ плакахуся. Сим же раздаяномъ на учение книжное, сбысться пророчество на Рускои земли, глаголющее: «въ оны дни услышать глусии словеса книжная, яснъ будетъ языкъ гугнивыхъ». Яко не быша преди слышали словесъ книжныхъ: но по божью строю и по милости своеи помиловавы богъ, якоже рече пророкъ: «помилую, его аще хощю помилую»; помилова ны паки банею бытьа и обновленьемъ духа, по изволенью божию, а не по наших дѣлехъ. Благословенъ господь /л.55./ Исусъ христос, иже възлюби новыя люди, Рускую землю просвѣти крещеньемъ святымъ. Тѣмже и мы припадаемъ к нему, глаголюще: господи, Исусе христе, что ти въздамъ о всѣх, яже въздасть ты, грѣшникомъ намъ сущимъ. Недоумѣемъ противу даромъ твоим въздание. Велии еси, господи, чюдна дѣла твоа суть, величестьву твоему нѣсть конца; в родъ и род въсхвалимъ дѣла твоя, ркуще съ Давыдом: «придѣте, възрадуемся 4 господеви, въскликнемъ богу спасу нашему, варимъ лице его исповѣданиемъ, исповѣдающися ему, яко благъ, яко в вѣкы милостъ его; яко избавил ны есть от врагъ наших», ркуще от идолъ суетныхъ.

 1 В рукописи благовѣстит, причем последнее т выносное

 2 В кеадратных скобках — из К

 3 В рукописи възвѣстит, причем последнее т выносное

 4 В К просвѣщеня

 5 В К въскроплю

 6 В рукописи грѣкъ

 7 В К не

 8 В К тъи

 9 В рукописи крестихом, причем буква м над строкой.

 1010 В рукогіиси въстахъ

 11 В К приближение

 12 В рукописи Давыдовъ

 13 В К от

И пакы речемъ съ Давыдомъ: «въспоите господеви пѣснь нову, въспоите господеви вся земьля; въспоите господеви, благословите имя его, благовѣстите 1 день [отъ дни] 2 спасенья его; възвѣстите 3 въ языцех славу его, и въ всѣхъ людехъ чюдѣса его; яко велии господь, хвалѣнъ зѣло, и ве/л.55об./личеству его нѣсть конца». Колико радости, ни единъ, ни два спасается. Рече бо господь, яко «радость бываетъ о единомъ грѣшнице кающемся»; се же ни единъ, ни два, но бесчисленое многое множество къ богу приступиша святымъ крещениемъ просвѣщеньемъ. 4 Якоже пророкъ рече: «вскоръблю 5 на вы воду чисту, и очиститеся от идолъ вашихъ и от грѣхъ 6 вашихъ». И пакы другыи пророк рече: «кто яко богъ отъемля грѣхы и приступаа в 7 правду; яко хотяи милостивъ есть; то 8 обратит и ущедритъ ны и погрузитъ грѣхы наша въ глубине». Ибо Павелъ глаголетъ: «братья, елико насъ крестися въ христос Исусъ, въ смерть его крестихомся 9 и погрѣбохомся убо с нимъ крещеньемъ въ смерть; да якоже въста 10 христос 10 от мертвыхъ славою отчею, якоже и мы въ обновленье житья поидем». И пакы: «вѣтхаа мимоидоша, се быша новыя; кынѣ намъ приближися /л.56./ спасение; нощь успе, а день приближися; имъже приближися 11 обрѣтохомъ вѣру благодать сию, имъже хвалимся и стоимъ. Нынѣ же свобожьшися от грѣха, поработившеся господеви, имаетъ плодъ вашь въ священие; тѣмже долъжьни есмя работати господеви радующеся», Рече бо Давыдъ: 12 «работаите господеви съ страхомъ, и радуитеся ему с трепетомъ». Мы же възопиемъ къ владыце богу нашему, глаголюще: благословенъ господь, иже не дастъ нас в ловитъву зубомъ ихъ. Сѣть скрушися, и мы избавлени быхомъ от прельсти дьяволя. И погибе память ихъ с шумом; и господь в вѣкы пребываетъ хвалимъ о 13 рускихъ сыновѣхъ, пѣваемъ в троицы, а дѣмони проклинаемъ от вѣрныхъ человѣкъ и от говеиныхъ женъ, иже приаша святое крещение суть и покаание въ отпущение грѣхомъ, новыи людие, крестьяне /л.56об./ избраннии богом.

Володимѣръ же просвѣщенъ самъ и сыновѣ его; дванадѣсятъ имена их: перьвыи Вышеславъ, вторыи Изяславъ, третеи Святополкъ, четьвертыи Ярославъ, пятыи Всеволодъ, шестыи Святославъ, седьмыи Мстиславь, осмыи Борисъ, девятыи Глѣбъ, десятыи Станиславъ, первыинадесятъ Позвиздъ, вторыинадѣсятъ Судиславъ.

 1 УголВперёдцы в рукописи заклеен.

 2 Часть буквы заклеена.

 3 Буква д над строкой.

И посади Вышеслава в Новѣгородѣ, 1 Изяслава в Полотьскѣ, а Святополка в Туровѣ, а Ярослава в Ростове. Умеръшу же стареишему Вышеславу в Новѣгородѣ, и посади Ярослава в Новѣгородѣ, а Бориса в Ростове, в Муромѣ Глѣба, Святослава в Деревехъ, Всеволода в Володимѣре, Мстиславъ в Тмутораканѣ. И рече Володимѣръ: «не добро есть мало городовъ около Киева», и нача ставити го/л.57./роды по Дѣсьѣ и по Вострѣ и по Трубежю и по Сулѣ и по Стругнѣ, и нача порубати мужи лутшии от Словенъ и Кривичь и от Чюдеи и от Вятичь, от всѣхъ градъ; бѣ бо рать от Печенегъ; и бѣ бьяся с ними и одоляа имъ.

В лѣта шесть тысящь четырѣста деветьдесятъ седмаго. Крѣстися Володимеръ и вся земля Руская. И поставиша в Киеве митрополита, а Новугороду архиепископа, а по инымъ городомъ епископы и попы и дьяконы; и бысть радость всюду. И приидѣ Новугороду Акимъ архиепископъ Коръсунянинъ, и требища раздруши, и Перуна посече, и повеле волочи Волховомъ, поверзавше оужи, волочаху по калу, бьюще жезьлиемъ; и заповѣда никомуже нигдѣже не приати. Идѣ пидьблянинъ рано на реку, хотя горонци вести в гсродъ; оли Перунъ приплы ко берви, /л.57об./ и отрину и шесътомъ: «ты, рече, Перушиче, досыть еси гшлъ и елъ, а нынѣ поплови прочь»; и плы съ свѣта окошное.

В лѣта шесть тысящь четыреста деветьдесятъ осьмаго.

В лѣта шесть тысящь чѣтыреста деветьдесятъ девятого. Посемъ же Володимеру живущу в законѣ крестьяньстѣмъ помысли създати церьковъ святыя Богородица; и пославъ, приведе мастеры от Грѣкъ. И наченшю ж 1 ему ставити, и яко сконча церковъ, и украси ю 2 честными иконами, и поручивъ ю иерею Настасу Корсунянину; епископы корсуньския пристави служити; и вда ту все, еже бѣ в Корсуни взялъ: иконы и съсуды и кресты.

В лѣта шесть тысящь пятьсотъное. Володимѣръ заложи градъ Бѣлъгородъ, и наруби въ нь градъ, и много людеи сведе в онь: и бѣ любя градъ тои. /л.58./

В лѣта шесть тысящь пятьсотъ перваго. Идѣ Володимеръ на Хоръваты.

В лѣта шесть тысящь пятьсотъ втораго.

В лѣта шесть тысящь пятьсотъ третьяго.

В лѣта шесть тысещь пятьсотъ четверътаго. Володимѣръ видѣ церковъ свершену, и вшедъ в ню, помолися, глаголя: «господи боже, призри с небеси, и виждь. 3 Посѣти винограда своего; сверши, еже насади десница твоя, новыя люди своя, имъже обратилъ еси сердце в разумъ познати тебѣ бога истиннаго. Призри на церковъ сию, юже създахъ недостоиныи рабъ твои во имя рожешиа тя матере приснодѣвыя Мария. Да аще кто помолится въ церкви сеи, то услыши молитву его и отпусти и грѣхи его, молитвы ради пресвятыя». Помоливъшюся ему, рекъ сице: «се даю святеи Богородици сеи от именья моего и от градъ моихъ десятую часть». Положивъ, написавъ клятву /л.58об./ въ церкви сеи, рекъ: «аще кто посудитъ сего, да будѣтъ проклятъ». И вдастъ десятину Настасу Корсунянину. И створи праздникъ великъ в тои дейь бояромъ и старцем градьскымъ, и убогымъ раздая имѣнья многа.

 1 Буква и заклеена.

 2 В рукописи отбѣшася

 3 Слог ши над строкой.

 4 Слог ва над строкой.

По сихъ же приидоша Печенези к Василеву, и Володимеръ изыде противу имъ с малою дружиною; и съступившимся, не може Володимеръ стерпѣти 1 противу имъ, подъбѣгъ, ста подъ мостъ, едъва ся укры от противныхъ. Тогда обѣшася 2 Володимѣръ поставити церковъ Василеве святого Преображенья господня, егда се бысть сѣча. Избывъ же Володимеръ сего, постави же Володимеръ церковъ, и творяше праздникъ вельми великъ: триста берковъскъ меду. Съзва бояры своя и старѣишины 3 своа и посадникы своа /л.59./ по всѣмъ градомъ своимъ, разъдаваше триста гривенъ. убогимъ. И празноваше князь въсьмъ днеи, и възъвращашеся к Киеву на Успение святыя богородица, и ту пакы праздникъ творяше свѣтелъ, съзваше бесьчисленое множество народъ. Видяшет же люди крестьяны суща, радовашед же ся душею и тѣломъ. И тако по вся лѣта творяше. Бѣ бо любя словеса книжная. Слыша бо единою евангилие чтомо: «блажени милостиви, яко тѣ помиловани будуть»; и пакы: «продаите имѣнья ваша и дадите нищимъ; не скрываите собѣ скровища на земли, идѣже тля тлить и татие крадуть и подъкопаваютъ», 4 слыша Давыда, глаголюще: «блаженъ мужь милуя и дая». Соломона же слыша, глаголюща:. «даа нищему богудаетъ взаемъ». Се слышавъ, повеле всяку нищу и убогу/л.59об./ приходити на дворъ княжь и взимати всяку потребу, питье и еденье и от скотниць кунами. Усътрои же и се, рекъ, яко «немощнии и больнии не могуть долѣсти двора моего»; и повеле пристроити кола, накладъше хлѣбъ, и мясъ, и рыбъ, овощь различныхъ, медовъ в бочькахъ, а в другихъ квасъ, и возити по граду, въпрошати нищихъ, болныхъ, не могуще ходити; тѣмъ разьдаваху на потребу. И се же пакы творяше людемъ своимъ: по вся недели устави пиръ творити на дворе гридници, и приходити бояромъ и гридемъ и соцкымъ и десяцкымъ и нарочитыя мужа, при князи же и без князя. Бывающи на обѣдѣ томъ множество от скота мясъ, и от звѣрины бяше изобило всего. Егда же подпивахуся, начаша. роптати на кня/л.60./зя, глаголюще: «зло есть, намъ ясти древеными лжицами, а не сребреными». И се слышавъ Володимѣръ, повеле исковати лжицы сребърены ясти дружинѣ, сице рекъ, яко «сребромъ и златомъ налѣсти не имамъ дружине, а дружиною налѣзу злато и сребро, якоже дѣдъ мои и отець мои доискашеся злата и сребра дружиною». Бѣ бо Володимѣръ любя дружину, и с ними думая о строеньи земнемъ и о ратѣхъ и о уставѣхъ земнихъ.

 1 В К с

 2 В рукописи въмѣ Лядьцким

 3 В К Андрѣхломъ

 44 Так е рукописи.

 5 В рукопаси развѣе богови; испр. по К

 6 В рукописи володиръ

Бѣ бо живя съ князи околними его миромъ, се 1 Болеславам Лядьцким, 2 съ Степаномъ Угорьскимъ, съ Адрихломъ 3 Ческымъ; и бѣ миръ межи ими и любви. Живяше Володимѣръ въ 4Вперёдхъ 4 и въ страсе божиц, умножшися разбоевѣ, 5 рѣша епископи Володимѣру: «умножишася разбоиници; почто не казниши.» Он же рече: «боюся грѣха». /л.60об./ Они же рѣша ему: «то поставленъ еси от бога на казьнь злымъ, а на милованье добрым; достоитъ ти казнити разъбоиника, съ исьпытаньемъ». Володимѣръ же отвергъ вѣры, нача казнити разбоиникы. И рѣша старци и епископи: «рать многа, а еже вѣра, то на оружье и на конѣхъ буди». Рече Володимѣръ: «тако буди.» И живяше Володимѣръ по усътрою божию и дѣдню и отечьню.

В лѣта шесть тысещь пятьсотъ пятого.

В лѣта шесть тысещь пятьсотъ шестаго.

В лѣта шесть тысещь пятьсотъ седьмаго.

В лѣта шесть тысещь пятьсоть осьмаго. Преставися Малъфридъ. В тоже лѣто преставися Рогнѣдь, мати Ярославъля,

В лѣта шесть тысещь пятьсотъ девятого. Преставися Изяславъ, отець Брячиславль, сынъ Володимиръ. 6

В лѣта шесть тысещь пятьсотъ десятого. /л.61./

В лѣта шесть тысещь пятьсотъ первагонадѣсят. Преставися Всеславъ, сынъ Мьстиславль, внукъ Володимѣръ.

В лѣта шесть тысещь пятьсотъ вторагонадесятъ.

В лѣта шесть тысещь пятьсотъ третьагонадесятъ.

В лѣта шесть тысещь пятьсотъ четвертагонадѣсятъ.

В лѣта шесть тысещь пятьсотъ пятогонадѣсят. Принесени си въ святую Богородицю.

В лѣта шесть тысещь пятьсотъ шестагонадесятъ.

В лѣта шесть тысещь пятьсотъ седьмагонадѣсятъ.

В лѣта шесть тысещь пятьсотъ осмагонадесятъ.

В лѣта шесть тысещь пятьсотъ девятогонадѣсятъ. Преставися раба божиа Анна, царица Володимеря.

 1 В рукописи отчьня с титлом.

 2 В квадратних скобках — из К

 3 В рукописи отчьне с титлом.

В лѣта шесть тысещь пятьсотъ двадесятого.

В лѣта шесть тысещь пятсотъ двадѣсятъ перваго.

В лѣта шесть тысящь пятьсот двадѣсятъ втораго. Ярославу же в Новѣгородѣ уро/л.61об./комъ дающю Кыеву двѣ тысещи гривенъ от града, а тысещю в Новѣгородѣ гривенъ роздаваху; и тако даяху вси князи новгородстии, а Ярославъ сего не даяше Кыеву отцу своему. И рече Володимѣръ: «чистите путь и мосты мостите»; хотяше бо поити на Ярослава, сына своего; но разболѣся.

В лѣта шесть тысящь пятьсот двадесятъ третьяго. Хотящю итти на Ярослава Володимѣру, Ярославъ же посла за море, приведе Варяги, бояся отца своего; но богъ не дастъ дьяволу радости, Володимѣру бо разьболѣвшуся, в сеже время бяшет бо у него Борисъ. И Печенегомъ идущимъ на Русь, посла противу имъ Бориса; а самъ боляшеть вельми, в неиже болѣсти скончася мѣсяца июля в пятыинадесятъ день. Умре на Берестовемъ. И /л.62./ потаиша и: бѣ бо Святополкъ в Киеве. И нощию межи клетеи проимавше мостъ, в ковѣр обертевше, ужи свѣсиша и на землю; възложиша и на санѣ, везоша и поставиша у святѣи Богородици, юже бѣ създалъ самъ. Се же увидѣвъ людие, снидошася бес числа; и плакашеся по немъ боярѣ, акиВперёдка земли ихъ, и убозии, якоВперёдка и кормителя. И вложиша я в коръсьту мороморену, и скуташа тѣло его с плачемъ блаженнаго князя. Се есть новыи Костянътинъ великого Рима, иже крестивься, и людие его крестишася и своя люди крести: тако се створи подобъно ему. Аще бо преже бѣ в поганьствѣ, на скверную похоть желая, но послѣди же прилѣжа к покаянью, якоже апостолъ вѣщаетъ: идѣже умноживъшися грѣхъ, и ту изобилуется /л.62об./ благодать. Аще бо в невежества етера съгрѣшенья быша, послѣди же разъсыпашеся покааньемъ и милостынями, якоже глаголю: «в нем тяВперёд, в томъ тя и сужю». Якоже пророкъ глаголетъ: «живу азъ, Аданаи господь, яко не хощю смерти грѣшникомъ, но обратитися имъ от пути вашего злаго». Мнози бо праведнии творяще по правдѣ, вѣдѣ жизуще погибаютъ, но въздати комуждо противу трудомъ и неизреченною радостию же буди улучити всѣмъ крестьяномъ.

О убьеньи Бориса. Святополъкъ сѣдѣ в Киеве по отци, и съзва кыяны и нача даяти имѣнье имъ; они же приимаху, и бѣ сердце имъ не с нимъ их, яко братья их с Борисомъ бяху. Борису же възъвративъшуся с вои и не обретшу Печенегъ, вѣсть придѣ к нему, яко «отець ти умерлъ». И плакася по отцы, вель/л.63./ми любимъ бѣ отцемъ паче всѣхъ,ВперёдАлтѣ пришед. Рѣша же дружина отечьня: 1 [«се у тебе есть дружина отня] 2 и вои; поиди, сяди в Киеве на столѣ отечьне». 3

 1 В рукописи отчьню с титлом

 2 В кеадратных скобках—из К

 3 В рукописи хотя; испр. по К

 4 Буква н недописана; без поперечной черты

 5 В квадратных скобках — из К

Онъ же рече: «не буди то мнѣ взняти рукы на брата старѣишаго; аще отець мои умре, то сеи ми будет въ отца мѣсто». И се слышавше, разыдошася от него; Борисъ же стояше съ отрокы своими. Святополкъ, иже исполънися безакониа, приимъ Каиновъ смыслъ, посла к Борису, глаголя, яко «с тобою хощю любовъ имѣти, къ отечьню 1 данью придадим ти», а льстя под нимъ, како бы его погубити. Святополъкъ же придѣ нощию к Вышегороду отаи, призва Путшу и вышегородцкыа бояре, и рече имъ: «приаите ми всѣмъ сердцемъ». Рече же ему Путша с вышегородци: «можемъ главы своя сложити за тя». Он же рече имъ: «прияите ми всѣмъ сердцем, /л.63об./ не повѣдающе никомуже, шедше убеите брата моего Бориса». Они же вскорѣ обѣшася ему створите се. О сяковыхъ бо Соломонъ рече: «скоры суть пролити кровъ безъ правды, тѣ бо обѣшаются крови, избирают собѣ злаа; сихъ бо путие суть скончавающих безаконие, и нечестиемъ свою душу отъемлютъ». Посланнии же [приидоша] 2 на Алътѣ нощию, подъступиша близъ, и слышашавъ же [гласъ] 2 блаженнаго Бориса, гююща заутреню: бѣ бо ему вѣсть [уже], 2 яко хотять 3 его погубити. И въставъ нача пѣти глаголя: «слава в вышнихъ богу» и прочая. И кончавъ ексапсалмы и нача пѣти псалтырь, глаголя: «яко обыдоша мя пси мнози и унци тучни и съборъ злобивыхъ осѣде мя. Господи боже мои, на тя уповахъ, и спаси мя, от всѣхъ гонящих мя избави мя». И скончавъ заутренюю /л.64./ и помолися, глаголя, зря на икону на образъ Владычень, глаголя сице: «господи Исусе христе, иже симъ образокъ явися на земли спасениа ради нашего, изволивыи пригвоздити руцѣ на кресте нашихъ ради грѣховъ и приимъ страсть грѣхъ ради наших, тако и менѣ грѣшнаго, сподоби прияти страсть сию; не от противныхъ, но от своего брата; не поставъ ему, господи, в семъ грѣха». И кончавъ молитву, възляже на одре своемъ. И се нападоша на нь, акы дивии звѣрие, около шатра, и насонуша копьи, и прободоша Бориса и слугу его, падшего на немъ. Бяше отрокъ тои Угринъ, именемъ Георгии, егоже князь Борисъ повелику любьляше; бѣ бо възложилъ на него гривну злату велику, в неиже 4 предъ нимъ стоарше. Избиша же ины отрокы Борисовы многы. Георьевы же сему не могсша сняти гривны /л.64об./ вборзѣ с ворота и отсекоша главу его, и тако сняша, послѣди же не обрѣтоша в трупъи телеси его. Бориса же убиша оканнии, ввертѣша в шатѣръ, и възложиша на кола, и повгзоша и и еще дышющу ему. Увидѣвъ се оканныи Святополъкъ, [яко] 5 еще дышеть, и посла два Варяга прикончать его. Онѣма же пришедшима, и видѣша, яко живъ есть еще, единъ ею извлѣкъ мѣчь и пронзѣ и в сердце.

 1 Последняя буква заклеена.

 2 В К блаженыи

 3 Вторая буква и заклеена

 4 Написано над строкой.

И тако скончася 1 божественыи 2 Борисъ, венець приикъ 3 от христа бога, с ликы 1 мученикъ причтеся, с пророкы и апостолы и съ всѣми святыми въдворяяся, Авраму на лоне почивая. И положиша тѣло его, принесше отаи, в Вышегороде, у святого Василья. Оканнии же убиицы приидоша к Святополку. Сице же имена убиицам, законопреступнымъ: Путша, Талець, Еловичь, Ляшко; отець же /л.65./ у нихъ сотона. Сиции бо слуги бѣси бываютъ; бѣси бо на зло посылаются. Аггелъ убо человѣку не сьтворяет зла, но всегда благое мыслить, паче же крестьяномъ помогаетъ и засьтупаетъ от супротивнаго дьявола; а бѣси всегда на зло ловят; понеже видятъ человѣка богомъ почтена, завидяще ему, на злое скоро слѣми суть. Рече бо богъ: кто идѣтъ прельстить Ахава; и рече бѣсъ: се азъ иду. Тако же и злыи человѣкъ, тщится на злое, не хужее есть бѣса; бѣси бо бога боятся; а злыи человѣкъ ни бога боится, ни человекъ стыдится; бѣси бо креста боятся: а зълыи человѣчъ и креста не боится.

О убьении же Глѣбове. Святополкъ же оканныи помысли в себѣ, рекъ: «се убихъ Бориса; како убью Глѣба». И приимъ промыслъ Каиновъ, посла с лестью къ Глѣбу, глаголя сице: «поиди вборзѣ, отець тя /л.65об./ зовѣть, нездравить вельми». Глѣбъ же вборъзѣ вседъ на конь, в малѣ дружине поидѣ: бѣ бо послушливъ отцю. И пришедшу ему на Волгу на поли, подчеся конь в ровѣ, и наломи ногы мало. И придѣ к Смоленьску и поидѣ от Смолѣньска зримо. ИВперёдмядыни в кораблеци. В се же время пришла бѣ вѣсть къ Ярославу от Предиславѣ сестрѣ его о отечнѣ смерти. И посла Ярославъ къ 1 Глѣбу, глаголя: «не ходи, отець ти умерлъ, а братъ убьенъ от Святополка». Се же слышавъ Глѣбъ, возопи съ слѣзами, плакася по отци, паче же и по брате. И начатъ молитися съ слѣзами, глаголя: «увы мнѣ, господи; луче бы ми умрѣти с братомъ, нежели жити въ свѣте семъ. Аще бо быхомъ видѣлъ, брате, лице твое аггельское, умеръ быхъ с тобою. Нынѣ же что створю, азъ умилѣныи, /л.66./ учюженыи от твоея доброты. Нынѣ же что ради остахъ азъ единъ, гдѣ суть словѣса твоя, яже ми глагола, брате мои любимыи. Нынѣ убо уже не усълышю тихаго твоего наказаньа, да аще еси получилъ дръзновение у бога, молися богу о мнѣ, да и азъ туже смерть бых приялъ. Луче бо ми с тобою умърети, нежели въ свѣте семъ прелѣстнемъ жити». Сице ему молящюся съ слѣзами, стенющи и плачющи и въздыхающю, и часто бога призывающю, а се внезапу приидоша посланнии от Святополка злыя слугы на погубление Глѣба. Святыи же Глѣбъ ехаше в кораблеци, и срѣтоша и усть рѣки Смядыни; тогда оканнии оступиша в 4 кораблѣхъ и яша;

 11 Написано с выносным знаком на полях тем же почерком и тема же чернилами.

 2 В рукописи необреженьи

 3 В квадратных скобках — из К

корабль Глѣбовъ и 1 обножиша оружьа. 1 Отроци же Глѣбови уныша. Оканнии же послании Горясѣръ повѣле вборзѣ зарѣзати Глѣба. Поваръ же Глѣбовъ, /л.66об./ именемъ Туръчинъ, вынятъ ножъ и зареза Глѣба мѣсяца сентябьриа въ пятыинадѣсятъ день. И принесе ся яко агнець непороченъ на жертву богу въ воню благоухания, жертва словесная, и прият венець от бога и вьшедъ въ небесныя обители, и узре желаемаго брата своего, и радовашеся с нимъ неизреченною радостию. И прияста венца нетлѣнныя, иже улучиста братолюбиемъ своимъ. Се коль добро и коль красно, еже жити братье вкупѣ. Оканнии же убиици възвратишася въспять, якоже рече Давыдъ: «да възвратятся грѣшници въ адъ». Онѣм же пришедшимъ и повѣдаша имъ Святополку, яко «створихом повеление тобою». Онъ же, слышавъ се, рад бысть, и възнесеся сердце его болма, а не вѣдыи пророка Давыда, глаголюща: «что ся хвалиши о злобѣ силнѣи, безаконие весь день, неправду /л.67./ умксли языкъ твои». Глѣбу же убъену бывъшу и повѣржену на березе межю двѣма колодома. И сему святому лежащю долго время и не оста в неведении и в небреженьи 2 пребыти отъинудъ, но показа ся овогда столпъ огненъ, овогда свѣща горяща въ дни и в нощи; иногда пѣнья ангельскаа слышаху мимоходящии гостие; инии же ловы дѣюще и скоты пасуще. Се же слышавше и видяще, не бысть памяти ни единому ихъ о взысканьи телеси святаго: ясно бо явися, яко въ Смолѣньски убьенъ, но не вѣдяху, гдѣ положенъ. Тогда помянуша свѣтъ яко видѣша и свѣща в пустыни. И то слышавъше, послаша искати телеси святого съ честными кресты. Налѣзоша, идѣже [бяху видѣли. И привезъше и, и положиша его в Вышегородѣ, идеже] 3 лѣжитъ тѣло брата его Бориса, якоже бѣ лѣпо и честно съ псалмы и пѣсньми. Съвокупльна тѣлома /л.67об./ а душею у владыцѣ всѣхъ царя пребывающе в радости бесхонечнеи въ свѣте неизреченнемъ, подающе целебныя дары Рускои земли, и инѣмъ приходящимъ страннымъ с вѣрою даета исцѣление: хромымъ ходити, слѣпымъ прозрѣние, болящимъ исцеление, окованымъ разрѣшение, темьницамъ отверъзение, печалнымъ утѣха, напастнымъ избавлѣние. Наста заступление Рускиа земли, свѣтилника сияюща и молящеся всегда къ владыцѣ о своихъ людѣх. Тѣм же и мы должни есмя похвалити достоино страстотрьпца христова: радуитася небеснаа жителя, въ плоти аггела быша, единомышленыя служителя, верста единообразна и святымъ единодушьна. Радуися, Борисе и Глѣбе богомудрая, яко потока точита от кладязя воды животныя, исцелѣниа исте/л.68./каютъ вѣрнымъ людѣмъ. Радуитеся, лукаваго змиа поправше, свѣтозарънаа явистася свѣтила озаряюще землю Руськую, всегда и тьму отгоняюще, явлься вѣрою неуклонною. Радуися, брата, вкупѣ в мѣстехъ свѣтозарныхъ, в селехъ небесныхъ, въ славе неуведающеи, еяже по достоянию сподобистася. Радуитеся, свѣтлаа звѣзда, заутра въсходящи. Но христолюбивая брата страстотерпцаВперёдка наша, покорити поганыя под нозѣ княземъ нашимъ, молящеся о нѣхъ къ владыцѣ христу богу нашему мирнѣ пребывати, в совокупьлении и въ здравии, избавляющихъ от усобныа рати, от пронырьства дьяволя, сподобита же и насъ, чтущихъ ваю честное торъжество, въ вся вѣкы до скончанья.

 1 Далее три четеерти первого столбца и столбец ето.рой л. 69, а также л. 69 об. оставлены чистыми.

 2 Слог ко написан над строкой.

О убьеньи Святославли. Святополкъ же оканныи, уби Святослава /л.68об./ в горѣ Угорьстеи, бѣжащю ему въ Угры. Начатъ же помышьляти, яко «избью всю братью свою, и прииму власть Рускую единъ»; се помыслиша высокоумиемъ своимъ, а не вѣдыи, богъ даетъ власть, емуже хощетъ; поставляетъ царя и князя вышьшии, емуже хощетъ, богъ дасть. Аще бо коя земля управится пред богомъ, поставляетъ еи царя или князя праведна, любяше судъ и правду, и властеля устрояетъ и судью, правяще судъ. Аще бо князи суть праведни бываютъ в земли, то многа отдаются съгрѣшеньа, аще ли зли и лукави бываютъ, то болшее зло наводитъ бог на землю ту, понеже то есть глава земли. Тако бо Исаия рече: «съгрѣшиша от главы и до ногу, иже есть от царя и до простыхъ людеи»; лютѣ бо граду тому, в нем же князь /л.69./ юнъ, любяи вино пити с гусьльми и с младыми съвѣтникы, сяковыя даетъ богъ за грѣхы, а старыя отъемлетъ. Якоже Исаия... 1


Назад    Оглавление    Вперёд


 
Ко входу в Библиотеку Якова Кротова