ПРИЛОЖЕНИЕ ТРЕТЬЕ
Троицкий список новгородской первой летописи

Так называемый Троицкий список Новгородской первой летописи находится в рукописи, состоящей из 1÷76÷1 листов размером в лист (28 х 19). Рукопись хранится в Рукоп. отд. Библиотеки им. Ленина в Москве под № МДА 69. Текст списка и других памятников, входящих в состав рукописи, писан ок. 60-х годов XVI в. в два столбца полууставом, подражающим древнему уставу ¹. Водяной знак — маленькая сфера, над сферой лилия, под сферой изображение сердца (Лихачев, № 3439—1564 г., Briguet, № 14029—1563 г.). На первом чистом листе (при переплете) написано: «№ 85» и карандашом: «для вар. Нест. № 23». На первом листе вверху, почерком XVII в.: «глава ...» (числовая буква неясна; частью заклеена при реставрации). Таким образом, возможно, что в ХVII в. рукопись входила в состав обширного сборника и была извлечена из него поздяее. Далее почерком XIX в.: «№ 3010». Справа на полях почерком второй Іюловины XVIII в. библиотекаря Троице-Сергиевой лавры: «лѣтописець Российского княжения по описи 1767 года № 1». Ниже, другими чернилами, почерком XVI I или начала XIX в.: «от Кия до убиения Святополком Бориса и Глѣба... (несколько слов неразборчиво)... кзк видно продолжен был далѣе»; и вверху листа, в правом углу, теми же чернилами: «№ 57». ВнизуВперёдолях почерком начала XIX в.: «отъ Кия до убиения Святополкомъ Бориса и Глѣба съ приобщениемъ привиллегии для ц. св. Ивана, что на Петрятинѣ дворищѣ и родословия руских князей, оканчивающ. Дмитр. Донскимъ. Лѣтопись оканчивается убиениемъ Святослава, слѣд. съ 854—1016».

Переплет кожаный, начала XIX в. (на переплетлых листах отчетливо видно изображение цифры «1800»).

СОСТАВ РУКОПИСИ

Л. 1—69. Фрагмент летописного текста, близкого по составу к Ком., Акад. и Толст. спискам Новгородской первой летописи, кончающийся похвалой Борису и Глебу и рассказом об убиении Святослава.

Нач. «Лѣтописець Рускиа земля. Временникъ, еже нарицается лѣтописецъ князеи роуских и землямъ роускимъ»... Кон. на л. 69 «... и с младыми съвѣтникы, сяковыя даетъ богъ за грѣхы, а старыя отъемлетъ, якоже Исаия»... (фраза не дописана). Л. 69 об. чистый.

Л. 70—73. Устав князя Всеволода. Нач. «Се азъ князь великии Гаврилъ...» Кон. «...боудѣтъ имъ тма и съблазнь и казнь божия».

Л. 73 об. чистый.

Л. 74. Родословие русских князей, Нач. «(Ас)е роды роускихъ (к)нязеи...» Кон. «тои бо Дмитрии съвѣщася самодръжцемъ, а Дмитреи роди Юрья».

Л. 74 об. чистый.

Л. 75—75 об. Слово Ефрема.

Л. 76. Объяснение числового значения букв.

Л. 76 об. чистый; запись нового времени: «въ рукописи 76 (семьдесят шесть) листовъ».

Как видно из записи библиотекаря Троице-Сергиевой лавры, рукопись принадлежала в ХVIII в. Троице-Сергиевой лавре, но в опись 1795 г., повидимому, не попала, так как отсутствует соответствующая запись. В XVIII и XIX вв. рукопись находилась в библиотеке Троицкой семинарии. Как явствует из Предисловия к тексту Устава князя Всеволода, извлеченному из издаваемой рукописи и напечатанному в «Русских достопамятностях», ч. 1, М., 1815 г. ¹, но подготовленного к печати до 1812 г., рукопись МДА 69 хранилась в то время в Троицкой семинарской библиотеке. После 1815 г. из этой рукописи были переписаны текст летописи, Устав Всеволода и Родословие для Н. П. Румянцева. Эта копия XIX в. описана А. Востоковым в «Описании русских и словенских рукописей Румяниевского Музеума», СПб., 1842 г., под № 247 и хранится в Рукоп. отд. Библиотеки им. Ленина в Москве. В начале XX в. рукопись (МДА 69) находилась в Археографической комиссии.

Летописный текст из рукописи МДА 69 до настоящего времени опубликован не был. Рукописью пользовался в своих исследованиях А. А. ПІахматов (гм. «Разыскания о древних русских летописных сводах», 1908 г., стр. 195, 381; «Повгсть временных лет», т. I, 1916 г., стр. 361—374) и оставил ее краткое описание (см. «Обозрение русских летописных сводов XIV—XVI вв.», стр. 173—175).

Летопись рукописи МДА 69 сохранила в ряде случаев более древние чтения по сравнению с КАТ. В тексте летописи МДА 69, с другой стороны, не мало искажений. В рассказе об убиении Бориса и Глеба текст Троицкого списка отступает от текста КАТ, местами приближаясь к «Повести временных лет». В тексте Троицкого списка полкостью отсутствуют статьи под 989 г. (6497 г.) «о княжении киевьстѣмъ», о новгородских князьях, о митрополитах, новгородгких архиепископах, епископах и посадниках. Язык Троицкого списка ногит явственно выраженные новгородские черты. Текст Троицкого списка подготовлен к печати А. Н. Насоновым и А. А. Зиминым.

ЛѣТОПИСѣЦЬ РУСКИА ЗЕМЛЯ

Временникъ, еже нарицается лѣтописець князеи руских и землямъ рускимъ, како избра богъВперёднашю на послѣднее время, и гради почаша бывати по мѣстомъ, преже Новгородцкая волость, потомъ Киевъская, и о статьи Киева, како въ имя его ² град Римъ и Царьград прозвася во имя его ², и паки Антиохия; и Селевокъ и бысть Селевкия; и паки Александръ, и бысть въ имя его Александрия; и по многим мѣстамъ како прозвани быша гради въ имена царевъ тѣх и князь тѣх: яко ³ в нашеиВперёдѣ званъ бысть град великии Киевъ во имя Кия,

егоже нарицают древле перевозника бывша ¹; инии же, яко ловы дѣяше около града своего. Великъ бо есть промыслъ божии, еже яви в послѣдняя времена: куда же древле погании жряху бѣсомъ на горахъ, туда же нынѣ святаа церькви златоверхие каменозданныя, и манастыреве исполнены черноризцы, /л.1об./ безпрестани славяще бога в молитвахъ, в бдѣниихъ, в посте, въ слѣзах, их же ради молитвъ миръ стоит. Аще бо къ святым сыи прибегнет церквамъ, тѣмъ велику полозу приимет души и тѣлу. Мы же на преднее възвратимся, о началѣ Руские земли и о князех, како откуду быша. Васъ молю, стадо христово, с любовию приклоните ушеса ваша разумно: како быша древнии князи и мужи ихъ, обороняху Рускии земли, и иные страны приимаху под ся; тыи бо князи не збираху многа имѣньа, ни творимых вѣръ ², ни продажь възкладаху ³ на люди; но оже ⁴ будет правая вѣра ², а ту възмя, даяше ² дружине на оружье. ⁵ А дружина его кормяхуся воюючи инии страны и бьющеся: «братие, потягнемъ по своем князи и по Рускои земли». Женяху ⁶: «мало ми е князь же двусотъ гривен». Не кладяху на своя жены золотых обьручии, но хожаху жены их в серебре; и росплодили были землю Рускую. За наше несытовство навелъ богъ на ны поганыя; а и скоти наши и села наша и и/л.2./мѣнья за тѣми суть, а мы злобъ своихъ не останемся. Пишет бо ся: богатество, неправдою збираемо, извѣется. И паки: збираетъ [и не вѣсть, кому сбираетъ] ⁷ я, и паче: луче праведнику малое паче богатьства грѣшных многа. Да отселѣ, братие възлюбленная, останемся от несытъства своего, но доволни буд>т уроки вашими, яко Павелъ пишет: ему же данъ урок, то урохъ; никомуже насилиа творяще, милостынею оцвѣтуще. И все по ряду извѣсто, ⁸ да скажем, от Михаила царя до Олекси, Исакья.

В лѣта шесть тысящ триста шестьдесятъ втораго. Начало земли Рускои. Живяху кождо с родомъ ⁹ своимъ на своихъВперёдх, владѣюща когождо родомъ своимъ. Бяше три брата: единому имя Кии, второму имя Щекъ, третьему Хорив, лыбих ¹⁰ Лыбедь. И сѣдя Кии на горе, идѣже нынѣ увоз Боричевъ, и бѣ с родомъ своим; а братъ его Щокъ на другои горѣ, от него прозвася Щековича; а третеи Хорив, от негоже прозвася Хоривичи. И створша градокъ во имя брата своего старѣишаго, /л.2об./ нарекоша Киевъ. И бяше околъ ихъ лѣсъ, боръ великъ, и бяху ловища звѣрье. И бѣша мужии мудрии и смыслении, нарицахуся Поляне, от нихже суть Киеви Полянѣ и до сего дни, бяху же погани, жруще озеромъ, колодяземъ, рощеньемъ, якоже прочии погании.

В сѣ же времена бысть въ Грѣцех царь, именемъ Михаилъ, и мати его Ерѣна, иже проповѣдаетъ покланяние иконамъ в первую неделю поста. При семъ приидоша Русь на Царырадъ в кораблехъ, бе число корабль двестѣ; шедше ¹ в судѣх, ² много зла ³ створша Грѣхомъ ³ и убииство велико ⁴ крестьяномъ. Царь же ³ с патриархом Фотием ⁵ молбу створи въ церкви святыя богородица Влахерне всю нощь; таци святѣи богородици ризу изнесоша в море, скудъ омочиша; тишинѣ сущи, абие буря въста, и потопляше корабля рускиа, изверже я на брегъ, и въ свояси възвращшися.

По сих лѣтѣх братья си изгибоша, и быша обидимы Древнями, инѣми околними. И наидоша я Козаре на горах сихъ сѣдяща /л.3./ в лѣсѣх, и рѣша: «плати намъ дань». Судама ⁶ вышедше Поляне, и даша от дыма мечь. И несоша Козаре къ князю своему и стареишинамъ своимъ. Князь съзва стареишины своя и рече им: «налѣзохомъ дань нову». Онѣ же рѣша ему: «откуду». Он же рече: «в лѣсѣ на горахъ надъ рѣкою Днѣпрьскою». Они же рѣша: «что суть дали». И показа имъ мечь. И рѣша старци козарчестии: «не добьра дань, княже; мы ся доискахомъ оружьемъ единоя страны, рекше саблями; а сих же оружье обоямо остро, рекоша мѣчи; си имуть на нас имати дань, и на иныхВперёдх». Се збысться все; не от своея воля рекше, от божиа повеленья. Яже при фароонѣ цари египетстем, егда привѣдоша Моисѣя, и рѣша старѣишины фараоня: «се ⁷ хощете смирити ⁷ власть египетскую»; яко и бысть: погибоша Египтяны от Моисия, а первѣе бѣша работающе ⁸ им: та и сѣ первѣе владѣюще, после же сами владѣша, якоже и бысть; владѣют бо Козары князи рускии и до нынешнего дне. Но мы на преднее възьвратимся. По сихъ же/л.3об./ по пратии ⁹ и то приидоста два Варяга, нарекостася князема: единому имя Асколодъ, а другому Диръ; и бѣста княжаща в Киеве, и владѣюща Полянами; и бѣша ратни с Древены и съ Углѣчи.

Въ времена же Киева и Щека и Хорива новгородьстии людие, рекомии Словени и Кривичи, Мере, Словене свою волость имѣли, а Кривичи свою, а Мере свою; когождо своимъ родом владяще; а Чюдь своимъ родомъ; дань даяху Варягомъ от мужа по бѣлки и вѣверици; а иже бяху у нихъ, то насилье ¹ дѣяху Словеномъ, Кривичемъ и Мерямъ и Чюди. И въсташа Словене и Кривичи и Меря и Чюдь на Варяги, изгнаша я за море, и начаша владѣти сами собѣ и городы ставити. И въсташа сами ся воевать, и бысть межю има рать велика и усобица, и всташа город на город, и бѣше в них неправды. И рѣша себѣ: «князя поищемъ, иже бы владѣл нами и рядил ны по праву». Идоша за море к Варягомъ [и ркоша]: ² «земля наша велика и обилна»; и рѣша Вярягомъ /л.4./ «а наряда у насъ нѣт; да поидите к намъ княжити и владѣти нами». И събрашеся ихъ три брата с роды своими, и пояша с собою дружину многу и прииде к Новугороду. И сѣде старѣишеи в Новѣгороде, бѣ имя ему Рюрикъ; а другои сѣде на Бѣлѣозере, Сѣнеусъ; а третеи въ Изборскѣ, имя ему Труворъ. И от тѣхъ Варяг, находникъ тѣхъ, прозвашася Русь, и от тѣхъ словетъ Руская Земля. И суть новгородстии людие до днешняго дни от рода Варяжска.

По двою ³ же лѣту умре Синеусъ и братъ его Труворъ, и приа власть едину Рюрикъ, обою брату, и нача владѣти единъ. И роди сынъ, нарече имя ему Игорь. И възьрастъшуже Игорю, и бысть храбръ и мудръ. И бысть у него воевода, именемъ Ольгъ, мужъ мудръ и храберъ. Начаста воевати, налѣзоста Днепръ реку и Смоленескъ город. И оттуда поидоста внизъ по Днѣпру, и приидоста к горам Киевьскимъ, и узреста городъ Киевъ, сущь ⁴ спыталъ,  ⁴ кто в немъ княжит; /л.4об./ и рѣша: «два брата, Асколъ и Диръ». Игорь же и Олгъ творящеся мимоидуща, потаистася в лодьяхъ, с малою дружиною излѣзоста на берегъ под Угорьскими, творящеся гостьми, и съзваста Асколда и Диря. Слѣзшима же има, выскакаша прочии воини из лодии, Игоревы, на берегъ. И рече Игорь ко Асколъду: «нѣста князя, ни роду княжа; но азъ есмь князь, и мнѣ достоит княжити». И убиша Асколда и Диря. И несоша на гору, погребоша Асколда на горе, еже ся нынѣ Угорьское нарицает, идеже есть дворъ Олома, на тои могилѣ постави Олома церковъ святого Николу; а Дирѣва могила за святою Ериною. И сѣде Игорь княжа в Киеве; и бѣша у него мужи Варяжи, Словени, и оттоле прочии прозвашася Русью. Се же Игоръ нача городы ставити, устави и дани Словеном и Варягом даяти, Кривичем и Мерямъ дань даати Варягомъ, а от Новагорода гривенъ триста на лѣто мира дѣля, еже не даютъ. И приведе /л.5./ жену от Пьскова, именемъ Олгу, и бѣ мудра и смыслена, от неяже родися сынъ Святославль. По сихъ же.

В лѣта шесть тысящь четырѣста двадесят осьмаго. Посла вои на Грѣки Игорь Рускии до десяти тысящь. Приплыша къ Царюграду, много зла створиша Русь: Судъ бо весь пожгоша огнемъ; а их же имъше плѣни, ових ростинаху, иныхъ же ко земле посекаху, другиа же поставляюще стрѣлами стрѣляху; елико же ратнии творят, изломяще опаки руки связающе, гвозды железны посреди головы вбивающа; многи церкви огневи предаша. Бысть же Романъ тогда царь. Посла Роман патракиа Феодора, Феофана с вои на Русь, и огненымъ строемъ пожже корабля Руския. Възвратишася из Руси въ своясы в томже лѣте препочиша и другое, на третьее идоша.

В лѣта шесть тысящь четырѣста двадесят девятого. Игорь и Олгъ присьстроиста воя многа, и Варягы и Поляны и Словенѣ /л.5об./ и Кривичи, и корабьля много бесчислении. ¹

В лѣта шесть тысящь четырѣста тридесятого. Идѣ Олгъ на Грѣкы, прииде къ Царюградуки Грѣци замксша Судъ, а град затвориша. И влѣзъ, и повеле изврещи корабля на берегъ, и повоева около града; и многа убииства створиша Грѣкомъ, и разбиша многы полаты и церкви. Повеле Олгъ воемъ своимъ колеса ставити, издѣлати и вставити корабля на колеса. И бывшю покосну вѣтру воспяша три, ² и с поля идоша ко граду. И увидѣвше же, убояшася Грѣци и рѣша, выславше ко Олгеви: «не погубляи града; имемся по дань, якоже хощеши». И устави Олгъ воя; и внесоша ему брашна и вино; и не приа его, бѣ устроено съ отравою И убояшася Грѣци, и рѣша: «нѣсть се Олгъ, но святыи Дмитреи, посланъ от бога на ны». И заповѣда Олгъ дань даяти на сто корабль, по двенадѣсят гривны на человѣка, а в корабле по четырѣдесят мужь; сам же/л.6./ взя злато и паволоки, и възложи дань, юже дань дають и доселѣ княземъ рускимъ. И рече Олгъ: «шиите три ² паволоци Руси, а Словѣном кропинны»; и бысть тако. Повѣси же щитъ свои въ вратѣхъ, показаа побѣду; и поиде от Царяграда. И въспяша Русь поволоци тыя, а Словенѣ кропьнныя; и разьдра вѣтръ кропинныа. И рѣша Словени: «имемся своихъ толстинахъ; не даны суть Словеном». Придѣ Олгь Киеву и ко Игорю, несыи злато и паволоки и вѣно и овощь. И прозваша Олга вѣщии; и бяху людие погани и невегласси. ³ Идѣ Олгъ к Новугороду, и оттуда в Ладогу. Друзии же сказают, яко идуще ему за море, и уклюну змия в ногу, и с того умре; есть могила его в Ладозѣ.

Игорь же сѣдяше в Киевѣ княжа, и воюа на Древяны и на Углечи. И бѣ у него воевода Свенелдъ, и премучи Углеци и възложи на нь дань, и вдасть Свенелду. И не вдадяшетца единъ град, именемъ Пресиченъ.

И седѣ околъ его три лѣта, едва взя. И бѣша сѣдяще Угличи /л.6об./ по Днепру внизъ, и посемъ приидоша бо ¹ и ² Днѣстръ ² и сѣдоша тамо. И дастъ же дань Деревьскую Свенелъду, имаше по черьне куне от дыма. И рѣша дружина Игореви: «се далъ еси единому мужеви много». Посемъ скажемъ в прикьлючившихся лѣтѣх сихъ.

В лѣта шесть тысящь четырѣста тридесять перваго.

В лѣта шесть тысящь четыреста тридѣсят втораго.

В лѣта шесть тысящь четыреста тридесят третьаго.

В лѣта шесть тысещь четыреста тридесятъ четвертаго.

В лѣта шесть тысящь четыреста тридесятъ пятого.

В лѣта шееть тысещь четырѣста тридесят шестаго. ,

В лѣта шесть тысящь четырѣста тридесят седьмаго.

В лѣта шесть тысещь четыреста тридѣсятъ осмаго.

В лѣта шесть тысящь четырѣста тридесят девятого.

В лѣта шесть тысящь четыреста четыредесятого.

В лѣта шесть тысящь четыреста четыредесятъ перваго.

В лѣта шесть тысящь четыреста четыредесятъ втораго.

В лѣта шесть тысящь четыреста четырѣдесятъ третьаго.

В лѣта шесть тысещь четырѣста четыредесят четвертаго.

В лѣта шесть тысящь четыреста четыредесятъ пятого.

В лѣта шесть тысящь четыреста четыредесятъ шзстаго.

В лѣта шесть тысящь четыреста четыредесятъ седмаго.

В лѣта шесть тысящь четыреста четыредѣсятъ осмаго [940]. Въ ³ се лѣто яшася Угличи по дань Игорю, и Пересиченъ взятъ бысть. В се же лѣто дастъ дань на них Свенелду.

В лѣто шесть тысящь четыреста четыредесят девятого.

В лѣта шесть тысящь четыреста пятьдесятого. Вдасть дань Деревьскую Свенелду тому же.

В лѣта шесть тысящь четырѣста пяддесятъ перваго.

В лѣта шесть тысящь четырѣста пяддесятъ втораго.

В лѣта шесть тысещь четырѣста пяддесятъ третьаго. В то же лѣто рѣкоша дру/л.7об./жина ко Игореви: «отроци Свенелжи изодѣлися суть оружьем и порты, а мы нази; поиди, княже, с нами на дань: а ты добудеши, и мы». И послуша ихъ Игорь, идѣ в дани и насиляше имъ и мужи его; и возмя дань, и поиде в город свои. Идущю же ему въспять, росмысливъ, рече дружине своеи: «идѣте з данью домои, а азъ възвращюся и похожю еще». Пусти и дружину свою да с малою дружиною възвратися, желая болшаго имѣнья. Слыша Древлени, яко обятъ ⁴ идетъ, здумавши

Древленѣ со князем своимъ Маломъ: «аще ся волкъ во овьци ввадит, то выноситъ все стадо, аще убиют ¹ его; тако и сеи, аще его не убиемъ, то все ны погубит». И послаша к нему, глаголюще сице: «почто идѣши опять; поимавъ си ² всю дань». И слыша Игорь, изыде из града скоро и шед Древлене противу, убиша Древлене Игоря и дружину его: бѣ бо ихъ мало. И погрѣбоша Игоря. Есть могила его у Коростиня града древнихъ /л.8./ и до сего дни. Олга же бяше в Киеве с сыномъ своимъ дѣтьскомъ Святославомъ; и кормилець его Асмудъ; и воевода бѣ Свенилдъ, тот же оче Мъстишенъ. Рѣша же Древлене: «се князя убихомъ руского; поимемъ жену его Олгу за князь свои Малъ, и Святослава, створихомъ ³ ему, якоже хощеш» ⁷. И послаша Древлене лучшаа мужи, числомъ двадесятъ, в лодьи к Олзе; присташа под Биричемъ; бѣ тогда вода текущи подле горы Киевьскиа, на Подолѣ не седяше людие, на горе. Град же бяше Киевъ, идѣже есть нынѣ Гродятинъ, Микифоровъ дворъ; а княжь бяше дворъ въ граде, идѣже есть нынѣ дворъ Воротиславль и Чюденъ; а первое бѣ вне града дворъ другыи, 6ѣ бо терем каменъ бо ту. И повѣдаша Олзѣ, яко Древлене приидоша. И възва я Олга к собѣ; и рече к нимъ: «добре приидоша гостье». И рече Олга: «да глаголеть: что ради приидосте сѣмо.» И рѣша же Древлене: «посланнии ⁷ Деревская земля, ркуще сице: мужа твоего убихомъ бяше бо мужь твои аки /л.8об./ волкъ, въсхищая и грабя; а наши князи добри суть, расъплодили землю нашю, поиди за князя за нашего за Малъ: бѣ бо ему имя Малъ князю нашему». Рече же имъ Олга: «любима ми есть речь ваша. Уже мнѣ мужа своего не въскресити. Но хощю вы почтити наутриа пред людоми своими; а нынѣ идѣте в лодью свою, лязѣте в лодьи възвѣличающися; и азъ о ⁴ утро ⁴ пошлю по вы. И вы же рците: не идемъ, но понесите ны в лодьи; и възнесут ны в лодьи». И отпущю ⁵ я в лодьи. Олга же повеле ископати яму велику и глубоку на дворе теремстем вне града. И заутра Олга, сѣдяще в тереме, посла по гости. И пришед к нимъ, рекоша: «зоветь вы Олга на честь велику». Они же ркоша: «не едемъ на конехъ, ни на возѣхъ, но понесите ны в лодьи». Рѣша же киены: «неволя намъ; князь наш убьен, а княгиня наша хощет за вашь князь». И несоша и в лодьи. Они же сѣдяху в погребех ⁶ великих гордящеся; несоша на день к Олзѣ. И не/л.9./соша вринуша я вь яму с лодьею. И приникши Олга рече имъ: «добра ли вы честь». Они же рѣша: «пуще ны Игоревы сме ти». И повеле засыпати живыя; и посыпаша. И пославъ Олга ко Древеномъ, рече имъ: «аще мя право просите, то пришлите мужи нарочиты, да в велицеи чести поиду за вашь князь, егда не пустят мене людие киевскии».

И се слышавше Древлене, избравъ лутшии мужи, иже дръжаше Деревъскую землю, и послаше по ню. Древленом же пришедшимъ, и повелѣ Олга мовъ створити: «измывшеся, придѣте ко мнѣ». Они же прежгоша избу; и влѣзоша Древлене мытися; и запроша и избу, и повелѣ о них зажещи от дверии, и ту изгорѣша вси. И посла ко Древленом рекущи: «сице уже иду к вамъ; да простре ми меды многи у града, идѣже убисте мужа моего, да плачюся над гробомъ его и сътворю трызну мужеви своему». Они же то слышавше, свезоша медъ многъ зѣло и свариша. Олга же, пои/л.9об./мше мало дружине и лѣхко идущи, придѣ ко гробу его, и плакася по мужии своемъ. И повеле мужемъ своимъ ссыпати могилу велику; и яко ссыпаша, и повеле трызну творити. И посемъ сѣдоша пити Древлене; и повелѣ Олга отрокомъ своимъ служити пред ними. И рѣша Древленѣ ко Олзѣ: «гдѣ суть дружина наша, их же послахомъ по тя». Она же рече имъ: «идуть по мнѣ з дружиною мужа моего». И яко упишася Древленѣ, и повелѣ отрокомъ своимъ пити, наливати, а сама отъиде кромѣ, и повеле дружинѣ сѣчи Древлены, и ссѣкоша их шесть тысящ. А Олга възвратися в Киевъ, пристрои вои на прокъ ихъ.

Начало княженью Святославлю. В лѣта шесть тысещь четыреста пяддесятъ четвертаго. Олга с сыномъ своимъ Святославомъ събра вои многи и храбри, идѣ на Деревскую землю. Изыдоша Древлене противу. И снѣшамася ¹ обѣма полкома на совокупъ, и суну ко/л.10./пъемъ Святославъ на Древлены, и копье летѣ сквозѣ уши коневи: бѣ бо велми дѣтескъ; И рече Свенелдъ и Аисмудъ «князь уже нашо потяглъ; потягнемъ дружина по князи». И побѣдиша Древлены, и възложиша на нь дань тяшку. две части дани Киеву идет, а третьяя Вышегороду ко Олзѣ: бѣ бо Вышегородъ Олзинъ градъ. Иде Олга по Деревьстеи земли с сыномъ своимъ и з дружиною своею, уставьляюще уставы и уроки; и суть становища и ловища. И прииде в град свои в Киевъ с сыномъ своимъ съ Святославом, и пребываше лѣто едино.

В лѣта шесть тысещь четыреста пяддесят пятого. Иде Олга к Новугороду, и устави по Мьстѣ погосты и дань. И ловища ея суть по всеи земли, и знаменье и мѣста по всеи земли, и погости; и сани ея стоятъ въ Пьскове и до сего дни, по Днепру перевесища и села и Десни, ² есть село ея и до сего дни. Възвратися к сыну своему кь Киеву /л.10об./ и пребываше с ним в любви.

В лѣта шесть тысещь четыреста пятьдесят шестаго. В лѣта шесть тысещь четыреста пяддесят седмаго.

В лѣта шесть тысещь четыреста пятьдесятъ осмаго.

В лѣта шесть тысящь четыреста пятьдесят девятого.

В лѣта шесть тысещь четыреста шестьдесятого.

В лѣта шесть тысещь четыреста шестьдесятъ перваго.

В лѣта шесть тысещь четыреста шестьдесят втораго.

В лѣта шесть тысещь четыреста шестьдесят третьяго. Иде Олга въ Грѣки и приде к Царюграду. И бѣ тогда царь именемъ Чемескъ. И прииде Олга ко царю. И видѣвъ ю добру сущу зило лицем и смыслену и удививься царь разуму ея, беседова к неи. И рекъ к неи: «подобна царствовати въ граде семъ с нами». Она же разумевши, рече къ царю: «азъ погана есмъ, да аще мя хощеши, то крести мя самъ». И крести ю царь с патриархом. Просвѣщена же бывши и радо/л.11./вашеся душею и тѣломъ. Поучи ю патриархъ о верѣ, рече еи: «благословлена ты в женах рускихъ, яко остави тму, а свѣтъ възлюби; и благословити бо тя имуть сынове рустии последнеи род внукъ твоихъ». И заповѣда еи о церьковнемъ уставе и о молитвѣ и о постѣ и о милостыни и о въздержаньи тѣла чиста. Она же, поклонивши главу, стояше, аки губа напаяемаа, внимающи ученью; и поклонивъшися патриарху, глаголюще: «молитвами схранена буду, владыко, от сѣти неприазнены». И бѣ имя еи наречено въ крещеньии Елена, яко древняя царица мати великого Костянтина. И благослови ю патриархъ и отпусти ю. И по крещеньи призва ю царь, и рече: «хощю тя пояти женою». И она же рече: «како хощеши мя поняти, крестив мя самъ, нарекии мя дщерь. А во крестьянѣхъ того нету закона, а ты самъ вѣси». И рече царь: «приклюкала мя Олга». И дасть си дары многы: /л.11об./ злато и сребро и паволоки, съсуды розличныа; и отпусти ю, нарекъ дщерь собѣ. Она же, хотящи домовъ, придѣ к патриарху, благословенья просящи на домъ. И рече ему: «людие мои погании сына моего, дабы мя богъ събьлюлъ от сети неприазнены и от всего зла». И рече патриархъ: «чадо вѣрное, въ христа крестилася еси и въ христа облечеся, христосъ имает схранити тя. Якоже съхрани Еноха в первыи род, и потомъ Ноа в ковчезѣ, Аврама от Авимелеха, Лота от содомлянъ, Моисея от фараона, Давыда от Саула, трии отроки от пещи, Данила от звереи, тако и тя избавит от неприазни и от сѣти его». Благослови патриархъ, иде с миром въ свою землю, и приде к Киеву. Се же бысть, яко при Соломоне: приде Ефиопъскаа царица к Соломону, слышати хотящи премудрости Соломоня многи мудрости и видѣ знаменьа; тако си блаженнаа Олга искаше добьрые мудрости божиа; но она человѣчцькаа, а се божиа. Ищю/л.12./ще премудрости обьрящет; премудрость на исходищихъ поется, на путѣх же дръзновение вводит, на краих же стѣнозабранныхъ проповѣдается, въ вратѣхъ градных дръзающи глаголетъ; елико убо лѣт незлобивии дръжатся по правду. И се бо от возраста блаженная Олга искаше мудростью всего в свѣте семъ, налезѣ бисеръ многоценныи, и еже есть христос.

Рече бо Соломонъ. но «желанье благовѣрныхъ наслажаетъ душю», и «приложиши сердце твое в разумъ»; «азъ любящаа любьлю; ищющаа мя обрящютъ». И рече господь: приходящаа ко мнѣ не изжену вон. Се же Олга, приде к Киеву, яже рекохомъ, посла к неи царь Чемскии глаголя: яко [«ты бо ми рекла еси тако:] ¹ аще възвращюся в Русь, многи пришлю ти, ² челядь, воискъ ³ и скору, вои в помощь». И отвѣщавши же Олга и рече к Соломону: «аще ты рци: како же постоиши у мене в Почаине, якоже азъ Суту ⁴, то тогда ти дамъ». И отпусти послы, рекши. Живяше Олга с сыномъ своимъ /л.12об./ Святославомъ, учаше его креститися мати, и небрежаше того ни во ушии влагаше но аще хто хотяше волею креститися, не браняху, но ругахуся тому; «невѣрънымъ бо вѣра крестьяньская уродоство есть; не смыслиша бо, ни разумѣша, въ тмѣ ходяще, не ведять славы господня; одебелеша бо сердца ихъ и ушима бо тяжко слышати и очима видѣти». Рече бо Соломанъ: «дѣлатель нечестивыхъ далече от разума; понеже звахъ вы, не послушасте; и прострохъ словеса, и не внимасте, но отмѣтасте моа съвѣты, и моих же облечении не внимасте: възненавидѣша бо премудрость, а страха божиа не изволиша, ни хотяху моихъ внимати совѣтъ, подражаху моя облеченья». И якоже Олга часто глаголаше: «и азъ, сыну мои, бога познах, радуюся; аще ты познаеши, радоватися начнеши». Онъ же не вънимаше, глаголя: «како азъ хощю инъ законъ приати един, а дружина смѣятися начнуть» /л.13./. Она же рече ему: «аще крестишися, всѣ имуть тоже твэрити». Онъ же не слушаше матери, но творяше нравы поганьские; не вѣдыи, аще кто матери не послушает, в беду впадаетъ, якоже рече: «аще кто отца не слушаетъ или матере, злу смерть приимет». Сеи же х тому гневашется на матерь. Соломон же рече: «кажа злыя прииметъ собѣ досажение, обличаи злых, да възненавидит тя». Обаче любляше Олга сына своего Святослава, ркущи: «воля божиа да будетъ. Аще хощетъ богъ помиловати роду моего и земли Рускои, да възложитъ имъ богъ на сердце обратитися к богу, якоже и мнѣ богъ дарова». И се рекши, моляшется за люди и за сына, повся дни и по вся нощи кормящи сына своего до мужества и до възраста его.

В лѣта шесть тысещь четыреста шестьдесятъ четвертаго.

В лѣта шесть тысещь четырѣста шестьдесятъ пятого.

В лѣта шесть тысещ четыреста шестьдесятъ шестаго. /л.13об./

В лѣта шесть тысящь четыреста шестьдесят седмаго.

В лѣта шесть тысещь четыреста шестьдесятъ осмаго.

В лѣта шесть тысещь четыреста шестьдесятъ девятого.

В лѣта шесть тысещь четыреста седмъдесятого.

В лѣта шесть тысящь четыреста седмъдесят перваго.

В лѣта шесть тысещь четыреста седмъдесятъ втораго. Князю Святославу възрастъшу и възмужавшю, нача вои совокупляти многи и храбри; и бѣ бо самъ храбръ и лѣхко ходя, акы пардусь, воины многи творя ходяше, возъ по собѣ не возяше, ни котла, ни мяса варя, но по тонану ¹ мяса изрѣзавъ, конину или звѣрину, или грядину, на углѣхъ испекъ, ядяше; ни шатра имаше, но подклад постилаше, а седло под голову. Такоже и прочии вои вси бяху его. Послаша коВперёдмъ, глаголя: «хочию ² на вы итти». Идѣ на Оку реку и на Волгу, и налезѣ Вятичи; и рече Вятичамъ: «кому дань /л.14./ даете». Они же рѣша: «Козаром по щилягу от ралъ даемъ имъ».

В лѣта шесть тысещ четырѣста седмъдесят третьяго. Идѣ Святославъ на Козары. Слышавше Козары, изыдоша противу съ княземъ своимъ каганомъ, и съступишася битися, и бысть брань; одолѣ Святославъ Козаров, и град ихъ Бѣлу вежю взя, и Ясы побѣди и Касоги, приведе к Киеву.

В лѣта шесть тысящь четыреста седмъдесятъ четвертаго. Вятчи ³ побѣди Святославъ и дань на нь възложи.

В лѣта шесть тысещь четыреста седмъдесят пятого. Идѣ Святсславъ на Дунаи и на Болгары: и бившимся обоимъ, одоле Святославъ Болгары, и взя городов осмьдѣсятъ по Дунаю, и сѣде княжа ту в Переяславци и емля дань на Грецехъ.

В лѣта шесть тысещь четыреста седмъдесят шестаго. Приидоша Печенези на Рускую землю, а Святославъ бяше в Переяславци; затворися Олга въ градѣ съ внуки своими: Ярополком и Олгомъ и Володимеромъ /л.14об./ въ граде в Киеве. И оступиша Печенези в силѣ тяжце, бесчислѣное множество околъ града; не бѣ лзѣ из града вылѣсти, ни вѣсти послати; изьнемогаху людие гладомъ и жаждею. И брашеся ⁴ людие оноя страны Днепра в лодьяхъ, стояху об онуВперёд: не бѣ лзѣ внити в Киевъ ни единому ихъ, из града к нимъ. Встужиша людие въ граде и рѣша: «нѣсть ли кого, иже бѣ моглъ на онуВперёддоити; аще не приступите утро под град, предатися имамъ Печенегомъ». И рече имъ единъ отрокъ: «азъ преиду». Он же изыде изъ града съ уздою, рѣста сквозѣ Печенези, глаголя: «не видѣсте ли коня никтоже», бѣ бо умѣа Печенески; и мняху свои. Яко приближися к реце, свергя порты, сунувся в Днелръ, и попреди ⁵ же. Видѣвше же Печенези, стремишася на нь, стреляще его, не могоша ему ничтоже зла створити. Они же видѣша со оноя страны, прихожаше в лордьи, и привезоша к дружине.

Рече им: «аще не поступите заутра къ граду, предатися людие имут Печенегомъ». Рече же воевода ихъ именемъ Притичь: «поступимъ заутра в лодьяхъ, и попад же княгиню и княжици, умчимъ на сюВперёдюдеи; аще ли того не створимъ, погубит ны имает Святославъ». И яко бысть заутра, вседше в лодьи, ¹ противу [свѣту] ² в лодьях въструбиша велми трубами, людие въ граде кликну. ³ Печенези же мниша князя пришедша, побѣгоша разно от града. Изыде Олга съ внуки и с людми. Видѣвше се князь Печенежескъ, и възвратися единъ к воеводѣ Притичю, [рче: кто се прииде, и] ³ рече сему: «людие оноя страны». И рече князь Печенежскии: «а ты князь ли еси». Он же рече: «азъ есмъ мужь его, пришолъ есмъ въ стражахъ, а по мнѣ идут вои с княземъ бесчисла множество». Се же рече, грозя имъ. Рече князь Печенескии ко Притичю: «буди ми ты другъ». Он же рече: /л.15об./ «тако буди». И пода руку межи собою; и вда Печенескии князь Притичю конь, саблю, стрѣлы; он же дастъ ему щит и мечь. И отступиша Печенези от града: не бяше лзѣ коня напоити на Лыбеди Печенези. И послаша кыены къ Святославу послы, глаголюще: «ты, княже, чюжеи земли ищеши и блудиши, своеа ся охабивъ; мало бо нас не взяше Печенези, и матери твоеа и дѣтеи твоихъ. Аще не придѣши, не оборониши нас, да паки ны възмут. Аще ли ти не жаль отчины своея и матери, стары сущи, и дѣтеи сущи своих». То слышавъ Святославъ, вборзѣ сущи ³ всѣде на коня с дружиною своею, прииде к Киеву, и целова матерь свою и дѣги своя; сжалися о бывшемъ от Печенегъ; и збра вои, и прогна Печенеги во поле. ⁴ И бысть миръ.

В лѣта шесть тысящь четыреста седмъдесят седмаго. И рече Святославъ к матере своеи и к бояромъ своим: «не любо ми есть здѣ жити в Киевѣ, хочю жити в Переяславци и в Дунаи; яко то есть среда /л.16./ земли моеи, и яко ту вся благаа сходятца: от Грѣкъ паволоки, злато, и вино, и овощевѣ различьнии, еще же из Угоръ сребро и кони, из Руси скора и воскъ и медъ и челядь». И рече ему Олга: «видиши ли мя болну сущу; камо хощеши от мене итти». Бѣ бо разболяся уже; рече ему: «погрѣби мя, идѣ, яможе хощеши». И по трехъ днехъ умре Олга; и плакася по неи сынъ ея и внуци ея и людие и вои плачемъ великымъ; несоша и погрѣбоша ю на мѣсте. И бѣ заповѣдала Олга не творити трызъны над собою: бѣ бо имущи прозвутеры втаине, и тои похорони ю, блаженую Олгу.

Се бысть лредтекущиа крестьяньстеи земли, аки денница пред солнцемъ, аки заря пред свѣтом; ибо сияше, аки луна в нощи: тако се бысть в невѣрныхъ человѣцехъ, свѣтяшеся, акы бисеръ в калѣ; калнѣ бо бѣша грѣхомъ, не омовени крещениемъ ¹ святымъ. Си бо омыя копелью ³ святою и съвлечеся грѣховныя одежа ветхаго человѣка Адама /л.16об./ и в новои Адамъ обьлечеся, еже есть христосъ. Мы же речемъ к неи: радуися, руское познанье к богу; начатокъ примиренью быхомъ. Сѣ первие вниде небесное царство от Руси; сию бо хвалят рустии сыновѣ, аки началницю: ибо по смерти молящеся богу за Русь. Праведныхъ душа не умирают, якоже рече Соломан: «похвала праведному, възвеселятся людие; безсмертна бо есть память его, яко от бога познавается и от человѣкъ». Се бо вси человѣци блажать, видяще лежащю в телеси за многа лѣта. Рече пророкъ: «прославлю прославляющая мя». О сяковех бо Давыдъ глаголеть: «в память вѣчную будет праведникъ, от слуха злаго не убоится, готово сердце его уповати на господа, утвердися сердце его, не подвижеться». Соломон рече: «праведници въ вѣкы живут, от господа мзда имъ и есть устроенье от вышняго; сего ради приимут царствие красоты, венець оть руки господня: яко десницею ² покрыет я и мышцею заступитъ я». Защититель есть господь сию блаженную Олгу от про/л.17./тивника супостата дьявола.

В лѣта шесть тысящь четыреста седмъдесят осмаго. Святославъ посади Ярополха в Киеве, а Олга в Деревехъ. В се же вргмя приидоша людие новгородстии, просяще князя собѣ: «аще не поидет к намъ, то мы налѣземъ собѣ князя». Рече имъ Святославъ: «а бы кто шол к вамъ». И отпроси ³ Ярополка и Олга. И рече Добрыня к новгородцамъ: «просите Володимѣра». Володимеръ бо бѣ от Малуши, ключьници Олзинѣ, сестра жг бѣ Добрыни, отець же 6ѣ има Малко Любчанинъ. И бѣ Добрыня уи Володимеру. И рѣша новгородци Святославу: «даи ны Володимѣра». Онъ же рече: «то вы вѣсте». ³ Пояша новгородци Володимѣра к собѣ; иде Володимеръ з Добрынею, уемъ своимъ, к Новугороду, а Святославъ в Переяславцю.

В лѣта шесть тысещь четыреста седмъдесятъ девятого. Прииде Святославъ к Пергяславцю, и затворишися в ⁴ Болгарѣх ⁴ въ градѣ. И излѣзоша Болгари на сечю про/л.17об./тиву Святославу, и бысть сѣча велика, и одолеша Болгари. И рече Святославъ воемъ своимъ: «уже намъ здѣ пасти; потягнемъ мужески, братие и дружина». И к вечеру одоле Святославъ, и взя град копьемъ, и рече: «се град мои». И посла ко Грѣкомъ, глаголя: «хочю на вы итти и взяти град вашь, яко и сеи.

И рѣша Грѣци: «мы недужи противу вамъ стояти, но възми дань на нас, и скажи дружину свою, колко васъ, и мы дамы по числу на главы наша». ² И се рѣша Грѣци, льстящеся по ¹ Русью: суть бо Грѣци льстивы и до сего дни. И рече Святославъ: «есть нас двадесяг тысящь», только приложи десять тысящь; и бѣ бо Руси десять тысящ. И пристроиша Грѣци сто тысящь на Святослава, и не даша дани. И поиде Святославъ на Грѣки, изыдоша противу Руси. Видевше же Русь, убояшася зѣло множества. И рече имъ. Святославъ: «уже намъ некамо ся дѣти, волею и неволею стати противу; да не посрамимъ земли Ру/л.18./стѣи, но ляжемъ костью ту: мертвии бо срама не имать; ² аще бо побѣгнемъ, то срамъ имамъ, и не имамъ убѣжати, но станемъ крѣпко, и азъ пред вами поиду; аще глава моя ляжетъ, то промыслите о собѣ». И рѣша воини: «гдѣ глава твоя, и ту главы наша сложимъ». Исполчишася Русь, и Грѣци противу, сразистася полка, и оступиша Русь, и бысть сеча велика. И одоле Святославъ, бежаше Грѣци. И поиде Святославъ к городу, воюя и гради розбиваа, иже стоятъ пусти и до нынѣшнего дни. И съзва царь в полату бояры своя, рече им: «что створимъ, яко не можемъ противу ему стати». И рѣша ему бояре: «пошли к нему дары, искусим ы: любезнивъ ли есть злату и паволокамъ». Послаша к нему злато и паволоки и мужа мудра, и рѣша ему: «глядаи взора егои лица его и смысла его». Он же, вземъ дары, к Святославу идѣ. И повѣдаше Святославу, яко приидоша Грѣци с поклономъ. И рече: «приведѣте я /л.18об./ сѣмо». И приидоша, поклонишася ему, положиша пред ним злато и паволокы. И рече Святославъ, кромѣ зря, отроком: «схраните», Они же приидоша к царю. И съзза царь бояры; рѣша же посланнии, яко «приидоша к нему, и не презре на ны и повеле схранити». И рече единъ: «искуси единою еще; посли ему оружие». Они же послаша ему оружие, мечь и принесоша ему. Он же приимъ, нача любити и хвалити царя и целовати. И приидоша опять ко царю, повѣдаше вся бывшая. И рѣша бояре: «лютъ се муж ³ хощет быти, яко имѣнья небрежетъ, а оружье емлетъ; имися по дань». И посла царь, глаголя сице: «не ходи къ граду, возми на нас дань, еже хощеши»; за малым бѣ не дошли Царяграда. И даша ему дань; имашет на убьеныя, глаголя, яко «род его възмѣт», И взя же дары многы, и възвратися в Переяславльцю с похвалою великою. Видѣв же мало дружины своея, и рече к собѣ: «да како прельстивше, избиютъ дружину мою /л.19./ и мене»; бѣша бо мнози избиени на полъку. И рече: «поиду в Русь и приведу дружину»; и поеде в лодьяхъ. Рече ему воевода отечень Свѣндѣлъ: «поидем, княже, около на конех стоят бо Печенези в порозехъ». И не послуша его, поедоша в лодьяхъ Послаша переяславци к Печенегомъ, глаголюще сице: «идѣть вы Святославъ в Русь, вземъ именья много у Грѣк и полонъ бесчисленъ, с малою дружиною». Слышав же Печенези, се заступиша Печенези пороги. И придѣ Святославъ кпорогамъ, и не бѣ лзѣ проити; и ста зимовати в Бѣлобережьи; и бѣ глад великъ: по полугривне голова конячья. Веснѣ же приспѣвши.

Княженье Ярополче. В лѣта шесть тысящь четыреста осмидѣсятого. Поиде Святославъ в порогы, и нападе Кура, князь Печенескыи; и убиша Святослава, и взяша главу его, во лбѣ его здѣлаша чашю ¹ и пьяху в неи. Свендѣл же придѣ к Киеву къ Ярополку; Ярополкъ княжа в Киеве, и воевода у него бѣ Блуд. /л.19об./

В лѣта шесть тысящь четыреста осмидѣсят перваго.

В лѣта шесть тысящь четыреста осмидѣсят втораго.

В лѣта шесть тысящь четыреста осмидѣсятъ третьяго. Ловы дѣюще Свенделцю, именемъ Лутъ, ишед ис Киева, гна по звѣри в лѣсъ, и узрѣ Олгъ, и рѣша: «хто [се есть»; и рѣша:] ² «Свенелдѣць». Изьеха, уби, ³ бѣ бо ловы дѣя Олгъ. И оттоле бысть межю има ненависть Ярополку на Олга, и молвяше всегда Ярополку на Олга Свѣнѣлдець: «поиде на брата своего и прияти власть его», хотя отмѣстити сыну своему.

В лѣта шесть тысящь четыреста осмидесятъ четвертаго. Поидѣ Ярополкъ на Олга, брата своего, на Деревьскую землю; изыдѣ противу Олгъ ему, и вполчистася; и сразившамася полъкома, и побѣди Ярополкъ Олга. И побѣгшю Олгу с вои своими въ град, рекомыи Вручьи, и быша мостъ чрезъ грѣблю къ вратомъ граднымъ; и тѣсьняшеся, другъ друга спихаху с моста /л.20./ в греблю; и спѣхнуша Олга с мосту в дебрь. И падоша людие мнози на нь, и конни и человѣци. Вшед Ярополкъ въ град Олгов, и прия власть его; и поя ⁴ искать брата своего; искавше его, не обрѣтоша. И рече единъ человѣкъ Древленинъ: «азъ видѣхъ вчера, ⁵ яко пехнуша с моста». И посла Ярополкъ искать, и влачиша трупье из грѣбле от утра и до полудни; налѣзоша высподи Олга под трупьем, изресоша, и положиша на коврѣ. И придѣ Ярополкъ над него, и плакашеся, и рече Свенелду: «якоже се ты сего хотяше». Погрѣбоша его на мѣстѣ у града Вручьяхъ, ⁶ есть могила его и до сего дни у Воручего. И приа власть его Ярополкъ. У Ярополка жена Грѣкини бѣ, и бяше была преже черницею, юже бѣ привелъ отець его Святослав, и вда ю за Ярополка красоты ради лица ея. Слышав же се Володимеръ в Новегородѣ, яко уби Ярополкъ брата своего Олга, и, убоявся, побѣже за море. Ярополкъ посади посадники в Новѣгородѣ, и бѣ владея /л.20об./ единъ в Руси.

В лѣта шесть тысящь четыреста осмидѣсять пятого.

В лѣта шесть тысящь четыреста осмидѣсят шестаго.

В лѣта шесть тысящь четыреста осмидѣсят седмаго.

В лѣта шесть тысящь четырѣста осмьдѣсят осмаго. Начало княженья Володимерова. Придѣ Володимѣръ с Варяги к Новугороду, и рече к посадником Ярополчимъ: «идѣте къ брату моему и рците ему: идет Володимеръ на тя, пристроися противу битися». И сѣде в Новегороде, и посла к ¹ Ровоголоду к Полоцку, глаголя: ² «хочю пояти дщерь твою женѣ собѣ». Он же рече дщери своеи: «хощеши ли за Володимѣра». Она же рече: «не хощю розути робичича», но Ярополка хотя. ³ Бѣ бо Рогъволодъ пришед из заморья, имяше власть свою в Полоцкѣ, и Туровы, ⁴ от негоже Турича прозвашеся. И приидоша отроци Володимеровы, и повѣдаша всю речь Рогънѣдины, дщери Рогвэложи, князя Полотьцкого. Воло/л.21./димѣръ же събра воя многи, Варяги, Словени и Чюдь, Кривичи, и поиде на Роговолода. В се же время хотяху Рогнѣду вѣсти за Ярополка. Иде Володимеръ на Полческъ и уби Роговолода и сына два, а дщерь его Рогнеду поя женѣ. И поидѣ на Ярополка. И придѣ Володимеръ к Киеву с вои многими. Не могиа стояти Ярополкъ противу Володимеру, затворися Ярополкъ в Киеве с людьми своими и съ Блудом. Стояше на Дорогожичи Володимеръ, обрывся межи Дорогожичимъ и Капчемъ; и есть ров и до сего дни. Володимеръ же посла ко Блуду воеводѣ Ярополчю, с лестью глаголя: «но прияи ми; аще убью брата своего, любити тя начну въ отца своего мѣсто и многу честь приимѣши от мене: не я почах братью бити, но онъ; аз же того убояхся и приидох на нь». И рече Блудъ к посламъ Володимѣровымъ: «азъ буду тобѣ в сердце и въ приязньство». О злая лѣсть человѣчцькая. Якоже Давыдъ глаголетъ: «ядыи хлѣбъ /л.21об./ мои възвѣличил есть на мя лесть». Сеи убо льстяще на князь свои лестью. И паки: «своимъ льстяху. Суди имъ, боже, да отпадутъ от мыслеи своихъ; по множеству нечестиа их изрини а, яко прогневаша тя, господи». И паки тои же Давыдъ глаголеть: «мужь кровѣ льстивъ не препловят днии своихъ». Се съвѣтъ зол свѣщают на кровопролитье, суть неистовѣ, иже приемше от князя и от господина честь или дары, тѣмъ ⁵ и мыслять о главѣ князя своего на погубленье; горшии бѣсовъ таковии. Яко и Блудъ предасть князя своего, приимъ от него чести многи; сеи бо бысть повиненъ крови тои. Сеи бо Блуд затворися сь Ярополком, слаше к Володимеру, веля ему приступити къ граду братню, ⁶ самъ мысляи убити Ярополка; гражани же бѣ нелзѣ убити его.

Блуд же не възмогъ, како погубити бы, замысли лестою, веля ему не излазити на брань из града. И рече Блудъ Ярополку: «кияне шлются к Володимѣру, глаголюще: приступи къ граду, яко предадим тя ^Б /л.22./ Ярополка; и побѣгьни из града». И посла ¹ его Ярополкъ; избѣгъ, пришед, затворися въ граде Роднѣ ² на усть Росѣ, а Володимеръ вниде в Киевъ. И осѣдаху Ярополка в Роднѣ. И бѣ глад великъ в немъ; и есть притча си и до сего дни: «бѣда [акы] ³ в Родне». И рече Блуд Ярополку: «видиши ли, колкс вои у брата у твоего; намъ ихъ не пребороти; твори миръ с братомъ своимъ»; льстя под нимъ се. [Рече] ⁴ Ярополкъ: «тако буди». И посла Блуд к Володимеру, сице глаголя, яко «збысться мысль твоя, яко приведу к тобѣ Ярополка, пристрои убити». Володимеръ, то слышав, в теремныи вшед дворъ отечень, о немже преже сказахомъ, седѣ ту с вои и зъ дружиною своею. И рече Блуд Ярополку: «поиди к брату своему [и рци ему], ⁴ что ми ни вдаси, то азъ прииму». И поиде Ярополкъ, и рече ему Варяшко: «не ходи, княже, убьют тя, и побегни в Печенеги, и приведѣши воя»; и не слуша и его. И приидѣ Ярополкъ к Володимеру; яко полѣзе въ двери, /л.22об./ подъяста два Варяга мечема под пазусѣ. Блуд же затвори двери и не дастъ по немъ итти своимъ. И тако убьенъ бысть Ярополъкъ. [Варяжько же, видѣвъ, яко убиенъ бысть Ярополкъ] ⁴ бѣжа з двора в Печенеги [и много воева с Печенигы] ⁴ на Володимѣра; едва привади, заходивъ ему ротѣ. Володимеръ же залѣзе жену братню Грекиню, и бѣ непразна, от неяже родися Святополкъ. От грѣховънаго бо коренѣ золъ и ⁵ лютъ ⁵ бывает, понеже была бѣ мати его черницею, а второе Володимеръ залезѣ ю не по браку, любодѣиц убо бысть; тѣмже отець его не любляше; бѣ бо от двою отцю, [от] ⁴ Ярополка и от Володимѣра. Посемъ Варязи рѣша Володимѣру: «се градъ нашь, и мы приахомъ и; да хощем имати окупъ на них, по двѣ гривне от человѣка». И рече имъ Володимѣръ: «пожьдѣте, с жилых ⁶ куны зберут за месец». И жьдаша за мѣсец, не дастъ им. И рѣша Варязи: «сольстил еси нами, да покажи ны путь в Грѣки». Онъ же рече имъ: «идѣте». Избра от нихъ мужи добры и храбры и мудры, роздая им гради; и прочая же идоша к Царюграду /л.23./ в Грѣки. И посла пред ними послы, глаголя сице къ царю: «се идут к тобѣ Варязи, не мози ихъ дръжати въ градѣ, или что створят ти зло въ граде, якоже и здѣ; но росточити я розно, а семо не пущаи ни единого».

И нача княжити Володимеръ в Киевѣ, и постави на холмѣ вне двора теремнаго Перуна древена, а главу серебрену, а усъ златъ, и Хорса и Дажебога и Стриба ¹ и Сеимарекла, Мокош; и жряху имъ, нарицающи богъ, и привожаху сыны своя и дьщери своя, жряху бѣсомъ, и оскверьняху землю требами своими; и ² осквернися кровьми земля Руская, холмъ тъ. Но преблагыи богъ, не хотя смерти грѣшникомъ, на томъ холмѣ церкви святого Василиа есть, якоже послѣди скажемъ. Мы же на преднее възвратимся. Володимеръ же посади Добрыню в Новегороде, уя своего. И пришед Добрыня к Новугороду, постави Перуна кумиру ¹ над рекою Волхова, и жряху ему людие новгородьстии аки богу. Бѣ же Володимеръ побеженъ похотою /л.23об./ женьскою, и бѣ жена ему Володимеру Рогьнѣдь, юже посади на Лыбѣди, идѣже есть нынѣ селище Преславно, от неяже родися четырѣ сыны: Изяслава, Мстислава, Ярослава, Всеволода, и двѣ дщери: от Грѣкини Святополка, а от Чехине Вышеслава, а от другии Святослава, Мьстислава, а от Болгарынѣ Бориса и Глѣба. И наложьниць бѣ у него триста в Вышегородѣ, триста в Белѣгороде, двесте на Бѣрестовем селищи, еже зовут нынѣ Берестовое. И 6ѣ несытъ блуда, и приводи к собѣ мужески жены и дѣзици растляа. Бѣ бо женолюбивъ. Яко у Соломона бѣ бо, рече, женъ семъсот, а наложниць триста. Мудръ же бѣ, а на конець погуби, се бѣ невѣглас, ³ а на конець обрете спасение. «Велии господь, велия крѣпость его; и разуму его нѣсть конца». Зло бо есть женьскаа прелесть, якоже рече Соломонъ, покаявся, о женах: «не внимаи злѣ женѣ, мед бо каплетъ от устъ ея, жены любодѣица въ вре/л.24./мя наслажаетъ твои гортань. Послѣди горчае желчи обряідеши. И прилѣпляющимся еи смерътию въ ад. На пути бо животныа не находят, блудная же теченья, неблагоразумна». Се же рече Соломан о прелюбодѣяньи и прелюбодѣицах. И о добрых женах рече: «[дражьши есть]  ⁴ камени многоцѣнна. Радуется о неи мужь ея. Дѣет бо мужеви своему благо все житие. Обрѣт волну и ленъ, створитъ благопотребная рукама своима. И бысть, яко корабль, куплю дѣющю, издалѣча себѣ збирает богатьство. И въстает от нощи, и дает брашно дому и дѣла рабыням. [Видѣвши] ⁴ си же тяжение, куповаше; от дѣлъ руку своею насадит тяжание. Препоясавши крѣпко чресла своя, и утверди мышци свои на дѣло. И вкуси, яко [добро есть] ⁴ дѣлати, и не угасаетъ свѣтильникъ ея всю нощь. Руце свои простирает на полѣзнаа, локти же [свои утвержаеть на вретено. Руцѣ] * своя отверзе убогому, плод же простре нищимъ.

Не печется о дому своемъ муж еа, егда гдѣ /л.24об./ будет [вси свои одѣни будут]. ¹ Сугуба оденья и створи мужеви своему, очервлена и багрена себѣ одѣнья. Взоренъ бывает въ вратѣх муж еа, егда же аще сядѣт на сонмище съ старци с жители землям. Обоны створи, отдастъ в куплю. И усъта же своя отверзе смыслено, законно, в чинъ молъвит языкомъ своимъ. В крѣпость и в лепоту ся облече. Милостынею же еа въздвигша чада ея, и обогатѣша, муж еа похвалиша ю. Жена бо разумлива, благословена есть, боязнь же господню в сердци имѣетъ да тѣм похвалим. Дати еи от плода устну ея, да похвалит въ вратѣх мужь ея».

В лѣта шесть тысящь четырѣста осьмидесят девятого. Идѣ Володимѣръ к Ляхомъ, и зая грады: Перемышль, Червень ² и иныи грады, идѣже есть под Русью. В сем же лѣте и Вятчи лобѣди, и възложи на нь дань от плуга, якоже отець его имаше.

В лѣта шесть тысящ четыреста девятьдесятого. /л.25./ Заратишася Вятчи; идѣ Володимеръ на ня и побѣди а второе.

В лѣта шесть тысящь четыреста девятьдесятъ перваго. Идѣ Володимеръ на Вятьвягы, ³ и побѣди Вятвяги, ³ и взя землю ихъ. И придѣ к Киеву, и творяще требу кумиромъ с людьми своими. И рѣша старци боярѣ: «мечемъ жребьи о отрокѣ и о дѣвици; на негоже паде, того зарежемъ богом». Бяшет бо Варягъ единъ, и бѣ дворъ его, идѣже есть церкви святыя Богородица, юже създа Володимеръ, бѣ же Варяг тои пришелъ от Грѣк, и дръжаше втаине вѣру крестьяньскую, и бѣ у него сынъ красенъ тѣлом и душею; и на сего падѣ жребии по зависти дьяволѣ. Не трьпяшет бо дьяволъ, власти имыи надо всѣми; а се сь бяшет аки терьнь в сердци. И тщашеся потребити оканныи, наусти люди. И рѣша, пришедше, посланнии к нему, яко «паде жребии на сынъ твои, изволиша бози и собѣ, да створим требу богомъ». И рече/л.25об./ Варягъ: «не суть бози, но древо; днѣсь есть, и утро иже есть, ⁴ бози ни пыот, ни молвят, но суть дѣлани руками в древе секирою и ножемъ; а богъ есть единъ, емуже служатъ Грѣци и кланяются, иже сътворялъ небо и землю и звѣзды, слънъце и луну и человѣка, и далъ ему есть жити на земли. А ваши бози что здѣлаша; а сами дѣлани суть. Не дамъ сына своего бѣсомъ». Они же шедше, повѣдаша, людемъ. Вземше оружие, поидоша на нь и розяша дворъ около его. Онъ же стояше на сѣнѣхъ с сыномъ своимъ. И рѣша ему: «вдаи сына своего, да вдамы ⁵ богомъ». [Он же рече]; ¹ «аще суть бози, то единого себѣ послютъ бога и поимуть сынъ мои, а вы чему требуете и имъ».

Кликнувшимъ ¹ и подсѣкоша сѣни под нима, и тако бо побиша [я]. ² И бяху бо тогда человѣци невѣгласи, погании. И дьяволъ радовашеся тому, не вѣдѣ, яко близъ погибель хотяше быти ему. Тако бо преже тщашеся /л.26./ погубити родъ крестьяньскии, но прогонимъ бяше крестом честнымъ въ иных ³ страны; здѣ же мняше оканныи, яко «здѣ ми есть жилище, здѣ бо [не] ² суть учители и апостоли, и пророки прорицаху», ни видѣ пророка глаголюща: и нареку и не люди моя и люди моя, и о апостолехъ рече: въ всю землю изыдоша вѣщанья ихъ; и в конца вселѣнныа глаголи ихъ. Аще бо тѣлом апостоли не суть были, но ученье их яко трубы гласят по вселѣннеи в церьквехъ, имже учениемъ побѣжаемъ противнаго врага, и попирающе под нозѣ, якоже попраста и сия истинника, приимша венець небесныи съ святыми мученики и с правѣдники.

В лѣта шесть тысящь четыреста деветьдесят втораго. Идѣ Володимеръ на Родьмчи. И бѣ у него воевода Волъчии Хвостъ; и посла предъ собою Володимѣръ Волъчьа Хвоста; и срете и Радьмичи на реце Пещанѣ, и побѣди Волъчи Хвостъ Радимичи. Тѣм Русь корять [Радимичѣ], ² глаголюще: пѣщамичи вольчьа /л.26об./ хвоста бѣгали. Бѣша же Радьмичи от рода Ляховъ; [пришедше] ² ту ся вселися и платять дань Руси, повозъ везут и до сего дни.

В лѣта шесть тысяшь четырѣста деветьдесят третьяго. Идѣ Володимеръ на Болгары з Добьрынею. уемъ своим, в лодьях, а отроки бѣрегомъ приведе на конех: и тако побѣди Болгары. И рече Добрыня к Володимеру: «съглядах колодникъ, и суть вси в сапогахъ; симъ намъ дани не давати; поидеве искать лапотникъ». И створи миръ Володимеръ с Болгары и ротѣ захотѣша ⁴ межи собою. И рѣша Болъгари: «толѣ не будет мира межи нами, елѣ же ⁵ каменье начнетъ плавати, а хмѣль грязнути». И придѣ Володимѣръ к Киеву.